|
العمر يؤرقني في مسالة الزواج
السلام عليكم
شكرا لكم من القلب على هذا المنتدى الرائع والاستشارات الاروع ... أنا انسانه متفائله جدا ومتوكله تمام التوكل على الله .... تقدم لي خاطب اعجب اهلي وانا عادي سالو عنه اهلي والكل يمدحه (راعي صلاة - مستقيم - موظف - نسب - لا اعلم عن اخلاقه ولكن يقولون بانه هادي وخلوق ) سلبياته (ما معه الا الثانويه ) وقالو بانه سيكمل الجامعه . لذلك ضغطت على نفسي وتنازلت مع اني لا اضمن اذا كان فعلا سيكمل ام لا بس نقول ان شاء الله يكمل . المشكله الي حاااااااولت احلها بس ما انحلت السلبيه الي عاااايقه الموضوووووووووووووووووووووع العيب الي اشووووووووووووووووفه كبير (وغيري ما يشوفه عيب ولا يشوفه مشكله ولا يشوفه عائق للموضوع ) طلع الولد كبببببببببببببرررررررررررري بالضبط يا ناس افهموني احس انه شي شين في الزواج احس الفرح تكون ناقصه احس اني رح ادخل للزواج وانا احس بنقص وجرح احس اني مهما كان وصار اشوفهاا سلبيه ابي رجااااال حكيمين يردون وابي ناس تقيس صح في هذا الزمن ورجاء لا احد يقول خديجه والرسول اول غير والزمن هذا غير ابي البنات الحكيمات الي مرو بتجارب ادري فيه ناس بتقول على حسب شخصية الرجال بس انا وش عرفني فيه ما رح اعرفه الا بعد الملاك ومالي الا الضاهر والشكل المبدئي دعااااااااء صادق وخالص ومنالقلب لكل من يرد علي ويساعدني وثقوااا اني رح استفيد فائده كبيره بردودكم وراح تكون جزء كبير من قراري الف شكر |
أختي ,, إذا كانت مشكلتك فقط ,, هو بنفس عمرك ,, فأقول :
هل (ستضمنين) إختيارك لمن هو أكبر منك سنّاً ,, سيكون أعقل ,, وأنضج ,, وأحكم ,, أم سيكون صاحب عقليّة مُراهق ؟؟.. فهذه النّماذج من الرجال موجودة .. |
عزيزتي
أول شئ ، إذا على شهادته فهذا مو عيب أبدا .. لإنه العيب يكون في الأخلاق أو الدين و إنت قلت إنه عنده وظيفة و نسبه كويس و دين و خلق .. ( عشان يكون ردي من باب الواقع ، لا المثالية و لا التعالي لا سمح الله ) فزوجي تزوجته و شهادته متوسطة و أنا متخرجة بكالوريوس و بمرتبة شرف و تعينت بوظيفة و الحمد لله مرموقة و ما طالعت في شهادته أبدا .. أخذ الثانوية و هو معاي و دحين خلصت درااستي الماجستير و هو مازال معاه الثانوية و إن شاء الله بأكمل دراستي للدكتوراة مستقبلا و برضو معه الثانوية و لا عمري طالعت في النقطة هذه و بأشجعه على اكمال تعليمه ، لكن إذا ما كان يرغب به ، فبراحته و ما راح أجبره .. لإنه الناس قدرات ، يمكن تلقي انسان ناجح في العمل و الوظيفة و تلقيه فاشل في الدراسة ممكن تلقي شخص ناجح في التجارة ، لكن في الدراسة غير متفوق معليه لإني ماا ركزت في السلبية الثانية اللي ذكرتيها .. بس عشان تشيلي من راسك فكرة الشهادة ------------- أما العمر ، فليه ما تناقشيه في النقطة هذه قبل الملكة و بحضور االأهل ؟ استخيري ،، و أم زميلتي أكبر من زوجها بـ 5 سنوات ، بس ماشاء الله شايفتهم مرة مبسوطيييين في حياتهم و العمر عموما مو مقياس .. و نصيحة لك : الفرص الجيدة لا تتكرر أبدا .. |
اانصحك بصلاة الاستخاره
|
عن نفسي لااحب الزواج الي يكون الزوجين متقاربين بالعمر
انا كنت دايم اقول بس اتزوج ان شاء الله ابغى واحد اكبر مني بالقليل 10 سنوات والحمدلله زوجي اكبر مني ب 12 سنه كنت اريد الرجل الناضج الي عاش بالدنيا واتعلم مو يتعلم وانا معاه عن نفسي لااحب التقارب بالاعمار بس سبحان الله احيانا مو الي قدنا الي اصغر منا يكونو فاهمين وعاقلين انتي استخيري وفكري كثير |
وعليكم السلام والرحمه
يا هلا أختي , ليه الحيرة ! استخيري ووكلي أمرك لله . وتذكري / انه ممكن شخص بسنك يقول اعقل واقدر على حمل المسؤولية من واحد اكبر من بـ 1- سنين . خلي اهلك يسألون عنه اكثثر , واستخيري , ربي يووفقك . |
أستـخيري كثير و فكري من كل النوآحـي أهم شي تكـونين مقـتنعـه فيه 100 % الله يـكتب لك إللي فيه الخـير |
شكرااااااااااااااااااااااااااااااااااااااااااااااا اااااااااا لكل من اعطاني من وقته ورد علي ..الله يوفقكم ويسعدكم ويرزقكم ماتتمنو ويجيركم من النار ويجعل الجنة مثواكم ياارب.
تعاندني كلامك نفس كلام اخوي . ان الرجل العاقل المتزن المستقيم الخلوق لايوجد في هذا الزمن الابشكل ناادر . روح الطير كلتك هذي اثرت فيني كثيييييييير وبنفس الوقت خلتني اشيل هم اكثر اقتباس:
وبالنسبه للي تقول لي هل انتي مقتنعه فيه ؟ شوفي بصراحه وقت اكوون مررره مقتنعه واقول هي بس مشكلة العمر معليش اتنازل ...بعدين فجاءه احس اني اخاف واقول لالالا ستوب وييين ترا هذي مغامره . امي مقتنعه فيه جدا ...ابي مقتنع فيه جدا ...اخي مقتنع فيه جدا .. صديقة الوالده لها نظره وهي مقتنعه جدا وتنصح امي بان تزوجني منه.. الدين والشريعه تنصح بالزواج منه انــــــــــــــــــــــــــــــــــــــــــــــــ ــــــــــــــــــــــا اخاف اتبع قراري ويعاقبني ربي لاني رديت شخص لسبب تافه ... وعقلي يقول اسمعي كلام الي اكبر منك والي اشارو عليك نقاط خوفي زادت : لان الولد مو كبري بالضبط طلع خبر مكذوب هو بنفس السنه الي انا مولوده فيها لاكن ما اعرف اذا هو كبري او اصغر بس انا تقريبا في الشهر الثالث من السنه فيعني اكيد هو اصغر مني للاسف ... ثانيا الولد متدين نوعا ما وانا انسانه محافظه ولكن لست بالدرجه الي تجعلني ارتبط بمتدين فانا لا اعلم مالذي يرضيه ومالذي لايريده ..واخااف بعدين نختلف باشياء كثير ...بس عموما انا اعد فتاة متدينه نوعا ما . هل من راي ؟ هل من مشوره ؟ هل من حكيم ؟ دعواااتكم لي ولبنات المسلمين اجمعين |
طيب ايش رايكم بفارق سنتين...حلو ولا
طيب ليش ماتفضلون تقارب السن...من اي ناحيه ؟؟ماتفضلونها |
أختي العزيزة:
في نقاط وددي تفكرين فيه قبل ما تقبلين او ترفضين الرجل: هل شخصيتة الرجل أكبر من عمرة؟ قصدي تفكيرة و اسلوبة في الحياة؟ هل هو من النوع اللي عنده خطط للمستقبل و لحياته معاج؟ ام هو يبي يتزوج و حياه اللة ***** هل لما جلستي معاه في الشوفة الشرعية حسيتي انه ريال تقدرين تحترمه و تقدرينه؟ ****** أنتي شكلج أكبر ام أصغر من عمرج؟ لأن الصراحه في بنات شكلهم وايد أصغر من عمرهم و حتي لو تزوجوا اللي اصغر منهم الريال ما يحس و العكس في بنت شكلها و شخصيتها اكبر من عمرها و لو تمشي مع زوجها كانها اخته الكبيره هل اشياء يمكن ما تلعب دور الحين بس في المستقبل و بعد الولادة و السهر علي العيال أكيد بتلعب دور لان في رياييل يقارنون بين الزوجه و بين غيرها من ناحية الشكل ******* أما عن الدراسة: فأسمحي لي يخلق فرق و فرق كبير بعد خصوصا لو انتي كنتي دارسة و مثقفه و هو صاحب ثانويه عامة و ما عنده اي طموح ساعتها صعبة جدا و تحسين انه ما يفهمج و مو قادر يرفع من مستواه التفكيري و تصبحين في دوامه لانج لازم تلعبين دور المنقذة و المديرة في البيت ******* لفت انتباهي هل جملة: وانا انسانه محافظه ولكن لست بالدرجه الي تجعلني ارتبط بمتدين فانا لا اعلم مالذي يرضيه ومالذي لايريده حبيتي لو أنتي مو متدينة وايد فصعبة انك تتزوجين انسان طريقة التزامه غير عنج لان في اشياء بالنسبة له اساسية و بالنسبة لج فرعية (مابي ادخل في الحرام و الحلال لان هذا مو ضمن نقاشنا) بس أكيد راح تكون في اشياء في حياتة من الضروريات و في نظرج لا ******* صحيح الفرصة ما تتعوض مثل ما الخوات قالوا بس اولا أنتي كم عمرج؟ و ثانيا: هل لان الفرصة ما تتعوض احط نفسي في زواج انا مو مقتنعه فيه لمجرد انني اكون متزوجه و بس ***** يالغالية: الزواج مهم فهو ستر و أكمال دين و سعادة و راحة نفسية ولكن مع اللي انتي تكونين متفاهمة معاه اللي انتي تختارينة بقناعة اللي انتي تحسين انج راضية فيه بصفاته الزينة و الشينه اللي انتي تحسين انج قادرة تمرين معاه في درب الحياة بامان ******* بناتنا للاسف يختارون الخيار الغلط و من ثم يتندمون و يقولون ليش انا مو سعيده؟ طيب حبيبتي ليش من البداية ما اخترتي صح؟؟؟!!! مافي حياة من غير مشاكل ولكن لو قدرتي تحصلين انسان تكونين مقتنعه فيه ساعتها المشاكل تهون و تقدرون تحلونها بسهولة اكثر ***** فكري و استخيري و شوفي انتي شنو اللي تبينه كتبي علي الورقه ايجابيات الشخص و سلبياته ثم قرري و توكلي علي اللة ******* ربي يكتب اللي فيه الخير يالغالية ****** تجربة شخصية: اللي من داخلج مو مقتنعة فيه ... مو نصيبج :) |
عزيزتي..
لن أضيف الكثير بخصوص الشهادة بعد رد الغالية روح الطير .. فأنا أوافقها تماماً .. وأزيد أنني لما تعرفت على زوجي لم أسأل أصلاً عن الشهادة .. بل ذُكر أمرها عرضاً خلال حديثنا .. ولم أتوقف عنده كثيراً .. رغم أنني جامعية وفكرة حصولي على الماجستير كانت مطروحة حينها. بالنسبة للعمر .. فاسمحي لي لم أفهم وجهة نظركِ بالضبط!!! بصراحة توقعتكِ في بداية العشرينات لذلك يقلقكِ صغر سن الرجل لظنكِ أن له تأثير في نضج شخصيته وعقله .. واتزان سلوكياته وتصرفاته مثلاً .. ولكنني لما رجعت لموضوعكِ السابق عرفت أن عمركِ 32 عاماً .. يعني الرجل أيضاً عمره 32 عاماً .. يعني كبير ما شاء الله .. لذلك لم أفهم سبب استنكاركِ ورفضكِ .. ولم أفهم ما الذي يزعجكِ .. وما الجرح والنقص اللذين ستشعرين بهما بالضبط!! |
اختي الغاليه مهره بالنسبه لكلامك هذا
اقتباس:
وماا اخافه اني اوافق على شخص مثل هذا بعد ما يمر العمر ويمكن ينقصه بعض الاشياء عشان كذا انا محتااره جدااا انا الي محيرني مو لانه هو صغير لا الي محيرني كوني انا اكبر منه ... جداااا تؤرقني هالمساله يعني اذا فكرت فيها (العمر ) مساله ثابته لا تتغير لكن (الشهاده ) فيه احتمال يتطور ويتغير وياخذها يعني تهون نوعا ما الله يقدر الخير يااارب شكرا اختي مهره على حكمتك لانني اوافقك الراي اذا كنت كبيره وهو بنفس عمري لاكن انا في منتصف العشرين بالضبط |
انا مع كلام بنت الكويت
اللي مو مقعنة فيه لا تجبرين نفسج عليه هذا زواج مو زوارة بتروحين وبترجعين بيت اهلج وانتي مستانسة من رايي تقعدين جلسة ثانية معاه وتشوفين طريقة تفكيره اذا تناسب توكلي واستخيري وربج يكتب كل خير |
يا نااس انا ما اقدر اجلس معاااه لان اهلي جلسو معاه وتكلموو ووصلو لي شخصيته بالضبط
وانا دخلت عليه في الرؤيه الشرعيه وشفته المشكله الي ما تريحني هي مسالة العمر فقققققققققققققققققط يعني يمكن اصير اكبر منه بكذا شهر افكر فيها واقلبها براسي يمكن اذا صار عمره 35 يمكن يفكر يتزوج بعدين رح يكون شكلي اكبر منه وساعه اقول كثير متزوجين رجال اصغر منهم وعايشين مبسوطين والله شي يحيييييييييييييييييييييييييييييييييييييييييييييييي يييييييييييييييييييير مررره استخرت ولازلت استخير وانا ماشيه في الموضوع لاني ما اقدر ارفض الدين والخلق عشان العمر ! ما اضمن ان الي رح يتقدمون لي يكون فيهم خلق او دين او حتى اكبر مني الرجااال على قولة اهلي ينعدوون على الاصااابع والكفو حرام ينرد بس انا حزييييييييييييييييييييييييييييييييييييييينه الحمدلله على كل حال اللهم اجرني في مصيبتي و عوضننني ياارب . يعني انا رح اكون من الحالاات الشااذه في المجتمع ! وااااااااااااااااااااااااااااااااااااااااااااااااا ااااااااااااااااااااااااااااااااااع |
قريبتي اكبر من زوجها بثلاث سنوات
وماشاءالله تبارك الله علاقتهم 25 سنه وماعمره فكر يتزوج عليها |
الله يعينك وان شاء الله تختارين الي يناسبك
بس انا اشوف العمر ماعمره فرق عمّي متزوج بوحده اكبر منه بسنتين تقريبا وله الحين تقريبا 30 سنة وعايشين مثل الحلاوة نصيحة الفرص في هالوقت نادرة والعمر يمشي توكلي على الله ووافقي إذا انتي اسعدتيه في زواجه صدقيني عمره مايفكر ياخذ غيرك والراي الاول والاخير لك |
| الساعة الآن 01:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©