|
ذكرى الزواج مع زوج بارد عاطفيا؟ ما الحل؟
السلام عليكم ورحمة الله وبركاته الى كل العقول النيره والاقلام المبدعه انا محتااااااااااااااااااااااااااااااااااااااااااااااا ااااااااره يوم الجمعه القادم يوافق يوم زواجي اكمل سبع سنوات وبصراحه هذي الايام انا طفشانه من زوجي كثيييير بروده قتلني تجمدت فيني الحياة خلاص ملييت افكر اسوي شي يجدد الحب بس اقول بنفسي هو فيه حب اصلا عشان نجدده كل هديه اجيبها اندم اني جبتها كل حركه اسويها مرات ابكي بسببها ما اعرف اش الحل ولي طلب عندكم انا ودي اكتب له شي يصحي الانسان اللي محنط داخله فياليت تساعدوني لان ما عندي وقت افكر واكتب ابي له تعبير قوي يخليه يحس انه ناسيني وما ينام معي بنفس الغرفه ولا يتكلم معي ولا يطالعني ولا ولا ولا ولا اشياء كثيره انا محرومه منها كزوجه مع انه موجود اغلب اليوم بالبيت فكرت اشتري سرير جديد لأنه يقول ان هذا السرير ما يعجبه بس انا قد حلفت اني ما اشتري السرير لأني ابغاه هو اللي يبادر ويحسسني انه متذكرني. والله تعبت معه اش الحل ارجوكم ساعدوني |
انتي ادرى بزوجك والاسلوب اللي ينفع معاه .. اذا كان عندك عتب ارسليه برساله ع الموبايل .. ويكون قبل موعد ذكرى زواجكم بكم يوم ... تغيير السرير اذا مو مريح .. اعتبريه هدية الذكرى .. اهم شئ لايجي يووم الجمعه الا انتم متصاافين خليه يقوول كل اللي بخاطره وانتي بعد قوولي كل اللي بخاطرك ... الله يسعدك يااااااااااااااااااااااااارب .. |
زوجي طرحته مثل زوجش ذكرى زواجنا ما تنذكر على مر التاريخ من جفائه
حتى ما يطلع فيني بنووب واذا قلت اليه شوف مكياجي حلو يقول فاكره نفسش حلوه بكيت لما تحطمت وبعد سنه تغير ظل يمدحنى ويقول انتي حلوه بس عقب شنو احسه كل جذب ومجامله الحمد لله احسن من رجال خاين |
بين زواجنا وزواجكم اسبوعين بالضبط :)
بالنسبة لحركاتك إن كان قصدك انه مايتجاوب معك فعادي انا بالنسبة لي وصلت لمرحلة اني اسويها لنفسي بغض النظر عن ردة فعله هو لأني وبكل بساطة بعيش وصدقيني عيد الفطر الماضي كان عارف اني مستعدة لحفلة راح طلع مع الشباب وزعلت بس رحت جهزت البيت ولعبت البنات ولما جاء مرررة تندم انه ماحضر،وبعيد الأضحى تعذر من الشباب وجلس معنا على فكرة يمكن زوجك مثل زوجي يحب جو العائلة يعني مايحب حفلة انتي وياه بس يحب الاطفال يكونون معكم أما الهدايا فأنا أهدي له لأني خاطري أهدي له وهالشيء يشبعني انا ، صحيح مااشوف تجاوب بالست سنوات الأخيرة بس المهم انا راضية عن نفسي أممممم أما سالفة اسرير فلو منك ماانتظر يبادر هذي حياتي اشتري وأخليها مفاجأه والا اقوله بمناسبة خدمة السبع سنوات بنحيله للتقاعد ونشتري جديد بس ابيه مفاجأة بحيث يكون منه الفلوس وانت تشترين إذا كان من النوع اللي يكره المشاوير ومو لازم غرفة كاملة لو سرير لحاله عندك سراير إيكيا شيء وأسعارها حلوة وأخيرا يالغالية أتذكر انك شكيتي من برود زوجك يمكن نفوره من النوم معك يخاف يكون مطالب بشيء مو قادر عليه فأنت حسسيه انك مو همك كله للعلاقة-وانا هنا ماالومك لو طالبتي فيها بس شيء افضل من لاشيء-وحاولي قد ماتقدرين يكون وقت النوم والصحوة واحد لكم بيأثر كثير على حياتكم الله يسعدكم يارب وعقبال المية سنة |
يعطيك العافيه اختي انتظر الامومه وان شاء الله ما تنتظرينها كثير
ويرزقك ربي بالذريه الصالحه عاجلا غير اجل يا رب العالمين. صحيح انا ادرى بزوجي وانا عارفه ان ما فيه اسلوب بالدنيا بينفع معه لأني حاولت كثير وما نفع لا حياة لمن تنادي. |
اقتباس:
الحمد لله ان زوجك تغير حتى لو بعد سنه مو مشكله حتى لو كان كذب ومجامله اهم شي احس اني انثى والله عطيتيني امل ان شاء الله زوجي يتغير حتى ولو بعد حين |
اقتباس:
اذا لنا سبع سنين احسها سبعمية سنه كيف بالميه سنه الله يعطيني طولة البال |
ان شاء الله يتغير ويدوب من قالب الثلج ..... ومصيره يدوب انتي خطوتك صحيحه وعجبتني هيئ الاجواء المناسبه وانتطري الدوبان ( بصبر ) وسبحان الله سنة الحياه مايتلاقوا موجب وموجب وسالب وسالب لازم موجب وسالب ( يعني حار وبارده او بارد وحاره ) والله دكرتيني بااختي... تحب تعمل هادي الحركات وبالنهاية تنقهر مو لانه زوجها بارد لا لانه مايقول كلمات حب واللي بالقلب بالقلب واحيان ماييدها يلا حبيبتي ان شاء الله ربي يفرح قلبك هادي المره ويهدي لك هو., مووووفقه. |
أختي باختصار
أعطي ولاتنتظري مقابل بادري أنتي ولا تملي ظلي بادري وبادري لكن إذا ما وجدتي رد لا تزعلي ولا تتحطمي افعلي لأجل نفسك واسعدي بما تفعلين وسيأتي اليوم الذي سيفاجئك هو |
احمدي ربك حبيبتي واصبري وأجرك ع اللي خلقك
تصدقي طرحت الفكرة ع زوجي
ومالقيت أي اهتمام وأنا لسه باقيلي شهرين ع ذكرى السنة الأولى أصبري هذه الحياة الزوجية مممممملة للغاية والأزواج ماهم أزواج تحف كريستالات في المجتمع |
التغيير من الروتين اليومي مهم في الحياة الزوجية ويلفت نظر الرجل والمبادرة أيضاً تنفع في بعض من لا يعرف المجاملة أو يرى بأنها لا نفع منها.. كتقديم الهدايا وغيره.. وفي رائي من لا يحس .. نحسسه قدر المستطاع.. وليه لا، طالما أن بين الأزواج لا حرج.. بس نراعي الطريقة والأسلوب. |
اختي الكريمة
اول شي بالنسبة لذكرى الزواج فلا يجوز الاحتفال بها و انظري الفتوى على الرابط http://www.islam-qa.com/ar/ref/157945 أما بالنسبة لبرود زوجك العاطفي و الجنسي تجاهك فلا يوجد أنفع من جلسة صريحة تبوحين بها بكل ما بداخلك ان خشيتِ ان يقاطعك زوجك و لا يسمح لك بالكلام فعليك برسالة اكتبي فيها كل ما في قلبك أكدي له حبك ببدايتها و ختامها و اكتبي مطالبك كلها و مشاعرك في وسطها ذكريه بأن الزواج يعني حقوق و واجبات و ان الله أمر كل منكما ان يؤدي واجباته تجاه الآخر و ان من أوكد حق المرأة على زوجها الوطء (ابن تيمية ) و أنك بحاجة للشعور بالأمان و العاطفة معه و ان كان يعاني من أي مشاكل في عمله فأنت مستعدة ان تساعديه ومن جهتك انت لا تقصري معه ابدا ، قدمي و اعط وكأنه مافي شي بينكم صدقيني بصير أكثر عاطفة لو بادرتِ انتِ جربي المفاجآت ابدئي بأنواع الاكل الذي يحبه و رتبي البيت بشكل مو طبيعي اعملي له خدمة و كأنه بفندق و ابتسمي له امدحيه ! (نقطة ضعف الرجال ) و أثني عليه و على حياتك معه ( و لو بالكذب ) و لو كان حجر ستفتت لكن الموضوع بحاجة لاسلوب و نفس من دون توتر ! الله يهديه و يديم الحب بينكم |
اقتباس:
والله دعواتك افرحتني كثير وان شاء الله ربي يتقبلها ويكتب لك مثلها بالنسبه للزوج البارد هو بارد جدا ولا ينطق بكلمة مدح ولا حتى بالغلط راح احاول هذي المره ان شاء الله وارد لكم خبر |
اقتباس:
صدقيني مهما كان في الانسان الصبر مصيره يمل كأنك ترمي في البحر والله احس بالذل ممكن اسوي اي شي لنفسي بس هذي الاشياء بدون تفاعل تؤثر على نفسيتي وتسبب لي اكتئاب |
اقتباس:
نعم صدقتي ان الحياة الزوجيه ملل في ملل |
اقتباس:
صحيح ان التغيير مهم لكن مع زوجي لا يلفت النظر ولا يعنيه ولا يهمه ويفضل ان لا افعل اي شي وانا قدمت الكثير بس بدون جدوى احس بطفش وملل وبرووووود قاتل |
اقتباس:
اشكر لك اهتمامك بالنسبه لجلسة المصارحه صارحته وهو يعي انني اعاني ولكن لا يرى ان بروده مشكله اهم شي المسكن والمأكل متوفر وعدا ذلك تفاهات وافلام لا معنى لها وايضا كتبت له رساله بكل ما يضايقني وما اتمناه منه ولا اي تعليق على تلك الرساله كنت امدحه واثني عليه وادعي له دوما ويقول لي نفاق بصراحه اصابني الان بعدوى البرود يتعبني الروتين والملل معه سأحاول عسى ان تنفع المحاوله واحس بالتغيير |
الله يعينج على ما بلاج
ما لج الا الدعاء والله المستعان |
| الساعة الآن 01:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©