مذكرات بنتي الصغيره التي زادت همي
 

ياقلبي عليها الله يحفظها لك
كوني قريبه منها احتويها اسأليها عن كل شي خليك صديقه لها
حسسيها بحبكم لها واهميتها
كلماتها لم تأتي من فراغ

الكتابة تنفيس عن ما يدور في النفس .. وتقوى ملكة التعبير لمن يهوى الكتابة .. وهي موهبة يفتقدها الكثيرين فما عليك إلا ان تشجعيها اكثر على القراءة والكتابة ..
مضمون ما جاء في دفتر يومياتها هو إنعكاس لحياتها كما تراه بنتك من وجهة نظرها .. فالصغار أحياناً تختلف وجهة نظرهم عن الآخرين .. حاولي أن تتقربي منها اكثر لتعرفي ما يدور في نفسها وأكسبي ثقتها فيك وأزرعي في نفسها الثقة لأن تفصح بشجاعة عن ما تريده ولا تكتمه في نفسها .. شجعيها على الشجاعة الادبية ..

ما شاء الله , الله يحفظها لك يارب

حاولي تطورين هالموهبه عندها , لكن انتبهي تعرف انك قريتي دفترها , لانها بهالسن تحب الخصوصية.
لحد ما يجي وقت وتفكها من نفسها ,,, افضل من انها تحس انك مراقبتها ومالها خصوصية .

بالنسبة للمضمون فـ بعض الاطفال يتاثر من الافلام الكرتونية فلو بنتك من النوع اللي يجلس كثير عند التلفزيون , شوفي وش تتابع .

حاولي تعكسين كل الكلام اللي كتتبه بطريقتك , مثلا اذا كنتي بتخلين الولد معها علميها ليه ؟ السبب؟ انك مشغولة بهالامر وهالامر . عللي لكل امر حتى ما تفهمه بطريقتها .
ومرة قولي بصوت عالي انه عندك اشياء بتسوينها بس خلاص بتجلسين مع الولد لان بنتك جلست معه الفترة اللي راحت كثير ,, حسسيها انك موب بكل وقت تعطينها مسؤولية . < ان شاء الله فهمتيني .

حاولي مع ابوها يتقرب منها , ويشجعها على امر معين تسويه ويكافئها , بس مو يكافئها من غير سبب .

واهم شيء انتي خليك قريبه منها وخذي اللي بخاطرها , بس عاد لا تلصقين فيها مرا :d

الله يعينك ويوفقك على تربيتهم .

لاتسأأليها عما كتبت احتويها بدون ماتعرف انك قريتي مذكراتها اصعب شي واقسى شي كان يضايقني وانا بسنها هو ان اخواتي كانو يقرون مذكراتي ويرجعون يقولون انتي كتبتي وقلتي وهو من حقي اني احكي كل همي بورق ومن حقي اني يكون عندي خصوصيه لو عرفت انك قريتي مذكراتها رح تبطل تكتبها ورح تكره الكتابه ورح تخسر مصداقيتها في الكتابه لو كتبت لانها عارفه انك بتقرينها احتويها واكتبي مذكرات انتي بعد واذكري فيها كم تحبين بنتك وبرر كل تصرف تقومين فيه واتركيه في مكان تقدر توصله وتقراه

اتفق مع دمعة مفارق ، لإني بطلت أكتب مذكراتي بسبب أختي اللي كانت تفتش عن دفتري و تقراه و تعلق علي :(
و دحين أقرا دفاتري و أجلس أضحك من نفسي

أنا مع الأخوات اللي قاولو لاتعرف انك قريتي مذكراتها صح كلامهم وكنت أقصد بردي لو قدرتي برغبتها تشاركك قرائتها

حتى تقدري تردي عليها رد مباشر وتبينين لها وجهة نظرك بأسلوب حلو بكل كلمات الحب والحنان

وأذا رفضت مالك ألا تتقربي منها أحفظي الكلمات اللي قالتها وأشتغلي عليها مثلاً


"



جربي أسأليها فيه شي يضايقك حبيبتي وبيني لها انك مستعده لسماعها في اي وقت تحتاجك وكوني قد الكلمه مثلاً لو جاتك حتى لو كنتي مشغوله تفرغي لها أو أتفقي معاها على وقت معين تجلسون فيه وتفضفضون لبعض بكذا بتصيرون صديقات وممكن تخليك تقرأي مذكرتها كمان :)
والله يوفقك ويحفظها لك