|
خطبة اختين بنفس الوقت
لا إله إلا أنت سبحانك إني كنت من الظالمين..
عندي سالفة قديمة شوي مضايقتني مرة ودائما تخطر على بالي.. وقلت افضفض لكم يمكن الاقي الاجابة الصادقة.. السالفة انه في يوم من الايام اتصلت وحده على امي بتخطب وقالت لها سمعنا انه عندك بنات (انا واختي الصغيرة) قالت امي ايه بس الكبيرة مسافرة الحين والصغيرة موجودة قالت الحرمة طيب نبغى نشوف الصغيرة.. شافوا اختي الصغيرة اصغر مني بسنتين وكنت انا وقتها عمري اول العشرين وهي تحت العشرين والعريس المتقدم اخر العشرين. رجعت انا من السفر قالوا نبغى نشوف الكبيرة فحصلت شوفة الحريم وشافوني مع اني تضايقت مره وقتها يعني هذه مهي لعبه نشوف صغيرة وكبيرة ومدري وشو. وبنفس الجلسة لما انا دخلت وشافوني قالت ام العريس فين الصغيرة خليها تدخل وجلست تناظرني وتناظر اختي جالسه تختار. خرجت انا.. وبعد كم يوم قالت ابغى الصغيرة.. والفرق بيني وبين اختي انا كنت في الجامعة وهي مخلصة ثانوي .. وهي على حجمي مرتين بالعرض اقصد..وانا جميلة وهي عادية. ابغى تعليقكم من خلال تحليلكم للقصة .. ليه اختاروا الصغيرة برأيكم هل مثلا الخاطب حط مواصفات معينة في شكل العروسة وتوفرت في اختي الصغيرة .. ام انها اصغر ويبغى فرق عمر كبير.. ولا الأم هي يلي قررت من وحدها واختارت.. ايش رايكم؟ وعندي تساؤلات ثانية كثيرة بس اول اشوف ردكم اول.. مشكورين مقدما. |
ياعمري ليشش تضايقين رووحك اكيد هو حاط مواصفات او الام من نفسسها اختارت يمكن عشان سسن ولدها تبي اصغر وسسبحان الله بالاول والاخير ذا قسسمه ونصيب ربي كاتب انه ياخذ اختك ونصيبك راح يجيك ياعسسسل يمكن ذا مافيه خير لك ولا يسسعد يجيك ان ششاء الله من يسسسعدك |
شكرا لردك.
طبعا انا عارفة انه ذا قسمة ونصيب.. بس مدري ليه احس انه اهلي اجرموا في حقي ومستقبلي اخترب.. لانهم زوجوا الصغيرة قبل الكبيرة.. ونحن عندنا عادات انه الصغيرة نادر تتزوج قبل الكبيرة. وبعد ما تزوجت اختي قل جدا او انعدم تقدم الخطاب لي كل ما يعرفوا انه الصغيرة متزوجه قبل يستغربوا.. وانا سمعتها كم مره صراحه يقولوها .. ليه الكبيرة يعني ما هي يلي اتزوجت وليه اهلها زوجوا الصغيرة قبلها .. اكيد الكبيرة فيها شي مريضة او او .. الحقيقة صار عمري 24 وحسيت نفسي خلاص عنست وفاتني القطار وما احد يبغى وحده في ذا العمر حتى يلي عمرهم فوق الثلاثين يدورون وحده تحت العشرين. . |
قبل كل شي ابغى ردود واقعية وبكل شفافية وبعيد عن المجاملة ورفع المعنويات..
عادي زواج البنت الصغيرة قل الكبيرة ولا لازم الكبيرة اول؟ وش رايكم في هذه النقطة |
لا اختي تصير ان الصغيرة تخطب قبل , ,
و يجي الرزق بعدين للكبيرة , كم صار له اختك مخطوبة!, قريبتي تزوجت قبل اختها اللي أكبر منها (بأكثر من اربع سنوات) و بعد عرسها بكم يوم هي انخطبت,, |
شكرا اختي المسداني..
اختي الله يسعدها ويوفقها الحين متزوجة من سنتين وشوي وهذي القصة قديمة. |
والله عادي تصير الصغيره تتزوج قبل الكبيره..احنا كان عندنا تحجر وتخلف ان الصغيره ماتتزوج قبل الكبيره
بس الحين خلاص ماتت هالعاده وصاروا مستوعبين الناس وقبل كل شي هذا نصيبها ورزقها جاها من رب العالمين وانتي لسا صغير24نصيبك بالطريق ان شاءالله لاتستعجلين كلها ارزاق من الله..طنشي كلام الناس والقيل والقال دامك واثقه بنفسك ماعليك فيهم عيشي حياتك لحد مايجي نصيبك الله يوفقك ويرزقك الزوج الصالح |
يوووة كثير الصغيره قبل الكبيره
عندنا واجد وبعدين انتي عارفه انه نصيب اذ جا نصيبك ماراح يقول ليش الكبيره باقي وانتي باقي صغيره 24 مره صغيره لاتعبي رووحك بالتفكير ربي يسسعدك |
والله بناء على سؤالتس وانتي تبين الصراحه والشفافيه اخبرك انو انا جد صريحه ولا اعرف المجامله << هههه والله مشكله والكل يقولي جاملي بس مره بحياتتس.. المهم نرجع للموضوع في بعض الناس عندهم عادي انو تتزوج الصغيره قبل الكبيره ولما نسأل الكبيره انتي عادي عندتس تقول ايه ليش اوقف نصيب اختي واذا جاء نصيبها حتى لو كانت هي احلى من اختها الصغيره واتوقع انهم اهل الجنوب واهل الشرقيه عندهم عادي ان الصغيره تتزوج قبل الكبير >> اخبرك بسالفه صديقتي من اهل الجنوب الحين هي مخطوبه الله يوفقها هي كبري خلاص هي راح تتزوج قبل اختها الي اكبر منها بثلاث سنوات وانا استغربت وقلت لها كيف نفسية اختس عادي عندها ان انتي تتزوجين قبلها قالت ايه عادي مافي مشكله هي الان تفكر بدراستها اهم شي واحنا مجتمعنا يعني اهل الجنوب نتقبل الشي هذا ولا نزعل وانشاء الله تتزوج بعدي وجماعتنا مايفكرون ليش تزوجت الصغيره قبل الكبيره هذا شي طبيعي على حسب اختيار الخطيب او اهله تنخطب البنت مو شرط الكبيره << هذا طبعا بعض الناس طيب اعرف وحده من اهل الشرقيه تزوجت الصغيره وفوقها ثنتين اكبر منها يعني ثالث وحده وبعده بشهر سمعنا ان تزوجت الي اكبر منها وبقت وحده وانشاء الله نسمع بزواجها طيب الحين نجي لنا حنا يا اهل نجد والله حنا ماعندنا السوالف هذه.. اذا دقت الام وقالت ابي الصغيره تدرين ايش نقول انقلعي ههه تبين الكبيره حياك الله ماتبين الباب ياسع جمل تدرين ليش الان اذا تزوجت الصغيره راح يوقف سوق الكبيره محد راح يجيها حتى لو كانت في غايه الجمال لان الناس تفكيرهم محدود يجلسون يحطون للبنت الف عيب وعيب ويتركوها ويما ناس دقو وطلبو اختي الي اصغر مني لاكن نرفض على طول بحكم اني موجوده طبعا على حسب جماعتكم هل يتقبلون الوضع عادي او لا ..وانتي لاتضيقي حالك انتي توك صغيره وباقي العمر قدامك 24 مو كبيره مره .. انتي صرتي عروس والف من يتمناك الله يوفقك ويرزق يارب |
شكرا لردك اختي مصدومة
ادري انه ما علي من كلام الناس بس هذي عقلياتهم والكلام يأثر مو علي على المحيطين مني ويؤثر على نظرة المتقدمين والخطاب.. كذا تفكيرهم ليه اختها تزوجت قبلها وهي يلي انا فيها مميزات اكثر جامعية وجميلة.. الخ هذا كلامهم.. انه ليه صارت في ذا العمر وما تزوجت لسه.. يعني فيها شي وما احد يبغاها.. من جد تتكلمي 24 صغيرة نحن عندنا الوحدة اذا عدت 22 وتخرجت من الجامعة خلاص تعتبر عانس وما يتقدم لها إلا الشباب يلي ما لقى وحده توافق عليه. |
أختي لا تضيقين صدرك .. هذا نصيبها وجاء وما في أحد يقدر يوقفه,, عاااااااااااااااااااااااااااااااااااااااااادي,,, (أنا عمري 27, وأختي أصغر مني بسنتين متزوجة, وأختي اللي أصغر مني ب9 سنين بتتزوج,, الله يوفقها..) الحمدلله أنتي جامعية وعندك مؤهلاتك,, عيشي حياتك و أنبسطي,, أنا عارفة نظرة المجتمع, نصيحتي مالك دخل فيهم عيشي حياتك لك أنتي وإنشاء يجي الي يستحقك,, يمكن هذا الخاطب مناسب لأختك أكثر منك, أنتي ما تدرين؟ وراح تتأكدي من كلامي هذا مع مرور الأيام.. وبالنسبة لأختك أفرحي لها, وساعديها في تجهيزها, هي بحاجة مساعدتك, وأنتي صغيرة,, لا تشيلي هم,, الله يرزقك الزوج الي يسعدك,,ويوفقك,, أنتي بس توكلي على الله.. وكفى بالله وكيلا.. |
شكرا لك الم..
لسه تقولون لي صغيرة وش صغرني.. هذا اعتبره رفع معنويات.. الواقع شي والكلام شي ثاني.. سنة ثنتين ثلاث والعمر يجري وبكرة اشوف نفسي في الثلاثين. |
نسمات البرد الف شكر لك على ردك وتفاعلك معي.. الظاهر هذي اول مشاركة لك في المنتدى في موضوعي..
جوابك حلو مره واسعدني.. هو بالنسبة لي عادي تتزوج اختي قبلي وانا ايامها كنت في الجامعة ومشغولة في دراستي وحياتي.. واهلي قالوا هم يبون اختك الصغيرة وحرام نردهم والعريس كويس ومواصفاته حلوه.. بس ماعندهم بعد نظر لانه بعد ما تزوجت اختي وتخرجت انا من الجامعة بديت احس كيف تفكير الناس وعقولهم.. وانه صار نادر جدا يتقدم لي احد.. وانا يلي كنت انخطب وانا في الثانوي وحتى لما كانوا اخواتي الكبار قبل لا يتزوجوا الكل كان يبغاني.. والحين الكل تزوج الكبار والصغار.. حتى قريباتي الصغار بدوا ينخطبوا وحده ورا وحده.. وانا بقيت اكبر وحده في العايله وما احد يبغاها.. مع اني والله فيني مميزات كثيرة بس الظاهر انه مميزاتي هي من اسباب انصراف الخطاب ! .. |
شكرا لك اختي بينك شوكر..
الظاهر انها مؤهلاتي وجامعتي هي سبب ثاني لانصراف الخطاب.. لانه قليل عندنا يل ماخذ جامعة من الشباب ويلي شهادته ثانوي ما يبغى وحده تعليمها اعلى منه.. ويلي معاه جامعة شايف نفسه ويدور بنت تحت العشرين حتى لو هو خط الشيب في راسه وكان على اعتاب الشيخوخة. |
عن نفسي احنا ماينفع يشوفو اختين
بس بالنسبة لموضوعك اكيد هو حاطط مواصفات معينه ولقتها موجودة باختك |
عقبالي عقبالي تهئ تهئ تهئ
|
حبيبتي عليك بالإستغفار والدعاء والصدقه بنية الزواج وماتشوفين إلا اللي يرضيك ياعسل
والله ماطرق عبد باب الله إلا أجابه الله ... ادعي الله حبيبتي إن يرزقك بالزوج الصالح وتحري ساعات الإستجابه وبتدعيلي ... |
الموضوع ولّى وانقضى والرزق المكتوب لصاحبه أ ُخذ ومُضي به لا جدال في ذلك لكن المشكلة ليست في : من سبقت من في الزواج ولا : لماذا تم اختيارها لم يترسب الحزن والغيظ في نفسك طوال السنتين الا من يقين شعورك أنك الفضلى دائما ً انا الاجمل . انا حصلت على الشهادة الجامعية . الجميع كان يريدني بالمقابل : اختي أعرض مني . القلة عندنا من تكمل دراستها المقارنة لا تخدم وضعك ولن تهديك زوجا ً أيسرك لو جانبنا الصواب وقلنا : نعم معك حق ، وأهلك مخطئين ، والخطاب ليس فيهم ذو عقل فيتمسك بك هوني على نفسك وأخفضي سقف تعاليك ِ وتذكري انك لن تموتي الا وانتي مستوفية رزقك أمسكتُ لك رأس المشكلة وعليك حلها. |
شكرا لردك اختي عاشقة الغالي
|
اختي طبعا.. عقبالك وقبالنا
|
شكرا لنصيحتك اختي الحزبنة..
والله دايما ادعي واستغفر.. الله يسعدك |
اختي fOosh!a
شكرا لصراحتك ووضوحك وحلوه كلمة الحق ولو كانت جارحة او قاسية.. وانا قلت في البداية ما ابغى مجاملات.. طيب تقصدين انني متكبرة وهذا السبب لعدم زواجي.. ممكن يكون وكل شي جايز.. بس ارجوكم ما ابغى احد يعتقد انني كاتبه الموضوع من غل او حقد على اختي وحسد لها.. لا والله فهي اختي احبها واعزها واتمنى لها كل خير وانا ما ذكرت صفاتها انتقاص لها او شيء ذكرتها حتى ابين لكم الموضوع من كافة النواحي ومواصفاتها قد تكون هي السبب في اختيارها وزواجها.. بس وش يكون شعور وردة فعل اي وحده تسمع الناس كل شوي والخطاب ليه الصغيرة تزوجت قبل وانت فيك وفيك .. وتفكيرهم كله محصور انها لتزوج قبل يعني هي الأفضل والأحسن.. وما عندهم شي اسمه رزق وما في شي اسمه صغير او كبير.. وياليت والله لو تفكيرهم وعقليتهم كانت زيكم كنا بألف خير. |
أختي الكريمة .. يبدو أنك تحسستي شوي - أو يمكن كثير - من مسألة أنهم يشوفونك ويشوفون أختك في نفس الوقت .. و أشوف المسألة أبسط بكثير وماتستاهل أن الواحد يشيل همها ..
أتوقع السبب أنه فيه من مدح بيتكم لأهل الخطيب أن هالبيت بناتهم كويسات و سنعات و و و إلخ ... فإذا كان الخطيب معطي أمه صفات معينه ممكن تكون توفرت في أختك ... فكانت أختك في نظر الأم أنسب لأبنها ، بغض النظر عن مسألة الجمال والعمر .. ومسألة أن هالسالفة كل ماتذكرتيها يضيق صدرك .. تذكري أن هذا من الشيطان عشان يلهيك عن ما هو أهم .. وبخصوص كلام الناس .. الناس كلامهم ماينتهي .. وصدقيني أن الناس نظرتهم لك راح تكون على حسب نظرتك أنت لنفسك .. فطالما أنت ماسويت شي غلط .. خليك واثقه ، وبكذا أنت تعطينهم أنطباع أن النصيب توه ماجاء .. ومسألة هواجيس العنوسة .. يا أختي عمرك 24 لساتك صغيرة ، والعمر قدامك ... إذا كان عندك وقت فراغ أشغلي نفسك بالقرأة المفيدة أو ممارسة هوايات تحبينها |
والله ياحبيتي مو بس اهلك وبعدين لااجرمو ولاشي الي يجيها تصبيها الله يوفقها
وربي بنت عمتي كانت ثالث ثنوي تزوجت والاخت الاكبر منها عمرها 25 هذي ارزاق وبنت عمي اصغر من اختها بسنتين وبتتزوج قريب وكثيرررررررر اعرفهم كذاا بعدين 24 مو كبيره لهالدرجه نصيبك بيجيك ان شاء الله |
انا انخطبت قبل خواتي من ابوي عمري 22 اما خواتي لااعمارهم بالثلاثيين
صحيح انا بابدايه رفضت علشانهم بس الوالدرفض وقال هذا نصبيك والرجال مختارك بالاسم ووافقت والله الحمد بس عانيييت من سؤمعلتهم لي وتغيرهم المفاجئ الله يرزقك الزووج اللي يسعدك >>قولي امييييين |
الله يوفقك ان شاء بالعريس الي يهنيك
الظاهر انها مؤهلاتي وجامعتي هي سبب ثاني لانصراف الخطاب لالالالالالا العكس يالغلا مؤهلاتك وجامعتك سبب في تمحيص العريس يعني مو حلوة لك يجيك عريس خريج ثنوي وانتي جامعة انا عندي اخ خريج ثنوي وموظف لما فكر يتزوج كان شرطه تكون خريجة ثنوي واصغر منه وكان يقول حتى لوكانت اصغر مني وجامعية ماراح تناسبني هي جامعية وانا ثنوي يعني اغلب الشباب ينظرون لانفسهم قبل لاينظرون للبنت الي بيخطبونها فلا تقلقي يمكن عريسك جالس يفكر فيك بس لسا ماعرف الطريق لك وادعي الله يرزقك من فضله |
الموضوع كله بيرجع للقسمة والنصيب أنا حسيت باحساسك في وقت من الأوقات لاته اخواتي تنتين أصغر مني تزوجو قبلي بس بعدين اجا النصيب وتزوجت وعمري 26 وأنا حاليا صار عندي ولد ومبسوطة جدا بحياتي واخواتي دايما بيحكو يابختك عشتي حياتك أول وبعدين تزوجتي:) صرت مبينه أصغر منهم في العمر:15::22:
|
عادي زواج البنت الصغيرة قل الكبيرة ولا لازم الكبيرة اول؟ وش رايكم في هذه النقطة
اخوووي اناوحده انخطبت وقبلي 4 بنات من ابووي والحمدلله انا بالاول كنت رافضه هالشي لكن الوالدشديدوفوق كذا خطيبي امه خطبتني بالاسم يعني حدد ولله الحمد اموووري ماشيه زي الفل واهم شي الاستخااره والله يسير امووورك |
انا حابه اجاوب على نقطتين سألتي فيهم ,, اولا بخصوص ليه اختارت اختك وما اختارتك ؟ هذا الموضوع بالذات مافي احد يقول ليه مهما كنتي فائقه الجمال فقد لاتراكي جميله وقد تكوني غير جميله وهي تراكِ جميله .. وكمان قد تكون في مواصفات معينه اختارتها لابنها بحسب طلباته (زي ماذكرتي) وكمآآن في شغله ثانيه انه مو كل جميله تتزوج وكل قبيحه ماتتزوج ... الزواج عمره ما ارتبط بجمآآال سبحــان الله ربنا يقسم الارزاق من عنده فما عليكِ سوى الدعاء والالحــاح فيه وحطي مية خط تحت كلمة الالحاح وإن شاء الله ربنا ما بيخيبك .. ثانيا / بخصوص زوآج الصغيره قبل الكبيره فهذا شىء عآآدي جدا ما ادري ليه مكبرتها ونحنا عدنا كثيير ناس سووها لاتهتمي بسؤال الناس ولا بكثر كلامهم .... كلام الناس مايخلص ومهما حاولتِ ارضائهم ماراح توفي .. اهم شىء حتى تحافظي على انوثتك وحيويتك مهما كبرتي في السن #لاتقولي لنفسك ياربي انا كبرت ماحد بيزوجني ومن هالخرابيط ... بالعكس حطي ببالك انك لسه صغيره وانك لساتك بنووته ومن حقك تدلعي نفسك وتفرفشي وتستمتعي بهذي الفتره لانه حينما يأتي الزوآآج سوف تنتقلين الى مرحله جديده وسوف تتذكرين هذه الايام التي قضيتيها وتتندمين لانك لم تستمتعي بها ...إعطي نفسك فرصه للاستمتـــاع ولاتجعلي للأوهام عليكِ سلطــان .. # خليكِ دائما مبتسمــه لكل من هب ودب على قولتهم :) صدقيني الابتسامـــه سحر بحد ذاتها .. معليه عزيزتي طولت عليكِ ويآآآرب اكون افدتـــــــك .. تقبلي مروري ... :) |
الخطأ مو فيك ولا في أختك ..
الغلط من الناس اللي ما عندها ذوق , كأنها جاية بقالة تختار ..؟؟؟!!!!!!! فيه مليون طريقة تشوفك فيها أنتِ وأختك ومو شرط بالبيت باى مكان والمفروض ما تقول إنها بتخطب أول ما تجي فيه ناس كذا طبعها تخطب على عماها ومادري وش يصير فيهم أول ما يدخلون بيوت الناس بيشفون حتى الشغالة ..! وبعدين خذيها من جانب إيجابي شافتكم كلكم حلووووين وإحتارت .. ولو أنا مكانكم خلاص شافوا أختي مستحيييييل أعرض نفسي لها ..!! وإذا هي طلبت تشوف غير البنت اللي جاية تخطبها بنقولها مع السلامة لأن الكتاب باين من عنوانه ..!! |
غاليتي
اولا.. موضوع ليش اختارت اختك .. هذا نصيييييييييييب و زي ماذكرتي انتي جامعية و هي ثانوية يمكن عشان كدا يمكن ابنها موصيها مايبي وحدة متعلمة المفروض تفرحي انك مو من نصيبه.. لانه الوحدة منا تبي الزوج الواثق من نفسه قوي الشخصية ,, مو اللي يخاف انه زوجته احسن منه تبي اللي يساعدها على النجاح و التقدم.. مو الي يكسر مجاديفها .. ثانيا ... طبعا تصير تتزوج الصغيرة قبل الكبيرة مو معقول الاهل يوقفوا نصيب بناتهم كلهم على الكبيرة .. لانه ظلم بحق البنات صاحبتي معها 6 اخوات ماشاء الله .. اول وحدة تزوجت منهم كانت الوسطى و عمرها 18 والكبيرة اتزوجت بعدها ب3 سنوات و بعدين الثانية و سبحان الله اللي اتزوجت اول وحدة رجعت تطلقت .. فاكل شي نصييب و مكتووب المهم مانعلق نصيب وحدة عالثانية اخيرا .. ياحبيبتي .ز.. فكرت عمرك كبييير و انتي قاعدة تحكي حرام عليك الحين 24 صارت عاانس !!!!!!11 خوفي نرجع لايام زمان و تصير اللي ما تزوجت عال 16 عانس :) حبيتي امي اتزوجت وعمرها 25 هذه و هي امي يعني زمان اول 24 لسااااااتك صغنونة .. بعدي عنك الملل و الكاابة و صدقيييني الفرفشة هي اهم صفة للبنت بعد الدين و الخلق طبعا لما نجي نخطب لاخي و لا لسلفي و لا لاي حد بعد الدين و الخلق تلاقي الخاطب و الاهل يسالوا هي فرفوشة ..؟؟ و لما ام العريس تروح تدور بنات .. ابدا ما يلفت نظرها البنت الكئييبة الحزينة اللي قاعدة معاهم و تقولي مات لهم ميت من الزعل و الانطواء لا ياقلبي ام العريس تدور عالبنت الضحوكة المبتسمة اللي تلاقيها زي النحلة بالبيت تشيل و تحط و تقرب و تتكلم و تضحك (بعقل مو بخفة :) ) و اللي يسال ليش اختك انخطبت قبلك .. قولي لهم نصيب و انا لسه ماجاء اللي يستاااهلني (قوليها بضحك و مزح مو بكبر و تعاالي ) و غيري الموضوع و يااحبيبتي ... الي يعرفك و يعرف اهلك بيعرف انه مافيك عييييب لا مريضة ولا شي..و اللي يدور على ينت ال 18 وهو في ال 30 و لا اللي يدور وحدة اقل منه و يخاف منها و من شهادتها بلاه احسن معناه هو الي فيه شي و البعد عنه غنيييمة .. حبيبتي انظري لنفسك على انك جووووهرة و لسه اللي يستااهلك ماجاك انبطسي و فرفشي و عيشي حياتك و اهتمي بنفسك و بدينك ولااحقة على تحكمات زوج و مسؤلية بيت ربي يرزقك و كل عااازبة الزوج الصالح التقي النقي اللي يسعدكم و يهنيكم ياارب |
| الساعة الآن 01:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©