|
عصبيتي راح تخرب بيتي
السلام عليكم
مشكلتي اني الزوجه الثانيه وزوجي مسكني عند بيت اهله يعني طلعتي ودخلتي محسوبه لاوفوقهاااا يوم انا اطبخ يوم زوجة حماي تتطبخ مع ان البيت متروس خدم بس اعناد وبعدلازم كل يوم انزل تحت ومشكلتي انا مواجتماعيه بالمره اما المدام>>زوجة الاولى حاطلها سكن عند اهلهااامالهاخص بأهله واوامرهم وهذا غير تدخل اهله بخصوصياتنايعني من نتهاوش البيت كله عرف و الصراحه من تزوجت وانا عايشه بضغط نفسي كون زوجي خليجي وانا عايشه معاه ببلاده احس تغير علي الوضع بس قلت لخاطر عين تكرم مدينه اما زوجي من اخذني واحسه متعلق بزوجته مع انه قبل الزواج ماخلى عيب ماحطه فيها....... المهم بدت تشتغل عندي الغيره صار اذا جاء يومي يشتغل المسج معاها وبدى زوجي يهتم فيهاا اكثر من قبل بشهادة اهله وانا صرت اذا جا يومي اخلصه كله بمناجر والسبب حركاتها ((مسج...تأخره عندها بيومي..الخ)) وعلى اتفه الاسباب اطلب الطلاق والله احس في شي يخليني اثور بشكل موطبيعي انا بالاساس عصبيه بس موجذي اقول اخاف انا فيني مس او سحر او عين لان احس من اتضايق معاه شي يخليني بحاله موطبيعه بس هو الله يهديه يستفزني مثلا اليوم الدفايات الكهرباء حق شقتي طلعوا من مخلفات زوجة الاولى لا وطلعت القعده مالت الصاله حقها بعد :19: صج قهرررررر يعني والله شي يعصب بس مشكلتي افقد اعصابي ما اعرف اتعامل مع الموقف انا اكون على صح بس من اعصب اقلب الموضوع علي واصير انا الغلطانه ساعدوني والله راح ينخرب بيتي والسبب عصبيتي ماني عارفه شنو اسوي عايشه بضغط نفسي فظييييييييييييييع |
أختي كويتيه كيف حالك وكيف حال عروستك الصغيره إن شاء الله طيبه أشتقنا لكم واجد نرجع لموضوعك ياحبيبتي أنا عندي بعض ا لأسئله لوتكرمتي
تجاوبيني عليهاأولا أنت يوم تزوجتي كان لك عليه شروط بأن يضع لك بيت لحالك وينفق عليك وأي شئ يعطيه زوجته يعطيك مثلها أم إنك تزوجتيه بدون شروط وتنازلتي عن حقوقك من بيت وأثاث وماخلافه وإيش كانت شروطك عليه يوم تزوجتيه جاوبي وإن شاء الله لي رجعه . |
ياعمري الله يعينك من جد شئ يعصب :( بس انتي لازم تأقلمين نفسك مع وضعه كون انك اخذتيه وعارفه انه متزوج يعني دايمن اقنعي نفسك وقولي هذا واجب عليه يعدل بيننا ومن كلامك بصراحه عرفت ان زوجك:22: سعودي خخخخ >>>لأن هذا طبايعنا سكن عند الاهل والطبخ يوم بيوم لحريم العيال
وحاولي قدر الامكان تسوين اشياء تخليه ينجذب لك اكثر وترى الرجال ينجذب دايما للزوجه الاهدى:21: هدي وضعك شوي ياقلبي وحطي اعصابك بالفريزر وبعدين عندي تعليق للرجال ليش الواحد يتزوج على ام عياله ويشوفها شيطان قدامه ويحط فيها ومن عقب ما يتزوج غيرها كأنه يعرف قدرها ويرجع يحبها من جديد وبنت الناس الجديده تاكلها |
السلام عليكم شكرا على ردودكم
بنت الحكمي شخبارج اختي وشلونج؟؟؟؟ ابشرج سويره زينه بس ذابحتها سنونهااا عمرهااا 6اشهر الله يحفظها لي:15: انا شرطت من البدايه اني ابي بيت شرعي لي بس كون زوجي موببلادي قالي راح اخذلج شقه قريبه لاهلي لان اخاف عليج وبعدين تطور الوضع لحد ماوصلنا لشفه بوسط بيت اهله يعني دخولي وخروجي جدامهم صدمني بالموضوع هذا قبل عرسنا باسبوعين:(اما من ناحية المصروف انا عندي معاش يكفيني وماالزمته بشي بس هو شوي بخيل ومتحمله |
|
هلا باختي يمك دروبي وشكرا على مرورج
صح سعودي:22: ان شاء الله باخذج بنصيحتج بس والله اعصابي بالاساس تعبانه يعني والله موبيدي اني اكون جذي وانا عارفه انه متزوج بس الي انصدمت فيه انه ملتزم بس موعادل وعموما الله يساعدني وشكرا على مرورج |
اهلا اختي والله يخلي ليك بنوتك والله يخفف عنها الم التسنين يا رب
انا دائما اكون ضد الزواج المتعدد بس صراحة حالتك اثرت فيني لانه احسك تنقهرين اقول اختي حاولي انك تخففي عصبيتك لانه مو بصالحك( رغم انه الكلام اسهل بيكون من الفعل )رغم انه الظروف اللي انت فيها بتعصب اصلا بس عشان المركب يمشي لازم تصبري وبعدين ليش ماتحاولي تفهمي زوجك الشغلات اللي انت ماتحبيها ما يسويها زي المسجات اللي زوجته تدزها له مثلا لما يكون يومك معاه يطفي التليفون وحاولي حبيبتي انك تكسبيه ليك لانه ادا ما سويتي كده راح تخسريه |
الله يكون بعونك كويتيه
عليكي بالصبر وبالصبر والدعاء ربك ما يخيب رجاء عبده تناقشي معاه حاوريه بهدوء عشان السفينه تمشي العصبيه عمرها ما رفعت بيت الله يصبرك ويوفقك يارب تحياتــــي |
شكرا اختي نونو4 على النصيحه والله يجزاج خير
|
صمتي هوايه شكرا اختي الكريمه على الرد والله يجزاج خير
|
هلا حبيبتي كويتية فرحت لمن شفت موضوع لك
بس ماني فرحانة لانك حزينة وزعلانة كيفك وكيف سارونة ان شاء الله طيبة الله يحفظها لك ويرزقك برها شوفي حبيبتي انا صح مايد السكن مع اهل الزوج لانه لابد تصير اخلافات بس دامك عندهم حاولي تكسبي ودهم على الاقل اذا صارت مشكلة بينك وبين زوجك هما يوقفون معك بالنسبة لزوجته الاولى لا تقولي هي في بيت اهلها ومرتاحة وماتسوي وانا الشغل كله طايح علي انتي اعتبيرها ميزة انك ساكنة عند اهله وانك بتكوني اقرب لهم من الاولى اطبخي لهم اكلات حلوة تقربي لهم بودك وتعاملك واخلاقك وانتي اخلاقك عالية مايحتاج حبيبتي شوفي يابعدهم بالنسبة للعصبية تاكدي انك حتى لو تكوني ظالمة بتصيرين مظلومة بعصبيتك ورفع صوتك اساليني انا الي كنت اقعد اصارخ زي الهبلة وابكي وانذب وجهي اخرج عن طوري لدرجة الجنون وبالاخير اعتذر لان لساني يغلبني ويوصلني للهلاك طبعا انا كنت زيك ولا انكر الشى هذا بس بعد نصايح الاخوات تعلمت معنى الصمت اصمتي فالصمت يغنيك عن الاعتذار سافري لاهلك غيري جو بالنسبة تاخيره بيومك قولي له ترى مو من حقك تروح لها وتتاخر علي مثل ماهو مو من حقه يتاخر عندك بيومها ولا يجيب طاريها عندك ولايجيب طاريك عندها انا اعتبر الرجل الي يمدح احد زوجاته قدام الثانية غبي لانه يبي يحط الحقد بقلوبهم على بعض عموما حبيبتي لابد تكوني اكثر هدوووووء قبل لا تنطقي اي كلمة استغفري من واحد لمية سوي زي والله صرت اتاخررررررر بالرد وتعلمت اشلون اضبط سلوكي الخطوة اجبرتني عيشي مع بنوتك سارة وانسي الكووون وش تبين بعوار الراس الله يسعدك ياكويتية ويسهل امرك ويرزقك الصبر والحكمة الا بناااااااااااااات وينكم وحشتوني بنت الحكمي وشيخة البنات ودذكريات لا تغيب وروح الطير وينكم |
قرأت موضوعك وشممت منه رائحة الغضب والغيرة والانفعال... أولاً: أسأل الله أن يجعل ابنتك قرة عين لك. ثانياً: إن كنت اشترطت لك قبل الزواج بيتاً مستقلاً، وتم كتابة هذا في عقد القران فهذا حق لازم لك. وأنت الآن بإمكانك طلبه بلطف وتعقل أو بإمكانك التكيف مع وضعك الجديد واحتساب الأمر عند الله لعل مركب الحياة يسير. ثالثاً: ما تشعرين به من عصبية هو شعور أنثوي طبيعي غريزي مختلط بغيرة وقهر على النفس وشعور بالظلم، وإحساس بالغربة مع عدم وجود المساند. رابعاً: آمل منك الهدوء، وأخذ أنفاس عميقة دائماً وحساب الحياة بميزان صحيح خصوصاً لديك الخبرة الكافية التي تساعدك على تجاوز هذه الأزمة. خامساً: احترمي نظام البيت الذي تعيشين فيه، وتكيفي معه، وتسايري معه ولو نمتِ على الجمر. سادساً: هناك نقاط قوة في صالحك استخدميها بذكاء النساء ومراوغتهن لكن بشرط طلب رضا الله تعالى ثم رضا الزوج. على سبيل المثال: دللي أمه+خذي لها هدايا من فترة لأخرى كالحناء أو قماش جميل أو سجاد صلاة فاخر وخلافه+اتصلي عليها وقولي لها: ياخالتي! أنا حضرت القهوة والشاي ونفسي معلقة لديك وأريد أن أنزل عندك ونتناولها معاً+من فترة لأخرى راسلي أخواته وتواصلي معهم+قفي معهم واطبخي معهم وأكرمي ضيوفهم إن جاؤوا حتى يشعرون بوجودك...وهناك الكثير من الحركات الجميلة المحببة صدقيني لو فعلت هذا سترتفع مكانتك عند أمه وأهله وسوف يصبحون عوناً لك وسنداً ضده لو حصل أي شيء. ومهما اشتكى منك هو أو تذمر فلن يصدقه أهله، وبالمقابل يحترمك الرجل ويزيد من عطائه لك (أنا رجل وأعرف هذا)... سابعاً: احتوي الرجل بهدوئك ورزانتك ورجاحة عقلك ودلالك، والمكسب الأول والأخير لك. ثامناً: تعودي على الهدوء شيئاً فشيئاً عن طريق الاستعانة بالله+قراءة أضرار الغضب+معرفة محبة الرجال للمرأة الهادئة+أخذ النفس العميق وقت الغضب+اكتبي في ورقة صغيرة: أنا أفضل أن لا أغضب واقرئيها ثلاث مرات في اليوم+إن كنتِ واقفة وقت الغضب فاجلسي وإن كنت جالسة فاجنبي جلستك وهكذا دواليك... ::: أتمنى لك التوفيق |
معليش يا أختي أم ساره تاخرت عليك والله إني أنشغلت شوي ما أمداني أردعليك الله لا يشغلنا إلا بطاعته يارب المهم يا أختي كان من المفروض إن زوجك يوفي بوعده لك ويسكنك في بيت لوحدك تاخذين حريتك في بيتك وتتصرفي مثل ماتبغي لاكن مدام إنه سكنك عند أهله وأنت رضيتي بذلك فالحين ماينفع إنك تنكدين على عمرك أنا معك زوجك تصرفاته فيها شئ من الإستفزاز لأن الحرمه حتى لوزوجها جاب لها أغراض وأثاث مستعمل حق طليقته مو زوجته أكيد ماراح تقبل فيها وطليقته ماعادت معاه فما بالك بزوجته الأولى أو الثانيه والحين أنت رضيتي وصبرتي علشان مابغيتي المشاكل مع زوجك بس بعدها إنعكس الوضع على نفسيتك وصرتي عصبيه ماعاد تتحملي لأنك حسيتي نفسك مظلومه وصرتي تعصبين كل ماشفتي حركة إستفزاز من زوجك بالذات موضوع الرسائل وتأخره في يومك هذا يسبب لك ضغط نفسي وأنا لومكانك وزوجته الأولى أو الثانيه ما أحترمت لحظة وجوده عندي في يومي بسوي مثلها ترسل رساله أرسل مثلهاوالمفروض أنت ماتتحسسي من موضوع الرسائل لأنه مثل ماهو زوجها كمان هو زوجك راسليه وإذا زوجته ما أحترمت نفسها باليوم اللي زوجها عند ضرتها فإنت إعملي مثلها السن بالسن والجروح قصاص ياإنها تحس وتبطل حركات في يوم غيرها
أو إنها تشتكي على زوجها وتظهر تضايقها من الوضع وذاك الساع هوبيرجع يناقشك في الموضوع وحينها أتفقي أنت وياه إن مافيه أحد منكم تدخل بيوم الثانيه لا إتصالات ولارسائل يعني اليوم إللي منت عندي تعتبر أجنبي عني وزوجته كذلك وأنا احس تاخره عندها مو أهم من الرسائل إللي ترسلها لأنه لوتأخر عندها إحتمال علشان أحد من عياله تعبان أو هناك ظرف إضطره لتأخر وهاذي تقدري تناقشينه فيها بجلسة هدوء وتحلونها أنت ذكريه فيها بالعدل والمساوات في ما بينكم وقولي له يبو فلان أنا تزوجتك علشان دينك وأنت إنسان طيب وتخاف الله وأنا زوجتك ولي حق عليك وأنا تنازلت كثير عن حقوقي أول شئ البيت إللي وعدتني فيه ماعاد أوفيت به ثاني شئ أثاث بيتي كان من أثاث بيتك الأول مستخدم وأنا أخذته وسكت علشانك صبرت كله أبغى رضاك لاكن أما إن الوضع وصل حتى إنك تستقطع من يومي هاذي بصراحه ما أصبر عنها لأني أنا وبنتك بحاجتك وأنا أجلس أعد الدقايق علشان أشوفك نفسي أجلس معك ونسولف مع بعض أنت تعرف إن مالي غيرك هنا أرتاح لجلستي وسوالفي معاه وعارف إن أهلي بعيدين عني وماعندي صديقات ولاقرايب أتونس معاهم وأنت ماتهتم في الوقت تتأخر علينا لوعندك شغله مهمه أتصل طمنا عليك وقول تراني بتأخر شوي عندي شغلة أقضيها وأجيكم مافي مشكله عادي بس إنك تتأخر في يومي بإستمرار وبدون أسباب فهاذا مايرضي ربنا سبحانه وتعالى وفيه ظلم لي لأنك أبخست من يومي بدون عذرأو أي ظرف عندك طارئ بس أول شئ قبل ماتناقشينه حطي لك عدة نقاط علشان ينجح النقاش ويثمر في مابينكم أول شئ تجنبي العصبيه والنرفزه وألتزمي بالهدوء والكلام الطيب والإبتسامه الحلوه وببشاشة وجه سموح وإعتبري نقاشك مثل عتاب له ثاني شئ تجنبي ذكر إسم زوجته له في النقاش بتاتا ولاتجيبي طاريها أبد ولا تقارنين بينك وبينها لأنه بيشك إنك غيرانه منها وإنك تكرهينها وإنك تريدينه لك لحالك فحاولي إنك تبتعدي عن ذكرها قدر الإمكان حتى لو زوجك جاب طاريها قولي له بصوت هادئ أم أفلان لاتدخلها في الموضوع هي زوجتك مثل ما أنا زوجتك ولها عليك حقوق مثل مالي عليك حقوق والله العالم يمكن إنك مقصر معاها بشئ مثل ما أنت تقصر معاي وهي حرمة مثلي ضعيفه مالها إلا أنت بعد الله وأنا ماشفت منها إلا كل خير أنت قولي كذا حتى لوكان الواقع خلاف ذلك أنت أهم شئ لاتتركين له مجال بأن يحشر إسم زوجته في نقاشكم علشان مايصير بينكم صدام مثلا علشان مايقوم يعدد محاسنها وطريقة معاملتها له وأنت تاخذك الحميه من هنا وتقومي تقولي له أنت مفضلها عليه وتحبها أكثر مني وأنت فعلت لها وسويت لها وأعطيتها وأنا ما أعطيتني وترجع جلسة النقاش كلها مشاكل ونكد وبنفس الوقت الرجل يطفش ويمل ولاتنسين إن الرفق مادخل في شئ إلا زانه بالطيب والهداوه أكسبي زوجك وحسن التعامل مع المواقف إضبطي أعصابك عند وقوع خلاف أو أي فعل أوتصرف يضايقك عليك بالإستغفاروأكثري من قول لاحول ولاقوة إلا بالله فإن لها أثرطيب على تهدئة النفس وأنت أكسبي زوجك أتركي العصبيه والإنتقاد والتشكي والصراخ كل هاذي ماراح تجيبه لك وكل هاذي بتخرب بيتك وتحول حياتك إلى دمارأكسبي ود زوجك وحبه لك وإحترامه لذاتك بتعاملك معاه وحسن عشرتك أبتعدي عن العصبيه في وجوده لأنه بيضن بأنك زوجة نكدية وعامليه بالحب والحنان خليه يرجع لك في اليوم الثاني إللي عندك وهو مشتاق لجلستك وسوالفك وهمساتك وشوقك وحنينك خليه يأتي لكي بلهفة مشتاق لآخر لحظات قضاها معاك بسعادة ووناسه خليك فرفوشه معاه أمزحي وسولفي عن أحلامك وعن طفولتك وأيام دراستك وأذكري له الأشياء الطريفه عنك والنكت المضحكه وسحبيه معاك بالسوالف عن حياته وطفولته ومواقفه في أيام عزوبيته ودراسته وأيام مراهقته وأثني عليه في أي موقف يستحق الثناء فيه أمدحيه وغرقيه بكلام المدح والحب وأسأليه وناقشيه بالأشياء إللي يحبها وشاركيه أحلامه وتفكيره بالمستقبل وشجعيه بلكلمات الحلوه وأبعدي عن النكد والمشاكل وبإذن الله بعدها بتلاحظين عليه التغيرخليك بغرفة النوم زوجته التي يسكن إليها وعاشقته وحبيبته التي تغدق عليه الحب والرومنسيه وبالمطبخ خادمته التي تعد له ما يحبه ومايرغب بأكله من يدك من طعام يحبه ويعجبه وأكل يستلذ بطعمه وخليك بالمجلس صديقه الذي لايستغني عنه ويشاركه أفكاره وأسراره وهمومه وأحزانه ويأنس بالجلوس معه ويأخذ مشورته في أي شئ يريد إتخاذه وإبتعدي عن الإنتقاد اللاذع له في تصرفاته لأن هناك بعض الأزواج لايقبل النقد من زوجته أبد ويعتبره إنتقاصا من رجولته وكرامته فإنتبهي خليك هادئه جدافي جميع نقاشاتك معه وإذا علا صوته ألتزمي الصمت إذا لم ينفع معاه لين القول وأنت الآن عندك بنت حفظها الله لك ورعاها من كل مكروه وأقر بها عينك أشغلي نفسك فيها لاعبيها دليلها أعطيها حبك وحنانك فبإذن الله بعدهاماراح تحسي بالوقت معاها أبد سوى تأخر زوجك أوتقدم بجيته لبيتك وبالنسبه لأهله أحسن شئ إنك تكسبيهم وتنالين حبهم وإعجابهم بتصرفاتك وتقديرك لهم ولو أحتجتي لهم بتلاقينهم جنبك وفي صفك بس أنت تقربي لهم بالهدايا والكلمة الطيبه وتقديم خدماتك للي تشوفينه منهم مريض أوكبير سن كأمه وأبوه وضبطي لهم في يوم من الأيام الوجبة إللي يحبونها وتعاملي معاهم كأنهم والديك وعلمي بنتك من الآن وخليها كل ماراحت لجدها وجدتها تبوسهم على راسهم دائم عوديها منذ الصغرعلى حب وإحترام جدانها وأعمامها خليهم يحبوها ويتعلقوا فيها لأن لوبغيت مفاتيح قلوب الكبار بتلقاها مع العيال الصغارحتى لوكانت صغيره علميها عندك بالبيت وأول ماتجين عند أهل زوجك خليها تبوس جدانها أكيد بينبسطوا منها وبيحبوها ويحبوا أمها بعد الله يحفظها لك إن شاء الله إنك أستفدتي بإذن الله وترى دايما في التعدد لابد من أن هناك إحدى الزوجتين ستدفغ ضرائب التعدد سوى أولى أم ثانية فهاذي سنة الحياة والتضحية لابد منها في سبيل بناء أسرة متماسكه وناجحه لتربية وتنشئة أبناء صالحين وناجحين في حياتهم إن شاء الله ربنا يرزقك إخوان وأخوات لبنتك وتربينهم أحسن تربيه ويعوضك فيهم خير عن ماوجدتيه من تعب وعناء في سبيل إنجاج مسيرة سفينة حياتك والإرساء بها إلى بر الأمان اسأل الله أن يسعدك ويصلح حالك مع زوجك وأهل زوجك يارب إن شاء الله تعالى تتيسر أمور حياتك كلها . وأستأذنك ياأم ساره معانا وحده هنا لقيناها بموضوعك مضيعينها من فترة ماسمعنا أخبارها معليش بناخذ من موضوعك شوي أولا الإسم /صابرة بدنيتي العنوان/منتدى الأسره والمجتمع الحي /قسم المتزوجين الموضوع / ياصابرة لك وحشه التفاصيل إيه لك وحشه فقدناك ومافقدناإلا غالي على قلوبنا وينك أنت حنا موجودين هنا مرابطين لاكن أنت وينك فيه مانشوف مشاركاتك وردودك نشوف معرفك مع البنات لاكن مانشوف مشاركاتك خير إن شاء الله عساه خيريارب أمورك زانت ورجعتي لزوجك وشكلك مشغوله مع أبو الشباب ومحتفله معاه برجعتك ونسيتينا وترى شيخة البنات تسأل عنك وعندها موضوع بقسم الإجتماعيه هنا بالمنتدى وترانا مانفقد إلا أحبابنا أنت وسوسنا أخباركم أنقطعت علينا فجأه يارب عساه خير لكم في حياتكم سبب غيبتكم عنا كيف حالك وعلومك والله إن موضوعك الأخير إللي نزلتيه جيت وكان باقي مفتوح وكتبت لك رد طويل جدا بس للأسف جيت أنزل ردي لقيته أغلق بطلب منك عموما أهم شئ الحمدالله أنت بخير وصحه وعافيه وشفت ردك الحين وأنبسطت وتطمنت عليك ثاني مره لاتعيدينها وطمنينا عليك حبيبتي الغاليه . |
ياهلايامرحباااااااااااااااااااااااااا بصبوره (( صابره بدنيتي)) والله اني فرحة من شفت ردج وينج وين الغيبه ..... والله مشتاقينلج يالغاليه اقلها طمنينا عليج....عساج بخير ان شاء الله والله ياصابره اني احبج في الله و احلفج بالله انج تطمنيناعليج تراج عزيزه واخبارج تهمناااا
وشكرا على ردج الجميل ونصائحج الاجمل والله يساعدني ادعولي |
اخي الكريم البليغ الله يجزاك عني كل خير والله ان كلامك يشرح الصدر ويرفع الهمه ونصائحك رائعه تلامس واقعي الذي اعيشه ان شاء الله اني بحاول امشي على كلامك والله كريم شكرااااااا لك ودمت لناااااااااااااا سالم
|
القلب الحنون>> (( بنت الحكمي)) الله يجزاج عني كل خير الصراحه كلامك رائع ونصائحك ارووع.بس ياختي انا بطبيعتي مواجتماعيه ومزاجيه حاولت اغير من نفسي يعني اجلس مع اهله وخواته ماقدرت احب اجلس بروحي اكل مع زوجي او بروحي حاولت اندمج معاهم بس ماقدرت وهذي مسببتلي مشكله كبيره مع زوجي واهله اما غير هذا انا مومقصره بشئ وبشهادة زوجي والحمدالله عموما شكرا على على ردج والله يجعله في ميزان حسناتج
|
بعد عمري ياكويتية وانا بعد احبك واموووت فيك
الله يسهل امرك ياحبيبتي ويوفقك انا مامداني اشوف موضوعك الا وجيت ارد ركض الله يسعدك ياكويتية يوفقك ويحفظ لك سارة بعد عمررررررررررري وتاج راسي بنت الحكمي والله وحشتوني كثير وماحبيت افنح موضوع اخر دوشكم فيه انا للحين ماسافرت لزوجي بسافر يوم الربوع ان شاء الله القادم والله كنت مشغولة احضر نفسي واغراضي بس انتم بالقلب وحشتني شيخة البنات فديتها قعدت ادور بقسم المتزوجين مالقيت لها موضوع الحين بروح اشارك بموضوعها ياحبي لكم وحشتوني كثير والله واسفة على انقطاعي بس والله اني افكر فيكم وماتفارقون قلبي وعقلي لنا لقاء هناك يابعدهم |
اقتباس:
|
اختي الكريمة كويتية
مساء الورد تبين الحل وبدون مجاملات اجلسي مع زوجك واشرحي له الوضع كامل واطلبي منه العدل في المعاملة وحاولي تعرضين نفسك على طبيب نفسي قبل ما يتور الوضع وتعاملي دائما مع الامور بكل بساطة وعقل مهما كان حسسي نفسك انك انتي الافضل |
اقتباس:
|
الله يكون بعونك كويتيه
عليكي بالصبر وبالصبر والدعاء ربك ما يخيب رجاء عبده |
اقتباس:
|
اقتباس:
أسأل الله رب العرش العظيم ان يعينك ويسعدك ويسخر زوجك لك اكثري الاستغفار حبيبتي وانا ما راح انساك من الدعاء |
اقتباس:
|
العزيزة كويتية ... موضوعك لفت انتباهي كثيرا لأنني أعاني من نفس المشكلة ... العصبية، خاصة عندما أجد ما يزعجني ويستفزني وعندما يكون زوجي غير قادر على تفهمي واحتوائي بل لا يريد ذلك أيضا ويكثر من استفزازي، ولهذا السبب أنا وهو الآن منفصلين منذ سنة تقريبا. في هذه السنة ... تعلمت الكثيييييير ... وأريد أن أفيدك أختي العزيزة من تجربتي المريرة لأنني كنت بالفعل أحبه وحتى اليوم أشتاق إليه. تعلمت كيف أكظم غيظي وأسيطر على غضبي وأجعل الحلم والصبر والهدوء سلاحي. أكثرت من قراءة القرآن، والدعاء، والاستغفار، وقيام الليل وذكر الله. وأكبر خطأ وقعتي فيه هو إكثارك من طلب الطلاق، فقد يتجاهله زوجك في البداية، ولكنه قد يبدأ بعدها باعتبار طلبك هذا وتطليقك - لا سمح الله. على العموم، أكثر من هذه الأدعية: "اللهم اهدني وسددني، اللهم إني أسألك الهدى والسداد" "اللهم ثبتني واجعلني هاديا مهديا" "اللهم آتني الحكمة التي من أوتيتها فقد أوتي خيرا كثيرا" "اللهم آتنا من لدنك رحمة وهيئ لنا من أمرنا رشدا" "اللهم إني أسألك الحكمة وفصل الخطاب" "اللهم إني أسألك الحكمة والفطنة واليقين والثبات في القول والفعل" وفقك الله لما فيه الخير |
اقتباس:
الله يجزاج خير اختي الكريمه وشكررررررررا على النصائح القيمه وعوضك الله خيراااااا |
| الساعة الآن 09:17 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©