عروسه وعندي مشكلة!!!
 

السلام عليكم وحمة الله جميعا

هذا أول موضوع لي بالقسم هذا...........من زمان عن المنتدى والمواضيع

طيب ندخل بالموضوع أبشركم تزوجت ولله الحمد كان ودي أبشركم بس فترة خطوبتي كانت قصيره وكنت فيها نفسيه وخايفه من مستقبلي:25: والوسواس لاعب فيني:(

الحمدلله زوجي في صفات كثيره كويسه وأعجبتني لكن بداية الزواج انصدمت وتأثرت قالي بيوم كنا جالسي نتكلم مع بعض قالي انتي ياجمال الروح عمرك كبير على العلم ان عمري بمنتصف العشرينات وقتها تحطم حسيت نفسي عانس وهو متفضل علي يوم اخذني وجاني صياح وكابه طبعا من دون علمه وراحت السالفه وبعد فتره عادها علي مره ثانيه بس بطريقه ثااانيه قسم بالله تحطمت حسيت اني كبيره و و و والله لو كنت عارفه ان هذي نظرته عني مااخذته بس قدري

طيب وش رايكم وش اتصرف على العلم اني ذاك اليوم انفجرت عليه وزعلت وهو ييقول مايستاهل كل هذا:(:(

صدقوني قسم بالله ماقلت لاحد من صديقاتي ولا اهلي كاتمه واتالم من داخلي انصحوني وارشدوني الله يسهل اموركم ويوفقكم

أحب زووجي شفتي كيف صرت مدام ؟؟؟ عارفه والله العظيم اني مقصره المفروض بشرتكم بس مادري كيف الى اخر لحظه وانا مو مصدقه اني انا العروسه!!!

غصب عني يقهرني ماحب التفكير هذا طيب هو ليه اخذني كان دور على وحده ثانيه هو عمره28

وانا مادري وش فيني فيني حسااااااااااااااااااااااااااااااااسيه مو طبيعيه بس دموع على طول ساعات احسه ثقيل دم بعدين اقول حرام واتراجع وساعات اشك انه بخيل وهي كلها اوهام بس العمر شي ثاني من جد قهرني الله يسامحه انتي لو مكاني وش راح يكون موقفك؟؟؟؟؟

رسيل ياقلب قلبي انتي امييين يااارب ..........بس خلاص صااارت نقطة ضعف لاني انفعلت بالمره وقتها بس هو يقول عادي ليش زعلانه مايستاهل!!!!!!!والفرق تقريبا3 سنوات

ألف مبروك ياجمال الروح الله يسعدك ويسخر لك زوجك
خليك واثقة من نفسك
هم الأزواج كذا عشان ماتشوفين حالك عليه
قوليله :ماحد غصبك ...أو انت اللي جيت ....ما ركضت وراك ...وممكن تنزلين دمعتين وتقولين له اللي بخاطرك
انا قالها زوجي لي بعد الزواج بأربع سنين وكان عندي ولد.. ماكنت اعرف أرد عليه.. ومرة سافر لأهله وجاء ماهو طايق نفسه:انت كبيرة وأمك كبيرة أكبر من امي (شفت التخلف) أمي الله يرحمها بعمر أخوه الكبير
قلت : طيب ياحبيبي أنت صغير وأنا كبيرة في كل شيئ....سكت ماعاد قالهاإلى يومك هذا
ومرة بنت أخوه قالت لي قدام الحريم:عمي صغير عمي جنتل مان قلت لها :قولي آمين الله يرزقك بزوج زي عمك
قالت لا لا لا تدعين عليه.. وشكرت ربي أن رزقها زوج فيه جمال ماهو طبيعي وأصغر منها وإن شاء الله تشوف منه زي ما شفت من أهلها ... زوجي أكبر مني بخمس سنوات

عادي ياشيخة.. إذا قالك انت كبيرة..

ردي عليه بس أنا أصغر منك.. تروح تجي أنا أصغر منك.. تنام تقوم أنا أصغر منك..

بحالة وحدة راح أكون أكبر منك.. إذا انت مت بعمر معين ..وانا عشت بعدك وتعديت العمر اللي انت وقفت عنده راح اصير أكبر منك..هههههههههههههه

قولي له اللي بعمري مايفكرون بالزواج احس اني توني على الزواج استعجلت .
ولاتبينين انك متضايقة من هالموضوع

مبروووووووووووووووك الزواج

والله يهنيكي ويسعدك
ويرضا عليكي
قبل الزواج كان يعرف اديش عمرك

عليكم السلام والرحمه،،

جمال عادي وانا خيتك المره ببداية العرس تنزل عليها حساسية الدنيا كل ابوها فمشي الموضوع واذا حيل منرفزك بيني له انك تضايقتي من هالشي بطريقه تخلينه يستحي من روحه و لا تحبطين روحك يالغلا ولا يجي على بااالك ومشي مشي :) .

صح الف مبرروك والله يوفقكم ويهنيكم ويسخر قلوبكم لبعض .

طالبة الخيراحلاهم واتحداهم
شيخة البنات ماريا
ترف المدمر
المتفائلة

أشكركم جميعا من اعمااااق قلبي باسمائكم وبالوانكم والله العظيم هونتوها علي حسيت ان الدنيا اكبر من كذا واعجبتني اقتراحاتكم وارواحكم الرياضيه............الله يوفقكم ياااارب ويفتحها بوجيهكم وكل واحد منكم يحقق له امانيه ويبعد عنه المشاكل كبيرها وصغيرها

سعيده فيكم يااحلى اخوات:)

عادي يا اختي كل فتره لازم يسمعني زوجي هالموشح

مع اني اصغر منه ب 14 سنه وانا الان صرت 32 سنه

بس باخدها بروح رياضيه و بحكيله دايما انه اللي في عمري لسه ما تزوجوا

او بحكيله ماشاء الله عنك يا ابو عشرين سنه

السلام عليكم ورحمة الله وبركااته
ألف مبروك الزوااج وبارك الله لكم وبارك عليكما وجمع بينكما بخير .
ترى ياحبيبتي الرجال بس يدور شي ينرفز ويحرق القلب عشاان يردده كل شوي , عشاان كذا لاتعطيني موضوع العمر أهتمام خلي الموضوع مزح , ومع الأياام بتكون مجرد ذكريات حلوة في حياتكم .
طيب أنا كنت مثلك أول زواجي كان الله يصلحه زوجي يقول أنتي أكبر مني , وهو عاارف أنه أكبر مني , وأجلس أقول لا والله انت أكبر , بعدين صرت أتجااهل وصاارت كلمات قديمة في دفتر ذكريات زواجي .
وصاار الآن ماسك موال جديد بس أنا أعرف أنه مزح.

نعم هذا الأمر ربما يسبب حساسية للنساء لكن لا عليك يا أختاه فأنا رجل وأظن أنه يحاول استفزازك وقد سمعت بمثل هذه القصص من قبل...
إن قال لك ذلك فازرعي ابتسامة على شفتيك وقولي له: ما أزال أنا أصغر منك سناً أو قولي له نعم أنا عمري كبير لأن عقلي كبير...ثم أضيفي على الجملة السابقة أو ما قبلها لكن سأظل أحبك وأحترمك يا سيدي...
صدقيني سيحرج من قولك

عزيزتي ..

لا تجعلي من عمركِ مشكلة .. ولا تغضبي لأن غضبكِ يعني أنكِ بالفعل تشعرين أنكِ كبيرة.

ومع احترامي لمقترحات الأخوات .. ولكنني أرى أن الرد والجدال على شاكلة (انت مفكر نفسك صغير؟) ربما يأخذكما لما هو أبعد فتسمعين ما هو أقسى ـ حتى لو من باب المزح .. مثلاً بعض الرجال هنا يا عزيزتي يرى أن المرأة لها صلاحية معينة .. وتخيلت أن يثقل زوجكِ مزحه معكِ ويصل لهذا الحد إن توسع كلامكما وجدالكما حول مسألة العمر.


رأيي أن تتجاهلي تماماً حديثه عن العمر .. وإن كنتِ مشغولة في شيء ما مثلاً وهو يتحدث فانهمكي فيما تعملين بحيث يبدو أنكِ لم تسمعي ما قاله .. وبعد أن تنتهي تحدثي معه في أمر مغاير كأن تطلبي منه طلباً أو تخبريه بخبر ما أو أي شيء يصرف ذهنه عن حكاية العمر التي يرغب في أن يلعب بأعصابكِ بها .. المهم أن تتحدثي ببراءة ولطف كإثبات أنكِ بالفعل لم تسمعي منه شيئاً.

أما إن كنتما جالسين معاً جلسة سوالف مثلاً (يعني ما في مفر بتسمعينه بتسمعينه ;)) وقال لكِ والله يا روح انتي عمرج كبير .. فقولي بهدوء وبدون أي ضيق أو عصبية وكأنه يتحدث عن شخص آخر: انت شايف جذي؟ .. فإن قال: نعم .. قولي: طيب ..... وغيري الموضوع على طول .. واحرصي على الاحتفاظ بهدوئكِ بعد ذلك.

الخلاصة .. ردي برد ينهي الموضوع ولا يسمح بأي استرسال.

هلابك أختي 00 ومبروك الزواج 00
عااادي خلي عنك الحساسيه الزايده 00 لأن مشوارك أن شاء الله طويل وبتشوفين عجب العجاب
في الحياه الزوجيه :d
وأذا قال مره ثانيه 00 ردي وقولي صدق تو أدري ياقلبي ماتنبهت 00 وخليها ببتسامه وفي نفس الوقت مزح00
موفقه عزيزتي00

رد جميل جدا .. كتبت واختصرت عني ..

اهم شي ان لاتبيني تضايقك من هذا الأمر تماما ...

هو فقط يريد ان يرى وجهه نظرك بأسلوب غير مباشر << ألكع منك صار ..:d

او رد آخر : قولي ميخالف اهم شي اني صغنونه بشكلي مايهمني العمر ..

مو زيك ..:)

واقلبيها عليها ..

موفقه ولاتكونين حساسه بزياده عيشي حيــاتك بتفائل وانبساط الجاي أكثر من كذا فلا تحطيه أمر كبير وبالنهايه ماراح يتغير شي ..

.
.