|
هل الزواج بنية ارضاء الوالده محكوم عليه بالفشل؟
بسم الله الرحمن الرحيم
انا سجلت عندكم بالمنتدى لغرض اعطائي اجوابه على استفساراتي .... انا من المقبلين عالزواج لكن هل الزواج بنية ارضاء الوالده ماحكوم عليه بالفشل؟ ... انا حياتي من المراهقه الى 29 سنه مالقي كلمه اصفه غير ( هباء منثور )لم افعل فيها شي للمستقبل سويت اشيئا نادمان عليه الان انا ملكت على بنت خالي بطريقة تقليديه لما كلمت الوالده اني ابي اشوفها كان جوابها الرفض ولم تكن عندي الشجاعه اني اكلم خالي بالموضوع لانهم نفس التفكير انا اكلم خطيبتي حاليا هل اطلب منها اتكلم ولدها بنيابه عني او تجس نبضه اذا مواقق او لا؟؟؟؟ .... انا خريج ثانويه عامه وموظف حكومي بالقطاع العسكري هي جامعيه وحابه تتوظف هل هذا يعني راح تكون فيه مشاكل بيننا؟؟؟ مع العلم لما سئلتها عن رايها بهذا قلت ماعندها او ماتشوف انه مشكله ... الفرق العمر بيننا ثمان سنين هل هناك طريقه خاصه للتعامل ؟؟ .... لما اسئلت خوياي بالموضوع او اصدقائي هل اصارحها بماكنت افعله قبل الزواج كان جوابهم اني راح اطيح من عينها؟ فهل اصارحها او اسكت؟ ... انا صحيح اني زواجي لارضاء امي بس حاب الفكره واتمنى اكون زوج صاحب اسره و زوجه اعيش معها حياة سعيده اتمنى القى الاجوابه الشافيه عندكم وتحياتي لكم اخوكم فارس |
لازم يكون في جدية يعني موبس ترضي امك لان لوكان مافية جدية راح تضطر تجامل
وانا من رائيي انك لازم تشوفها مثلا ماعجبك شكلها ايش راح يكون مصيرررررررررها |
طيب انت تقول انك تكلمها هالفتره
هل حاسس انو مرتاح معها تفكيركم قريبين من بعض متفاهمين؟ |
لا يمكن الحكم على مصير هذا الزواج خاصه أنكم حسب تقاليدكم حتى الرؤية ممنوعه, الحمد لله على الاقل مسموح الكلام و هذا يوضح الكثير من شخصيه الاثنين....بالنسبه لفرق العمر فهو مناسب الا يجب ان يكون مشكله ان شاء الله, اما موضوع التكلم عن الماضي فنصيحه لوجه الله, لا تخبرها شيئا يمكن ان يهز ثقتها بك او ينزلك في عنيها خاصه اذا كان امر له علاقه بالعلاقات بالنساء فعندها لن يرتاح بالها ابدا وأنت بدورك لن تستفيد شيئا...لا اقول ان تكذب عليها لا سمح الله فالكذب حرام لكن تفادى الموضوع بطريقه سلسه و اذا لم تتكلم هي فيه فانت لا تذكره امامها.....
الصراحه ضروريه بين الزوجين لكن ليس في هذه الامور التي حدثت قبل الزواج فانا اكلمك عن معرفه ووقائع رايتها بأم عيني و بصراحه لم تكن النتيجه طيبه بل كانت سلبيه ١٠٠% و غلطان من قال لك ان زوجتك ستقول كم هو صريح معي زوجي و كم هو صادق!! بل كل ما سيدور بذهنها هو تخيلات لهذا الماضي و لن يجلب لها غير الهم. نقطه اخيره....لا بد من خلال كلامكما الآن ان تتكلم معها عن ما تحب و تكره و كيف يجب ان يكون اهتمامها بالمنزل و بنفسها كيف تكون تصرفاتها و اخلاقها داخل البيت و خارجه...يعني اهم شي الاخلاق ثم الاخلاق ثم الاخلاق فلا الجمال و لا العلم ينفعاكما في غياب الاخلاق....اسال الله تعالى ان يوفق شبابنا لاكمال نصف دينهم كم يحب و يرضى و ان يحفظهم من فتن هذا الزمان بحق محمد و آل محمد. |
االوالده صح انها هي اللى طلبت وهي اللى كلمت خالي لكن بعد تفكير وافقة يعني ان شاء الله ماراح يكون شي
بالنسبه للراحه والله انا بصراحه حاس براحه لكن اسلوبها اشوفه اسلوب طفولي أشكركم مووووف عاشقة الغالي ezmiraalda أشكركم على تجاوبكم |
[QUOTE=فارس 777;2567145]بسم الله الرحمن الرحيم
انا ملكت على بنت خالي بطريقة تقليديه لما كلمت الوالده اني ابي اشوفها كان جوابها الرفض ولم تكن عندي الشجاعه اني اكلم خالي بالموضوع لانهم نفس التفكير والله اخوي مستغربه كيف تبي تاخذ وحده ما شفتها مجرد نظره شرعيه ... ما حطيت في بالك انك يمكن ما ترتاح لها تري هي حياة و عشرة و اللي يقول لك الشكل مو مهم يكذب عليك لانك لازم ترتاح لشكلها بغض النظر عن معايير الجمال ...عل اقل نظره سريعه تعرف كيف ملامحها انا خريج ثانويه عامه وموظف حكومي بالقطاع العسكري هي جامعيه وحابه تتوظف هل هذا يعني راح تكون فيه مشاكل بيننا؟؟؟ مع العلم لما سئلتها عن رايها بهذا قلت ماعندها او ماتشوف انه مشكله و الله لو انت شخصيه شو ما يكون مستوي دراستها زمام الامر راح يكون يايدك فلا تخاف ...... لما اسئلت خوياي بالموضوع او اصدقائي هل اصارحها بماكنت افعله قبل الزواج كان جوابهم اني راح اطيح من عينها؟ فهل اصارحها او اسكت؟ لا تصارحها باي شي انت ندمان عليها و سويته في الماضي لانك مو بس تطيح من عينها ... راح تدخل الشك في حياتكم و انت غني عن المشاكل ...يا اخوي اذا ابتليتم فتستروا ... انسي الماضي و ابدا صفحه يديده بينك و بين ربك و خلي الماضي ... انا صحيح اني زواجي لارضاء امي بس حاب الفكره واتمنى اكون زوج صاحب اسره و زوجه اعيش معها حياة سعيده حلو انك فاهم ان الزواج مسؤليه و انك تبي تفتح صفحه يديده و انك تكون رب اسرة ...اتمني انك تكون علي قد هل مسؤؤليه و حاول تستثمر في زواجك عدل وQUOTE] |
اخوي فارس اول شي الف مبروك عليك
ثاني شي بالنسبه اللي سويته في الماضي انا مدري وش تقصد بالضبط لكن اذا تقصد انه اشياء سويتها ونادم عليها خلاص ربي ستر عليك فلا تفضح ستر الله وابد صفحه جديده واما كونك ماشفتها والله هذه صعبه ومن ابسط حقوقك ياغالي ولازم تطالب فيها لانه مصيبه لا سمح الله اذا شفتها يوم الزواج ومرتحت لها وش ذنب البنت لازم تكلم ابوها برويه وحكمه وهذا شرع الله قبل كل شي اتمنى لك التوفيق من كل قلبي يافارس |
الف مبرووك اخوي
اول شي كيف ماشفتها هدي من ابسط حقوقك انك تشوفها وكيف تكلمها وماتشوفها:25: ثاني شي لاتقولها اي شي من ماضيك مهما كان صغير لان البنت بطبيعتها غيوره على زوجها حتى لو كان شي هي ماكانت بحياتو اصلا و ماحتنساه عشان كدا انتبه تقول اي شي>>>> مخ البنات الله يعين عليه :15: وثالثا انت تقول اسلوبها اسلوب طفولي يمكن بحكم سنها وممكن مع الايام تتغير عشان كدا استخير والله يقدم اللي فيه الخير ولازم تشيل فكره انك تزوجت لارضاء الوالده لان هدي الفكره ماحتخليك تعيش مرتاح لازم تقتنع بالبنت وانك تبى تفتح بيت وتكون اسره :14: والله يوفقك ويسعدك |
انا اختي هي اللى عطتني رقم جوالها هذا اول شي
ثاني بصراحه انا كلمته والابتسامه شاق وجهي شق رد علي الخال انه بليلة الدخله راح تشوفها وتشبع ومن شوفتها ==> فاسكت انا ارسلتها صورتي يعني هي شافتني بس هي تقول خايفه انه ترسل الصورتها أشكركم bint q8 حنون طبعي مدلعه حبيبها والله يبارك فيكم جميعا |
تجربتي انا
نعم انا تزوجت ارضاءا لامي و اخوي و النتيجة زفت |
أختي مشرقيه
تحياتي لك وكان الله بعونك |
احوي الكريم والله يستر العبد سبحانه وتعالى... اجمع كل ماضيك وارميه بعيد عشان تقدر تعيش حياتك وخلي اختك اللي عطتك الرقم تجيب لك صورتها من حقك تشوفها ومو حرااام والله يوفقك ويتمم لك على خير
|
الأخ فارس
الزواج من مرأه غير مقتنع بها , ولأجل إرضاء شخص معين محكوم عليه بالفشل مقدماً تخيل نفسك تأكل طعاماً غير مقتنع به ونفسك لا تشتهيه لأن أحداً أجبرك عليه , ورغبت بمجاملته , ماذا ستكون النتيجه ؟ هل ستهضمه وأنت مرتاح , أم تشعر أنه ثقيل على نفسك ؟ بالزواج يجب أن يكون الإختيار عن قناعه . الماضي لا تكشفه لأحد , فقد مضى وستره الله , فلا تكشف ستر الله عليك . عندما تجد الفتاة التي تقتنع بها وترتاح للزواج منها , يمكنك مناقشة عملها إذا رغبت زوجتك به , وبالحوار والتفاهم يتم حل كل المسائل ولا يوجد قاعده ثابته أن عمل المرأه قد يسبب مشاكل أو لا وهذا يعتمد على ظروف الزوجين بعد الزواج , ولكل حاله خصوصيتها . |
والله يا أخي الكريم ما دام إنك ملّكت عليها ، وحاسّ براحه كمّل المشوار وإذا كان هدفك إرضاء أمّك ؛ فأبشر بالخيــر والحمدلله أنت الآن ما أنت بندمان ( تحس براحة مع خطيبتك + ومرضي أمّك ) .> عصفورين بحجر واحد لكن نصيحتي لك : لا تكون مثالي زيادة عن اللزوم والشوفه -وأنا أخوك- بتشبع منها ، ولااااا بـ تملّ بعد ، يعني لا تستعجل وأما الوظيفة عاااادي ، تتوظف هي وتعيشون حياتكم ( لا تضخم الأمور ) ، أهم شئ يكون بينكم تفاهم وعن طريقة تعاملك معها ، عاملها بكل لطف وعطف ، المرأة تحتاج منك اهتمام وحنان وهي بأمس الحاجة لرجل يحتويها ويملأ عينها ( ولا يهمّ فارق العمر ، وكلما كان الرجل أكبر أفضل ) وفارق العمر بينكم معقول ونصيحتي المهمة لك : لا تخبرها بماضيك أبداً أبداً ، انتبه !. ولا تستشير ( اخوياك ) في أمورك الزوجية خصوصاً العزوبية ، استشر أهل الخبرة ممن تثق فيهم خصوصا كبار السن العقلاء ، أو التربويين ، والأفضل تستشير أهل التخصص في العلاقات الأسرية والزوجية أمثال ( د.عبدالرحمن المحرج ، د.خالد الصقعبي ..إلخ) أتمنى لك حياة زوجية سعيدة أخوك نظرة حكيم |
يا أخي الفاضل
انت في زمن لو قدر الواحد فيه يتزوج يقول الحمد لله اقلها ان امك راضيه عن البنت... حتفك نفسك من وجع الراس لصارت اي مشكلة من الحريم .. تقول لأمك وقتها والله شوفي انتي قلتيلي اختارها و انتي وصيتيني عليها فليش توجعيلي راسي الحين ... مو كنتي راضيه عنها اول .................. ذي بحد ذاتها نقطة بصالحك .. وقريبتك يعني تقدر تراقبها واهي طالعه وارجعه لبيتهم ... وهذا يحق لك شرعاً ان شفت فيها اللي يرغبك بزواج منها فافعل الله يستر علينا وعليك |
زي ماقل اخوي نظره حكيمه عصفورين بحجر واحد الحمدالله كنت عير مقتنع فالبديه لكن لان ميه بالميه مقتنع
الصمت لغتي حكيم رومانسي الوحده اشكركم عالتعليقات وعقبال كل العزاب |
مارح اجاوبك بس باقولك كلمة واحدة ..
اذا ماعندك استعداد للزواج لاتوهق بنت الناس معاك اتركها تشوف نصيبها ! |
البنت الناس هذي لا تخاف عليها
هي بعين وقلبي ان شاء الله اكون ماتحلم فيه وارضيه واقدر اسعدها تحياتي لك اخ لـlm |
اقتباس:
انا بنت ياابني خخخخخخخخخخخخخخخخخخ :23: |
[QUOTE
اخ واسمه لما ؟؟؟ انا بنت ياابني خخخخخخخخخخخخخخخخخخ ] [/QUOTE] بنت او ولد المهم الف شكرا عالتعابق |
| الساعة الآن 01:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©