|
تعامله معي جداً جاف كيف اتعامل معه؟
السلام عليكم
انا مشكلتي مع خطيبي مايهتم فيني ولايسأل عني اساسا من بعد الخطبه ما ادري عنه ولايدري عني هو طيب ومحترم وخلوق بس مو معقوله من الخطبه مايفكر يتصل ولاشي انا حيل مقهوره من كلام اللي يجرحني كل الناس مستغربه انه مازارني ولاحتى اعطاني جوال اساسا لما اكلمه يصرفني يقول انا مشغول او ابي انام صرت استحي اتصل فيه كم مره حاولت اتقرب له بس مافي فايده كل اسبوع يقول انه بيزورني بس ما اشوف شي طبعا يرسل رساله لانه مايفكر يتصل واللي يقهر الحين انه بيأجل العرس بعد سنتين والله حالتي النفسيه حيل صعبه انا اكتب وانا ابكي وشلون اتصرف معاه مع العلم اني مدلعته اقول كلام حلو وبحياتي مارفعت صوتي عليه بس مافي فايده قلبه زي الحجر هو صدق طيب وحنون ومحترم وكل البنات يحسدوني عليه من ناحية الاخلاق بس تعامله معي حيل جاف لدرجة ان اي مكالمه بيني وبينه لاتتعدى خمس دقايق هو يصير ولد عمي واختارني من بين البنات اكون خطيبته بس تعامله معي قاسي واساسا هو ما يكلمني انا اللي طاشه نفسي عليه كيف اتعامل معاه ؟ |
خلاص انتي اثقلي
ومدام اختارك واخلاقه كدا قولي الحمدالله اشغل نفسك بدراستك وكدا والزواج باقي عليه كتير يمكن مايبغى مره العلاقه تمون يخاف تصير مشاكل |
اقتباس:
على قولتك لازم اشغل نفسي بأي شي الف شكر لردك |
عزيزتي الحل الوحيد المصارحة
لا يوجد حل ثاني |
الثقل صنعة
في بعض الرجاجيل ما يحبون الحرمة اللي ترمي حالها عليه و يمكن هو طبعه كذا و بعدين لسع بدري ع الزواج لا تستعجلي |
آحمدي ربك على كل حال و اعملي بنصيحة الاخوات
على الاقل ملكتي و صرتي حلاله .. غيرك تعلقت اموره و لا يدري متى الفرج اللهم لا آعترآض يارب لك الحمد افرجها علي و على كل مكروب |
اقتباس:
كيف اصارحه وانا اساسا لما اتصل فيه يقول نعم ليش متصله ولما اسأله ليش ماتتصل يقول اذا انتي فاضيه انا ماني مثلك ماعنده اسلوب دايم يجرحني ومشكوره حبيبتي على الرد |
اقتباس:
يعني معقول يضل كذا ثقيل من سنه مافكر يسأل ولاحتى يزورني انا حتى شكله بديت انساه اما من ناحية الزواج ليش يأجله سنتين وظروفه الماديه ممتازه واحنا بعوايدنا فترة الخطبه بس سنه وهو الحين بيأجله سنتين الله يستر الف شكر لردك |
اقتباس:
الحمدلله على كل حال والله انا احمد ربي ليل ونهار اني خطيبته من ناحية اخلاقه وتعامله مع الناس بس معي حيل قاسي الف شكر لردك الله يفرج هم المهمومين يارب |
حبيبتي واجهه
قولي له ايش هو الي نعم انا زوجتك و انت زوجي و انا مسؤولة منك انت ليش كذا و كذا و كذا قولي كل الي بقلبك واجهيه افهمي منه ليش يتصرف معاكي بهذه الطريقة وضحي له انك متضايقة من تصرفاته |
اقتباس:
اللي يقهرني ان كلامه معسول وذوق مع الناس بس انا يعاملني كأنني مسوية مصيبه الله يهديه والف شكر لردك |
أين والديك من التأخير الزواج لسنتين لماذا لم يتدخلوا أما عنك أختي إن كنت تدرسين فانتبهي لدراستك ولا تشغلي بالك به إن كان يريدك فسيسأل عنك وإن كان غير ذلك فلا تتعبي نفسك معه الله يسعدك وييسر لك ما فيه الخير |
وش راح ينفعك ذوقه مع الناس!!
يمكن هو من النوع اللي يحترم الناس الرسميين جربي تكوني رسمية معاه والله يوفقك |
اقتباس:
من ناحية تاخير الزواج اذا قلت لوالديني يعني ايش راح يسوون مايقدرون يقدمون الزواج لأن هالشي بيد الرجل امين الله يكتب لي الخير ويسعدني واياك يارب الف شكر لردك |
اقتباس:
مااستفدت شي من الكلام الحلو اللي كنت اقوله تسلميييييييين على المرور |
الله يهديه ويعينك..مريت بنفس حالتك بس تجربتي معاه فشلت وانتهت والحين الله عوضني
بس انتي لازم تصارحينه انتي الي بتعيشي معاه طول العمر قولي وش فيك مقلوب عليه ليش اسلوبك جلف وان شاءالله تتفاهمون وتستقر اموركم الله يوفقك ويسعدك |
اقتباس:
لابد من المصارحه والمواجهه والمشكله كلما اتصل فيه لابد انه يصرفني مره مشغول مره ماله خلق يتكلم ومره تعبان ومره يبي ينام يعني على طول يصرفني لابد اننا نتفاهم بس لما يتكرم ويعطيني شوي من وقته تسلميييييين على الرد |
في العجله الندامه
:14:لاتستعجلي وادام مايسئل عنك اويكلمك ثقي انه سياتي يوم ويكلمك ونصيحتي خليك ثقيله شوي صدقيني ادا جريتي خلفه وتتصلي ويطنشك ممكن تحرجي نفسك مع ابن عمك لكن طنشي وسيستفرب والله بنت عمي لم تتصل صدقيني سيبادر بالاتصال خدي كلامي بعين الاعتبارلاني مجرب
|
اقتباس:
والله ياخوي نفس الشي سواء كنت ثقيله او لا مايهتم بالمكالمات خير شر واذا كلمني ياليته يرد علي بكل ذوق بالعكس يكلمني وهو معصب مدري وش قصته بس علىقولتك لابد ان اثقل شوي مشكووور على الرد |
اول تاكدي انه خطبك باختيارة يمكن جبرة عمك عليك لان اسلوبه كانه مجبور!
اما الزواج خلي ابوك يكلم ابوة قبل ماتتعلقين لاانتي اللي تزوجتي ولا انتي اللي شفتي نصيبك لاتنتظرين اكثر كلمي ابوك وخليه يكلم ابوة ليش تاجل الزواج وليش دامه بياجل الزواج يمسكك من قبل 3 سنوات ؟؟؟؟ اكبر غلط هذا الشيء انتبهي |
اقتباس:
حتى يوم الخطبه سألته انت خطبتني تبيني او لأ مغصوب قال لا انت حياتي وروحي وطول عمري اتمناك اما من ناحية تأجيل الزواج فعلا لازم الرجال يتدخلون الف شكر لردك |
يمكن هو ضد فكرة الاتصالات والمراسلات في هالفتره
خليه على راحته واثقلي |
اقتباس:
فعلا يمكن يكون كاره المكالمات وانا لازم اثقل على قولتك مشكوره عاشقه على الرد |
| الساعة الآن 04:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©