|
علاقتي بأخواتي بدأت تسوء للأسوء
السلام عليكم
انا فتاة غير متزوجه وعمري 27 وغير موظفة عندي اخوات وعلاقتي بأخواتي بدأت تسوء بشكل مو طبيعي كنا زمان نتخاصم زي كل الاخوات ونرجع لبعض واحسن بعد لكن قبل 3 سنوات صارت مشكلة بيننا وامي تدخلت فيها وزادت اكثر المشكلة المهم من بعد المشكلة ليومكم هذا انا ووحده من اخواتي زي الغرباء صحيح عايشين بنفس البيت وناكل مع بعض لكن مانطالع ببعض ولانتكلم مع بعض ولااعرف عنها حاجه وماادري ايش تخصصها والله هالشي تعابني نفسيا ويخليني ابكي واختي الثانية كمان صارت مشكلة بيننا ولي سنة لااكلمها ولاتكلمني وصدقوني هالوضع موعاجبني حاليا مااحس بتجاههم بأي شعور اخوه صحيح اني دايم ادعي ربي انه يجمعني فيهم ويرجعنا زي اول واحسن وبالليل ماانام من كثر ماافكر بهالموضوع احاول ادور طريقة اني ارجع علاقتي بهم لكن مااقدر كبريائي مايسمح لي المشكلة الاخيرة اختي الصغيرة كمان صارت مشكلة معاها وخفت انها تبعد عني زي مابعدو البقية احاول ارجع العلاقة هي واضح عليها انها ماتبغى لانو انا اعرف شخصيتها اذا تخاصمنا وجيت كلمتها تنسي هالمره جيت ابغى اكلمها تكلمني وهي تصارخ يعني مافي احترام لاختها الكبيرة والحين وحده من خواتي مابيني وبينها اي شي احاول اجلس معاها اشوفها تتهرب مني وماتبغى تجلس معاي ملاحظة / اكيد بيخطر ببالكم اني نكديه وحقت مشاكل لاوالله العظيم كثير تصير مشاكل بين الاخوات وصارت بينا مشاكل ونرجع لبعض لكن هالمره احس مايبغو يعطو لي خط للرجعة احسهم مايبغوني يتجمعو كلهم بمكان واحد وان دخلت وسلمت وفتحت موضوع اشوف وحده وحده بدت تقوم لين مايبقى إلا انا بالغرفة وبجد احزن على نفسي وانقهر حاولت اتقرب مافي امل يتمنو اني اتزوج ويفتكو مني وياخذو راحتهم على قولتهم الي يشوفهم يقول كاتمه على انفاسهم ورجاء لاحد يقولي روحو اجلسي معاهم وفاتحيهنم اخواتي وانا اعرفهم يحتقروني لو سويت كذا ويشوفنه ضعف واهانة مني وانا اعرف انو مستحيل بترجع العلاقة زي اول مستحيييييييييييييييييل انا ودي ارجع العلاقة بكل وحده زي زمان نجلس مع بعض نسولف نضحك ونمزح ومع الايام بأحاول اني مااحتك فيهو كثير علشان مايحصل بيني وبينهم اشكال مره ثانية على الأقل لو بغيت اشكي ولااسولف الاقي مين يسمعني مو مين يتهرب مني ولايعتبرني شي ساعدوني انا حاليا احس نفسي وحيييييييييييييييدة لاام ولااب ولااخوات ولا صديقات ولاشي ابغى اكون قوية مو ضعيفة صرت لما اجلس معاهم افتشل لانو لما اتكلم محد يسمعني عكس اول كنت صاحبة المجلس ان تكلمت الكل يسمعني ويأيدني والحين لا بجد شعور يقهر انا ماصرت احب ولاشي ولاشي ولاعندي شي يشجعني على العمل والعطاء والبحث عن وظيفة اتمنى اتزوج وارتاح والاقي مين يسمعني ويحترمني ويقدرني ويفك ازمة اخواتي مني ابغى اعرف ايش سبب الفرقه بيننا وليه كذا صار استغفر الله ياربي غيروني 180 درجة كنت شي بالبيت الحين احسهم بدوو يتطاولون علي بشكل ملحوظ يمكن لانو مافي احد حوالي او يمكن اذا وحده جلست معاي بيحاربونها زي ماحاربوني يارب ارزقني بالزوج الصالح الي يخاف الله فيني ويحبني ويحترمني ويقدرني |
السلام عليكم ..
بداية الله يفرج يهمك وحاسة باحساسك جدا .. ونصيحتي من مجربة عمر كامل في مثل هذه الأوضاع .. 1- تأكدي أن الله لن يغير ما بقوم حتى يغيروا ما بأنفسهم ... ومن هذا المنطلق لا تحطي في بالك كرامتي وكبريائي .. صفي نيتك وربي بيعينك وينصرك .. كنت أضغط على نفسي وأعتذر لو ما كنت الغلطانة ... وما بطلت الا لما صار فيه تمادي في استغلال هذه النقطة فصرت أعتذر فقط في حالة أخطأت ... وحتى الخطأ ما صار بيني وبينهم خطأ لأني صرت كافة خيري شري .. لا أبدي رأي ولا اناقش فيما لم أسأل عنه .. 2- شوفي ايش اللي فيك مخليهم يزعلوا منك ... هل هي المكابرة الزائدة - هل هو تزمت وتعنت زائدين بالرأي بحيث لا ترين غيره ... بمعنى هل تؤمنين بالرأي الآخر ولا انتي بس اللي على حق ؟؟ 3- لو كنتي فعلا على حق هل تتنازلين ولو قليلا من اجل سعادة الطرف الآخر خصوصا وأن هذا التنازل لا يفسد للود قضية ولا يغير من شيء في الموضوع ؟؟؟ 4- كوني صادقة مع نفسك وحكميها ولا تأخذك العزة بالإثم - لو كنتي أوردت امثلة على الخلافات لساعدتك على تطبيق بعض النقاط - ولكن هذا الشيء راجع لك ولمدى راحتك في التحدث عنه مع الغرباء ( أعضاء المنتدى ) 5- اذا كانت والدتك حقانية فاطلبي منها التوسط بينكم واجلسوا في وقت كل منكن غير منشغلة جلسة صراحة مع اشتراط ضبط الأعصاب وعدم رفع الصوت وعدم مقاطعة احداكن لأخرى .. ( ليست كل العوائل تنفع لها هالطريقة ) 6- من المفيد أن تكتبي قبل تلك الجلسة ما يضايقك في ورقة ومناقشتها واحدا واحدا مع أخواتك .. 7- لا تقولي ابدا أن العلاقة مستحيييييييييل ترجع فأنتي لا تعلمين الغيب .. فوالله أنني كنت في حالة مقاطعة مع أختي مدة 3 سنوات .. مقاطعة تامة تخيلي .. والآن هي أقرب أخواتي الى نفسي وكاتمة أسراري ... بل هي نفسي الله يسعدها ويسخر لها .. وهل تعلمين كيف عادت العلاقة ؟؟ لأني دست على كبريائي وأردت أن يتغير الوضع فأعانني الله وتغير .. 8- الحي بالدعاء فوالله لا يضيعك مع تصفية النية والعمل ... وقد ترتفع مكانتك أكثر من ذي قبل أيضا ... يعلم الله اني انصحك من قلب مخلص فأتمنى ان تزيلي عن قلبك القسوة التي خلفتها الجفوة ... ولا تنسي أثر الهدية في اصلاح ما كسر ... طمنيني عنك فحالنا قريب من بعضه دمتي في حفظ الرحمن ،،، |
يارب يالله اسالك بكل اسم هو لك سميت به نفسك ان تعود هذي الانسانه بعلاقتها باخوانها وان تزيل همومها وغمومها وتفرج كربها وكرب جميع المسلمين يااااارب |
ايش سبب المشكلة اختي طيب؟
وكم عمرك وعمر اخواتك؟ |
ليه مين فينا علاقته كويسه مع اخواته واهله. انا علاقتي فيهم زي الزفت. الله يكون بعوننا كلنا.
|
سبحان الله ووالله قعدت اقرى المعرف اكثر من مرة عشان اتاكد انى مش اانا الى كتبته
نفس قصتى بالظبط والمشكلة ان اختى اصغر منى بسبع سنوات وعاملة نفسها متدينة وتصلى الفجر وتقرا القران اكثر منى وتسمع اشرطة دينية لكت للاسف علاقتها بى لى اكثر من عام لاتكلمنى وتنطنش على قدام الكل حتى زوجة اخى واانا كل ماجلس فى مكان هى تقوم وتبدى تكشر وترمى فى كلام يهز البدن حكيت مع امى وابى مافى فايدى وهم يشجعونى انى اطنشها وخلاص لاحول ولاقوة الا بالله |
اختي بينك وبين اخواتك صدقيني مافي كرامه
والله كل ماكنتي قريبة منهم يحبوكي اكثر روحي اشتري هديه بسيطه لكل وحده مع كلام حلو لا تقولي كرامتي ما تسمحلي بين الاخوات مافي كرامه وشي ثاني وهو الاهم المتخاصمين لا ترفع اعمالهم لله والخصام يقطع الرزق والزواج يعتبر من الرزق فكيف تبغي الله عز وجل يرزقك بالزوج وانتي في خصام مع اخواتك استغرب امك كيف ساكته عن الوضع الى الىن انا عندي اخوات وكنا نتخاصم يوميا تقريبا بس خصامنا بالكثير يطول ساعه بعدين خلاص نكلم بعض ولاكان كان في مشكلة وبدون اعتذارات وحواجز وكرامه اختي روحي انتي قوليلهم انا بدونكم ما اسوى شي انتو اخواتي انتو سندي بهالدنيا بعد رب العالمين انا مالي غيركم افضفضله وان كنت اخطأت بحقكم اعتذر ضميهم واحضنيهم حسسيهم بحنانك انتي اختهم الكبيرة حسسيهم انك تحبيهم وانك ما تنامي الليل وانتي تفكري فيهم الله يصلح الاحوال ويفرج الهموم يارب |
اختي بسألك وجاوبيني بصراحه انتي لما تتزاعلين مع اخواتك تقولين كلام يجرح ؟
اعتقد انهم يسوون كذا لانك لما تتزاعلي معاهم تقولي لهم كلام يجرح وتبقى هالجروح بقلوبهم ماتروح ومايقدرو يسامحوك لانهم باقي يحسو جرحوهم تنزف منك عندي اختكنا كذا قبل مانتزوج تدرين مين السبب بكل لمشاكل اللي بيننا امي الله يسامحها تربيتها وم على هذي افضل وهذي اسواء الافضل محبوةبه ويمدحنها والايسواء يضحكون عليها ويسبونها خلنا نتنافس على المراكز هذي لدرجة اننا نتضارب ونهين بعض ونكذب على بعض اه قدايش هذيك الايام كانت صعبه والحياه كانت مستحيله فيها |
بقولج شي انا اختي اللي اكبر مني بتسع سنين آذتني في نفسي كثير
وصارت كثير مشاكل ومشدات من بينا صرت اتجنبها واذا جت بيتنا ما ابي حتى اشوفها لاني كرهت اذيتها حقي وتعبت منها وما ابي انضر منها الحين الامور احسن بس مرات اتجنبها عشان احمي نفسي من شرها اكيد اخوتك انضروا وانجرحوا وخلاص يبون ما ينجرحون مره اخرى لا تفهمني غلط انا ما اتهمك يمكن انتي بعد انجرحتي منهم اذا كنت تردين تغير الحال فبدأي بنفسك اولا راجعي نفسك ودروي سبب المشاكل انا اختي ما تغيرت لكن انا اللي تغيرت |
حبيبتي الله يهديك إنت وأخواتك .
حاول ما أمكن تلاقي حل (مثلا ابتعد عيهم لفترة خليهم يتوحشوك، ،والله الواحد ما بيعرف معزة إخوات غير لما يبعد عنهم يا رب يزرع حنان في قلوبكم |
الله يصلح حالكم.. الواحد إذا طاح مايقول إلا أخخخخخخخ..
الله يرحم ستي كانت تقول ما في أخوة إلا في الدنيا.. الله يصلح حالكم.. ويحنن قلوبكم على بعض.. |
والله اني اقرء ردودكم وانا ابكي
ادعولي انو ربي يجمعني فيهم المشكلة انو امي ماتدري انو بيننا شي امي انسانة تخاف الله محافظة على صلواتها وسننها ومربيتنا احسن تربية لكنها بعيدة عننا بس هم احبها ومااحط اللوم عليها انا احب اخواتي وصحيح المشاكل عاديه جدا لكن انا اسلوبي شوي وقح لما اتخاصم وياهم بس ارجع لهم احنا من عادتنا نتخاصم ونرجع وياما كانت مخاصمتنا لاسباب قوية ونرجع لبعض ليه هالمره لا انا احبهم مووووووووووووووووووووووووووووووووووووووووووووت وابغى اجلس معاهم ومااقدر في اشيا كثير بداخلي ودي اقولهم لكن مااقدر الله يخليكم ادعولنا انو ربي يجمعنا لبعض احيان اقول اني راح امثل عليهم دور اني تعبانه يمكن يحنو علي او اضرب عن الأكل لعلى وعسى بس محد بيلاحظ الكل متجمعين مع بعض ايش اسوي ماادري يمكن ناس يشوفو انو هالامر عادي لكن والله مو عادي الحياة من دون خوات ولاشييييييييييييييييييييييييييييي |
اختي نصيحه خلي جهاز الكمبيوتر مفتوح على هذي الصفحة وخليهم يقرأوا الكلام الي انتي كاتباه وانك تحبيهم
صدقيني بيغيروا كل رايهم اذا قرأوا كلامك الله يجمعكم مع بعض ويزرع الحب والحنان وصلة الرحم بقلوبكم يارب |
اقتباس:
اعقدي العزم وعالجي نفسك وانسي موضوع الكرامة .. استعيني بالله ويعينك |
مشكلتي نفس مشكلتج ..بس أنا ابتعدت عن أختي لأنها أذتني كثيييييييييييييييييير نفسيا ..وما قدرت أتحملها وأتحمل عصبيتها وكلامها اللي تعقه علي مثل السكينة.. وغيرتها الزاااايدة مني ..
الحينة أنا ضميري يأنبني أبغي أحس إن عندي إخت نطلع مع بعض ..نسولف مع بعض..نجلس انشوف التيلفزيون مع بعض.. بسس للأسف هي ما اعتذرت مني والحينة اتخيلي 3 سنين بنفس البيت ما انكلم بعض!! ما أعرف شو أسوي!! |
لاحول ولاقوة الابالله العلي العظيم
|
اقتباس:
اهاااااااااا هنا المشكلة توقعت مثل اخوي الكبير انسان جارح وكلامه حاد جدا جدا مثل الموس او مثل طعنت الخنجر في القلب هو يحب يعلق على الواحد تعليقات بايخه بس ماتصير بيينها هوشات بس بالكلام نتخاصم ونرجع عادي انا ايش اسوي ازهله ( اطنشه ) ما اعبره ولا اطيع كلامه و اكيد انتي مثله كلامك جارح وقاسي وخواتك يسوون مثل ما اسوي التطنيش وما يهتموا بامرك |
كنت بقول اللي قالوه الأخت رسيل والأخ د حزن انتبهي على أسلوبك عزيزتي وراجعي نفسك والله يهديكم ويصلحكم ويحنن خواتك عليك |
قال رسول الله صلى الله عليه وسلم : لا تحاسدوا ولا تباغضوا ولا تقاطعوا ولا تدابروا وكونوا عباد الله إخوانا ..
" لا يحل لرجل أن يهجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام " .. فعلكم محرم شرعاً ، وهو أمر شااائع جداً بين الأخوات ، والأسباب وااهية جداً و سخيفة ولا تستحق ..؟! نسأل الله السلامة . إن كان الأمر محرم بين المسلمين الذين لاتربطهم صلة قرابة ، فكيف الحال بين الأخوان والاخوات الأشقاء ؟!! يصبح قطيعة رحم وهذا أشد ..! ( يقطعون ما أمر الله به أن يوصل ) . - أصلحوا ما بينكم ، ودعوا النقاشات التي تقود للخصام والتباغض ، واحرصوا ان لا تصل عداواتكم إلى القلوب وترسخ فيها واتركوا سوء الظن ببعضكم ، ( ولا تتبعوا خطوات الشيطان ) . ان أخطأتِ بحقهم استسمحي منهم ، وان غلطوا بحقك سامحيهم ، واجعلي النية خالصة لله تعالى .. العمر قصير ولا شيء يستحق التباغض ، فكل شيء زاائل .. اسأل الله ان يصلح فيما بينكم .. |
أختى من واقع التجربة وانا شاب لكنى فى نفس وضعك تقريبا...
تطاول الأهل على شخص معين فى الأسرة عن باقى اخوانه واخواته... راجع لشيىء واحد فقط ... لأننا الحلقة الأضعف... نصيحة .. لاتحاولى الإصلاح بينك وبين اخوتك... لأن هذا قرار منهم وهم من يريدوه ...وكلما جريت ورائهم كلما هربوا منك وجروا امامك.... الحل الوحيد طبقى معهم مايفعلوه معك ِ ..من عدم مبالاه ... ذوقيهم الحرمان من نفس الكأس... وأعتمدى على نفسك فورا ... إلحقى نفسك قبل فوات الاوان ياليتنى ارجع لسنك... لكنت استقليت بعملى وحياتى فورا ففعلى نفس الشيىء بسرررررررررررعة... أخوكمm.s |
| الساعة الآن 06:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©