|
""سؤال للنقاش -كم يجلس معك زوجك كل يوم""
السلام عليكم ورحمة الله وبركاته /
سؤال للنقاش / كم يجلس معك زوجك كل يوم بقصد السوالف ودردشه؟؟ و كم تتمنين ان يجلس معك زوجك كل يوم بقصد السوالف ودردشه ؟ |
5 سااعات متفرقه او 4 ساااعات
الله يديم علينا السعاده ياارب |
في اغلب الاحيان ساعتان بدون ساعات النوم
وفي بعض الاحيان يكون في اجازة يجلس معي تقريبا اليوم بطوله |
اقتباس:
|
على حسب الظروف
احيانا من بعد صلاة العشاء الى حين النوم واحيانا اقل ولكن ياليت الوقت لنا وللنقاش دائما مشغول بالتلفاز او النت ويكون كلامنا في اغلب الاوقات محدود وهذة الايام احس بالملل الشديد خصوصا وان الليل طويل والسوالف قليييييييييله احس حياتي روتين يومي ممل |
وليه السؤال أخي ؟ حتى تقارن وتجيب قرينة ودليل لزوجتك أنك مكفي وموفي وقايم بكل واجباتها ؟ :)
الأمر يختلف بين بيت وبيت وبين ظروف كل زوجين .... على حسب اذا عندهم أطفال أو لأ ...اذا مغتربين أو لأ ...اذا حاليا عندهم مشاكل تحتاج نقاش أو لأ .... اذا الوضع بينهم متأزم ومحتاجين تقوية علاقتهم وللا لأ . |
بصراحه ما احسب الاوقات لكن تقريبا يوميا يجلس معاي من ساعة إلى ساعتين لانه نظام شغله ما يساعد .. والمدة تطول في الاجازة فيجلس معي طول اليوم .. سواء في البيت او خارج البيت .. يعطيك العافيه اخوي .. والله يسعدك ويوفقك |
قبل كم يوم كان هذا نقاشنا انا وزوجي
هو حبيب وطيب لكن وقته مايعطيني منه الا ربع ساعه او اقل في اليوم وجلوسه اغلبه مع اهله او في دوامه ما اقول الا الله يسهلها وييسرها |
اقتباس:
(لا مجال للمقارنات في الحياة الزوجية. ولا بالحياة كلها. كل انسان وله ما يناسبه حسب احتياجاته وظروفه وتفاهمه مع الطرف الاخر) ويفترض يا اخي ان توجه هذا السؤال الى زوجتك.. كم يكفيكٍ من الساعات لاكون متفرغا لك باليوم؟ وكيف نقضيها؟ |
يا اخي انا اتمنى ان تكون اكثر من ساعتين ولكن زوجي له دوامان بالليل والنهار
|
اذا تزوج علي ماابي اشوف وجهه
|
8
8 ههههههههههههـ يسعدك ربي وأنا أقول شو دخّل التعدد بعدين أنتبهت لإسم صاحب الموضوع :: بما إني مو متزوجهـ .. ماأدري بس مثلها إذا بيتزوج ماأبغى أشوفهـ خخخ |
وعليكم السلام
بالنسبه لسؤالك .. انا اقول ع حسب طبعاً اذا ببدايه الزواج حيكونوا اكثر وقتهم مع بعض وكمانا ازا كانوا بيحبوو بعض << مابيفارقو بعض فيما بعد كلا منهم سيكون له مشاغله وستواجدوون امام بعض لسااعات :25: الله يعين كل معدد :29: :14: |
من اربع الى خمس ساعات في اليوم
|
المهم النقاش في الامور المهمه والهادفه وما يكون جالس معاك كل اليوم مشغول بشي تاني وتقضوها نكد
|
اشكر الجميع على التفاعل ،
الزوجه لو سألها زوجها كم من الوقت يكفي للجلوس معك لقالت ما يكفينى اليوم كله . والظاهر ان اغلب الازواج لايجلس مع زوجته اكثر من ساعتين يوميا ،واعتقد انها كافيه . |
اقتباس:
لكن المهم ان لا تجعل قلة جلوسه معها سبب للنكد اليومي ! البارحة جلس معي زوجي مدة عشر دقائق (بقصد الدردشة) و قبلها اعتقد 20 دقيقة نادراً جداً توصل لساعتين و برأيي الشخصي : الجلوس القليل للزوج مع زوجته بسبب انشغاله بعمله أمر محمود ، يدل على نجاح الزوج أي : انشغاله بأمور دينه و عمله و المنزل لا غبار عليها ! أما إن كان انشغاله عن زوجته بسبب مثلاً أصدقاء السوء أو الدردشة مع نساء بالحرام او لأنه تارك زوجته و جالس ببيت أهله طوال النهار فمن حق الزوجة ان تعترض ! و تنصحه و تذكره بحقوقها ! كل شي زاد عن حده انقلب ضده المفروض الزوج يجلس مع زوجته بحسب قدرته و حاجتها! مافي وقت محدد يمكن ان ينطبق على كل البيوت و مهم ان يشعرها ان حديثها ممتع و يسمع لها بدون شرود او مقاطعة |
24 ساعه مع بعض
ويا ريت يعدد تأرتاح شويه واشوفو 12 ساعه اذا تزوجه واحده واذا اخذ اثنان غيري بينزلو لل8 ساعات يا سلام واذا تزوج الرابعه بيطلع لي ست ساعات رضى ونعمه من رب العالمين بس بتعرفو انو ولو تزوج ثلاثه غيري رح افضل اشوفو 24 ساعه لانو على حد قولو ما يقدر يستغني عني اصلا ما رح يستحملو احد غيري بس هو يوافق لاخطب له عروس من عمره |
.
. تقريبا من 5 إلأى 4 ســاعات هذي بجلسه للسوالف .. لكن جلسته بالبيت تكون أكثر طبعــا ... . . |
هو اكيد شيء مستحيل بس راح اقول يوم كله من غير طلوع لبرا
|
ماشاء الله عليكم
اجابات مثيره للدهشه لكن لماذا لم تشمل الرجال بسؤالك عمومآآ لو كان السؤال يشملني لقلت انه يعتمد على المزاج الشخصي فلا يعقل ان اكون بنفس الوضع يوميآ يوم حزين ويوم كئيب ويوم سعيد ويوم عادي وعلى حسب هذه لاايام تحدد السااعات سوائن للدردشة او للسوالف واجمل تحيه |
كم يقعد معاك زوجك يوميا ؟؟
بعد ما يرجع من شغله .. ما يطلع ابببببببدددددا مرات يرجع 5 العصر و مرة 6 المغرب حسب (يعني يقعد معاي لغاية وقت النوم ..4 او 5 ساعات) و مرات يكون مناوب فا ما اشوفه 24 ساعة و مرات يكون نازل من مناوبة .. يقضي معانا ال 24 ساعة كلها اللهم لك الحمد اما كم اتمنى يقعد معاي .. فا اكيييد اتمناه جنبي على طول |
ابي بس خمس ساعات من يومه بس للاسف يستكثرها علي زوجي ويفضل يعطيني ساعه او ساعتين
|
اقتباس:
والله من زمان ماضحكت انا زوجته لوحده وما اشوفه غير نص ساعه باليوم |
من ساعة الى ساعتين كانة مطول اغلبها صمت اوصراخ على بنتة
|
تم دمج الموضوعين لأنهما يناقشان الإطار نفسه
|
السلام عليكم للاسف انا نص ساعه ومرات اقل ماحيب يقد كثير معى ع قولته هو مو مربوط فينى عندى بنوته كبرت وصارت تفهم تقول بابا ما يقعد معنا يا نايم يا مداوم يا ع النت الله يهديه انا تعبت من ها موضوع وكثير مرات احاول اخليه يقعدبس دايم مشغول بامور تافهمه انا راضيه لو ساعتين الى 3 نعمه والله بس الله كريم
|
احيان 5 ساعات
واحيان ساعتين واحيان نص ساعه وعياله يجلسون احيااان ايام مايشوفونه لانه يتهرب منهم يقول الرجل لازم يكون داخل البيت مرتاح كانه في فندق انا اقول ياما يجلس معنا وهو مروق ساعات كافيه يعطينا فيها حقنا من حنان ومشاركه عيالي مذاكره لعب او يوديهم للحديقه يلعبون مع بعض انا اقول اذا كبرت واحتجت عيالك حولك لا تزعل اذا خلوك لانك تهربت منهم وهم صغار ماراح تلقاهم وهم كبار انا اتمنى ست ساعات يكون قريب مني بدون جوال او نت او فضائيات |
اقتباس:
الحمد لله انني استطعت ان ارسم الضحكه على وجهك حبيبتي |
اقتباس:
|
وقت كان يعطيني ساعتان كل يوم واقل
كنت من اسعد البشر ولم تكن هناك زوجه سعيده مثلي وكنت اميرته وملكته وكل شيء في حياته ولكن وقت اصبح كل ال24 ساعه اصبح الزل والهوان ووووووووو ولو دقايق بسعاده وحب ونظره وهمسه بالدنيا وما فيها |
بس أكيد الرجل يحب يجلس مع زوجته أطول فترة ممكنة إذا كانت الزوجة رايقة وسوالفها زينه ومرحة أما إذا كانت نكدية وكل جلسة تقعد تتذمر وتقارن وتنتقد ... أظن إن دقيقة وحدة يجلسها معاها كأنها سنة
|
بالنسبه لي كزوج ....الحياه اولويات مرتبه والعمل اولها طبعا وثانيها اني اعطي واخصص جزء لبيتي عموما سواء كان السوالف مع زوجتي او اللعب مع اطفالي او حتي قضاء حوائج ومستلزمات الاسرة ككل....ولكن احيان تتغير النفسيات وتصبح مسالة اعطائك الوقت لهم صعبه...غير كذا اتوقع بل اجزم ان لكل مرأه حدسها وذكائها وطريقتها في كيفية محببة الزوج لسوالفها ولجلستها وتغنيه عن طلعات الاستتراحات ومقابل اخوياه طول الليل!!! >>>> بالنسببه للزوجات ماسألتو انفسكم ليش ازواجكم اذا طلعو من البيت مع اخوياهم تحسون انهم يفضفضون ويضحكون وينبسطون واذا رجعتو البيت التزمو الصمت وكتمو الضحكات وبدلوها بمنافخ وصراخ ؟؟؟
|
مرحبا
انا بلنسبه لي من يرجع من الدوام مايطلع ابد طول اليوم معاي يطلع بس اذا في شي ضروري او مشوار مهم او مناسبه ويحاول ان مايتأخر الحمدلله ربي لا يغير علينا |
تصدقو حسبت لقيتها اقل من نصف ساعة و يوم الاجازة ممكن ساعتين
|
أنا يروح الدوام الفجر ويجي بعد صلاة الظهر بعدها ماعاد يطلع إلا للمسجد يصلي ويرجع للبيت لا وبعد يستأذن من العمل الصباح ويجي نفطر في البيت ويجلس حتى قبل الظهر بساعه ويروح العمل ولمايخلص دوامه يروح للبيت من أول كان عنده شغل أعمال حره من بعد العصر حتى الساعه عشر باليل تركه طفش وترك الشغل الحر قال هاذا العمل أخذني منكم خلاص ماني بحاجته وبصراحه لوكان ماتركه من حاله كان أنا رايحه أطلب منه لأني طقيت ماعاد لقيته وهو كمان مستمع زين لسوالف ويحب الجلسات ومعتمد عليه في الأخبار سوى عائليه أو سياسيه أوكوارث عالميه أو محليه مقروءه أو مسموعه دائما ياخذها من عندي وكمان هو لوعنده علوم وسوالف يقولها لي ونناقشها مع بعض حتى لوكانت سالفة قطعة غيار لسياره نتناقش بسعرها وصنعها وطريقة تركيبها
وتكلفتها والحمدالله الله لايغير علينا مستلزمات البيت وقت مايروح يصلي يجيبها معاه وأحيانا نروح مع بعض نشتريها سوى وزوجي عنده زملاء وعندهم إستراحات وجلسات بس أنا زوجي الحمدالله والشكر لله مايعترف بزمالتهم إلا في نطاق العمل وبس خارج العمل أنا صديقته وزوجته والمستشاره حقته والحمدالله يارب لك الحمدوالشكر اللهم إنك بما أنعمت عليه إني إليك عبدا فقير ونصيحه للمتزوجات على قد ماتعطي بتاخذ إذا بغيتي زوجك يلزق جنبك إبعدي عن التذمر والتشكي والصراخ والسخريه والطلبات والأوامر والكلام في الناس وبالذات أهله ولاتلتهين عنه وهو جالس معك لا بعيالك ولاجوالك ولاهاتف البيت ولاجريده ولا تلفزيون وحتى إن وردك إتصال كنسليه أو خلي إبنك أو بنتك ترد أمي مشغوله وبعدين تكلمكم حتى زوجك يحس بإهتمامك فيه وإنك تركتي كل شئ من أجله هو وعلشان راحته الأشياء إللي قلتها كلها لاتسوينهافي وجوده سويها وقت طلوعه من البيت أو وقت ذهابه لدوامه وأخر شئ ثلاث كلمات تجنبيها في كل حياتك الزوجيه . الأولى أتركي الحن الثانيه أتركي الزن الثالثه أتركي المن والرابعه تسلمون ودمتم بخير وسعاده مع زوجاتكم وأزواجكم . |
اعتقد ان اكثر من ساعتين ماله داعي..
(تعرفون الحريم ما ينعطون وجه ومن زين السواليف قالت فلانه وسوت فلانه وكله حش) |
استغربت من بعض الإجابات
كما أرى وأشاهد من حولي واسمع من شكاوي النساء أن أغلب الرجال لا يجلسون مع زوجاتهم إلا نادراً خصوصاً أصحاب الاستراحات هذه التي أشغلت الأب عن أبنائه وأشغلت الزوج عن زوجته ويزيد من ذلك إن كان من أهل الرياضة ومتابعة المباريات فلا تسأل عن غيابه عن زوجته.. والساعات التي يقضيها مع زوجته منها ما هو واجب محتم , ومنها ما هو مستحب.. ومنها ما هو من قبيل الحاجة ومنها ما هو ضياع للوقت . أما الواجب فهو ما لا بد منه كالاستماع إلى مشاكلها وهمومها ومحاورتها في ذلك . أما المستحب فهو الدردشة معها وتبادل أطراف الأحاديث المباحة وإضفاء السرور عليهما واللعب المباح. أما ما هو من قبيل الحاجة فهو مثل الجلوس لتناول الطعام , وهذا ليس من فضل الرجل عليها. أما ما هو من ضياع الوقت فهو ترك المشاغل والمصالح وتضييع الوقت بلا فائدة ولا قراءة ولا اطلاع ولا تحصيل منفعة , فقط جلوس معها وسواليف زائدة عن قدر الحاجة , وحتى لا يفهمني أحد بغير مقصودي اقرأوا القسم المستحب. وبالمناسبة هناك اختلاف بين الرجل البيتوتي وبين الرجل غير البيتوتي فالبيتوتي مهما كان في البيت فالمرأة تريده أن يجلس معها وتكون الجلسة خاصة بها ومن أجلها. أما غير البيتوتي فإن كانت تحبه أو تشعر بتقصيره معها فهي تريده أن يكون في البيت فقط وفق الله الجميع |
على حسب لكن لا يهمني كثرها وقلها كثر ما يهمني راحتها وتعستها
|
اقتباس:
|
| الساعة الآن 03:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©