|
زوجي ورفاقه والسهر مثلث خطر
السلام عليكم ورحمة الله وبركاته اخوتي سأعرض لكم اول موضوع يخصني هنا لربما يكون موضوع مكرر للمره الالف وثلاثه وعشرون :d لكنه والله في غاية الاهميه زوجي يطيل السهر مع رفاقه حتى الصباح انا في كامل اهتمامي به وبصغيرتي وبالمنزل فضلا على ذلك اني لست كثيرة الخروج من المنزل وانما معتدله هذا النهار وهو نهار الجمعه انتظرت رجوعه حتى الرابعه فجرا ولم يأتي كنت في غاية انزعاجي غضبي حزني تارة اقرر بقفل الباب والامتناع عن فتحه مهما كان وتارة اتراجع علما بأنه يقوم بإضاعة مفاتيحه بين الفترة والاخرى اتت الرابعه والخمس دقائق ولم يأتي تثاقلت ان انهض من سريري لأقفل الباب فبقي الباب مفتوحا وليست الليله الاولى التي انام فيها وبابي مفتوحا وانا اذكر الله حتى انام من الخوف فمن يغفوا مطمئنا في هذا الزمن وبابه مفتوح !!! صغيرتي التي تبلغ 3 سنوات يزعجها ذلك وتتفوه بكلام يزيد من حزني ( ماما الباب مفتوح راح ياكلنا الاسد ، راح يسرقنا الحرامي ، بابا ماينام معانا ومايحكي لنا حكايه ، كل يوم يسهر و ووو الخ .... تكلمت معه مرارا كثيره يصمت وان نطق فلايقول سوى : كل الشباب كذا وانا لااسهر كثيرا سوى ليلتي الخميس والجمعه انه يسهر ويسهر ويسهر دون ان يشعر او يشعر دون ان يكترث هو يحبني ويتوق لوصالي وماان اشبع حاجاته النفسيه والجسديه يبدأ الانقلاب ويأتي اسبوع السهر ثم يعود لي ويأتي اسبوع منتظم نوعا ما اعلم جيدا انها طبيعة الرجل ولكني اعلم ايضا ان كل شيء بإعتدال ولااحب ان يصبح زوجي في عداد (السهارى وغير المبالين ) عندما يراه اخوتي او اهلي او عموم الناس يسهر ليلة تلو الاخرى حتى الصباح فمالذي سيقال ! اين احترامه لي وللمواعيد والمنزل ! انا والله اعلم مدى محبته لي ولكني اخشى عليها من رفاقه من سهره من غضبي اخشى على خميلتنا الصغيره وطفلتنا من هذا الاحساس المؤلم المبكر جدا عندما تكلمت مع امه في هذا الخصوص قبل فتره أسفت على حالنا وتحادثت معه اعلم انه من غير الصحيح ان افشي اسرارنا للغير مهما بلغت صلة القرابه لكنه يحترم امه كثيييييرا انتظم بعد كلام امه وبعدها بأيام انتكس قلت لها هذا المساء سأقفل الباب ولن افتحه له واني اقسمت امامه بهذا ان عاود السهر ثانية فأنا اخشى على نفسي وصغيرتي من ابناء الحرام والمخاطر التي قد تحدث جراء بقاء الباب مفتوحا في وقت متأخر واني اطلب منك ان لاتفتحي له الباب فقالت : كل الشباب كذا يابنتي انصدمت من ردها فهي لاترضى بالظلم ابدا علمت جيدا انها عاطفة الام وانه ابنها لن ترتضي ان اقسو عليه لااعلم ماذا افعل ! اهتمام نظافه ، هدوء ، جو مريح ، رومانسيات ، نفس مرحه ونقاش صحيح كل هذا لم يجدي للأسف ! ساعدوني في حل هذه المشكله التي لطالما تشعرني بأني لست مهمه وانه رجل غير مبال حتى الحد الاخير ! |
وقفيه عند حده متزوج لازم يكون قد المسؤليه عندك حرمه عندك اولاد
مهيب سايبه كلمي اهلك واهله يوقفونه عند حده هذا مبسوط على الوضع المفلت الي هو فيه |
حاولي توصلي معاه لحل وسط ... خل يشوف أصحابه بشكل يومي مثل ما يبي لكن لوقت معين ... يعني اتفقوا على ساعة يرجع فيها البيت وما يتجاوزها ...
طبعا بطريقة لطيفة ...لا يحس انك تعطيه أمر أو تفرضي عليه لكن من باب خوفك على نفسك وعلى البنت ... قبل ما تكلميه بالموضوع حاولي تخوفيه ... قولي له اليوم سمعت صوت وكأنه احد دخل البيت ...ثالني يوم شفت كذا ... اليوم اللي بعده سمعت صوت رحت بسرعة وكان الباب مفتوح على الاخر كانه في أحد حاول يدخل وهرب لما سمع صوتي ... خل يخاف عليكم شوي ... حطي سكين تحت مخدتك وخل يشوفها بالصدفة ولما يسأل اشرحيله عن خوفك لانك تكوني وحيدة بالليل ... وبعد أسبوع من كل هذي الاحداث تكلمي معاه واقترحي انه ما يتأخر عن ال 11 مثلا .. يرتب أمور نومته بالنهار ومشاويره بحيث ما يتأخر بالليل عن ال 11 مثلا . لحي ولا يقنعك بكلمتين ... كل ما اعتذر بشي أعطيه رد ... لا تسكتي ... ومو ضروري يقول لاصحابه انه ما يتأخر بالسهر معاهم عشانك ...يقدر يتعذر بمشكله عند أهله تحتاجه أو بشغل أو انه تعبان ..كل يوم عذر الى أن يتعودوا على الوضع الجديد ... يقدر يدبر نفسه معاهم لو اقتنع انه طلبك ضروري . |
اقتباس:
|
اقتباس:
مافيه شي بالقوه شكرا |
اقتباس:
تحسبين الاشياء هذي ماصارت صدق ! وربي انها صارت قبل كم شهر يخاف ويجلس في البيت اسبوع عشره ايام وترجع حليمه لعادتها القديمه هو عارف كل المخاطر لكن اخوياه الرائعين مآآآخذين عقله ودآيم يقول زوجاتهن عايشات محد راح يجيه شي الا انتي ! مع العلم اني التقيت ببعضهن والله فيه وحده كادت تبكي قدامي من القهر ووحده يااااااائسه تقول 8 سنين وهالشله على هالحال وتضيف : اغسلي يدك 3 مرات :D :28: انا ابيه ينتظم بدون انتكاااااااس خلاص ماعاد ابيه يرجع للسهر الا في الاجازات وبالمعقول كل كلامك منطقي يابيتا تشكرين |
أسمحيـلي أقولك أسلوب الأمـر و الواجبـات ما يـجيـبون نتيجـه أبداً مهمـا حكيـتي مهمـا سويـتي إذا بيـنتي لـه إنك متضايقـه من السهر راح يستـمر يسـهر و يسـهر و يسـهر ....... لين تطفشيـن أكثر من ألحيـن شي طبـيعي الإنسان يحـب الممـنوع ( الـممـنوع مـرغـوب ) لا تـقولين سويـت كل شي و ما فـاد دامـك عايشه با الدنيـا صدقيـني كل يوم راح تتـعلمي أسلوب أفضل من إللي في بـالك حـلو تـطوري من نـفسك خاصة بـ تعاملك مع زوجـك..../ لكـن إللي أبيك تسويــنه تفاجأيــنه إنك راضيـه بـ سهراتـه يوم الخميس و الجمعـه و واثـقـه فيـه و بـ أصـحابه يعـني أبيك الإسبوع الجاي تفاجأيـنه بـ صينيـة حـلا ياخذها معه لـ أصحابه قولي لـه قبل يطـلع لـ أصحابـه (( حـبيبـي خـذ راحتك آنبـسط مع أصحابـك دامك مبسوط أنا مبـسوطه و راضيـه (: و هذي صيـنيـة الحـلا لـ كل الحـلا ربـي يحفظك لـي يا بعدهم كلهـم )) بـ هذا الإسلوب يا الغاليـه راح يـكون مع أصحابـه و يـفكر فيـك و بـ كلامك الحلـو و طـيبة قلبك يـصير مشتـاق يرجع البيـت و لـ إبتسامتك الحلوه لكـن لو أستمريـتي على الزعل و النـكد و المعاتب إللي مايجـيب نتيجـه ما أبيـك تسهر و و و و طـبـيعي يتأخر عن البيـت عشان يلاقيـك نايـمه و ما يـسمع معاتبـك إللي ينــكد عليـه وناستـه و يـحسسـه بـ الذنب شفــتي الفرق !! جـربي و شوفي مارح تخسريـن شي طمـنينـي عليك أوكي ^_* الله يسعـد قلبك و يـسخر لك زوجـك يارب |
حياك الله الأخت طيب وأعانك الله على إللي أنت فيه وأنا أقترح عليك إنك تسهري أنت معاه ليلة الأربعاء والخميس عندكم في البيت أو عند أمه أو برى في الحدائق والمنتزها ت إطلعوا أي مطعم فيه جلسات حلوه وإلا إنك تشرطي عليه يسهر ليلة معاك وليله مع أصحابه ويكون بحدود الساعه 12 أو الواحده عندكم بالبيت مايتأخر حتى الفجر وشكل زوجك من هواة
ألعاب البلوت أو المعسل لأن أكثر تجمعات الشباب على كذا بلوت ومعسل ومتابعة المباريات بالذات الأوربية لأنه توقيتها مو مع توقيتنا حناعندنا ليل هما عندهم نهار وأنتي شوفي الشئ إللي يجذب زوجك ويحب السوالف فيه تعلمي عنه وأجلسي معاه وناقشيه وخذي وأعطي معاه بالسوالف والمواضيع إللي زوجك يحب النقاش فيها تقربي منه حببيه بجلسة البيت وفي جو البيت ومره أطلعوا إسهروا برى عند أحد قرايبكم ومره في بيتكم ومره في أي منتزه خذوا معكم شاي وقهوه وأطلعوا برى مع بعض تمشوا وإطبخوا في البر والله إن الطبخ في البر على الحطب له مذاق خاص بالذات في هاذي الأجواء الربيعيه أجذبيه بحسن تبعلك وزين كلامك ولا تعانديه ولاتزنين على راسه وتجلسين تصايحين عليه ترى الرفق مادخل في شئ إلا زانه بالرفق واللين والمسايسه كل شئ يجي إذا أنتي جلستي تنصحي وتشكي وتتكرري هو راح يطفش و يبقى يهرب من المواجهه معاك لعند أصحابه وبيحس إنك مضيقه عليه الخناق أنت إجلسي معاه جلسة مصارحه وإتفاق بأن مثلا يكون له يوم مخصص بالأسبو ع مع أصحابه خليه يسهر معاهم لوقت محدد إتفقوا أنتم عليه وأنت بطريقتك وشطارتك راح تسحبينه معاك للي تبغينه وتنسينه السهر لأن حتى الطفل يحتاج وقت لفطامه ومحاولات وزوجك يحتاج منك للوقت والصبر و العمل حتى تتمكني من إصلاح هاذا الأمر وعليك تنفيذ الحلول على خطوات أنتي تقومي بها بالتدريج وبحكمه بالغه ودهاء منك الحرمه إذا قدرت تجذب زوجها ناحيتها وعرفت مفتاحه وتأكدت من خضوعه لهاوإستماعه لكلمتها ذاك الساع تطلب منه وش إللي تبي والله إنه ماراح يردها أنتي تمكني منه أول أيقضي فيه المشاعر والأحاسيس تجاهك وأقتربي منه أ كثر وخليك زوجته وصديقته وأهله وحسسيه بإهتمامك فيه و بعدها شوفي كيف يصير وحاولي تسوي جدول لأيام عطل الأسبوع خاص بطلعاتكم مع بعض وسهراتكم في البيت وحاولي تغيري وتجددي مواقع جلستكم أثناء السهر بالبيت يعني مره بالصاله ومره بالحوش أو على السطح إذا كان ساتر ومره بالمجلس ومره بغرفة النوم حتى مايتسرب الملل إلى نفسه وأنت غيري في شكلك ولبسك وخليه يحس بالفرق بين ليلة أصحابه واليله إللي يسهرها عندك وصدقيني بعد فتره راح يرجع لك لحالك بس أنتي لاتهمليه وأهتمي فيه زين وكل ليلة سهره خليها أحسن من إللي قبلها وميزيها بشئ حلو يكون له وقع خاص في نفس زوجك . وأسأل الله أن يسعدك في حياتك ويوفقك ويصلح زوجك ويهديه ويرده إليك ردا جميلا . |
اقتباس:
وقد سويت اللي قلتي عليه ياختي احيان احس ان السهر في الاستراحات ولعب البلوت ادمان الله لايبلاك :d |
اقتباس:
المشكله البلوت والمباريات انا اكره المباريات جدا جدا جدااااا اتذكر العام الماضي سويت فيها ولبست اخضر ويعني اشجع المنتخب وابي اشاركه اهتماماته هههههههههههههههههه وهو اللي تابعها في البيت وانبسط بس يااااااااني حسيت اني كذاااااااااابه ومن جنبها الطبع يغلب التطبع مافيني احب المباريات وهو لو وده ان المباريات حرمه ويتزوجها علي ههههههههههههههه احيان يتابع المباريات المهمه واللي مالها داعي وش يستمتع الا يستلذ فيها قسما بالله ماغير الحماس والصراخ ههههههههههههههههه بصراحه بعض الاشياء اللي ذكرتيها جربتها سابقا ونجحت نوعا ما لكني مااستمريت فيها ابحاول اواصل عسى الله يجيب خير مشكوره |
اقتباس:
|
اختي اذا زوجك يسهر الاربعاء والخميس فقط هذا يعتبر جيد
والامر بسيط انتي روحي الى اهلك ونامي عندهم غيري جو ، انا متزوج لي تسع سنوات كل نهاية اسبوع اذهب بزوجتي لاهلها واخذها الجمعه والحمد لله ،، الله يسر امورك وكل مسلم |
كلو كوم و قصة ترك الباب مفتوح كوم تاني !!! :(
لما بنام وحدي يعلم الله كم أخاف و احاول اكبت الخوف مع انه كل شي مقفول لكن كلما شفت خيال او سمعت صوت بوقع قلبي من الرعبة و التلفون دائما جنبي شوفي يا اختي زوجك لما بنسى المفتاح قولي له لا ترجع للبيت انا سأقفل الباب و لو رفض قولي له كلمة وحدة و بس (لو حصل لي مكروه او حد - لا سمح الله - اغتصبني او سرق بنتي أنت المسؤول ) ^^ زماننا ما فيه أمان اعتقد الموضوع محتاج وقفة جادة يمرح مع صحابه نعم، لكن مو ضروري يسهر للفجر ! اطلبي منه ان يكون اكثر مسؤولية و قولي له انا لا امنعك من المرح مع صحابك لكن دعها (خلال النهار فقط)!! |
اقتباس:
ان شالله مشكوره من ثاني |
اقتباس:
وجا بدري البارح المشكله ان خويهم الله يهديه ماتبدا سهرته الا 12 ونص بعد مايتعشى وياخذ حاجته من ام العيال وهم مع الخيل ياشقرا |
اختي طيب 00
كيف إهتمامه في صلاته وحرصه على وقته ؟ كيف عمل زوجك ودوامه ؟ هل يقوم بمسؤلياتكم على الحد الذي يرضيك ؟ |
اقتباس:
مااحب ازعج هلي في اجازتهم بعدين هو خلاص يحس ان فيه شي ناقصه لو مايروح ! ليله كامله او ليلتين فقط يقضيها معي في 365 يوم احيان يسهر معي برا ويرجعني البيت ويروح الاستراحه |
اقتباس:
كان يهتم في الصلاه جدا حتى انه يسهر 3 ساعات ينتظر صلاة الفجر ولا الحين ينام قبل ربع ساعه ماعنده مشكله دوامه شيفتات يقوم فيها نوعا ما ! |
اقتباس:
حاولي وبقدر المستطاع - وبكل ما اوتيتي من قوه أن ترجعيه لصلاته وايقضي فيه مخافة الله وتقواه 00 ولا تنسي أن يجد عندك البديل الذي تغلفه الطمأنينه 0 فأكيد أنه غير مطمئن وغير راضي عن نفسه 00 وعمل الشفتات - للأسف - غالبا يعمل على الفوضى لأي إنسان إلا من رحم ربي جعله الله قرة عين لك 00 وجعلك حوريه بعينه |
اقتباس:
ان شالله قررت اشتري له عود وعطر ثاني واسوي له مخلط خاص للصلاه ونفس الشي انا اسوي لي عطر خاص للصلاه واذا صلى يوم الجمعه في المسجد بسوي له غدا مختلف واجيب امه تتغدى معنا او اسوي له غدا هو واخوياه يجون عندنا وكذا يتصلح نومهم ويحسون بالفرق وبإذن الله يتغير الحال |
اختي نصيحتي لك اقفلي بابك ولاتخليه مفتوح وبالنسبه لزوجك ماراح تقدري تغيريه الا بالدعاء له
ادعي بالليل واستمري بالدعاء والصلاة يوميا وصدقيني انك بعد فتره حتلاحظي كيف حيبدا زوجك يتغير انا جربت كل شي ومانفعني الاالدعاء والله ان زوجي بدا يتغير كثير انصحك وانصح الكل بالدعاء ثم الدعاء وربي يهدي الجميع يارب |
اقتباس:
ايه والله اني ادعي مشكوره اختي |
الليلتين الماضيتين صار يجي ع 12 ونص ، 1
الوضع في تحسن صار ينجز بعض الاشياء المؤجله في المنزل |
زوجي يبدأ في الانتكاسه ويعاود التأخر
طلع الساعه 11 وماعاد جا ولا دق قفلت الباب ومانيب فاتحته ومن المؤكد انه راح يهز الدنيا ويصحي بنتي ويخوفها ويصحي الحاره كلها لو مافتحت الباب لكني اقسمت ماافتحه ماراح اسكت له بعد اليوم ماااااااراح اسكت كفاني تنازلات ّ! وعشان اييييييش ! ... لو صار لي شي لاقدر الله او تهجم علينا انا وصغيرتي ابناء الحرام ماراح يوقف بصفي ابدا غيره على شرفه وكرامته قدام الناس وحتى لو وقف بصفي ! وش انا بـ استفيد بعد المشاكل النفسيه والاجتماعيه اللي راح تصير وقتها ! انا اخاف علي وعلى بنتي اذا هو ماهو بـ خايف |
اقتباس:
ما أشوف طريقتك فيها حل للمشكلة |
اهلا اختي بيتا
لا مايصير ! ليش يقلق نومي كل ليله ! هو رافض ينسخ له مفاتيح انا بشر ليش يحرمني ابسط حقوقي وهو النوم براحه بدون تقطيع عشان متعته مع اصحابه لاحظي انها متعه وليست ضروره فضلا على ذلك متكرره |
مدري ليش محد متجاوب معي
في اليوم اللي قفلت فيه الباب جا زوجي ومعه اخته الصغيره وطلب مني افتحه ترددت كثير خصوصا اني اقسمت ماافتحه احترت وفتحته لأن البنت جايه عشان اهلها قفلوا الباب وناموا وهي كانت في بيت اختها فماحبيت اكبر الموضوع قدامها والاطفال يكبرون المواضيع وهذي مشاكلنا الخاصه الليله اللي بعدها سهرت عند صديقتي كلمني الساعه 1 وقلت له ابسهر معها الين الفجر بالاول كان يبي يرفض وبعدها وافق الليله كنت في مناسبه وجا خذني الساعه 11 وكان قاضي الليله في شغل للدوام ومنها ماعاد رجع طبعا لاارسلت ولااتصلت علاقتي فيه متوتره والله بديت افقد اعصابي واتوتر خايفه اقلل من احترامه لو استمر هالوضع ردودي له تجي مستفزه تلقائي اذا كان مضايقني مقدر اجامله ابدا المشكله انه يحس بإن الخميس والجمعه او السهر حق من حقه واني اسلبه راحته محتاره مدري وش اسوي !! احيان اتعود واستمتع بإستقلاليتي في بيتي واقضي اشياء كثيره اقرأ روايات وقرآن اجلمس على النت التليفزيون امارس هواياتي لكن مجرد غيابه يجرح انوثتي واحس اني مو مهمه ولامرغوبه ! وش رايكم |
اقتباس:
وليه ما يصير ؟؟؟؟ انتي زوجته وتحملي على نفسك شوي عشانه ..اذا الشاب تزوج لازم ينحرم من متعه ومن أصحابه ؟؟؟. وقت تواجده عند أصحابه تكوني نايمة يعني ما يأثر خروجه عليكم غير بموضوع انه الباب مفتوح .. يطلع من عندك متأخر يعني تقدري تعملي معاه اللي ودك اياه وتأمني كل طلباتك قبل خروجه .. هو ما يتحمل على نفسه بمشوار ثقيل على نفسه مثل السوق عشانك ؟؟؟؟ ليه تعملي من طلعته عند أصحابه مشكلة كبيرة ... ما أنكر انها مشكلة لكن مو مشكلة لدرجة تقفلي عليه خارج البيت ... شنو .. هو مراهق متأخر خارج البيت وانتي والده ؟؟؟؟ مشكلتك حاولي تحليها بالحسنى وأختنا الحلوة بنت الحكمي أعطتك الطريقة وانتي جربتيها وقلتي انها تنفع ... حتى لو ما نفعت بكل المرات ... وحتى لو فيها تعب عليكي لكنها الطريقة الصح .. ما ينفع انك تحلي المشكلة بأسهل الطرق عليكي .. لأنه موضوع اقفال الباب فيها اهانة كبيرة له ... هذا رجلك مو ولدك ... الحمد لله انه أخته كانت معاه وما نفذتي اللي براسك .. الظاهر ربنا يحبك .. زوجك مو راعي مشروب ولا بنات ولا يضربك ولا بخيل ومافي بيت كامل ...لا تخسري بيتك عشان مشكلة مقدور عليها الله يهديك .. |
اقتباس:
لكن السهر يجر اشياء كثيره اتمنى تتخيلين نفسك مكاني وانتي تفهمين احساسي ووضعي ومشكوره على التجاوب |
اقتباس:
كل قصدي أنك تقدري تحلي مشكلتك بواقعية ... انطرح بموضوعك طريقتين للحل على ما أظن ... أولها حزمك بالموضوع واقفال الباب والتشديد بطلب حقك ثانيها طريقة الحبيبة بنت الحكمي أول طريقة ممكن لا سمح الله تكبر المشكلة وزوجك يعاند أكثر وهذا طبع الرجال ... واذا عاند انتي بتزعلي ويزيد الجفا أكثر وأكثر .. ووقتها يكون الحل أصعب . ثاني طريقة فيها تعب عليكي لكن فيها حل أكيد وبالعكس مع الوقت بتزيد المحبة بدل ما يزيد الجفا ... فكري كويس ... اذا انتي مليتي من محاولة حل المشكلة وما ودك تتعبي عليها وتركتي المسؤولية على زوجك وهو مو شايف مشكلة أصلا ولا وده يحل شي ... أو شاف مشكلة مع كثرة شكوتك لكن برضه ما وده يحلها ولا مستعد يتعب ... شنو النتيجة ؟؟؟ لا تنسي أنه العبء الأكبر بمسؤولية نجاح الزواج يقع على الزوجة ... هذا الحال بكل الدنيا .. |
اقتباس:
معك حق في كل كلمه |
ياحرييييييييييييييييييييييييييم خلوا رجالكم براحتهم وعيشوا حيااااااااااااااااااااااااااتكم لنفسكم لاتكونوا خنق وغثى يالطييييييييييييييييييييييييييييييييييييييييف,,,
|
اقتباس:
لاتعليييييييييييييييييق |
لك علي ادعيك يارب الوجود
ولي عليك انك تجيب وتستمع لي ماسواك اللي بعطفه لي يجود وان شكيت الهم من همي رفع لي |
اقتباس:
اللهم هون على طيب وأعنها على حفظ بيتها واجعل حبها متملك لقلب زوجها وحننه عليها واجعله قرة عين لها . |
اقتباس:
كل الشكر |
مستجدات الرد37 :d رجع الفجر وهو حاس بالذنب شافني تعبانه وعندي ضيق تنفس شديد - اشبه بالربو سألني عن السبب قلت مدري قال : انتي ماتتعبين كذا الا اكتأبتي او غضبتي من شي وتعبت نفسيتك قلت : اسأل نفسك عاهدني انه يجي بدري وننام ويتغير نظام نومنا لأن السهر الكثير يزيد من الربو وانه ماعاد يسهر وطلب مني اتجهز لرحله للبحر اليوم في البدايه ماوافقت لأني تعبانه ولازلت لكن بعدها وافقت وقلت : دامه حاب يتغير ليش امنعه ! واذا طلعنا بيرجع البيت مرهق ومجهد وماله حيل يسهر ابد وبيتصلح نومه والحال معه + طلبت منه ينسخ مفاتيح للبيت عشان لو احتاجه ماحبيت اعطيه ايحاء انه ممكن يسهر بهالطريقه قلت له لو كنت بعيده عنك او سهرانه برا وهو وافق صحيت وجهزت معجنات وكيك وبعض الالعاب للرحله وبرجع انام عشان اكون مرتاحه وماتنسد نفسه ويحرم يطلع فيني بحر :D |
الحمدلله قضينا رحله ممتعه في البحر
والآن سهرانين مع البنت وكأن الليالي الحلوه بدت ترجع الحمدلله رب العالمين بكره راح ينسخ له مفاتيح + بنطلع الملاهي الترفيهيه شكرا لكل من ساعدني وان شالله نستمر كذا هي الدنيا اخذ وعطا عشان آخذ لازم اعطي وانا اقتنعت ان هذا زوجي وهذي اسرتي وضروري اتحملهم واحاول اصلح اي خطأ خطوه خطوه + رحابه وصبر |
الحمد لله :) ما شاء الله ولا قوة الا بالله :)
ما أكرمك يا الله ... ما أكرمك يا رب الرحمة وما أسرع فضلك وجودك .. رفعتي يدك تطلبيه وكان جوابه قبل ما تنزليها .. فرحتي قلبي بأخبارك :) بس خليك حريصة ولا تقطعي الدعاء ... ترى الحمد لله من الدعاء ... وأنا متأكدة انك مو من الناس اللي تذكر ربنا بالشدة وتنساه بالرخا .. |
الحمد لله يارب والله يثبته على كذا على طوووول ..
باقترح عليك اقتراح .. مافكرتي تتعرفي على زوجات اصحابه .. والقصد من هالشئ يالغلا .. اان مثلا كل ربوع او خميس سهره فيه بيت واحد منهم .. عائلات .. منها زوجك يسهر وانتي معاه بنفس المكان .. هالشئ لو حسيته حن ووده للسهرات .. الله يوفق يارب .. |
| الساعة الآن 12:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©