|
حبيبي بدون مقابل
..
.. .. أكببببببر غلط .. إنا نعتقد إذا أحد قدم لنا شيء يكون يبغى مقابل ..! أو إذا قدمنا لاحد شيء ننتظر منه مقابل ..! ( لأنا راح نعيش كذا بإحباطات مالها أول ولا أخر ) لكن هذا الأمر صار شااائع جدا حتى بين اقرب الناس لبعض اللي هم الزوجين ... " بتكلم عن نفسي عشان لأحد يقول لا تعممي .. " أنا إذا أعطيت وربي ما أنتظر مقابل لآني ببساطة أعطي عن طيب نفس <<< مو مدح بنفسي للتوضيح بس .. وكمان إذا أعطانا أحد شيء ما أفكر كيف ارجعها على أساس إنه ما يبغى مني جزاء << أدري البعض بيقول خطا بس هذى قناعاتي ... ........... المهم اللي خلاني أقول دى الكلام موقف صار بيني وبين زوجي .. ما توقعت بيوم بيصير ولا جاء على بالي ابد ..!!! زوجي تخرج قبل كم يوم برتبة ملازم , بعد تعب وجهد ومشاكل , لكن قدر يحقق حلمه وكان فرررحان بيوم التخرج .. سواله أبوه حفلة كبيييرة وكل أهله إحتفلوا فيه , بوفيه وتوزيعات وهدايا .. أخواته وعماته وأخوانه كل واحد منهم جابله هدية ساعة أو عطر أو بوك جوال اشياء تقلييدية .. وبعد يومين من كل دى , قالي زوجي شاهي : ليش ما سويتيلي حفلة , ووين هديتي ؟ كأنك مو فرحانة بتخرجي .. ( للمعلومية زوجي كذا مرة يجبلي هدية بمناسبة وبدون , وأنا ولا مرة جبت له << لاني ما فكرت إنه لازم أردها ؟) المهم أنا كنت مجهزة له مفاجاة قبل يقول لأن صراحة المناسبة كبييرة .. فقلت له : افاا عليك حبيبي , فرحك هو فرحي , وشيء كذا ما يطوفني بس مناسبتك كبيرة وعليها بتكون هديتك .. وإلى الان ماجهزت بس تخلص أجيبها لك ..! طبعاً فرح وتشوق يعرف هي إش .. " هو كان راسم على حفلة وانا مالي بالحفلات ولا أحب تجهيزاتها أحسها روتينية ممله , وطبعاً الفضوليات كل وحده منهم تجيب لي فكرة وتخطط لي حفلة بسسس ما طبقت ولا شيء من تعليماتهم <<< وأنا اللي خسرت بعدين . كنت أبغى شيء على الطااااير مفيد ومميز وغير مكرر .. و صراحة كنت عارفة إن زوجي خاطره بسيارة معينة بس ظروفة ماتسمح يجيبها ... فقلت فرصة اجيبها له يفرح وتكون معاه على طول يستفيد بدل من عطر وساعة واشياء كلها عنده .. رحت كلمت ابويا , قلت يأبويا أبغى السيارة الفلانية عشان أهديها زوجي بمناسبة تخرجه .. قالي أوكيه , كلمي أخوك " السيارة من حسابي مو من ابويا ولا أخوي , بس جبتها من معرض أخوي عشان يسهل لي التحويلات والشراء و يجيبها لي البيت .." ويوم جاء زوجي , قلت له مبروووك حبيبي ودى هديتك وأعطيته المفتاح <<< وصار ما لم يكن بالحسبان .. زعل وتنكد وقالي محااظرة طوويلة .. قال هديتك مقبولة بس ما راح أخذها لأنها بصراحة غااالية .. من وين جايبتها ؟ من أبوك ولا أخوك ؟ قلت له شريتها بفلوسي .. قالي ليييش ما شاورتيني ؟ كم مرة أقولك لا تتصرفين من نفسك ؟ ليه منتى قادرة تسيطرين على نفسك . أي فكرة تجي ببالك على طووول تنفذينها ولكن حولك احد ....<<< لو شاورتك كيف تكون مفاجاة ؟!! قال : فعلاً مفاجاة وحياتي معك صارت كلها مفاجات .. ماني عارف لك .. أحيانا تكونين بسيييطة وأحيانا تفاجيني باشياء كبيرة قلت له : الحين قبلتها من الكل ورفضتها مني ..!! آسفة حبيبي خلاص لا تزعل نفسك , والهدية اللي بتنكد عليك فرحتك بلاش منها .. ............ مادري لييه كل هالتعقييد ؟؟ وعلى إش شايف عمره ؟؟ و هالكرامة اللي مالها سنع قلت له هدية مو صدقة ..! أول مرة اجيبله شيء ويررفض ... وربي كسرررر بخاطرري وندمت إني فكرت أجيبله هدية .. حسسني إنى و لا شيء وإني أبغى مقابل .. !! إلى الآن بنظره طفلة فاقدة الأهلية كل شيء تسويه من أبوها ومو لازم تتصرف إلا بشور أحد ..!! وحسيت إن قلبه مو صافي ناحيتي .. ............ رجعت السيارة وخاطري مكسسور , وقال لي أبويا معليه حبيبتي سويله اللي يبغى وجيبيله اللي يرضيه .. قلت والله يابويا لو يحطونه وزير الداخليه ما جبت له شيء , أصر علي ... رحت وسويتله حفلة صغيرة وقاتوه عليه صورته ببذلة التخرج , واي فون ..! كله عشان يرضى بعد زعله .. واعتذرتله مع إني ماسويت شيء ,, وقلتله آسفة حبيبي انا كان قصدي أجيبلك هدية من قدرك .. طبعاً بعد كل هالمهانة اللي جازاني فيها رضي قالي ما أبغى شيء إلا أنت بس .. وتوووبة اجيبله شيء , وربي إلى لآن مضايقة من تصرفه دائماص ودي أسعده وتطيح براسي .. |
دايما الهديه بمعناها مو بقيمتها
انتي ودك انه يتفاجأ ويطير من الفرحه!! لكنه شافها من زاويه ثانيه!! سياره من معرض اخوك او من فلوسك اللي هي بالنهايه فلوس ابوج!! يمكن الملازم اعتبرها رشوه!!!:d المهم لاتزعلين نفسج .. تعاملي مع زوجك ببساطه وتجنبي الامور الماديه واضح انه يتحسس منها!!! |
الصراحه أهنيك على عقلية ابوك |
هو فكر انو فلوسك يعني فلوس ابوك واعتبرها اهانه ياغاليه
لاتزعلي نفسك حبيبتي والهدية بمعناها مو بقيمتها |
خلاص انتي كدا عرفتي طبع زوجك يحب البساطه
وانو الهديه الكبيره اللي تتفوق عليه ماديا تجرحه خلاص انتي بعد كدا اتعاملي معاه بالبساطه موفقه اختي |
حبيبتي انتي سويت الي عليك وعرفتي ان زوجك يحب الشي الرومنسي اكثر مثل حفله او هديه بسيطه والله يوففقكم
|
اقتباس:
|
اقتباس:
مشكوور أبو سعود |
اقتباس:
وهو كان نفسه يتخرج واتخرج ونفسه بالسيارة وقلت اجيبها ويكون حصل كل اللي بخاطره بس الله يسامحه على تفكيره .. ليش ما فكر إني ما ستخسرتها فيه ؟؟؟!!! بس الظن السيء يسبق الحسن .. |
اقتباس:
بصراحة ما كنت أدري هاذى اول مرة اهدية .. وهو عمره ماقصر معي بهداياه وكلها غالية ولا فكرت تفكيره .. بس الأيام جاية وإحساسي اللي حسيت بيجربه ........ |
اقتباس:
وأعتذرت له عن هديه ما عجبته , وجبت له غيرها مع إني مو ملزمة ابدلها .. وهو مايحب الشيء الرومانسي بقد ما يحب الشيء المعقد التقلييييييييدي جدا والصعب .. كرهت نفسي وقت جههزت الحفلة مع إنها كانت بسيييييطة جدا جدا واستغربت تقبله لها وهي بااااااااااردة ومي عن طيب نفس .. وبوقت حمااااسي كسر نفسي حسيت ان اللي قالوا وقت ما تصدي عن زوجك يقبلك وقت تجيه يصدك صحييييييييحة ... |
سبحان الله!
الغريب أن عندك مثل هذا الأب الذي يقدم لكِ دروساً مجانية قيمة ـ تبارك الرحمن ـ ولازلتِ غير قادرة على فهم الكثير من الأمور!!!! اقتباس:
معقول لم تشعري أبداً بالرغبة في إهداء زوجكِ أية هدية قبل الان؟!! لا أقصد أن تردي هداياه .. ولكن معقول لم تشعري بالرغبة في المبادرة بإهدائه من تلقاء نفسكِ؟!! على كل حال .. أنتِ ترين أن الكرامة مالها سنع وأنكِ قصدتِ بالسيارة هدية وليس صدقة .. وأنا أحسب أن زوجكِ اعتبرها كذلك لأنه أصلاً غير معتاد منكِ أن تهديه شيئاً .. وطبيعي عندما يحدث هذا التحول ((الكبير والفجائي)) منكِ أن يكون في نفسه شيء وألا يعتبر السيارة مجرد هدية. زوجكِ ليس معقد .. ولكن أنتِ لا تحسبين الأمور صح. |
عزيزتي
دائما أشعر ببراءة بين ثنايا سطورك ,لكن هذه البراءة لاتكون دائما محببة لدى الآخرين عزيزتي ديننا دين وسط فلوأنك بدأت معه بهدايا من قبل اتوقع أنه كان سيشكرك على الأقل ولايمنع ذلك الشكر من أن يرد هديتك هاه فكري المرة الجاية بهديه مرتبة ومفرحة للنفس ومقبولة لدى زوجك ولاتقولي آخرمرة اهدي . |
:(
مو مشكلة أنه رفض هديتك بس بنظري أسلوبه في رفض الهدية كان جارح شوي لو منك جبت له قلم حبر أبو 50 ريال http://www.66n.com/forums/images/icons/sad.gif علشان يعرف كيف الهدايا تفرق |
اقتباس:
وممكن قربنا من بعض اكثر , صعب نتحاسب على كل شيء .. |
اقتباس:
|
اقتباس:
ماعرفت أنتـــقم .. |
ان لو مكان زوجك بسوي نفس التصرف
بصراحه هي الهدية ثمينة واكيد اي رجال يتمنى تكون عنده سيارة بس لما تجي من الزوجة لها مالها طعم وبعدين من معرض اخوكي كمان من حقه يرفض اكثر لان فيها نوع من التقليل من مكانة الشخص تخيلي يعني كذا يمشي في الشارع ويسئلوه الناس من وين لك يقولهم زوجتي عطتني اياها ومن معرض اخوها ولا يقابل اخوكي كذا وهو راكب السيارة يمكن انتي ما تحسي بها الموقف لكن هذا الموقف فيه كذا نوع من الاحراج لكن هي مشكلة عادية وتحصل في اي بيت مالازم تكبري الموضوع وعديها على خير شو يعني عشان سيارة ولا عشان هدية تخربي علاقتك بزوجك طز فيها وسخ دنيا الانسان يعصب ايوه ويخطئ بس عنده عقل ويفكر وما يخلي هذه المشاكل البسيطة تكبر وتسبب ازمات الله يوفقك اختي |
اقتباس:
|
احيك علي انك قابلتي كسر الخاطر برحابة صدر احتراما وتقديرا لحق الزوج
وصدقيني ان الله لن يضيع اجرك أختك / ام عبد الرحمن |
اقتباس:
يعني يا شهزاد عندما كان زوجكِ يهديكِ بمناسبة وبدون مناسبة .. وأشياء غالية كما تقولين .. كنتِ محتاجة وفي أشياء ناقصتج؟!! يعني عندما يهديكِ أبوكِ أو إخوانكِ أو صديقاتكِ .. وأحسب أنهم يفعلون .. تكونين محتاجة وفي أشياء ناقصتج؟!! المبادرة بتقديم هدية هي مبادرة حب .. اهتمام .. إرضاء .. إسعاد. وما دام الله قد أنعم عليكِ برجل يعرف قيمة الهدية ولا يبخل بها عليكِ .. وأظن أن من حولكِ يفعلون ذات الشيء .. فأفترض أنك تدركين معنى وقيمة الهدية ومدى تأثيرها في النفس .. لذلك أستغرب أنكِ لم تفكري بالمبادرة في إهداء زوجكِ أبداً وتعتقدين أنكِ يجب أن تهديه فقط إن كان ناقصه شي!! هل تفعلين ذات الآمر مع الآخرين؟ على كل حال .. لن تتمكني من إقناعه بأنها مجرد هدية .. وليست صدقة حسب وصفكِ .. لأنكِ ببساطة لا تملكين رصيداً أو مبادرات سابقة تساعده على فهم نيتكِ الآن بشكل صحيح. ولا تقولي إن الخطأ ليس خطأكِ. |
كبري دماغك.. صدقيني ما مستاهلة ضيق وزعل منك.. نعم، نحن نريد لمن نحبه كل خير ولو بأيدينا لملكناه الدنيا لتكون طوع أمره.. لكن هنالك ميزان العقل والحكمة والتصرف السوي يسعد صاحبه والآخرين وكل شيء بالمعقول وخير الأمور الوسط.
لا تكدري خاطرك.. وقد تكون كلمة معبرة صادقة من القلب لها أغلى وأقيم من كل هدية مادية. |
اقتباس:
اول مرة احد يمدحني هنا:) عادة الكل متحامل علي .. مشكوووورة ... |
اقتباس:
|
اقتباس:
بوقت الأزمة ما تنفعنا كل كلمات العالم مهما كان صدقها .. ما ينفعنا إلا الفعل المادي المحسوس اللي يحل لنا الأزمة ...فالفعل دائماً أصدق من القول .. و ما أعتقد إن ( كلمة أغلى من سيارة ) واللي يقول كذا يغاااااالط نفسه .. لأبويا حكمة مشهورة اسمعها منه بإستمرار : يابنتي الكلام مايأكل عيش ..!! |
اقتباس:
|
يمكن لأنه مو متعود تهديه ويوم جيتي تهديه جبتي هديه غااااالية فاحس أنه كلف عليك كثير وعصب عليك علشان كذا يعني عبر عن مشاعره بطريقة خاطئة
الله يوفقك هونيها وتهون |
اقتباس:
هلا صغرى ... ياحياتي ما حد فاهمني غيرك ...:) " هذولا الناس اللي يفهمون والواحد يعرف يتفاهم معهم " إش أقول حبيبتي خيرا تعمل شرا تلقى .. وربي ماعدت عارفتله مافيه مرونة بتعاملة لو كنت غلطانة عليه وعصب كان قلت ماعليه أنا السبب .. لكن أكون فرحانتله ومعنيه نفسي عشانه ويعصب هذا الشيء اللي مو قادرة أعديه أحسني حااااااقدة عليه .. وزي مااقلت لك أحس السبب مو الهدية .. لأنها شيء ما يزعل وينرفز ؟؟!!! |
اقتباس:
ويحس إنه مكلف علي ويعصب ويقول كلام ماله داعي <<< بصراحة ما تجيء ابدا .. لو حس فيني قدر لي اللي سويت بس للأسف ..........! |
أول مرة أسمع عن زوجة تهدي زوجها سيارة ..
وبالتالي أول مرة أسمع عن زوج يرد هدية مدوية كهذه .. لو زوجتي أهدتني سيارة لانتزعت منها المفتاح وتركتها مكانها :23: ولاتجهت للسيارة مباشرة وجبت بها الشوارع شرقا وغربا .. :22: للأمانة هدية معتبرة ومكلفة ( يا هيك الهدايا يا بلا :d) وترمز لأمور كثيرة من أهمها أن النساء لا يفرطن بالمال بسهولة بل يبقينه لأمور الزينة والخرابيط .. فلو أن الزوجة ضحت بمبلغ كبير من أجل زوجها واشترت له سيارة فهذا يعني أن لزوجها في قلبها مكانة لا توصف .. لكن يبدو أن زوجك أخذها من منظور الكرامة وعزة النفس وأنه لا يقبل أن يتباهى بسيارة من مال زوجته .. وهو منظور خاطئ ، ومفهوم سلبي للكرامة .. كثر الله من أمثالك أختي شهزدا .. لكن ما قلتي لنا ايش هو نشاطك التجاري .. مضاربة في الأسهم ولا عقار ؟ :23: الله يزيدك ويبارك لك ، ويحنن قلب زوجك عليك ويسخركم لبعض .. |
زوجك رجل عظيم
وتفكيره صح وهديتك قبلها ضمنيا ولن ينسى لك ذلك عنده عزة نفس ونخوة وشهامة قل نظيرها فتفهمي ذلك وضعي تصرفه في خانة الزوج المحب لزوجته الانسانة والانسانة فقط بارك الله لكما وعليكما وجمع بينكما في خير |
زوجك يبغى يحس انك محتاجه له على طول وانك مقدماه على الناس كلها
|
شوفي شاهي
انتي تتعاملي مع زوجك على اساس انه يفكر ويحس مثلك بس ترى هو رجال وله طريقة تفكير وله قلب ومشاعر مختلفة عن النساء لو انه الموقف صار بين بنات اكيد الفرحة بتكون كبيرة ، لاننا كبنات فاهمين انك ما اهديتيني السيارة الا لاني غالية عندك << مصدقة نفسها مرة :d لكن الرجل طريقة تفكيره مختلفة حبيبتي وهذا مو معناه انه معقد ترى مو شرط انه الرجل يصير تفكيره زي تفكيرنا عشان نقول عنه منفتح ، الرجل بشكل عام مختلف واختلافه مانقدر نقول عنه تعقيد زوجك مافرح بالهدية لانه أخذها من باب الكرامة ، وهو رجل صعب جدا انه زوجته تهديه سيارة والسيارة انتي عارفة انها من احلام الشباب في مقتبل حياتهم كل واحد فيهم يفكر ايش يشتري سيارة ويحلم بس متى يوصل سن 18 وياخذ التصريح ويسوووق حتى لو يسوق وانيت المهم انه يسوق :d فزوجك حبيبتي شايف انك رقيقة وناعمة وبسيطة ، وانك الجانب الحلو في حياته ، وانك رمز الانوثة ، فما يبغى منك الا الرقة والنعومة ، ومايبغى منك الا هدايا تعبر عن بساطتك وانوثتك زوجك مو منتظر انك تكوني الفانوس السحري اللي يحقق احلامه ، زوجك انسان عاطفي وحساس ، ويبغى منك الحب والحنان والاحتواء ، ويبغى ان قلبك يكون له هو فقط (مثلي يابنتي ماتعرفي تمثلي انك طايرة فيه وماتشوفي في الدنيا غيره حتى لو كذب ) :25: وزوجك كمان شايف انه انتي الانثى وهو الرجل ، وهو اللي مفروض يحقق لك طلباتك ويجيب لك اللي تتمنيه ، فلما صار العكس ، وانتي اللي جبتي له السيارة ، حس انه كرامته انجرح كرجل ، زي لما يقولوا : كيف اقبل زوجتي تصرف علي ؟ فهمتيني حبيبتي؟ حسسيه انك ضعيفة وانك محتاجة له وانك ماتعيشي من غيره وانه لو غاب عن حياتك تموتي ، وضحي احتياجك له باكثر من طريقة ، زوجك عارف انه اهلك سندك ، وهذا الشي يأثر فيه كرجل يريد ان يكون هو السند الحقيقي لزوجته وهديتك أكدت له انه شاهي بوجودك ومن غير وجودك يافلان ترى تقدر تعيش وتدبر امورها ، اذا سيارة اشترت ، معناها ماراح تعجز تسوي اي شي من غيرك زوجك يبغى يحس ياحتياجك ، يابنتي حتى علبة الكولا سوي انك ضعيفة ومو قادرة تفتحيها خليه هو يفتحها ، حسسيه شوي برجولته معاك الله يسعدكم |
سراحه زعلت منشانك وبنفس الوقت تفاجات
ليش رد هديتك..................... حبيبتي انتي ما قصرتي و ما دام عرفتي عقلية جوزك فهدية بسيطة بتكفيه |
اقتباس:
سلمت أناملكِ عزيزتي تاليناا. |
المعذرة إخوتي الكرام ..
لا يصح أن نبالغ في إظهار الرجل بمظهر الشخصية الأبية صاحبة الأنفة والكبرباء وعلو النفس .. فالرجل أيضا هو من يستولي على راتب زوجته وصرافتها وقد لا يعمل ويرضى بأن تصرف عليه زوجته .. والرجل أيضا هو أيضا من ينكح المرأة لــ ( مالها ) .. كل هذه الصفات موجودة في الرجل .. وبالتالي من المفترض أن تستوعب شخصية الرجل وأن تتقبل هدية باهظة من زوجته كما تقبلت شخصيته راتب الزوجة ومالها .. لا أدري لمَ لمْ يتوقف الكثير عند تصرف الأخت شهزدا العاقل والحكيم والرزين حين قبلت صدود زوجها وتصرفه ( الأرعن ) بمنتهى الهدوء والعقلانية والمنطق .. كثيرا ما أرى الأخوات يضقن ذرعا حين لا يبالي أزواجهن بهدية عبارة عن عطر أو قلم .. ويأتين هنا ويتباكين على برود أزواجهن وتبلد الإحساس فيهم .. وأرجو من كل أخت أن تضع نفسها مكان الأخت شهزدا .. تجلب له سيارة وتضحي من مالها لأجله وتنتظر منه ردة فعل تليق بمستوى الهدية لكن يفاجئها بالنهر والصراخ وكأنها قد شتمت والده أو أهانت عزيزا له .. هل تذكرون موضوع الأخ الذي أهدى لزوجته جوالا فلم يعجبها فخرج غاضبا وباع الجوال وألقى بقيمة الجوال في الشارع ؟!!! هو رجل وغضب من رفض زوجته للهدية فما بالك بالأنثى حين تجرح بهذا الشكل ؟ وهديته لم تكن إلا عبارة عن جوال .. فما بالك بمن يرد سيارة ؟ وليته ردها بأسلوب لطيف ! أو حتى شكر زوجته وحضنها ووضح لها بأدب موقفه من قبول السيارة ,, يا أخي أقل القليل أن تقبل السيارة وإن كان هرمون الكرامة عندك مرتفعا فاقبل السيارة لكن تكلم مع زوجتك بلطف وقل لها أنك تعتبره سلفة منها وستسدد قيمتها على أقساط .. والله العظيم الذي لا إله إلا هو لو أن زوجتي أهدتني سيارة لتفاخرت بذلك بين الناس ولقلت لهم متباهيا زوجتي الله يخليها لي أهدتني سيارة بمناسبة تخرجي ، الله لا يحرمني منها ... صراحة الأخ جرح زوجته بشكل كبير ، ولو كانت أي امرأة أخرى مكان شهزدا لما مررت الموقف على خير .. لكن تصرف الأخت شهزدا وعقليتها في هذا الموقف عن عقلية ألف رجل ، وأنا أتحدى أي امرأة تهدي زوجها ولو عطرا وقام بتوبيخها أن تقول له : خلاص حبيبي بلاش من الهدية لو ماهي عاجبتك .. الله يجزاك خير أختي شهزدا على حلمك وصبرك وعدم تصعيدك للموقف ، والله يهدي زوجك ويوفقكم ويسعدكم |
اقتباس:
في العام الماضي أهديت زوجي موبايل .. كنت أعتقد أن خاطره فيه (سمعته يتكلم عنه مع أخيه) .. وعندما قدمته له رفضه وقال: إنه ليس في حاجة له وأنه كان يمزح مع أخيه .. وما كان له داعي أن أن (أنفق كل هذا المبلغ) .... مع العلم أن المبلغ كان في حدود 2000 درهم فقط .. بل وباع الموبايل لأخيه ورد لي المبلغ. وحقيقةً تعاملت مع الموضوع ببساطة .. ولم أتهمه بأنه معقد ;) .. وحتى أنه بعدها أصبح يمازحني بين الحين والآخر قائلاً: هااا متى بتشترين لي موبايل؟ .. فأرد عليه: بعينك .. خلاص راحت عليك :d مع العلم أنه للأمانة لم يوبخني كما فعل زوج شهزاد (وهذه نقطة أتفق معك فيها) .. بل شكرني وقبل رأسي. |
اقتباس:
وذلك ردا على من قال معمما أن شخصية الرجل لا تقبل الهدايا ولها مساحتها من عزة النفس .. اقتباس:
لكن شتان بين الحالتين .. فزوجك رد الهدية مع تطييب خاطر .. وزوجها ردها مع تسفيه .. |
اقتباس:
والله هذا الكلام اللي كنت ودي أقوله لكن خشيت ان افرق بين شاهي وزوجها .. فقلت دام إنها تقبلت سلوكه بلاش من الكلام .. وحقيقة أعجب من الأخوات اللي حملوها الغلط ؟؟؟!! ويقولون لها ليش ماأهديتيه من الأول وعودتيه على الهدايا واللي يقولون جرحتي كرامة زوجك .. وهو يبغى يحس برجولتة .... يالنااااااس هذا منطق ..؟؟!!! ولو كانوا مكانها اعتقد بيختلف حكمهم .. لكن يبدو لي انهم ربطوا مواضيعها ببعض واصدروا حكم عااام .. ولنفرض أن كلامهم صح .. يعني مو متعود إنها تهدية ,, طيب عوضت كل هالهدايا بهدية وحدة سياااااااااارة .. هذا مايدل على حبها وسلامة نيتها وإهتمامها ,, يعني لو كان فعلاً حس إنها مو مهتمه تهديه .. يعني ردت هداياه اضعاف اضعاف .. للي تقول هو يهديك ولا مرة فكرتي تهديه ..!! أما اللي يقول هي جرحت كرامته .. سيارة تجرح الكرامة معقووولة ..!! اشوف الناس بتموت على المسابقات اللي فيها سحب على سيارة .. ولا قالوا فيها جرح كرامة ...!!! مافي سبب للتصرف إلا ربما ربما يكون غييرة منها .. وكثير يغارون من زوجاتهم ..!! بدون مبالغة أقول إني من بداية حكاية شاهي وانا معجبة جدا بشخصيتها العفوووية والطفولية مع تعقلها الكبير و ردود أفعالها مقابل مشاكلها ردود ذكية ... ( تحب نفسها وتحب غيرها ) وهذا اللي خلا البعض يتحامل عليها لأنا تعودنا على النصائح التقليدية اللي تضيع حق الزوجة .. ونقطة أخيرة حبيت أوضحها : لقت إنتباهي رد شاهي على أحد الأعضاء عنها لما قال لها إن زوجها يخجل أن الناس تعرف إن السيارة منها .. قالت له شاهي : لا يقول إنها مني ........ ما ادري إش تعتقدون هذا يدل عليه ؟؟!!! |
أحب أنظر لتصرفها مع زوجها أنها وضعته بمكانه السليم وطريقة تصرفها معه كانت رائعة .
أنا متأكده انه الان يتندم أشد الندم على السيارة اللي راحت :) وما يقدر يتكلم ولا كلمة لانها ما عصبت وعملت له اللي يوده ويناسبه .. |
| الساعة الآن 06:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©