|
زوجتي بتضيع مني
السلام عليكم اعضاء المنتدى الكرام
احلفكم بالله كلكم تشاركوني بالحل ياناس انا تعبت زوجي بتضيع مني بالشك تشك بكل شيء بنظراتي حركاتي-اه يالعذاب والله اني احبها ولا ابي افقدها بس احس ان النهاية على وشك تخلص-كل ماتطلبه مني اسويه افتح لها الجوال بالعمل ادق عليها جوالي ما اشيله من عندها حتى ترتاح- واذا صار عندي اي شي مثلا موعد اقرباء تقول لا شكلك رايح مكان ثاني-احلف لها باليوم اللف مرة ويمكن اكثر تصدق وقتها وترجع تقوول هاه وش عندك-صح انه كان لي اخطاء بالماضي وقبل لا اتزوجها وطيش والحمد الله الان استقمت بس مالقيت راحة -فتشت بايميلي ووجت بعض المحادثات قديمة وقالت انت شكلك راعي بنات لا مااصدق - صحيح اني غلطت بس والله قبل لا اتزوجها-احيانا اطنشها واسكت وتجلس تبكي وتنهار قلبي يتقطع عليها بس ماني عارف ايش اسوي حتى ترتاح-طلقتها مرتين ولم تعد الا مرة وحدة -خايف افقد صوابي واخسرها للابد-لها ميزات كثرة طيبة القلب وحنونة جدا وتحبني بجنون وتداريني بكل شي ماهي مقصرة معي ابدا- نظيفة انيقة تستجيب لي بكل وقت-والله تقبل يدي وقدمي كل يوم واذا شفت تصرفاتها وهي هادية اقول كيف اخسر انسانة مثلها تكون ملاك-واذا حل عليها الشك تتحول الي وحش لا يعرف سوى الجرح والتلفظ بكلمات غير لائقة-موسوسة بشكل غير طبيعي - تشك بكل شي -اذا دق علي احد من اصحابي تقول هذا يبي يزوجك اخته لا تكلمه ولا تطلع معه -ايش الحل ياجماعة الخير انا تعبان شديت معها مانفع هجرتها مانفع ضربتها مانفع طلقت مرتين مانفع - انا ماعندي مشكلة احلف بس ياليتها ترتاح مابي اخسرها خايف اطلقها واندم وخاصا هذه اخر فرصة-والله وانا نايم تتمسك فيني بشكل غير طبيعي حتى اذا قمت الحمام الله يكركم تقوم معي -اذا نمت تنام واذا صحيت تصحى-اشياء بسيطة تسعدها حتى لو اطلعها بر وانكت معها تضحك وتنبسط واشياء تافهة تحزنها-اذا طالعت بالاخبار تقول انت شفيك تناظر المذيعة اقوم اغير القناة - اتمنى من الجميع يساعدني بما فيهم الاستشارة النفسية والشرعية- البنت بتضيع مني وانا خايف عليها تخيلو حتى الموت تقول يجعلني اموت معك حتى ماتعيش بعدي ولا اعيش بعدك تجلس تصارخ وترفع صوتها واذا سكت تقول انت تحتقرني وتطنشني ولا تحبني- كيف اثبت لها حبي واني ابيها وشرايها ماهي راضية تستوعب- |
اقتباس:
سؤال:هل انت حريص على صلاة الفجر بشكل دائم وتصلي مع الجماعة؟؟ |
الله يكون بعونك اخوي والله الحالة صعبة مالك الا الدعاء والله يريح بالكم ! حاول تكسب ثقتها مثلا تقوم انت واياها بعمل خيري , بحيث يكون يشغل وقت فراغها ويقربها منك اكثر وتعرف مدى صدقك في التوبة ان شاء الله تنفرج كربتكم !
|
أخي الكريم ,, زوجتك تعرّضت ,, لصدمة عاطفيّة قويّة ,, بسبب ماضيك ,,
الذي إحتفظت به ,, لما بعد الزواج ,, فإذا كنت ,, وكما قلت قد (استقمت) ,, فينبغي عليك ,, أن تُثبت لها ذلك ,, وقد يستغرق من الوقت ,, والجهد كثيراً .. لذلك عليك بالصّبر أولاً ,, المحافظة على الصّلوات الخمس في المسجد ,, وأهمّها صلاة الفجر ,, ابتعد عن مواطن الشّبهات ,, سواء داخل المنزل أو خارجه ,, أغدقها بكلمات الحب والشوق والثّناء ,, إتّصل بها ,, عندما تكون خارج المنزل ,, لتطمئنّ على حالها وأحوالها ,, كن واضحا شفّافاً ,, في التّعامل معها ,, ولاتجعل من تصرّفاتك ,, مايدعي مجالاً للشّك .. |
كان المفروض تكون واضح معها من ايام الخطوبة و قبل الارتباط
حتى ما تتزوجك و بعدين تكشتف انه كان لك علاقات بالماضي لكن الآن الحل .. انك تكون واضح أمامها بدون لف و دوران و تحكي لها كل شي عندك بدون تردد و تريها الحزم و القوة ، أشعرها انك رجل لا تخاف إلا الله ! لو شعرت و وثقت انك انسان لا تخاف إلا ربك الذي خلقت لن تشك بأن لك اي علاقة و لما تناقش و تخوض بمواضيع التعدد لا تجادلها قل لها التعدد رب العالمين أباحه لكني لا أريد ان أطبقه و ارجوكي حبيبتي لا تناقشيني بهالمواضيع ابدا و لو أصرت اقلب الموضوع مزاح وما تتكلم بجدية على الاطلاق لكن اعود لأركز على اهم نقطة تعطي زوجتك الثقة فيك و هي أن تريها انك خايف فقط من رب العالمين ولا يهمك اي أحد آخر حتى هي ! و لو سألت و عملت مشاكل من أجل أمور تافهة طنش فقط و اتبع اسلوب الحزم بدون تجريح و اذا تمادت و ما نفع معها اي علاج ممكن تعرضها على طبيب نفسي |
اشكركم كلكم اختي دانة المغرب كلامك صحيح لكن اقسم بالله اني لم اخونها من يوم تزوجتها
فيها كل مايتمناه الرجل ليش ادور غيرها بس كيف اثبت لها هذا عجزت-اخوي تعاندني والله احسها مصدومة بس وش الحل بنظرك ربما مقصر من ناحية تادية صلاة الفجر بالمسجد- والله المستعان الحين اكتب لكم وهي نايمة وخايف تصحى تقول جالس تكلم وحدة على النت-تشك بكل شيء-كيف اثبت لها حبي كيف حتى اذا كنت مضايق بسبب ضغوطات بالعمل تقول عندك شي برى اكيد مسوي شيء اه يالقهر وياعذابي مع هذه المراة تعبتني -هل هذا ماجينيت من علاقاتي السابقة؟ عقاب الله حل علي ولا ايش احيانا افكر اني انتحر عشان تتاكد انه مالي غيرها - هي الحين تعبانة ونامت وتبكي لين اغمى عليها بس ماقدرت اروح لها اخاف تقوم تدخلني بمشكلة ثانية-وفي نفس الوقت كاسرة خاطري احسها بتموت |
أنت جربت معظم الطرق لكن الطريقة الوحيدة اللي ممكن تقنع زوجتك هي قناعتها من داخلها ... كيف ممكن تكون من داخلها مقتنعه وواثقة فيك ؟؟
باختصار شديد أمرين مافي أبسط منهم لكن تحتاج تواضب عليهم الى أن تقتنع زوجتك أنك فعلا تغيرت وداخلك مثل خارجك . 1- تزيد من عباداتك وارتباطك بالمسجد والدين . فاذا شعرت انك كشخص تغيرت للأفضل أكيد بتثق فيك أكثر وتعاملك على أساس انك شخص غير اللي شافت منه أول زواجها. 2- تزيد من كلام الحب والتقدير لها بشكل واضح وتكرر على سمعها مقدار حبك وانها الوحيدة بقلبك الى أن يصير مثل غسيل الدماغ وتقتنع .. تتواصل معها دائما وتشاركها بكل شي . |
أخي ,, لا تولول ,, ولا تضرب أخماس بأسداس ,, وأنت في مكانك سر ,,
إبدأ بالتغيير من الآن ,, فمشوار الألف ميل ,, يبدأ بخطوة .. |
أخوي أكثر من الدعاء و الصدقة ... مابي الومك و اقول هذه اخرة اللي يلعب ببنات الناس ... بس يا خوي ما تدري يمكن كسرت قلوب و انت ما تدري لما كنت مستهتر
توب توبة نصوحه و ادعي ربك يغفر لك ... اعطي صدقة ....و خلي نيتك انك مستحيل تطلقها لما تعصب امسك نفسك و ابد لا تفكر في الطلاق عشان الكلمة ما تطلع منك حاول تفهمها انها حبك الوحيد و انك مستحيل حتي تطالع غيرها ربي لا يحرمك منها و من حبها و يهدي بالها آمين |
كم لكم متزوجين ؟؟عندكم عيال ولالا ؟؟ لي عوده بعد الاجابه على الاسئله
|
اخوي هذي نتيجة اللي يقلب في الماضي
مفروض اي شي قبل الزواج لا ينبش ولو انكشف لا يلام عليه الشخص سواء الزوج او الزوجة اللي فهمت من كلامك ان زوجتك عندها متاعب نفسية وتحتاج الى علاج نفسي وليس الى الحلف بالله عند كل دخول وخروج لأنك لو بتجلس على هذا الوضع بتموتها بالشك وتموت بقيودها تصيحتي تعرضها على طبيب نفسي ماهوب عيب وكلنا نتعب نفسيا |
اقتباس:
لان حالك تقريبا نفس حال زوجي... وانا تقريبا نفس حال زوجتك... واقدر افيدك زوجتك وش تبي منك بالظبط....؟؟ بس اجب على السؤالين لو تكرمت... |
اعتذر عن التاخير لظروف قاسية جدا هي الان بالمستشفى مغمى عليها وكانت تحاول الانتحار
طلعتها وصارت مشكلة بينا واحنا برى البيت رجعتها البيت قامت تكسر كل شي حاولت اطلع تقولي لو طلعت بنتحر- تقول كلمني انا الحقيقة اسكت ولا اقدر اكلم لما اشوفها بهالحال-اخاف تستفزني بكلمة واقوم اطلقها لاخر مرة-ومع هذا استفزتني وقلت لها كلمة هدت حيلها -وهذا الي خلاها تفكر بالانتحار- انا متزوجها من ثلاث سنوات وماعندي منها اطفال- انا الحين عندها بالمستشفى وهي تحت تاثير مهدء -واهلها يقول هات لنا البنت بتموت-انا تعبت حاس انها بتدمر كذا- دق علي اخوي وكان يبيني ضروري قلت لها بروح له وارجع لك- قالت لا مانت رايح- قلت طيب بدق عليك واسمعك صوته قالت لا قلت لها الا بروح- والله انها كانت بتفتح باب السيارة لولا اني مسكتها- انا والله اني صاحي من الفجر ولا نمت لحد الحين تعبان ومنهار -امي توصيني عليها اهلي يحبوها كلهم وهي تحبهم بس ماحد متحمل الي انا متحمله كل يوم ادعي على نفسي بحادث يمكن تصدق اني فعلا احبها ولا ابي غيرها يمكن اتعب في التعبير لها يمكن اصمت - بس كيف اطلع لها الي بقلبي عشان ترتاح |
زوجتك محتاجة اخصائية نفسية!!!
|
هي مصممة على اني ماحبها واني اكلم بنات ولي علاقات- الحلفان ماعاد يفيد او يمكن ترتاح فترة وترجع جبت لها مشايخ يقرون عليها والله اني احط لها الزيت بنفسي واذا سويت هالحركة تفرح - كانها طفلة اذا قمت الصباح ولا ارسلت رسالة غرامية تنكد علي يومي وانا اكون مضغوط بالعمل-تقول لا دامك ماارسلت اكيد عندك حاجة-جلست تصارخ وتسب وتلعن اكثر من ست ساعات - رحت غرفة ثانية وخليتها وشوي رجعت لها - قالت تطنشني ولا هميتك - قلت لها صح ماتهميني
بس والله ياجماعة انها استفزتني بكلامها - وحاولت اهرب عشان ما اطلقها كانت قريبة الكلمة من شفايفي لكن الله انقدني باتصال من اخوي واضطريت اني اروح له واخليها - انا رحت عنده واخوها قال ترى اخذنا اهلك مستشفى - انا ادري اني راح اندم لو طلقتها ولكن انا الحين منهار ولا اتحمل شي ثاني - وكله ككلام ومحادثات على النت يعني لا قابلت وحدة ولا عمري ارتكبت حرام - زوجتي كانت تدور المثالية بالرجل وانا لا انكر انها تزوجتني بعد ماعرفت من الناس اني ملتزم-وانا لي سمحت لها تدخل بايميلي عشان ترتاح بس قامت تنبش بالرسايل مرسله من قبل لا اتزوجها والمصيبة اني شيكت ومسحت بس مادري كيف حصلت عليها-ياجماعة حتى السيارة تفتشها تقول يمكن عندك شي اول ما ادخل البيت تشم ثوبي تدقق بكل انحاء جسمي -اللهم لا اعتراض |
الانتحار ! رعاها الله واخرجها لك بالسلامه ان شاء الله هذا يدل انها متعبه نفسيا وقلبها مثقل بالهموم وتحتاج الى التفريغ انا ارى ان تعطيها فترة راحه بعد خروجها من المستشفى تقضيها في بيت والدها تتحدث فيها مع اخوتها مع والدتها لعلها تأخذ برأيهم ان كنت تثق في رأيهم ومدى تفهمهم للأمور اتصل بها كثيرا ، راسلها عبر لها عن مدى فقدك اياها اشعرها بأنك تحتاجها بقربك وانك لاتستغل غيابها عنك اشعرها بإحتياااااااااجك لها + لاتبالغ في استرضائها قد ترى هذا خوفا منك ومحاولات لتغطي بها خياناتك التي هي تعتقد بوجودها حاليا + تحملها وتذكر انك السبب في هذا |
السلام عليك ورحمة الله وبركاته
والله ماسجلت بدأ المنتدا إلا لأجلك |
نفس قصتي بس .....([توفقت من الله سبحانه وتعالى[/])... شوووووووف رأيح أساعدك بإذن الله
|
والله انا اكثر وحده فاهمه زوجتك لاني مريت تقريبا بنفس الظروف..
علي فكره كنت قطه مغمضه وانقلبت بسبب خيانة زوجي لزوجه تشك وصرت اشم ريحة الخيانه عن بعد لان زوجي تصرفاته ما طمن ابد انصحك ما تعطيها مجال تشك بوفاءك ..حسسها بالامان ..انت بادر بالاتصال فيها وشبعها بالكلام الحلو ...زيد ثقتها بنفسها سولف لها انك تخاف من غضب الله وانه يبتليك وان الزنا دين ...ما تحب انه يكون باهل بيتك وان فترة العزوبيه ولت وانتهت وكنت معرض للفتنه لكن الله عوضك....انت ازعجها ومللها بحبك لها راح تلقيها اقتنعت بمجرد ما تجيب اعيال بتفك عنك شوي لكن خاف ربك فيها ولاتحاول ترجع لما كنت عليه لو علي سبيل المزاح والله راح تكرهك كره العمي ...وتشوف ايام سوده والله كسرت خاطري لما فكرت بالانتحار فعلا تحتاج دكتوره نفسانيه ......تري موعيب فيه ناس تعالج من الغضب عند الدكاتره النفسانين ...الله يكون بعونها ويهديها |
هلا أخوي - كم عمرها ؟ وكم عمرك ؟ الله يعينك |
أرى ردة فعلها على موضوع ماضيك مبااالغ فيها
نرى هنا مشاكل خيانة قاااائمة خلال فترة الزواج ولم نرى ردات فعل قوية واذا الامر خرج عن نطاق الطبيعة فيحتاج اما لرقية شرعية أو علاج نفسي وبصراحة لا أحبذ العلاج النفسي القائم على تعاطي الأدوية النفسية ركزوا على الرقية والاستمرا في العلاج في الرقية وعدم الانقطاع الا بعد التحسن التام للحالة الله يوفقك ويصلح ذات بينكم و يقر عينك بها ويقر عينها بك |
بغض النظر عن انه زوج صابرة ولا لا اين انت ياصاحب المووضوع ؟؟؟
لماذا لا تحاول الدخول وتعطيني خطواتك اول باول حتى نعرف وش صار عليك..! |
طيب حاول تخليها تشوف موضوعك هذا...وتسوي نفسك ماتدري انها شافته..
يعني وانت جالس على الجهاز ودخلت عليك...خلي الصفحه مفتوحه ونزلها تحت وقوم ادخل الحمام..وهي اكيد بتفتش وتشوف صدقني مافي طريقه تثبت لها انك تحبها وانك متضايق جدا من تصرفاتها الا الطريقه الي قلتلك عليها |
الحب مو بالكلام..زوجته تحتاج الي فعل واثبات وعلى كلامه مطلقها مرتين اجل وش بقى اذا كان اقرب حلوله الطلاق
تفقد الثقة فيه..رجل منهار زوجتك تحتاج منك ان تعطيها وقت وتجلس معها..لماذا تتتجاهلها وقت المشكلة اذا تقول احبها بس اخليها تصارخ وتقلب الدنيا فوق راسك ..طيب يااخي احتويها وامتص غضبها واعتقد انها بتذوب معك باقل من ثانية..اذا التطنيش والتجاهل ماجاب نتجيبة تحاول معها اعطيها جوها حاول تسيطر عليها وقت الغضب ياخوي زوجتك فعلا مصدومة وتجتاج منك الي جهد كبير حتى ترتاح اذا فعلا تحبها حافظ عليها واشعرها بالامان..زوجتك تتوقع منك بلحظة غضب انك راح تطلقها وهي الان جالسة تلعب على الوتر الحساس وحاسة انك بتطلقها باي لحظة اذا ماكنت رجل حكيم ولا تقدر تسيطر على نفسك..فلا تجي تعترف لنا بحبك لها لانها ماراح تعرف هالشئ ..اجتهك واثبت لها حبك وصدق نيتك ومثل ماقلت لك تقربك من الله واللتزامك هو الي راح يطمئن بالها..اذا كانت زوجتك اختارتك لاجل دينك فاعلم ان دينك والتتزامك هو اقرب طريق لتهدئ عاصفتها..واذا جاها الشك بتقول لا زوجي يخاف الله ملتزم لايمكن يسوي كذا..انت بيدك توصلها لبر الامان وانت بيد تطلق عليها اخر طلقة..لكن انتبه من التهور الاخيرة معناها(روحة بلا رجعة) اذا شفت نفسك راح تفقد صوابك اطلع من البيت واتركها ..واذا صمتك مايريحها كلمها وتفاعل معها صدقني راح تنسحب من الهوشة وترتاح ..وانا اشوف صمتك مع زوجتك ماهو حل ومو كل الناس تشبه بعض..في ناس تحترم صمتك وناس تعتبره نوع من الذكاء والهدوء..كما ايضا في رجال يستغلون نقطات ضعف زوجاتهم..فانت لا تستغلها بسكوتك لانك عارف ان الشيء هذا يذبحها. |
طيب ليش اذا شفتها منهارة تسكت وتطلع وتخليها...
مع انك ودك تنتحر علشان تثبت لها انك تحبها....ومن كلامك انك تحبها,,, بس انت تتفاجا بردت فعلها وتسكت فهي يمكن تفسرها برود وانك ماتحس فيها.... اسالها(وش اللي يرضيك وانا اسوية) وتبي تقول كل شئ بخاطرها وترتاح.. |
اقتباس:
عداك العيب بصراحة زوجتك بحاجة ماسة الي طبيب نفسي |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©