|
زوجي يخوني مع الخادمة
السلام عليكم
انا عضو جديده اشتركت معاكم اريد من يساعدني كيف اتصرف ؟ ايش العمل مع رجال تعبت من خياناته من تزوجنا هذا طبعه انصمت باول حالة خيانه وانا توني عروس مع منو زوجة اخوه !! اكتشفة انه يكلمها وواجهته بالدليل ..طبعا حاول يكذب علي وقولي انه يسوي كذا علشان يكشفها لاخوه ...كنت اعرف انها امرأه لعوب واستغرب دفاعه عنها وليه من اول ايام زواجي نروح نزورهم تقريبا مرتين بالاسبوع ...سبحان الله بدون ما اشك فيهم والله اني ما اتخيل انه تكون بينهم علاقه لو تلفون لكن الله كشفه ..وصار هذا طبع وكل مره الله يكشفه لي...كنت حامل وصدقتة ان الموضوع بس تلفون وقالي كلمه ,اللله ماااااانسيتها بس ندمانه اشد الندم لما قالي تكسبيني بطيبك اذا سامحتي ...ندمانه ياليتني اصريت علي الطلاق. ليتني طلعة بطفل واحد ومطلقه .. الحين صار الوضع صعب...سامحت ودخلت دوامه من التعب النفسي اذكر اني كنت علي طول مهمومه واتذكر اي موقف جمعنا وكيف كانت معاملته لها وضحكهم وانا الغبيه ما ادري عن شي بينهم المهم اني وعدته ما اتكلم واخوه المخدوع ما يدري عن شي زي حالتي ملتزم مسكين كل ما شوفه اقول كيف الطيبون لطيبات وهذي الالعوبانيه بنفسها تتفاخر انها كلمت فلان وفلان انهبل لما شافها بالصدفه..وزوجها يحبها ومدلعها ...و كنت ادعي عليها وفعلا ما اقدرت تعيش مع زوجها طلبت الطلاق وهو اخذ وحده مثله عوضه الله خير...كتبت لكم هالقصه رغم ان بعضكم بقول ادخلي بالمشكله علي طول ...بس حبيت اقولكم اني بعد عشرة هالسنين اكتشفت ان زوجي مستحيل يتعدل ويترك الخربطه وقبل لااحد فيكم يلومني ويقول اكيد منك التقصير...بختصار صرت كل فتره اكتشف له علاقه جديده احيانا يكون قلبي دليلي وحاسه..ويكشفه الله لي واحيانا اتجسس عليه انا عارفه انه غلط بس بسأل كل زوج لو شاك بسلوك زوجتك ما تراقبها انا؟؟؟وكل زوجه لو عندك واحد يستغلك اصرفي علي البيت وما يصرف عليكي لو ريال..بالعكس بكل وقاحه لما اطلب منه يشتري لي معجون اسنان بطريقه وهو رايح لسوبر ماركت يقولي موظف انت اشتري من راتبك...والله قهر انا دايما الي ادفع لمكتب الخدم واجيب الخادمه من مرتبي وانا الي ادفع راتبها وبعدين اكتشف انه فيه شيء غريب قاعد يصير من وراي بينزوجي والشغاله بس ما عندي دليل ما عمري فكرت ان نفسه الدنيه بتخليه يناظر للخدامه حسبي الله ونعم الوكيل...ابغي الاخوات تقولي ايش تعمل لوكانت مكاني وابغي و الازواج الي فاهمين بعض ليه الزوج يخلي زوجته الشريفه النظيفه ويلاحق خادمه سيلانيه ما فيها من مقومات الجمال شي والله نحيفه لدرجة تحسبها ولد في سن المراهقه وشعر !!! الحمد الله والشكر والريحه ثوم قسما بالله اني اتضايق منها لمرت جنبي ايش الي يخليك ما تقاوم تخيلو طلعت من الاربعين لاحظت عليه نفور مني واي كلمه اقولها يرد بعصبيه ويسمع الشغاله انه احنا متزاعلين وعلي فكره انفاسي كان في بيتي علشان ما تقولون خليتهم لوحدهم والشيطان ثالثهم ..الغريبه انه ما قرب مني ولا كأني زوجته لمدة ثلاث اشهر كنت احاول اجذبه لي بس لاحياة لمن تنادي ..وبعدين رجع كل شي طبيعي طبعا بعد عتاب مني وفهمني انه عنده عجز جنسي وتفهمت نفسيته وقلت لها السبب كان عصبي وطلت غلطانه ما كان عنده لاعجز جنسي ولا شي ...المهم اني بعد فتره لاحظت ان زوجي العصبي والي دايما صوته عالي لما يدخل المطبخ يكلمها ما اسمع صوته يكون حديثهم همس ...ولاتقولون ليه تخلينه يكلمها هو يروح للمطبخ وانا ما ادري يعني يتحين الفرص وانا موظفه مو معقوله بخلي عملي وتدريس اولادي واجلس اتابعه اذا ما يخاف من ربه بخاف مني ..لما ادخل عليهم يتغير شكله وعلي صوته وانت مهمله وهذا الفول انا جايبه من متي وخلص تاريخه والتوست عفن وانت يا هانم ما تدرين لازم اتابع البيت بدالك!!! غير ان بنتي الصغيره كم مره تقولي ماما ابوي امس كان في المخزن والشغاله معاه ومارضوا يفتحون الباب ولما افتحته الخدامه شفت ابوي مستخبي وراء الباب والشغاله معصبه وتقولي بابا يساعدني احط اللحم جواة الفريزر لانه بعيد!!!! طبعا واجهته وانكر...ووجهت امري لله وسألته يكشفهم علي حقيقتهم ..كان باقي كم شهر وتذلف لبلدها وهو بعد فتره من الهجروالنوم بغرفه ثانيه بعيده عن اولادي وعذره ظهري يألمني وعيالك مزعجين خليته براحته وانا والله مجروحه ودايما اتحسب الله فيهم .... المهم انا حصلت لنا سفره بالصيفيه وهذا وقت سفر الشغاله لبلدها ..اصر انها اتأجل سفرها بعد رمضان وقلتله انا بجيب غيرها عصب علي قدامها وقالي انت مجنونه شفيكي هلي الشغاله انا قنعتها تسافر معانا وتأجل سفرها ..قلتله هي مو راضيه راح عندها بقنعها وانا وراه حسبي الله ونعم الوكيل مسويلها قدر الخايسه هي اصرت علي السفر وانا حاسه انها خايفه اكشفهم ...طبعا عطيتها الباقي من مرتباتها ولا ظلمتها وعطيته فلوس التذكره علشان يحجز لها روحه بلا رده وجبت بعد ما رجعنا من السفر شغاله هنديه كبيره بالسن .... اطمأنيت وقلت نزوه وعدت علي خير- الي ان اكتشفت برمضان ان الشغاله رجعت بعد سفرها بشهر وانها لازالت علي اقامته وانه خلها تشتغل في بيت ناس ما يغرفهم هو لكن سبحان الله الوجه اسألتها كنت تشتغلي وين قبل كذا وكم عيال المدام الي كنت تشتغلي عندهم وشو تشتغل ... وطلعت صديقة اختي وقبل جت عندنا مع اختي وكات مشبهه عليها بس اعرفت السيلاانيه اضربت عن العمل وصديقة اختي تقول جلسنا اترجاها انا وزوجي انها تشتغل عندنا وهي تصر علي الرفض وتقول زوجي اتصل برجال الي جابها(زوجي) وتقول جلس يكلمها ساعه وهي تصر وبعدين اخذها منهم وما تدري وين راحت واجهت زوجي بالوصلني من كلام ليه حجزت لها ترجع ايش هدفك قالي اترزق الله وبعتها انت ايش يضرك ...طبعا زوجي مايدفع راتب الشغالات ويقولي هذا واجبك اما تشتغلي بالبيت اوتحطي الشغاله بدالك !!!!شوفو المنطق طي اجلس بيتي واشتغل فيه بس تصرف علي ..يقولي ابد ما تشوفي ريال واحد!! سكت عن خياناته بر البيت ..ما سلم حتي بيتي ...المهم من رمضان وهو عصبي كل ما نجي نتفطر مثل المسلمين ينكد علي انا وعيالي كرهنا بالقعده معاه علي سفرة الافطار والله احط فطوري وافطر بالمطبخ علشان ارتاح واقدر ادعي ربي- وطلع بسالفة بتزوج عليكي وبحطها بالدور الثاني وصار هذا هاجسه قلتله براحتك وعلي فكره من رمضان هااااجرني ومافي غلاقه زوجيه بينا واخر رمضان ماسك كتاب طبي عن العجز الجنسي احس انه يتعمد اني اشوفه بيده ..وهو دايما ما يقراء الا الصحف من متي الاهتمام بالقراءه لا وكتاب طبي بعد يعني شرايكم اي زوجه مكاني وتشوف زوجها يفهمها انه عنده عجز جنسي ..اكيد ما تطلب العلاقه الزوجيه لاني ما احب احرجه يا الله كيف يفكر هالرجال !!!!!! وهذا احنا علي هالحال من قبل رمضان يعني 7اشهر اي صبر انا صابرته ما يخاف ربه ما يفكر بهالوقت الي كله فتن معلقني حسبي الله ونعم الوكيل ...من اسبوع سمعت مكالمته مع من توقعون؟؟؟؟؟؟؟؟؟!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!! !!!!!!!!!!!!!!!!!!!!!!!! مع خادمتي القديمه السيلانيه أخييييييييييييييييييييييييييييييه ويسألها وين راحوا معازيبها انتقلوا بيت جديد يقولها اعرفي العنوان علششششششششششششششششششششششششان اجيكككككككككككككككككككككككي هذا المريض بالعجز الجنسي الله ينتقم منهم وهي بالذات الله يسلط عليها ويفضحهم والله اتمني صاحب البيت يقبض عليهم متلبسين بالجرم المشهود ويجرررجرهم لشرطه اي بلوه واي مصيبه هذي ايش تفسيركم وقولولي ايش الحل المتزوجات لو انت مكاني ايش تعملي كيف تتصريف مع زوج خااائن ..والاخوان فسروالي تصرفاته وليه منهبل عليها صرت اكر احط له عطر اقول خساره فيه كفوه البصل والثوم واحمد ربي ودايما اذا شفت منه صد بالعلاقه الزوجيه اقول خيره ان شاء الله ...طبعا هو ما يكلمني من رمضان وما كان يسلم لما يدخل البيت بس انحرج مره لما قلتله السلام لله ....من يومين عصب علي شي سخيف وقالي انا بتزوج وانت قعدي علي بيتك وعيالك ..ما رديت عليه ..بس افكر ليه لاني دايما متحملتك لان في يوم قلتلي تكسبيني بطيبك وسامحتك وانت خدعتني ولازلت ما شي بنفس طريقك خيانات واهمال بسأل اهل الخبره الزوج ليه يخون لاتقولون الزوجه مهمله والله مو مقصره هو الي مقصر معاي وما يعطني حقوقي كزوجه ......اتمني |
اللي يخون مرة يقدر يخون مليون مرة
و اللي يبي الخدامة مستواه من مستوي الخدامة خليه و اطرديه من حياتك هذا ما يستاهل كلمه زوج او اب ...حتي ما استحي في وجود عياله يودي الخدامه في المخزن يدام بنته و الله يا اختي احسن لعيالج ما يعيشون معاه و لا يشوفون هل مواقف ..خذي موقف حاسم و اطلبي الطلاق بس قبل ما تطلبي الطلاق خذي عليه كم دليل عشان في المحكمه ما يعطونه كفاله اليهال اللة يكون في عونج |
اشكرك علي سرعة الرد والله اني بحاله الله العالم فيها ..هو خسيس ادري ..بس ما اقدر اطلب الطلاق ظروفي صعبه بيت اهلي ما يقدرون يتحملوني انا وعيالي ..وهو تقريبا تاركني يعني مطلقه بس الفرق انه يشاركني بتربية عياله ..اكذب عليك ان قلت ما احتاجه بحياتي بس بعرف لييييه يواعد الخدامه هذه بالذات لييه موخايف علي سمعته وعلي بيته ليه يهجرني علشان خدامه والله لفيت المنتديات ما قرييت عن زوج يهجر زوجته الي احلي من الخدامه ما في مجال للمقارنه اظلم نفسي اذا قارنتها فيها....رغم عمري لكن جاهله بتفسير تصرفات زوجي ....اذا عندك خبره ومرت عليك نفس حالتي ..ليهيسوي كذا
|
وعليكم السلام ورحمة الله وبركاته
احمدي الله احمدي الله احمدي الله انه لم يقترب منك طيلة هذه الشهور ! وقومي بإجراء التحاليل الخاصة بالامراض التي تنتقل عن طريقة الممارسة مثل الايدز وغيره ! فهذه الخادمه قد تكون على علاقات كثيره وقد تكون مرضت بالايدز وغيره لاقدر الله حال رجوعها لبلدها قد يكون هو خائفا من ان ينقل لك مرض ! او ماشابه لاتسألي عن سبب خياناته فنحن لانعرفه الا من حديثك عنه قد يكون ( من شب على شيء شاب عليه ، ضعف الوازع الديني ، ربما اغواء الخادمه له انا لااعلم ولااريد ان اتهمها بذلك ، قد يكون مولعا بالنساء والجنس لااعلم ) ليس الجمال كل شيء في نظر الرجل لربما هي تريحه جنسيا كما يرغب لربما تغويه ببعض الحركات والحديث غير الذي تتميزين به لربما يشعر بأنك مشغوله عنه في التدريس والاطفال وحال اتصالكما الجسدي تكونين مرهقه اسباب كثيره قد لايعرفها الا انتي تبعا لطبيعة معيشتكم يا أخيه عليك ان لاتتصلي به جنسيا الا بعد التحاليل اللازمه ان تكون العلاقه بينكما جاده رسميه مع الاحترام حتى تستقر الاوضاع ان كابر افهميه انه متزوج ومحصن وذكريه بالعقوبه الشرعيه ان تمادى في ذلك للتخويف اوضحي له انك جاده في كلامك وقبل كل هذا تقررررربي الله ادعيه اخلصي عبادتك واهتمي في اولادك ولاتجعلي اخطاء والدهم تؤثر على قلبك ومحبتك لهم واصلي التدريس وزاولي حياتك الطبيعيه |
عزيزتي لا تفكرين ليش يسويها مع الخدامه و لا حتي تعورين راسج ليش مفضل وحده مثلها عليج
العلة مو فيج, العله فيه و في طريقه تفكيره ... انا شايفه حريم مو ناقصهم شي جمال و مال و اخلاق بس الزوج يخونهم مع وحده سافله ... هو هذة من مستواه ...مريض نفسيا و فيه عقدة نقص انصحج حتي لا تفكرين فيه و لا في اللي يسويه .... لو مو قادره علي الطلاق علي الاقل تطلقي منه عاطفيا: لا يلمسج و لا يتقرب منج لان كما قال الاخ طيب اخاف يجيب لج الامراض من هل علاقات الغير شرعية استثمري علي نفسج و علي حياتج و علي عيالج لا تخلين تصرفات ابوهم ياثر علي تربيتهم يالغالية لا تعذبين نفسج لان هو ما يستاهل دمعة من عيونج ...انتي ارقي منه بوايد دعواتي لك حبيبتي |
جزاك الله خير انا فعلا احمد الله ...والله اني لما اشوف منه صد اقول عسي ان تكرهوا شي وهو خير لكم ...تنصحني بالمواجهه ؟؟زوجي اذا معي كان دليل يطلعني غلطانه ومريضه نفسيا ...بالنسبه للمعامله بحترام هو مو معطيني مجال ..نجلس بالبيت ساكتين ما نكلم بعض مخليني لتربية عياله وبس كزوجه يكلمها يقولها اخباره لاء تصور اسمعه يكلم اصدقائه عن اخر اخباره ولنا قاعده اصب له الشاي ما يقولي دايما اكلمه بالموضوع ...يخطط علي سفره مع اهله وانا اخر من يعلم بس دوري اشاركه بالمصرف بالسف راجهز ما نحتاج ..اخر مره رفضة بشده واصريت علي موقفي ..كل الي سواه قال لاهله ماتبي تجي معاكم واخذ عياله وطلعني بصوره بايخه قدامهم
|
من لا يتورع عن خيانة أخوه من لحمه ودمه
لماذا تستغربين خيانته مع خادمة أتمنى تجدي حل لمشكلتك من حكماء المنتدى لا تنسي الدعاء و الاستغفار الله وحده قادر على شرح صدرك وتفريج همك |
هذا الخيانه معششه في مخه ذكريه بالله ارسليله رسائل على جواله حكم الزنا وكل مايتعلق به كيف الطريقه التي يعاقب الله الزاني فيها يوم القيامه ياريت لو تقدري تصوريهم مع بعض في هذا الوضع حطي كاميرا فيديوا بدون علم زوجك وهيئيلهم المكان اذا مسكتيها في يدك سوي نسخه ثانيه للاحتياط بعدهها هدديه بارسال الشريط لاهل الاختصاص لاقامة الحد عليه وعليها
ياينعدل زي العالم والناس ولا تفضحينه ويقام الحد عليه لانه محصن وتفتكين منه ومن مصايبه وانتي متوظفه يعني تكوني في بيتك مع عيالك ليه تروحي لاهلك استاجري شقه جنبهم مو لازم تعيشي في نفس البيت وش ذا الاهانه والذل هذا عيشه تجيب المرض لاخوف من الله ولا من الناس |
طيب لي مافكرتي تتدخلي احد بالموضوع يعني احد يمون عليه ابوه امه؟
|
يا اختي ابدا لا تندمين على جفا واحد مثله في قمة الانحطاط
والله اني اشمئزيت من قراءة المشكله فكيف لو لا قدر الله عايشتها بس انا لو كنت مكانك كان اتصلت على الهيئه وحكيت المشكله واعطيتهم الارقام وهم يتصرفون. وانتي الله يصبرك ويعوضك باللي تتمنين دنيا واخره يا رب. |
اشكركم علي ردودكم ..انا لست من المهتمين بالنت دخلت ابحث عن حل لمشكلتي والحمد الله الي وفقني بهالمنتدي احس انكم علي قدر من الثقافه وردودكم محترمه هناك منتدي اخر من بحثي بgoogleعن المنتديات الزوجيه وقعت فيه بالغلط وشاركت بعد كذا اكتشفت ان الاقسام بالمنتدي فيها كلام غير لائق ..المهم برد عليكم واعذروني اذا خربطت بالنكات الاخت الثانيه 22 معاك حق لكن انا صدقته مو انه كان يكلمها علشان يكشقها لا والله صدقت انه اخذ دس من الي صار وتاب وفعلا مرت علي فتره كان يعاملني احسن من لما كنت عروس ...وهي جاها عقابها من ربي وتطلقت ...كنت اقول لنفسي انها فعلا جميله وتتفنن بطريقة الكلام بغراء وتتكلم قدامه بموضيع !!!وهو قالي انها تحاول تغويه من قبل لا يتزوج ...طلع الخيانه طبعه وانسان يحب الحرام!!والله اني اتزين وطالعه من الاربعين ما شوف اي اهتمام ماكأني موجوده وما كأن ناقص عليه شيء
الأخت ادمنتك تقولين احط كامرا هي مو بيتي تشتغل عند ناس ما عرفهم بس سمعتها تقوله ان البيت الجديد الي اسكنوا فيه فيه كاميرات لكن من كلامه مو هامه ومبين انه كان يجيها في بيتهم القديم ادعيلي ان الله يكشفهم ادعولي يا اخوان لانهم مو بس نسو بيتي حتي بيت الناس والله كل ما نمت علي فراشي اتخيل القرف الي كان يصير بينهم العاشقه يا اختي محد يسمع الله يسامحها خالتي توبتني اني اشتكي ولدها عندها ...تهاوشنا قدامها وسكتتنا وقالت بتجون لبيتي تقهو وتعشو وامشو ما ابي اسمع مشاكل كنت انثي ادعيلي ياأختي بدون دليل ما ينفع الكلام |
أسمع كثير عن السحر ببلاد سيريلانكا وأندونيسيا ... ياما سمعنا عن خادمات وطرقهم العجيبة للسحر .
طبعا ممكن يكون تأثيرها عليه بشيء اخر ... خاصة انه غير مستقيم وله سابقة بالخيانة .. لكن جربي تروحوا لشيخ ثقة يقرأ عليه ويعرف اذا في سحر وللا لأ |
الله يفرج همك ويكشف عنك كربك
لا تقهري نفسك هو حسابه عند رب العالمين وانشغلي بعيالك و بيتك ... عيالك هم كنزك الثمين اسعديهم و اسعدي نفسك والأفضل تتأكدين من وجود علاقة فعلا بينه وبين الخادمة ولا تبنين الامر على مجرد شكوك الله يكتب لك كل خير ويكفيك شره ويصلح حاله ويهديه و ينور بصيرته للحلال و يبعده عن الحرام والأفضل لا تبيني له انك شاكة بأمره مع الخادمة وبنفس الوقت حاولي تخوفينه بطريقة غير مباشرة عن طريق قصص واقعية عن الزنا وخاصة اذا مع الخدم السيلانيات وكيف كانت العقوبة في الدنيا وعن الامراض الخطيرة اللي بدون علاج ... بتحصلين قصص كثيرة في النت ربي يوفقك لكل خير و يفرج عنك كل هم |
فكرت انها تكون ساحرته وجلست فتره اشغل البقره لما يكون موجود .....كان طبيعي ما فيه اي شي يسمعها عادي مايتضايق من القرآن ....شكرا لك
|
اذا شاكة بموضوع السحر
ممكن تقرأي بماء الرقية وتخليه يشرب منه باستمرار طبعا بدون علمه حاولي حتى العصير أو الاكل تقرين الرقية و تنفثي وربي بيرفع أذاها اذا سحرته فعلا جربي ما انتي خسرانة شي |
الثانيه الله يجزك خيرعلي الدعاء انا فعلا صرت استغل النت اني اطور من ذاتي واشغل نفسي بالمفيد ...واحب نفسي قبل كل شي موانانيه بس علشان ارحمها من جلد الذات مرت علي فتره كنت اطالع نفسي بالمرايه وبدون شعور اقول لصورتي ...انت كاسره خاطري..الحمد الله ما اقول اني بطات من البكاء علي حالي لكن افضل اول
الي يقهرني الحين انه معزم علي الزواج الثاني وبحطها بيتي ...يعني عرف الطريق الحلال!!! وشكله ما راح يعدل لانه يقولي اقعدي علي بيتك وعيالك ..... |
الله معك اختي ..
استعين بالله ، شوفي اتركيه لا تهتمي فيه ، عيشي حياتك ، الاشياء اللي المفروض هو اللي يدفع قيمتها ، خليه هو اللي يدفعها ، فلوسك خليها لك بس انتي ، اي مصرف ثاني انتي ما لك دخلك فيك . طالبي بحقوقك بأسلوب ، حبي نفسك ، دلعيها ، فرفشي ، وسعي صدرك بالامور الحلال ..وخليه اخر اهتمامك. البسي بالبيت لبس بسيط ودلع ، لك انتي مو له ، ابيك تدلعين نفسك وتهتمين فيها وتطورينها ...انسيه مؤقتا ادري انه صعب ، لكن حاولي تحبي نفسك قبل اي احد من اهلك. اذا بيسافر لا تجهزين شي له ، ولا تهتمي فيه ..وبيني انك مطنشته |
أختي الفاضلة ممكن أسألك كم عمرك انتي و زوجك ؟؟؟
ومن كم صار لكم متزوجين ..؟؟؟ وكم عدد أطفالك؟؟؟ |
روح انسانه والله معاك حق هذا الي جالسه اسويه الحين اطلع مع صاحباتي واتسوق واخليه يتحمل مسؤولية عياله يمشيهم ..مطنشته وشاريه راحتي لكن اخاف اكون غلطانه ومعطيته فرصه يلعب بذيله ...لان مراقبتي له خلال اسبوعين اكتشفت في يوم واحد كلم ثلاث نسوان بينهم شغالتي القديمه وهذي الي قهرتني
الثانيه زوجي في بداية الاربعينات وانا في منتصف الثلاثينات .......عندي ولله الحمد4 اكبرهم وصل لمرحلة الثانويه وصار لنا متزوجين 17 سنه |
يعني مثلا لو تطلقتي منه وش تخسرين؟؟بصرااحه
احس انه زيادة عدد لايصرف عليك لا يحترم عياله لا يعاشرك بالمعروف وفوووقها خيانه لا ومع من مع زوجت اخوه والشغاله؟\ ودي اعرف وش دوره بحياتك؟ |
الله يفرجها عليك , ياحبيبتي أنت إن شاء الله مافيك شي ولاكنت السبب في إنحراافه , هوإنسان وقع في مستنقع الرذيلة وغاص لأبعد حد , ومن قبل لايرتبط بك وإنساان خاان أخوه من لحمه ودمه وبدل مايحافظ على عرضه أستحله , وخان الله قبل , أصبح الحراام في دمه مع إبليس سواء بسواء. والخادمة السريلانكية هذا مستواه والبعض عندهم إدماان الخادماات الله يعافيهم ولايبلانا , وحدة أعرفها حق المعرفة زوجها يخونها مع الخاادمات وهي الي تستقدمهم وتدفع رواتبهم وفي النهاية تسفرهم قبل لاتنتهي السنتين ,وجميع الجنسيات أستقدمت, والخاادمة الي تصده يستقعد لها , ومثلك طلعت من الأربعين والوضع عاادي , يناام في الصاالة قدام الخادمة وقداام الجميع , ودائما يطلعها حقوده , وشككها في نفسها وعملت عملية تجميل , ويهجرها بالشهور , والله إنها مثلك ,أول كانت تحبه, الآن تدعي عليه بالموت , وفكر بالزواج لكن ماأحد وافق عليه ,لولا بعض الإختلافاات لقلت أنها أنت. لكن ممكن خيره لو تزوج , الله قادر ياخذ حقك على يد غيرك , وفي النهااية الحلال أفضل من الحراام . تمسكي بوظيفتك وخلك واثقة من نفسك وعيشي حيااتك والله يعوضك في عيالك خير,وأدعي له بالهدااية وأدعي أن الله يستر ويحمى بنااتك من ذنب أبوهم. |
اقتباس:
صبر جميل وبالله المستعان لاتكترثي ، اجري التحليل تزيني ، مارسي حياتك الطبيعيه اعتبريه مسافرا ولم يعد بعد ! وان اراد ان يتزوج فلابد من سبب هذا يعني انه يرغب في اي انثى غيرك ! ابحثي عن السبب يااخيه حتى لو لم تقومي بكتابته لنا اسألي نفسك وان حصلتي على الجواب اوجدي الحل وقومي بحل المشكله بهدوء وعقلانيه فسمعة اطفالك متعلقه بأبيهم |
نورين اتمني ما غلطت بكتابت النك نيم والله ماله دور بحياتي ..حتي كلام ما يكلمني ما يشاركني همومي عايش لنفسه وبس لكن محتاجته يربي معاي العيال ...لوحدي مااقدر
في رجا الله ...فعلا نفس قصتي هالانسانه الظاهر ان الرجال الي من شاكلت زوجي تفكيرهم واحد وتصرفاتهم وحده لكن الفرق مستحيل اسوي عملية تجميل واغير من خلقتي علشان ارضيه واغضب ربي ..والله اني ادعي ربي وانا مدركه اني مذنبه الله يغفر لي لكن ان شاء الله مو ملعونه ومطروده من رحمة الله...ادعيلي الله يجزاكي الجنه الاخ الطيب...سألت نفسي هالسؤال ليه منجذب لها ...وتذكرت اني لقيت معاها جوال (خادمة امي هي الي قالتلي عنه)اخذته منها وفهمتها انها بتاخذه مني لما تسافر ولما فتشته شفت مقطع فيديو وصخ وعرفت انها قذره ..بس قلت باقيلها اشهر وتنقلع بلدها المفروض انها بنت والي اعرفه ان السيلانيات حتي لو مو مسلمه تحافظ علي عذريتها !!!المقطع يفسر لي ايش هي علاقتهم ...اعتقد......هو يعرف اني استقذر هالاشياء ...يمكن لقاها ماتمانع ....بس انه موخايف صاحب البيت يصيدهم لهالدرجه رخيصه سمعته يغامر فيها |
ياعمري وضعك جدا صعب ومخيف
كيف تضمني تعيشي مع رجل له علاقات والله اعلم ايش مسوي قبل وايش بيسوي مع السيلانية الي ماتخاف ربها يعني فاتح ابوابه لمرض الايدز هذا ماخاف الله في نفسه و تتوقعين بيخاف الله فيكم وفي سمعتكم من دق باب الناس دقو بابه فهميه هالكلام انتم عندك بنت الله يحفظها وعقاب الزاني بالدنيا والاخره واتمنى يكون عقابه بالدنيا يكون في نفسه مو في احد من محارمه ربي انعم عليك بالوظيفة يعني لو انفصلتي مابتشيلي هم مين بيصرف علي ولا على عيالي وإذا ماتبغى تتطلقي فياليت لو جآ جهتك ويبغى حقه ارفضيه وموافقتك خليها مشروطه انه يكشف على نفسه ليكون حامل ذآك المرض ويوهقك فيه اعوذبالله الله يكفيك ويكفي عيالك شره يارب |
والله قهرررر تجيبي الخدامه بفلوسك ورواتبها عليك ويخونك معها
اي رجال هذا !!!! الخياااانه كاثره بسبب ضعف الدين والايمان مايخافون الله لاتغلطي غلطتي امسكي فلوسك لاياخذ منها شي |
كم طفل عندك؟؟وكم اعمارهم؟وكم سنه صارلك متزوجه؟؟
انا متأكده انك منتي مقصره معه لانك ذكرتي انه من اول ايام زواجكم وهو يخون ومن قبل زواجك منه طبعا اكيد كان على علاقه بزوجة اخوه..يعني من قبل لايتزوجك وهو قذر وخائن..وهذادليل على برائتك من التقصيرفي حقه وانتي دامك موظفه ..تقدرين تستأجرين بيت لحالك تقعدين فيه انتي وعيالك ومنتي مضطره لسكن مع اهلك...وصدقيني حتى لوقال باخذ عيالي منك ..مايقدر الحمدلله الحين القضاه صاروا متفهمين...ويحكمون للام حضانه اطفالها..لاتقولين محتاجته يري معي عيالي..تبينه يربيهم على ايش ولا ايش يعني انتي شايفته قاعد يربي تربيه سليمه ولا يربيهم على فعل الحرام..شوفي بنته شافته مع الشغاله في المخزن اكيد بترسخ في عقلها طول العمر..ايش استفدتي من تربيته وهو قاعد يسوي الحرام قدامهم..انتي بنفسك قلتي حاطني بس لتربية عياله يعني هو ماله اي دورفي التربيه انا مااحرضك على الطلاق...من فراغ...اذا وضعك هذا مايستدعي الانفصال ايش الي يستدعي اجل؟؟ ربي ماحلل الطلاق الا لمثل هذي الحالات خصوصا انه مايعطيك حقك الشرعي.. انتي تعبانه نفسيا...ارتاحي لايجيك مرض خبيث..من الضغط النفسي الي انتي فيه |
اقتباس:
ولاتنسون انه من قبل لايتزوج الاخت وهو كذا وكان على علاقه مع زوجة اخوه...فرجاء لااحد يتهمها بالتقصيرلان افعاله الدنيئه يمارسها من قبل الارتباط والزواج(انغشت فيه المسكينه) حسبي الله ونعم الوكيل |
توضيح هي ماعملت تجميل تغيير لخلق الله , لأنها تخااف الله وجميلة وشكلها أصغر من عمرها ومهتمة بنفسها بس هذا حظها , هي عملت عملية تجميل خااصة إن شاء الله فهمتي.
أنا أقدر شعورك أنك ماتقدري تربين عيالك من دون أبوهم خااصة المراهقين , الأب وجوده ضروري ويمكن زوجك رغم مساؤه له شخصية وهيبة عند أولاده ,أنت أكيد محافظة على صورة زوجك حلوة قدام عياله عشاان مايأثر على نفسيتهم ومن باب البر به لأن البر به وااجب مهما كان سيء. أنا أقترح عليك أنك تمتلكين شقة لو بالتقسيط وتستثمرينها وحتى لو قدر الله مااستمرت حيااتك مع زوجك فانت عندك ولد كبير ولاتحتاجين لأحد من النااس . الله يفرجها عليك ويصلح حال زوجك , وأكثري من قوله (ربنا هب لنا من أزواجنا وذرياتنا قرة أعين وأجعلنا للمتقين إيمانا). |
وهل سيترك أطفاله ومتابعة أمورهم ان أنت تطلقتي منه ؟؟
هل ترغبين بالطلاق ؟؟ لم يهمك امر زواجه بالثانية ان كنت تكرهينه وتقرفين منه لهذا الحد ؟؟ لا يلومك أحد ان كنت فعلا تكرهينه لكن نحن لسنا أنت ولا نعلم ما تعلمين ومن يده بالماء ليس كمن يده بالنار ... لهذا أسألك عن رغبتك وسننصحك بناءا على رغبتك .... هل تودين الطلاق أم تودين اصلاح الامور بينكما ومحاولة اصلاح حال زوجك ؟؟ |
اهلآآ بك اخيه
لي عوده باذن الله |
مافكرت انه ممكن تكون مسوية سحر لهE]
|
زوجك ينطبق عليه المثل القائل شبيه الشيء منجذب اليه
والله لاع جبتدي وانتي تذكرين مواصفاتهه وريحتهه لكن زوجك لايستحقك ومستواة من مستوى هذه القذرة اصبري لاجل اطفالك واذا مااعطاك حقك الشرعي اعتبريه غير موجود في البيت ولاتخدميه ولاتعطيه طعام الى ان يصير انسان |
قصتك فكرتني بفيلم اجنبي شفته
بس اقلبي الادوار الزوج رجل وسيم نآجح بحياته ونظيف لدرجة الوسوسه وكل يوم استحمام وتفريش وكريمات وعطورات وبدلآت آخر شياكه دوره بالفيلم انو ماشاء الله مو مقصر مع زوجته لكن زوجته لما تطلبه ذآك الشي يتعذر او يقولها توي ماخذ دش ماينفع وأن وأن مارس معاهآ كأنو آله لين خلاها تكره هالشي ودورهم بالفيلم انهم مو اغنياء مره لا حالتهم المادية وسط الزوجه وضعهآ عآدي جدا مره من المرات مرت على بقاله علشان تقضي للبيت وسمعت صوت عند الزبالة الكبيرة الي بالشارع اكرمكم الله وجلست تطل طلع من الزبالة اكرمكم الله رجل فقير ومبهذل وحالته حاله وياكل من القمامة هي جلست تناظره وجتها الحاله :d< الوكاد انها اعجبت بمنظره المبهذل وحتى جابو الفرق بين الي ينبش بالزبالة وبين زوجها في النظافة والاهتمام الزوجه اعجبت بالزبال اكثر من زوجها وصارت كل يوم تروح هنآك علشان تشوفه وصارت تعاكسه وتشاركه بنبش بالقمامه لدرجة انو قضو ليله هنآك داخل القمامة الي بشارع ومن بعدها الحرمه ادمنت عليه لدرجة انها صارت تضحي بأشياء كثيره علشانه :( يعني الي فهمتو من الفيلم انو الزوجه وكمان زوجك احس يلفت انتباههم الشخص المبهذل الي حالته حاله وأعتقد هذآ مرض نفسي + انها لقت عنده شي مالقت عند زوجها لانها كل ماكانت تطلب ذآك الشي ماتلاقيه مستعد وان بغى يبغاله تجهيز و...و...و... :( يمكن زوجك يلفت انتباه هالنوعية من الناس الي ماتهتم بعمرها وتكون قذرة شكلا ومضمونا القذرة قبلت بشي ربي حرمه بين الازواج لين صار متعلق فيها ومثل عليك دور الضعيف جنسيا لأنه بإختصار مابيحصل عندك لانك شريفه مشكلتك مع زوجك بدأت من الفراش لين تفاقمت ووصلت للي هو عليه باختصار الله يكون بعونك كثير رجال يتمنو زوجه بمواصفاتك وهو يجري ورا السيلانية وقلك عنده ضعف جنسي الي استغربه كيف وحده متعلمه وموظفة بعد ومتحمله قذارته وانا عارفه انو علشان اهلك بس صدقيني بعد بكرا محد بينفعك لااهلك ولاعيالك ولااحد . , اذا مانتبهتي لعمرك من الحين حبي نفسك وقدريهآ علشان تقدري تحبي عيالك ويقدروك بعد بكره لو كبرو كثير نشوف امهات ضحو علشان عيالهم وسو المستحيل علشان عيالهم يوصلو لمناصب مرموقة مجرد ماوصلو نسو فضل امهاتهم عليهم وفي منهم يقول ان ذكرته امه بالي سوته له ترآك ماسويتي شي ! جد ترآه ماسوت شي لانها ماحبت نفسها بالأول وقدرتها وضحت بالكثير علشانهم وتحملت غثى والدهم بحجه علشان اولادي ومن هالكلام انا مااحرضك على شي ربي عطاك عقل فكري في وضعك واختاري الطريق الصح الي تبغي تمشي عليه انتي وعيالك كل يوم صلي واستخيري بين حياتك معاه او بدونه لين ربي يسهلها لك واتمنى انو ربي يصلح حاله عاجلا غير آجل كل يوم صلي واستخيري بين حياتك معاه او بدونه لين ربي يسهلها لك واتمنى انو ربي يصلح حاله عاجلا غير آجل |
صاحبة الموضوع سؤال:الي متى بتمين هكذا؟؟
انتي من تركتي له المجال للتمادي بخيانتك اكثر..وعرف اشلون يضحك عليك ..ويقول تكسبيني بطيبتك..الان هاجرك وبدون سبب وهو قاعد يخون..احمدي ربك انه هاجرك قبل لا ينقلك مرض يدمر حياتك..كيف تعيشين مع زاني!! ياختي موظفة ومعك راتب وربي مغنيك عنه اتركيه..مستغربة لصبرك هل تحبينه؟؟ وحتى وان كان الحب اين كرامتك؟؟ سامحي بس بحدود..الرجال تعود والحين ماراح يوقف لو تسوين ايش ماتسوين خلاص صارت الخيانة تجري فيه مجرى الدم..ليش تعذبين نفسك بالجلوس معه؟؟ اقل مايمكنك فعله تروحي لبيت اهله وتاخذي عيالك معك ..وقفيه عند حده ولا عيشي مطلقة وبكرامتك احسن من متزوجة وبدون كرامة..كيف تقبلين ان زوجك خان ولازال مستمر بالخيانة وساكتة وصابرة هل كل هذا عشان اطفالك فعلا ولا في شئ ثاني اقوى منك..وتدعين عليه يمكسه صاحب البيت اذا راح للشغالة طيب اذا امسك ضاعت سمعته وبكذا ماعاد يشرفك لا انتي ولا عيالك..فليش حريصة على البقاء معه رغم كل الكوارث الي مسويه ولازل مستمر!! |
خيانته لك ولأخوه كوم وخيانته مع الشغالة كوم ثاني لو كان مع الشغالة كان نقدر نقول مسحور لكن مع زوجة أخوه النذل أيش العذر !!!!؟؟؟ والله يا أختي زوجك مع الأسف وأعذريني علي ها الكلمة أنذل واحد في ها الكون والله العظيم ما يستاهل دمعة أحتياج منك ومن الصعب أن الواحد ينصح في الطلاق لكن مع ذا الخائن فراقه هو الي ينصح فيه وغصب عليه ينفق علي أولاده وماشاءالله ولدك الله يصلحه في الثانوية الحين يعني تقدري تعتمدي عليه بعد الله الله يكون بعونك ويلهمك الصواب أقسم با الله أن دمي يفور حسبي الله ونعم الوكيل أخوك |
الله يوجهك للصواب
|
أختي الفاضله
لا تبحثي عن سبب لخيانة زوجك , ولا تبالغي بلوم نفسك وجلد ذاتك زوجك مريض بالخيانه وضعيف الإيمان , ولم يجد حزماً من أحد ليوقفه عند حده , ولن يتعظ إلا بعد تورطه وانكشاف أمره خان أخيه من لحمه ودمه بحجة اختبار زوجته ! وأظن أن خيانته مع الخادمه , ليتأكد أنها ذكر أو أنثى ربما كان خائفاً عليكِ من وجود رجل معك في المنزل بصورة خادمه ! لا تستغربي إن فاجئك يوماً ما بهذا التبرير ! ولا أعلم ماذا ستكون تبريرات علاقاته الأخرى من علاقه لعلاقه ومن مرأه لمرأه ومن مكالمه لأخرى بخيل ولا يقوم بحق قوامته كرجل مسؤول يصر على عودة معاشرته للخادمه حتى لو كان البيت مراقباً ! مستهتر ولا يحسب عواقب لأفعاله مستمر بتصرفاته الرعناء لا يتعظ ولا يتراجع ولا يندم على أخطائه أي قدوة صالحه ترينها فيه , وهو من اختلى بالخادمه على مرآى من ابنته ؟! إذا استمر على حاله , فوجوده بحياتك خطر عليك وعلى أطفالك فكري ملياً بوضعك واتخذي قرارك بتروي وهدوء وفقك الله |
عزيزتي أنقذي نفسك وأولادك من هذا الشخص
الحمدلله ربي عزك بوظيفتك أطلعي ببيت الحالك انت وعيالك وولدك ماشاء الله كبير طلعي له سيارة وعيشي حياتك انت ويااااهم الله يقر عينك بصلاحهم وخلاص إشتري راحتك وأعتبريه عابر سبيل بحياتك حسبي الله عليه وإطلبي الطلاق والشرع معك لا تخافين لانه مو إنسان كفو يربي عياله ولا قدوة صالحة الله يكتب لك مافيه الخير يارب |
| الساعة الآن 05:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©