|
هل هو بخيل ؟
احنا سوينا ملكه كبيرة بس انصدمت يوم اكتشفت انو اهل خطيبي ماجابو عربيه ملكه بس جابو طقم وعطرين والدبل وش رايكم هل هو بخيل ويوم جاء اول زيارة له جاب لي ساعه ب100 ريال بس وش رايكم
|
اختي انتي اعرف بظروووف زوجك
الازواج مختلفين في قدراتهم الماديه فلا تحكمي على بخله من هذه الامور مدام متاكده انه يحبك خلاص هذا اهم شي |
نصيحه لوجه الله لا تحسبي الهدايا والاشياء بالقيمة الماديه راح تتعبي بدون فايده ولكن المهم القيمة المعنويه :22: وطالما عندك انسان يحبك هذا هم شيء :d وقولي الحمدلله.... |
واني لسا لحقتي على طول سويته بخيل
استهدي بالله وافرحي بعريسك وبلاش هواجس |
ممكن الوضع هذا يعائلته عادي
و ممكن فقر الحال و ليس البخل و ممكن عنده شوية حرص مادي أو لا يعرف الاسواق الغالية ما ممكن نحكم عنه انه بخيل بهالبساطة افضل شي ان تسألو صحابه ان كان بخيل أو لا |
ممكن وضعه ليس جيد جدا
او ممكن العادات تختلف عنكم |
امكن ما يعرفون عاداتكم
زكرتيني بزوجي يوم الخطوبه ماجاب اي شي وبالعيد كمان قبل الملكه زارونا هوا واهلو وبرضوا ماجابوا شي جابوا كيك وتعالي شوفي اهلي وش قالوا بخيل مش عارفه ايش المهم كلااااااااااااام انا بالنسبه ليا ما فرقت لانو بدري احكم على الرجال واهلو وبعد ما ملكت وسالتوا طلعوا انهم مايعرفون كيف العادات والتقاليد عندنا بدري ياعروسه ع الحكم وموفقه ياقلبي |
والله الشغلة بدها اختبار
اطلبي اي طلب منه و شوفي ردة الفعل ترى ممكن يجيبلك اياه بس اذا ناقشك في البداية و سئل اسئلة ما الها داعي بيكون بخيل |
انا مثلك زوجي مايعررررررررررررف جابلى بس طقم ودبلة مايعرررررفون العربة والحركات هذي
|
يعتبر وضعه المادي تمام ماهو فقير بس انا مررة خايفه انا ماعرف اتاقلم مع واحد بخيل انتووش رايكم في احد
الله يسعد الي ردو كلهم لاني اول مرة اشارك في المنتدى وكمان اخاف بس الحين يقول لي كلام حب بعدين يطنش |
اقتباس:
و لذلك ما حدا عنده جواب على سؤالك إلا أصحاب زوجك اطلبي من اخوك او ابوك يسألوا عنه بشكل جيد عن موضوع البخل بشكل محدد و أهل الخير كتار اكيد بتشوفو حدا يصارحكم |
أختي ,, ما حصل في ليلة المِلكة ,, قد يُسمّى تقصير ,, أو جهل ,, أو ضيق ذات اليد ,, أو عادات ,,
فلا أحد يستطيع أن يحدّد الموقف ,, إلا من عايشم أو خالطهم .. |
انا من النوع الي استحي اطلب منه اشياء
|
الف مبروك اختي
مو شرط يكون بخيل يمكن هذي عاداتهم زميلتي سوت ملكه كبيره في شوال الماضي و زوجها ( تاجر ) يعتبر غني اللهم لآ حسد بس من عاداتهم ما يقدمو عربة الملكة بس صينية الشكبة اذا تعرفيها ينحط عليها الطقم و العطور و الدبل عكس اخواتها اللي جابو لهم عربات و بعدين احس هذي الامور تنحل بالتفاهم يعني لو انتي حابه العربيه كان ممكن تسأليه ( اذا كان بينكم مكالمات بعد العقد ) عن عاداتهم و اذا يقدموا عربه او لآ و ما فيها شي لو قلتي انا نفسي بالشي الفلآني و اكيد ما بيقصر معآك .. عموما صار اللي صار و لا تخلي الشيطآن يلعب بعقلك و الهدية مو بقيمتها ابدآ حتى لو كآنت بريآل يكفي انه من قلب محب |
أنا لم أفهم حكاية العربية وما المقصود فيها ولعل خطيبك مثلي أيضا لم يسمع عنها
عموما مخاوفك عادية فكل فتاة تطمح أن يكون شريك حياتها هو فارس أحلامها بحق وتخاف من بعض الصفات التي قد تكدر صفو حايتها معه ، لكن أنصحك أخية بالتفاؤل والاستمتاع باللحظة واستغلي هذه الفترة ببناء أساس متين لحياتكما وأسأله سبحانه أن يبارك لكما وعليكما وأن يجمع بينكما على خير |
وحده من صديقاتي زوجها ايام الملكه
هداياه بسيطه حتى الجوال ماكان ذيك الفخامه لانو كان ببالها واحد غيييييييير وهو ماشاء الله عليه راتبه ممتاز لكن هالانسان سبحان الله الهدايا عنده شئ عادي يعني الهديه في نظره عمرها ماعبرت عن الاخوه والصداقه وكلمته الواحد بوقفته وفزعته وتوجيبه مو بالهدايا وبعد الزواج هداياه لها غييير يعني تقدري تقولي نوعا ما افضل من ايام الملكه الزبده ماطلع بخيل بس مو حق هدايا ويمكن زوجك من هالنوعيه الله اعلم والايام والمواقف راح تبين لك موفقه |
اقتباس:
|
عادي حبيبتي لاتحكمي بهالسرعه كذا...حنا عادتنا تختلف ماعندنا عربيه وهالحركات عندنا الشبكه واهلوه يجيبوا اطقم عطور ولماما كمان جابوا لها طقم مع فلوس...كل ناس تختلف عندهم العادات
|
و لا يهمك زميلتي ( العروس ) حضريه و عريسها مطرفي و اخواتها وحده منهم آخذه بدوي بس ما اعرف قبيلته و الثانيه حضري و اعتقد يقرب لهم |
تسلموا الله يسعدكم بس بصراحه مرة اتحطمت حتى الناس قالو وش ذا الجوع مايجيبو عربيه حتى الطقم الي جابو مايتلبس بالمرة ماني عارفه حقدر حتاقلم معاهم او لا انا ماطلبت اشياء فخمه بس كل الي ابغاه اشياء بالعقل الواحد يقدر يلبسها بس بدي اسالكم طقم الشبكة كم يكلف ومترددة ابيعه او لا
|
االله المستعان هذا بداية وسوسة الشيطان لايروح تفكيرك للماده
نصيحتي لا تلتفتي للوسواس والناس التي تملئ عيونهم الماديات |
[QUOTE=عريس بكراتينه;2571432]االله المستعان هذا بداية وسوسة الشيطان لايروح تفكيرك للماده
نصيحتي لا تلتفتي للوسواس والناس التي تملئ عيونهم الماديات[/QUOTE لاياقلبي الله يسعدك ان ماتهمني الماديات مرة بس خايفة انو يكونوا اهلة مرة بخلة مادري انا احس انو عربيه الملكه شئ اساسي مادري حتى حاسة نفسي اني بدات اكرة خطيبي رغم انو طيب صح انو الواحد مايحكم الا بعد العشرة بس والله مادري امكن في هذي الفترة تخلي الواحد مرة حساس ومعليش اخر سؤال كم راتب الزوج اذا كان متوسط الحال بس الله يسعدك لاتاخذي فكرة اني مادية بالعكس بس الشئ لما يزيد عن حدة ينقلب ضدة يعني الواحد يكون معقول والذهب الي جابو لنا في حدود4000الاف وش رايكم بس زي ماقلت انو شكلة مايتلبس مرررررررررررة يعني حق حريم كبار مررررة |
على حسب يختلف تكلفة طقم الشبكه كل ناس وقدراتهم الماديه
لاتفكيري بهالامور ابدا ابدا فكري بمعدن الشخص نفسه هو الي بتعيشي معاه ماراح تعيشي مع الشبكه والطقم فكري بعقلك حبيبتي عشان تعيشي مرتاحه |
انا والله كل ماطنش السالفه واقنع نفسي اسمع كلام اهلي عن الاشياء الي جابوها واتحطم زيادة واسمع كلام الناس على الاشياء الي جابوها واتحطم اكثر وبصراحه الطقم الي جابوة مرة يفشل انتو مارح تتصورا كيف شكله لدرجة انو هذا الطقم ماصار ينباع في المحلات ساعات اشك انو هذا الطقم ملبوس حتى محلات الذهب يستغربوا لما يعرفوا انو هذا طقم شبكة وساعات اقول انو اهله بالعاني جابو هذا الطقم وماجابو عربيه لانو في احتكاكات كانت قبل الملكه بين اهلي واهل خطيبي بصراحة انا حسيت اني بدات اكره خطيبي رغم انو ماعمل حاجه واحس انو امه مرة قويه من طريقة كلامها وساعات احس اني استعجلت هلى الزواج والله اني جالسة بضيقة مايعلم فيها الا الله ولاتقولوا انك ماديه بس حطو نفسكم مكاني الوحدة سبحان الله تكون خايفه من الاساس من فكرة الزواج ويوم تحصل هذي الامور تتحطم اكثر
|
وجهة نظري عاااااااااااااادي اهم شي الراحة النفسية ويحافظ علي من هالبشر
|
اقتباس:
انا حاسه فيكي وبكون واقعية معاكي البنت مننا ماتعرف الرجال في بدايه الخطوبة الا بالاشياء اللي يجبيها يعني حتى لو شي حلو ورخيص مو مشكلة اهم شي حلو بس لانك ماتعرفينه راح تحمكين عليه بالشي اللي يجيبه ف اللي انتي فيه شي طبيعي والشي الثاني احنا البنات نكون راضين ونحمد الله وينغص علينا كلام الناس او الاهل يعني نكون راضيين وسعيدين بحياتنا ويجون بكلامهم ينغصون علينا الفرحة يعني احيان يجيك احساس انك جالسة تتزوجين علشان ترضينهم موعلشان نفسك يعني مثلا ندعي انو يجينا مهر غالي مو علشاننا لا علشان اهلينا ماينقصون من قدري او يقولون ماقدرها او بينك وبين نفسك تقارنين بينك وبين صحباتك ليه ماني زيها اانا انقص عنها بايش انا ما اتكلم عنك انتي بالذات لا عن معظم البنات و على فكرة من البداية صديهم وقولهم اللي جاب جاب انا راضية ولا حد يتدخل لانهم راح يتعودون يتدخلون بكل كبيرةوصغيرة وهذا الشي راح ينغص حياتكم انا اشوف انو عيشي الفرحة كاملة واتقربي من خطيبك وحاولي انك تهدينه هدايا عليها القيمة واتوقع راح يبادلك -- وصدقيني اعرف وحدة ماجاب لها اصلا شبكة ودبلة وهي كمان ما سوت شبكة و والله مبسسسسسوطة ماشاء الله عليها ربي يبعد عنها كل شر وحابه اضيف انو اخواني الاثنين الي اتزوجو مؤخرا ما جابو عربية مو لانهم بخلاء بالعكسسسسسسسسسسس لكن ما حسو انو لها فايدة لكن بعد لزواج كانو مع حريمهم كرماااااااااااء جدااااا ماشاء الله عليهم ---- ربي يسعدك وينولك مرادك ويسخر لك قلب خطيبك ودايما لو ماكان عاجبك شي في زواجك او خطيبك او اهله ادعــــــــــــي رب العالمين |
اقتباس:
|
وحده من صاحباتي في الملكة جاها عربية وطقم يجنن وعطور ومادري ايش ولما راحت تشوف سعر الطقم طلع فالصوا خخخخخخخخخخخخخخخخخخخ
انتي طقم الشبكة مارح تلبسية اصلا بالعكس كل ماكلن ثقيل كان افضل يفيدك مستقبلا واذا حسيتي بعد المكالمات ان زوجك بخيل تصرفي انتي وممكن مايكون عنده اخوات فهو جاهل في هذي الاشياء اخواني ماكان عندهم نية للعربية وماادري ايش بس انا خبرتهم واخترت لهم فهذا الشيء يعتمد على مجتمعه هو الله يوفقك |
احمدري ربك
يااعيوني انا بس جابلي دبله ولا جابلي هديه |
لا ابدا ليس بخيل
ولكن ينقصه معرفة بالاتكيت و البريستيج وهذا ليس عيبا و لا يدعي الى الوسواس و القلق |
ياأختي الله يهدينا وياك سويتي قضية علشان ماجاب عربية حنا عندنا ماأحد يجيب عربية أبدا يمكن هم كذا وبعدين ماقصر جاب لك طقم وهدية من لايشكر الناس لايشكر الله وأهلك ليه مقهورين هل أهتمامهم بالماده أهم شي والله أختي يوم ملكتها زوجها جاب لها طقم باألفين وهدية بسيطة بس أهلي ماهمهم أبد أهم شي الرجال ولد حلال ويخاف ربه نصيحني لك أذا من الحين بتلتفتي لكلام الناس مارح ترتاحي بحياتك
لاتزعلي من كلامي بس أنا ودي بمصلحتك الله يوفقك حبيبتي ويسعدك |
لاتحكمي بسرعة الاهم التوفيق ممكن مثل ماقالوا مابيعرفوا عاداتكم
لاتجعلي تفكيرك بس مادي وهذه الامور تبان بعد الفرح اكثر |
شوفي يالغالية عالبا الشباب ماعندهم سالفة
وأهلهم إذا هداهم الله يثقفونهم وإلا يضيعون أتذكر فسفرة الزواج زوجي سكني بشقة عادية ومو عادية إلا أقل من العادية وأنا تفاجأت وحسيته بخيل ولما قلت له أنه حنا عرسان والمفروض ع الأقل نسكن بمكان يناسب هالفترة ومباشرة نقلنا لفندق وعقبها لليوم وهو الحمد لله على حالته المتوسطة مايسكنا إلا بسكن نظيف سواء شقة وإلا فندق والشيء الثاني أتذكر واحد من أخواني طلعت زوجته من النفاس ولا طلعها وحنا من عاداتنا الطقم للنفاس وبعد ولادتها بكم شهر سألته أمي قال والله مادريت وراح عطاها أتأكدي أنه هو مايعرف كثير ومعتمد على أهله وعلى فكرة عادة العربية مو عندنا ولا حتى الطقم إلا صباحية الزواج يعني أول هدية صباحية الزواج <<أنا قبيلية علشان موضوع العادات فتخيلي لو متزوجك واحد من عندنا ماراح تشوفين شيء في الملكة :) |
انا الي اخذته حضري انا ماني مهتمه مرة بالعربيه قد ماني خايفة انو يكون بخيل
|
اعاني من بخل خطيبي
انا اعاني من بخل خطيبي تخيلوا ولاول مرة رسل لي رصيد ب20ريال وش رايكم رغم انه ليس فقير بل متوسط الحال هل اتركه لاني لااطيق ان اعيش مع زوج بخيل
|
اختي الفاضلة..
ربما تخطين خطوة بسبب نزوة فتتحسرين عليها طيلة حياتك راعي ظروف زوجك |
اختي الكريمة .. خلاص حكمتي انه بخيل ؟؟ معليش كم عمرك ؟؟ يا قلبي قبل كل شي قولي الحمد لله على نعمة الزواج غيرك محروم او مكروب و غيرك تأجلت ملكتها و غيرك ماتت احلامه ثانيا : النفقة على الزوجة تجب بعد الدخول و ركزي على كلامي و اللي يعطيه الخاطب ( الزوج ) لزوجته قبل الدخول فهذا من كرم اخلاقه حتى لو ما اعطاكـ و لا ريال مو المعنى انه بخيل و انتي الآن عند اهلك و هم اللي مسؤولين عنك استهدي بالله و قلت لك المرهـ الماضيه لا تخلي الشيطان يلعب بعقلك اسأل الله لكـ التوفيق و الستر مع زوجـكـ .. |
ربّما يريد أن يختبر قناعتك الماديّة ,, أو ربّما يريدك أن تعتادي البساطة ..
|
انا مشكلتي اني اكره صفة البخخل مرررررررة ماعرف اتعايش معاها عشان كذا انا مرة خايفة
|
تتركينه عشان رصيد ياشيخه كبري عقلك واعطيه فرصه ثانيه الشيطان يوسوس لك انه بخيل ويرسمها بمخيلتك لحد ماتتركيه وتعضي اصابع الندم ..اعطيه محاولات اخرى لاتستعجلين فتندمين
|
| الساعة الآن 01:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©