|
الشخص ام مادي والسكن
السلام عليكم
خطبني واحد كل الصفات الحلوه فيه محافظ على الصلاة واخلاقه حلوة:22: . وغير مدخن وجميل .بس وضعه المادي ضعيف يعني راتبه 3000 :(والسكن عند اهله بس غرفتين وحمام :rolleyes: ووضعنا المادي ممتاز جدا والله الحمد يعني مصروفي 1500 شهريا وانا مرتاحة لهالشخص ومقتنعة فيه بس اهلي مااقتنعوا عشان السكن قالوا لي مستحيل تسكنينن مع اهله وانا عمري 27 ومليت من انتظار .. وانا مترددة بالوضع المادي والسكن واخواتي اللي متزوجات كلهن بالسكن لحالهم ووضعهن المادي ممتاز وانا اخاف اتعب نفسيتي ..وانا استخرت كذا مرة واحس مرتاحة لهالشخص نفسه اما المادي مافكرت ابدا ..لكن اهلي اللي فكروا بالمادي . |
خطبني واحد كل الصفات الحلوه فيه محافظ على الصلاة واخلاقه حلوة . وغير مدخن وجميل
.وانا استخرت كذا مرة واحس مرتاحة لهالشخص نفسه اما المادي مافكرت ابدا خلاص مايبيلها كلام اهم شي انتي مقتنعه 00وابد لاتقارني نفسك بأحد وان شاء الله تتحسن احوالكم بعدين قال تعالى {وان خفتم عيله فسوف يغنيكم الله من فضله} والله يسعدكم ويرزقكم من حيث لاتحتسبون |
وافقي عليه بشرط يمشي لك مصروفك من اهلك 1500
عشان تغطي على مصاريفكم |
اقتباس:
طيب وشر ايك بالسكن ؟؟ عادي اسكن مع اهله |
اقتباس:
خلاص اذا تزوجت فاهلي ماتدخل بي ولا اتدخل بهم من ناحيته المصروف |
طيب وشر ايك بالسكن ؟؟ عادي اسكن مع اهله
اذا بمقدوره خذوا بيت صغير على قدكم لكن اذا ظروفه ماتسمح لاتضغطي عليه واسكني عند اهله 00ومن البدايه خلي علاقتك معهم مبنيه على الاحترام ولا تقارني بين عيشتك عندهم وبين عيشتك عند اهلك واول ماتتحسن اوضاعه طالبيه ببيت حتى لو كان صغير اهم شي تستقلون لحالكم00 وربي يوفقكم |
التضحية بالحياة والتعاون هي اللي تبني للطرفين قيمتهم عند بعض ...
بالنسبة للسكن عند أهله ، أؤيد ذلك بشرط معرفتك بأهله وطبيعتهم .. مثل كيف حنان والدته وهل هي متفاهمة أم متسلطة.. عندهم أحد راعي مخدرات وخرابيط ومن هالامور ... اجتماعاتهم وأفكارهم كيف طبيعتها ... بالعكس الزوجة الطيبة هي اللي تجمع زوجها بأهله لاتبعده عنهم .. بس مثل ماقلت طبيعة الحياة تغيرت ونفوس الأهالي ليست كالسابق .. تأكدي من بعض الأمور وان تطمنتي منها فتوكلي على الله .. أما راتبه وماراتبه .. فأهم شيء شخصيته إذا هو كويس وعنده همّ ويحس بالمسؤولية ... عاااادي تري الزواج يجيب الرزق .. وبالتوفييييييييييق ،،، |
الله يوفقك ويسعدك احس صعبه السكن مع اهله
واصابعك ماهي سوى يعني الاهل مو كلهم زي بعض محافظ ع الصلاه واخلاقه حلوه وش احسن من كذا الله يكتبلك اللي فيه الخير |
أختي العزيزة
بس كنت أبي انبهك علي نقاط تفكرين فيهم قبل أتخاذ قرارك: اول شي كم عمر الخاطب و وش نوعية عمله؟ يعني هل في مجال التطور في عمله ام ماذا؟ هل تظنين يقدر يعيشك حياة مستورة و ميسورة لو صبرتي كم سنه؟ ****** ثاني نقطه انج قلتي اهلج مادياتهم ممتازه و انتي تاخذين 1500 ريال من اهلج مصاريفج الشخصيه يعني انتي ماكلة و شاربه و قاعده ويا اهلج و مصاريفج الشخصيه 1500 :) طيب حبيبتي تقدرين تضحين في المستقبل لانج أكيد لازم تقولين باي باي لوايد اشايء كنتي تسوينها في بيتكم 3000 ريال لج و له ... هذا غير الطفل اللي راح يجيكم عقب سنه تقدرين تعيشين في حدود 3000 ريال؟ تقدرين غض النظر عن طريقة حياة خواتج اللي قلتي عنها ممتازه ماديا؟ عندج القدرة علي عدم المقارنه؟ ******* هل في بيتكم عندج غرفة بروحج و استقلاليه؟ هل تقدرين تعيشين مع اهل زوجج و انتي حتي ما تعرفين كيف يكون اخلاقهم و تعاملهم معاج؟ هل تقبلين لو فرضوا عليج آرائهم او حتي اكلاتهم؟ :) ******* عزيزتي انا أدري ان موضوع العمر يؤرقك و انا معاج في هل نقطه و ادري بعد ان الاخلاق و المواصفات الزينه مهمه في الزوج ولكن حبيبتي قبل ما تاخذين اي قرار لازم تفركين في النقاط اللي تكلمنا فيه عشان لو قبلتي بالزواج معاه خلاص تكوننين مقتنعه فيه و باجر لا تندمين علي هل قرار العاطفه مهمه في اتخاذ قرار الزواج ولكن العقل بعد يلبع دور كبير و التكافؤ بين الزوجين مهم جدا سواء ماديا او دراسيا او من ناحية مستوي الاسرتين ***** فكري و لا تستعجلين تري هذه زواج و مسؤؤليه ***** ربي يسهل لج يالغاليه |
خذي بنصيحة الأخت بنت الكويت
ثم استخيري كثيراً ثم قرري ::: تذكري قول الله تعالى(و إن خفتم عيلة فسوف يغنيكم الله من فضله إن شاء) |
الأمور الماديّة مهمة جداً لتسيير الحياة الزوجية ودائما ما أنصح الشباب إذا ما كانت الأمور المادية لديك ضعيفة فلا تتورط بالزواج لأن الرجل في طبعه لا يريد أن ينظر له الآخرون نظرة تؤذيه أو تؤذي زوجته أو أهله الذين في عصمته.. بكل صدق، ( 3000 ) ليست كافية أبداً لحياة كريمة في هذا العصر المادي الذي يزيد صعوبة يوماً بعد يوم إلا إن كان لده مداخيل مادية أخرى وفرص سانحة في مستقبل حياته.
لا يكون مللك من الانتظار هو السبب في قبولك لهذا الرجل لأنك فعلاً لا زلت في شبابك وأمامك السنون وروداً. |
اقتباس:
مرره عيييب اسحي تاخدي من اهلك مصررووف ياتوافقي عليه وانت عارفه ان حالته صعبه ياترفضي صدقيني كلام اهلك مقنع لااازم بيت مستقل الحين كل البنات هدا شرطهم وانتي تبي تتنازلي؟ |
اقتباس:
بصراحة مااعرف عن اهله ابدا ولا طبعهم ولا اجتماع ولا افكارهم |
اقتباس:
|
المشكله الان ليس في راتبه لكن في السكن مع اهل الزوج
لذالك استخيري كثيرا ولاتستعجلي لان الرجال وعرفتي مواصفاته بس اهله كيف العيشه معهم الله اعلم |
اقتباس:
والرومانسية مهو حلو في بيت اهله يعني بس غرفة احس انه مهو حلو تهئ تهئ |
أختي ,, تساؤلات الأخت - بنت الكويت - جدّا مهمّة ,,
ضعيها نصب عينيك ,, وخذيها بالإعتبار .. |
اقتباس:
ولا ودي اوافق اخاف ماتيسر الحياة ويكون نفسيتي زفت من المادي ... |
اقتباس:
|
استخيري وتوكلي على الله
|
بداية حياة ضعيفه ... احتمال كبير نهايتها بالفشل ..... يعني مثلك مثل الخادمه ...اذا صرتي بيت اهله ... وبعدين مشكله ورى مشكله .... الرجال بشكل عاااااااام لايستحقووون من يتنازل لاجلهم لاي لحظه سوف يستبدلك باخرى عند استطاعته على استئجار منزل ...... راتب 3000 ريال وش تسوي لك .. الف ريال جوالك وجواله فاتوره .. اذا تبين ثوب لحفله لازم تجلسين اشهر علشان تجمعون للثوب بقيمة 1500 ريال ..... غير اذا جاكم عيال ... غير اذا مرضتي الساعه 3 ولافيه الا مستوصف اهلي وين تروحون تدقون على فلان وفلنتان تاخذون سلف .... غير بكرا اذا تبين هديه .... المجتمع الي حولك اذا عرفوا بوضعك تصبحين لديهم لاشي لان العصر عصر الفلوس والمظاهر .... كيف راح تتعايشين اذا جاك طفل او طفلييين وكيف وكيف وكيف ياناس فوقوا من كثرة المشاكل ...... اتمنى لك التوفيق |
انا مع راي اخوي دكتور المنتدى
بااب التنازل اذا انفتح صعب يغلق فلا تتنازلين من الباداية احسن لان المشاكل ستاتي لا محالة حتى لو كانت الاوضاع المادية ممتازة فما بالك اذا كانت سيئة اكيد ستزداد استخيري والله يوفقك |
اشكركم على الردود // الحمدالله تفاهمنا وتناقشنا واقتنع ويبي يحط السكن مستقله عن اهله
|
ممكن اول فتره تسكنو مع اهله وشوي شي تنقلو
اهم شي انتي مقتنعه |
اقتباس:
|
اقتباس:
نفس الكلام الي بخاطري اقوله لك والله يكتب لك الي فيه الخير والي لونته بالاحمر معاه مليون بالميه الله يكتب لك الى فيه الخير |
توكلي علي الله و تزوجيه ..
|
| الساعة الآن 03:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©