كيف أنجح بزواجي مع راتبي البسيط ؟
 

بسم الله الرحمن الرحيم
انا زواجي قريب جدا باقي ليه 16 يوم وشايل هم كبير وانا في الموضوع السابق ذكرت قصتي مع زوجتي السابقه كان انفصالي معها في رمضان الماضي وبعدها بفتره قصيره ربي عوضني وملكت وانا ضروفي الماديه صعبه جدا كان قبل طلاقي لدي دخل اخر شهري في محل وكنت لن افضى له من المشاكل العائليه فقبلته وانا حالين علي دين فوق 80 الف 50 الف من البنك وقبل شهر ونصف اطريت اخذ سياره بتقصيد وابيعها كاش عشان ادفع بقيت المهر واثاث بيتي الاول كله بعته لاني كنت اكره ذكرياته فالحمدلله اهل الخير ساعدوني في تاثيث شقتي الجديده والحمدلله انتهيت منها باقي اشيا قليله المشكله عندي وشايل همها ان راتبي 2700ولا يصفى منه غير 800ريال ولا عندي دخل ثاني ماني عارف كيف بتكون حياتي الزوجيه وعندي ولدين محتمل يجو عندي فكيف افعل والله حتى عجزت افصل لي ثوب لزواج وانا حالين ابحث عن شغل لكي يزيد الدخل الي ابيه منكم

هل حياتي الزوجه رايحه تستمر في هذا الوضع ؟

وابي الحل لاني مره شايل هم كبير ونفسيتي تعبت من الضروف الصعبه الي مرت علي .
وجزاكم الله خير ؟؟؟؟؟؟؟؟

طيب ياخوي زوجتك الحالية تدري عن ظروفك؟
اسال الله ان يرزقك من حيث لا تحتسب
مدري وش اقولك بس ليه اقدمت على الزواج وانت ظروفك كذا
مابي احبطك بس هل زوجتك تدري

وعد النبي صلى الله عليه وسلم من يريد الزواج لإعفاف نفسه بعون الله له، فقال: ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف.
رواه الترمذي وقال هذا حديث حسن.

فاستعن بالله تعالى وأعلم أن الله هو الرزاق وأن رزق زوجتك وأولادك بيده سبحانه
وأكثر من الاستغفارو الدعاء

واعمل لنفسك جدولا وخطة بحيث تقول خلال الفترة القادمة : سأقف على رجلي بعون الله تعالى

بودي ان اقدم لك يد المساعدة ولكن اني اعرف بعض طرق المساعدة لو كنت سعودي الجنسية او مقيم بالسعوديه فهل انت كذلك

ياخوى قول الحمدلله والله عنا بغزة ناس ماتلاقي المية ومتزوجين وعندهم عيال والله ربنا بسترها انت احسن من غيرك لقيت تتزوج عنا ناس مايلاقوا ياكلون الله يوسع رزقك

الله يفرجها عليك والف مبروووك

والله يرزقك وييسر امورك

هل زوجتك عارفة ظروفك

الله يعينك يارب وييسرلك اكثر من الاستغفار والدعاء بان ربى يوسع رزقك وحاول تدور لك دخل ثانى الله يعينك

اخوي الكريم خلك على شغلك الحالي حاوول بعد الدوام توصل مشاوير اقل شي تطلع في اليوم 100 ريال
اذا كنت سعودي وفي الشهر يطلع لك 3000 ريال
واذا كانت سيارتك من النوع الحديث اعمل اعلان في احد الجرائد المبوبه بتوصيل مشاوير خاصه بالطلب
وتحدد اوقات محدده تشوفها مناسبه لك
والله اخي الكريم احمد ربك انت في نعمه لك تجربتين زواج ما شاء الله تبارك الله
غيرك والله مقتدر لكن والله مو عارف كيف ياخذ خطوه نحو الززواج

الدعاء بالبركة والإستغفار

الف مبروك مقدماً والله يسعدكم
نصيحتي لك يخوي توكل على الله وتزوج والمثل يقول (( تزوج من فقر وعمر من غناء))
واذ تبي الخير يجيك صلى جميع الفروض في وقتها في المسجد وخاصة الفجر وقبل الفجر صلى وطلب ربي انه يقضي دينك واجتهد في الدعاء والله انشاء الله بيقضي دينك ويوفقك في زوجك...