|
قربت النهاية (مستجدات بالرد 185)
السلام عليكم احبتي في الله
صعب علي فراقكم كثيرا ولكني لم اجد مشكلة لمشاعري اتجاه الاخوات وفي نفس الوقت مابي اخالف قوانين المنتدى ولكن خواتي رغم بعدي فانتم في قلبي دائما ولايمكن انساكم حبيت اكتب لكم اخر مشكلة ولعلها الاخيرة طبعا مثل ماقلت لكم بعد عودتي من عند اهلي ان زوجي تغير للافضل وانا كنت سعيدة بتغيره وشكرته على ذالك بس اليوم ومااعظم هذا اليوم اول حاجة تصفحت فوجدت موضوع رجل منهار وهذا مازاد شكي انه زوجي لان كل الاشياء الي يقولها تنطبق علي انا وزوجي وانتم طبعا تعلمون المشكلة الحقيقة خفت لما قريت انه كاتب له ماضي وعلاقات المهم تغير حالي وزوجي كان في بيته الثاني وتاخر لظرف عائلي وبعدها جا لقاني حزينة قلت له اسالك بالله هل انت صاحب الموضوع رجل منهار حلف ايمان انه مو هو وصدقته رغم تشابه الاحداث وحتى زوجي شاف موضوعه قال سبحان الله في تشابه كثير طبعا لما تجيني حاللات الشك يبغالي فترة حتى اروق واتخلص منها شوي قامت زوجته ارسلت له رسالة غرامية عقبها دقت وانا صارلي اسبوع اقوله اذا صرت عندي لا تخليها تدق عليك ولا تمسج لك بيومي مثل ما انا ما اكتب لك استفزني زي العادة بسكوته طلعنا برى رحنا بر جلس يتمشى بروحه ورجع لي قال ليه ماتنزلين من السيارة قلت لا تمارس علي برودك,,,,,,,, قالي اصلا ماني حاطك في بالي ولو احطك في بالي ترى باخذك بشربة مويا !! بالله هذا كلام ينقال المهم زي العادة استفزني وقمت اغلط وارفع صوتي انهرت بالصراخ قلت له ليه اسلوبك معي كذا تطنيش وبرود مو هذا سبب طلاقي منك مرتين.؟ قال خلاص وصلت لقناعة لازم نفترق هو يقول هالكلمة وزوجته قامت ارسلت الرسالة الثانية غرامية وحب وخراط فاضي حق مراهقين .,دقت على عمتي واشتكيت لها قالت لي ترى هي تقصد تسوي معك كذا ولا تخربين بيتك عشان مسجات انا الحقيقة ماهمتني ولازلت اقولها اني ماغار منها لانها ماهي احسن مني بكل شي تبيه بس الي حزن قلبي ردة فعل زوجي يقول ليه تغارين منها ليه حارقة قلبك!! المهم صار يستفز لين حرقني ودمرني وبالاخير خلاني بالسيارة وقال انا بروح لاني بايت عندك ولاعندها كانت الطلقة الاخيرة بتطلع منه لولا ان الموضوع تغير حطيت كل الاحتمالات قدامي عشت مطلقة زوجة ودارت بي الدنيا الان انا ابغاكم تمهدون لي كيف اتاقلم لو افترقنا وهل تشوفون ان الفراق هو الحل وفي نفس الوقت مابي اترك لها فرصة تفرقني مع زوجي بسبب مسجات وفي تفس الوقت اسلوب زوجي معي تعبني يعني تطنيش ولاهمه شي واذا مرة ضاقت عليه الحلول يقول الطلاق هل اطلق واحاول اعيش ماتبقى لي من حياتي في راحة وابعد عنه واتركه لها تشبع فيه ولا انسى الموضوع ولكن والله ثم والله انه فعلا مات بداخلي انسان انتم سبق ونصحتوه انه ولا وحدة فينا ترسل له ولا تدق عليه بيوم الثانية ومع هذا اول مايدخل البيت تنزل عليه مسجات حب وحتى اهله قالو له ترى مو من حقها والله لو زوجي قال ترى بوريك فيها ولا اخر مرة كنت ارتحت ليته ضحك علي بكلمة حتى ارتاح بس ابد جلس يعاند لين فقدت سيطرتي على نفسي فاذا كان رجل منهار هو زوجي وحاط قناع عشان ماعرفه اقوله الله لا يوفقك ويفضحك عاجلا وليس اجلا |
من وصفك وكلامك عن شخصية زوجك ما أظن انه يختار معرف رجل منهار .
اذا كان هو فعلا رجل منهار خذي الزبدة من الموضوع وهو انه زوجك يحبك وما يبغى يخسرك ... ليه تنظري للجزء الفارغ من الكأس وتقولي هذا هو يعترف انه بيوم من الايام خان ؟؟؟؟ ليه ما تنظري انه الحين ما يخون وتاب من الخيانة وليه ما تنظري لأنه يحبك ويبحث عن حل للشكوك ؟؟؟ بعدين شنو ذنبنا احنا ؟؟؟ ليه تتركينا اذا لا سمح الله صار مشكلة مع زوجك :) ربي ييسر لك الخير ويوفقك للي فيه راحتك ويكتب لك السعادة |
عودي إلى مشاركات الأخ رجل منهار
وتابعيها وتابعي وقت تواجده في المنتدى وأين كان زوجك وقت تواجد الأخ رجل منهار في المنتدى ؟ وبذلك ستعرفي إذا كان هو زوجك أم لا . كما أن الأخ رجل منهار يقول إن زوجته في المستشفى ومغمى عليها . |
اقتباس:
الحين زوجته ليه مايمنفعها ماتدق عليه ليه يحرقني بسكوته ليه |
صابره
استهدي بالله ولاتهدمين بيتك بشكوك لاتزعلين مني احب لك الخير وما ابيك ترجعين تكتبين لنا وانتي نادمه بعد مايهدم الشك بيتك مسجات زوجته انسيها ولاتعيريها اهتمام انتي زوجته مثل ماهي زوجته ولك حقوقك فليشالم والشك والتفكير صابره افهم نوعيتك الحساسه انتي انسانه حساسه عاطفيه عصبيه سريعة الحكم وعجله في امورك وسريعة الندم لذا فكري الف مره ومره ما الافضل حياتك معه الان ام ما بعد الطلاق ومادام زوجك حلف بالله صدقيه يا اختي من حلف له بالله فليرضى صابره لاتقتلين حياتك واجمل لحظاتك مع زوجكبأشياء وهميه لا اساس لها عيشي حياتك يا اختي مو دائما انتي اللي تنصحيني احب نفسي واعيش حياتي وما اجعل زوجي محور اهتمامي شوفي وضعي وتذكري حالتي وخيانة زوجي لي وشوفي وضعك وقارني واشكري الله وتمسكي بزوجك همسه بأذنك لو زوجك مايحبك صدقيني مايفكر يرجعك ابدا هذا هو رجعك لانه يحبك فليش تهدمين هالحب صابره تكفين لاتقهريني استهدي بالله وفكري لاتصير حالتك مثل حالتي نهايتها طبيب نفسي وادويه اهديك هذه الابيات وسامحيني على كلامي لا تخل الشك مفتاح ويضيع كم وصل هدمه الشك وفناه وكم خل ينكر بخله صنيع وكم ظن يحرق احلام الشفاه إن عراك الشك لا تحكم سريع هو من الشيطان لا تتبع نباه وإن تبعته صرت له خادم مطيع ما تشوف إلا الرزايا والدناه وإن صحيت بغفوتك فعلك شنيع ما جنيت إلا الندامه من وراه شوف سوء الظن لي خذته يبيع صاحبه ب الجور يا فعله ورداه لا تخل الشك مفتاح ويضيع كم بيت هدمه الشك وفناه |
اقتباس:
وكنت ادق كل خمس دقائق |
فكري معي شوي انتي شستفدتي؟؟
أول خطأ أنك تراقبين مسجات زوجك وهالشيء بيتعبك جدا ولا اعتقد انه من حقك ثاني خطأ حملتي زوجك خطأ زوجته والمفروض لعبتي على نفس الوتر اللي لعبت عليه هي والبادي أظلم الشهر الحرام بالشهر الحرام لما غزوا المشركين الرسول بشهر من الاشهر الحرم غزاهم أيضا بشهر حرام المفروض طولتي بالك وارسلتي لزوجك سيل من الرسائل بيومها علشان تلزم حدودها لأن محصلة اللي صار كله أن يومك قلب نكد وكنتي على شفا جرف وهي صورتها العاشقة اللي تنتظر فارسها ياليت غيرتك حركت الذكاء عندك وخليته ينسى أووووم الرسائل الللي ترسلها بس للأسف فرحتي الشيطان وفرحتيها الشيء الثاني لو فرضنا ان زوجك هو كاتب الموضوع>>على اني شكيت فيكم مرررة فهو كاتب كلام بمنتهى الروعة عن زوجته ومشاعره نحوها وعجزه عن التعبير عن مشاعره أما ماضيه فأتذكر انك سبق واشرتي لهالشيء بالموضوع الاول لكم ويكفيك انه اكد ان هالشي قبل الزواج وانه تركه تماما ياحلوة قومي توضي وصلي ركعتين وتعوذي بالله من الشيطان وارضي زوجك ترا الدنيا ماتستاهل ودائما توكلي على الله لأن الله وعد ان اللي يتوكل عليه يكفيه ما اهمه ومن يتوكل على الله فهو حسبه وكل مايلعب الشيطان براسك امسكي لسانك واستغفري جربيها والله عجيبة ومن تجربة الله يسعدك يارب ويبعد عنكم الشيطان |
اقتباس:
انا تبعت صدقيني طبعه مايتغير واسلوبه حرقني صارلي اسبوع اقوله خلي زوجتك تبطل ترسل مسجات غرامية بيومي ياعالم انا مارسل له ولا اغزل فيه هو مو عندي تركته لها شهرين تشبع فيه ومع هذا تبي تضرني وعمتي اكدت لي انها تتلذذ بالشي هذا وتفرح لما زوجي يهاوشني يادلوعة انا دخلت بحر ولا صرت اعرف انقد نفسي منه غرقت خلاص اليوم شفت الطلقة الاخيرة بين عيوني تلف وتدور ولكن قلت هل نهاية الحياة ورجعوا اهله كلموني خواتته وامه قالو لا تخربي بيتك لاجل مسجات هذا شي تافه وامي تقولي نفس الشي الي حرقني اسلوبه مو هي ولا لو احطها في راسي لا اعدمها بس ماحب هالحركات ابي اعيش بسلام صارلي اسبووووع اقوله كلمها لا ترسل ومرة قالها ليه ترسلي قالت ترى ابنها الصغير بالغلط! واليوم مرتين وتتصل وش تبي منه مافي شي ضروري ابد بس تبغى تجيب مشكلة لي وله اقسم بالله ترسل رسايل اطفال كانها مراهقة رسايل تنقلها من النت وترسل وخاصا الحين المسجات ببلاش وهي ماقصرت يادلوعة فاض بي الكيل |
اقتباس:
لكن تبشر بعزها في حالة اذا استمريت معه واذا طلقني بيتزوج غيرها يعني بتم طول عمرها لها شريكة بزوجها زوجي واعرفه لايمكن يعيش معها لوحدها ودليل كلامي انه كان يدور الزواج بعنف وخطب وحاول من هنا وهناك انا رزقي على الله واكلت تجربة لو يجيني معدد ماتزوجه لو يذبح لي حرمته عند باب بيتي الشي الثاني اسال الله اذا كانت ناوية تخرب بيتي الله يشغلها بنفسها ويرد كيدها بنحرها واذا طلقني الله يسلط عليها ضرة تحرقها حرق لانها ماحمدت ربي انا الي تركه لها بالشهور اروح لاهلي تخيلو اليوم قصيت تذكرة العودة قدامه وقلت له دام نفسيتها كذا مانيب راجعة لاهلي ويمكن هذا السبب الي خلاه يوصل للطلاق لان زوجي ماعنده نية يستقر معي وعاجبه المسفار |
عزيزتي صابرة بدينتي
ليش تستسلمين وتنهين حياتك كذا ليش ماتسخدمين الحيل وتخلين زوجك يحبك بقناعة اول شي حطي في بالك شي انو ربي بيعطي كل واحد على نيته يعني زوجته الثانيه اذا كان قصدها من الحركات والمسجات انها تخرب بيتك الله راح يجازيها وشيليها من بالك تمام شوفي بحط نفسي في مكانك وبتصرف بالطريقة اللي بقولها لك الحين بنسى كل اللي فات بمعنى الكلمة وببداء حياة جديدة بكل تفاصيلها بمسك زوجي واقوله انا بفتح صفحة جديده بحياتي وبفتحها عشانك انت وبس بتغير وبغير كل شي فيني لك انت راح اخلي هدفي بحياتي سعادتك ماراح يكون هدفي انت لا هدفي سعادتك لو كان هدفي انت ممكن راح اخنق واضايقك بس طالما هدفي سعادتك يعني ماراح تشوف مني غير كل شي يرضيك واقنع نفسي بهالهدف بمعنى الكلمة وارسم خطه عشان اوصل للهدف وبعد 4 شهور بشوف وش التغيرات اللي صارت بحياتي زوجي تغير معي و لا حياتي صارت افضل و لا اذا كانت افضل بستمر اذا كانت اسوء وقتها ممكن اسويلي اهداف ثانيه مابتكلم فيها الحين وخطتي حتكون كا الاتي ايش يحب زوجي يتكلم فيه اذا كان يحب يتكلم معي اما اذا كان يحب السكوت بسكت معه و اذا طلب مني الكلام بتكلم باللي يبي هو ايش يحب زوجي من اكل ايش يحب زوجي من ترتيب ايش يحب زوجي من تغيير بشكلي ولبسي ايش يحب زوجي من اللي اصرفه هو عادي ماعنده مشكله يعطيني او لا يحب اصرف مبلغ معين وعلى اساسه انا بتصرف اولادي يكون دايم بافضل اشكالهم اذا جاء زوجي اريحه من الدنيا كلها يعني اخليه اذا جاني يعرف ان عندي الراحه لايشوفك غير وانتي بافضل اشكالك مبستمه متفائله اضغطي على نفسك شوي حطي في بالك انتي في حرب ولازم اكسب قلب زوجي واكون انا رقم واحد عنده على كرا كل الكلام اللي قلته هو من حسن التبعل للزوجي وايضا احتسبي الاجر لانو طاعة الزوجة فيها اجر واوصيك بالدعاء والاستغفار ملاحظه ما اعرف مواضيعك الثانيه وهذا اول موضوع اشوفه وديت على اساسه الله يكتبلك كل خير وتوفيق |
الحين انتي تزوجتيه وانتي عارفه انه متزوج...لايحق لك ولا لغيرك لو1% ان تمنعين زوجه من مراسلة زوجها
بعدين يااختي كيف تبينه يمنع زوجته الاولى من المسجات ...سبحان الله.... نسيتي انه زوجها قبل لايكون زوجك...والي استغربه تصرفك الطائش اتصالك على عمتك وتشتكيها(وكانها سوت جريمه)الحين هذي شكوى تشكينها لها(ليش تستصغرين عقلك قدام زوجك) تجين عليها وتطلبين اشياء مالها داعي..وكأنك انتي رقم واحد في حياته.. اذا تبين تحافظين على بيتك..خليك ساكته..تراك طفشتي الرجال..بطلبك الغريب..وكانها صديقته مو زوجته..هو تزوجك مو لانه مقصره معه او يكرها ...لا.. هو تزوجك لرغبته في التعدد فقط مو لانك انتي غير..يعني لو مااخذك بياخذ غيرك..وزوجته الاولى مهما تزوج عليها ماراح يتركها ابد لكن الثانيه والثالثه هم الي في اي لحظه بيقلهم مع السلامه انتبهي لحياتك.دام زوجك طيب .ولا تدققين في امور هومايقدر يغيرها لانهاطبيعه فيه مثل البرود واللامبالاه في الاخير بيندم على زواجه منك ويمكن يطلق وتصيرين مطلقه للمره الثانيه لانك ذكرتي في احد ردودوك ان سبق لكي الزواج...ترى الناس ماترحم ..حاولي تنجبين طفل عشان يشغلك عن زوجك .. بالله ترسل رسايل اطفال كانها مراهقة رسايل تنقلها من النت وترسل وخاصا الحين المسجات ببلاش وهي ماقصرت يادلوعة فاض بي الكيل والله ياعمري الرسايل بين الزوجين مالها عمر او وقت معين ..حتى لو عمرها 90 سنه هذا زوجها ليش ماترسله .. واعتقد حتى انتي تاخذي رسايل وقصايد من النت وترسلينها له. والدليل مواضيعك السابقه الي كلها عن زوجته الاولى وحقدك عليها.ولاتنكرين انك ماتمسجينه وهو عند زوجاته.. الله يهديك بس الي حرقني اسلوبه مو هي ولا لو احطها في راسي لا اعدمها وفي جمله ثانيه ذكرتي واليوم مرتين وتتصل وش تبي منه مافي شي ضروري ابد بس تبغى تجيب مشكلة لي وله اقسم بالله ترسل رسايل اطفال كانها مراهقة رسايل تنقلها من النت وترسل وخاصا الحين المسجات ببلاش تناقض كبير بين الجملتين مره تقولين ماتهمك وماعليك منها وماتغارين منها...ومره حارقه نفسك من الغيره عشانها ترسل. صح كلامك وربي لو اني فعلا ذكية كان حرقتها بس انا بطبعي احب اعيش بسلام اذا طبعك تحبين تعيشين بسلام اتركي عنك الكلام الفاضي وتفتيش جوال زوجك ولاتقلبين الديا وتقومينها عشان زوجته ارسلت مسج.. (ولو طلقني راح يتزوج غيرها يعني راح تكون طول عمرها لها شريكه في حياتها) وانتي لو طلقك زوجك لاسمح الله ماراح يتزوجك شاب مافي غير المتزوج يعني راح يكون طول عمرك معك شريكه) انا رزقي على الله واكلت تجربة لو يجيني معدد ماتزوجه لو يذبح لي حرمته عند باب بيتي الشي الثاني اسال الله اذا كانت ناوية تخرب بيتي الله يشغلها بنفسها ويرد كيدها بنحرها واذا طلقني الله يسلط عليها ضرة تحرقها حرقلهذي الدرجه الحقد في قلبك وكأنها قاتله ابوك شكلك ماكله مقلب ومفتكره ان الي يتزوج ثانيه معاد يبي زوجته..وممكن انه يذبحها عند باب بيتك(غلطانه)ياحلوه هو لو مايبيها كان طلقها هي مو انتي.. |
اقتباس:
انا بعد مع الآخت ليهـ الغرور ؟؟ انتبهي لنفسك ذي حياه مولعبه امسكي اعصآآبك افهمي الحياه افهمي وش عآآلم الرجل ولآتنسين كيد النسآآء عظيمـ انتي خليك احسن منهاا بذكآآئك ولآيهمك حركاتهاا ولآيهمك عيوب زوجك وتطنيشه لك صدقيني زوجك يستغل نقطة ضعفك وفاهم شخصيتك انتي طنشيه ولآ تهمك عيوبه خليك هيبه ووآآثقه من نفسك اذا بنطاوع الرجاجيل بافعالهم مارآآح نعيش :) اهتمي بنفسك وعيشي حياتك وفكري انك تجيبين طفل يسعدك وينسيك طوايف الدنيا ومافيهآآآ ياقلبي:) خليك وآآثقه من نفسك وعآآرفه دوآآهم يقول المثل( آلآسد لايلفت عند نبآآح الكلآب)خليك مثل هآآآآآآآآمثل قويه وفآآآآآآآآآآآهمه الحياه :) وادعي ربك يزرقك الحكمه في امورك |
الله يهداااااااك ياصابره
كيف تشكين بعضو انه زوجك وترى مو اول مره فيه عضو قبل كذا شكيتي انه زوجك وبعدين انتي كذا مثل زوجة رجل منهار شكاكه ؟؟ ولا غيوره ؟؟ زوجة رجل منهار يقول بس تسعده وانا اللي اعرفه ان انتي بس منكده على زوجك رسائل زوجته تااااااااافهه وتوقعي اكثر منها واذا مثل ماقلتي انها بتفرق بينكم فهي صارت اذكى وفعلا بتفرق بينكم لاتعطينها اهتمام وتخلين رسائل المراهقه على قولتك تفرق بينكم واسااااااالك بالله لو ارسلتي لزوجك بيومها وجاء زوجك وردك ؟؟؟ اش بتكون ردة فعلك ؟؟ اكيد بتنهارين ... خليك اقوى من كذا لاتتحطمين من اتفه الاشياء وتطلقين عشان رساله ولاحظي الفرق بينك وبينها هي ترسل رسائل غراميه وعايشين مثل العرسان وانتي قاعده تنكدين عليه هو اش دخله برسائلها ؟؟ وصدقيني هو مستانس ولايقدر يردها انتي ارسليله بيومها خليه يشتاقلك واذا جاك هلي فيه لاتنكدين عليه ..................... يوم نزل بالبر كان نزلتي ومسكتي يده وسولفتي معاه وذكرتيه بايام حلوه وانك مبسوطه ووووووو بدل النكد اللي صار ولاتسالينه عن الرسائل اللي تجيه ابببببببدن واعتبري ماكأن جته رسايل والصراحه فرق بان تجيه رساله حلوه وهو مبسوط معك وفرق بان تجيه رساله حلوه وانتي منكده عليه تلقينه قال بقلبه ليتني عندها... الله يهديك ويسخركم لبعض ويخليه لك ويبعد عنك الغيره |
والصراحه فرق بان تجيه رساله حلوه وهو مبسوط معك وفرق بان تجيه رساله حلوه وانتي منكده عليه
تلقينه قال بقلبه ليتني عندها... اي والله صدقتي.. والدليل انه قالها وقتها لازم نفترق...لانه شايف فرق بينها وبين زوجته الاولى ..هي دايما منكده عليه لدرجة انها تقرأمواضيع شكاوي الرجال في المنتدى وتشك انه هو الي كاتب...وتقوم تنكد عليه (بصراحه ياخت صابره انتي مستصغره عقلك مره) وزوجته الاولى ترسله رسايل غراميه وهوبعيد عنها اجل كيف لما يكون عندها وقريب منها أكيد انواع الدلع لاتجيبله سيرة منتدى ولا شكاوي...وهو مبسوط منها على الآخروالدليل انه مايمنعها ترسله ويرغب في المزيد.. اختي صابره انتي اتهمتي زوجته انها تنوي خراب بيتك...على اي اساس تحكمين عليها هذا الحكم...لو كانت صديقته ممكن نتفق معك انها تبي تخرب بيتك لانها حتكون خيانه وعلاقه محرمه...لكن هذي زوجته وهي ترسله لانها تشتاق له وعشان تكسبه اكثر فقط.. وانا ابصم با لعشره انها مافكرت فيك ولافي ردة فعلك وتفكيرها في زوجها وبس..ولاتدري اصلا في لحظة ارسال رسالتها هوبجنبك ولا في السوبرماركت ولا في الشارع أو مع صديقه.. انتي الي راح تخربين بيتك بنفسك من دون ماتدرين بسبب انفعالاتك وحقدك على الحرمه ونكدك على زوجك .. |
سبحان الله!
عندما قرأت موضوع الأخت كويتية التي تقول (أريد أن أكره زوجي) تذكرتكِ .. وقلت: الله يذكرج بالخير يا صابرة وينج ووين أيامج. لن أعلق يا عزيزتي .. فقط سأراقب نهاية الموقف بصمت. الله يهدينا ويهديج. |
[[ دبور ويزن على خراب عشه ]]
http://www.66n.com/forums/images/icons/icon9.gif هذا الي انتي تبدعي وتتفوقي فية ياصابرة ................ http://www.66n.com/forums/images/icons/icon9.gifhttp://www.66n.com/forums/images/icons/icon9.gif الله يصلحك بس ....اخربي عشك وزيني وابني عشها .................................... |
كان المفروض لما وصل زوجك استقبلتيه
باللباس الحلو وغرقتيه بالكلام الزين وهياتي جو البيت للاسترخاء والراحه وتبادل الحب يعني الزبده كان في استطاعتك انك تنسينه امر المسجات بحسن تبعلك له صابره عيشي الدنيا بهدوء عيشيها وانتي مبسوطه ترا العمر واحد ليه نقلبه هموم ونكد بني ادم هو اللي ينكد على نفسه يعني استهدي بالله وصلي لك ركعتين وادعي ربك انه يسعدك ويبرد على قلبك واياك شوفيني اقولها لك اياك ان تنكدي على الرجال بيومك ترا بيطق ومابيندم الا انتي وضرتك اذا ارسلت بيومك ارسلي انتي بيومها وبذلك تكونين ارتحتي:) |
اقتباس:
ولا تجيبين طاري ابوي مو من حقها تدق عليه ولا ترسل مسجات وقت ماكون معه ولا من حقي انا ارسل له وقت يكون معها مسالة اذا طلقني مافي الا متزوجين انتي مو رب العالمين تعلمين الغيب ولا انتي الي تحكمين باالاعدام على الناس انا احترمتها بما فيه الكفاية وبسبب مسجاتها تطلقت مرتين وحتى زوجي لام عليها قالها لا ترسلين مسجات بيوم مو يومك بس هي مصممة على خراب بيتي والرجل كلهم الي بالمنتدى قالو لزوجي امنع اي وحدة تدق عليك بوقت الثانية وهذا الصح ولاعاد تردين على مواضيعي |
أنت تستعجلين الأحداث في طلب طريقة التأقلم بعد الفراق...
ونحن لن نخبرك بطريقة التأقلم... ::: أنت ماذا تريدين بالضبط؟ أين كيد النساء واستخدامه لديك؟ أين التعقل في معاملة الرجل؟ هل تريدين خراب بيتك؟ هل تريدين خنق الرجل؟ لم يبق لك إلا طلقة واحدة لا رجوع بعدها...هل تنتظرين سماعها؟ هل لديك حنين لسماع كلمة الطلاق أم ماذا؟ هل أنت مستوعبة أن الرجل في ذمته امرأتين؟ هل كان حلاً أن تصرخي في وجهه وتخبري الآخر بما حصل؟ هل تريدين تهيئة الفراغ والجو الملائم لتلك المرأة؟ ما شاء الله تبارك على التضحية والإيثار |
اقتباس:
اقسم بالله اتمنى حبه يطيح من قلبي وارتاح الاسبوع الجاي بساافر لاهلي وهذا الي متعب نفسيتي اكثر يعني كل ماتعودت على زوجي اافرقه واروح لحكم الظرووف غير الوسواس الي قاهرني اتجاهه انا سبق وكتبت موضوع بهالشئ صح اني المفروض مازعل من رسايلها التافهة بس تراها جات بالخط وانا مضغوطة من يوم عرفت اني بسافر مرة ثانية لاهلي اه يانسيم قلبي تقطع كثير ومالقيت له حل ولا لقيت دوى زوجي فعلا يخليني افقد السيطرة على نفسي بدليل انه قالي لو احطك براسي اشربك بشربة مويا الله الله ياوسيم لهالدرجة انا صرت سهلة بيده انا لو بيدي الحمل كان صنعته لكن هذا بيد الله امي امس تبكي على حالي قالت لهالدرجة انتي عايشة حزينة قالت حسيت بالفشل اشياء تصير لي ياوسيم مو طبيعية اتجاه زوجي اي شيء وكل شى اشك فيه وكله بتصرفاته معي انا صارلي اسبوع اقوله خلها توقف عن الرسايل بس امس انفجرت تراكم ضغوطات |
حبيبتي صابرة
هدي أعصابك واذكري الله مسجاااااتها معقول طلقتك مرتين وكيف سمحتي لكل هذا يصير أي واحدة عاقلة ما دام الكلام ما فاد اتخذي فعل وقومي بالارسال له في يومها واتصلي وبعدها صدقيني هي بتمتنع عن الارسال و بتحترم نفسها كل هذا تسويه وانتي قمة في الهدوووء حتى زوجك لا تخبريه وتعملي كل هالزوابع خليك متزنة حبيبتي الزوج ينفر من الزوجة المتقلبة المزاج والثائرة أغلب الوقت خليك سكن وهدووووء بتحصليه يحن لك و لجلستك وسوالفك الطيبة وزوجته لا تطرينها على لسانك قدامه حتى لو رسلت خذي ردة فعل هادية وارسلي بيومها بدون زعل و صراخ أقولك هالكلام عن تجربة شريكتي كانت تسوي نفس الحركة وهو ما يوقفها عند حدها طلبت منه مرة واحدة بس ولما شفتها مستمرة رسلت بيومها وبعدها حرمت ترسل بس أوصيك بالاتزان والهدوء والحكمة |
اقتباس:
وقد جربت هالشى معه بالرسايل الغرامية شفته ماتجاوب خلاص يعني هي ترسل لزوجي ومايرد عليها ومع هذا ترسل انا يوم شفته ماتجاوب معي بالرسايل وقفتها حتى يعرف بقيمة اي كلمة اقولها له صح اني لازم اكون هادية وتزنة لكن قدر الله ماشاء فعل |
شوفي موضوعي صديقتي لاتحسن التصرف مع زوجها
اذا هرب زوجك من وتعود على المسفار فهذا خطأك انتي شكاكه لدرجه شكيتي في موضوعي بيوم تذكرين موضوعي اللي سألت فيه الرجال هل ترضى انزوجتك تنزل مواضيع في المنتدى وتذكر تفاصيل حياتها فكرتي اني زوجك واليوم تفكري ان رجل منهار زوجك اتمنى لو ايكون رجل منهار زوجك لانه بيكون شايل لك بقلبه ود وحب كبير بس الصدق ماتوقع ان هذا حال زوجك ذكرتي بالموضوع ذكرتي ان يبغالك فتره عشان تروقي اذا جات حالة الشك يعني حالة من جد صارت صعبه استفزك غلطتي عليه وانهرتي بالصراخ اي حياه هذي انتي عايشتها صدقيني انتي الخسرانه وهو رح يريح راسه منك لو طلقك ورح يرجع لزوجته لان اخذ تجربه سيئه من الزواج الثني ولارح يندم ابد لو طلقك وهي رح تبدأ بدايه جدييييييده بطلاقك ورح تحافظ على زوجها ادري كلامي قاسي عليك ويجرح بس اتمنى يفوقك من الغيبوبه اللي عايشتها ويصحيك من دور المسكينه انتي خربتي بيتك وتدمري زواجك هي سوت اضعف شي تقدر عليه وهو ارسال مسجات وانتي سويتي اكبر شي عندك وحطيتي احتمال الطلاق فرق كبير بينك وبينها اصحي لنفسك روحي عالجي نفسك عند دكتور نفسي حالتك صارت محتاجه تدخل من طبيب نفسي ترجيه يأجل الطلاق ويعطيك فرصه اخيره وروحي تعالجي لانك لو تعالجتي بعد الطلاق رح تعضي اصابعك ندم على الزوج اللي ظلمتيه والحياه اللي هدمتيها |
أنا كنت مثلك في غيرتي وتعبي لأنه ما كان يعدل بيننا
وحتى بعد العدل كنت أتحسس من عدم حسمه معاها ولكني اتجهت لحفظ القرآن والاستغفاااار و الذكر كل ما بدأت الوساوس أوقفها بالقرآن مع الوقت حسيت بهدوء وما صرت أنفعل أمامه حتى لو تضايقت من أمر أصلي ركعتين أطلب من ربي القوة وشرح صدري وزوجي ما أبين له وصدقيني كان هو بعدها يحاول تطييب خاطري بأي طريقة مع اني ما أكون أبين له اني أساسا زعلانة و الاستغفاااار مفعوله عجيب في البداية بيكون ثقيل عليك ولكن مع المواصلة بتشوفي كيف ربي يشرح صدرك و يبعد عنك الوساوس جاهدي نفسك بهذه اللحظات وكثري ذكر من استغفار وتبسبيح وتحميد وتهليل وحولقة هي شوية جهاد لوساوس الشيطان وبيبتعد عنك مدحور بإذن الله وليش دايما تسافرين لأهلك ليش ما تستقرين مع زوجك بمكان سكنه؟؟؟؟ استقرارك في بيت ايجار أو ملك ولكن المهم يكون بيت دائم لك بيغير الكثير من الامور بينكم هو بيتحمل المسؤولية تجاهك وبيكون لك دور أهم في حياته وبتستقبلين أهله و بتعملين حياة اجتماعية نقطة مهمة : زوجك يحبك ومتمسك بك شواللي يجبره يستمر معاك غير حبه لك لا بينكم عيال ولا انتي من نفس ديرته ولا من أهله يعني كان بامكانه يترك بأي لحظة ولكنه يحبك انتي لذاتك مب لأي سبب آخر |
انتي لما ترسلين في يومها ما يكون بهدف انه يتجاوب مع رسايلك
هدفك توصلين لها هي درس حتى تبتعد عن الارسال لأنها كل ما بترسل بتنجرح ثاني يوم بارسالك له فما بتواصل ارسال واذا هي كفت عن الارسال خلاص انتي وقفي بعد يعني سددي وقاربي |
لااعلم ماهو موقفك اذا كنت مخطئه في ضنك بهذا العضو انه زوجك !
كثيييييرا ماتتشابه المشاكل الزوجيه يا اخيه |
مشكلتك من اولها لاخرها
حلها بيدك انتي فالاعضاء ماقصروا جابوا لك كل انواع الحلول انتي اختاري منها مايناسب حالتك وزوجته الاولي ماحتسيبك في حالك حتي لو منعها حدور علي شئ ثاني عشان تزعجك فيه طنشيها وخلي تعلق بالله اكثر شوفي الاخبار عشان ينهز قلبك وتعرفي ان العالم مشغول بحروب ومجاعات وان الناس تموت بغير وجه حق واخاف تكون هذا من علامات الساعه ساعتها حتحسي ان مشكلتك جدا بسيطه وحلها ابسط بعون الله |
اقتباس:
|
اقتباس:
معك حق والله انا في غفلة |
اقتباس:
احبه بجنون وكل ماعاشرني اتعلق فيه زيادة انا زواجي الاول ماكنت احس بمتعة الجنس ولا كنت اطيق زوجي الاول لاني ماكنت احبه بس مع هذا عرفت معنى المتعة لكل شي انا مالي تجارب مع الاول كثيرة ولا اعرف معنى المتعة الا الان وهل هذا له دخل بحبي لزوجي احس اني زي الطفلة ولا عندي تجارب باي شي احيانا اساله من غبائي هل الرجال كلهم زيك في هالنقطة ولا يختلفون يقولي مافي رجل زيي واتعلق زيادة واصدق انا تعبانة ولمن افكر ان الانسان الي احبه لي فيه شريكة اتعب صح لاني انا من تزوجته ماكنت اعرف اني راح احبه لهالدرجة والمصيبة ان الي تهجم علي كله بسبب اني زوجة ثانية كاني مسوية جريمة مضغوطة بشكل ماتتصورينه اغار على زوجي من كل شئ واي شى واذا راح هناك اتعب واقول ااااه لين يتقطع صدري بس مع هذا اصبر واقول هذا قدري بس تعبت تعبت تعبت هو يستفزني كثير بسكوته وامس يقولي انا لو احطك براسي اشربك بشربة مويا وهذا مو من شطراته بس انا الي عطيته كل نقط ضعفي زوجي من النوع اذا ضعفت وخضعت له يزيد تمرده واذا بنت له قوتي واني مستغنية عنه تعلق وحاول يجذبني له واذا جذبني له ووصل الي يبغاه يرجع مثل ماكان يعني لازم اتم حياتي كلها معه بتمثيل وضغط على اعصابي طيب ياعالم هذا زوجي مو خويي عشان اتغلى واكابر يعني اذا مافضحت له كل مشاعري وضعفي افضحها لمين ويسوي معي كذا واقول خلاص انا ماراح ابين له ضعفي بس عن ذنبه عجزت اتوب |
انا بترك المنتدى بس قلبي معكم على طول ولا انساكم
واذا تبون الاجر انصحوه مثل مانصحتوا رجل منهار يسوي مع زوجته لان زوجي يمدحني عند اهله والناس ويقول اني طيبة وكل شى مو بس تهجمون علي عشاني زوجة ثانية ترا مالي ذنب انا بشر ولحم ودم وقلب يحب ويتقطع حسوا فيني ويكفي هجومات اقول لحبيباتي بنت الحكمي وشيخة البنات وتالينا ودلوعة وكل خوااتي الي نسيت اذكرهم ورح الطير تراني احبكم وماراح انساكم بس لا تنسوني من دعائكم بظهر الغيب بحاول الانقطاع عن المنتدى لانه صار يعرف كل تحركاتي بس بكون معكم |
ياغاليه اذا تسمحين لي انتي مو قادره تكيفي شخصيتك
حسب مواقفك وحياتك .. لاحظت ان استفزازك جدا سهل .. ليه تخلي غيرك يوصل للي يبغاه منك بسهوله .. عاملي زوجك بلطف اكثر انتي حيل عصبيه هالشئ يزيد من المشكله .. خليك بارده اكثر هادئه اكثر .. اذا قلت وش اسوي هاذي انا ووووو اذا تحملي .. بالتوفيق .. |
أختي صابرة
بقى لك حل واحد ياقلبي اعتصمي باالله يا صابرة أرجوووووووووووك استغفار ودعاء وصلااة وذكر , كل ما احترقتي توضي وصلي ركعتين وفي يومها صلي لربك كثير والله ليرزقك سكينة ما تحلمين بها وراح تحلين مشاكلك , ويوم يجي يومك راح يلقاك هادية لانك في اليوم الي قبله كنت تغذين روحك بذكر الله ومهما حاول يستفزك راح تلقين نفسك هادية اياك تجيبين سيرة الطلاق تمسكي فيه هذا محبووووبك ولكن قوي نفسك وعلاقتك بربك بس ... حلك بيد ربك والله العظيم بيد الله ذكره هو اللي بيهديك موفقة يا صابرة |
انت مثالية وعايشة بعالم الخيال
راسمة صورة بذهنك وتطالبي زوجك وضرتك بها ..وهذا هو المستحيل عزيزتي اعذريني الواقع شي والخيال شي واللي تبينه شي أنت تتعاملين مع المواقف بمثالية ورقي يومها ماتتصلين ماترسلين تاركته لها (هذه مثالية لمن لا يستحق)) بالتالي تبينها تتعامل بنفس أسلوبك وسياستك ماتتصل بالزوج ولا ترسل لما تأففتي وتذمرتي وعصبتي على زوجك صار يعاندك وما يوقفها عند حدها وش يجبره يوقفها عند حدها ..أولا: الرجال مبسوط (رسائل غرامية وعشق وغزل وشوق ووو.....الخ) ثانيا:أنت جيتيه بصيغة الأمر والعصبيةوتفرضين عليه.. وكأنه ما يفهم ولا يعرف الواجب والأصول. ياحلوة ادلعي واحزني ونزلي دمعتين بكلمتين عتاب ونظرة ألم من غير عصبية ولا هواش حنني قلبه عليك..مرة على مرة على مرة هو من نفسه مايرضاها لك.. خليها تجي منه.. الحقيقة المرة .. هي أذكى منك.وهذا مو عيب فيها بل ميزة ودهاء. شغلي مخك النايم واخمدي قلبك المحروق واتركي عنك المثاليات الغير موجودة على الأرض وتعلمي كيد النساء.. :24: وسامحيني إن قسوت عليك..فأنا أخت ما أريد سوى مصلحتك. |
صابرة
ليه بتسافري ؟ مافي شئ بالغصب ؟ قولي له ما أبغى أساافر و أجلسي ، ليه بتسافري و متعبة نفسيتك عشان السفر ؟ لا تسافري و اجلسي |
حاااسة فيك يا صابرة
المشكلة تكمن في الافكاااار اللي مليتي راسك و روحك فيها تعلمي تتمسكي بقوة بالافكار الايجابية والتي تقربك من زوجك واطردي الافكار السلبية اللي تعتبريها نتيجة لحبك الجنوني له كثرة الشك تعطي انطباع لزوجك بعدم ثقتك بنفسك كنت مثلك ولله الحمد تعلمت التوازن في علاقتي بزوجي اذا ما اتصل ما أشغل فكري ليش وأكيد مشغول بغيري وغيرها من الافكار اللي تخرب البيوت ابتعدت عن هالافكار لأني أريد أفرح و أنتج و أملاء حياتي بالسعادة توجهي لله وشوفي كيف يربط على قلبك ويعينك على التوازن اطلبي حب الله و اعملي لله وخلي زوجك في المرتبة الثانية بعد الله وربي يشرح صدرك وسعدك دنيا وآخرة |
مشكلتك جدا انفعالية
كل موقف تتعاملين معاه بتطرف حتى الردود تسبب لك تشنج بررررردي وريحي بالك تعلمي الهدوء والروقان لاتجيك جلطة والا سكر دائما استغفري وخذي نفس اذا انفعلتي الحياة لا مع هذا ولامع غيره ماراح تمشي الا بطولة البال |
الله يسسر امرك ويرشدك الى الصواب
هذا اللي اقدر اقوله وان شاء الله تكون سحابه صيف وتعدي قلبي معك اخيه |
صابرة
صاحب الموضوع اللي أشرتي عليه ، جدا واضح إنه مو زوجك .. ليه تعبي راسك بأفكار و شكوك ؟؟؟؟؟ 1 - أسلوب زوجك في الكتابة مختلف .. 2 - زوجك ما راح يفضح حاله و بيجي ينزل موضوع في المنتدى اللي إنت تتابعيه و تكتبي فيه .. 3 - غيرتك من زوجته هي اللي متعبتك يا صابرة .. كل ما كان اليوم اللي بيروح فيه لها ، لاحظت نفسيتك بتتعب و تنزلي موضوع .. و الشئ هذا أشوف صعب إننا نعطيك حل له ؟؟؟ 4 - لا تسافري مضطرة أخرج دحين .. و نببغىى نسمع أخبار حلوة عنك |
يا أختي اللي مايقدرك ويحترمك لا تقدريه ..انتي تقولي انك متأكدة انها تسوي كذا عشان تستفزك مع ان زوجك قال لها لا ترسل صح ؟ ماادري بس لو أنا مكانك وهي ترسل في يومي ...في يومها هي.. بدل الرسالة الوحدة راح ارسل عشر رسايل ..وكلها غزل وحب وشوووق وكلمات جريئة له ..مثل ماهي زوجته وتشتاق له انا بعد زوجته ...ومن يجي يومي راح البس واتزين واطبخ له احلى اكل وأهدي بااااااااالي واضحك واسولف معه واحاول اني مااااااااانكد علييه ...واذا هي وقفت ماترسل حتى انا ماراح ارسل ..يااختي استخدمي دهائك وذكائك في جذب زوجك حبيبك ..ولا تخليه يطير وينفر منك ..واذا على السفر .السفر مو غصب ياأختي ..ظلي في بيتك ولا تسافري واذا على اهلك وامك كلميهم واتطمني عليهم وخلاص !!
|
| الساعة الآن 09:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©