|
المتقدم لخطبتي اصغر مني في العمر ..يهمني رايكم
الســـــلام عليـــكم ورحمــه الله وبــــركــاتــه
بدخـل بالموضوع على طول انـا تقدم لـي واحـد وهو يقرب لـي وهو تقريبـا عمـره 19 وانـا 22 وقريـب ادخـل بـ 23 اكبــر منه بثــلاث سنــوات وعليـها وفي مـن اهـله واهـلي عارضوا لفـرق السـن اللي بينـي وبـينه وفـي اللي قـالوا عـادي وهو مصـر مايبـغى الا انـا وانا بصـراحه مو موافـقه علــيه مو عيـب فيـه بـس لاني انا اكــبر مـنه ومرات اشاور نفسي اوافق عليه ولا لا بس لانه يبغــاني .....وابي رايـــكم لانــوووو يهمنـــي..... |
انا بقولك يمكن كانو زمان عشان السن يدققو فيه:d بس الحين اذا التفكير بينكم سليم
راح يكون زواج جيد وبقولك شي لو مو ملزم عليك ماراح يخطبك وهي يعرف انك اكبر منه:) استخيري وشوفي لان في الاخير الراي رايك الله يوفقك ويسعدك |
بانسبة ليا اوافق على واحد اصغر منى ماعندي مشكلة بس لسه صغير 19 سنة لو هو 25 وفوق ممكن
استخيرى والله يكتبلك كل خير |
المشكلة ليست في فرق العمر هنا بقدر ما هو في عمره هو .... ما زال صغيرا في نظري ..
مع أنه احيانا بعض الشباب بالف رجال ضعف عمره ... وأنتي اعرف به |
اوافق بنت مكه و رسيل مش لأنه اصغر منك لكن لأنه 19 سنه هل فكرتي في بكرى.. وين راح تعيشوا و كيف.. عنده وظيفه?? راح يكمل دراسته? احسك مستعجله,, اتمهلي و صلي استخاره و ادرسي الموضوع من كل الجوانب |
تم نقله لقسمه الأنسب..الإشراف |
19 سنة صغير، هل قراره مجرد رغبة عابرة، أم قرار حكمة وصواب رأي؟!
هل تريه كزوج أب لأبنائك، أم فقط شعور بالرضا لأنه اختارك من بين نساء العالم؟ |
العـيب ليس إنه أصغـر منك أبدا .. المشكله هي هل يستطيع فتح بيت وتحمل مسؤلية عائله حقا ؟ عمره 19 في هاذا الزمن إلا من رحم ربي في هاذا العمر مراهقه وطيش وعدم تحمل مسؤليه والمصروف يأخذه من الوالد !
اولآ : الزواج في السابق يختلف عن حاضرنا لان في أيام أول البنت تكون مؤهله لزواج في سن الـ14 من أول ماتبلغ على طول زوجوها أهلها لآنها أهلآ لتحمل مسؤلية بيت وقادرة على الطبخ والتنظيف وأخذ قرارات خاصه بها وبزوجها وبعائلتها دون اللجوء إلي والدتها أو أختها .. أما الولد يكون من صغره ملآزم لوالده بمعنى أنه قادر على العمل وفتح بيت وإعالة اسره كاملة أيضا من دون اللجوء إلى قروض والتسلف وبفتح له مشروع خاص . الحين لو تشوفين شاب عمره 19 لسى بيكون بالجامعة ماكمل دراسته ولاخطط له مسستقبل لعائلته لآبد أن يكمل دراسته ثم يبحث عن وظيفه ثم يخطط لزواج .. وربما من أتفه الاسباب رمى الطلآق لعدم وعية لآهمية الزواج أنا أرى أن تستخيري ولآتستعجلي بقرارك حتى تكوني موافقه 100% عليه . { وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ } |
اذا هو قد المسؤليه استخيري
اما اذا سمعته انه طايش فالافضل الرفض المشكله مو انه اصغر منك المشكله انه صغير عالزواج ربي يوفقك |
مثل ما قالوا الاخوان . المشكلة ليست انه اصغر منك بل المشكلة ان هو عمره صغير 19
|
اريد ان انبهك لحاجة الا و هي ان تفكير الواحد ما زال عمره 19 ليس هو 25 ليس هو 30 تفكير الانسان يتغير ربما الان مقتنع بك و غدا لا لان تفكير الولد في هدا السن يكون مش سليم 100 في 100
ثانيا مشكلة التحمل المسؤلية في هدا السن اظن انه من الصعب عليه الا ادا كان سيتكل على عائلته و هدا بحد ذاته غلط ثالثا لن تشعري بالراحة النفسية و انا اقول لك دلك و انا متاكدة و الراحة النفسية اهم جزء في الزواج لانك لم تشعر بحنان الرجل و السنده و تحس انك صغيرة معه بل بالعكس تتجد نفسك دئما انت اكبر منه و ربما اوعى منه لدا فكري جيدا قبل ان تندم و انتي اولى بمصلحتك و ربما تعرفين مصلحتك اكثر مني |
كما قالو الاعضاء المشكلة بعمره هو ليس بالفرق بينكم
توه صغير عالمسؤولية والزواج استخيري |
استخيري اختي
وانا مع راي الاعضاء وربي يوفقك يارب |
اذا عنده وظيفة ومشهود له بحسن الاخلاق ..استخيري وتوكلي على الله
|
استخيري ربك ياحبيبتي وبيجيك الاحساااااس قصدي احساس الراحه وغيرهاااا لاتتسرعي بقراااارك الا لما تستخيري ربك
والله يكتب لك الي فيه الخير ياااارب |
اشرحي باقي مميزاته لنرى هل هو أهل للزواج أو لا 19 سنة صغير جدا في هذا الزمن الا لو أهله مربينه على المسؤولية كيف سينفق عليك ؟ هل سيكمل دراسته ؟ وضحي أختي بقية ملابسات لكي نعطيك رأيا سديدا |
اقتباس:
|
اقتباس:
وحده من خواتي تقول مافي تكافؤ ابد ارفضي احسن |
اقتباس:
اي وهو راح يكمل دراسه |
من اتاكم من ترضون دينه وخلقه فزوجوه
دام انه قادر يفتح بيت ويشتغل ويتحمل المسؤليه وافقي بالتوفيق |
اقتباس:
أختي الولد يمكن ملتزم لهذا السبب يريد أن يعجل في الزواج ويريد الاعفاف ... بس أنت ما تعرفين أي شي عن شخصيته ؟ شخصيته قوية أو ضعيفة ؟ تأكدي في حالة ان زوجك أهله بيصرفون عليه يعني بيكون لهم كمال سيطرة عليكم يعني كأنكم عيالهم , وهذا ما يعني انهم بيكونون متسلطين لا على حسب شخصياتهم ولكن كونهم ينفقون عليكم فيعني حياتكم مرتبطة بحياتهم ... ما أشجعك كثير للآن مافي شي يشجع , الا لو شخص عارفته زين وشخصيته قوية ومستقلة ساعتها يمكن نقولك تزوجيه اما بالمعلومات اللي عطيتينا ما ينفع كزوج ... لا تستعجلين |
لا مو ملتزم بس يقلون اهله انه شافني يمكن علشان كذا مستعجل والله اعلم
وعن شخصيته مدري عنها والله |
أختي ما أشجعك لا توافقين وأنا أشوفه غير مناسب صغير وأهله يصرفون عليكم لا التزام ولا معرفة عن شخصيته ... انتبهي أختي لا تضيعين نفسك وفكري بعقل |
معك حق
واصلا انا مو موافقه عليه علشان انا اكبر منه هذا بحد ذاته قاهرني بس لانوو انا سبق وتحلمت فيه علشان كذا انا متردده اوافق او لا والمشكله انها 3 احلام وراء بعض بس استغربت اغلب البنات هنا يقلون عادي ماعندنا مانع نتزوج واحد اصغر منا !!!!!! |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©