|
زوجي ومحادثاته مع الاولاد بالماسنجر
بسم الله الرحمن الرحيم
انا بدخل بموضوعي على طول وطالبه المساعدة او المشورة من اصحاب العقول الحكيمة والعشم فيكم كبير اخواني اخواتي انا تزوجت من 6 شهور ومن تزوجت زوجي من اول ليله وانا مثلي مثل الجدار عند زوجي مااحس معاه باي مشاعر ولا اي احساس والله العظيم من تزوجته للحين ماعمرهـ لمس يديني ولا عمرهـ لمسني الا بالليل وكانة اداء واجب حتى في العلاقه والله العظيم اني مااسمع صوتة ولا اسمع منه اي كلمة سواء فعل فقط بكل برود ولاحتى يراعي الالم اللي انا احس فيه ياجماعه يادي فقط بدون اي مقدمات وبدون اي شي ولا حتى نفس ولا حتى كلمة انا الحمد لله والله العظيم الكل يشهد بجمالي وثقافتي ونظافتي وتربتي وست بيت الحمد لله بس مااشوف اي شي من زوجي لبست كل شي العطور بيتي وانا مثل الفواحه الميك اب كل يوم شكل قصات شعر وصبغات اشكال والوان كل يوم يدخل البيت من الدوام كانة داخل فندق انوع له بالاكل انواع العطور وكل مايخطر ع باله بس مو لاقيه منه شي احس كاني صديق له ولا عمره يسولف معاي يحيكلي يتغزل فيني ينكت لي عالاقل انا صار يسميني الراديو من كثر ماتكلم وامزح معاه ابيه يتفاعل لكن لاحياة لمن تنادي شهر العسل كان اسوا ايام حياتي من اول ليله حتى كلمة مبروك ماسمعتها منه وطول الليله كان ساكت بعدين نام وتركني سافرت معاه تمنيت اني جلست ولا سافرت رحت اصرف عليه من فلوسي وهو ولافكر رجعت سار يتصرف بتصرفات غريبه حسيت عنده حاله نفسية طول الوقت منطوي على حاله لايطلع ولايخرج ماعنده اصحاب يسويلي تصرفات غريبه يمنعني من الخروج عند جاراتي صلاه ولااعمره صلاها بمسجد طول الوقت بالبيت واحيانا ينام ويتركها صرف يبقول خلي اهلك يصرفون عليك وربي انا ادفع فلوس العشاء اذا تمشينا وانا اللي ادفع البنزين مو هنا المشكلهـ بلعت كل هذا وسكت المشكله ان مره بالصدفه نسى ايميله مفتوح وانا جيت بعد ابي افتح ايميلي والاقي المحاداثات احد يتكلم معاه تخيلوا كل ايميله اولاد صغار اعمارهم 16 15 14 وكلامه معاه احبك ياحبيبي والله لايحرمني منك؟؟؟؟؟؟؟؟؟؟؟؟؟؟؟؟؟؟ بالله وش افهم من هذا فهموني واشيروا علي مع العلم اني من تزوجت للحين رحت اكثر من مرا لبيت اهلي لان العيشة معاه ماتنطاق وتعبت بس كل مرا اقول اكيد بيتعدل بس بعد ماشفت الايميل خلاص كرهته كره مو طبيعي شيورا علي الله يعافيكم.. |
يعني افهم من هيك انك شاكه انو زوجك شاذ ؟
|
سؤال 00
لماذا انتي التي تنفقين عليه ؟!! فيه عدة امور غامضه 00 |
يابنت الحلال
هو بخيل من اول يوم ملكت عليه اطلب اي شي يجيب نص المبلغ اطلب عصير بكفي يجيب واحد بس لنااضطريت اصرف على وناستي كل مااطلب شي يقول ماعندي او ماله داعي وانا مليت بعدين لحد يقولي المفروض تصبرين ليش ياخذ بنت الناس وهو عارف مستواي يعني هو المسؤل خصوصا اول الايام كلامي صح ولاغلط؟؟ |
صح هو المسئول
ويمكن يستخدم هذا الاسلوب عشان يطفشك منه وتخلعيه ويستفيد من فلوس الخلع كلامي كله احتمالات |
اه ياقلبي
انا الان 8 من شهور عند اهلي وكل مااقولهم هاكلام يقولن تافهه مو حاسين فيني ابدا ومو قادرا اوضح لهم اني حتى بالجنس مو مرتاحه كيف اقولهم اني لقيت محاداثات مع اولاد وكيف اقولهم اني مو مرلاتاحه ومااحس باي شعور تجاهه المشكله اني كلمت اخوي الكبير وتفهم الوضع دون اقوله عن الامور الجنسية والمحادثات وقال انتي ماتبينه خلاص بطلقك منه كلمه اكثر من مرا رفض والحين لايسال ولايتصل ولاشي وكل الناس تسال عنه مختفي وانا عارفه انه بالشقه على فكرا دايم يدخل البالتوك والفيس بوك ويموووت بحفلات احد الدول العربية و ش اسوي وشلون اقنع اهلي؟؟؟ |
انتي اصلاُ ليه وافقتي عليه
اهلك ماسئلوا عنه !! المهم الحين انتي تبين الحل الحل انك تواجهينه بكل صرآآآآآحه تعلمينه عيوبه تقولين له عيوبه انا احس بنقص موزي باقي الحريم انت وش قصتك انت فيك شي تعاني من شي !! انت موعااجبني بحركاتك ابي احس بامان حسسني كرجل تهتم فيني انت تعرف انا وشو ابي فيك ..........الخ رصي عليه حاولي بكل قوه وصبر صدقيني هو بيقولك كل شي بس رصي عليه حآآآآآآآآآآولي واذا رفض يقولك حاولي تكلمين امه او اخته والله بني آآآآآدم غريب هآآآذا... الله يكون بعونك اذا هو بخيل اذا جاب لك اي شي سؤ كان اكل او هديه ا ثني عليه قوليه مشكور لانه الرجال يحب كلمة مشكور والمدح رصي عليه بكلام الحلو حاولي انك تحسسينه انك مهتمه فيه وراضيه فيه بس بدون مبالغه |
اقتباس:
اللي فهمت منك إنكم غير متوافقين اجتماعيا 000 انتي مستواك المالي افضل منه طيب اختي - كم عمر زوجك ؟ وهل له اصدقاء يزورونه بعمر ا16 او 15 او يتواصل معهم كتليفون مثلا ؟ هل يسافر بدونك ؟ |
وعلى فكره
ابحثي من وراى بدون مايحس لين تتاكدين اذا سوى لك مشكله واجهي بمشكلته او روحي مكان مطعم او اي شي او خليهاا لليلة صرااحه وفهميه عيوبه وحاولي انك تحسسينه انك فاهمته ونغزيله بلكلام وانا على فكره حسيت انه زوجك وراه قصه على فكره اذا الرجال مو مهتم بزوجته اكيد وراه سالفه فهمتي |
يااختي
تفكرين ماكلمته وحته وعلمته من اول يوم لاحت عليه صدقيني حاولت وحاولت لكن لاحياة لمن تنادي قلتله عن كل شي بصراحه ووضوح تصدقين يجلس يناظر فيني ويضحك قسم بالله ولايرد علي ولاشي.. اهلي كل مااقولهم شي يقولون تافهه تافهه مايبون الفضايح طيب وانا وازيدكم من الشعر بيت وربي على مااقول شهيد ياعالم التنبك تعرفونة اللي زي الدخان دايم بفمه واذا قرب مني ياناس ياعالم وربي ريحه فمه كريهه لابعد الحدود ياناس ماعاد فيني حيل والله مالقيت اي شي اجابي فيه |
اقولك توكلي على الله وتتطلقي
منه بدون تردد والله يعوضك احسن منه خليه يولي بس قليل الادب وبعد قوي عيييييييين يمكن بعد يجيبلك امراض اعوذبالله منه زين انه ربي اكشفه قدآآآآآآم عيونك |
ياحبيتي انصحك بالدعاء اولا
بعدين ليه كنت تصرفي من فلوسك في شهر العسل يمكن تصرفك هذا ضايق زوجك وجرحه اختي شوفي الرجال اول الزواج يبخل احيانا لكن مع الايام يتغير ابسالك اختي انتي تشوفي نفسك على زوجك لان من كلامك حسيت انك تقللي من مكانة زوجك اختي انا مادافع عن زوجك بس احيانا الانسان يتجاهل اخطاءه ويركز على اخطاء الغير |
اقتباس:
|
انا ماخرب بيوت ولا تحكمين على طوول
بس واضح من كلامهاا انه الرجال جالس يتلعب عليهاا ولا يحترم احساسهاا ومشااعرهاا جالس يهينهاا بسكاته هو الحل الاولى /الطلآق او تحل مشكلتها على خير وهي ادرى بي هااشي |
انا مو شايفه حالي عليها
لكن لما جيت اسرد المشكله حبيت اوضح لكم كل شي بكل صراحه وووضوح انا ابي حل ومشورة ومو جايه اتكبرولا اشوف حالي ماراح ينفعني بشي عموما انتي تقولين انك سمعتي من طرف واحد انا اقولك يااختي والله على مااقول شهيد ان اخي جمع بينا وكل واحد قال اللي عنده انا قلت كل شي الا بعض الاشياء استحيت اقولها وهو قال بنتكم انا ابيها ماطلع منها الا كل خير ولو الف الدنيا ماراح الاقي مثلها حتى ضيوفه واهله يمدحون فيني وبشهاده الكل المهم الحين اخوي يقوله طلق وهو رافض اخوي يقول بحاول افهم الوالد ونجمع مبلغ ونخلعك منه والله يعين |
لاتخلعيه
ادا كلامك صح سجلي المحادثه وروحي على المحكمه |
كان الله بعونك
صراحه معانااااااااااااااااااااااه ماليا الا اني ادعيلك واسأل المولى عز وجل انه يفرجها عليكي |
كان الله في عونك
::: فهمت من خلال الكلمات التي بين السطور أنك تريدين هذا الرجل لكن تطلبين أن يعتدل ويسير على الصراط المستقيم. ::: هل تشعرين في قرارة نفسك أن الحياة ذات جدوى معه؟ هل أنت مقتنعة بحل الخلع؟ أرجو الإجابة |
اخي انا بدايه حياتي معاه كنت ابيه يتعدل بس مع الايام ومع تصرفاته
خلاص صرت اكرهه هو اللي نفرني منه خلاص ماعاد ابي اشوفه ولاحتى اسمع طاريه |
نعم...سأتفق مع قولك بأنك كرهتيه ولا تودين رؤيته
لكن أريد جواباً محدداً هل تريدين الخلع أم ماذا؟ |
اي بس مافي احد واقف معاي ومتفهم الا اخوي على الخلع لانه مو راضي يطلق
ابوي وامي مو راضين وانا مستحيل ارجع اعيش معاهـ |
إذن أنت تريدين الخلع...
إن كنت مقتنعة تماماً بهذا فسوف يمكنك أن تقنعي والديك مع إظهار الأسباب كاملة حتى المخفي منها. ::: إذا كنتِ تريدين الاستمرار ( وهذا ما أحس به) فأخبرينا بحقيقة الأمر وتفاصيله |
اول شي يا اختي انتبهي من الحمل من زوجك
لازم تستخدمي وسيلة منع حمل بالوقت الحالي ريثما تتخذي قرارك النهائي ثانيا: حاولي تتأكدي من موضوع المحادثات وان كانت علاقة شاذة احتفظي بالدليل معك وخلي اهلك يشوفوه و القاضي الشرعي بفصلكم لو أثبت ان زوجك شاذ ثالثا ان كان زوجك بريء من تهمة الشذوذ حاولي تصلحيه تذكريه بالله و عقابه من أجل الصلاة و تقربي له بنفس الوقت حتى يحبك ربما يكون تقصيره تجاهك من الناحية الحميمية هو مجرد جهل و هذا طبيعي ببداية الزواج (اول سنة) ولا تنسي الدعاء |
دعواتكم
|
يعني من ايام الخطبة هو هكذا
لي صبرتي ورضيتي تكملي معاه؟ |
انننننننننننننتبهي تحملين
لين تتوجه حياتك |
أعتقد - والله أعلم - بأنّ زوجك ,, لا يميل إليك كأنثى ,, بل يميل إلى الصغار ,, من الذّكور ..
أختي ,, اسأليه بشكل غير مباشر ,, هل تزوّج بإرادته ؟؟ ,, وماهدفه من الزواج ؟؟ .. |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©