|
تاخر النطق عند الاطفال
السلام عليكم و رحمه الله و بركاته
ابني الصغير صار عمره سنتين و شهرين للان ما يتكلم ا لا اشياء بسيطه متل ماما و بابا و مي و بعض الكلمات البسيطه بس يفهم علي معظم الاشياء اللي اقولها الصراحة انا كتير قلقانه لانه اخوانه و همه بعمره كانوا يحكوا كل شي وسالت دكتوره بالاول كانوا يحكوا علشان في كذا لغه في البيت وعلشان هيك صارت اخصاءيين التخاطب يجوا لعندنا 3 مرات في الاسبوع بس ما بشوفهم غير بيلعبوا معه صحيح انه حكى كلمه او 2 معاهم بس ما بيعيدها و اذا سالتهم ليش مش عم يحكي ما بتجاوب بشكل صريح حكتلي انه اخد موعد مع اخصائي اعصاب بس الموعد لاخر شهر 1 هو الحمد لله ما عنده اي مشاكل ابدا حتى من ناحيه الذكاء ما شاء الله ذكي بس والله الصراحه عقلي بيودي و بيجيب خايفه الله يسعدكم اللي عندها اي معلومة او حصل معاها نفس الشيء تطمني |
اختي 00
يطلع لسانه برا فمه ؟ |
و لله يا اختي حاولت اعلمه على حسب ما علمتني الاخصائيه لكنه مو راضي
هو الله يهديه عنيد كتير بس بلاحظ انه يا حرام عم بيحاول يحكي بس بشوفه بيتغلب على مل ينطق الكلمه حتى لو انها كتير سهله زي مثلا كلمه بيبي |
يا اختي ما جاوبتي على سؤالي !!!
ولحد اربع سنوات طبيعي00 لكن 00 حاولي تقرأي عليه قصه كل يوم00 يكون فيها مفردات تشد للي بعمره تحدثي معه 00 |
مشكورة حبيبتي
وبالنسبه لسؤالك لا ما عمره طلعه بره فمه |
اقتباس:
فربما تكون هناك مشكله 00راجعي الطبيب الله يشفيه |
ابني لم يتكلم الا بعد الثالثة ...
لكن ان اردتي الطمئنان خذيه الى مركز النطق والتخاطب لتشخيص الحالة من عدمها |
مشكورين جميعا
اخصائيه التخاطب بتيجي على البيت 3 مرات في الاسبوع بس بتحكي انه بده وقت وموعد الدكتور باخر الشهر |
انا ايضا ابني عنده 3 سنوات وكلامه مرة قليل كلمات بسيطة ولكن ارى انه في تحسن مشكلته خجول جدا
اذا قال كلمة وانتبه ان احد سمعه يخجل جدا انا ارى ان العملية عملية وقت لا اكثر |
لا تقلقي عزيزتي انا ابني عمره سنتين و ٣ اشهر تقريبا و كان شبه معدوم الكلام لكن صارله يجي شهر تقريبا متحسن بشكل ملحوظ الحمدلله وبدأ يعيد الكلام ويتكلم كلمات كثيره لكن بلهجه خاصه لا يفهمها الجميع و ما شالله عنه لم اشك يوما في ذكائه و لم اعتبرها مشكله فهو كما يبدو كان يخزن الكلمات في عقله و الان جاء الوقت لينطقها ..:14:
.فلا تقلقي وبعض الصبيان يتاخرون في الكلام اكثر من البنات... وكم قال احد الحكماء بما معناه انه يا ليتنا بدل ما نعلم اولادنا الكلام نعلمهم السكوت.....فلو كان الكلام من فضه فالسكوت من ذهب...لاحقين على مصائب هذا اللسان:29:........والسلام |
لا تخافي طالما انه ذكي ويفهم المصطلحات فلازال عنده الوقت لكي يتعلم
بس استمري بالكلام معه فهو الان يخزن الكلمات في مخه ومع الوقت سوف يبدأ بتكرارها اسمع ان تعسر الولاده تسبب تأخر في النطق |
عادي مرة ، إذا كان عقله سليم و االحمد لله
و سمعه كويس ، و يفهم اللي تقولوه فلا تشيلي هم أبدا ولدي بدأ يتكلم مضبوط من شهرين ، و عمره دحين 3 و نص :) |
عادي جداً ..
بنتي انطلق لسانها لما كملت ثلاث سنوات .. والحين ..يا ساتر الله يحفظها ثرثاااااااااااااااااااااااارة وبقوة كمان .. |
حتى انا ابني الان عمرة سنة ونصف ولازال لاينطق رغم اني احس انه بيفهم علينا ان شاء الله خير
|
بعد ادن صاحبت الموضوع والله يشفي ولدها يااختي رسيل وين مركز النطق والتخاطب ياليت تدلوني عليه والله مر محتاجه له عشان ولدي وجزاكم الله خير
|
جزاكن الله خير اخواتي على الردود و لو اني متاخره في الرد
لظروف خاصه فالعذر و السموحه منكم بيني و بينكم كنت قلقانه من التوحد و خايفه ليكون مع ابني بعيد الشر لكن بعد ما رحت للدكتوره طمنتني و قالت انه كل شي طبيعي بس في احتمال انه يكون في شي في السمع فبدنا نعمل الفحص المتخصص بس هون مواعيدهم طويله يعني موعد ابني لسه في شهر6 وبالنسبه للولاده ما كانت متعسره بس كان ابني عاملها بعيد عنكم جوه وميه الراس كانت على خضار لكن ما شرب شي و اختنق ابد ولله الحمدكان طبيعي جدا ما بعرف هالولد محيرني مرات بيفهم علي و مرات بيطنش و مرات لازم اشر علشان يعمل الشي المختصين اللي حولي بيحكوا انه السبب هو خليط من العناد و الدلع و لفت النظر و كمان وجود لغتين في البيت لانه اولادي اغلب كلامهم بالانجليزي و التلفزيون كمان انجليزي وانا عربي بعني لخبطه و قايمه عندي الله يعيني بالاضافه لانه هالعمر هو مرحله اثبات الشخصيه والوجود وكل شي بدهم اياه متل ما همه بدهم بس والله الصراحه كنت استنى رد الاخت ماريا لاني كنت بحس انه ابني بيشبه ابنها كتير في التصرفات ولما شفت ردها لاحدى الاخوات اتطمنت وكمان تجارب كل الاخوات اللي شاركوا في الموضوع وما قصروا تطمنت بزيادة لانه انا كل اولادي حكوا بدري كتير علشان هيك كنت قلقانه مع العلم كمان انه اخوات زوجي اولادهم ما بيحكوا الا بعد 3 سنوات و في منهم بعد 4 سنوات كمان |
معاناتك تشبه معاناتي لأنه ابني كمان كونفيوزد بين العربي وا لانكليزي و اكيد بتأخر و بتعلم ببطء اكتر من باقي الاطفال
كتبت رد مفصل عن تجربتي لإحدى الاخوات في موضوع تأخر النطق ايضاً يا ريت تشوفيه http://www.66n.com/forums/showpost.php?p=2609070&postcount=17 |
الله يسعدك اختي ماريا
وانا بلفعل قرات ردك على الاخت بس بالنسبه لابنك شو كان التشخيص لحالته و طبعا لك حريه الجواب وهل عملتيله فحص للسمع ولا لا لانه ابني احتمال انه يكون عندة مشكله بتوصيل المعلومه للدماغ فحص السمع اسمه على ما اظن ABR مش متاكده بازبط و ياريت اعرف انه انتي كيف شايفه ابنك بالنسبه لباقي الاطفال من ناحيه الكلام هل هو قادر على انه يعبر عن احتياجاته هل هو قادر انه يتواصل من ناحيه الكلام معهم و معاكم معلش اعذريني على اسئلتي الكثيره |
حاولى تشغلى اناشيد في طيور الجنة وتدمجي مع ناس يتكلمووا عندنا في الروضة كتير نفس الحالة بداية السنة من سن 3 ونص الين 4 سنوات وماشاءالله الان مع الدمج والاناشيد صاروا تمام
|
مشكورة عزيزتي بنت مكه
واذا على طيور الجنه هو بحبها كتير و بيعرف يطلع اصوات على نفس لحن النشيد مو كلام يعني اما بانسبه للاندماج يعني احنا بغربه بنطلع برة دايما و اذا قي فرصه انوا نلتقي مع صاحباتي ما بوفرها و الحين جاي الصيف بنقضي اغلب وقتنا في المنتزهات ان شاء الله انه مع المدرسه بيتحسن متوكلين على رب العالمين وان شاء الله خير |
السلام عليكم اختي انا ابني بيكمل 3 سنوات كمان كم يوم وكلامه بردو قليل بس بيفهم كل شي وبيتجاوب معي ... والحمد لله سمعه ممتاز سألت دكتورو قلي عادي طالما بيسمع وبيفهم عليكي انا اعتقد انو مشكلة ابني هيا الدلع والعناد والعصبية يعني بيحكي الكلمة واذا طلبتي منو يعيدها بيعاندك وما بيكرر بس الحمد لله ... الو كم شهر كتير متحسن... ومتل ما قالولك الاخوات... في اطفال بيضلو لسن 4 سنوات لحد ما يحكو منيح |
اقتباس:
بالنسبة لابني ، أبداً مافي أي تشخيص محدد ، مجرد تأخر طبيعي و انه في أمل طبعا بالتحسن لكن البطيء و للآن في أخصائية بتجي كل 6 اسابيع عالمدرسة بتشوفو هو و 3 اطفال تانيين نفس وضع ابني و بتعمل معي لقاء لمدة ربع ساعة بتسألني اذا تطور أو لأ و بتعطيني شوية نصائح طبعا ابني اذا بدي قارنه بباقي الاطفال بكتئب لأنه بآخر درجة يعني بشوف الاطفال التانيين بيحكوا مع اهلهم جمل و احاديث انا ابني لا يا دوب كلمة كلمتين حتى يفهمني شو بدو و بس مافي احاديث مافي سؤال و جواب يعني تقوليلو شو اسمك ؟ ما بيعرف يجاوب ولا بيعرف شو معناها بس الحمد لله على كل حال ، اعتقد المسألة مسألة وقت ان شاء الله او هيك أملي انا |
اختي ام عبدالله الله يجزيكي الخير
هو صحيح في اطفال بيتاخروا في الكلام لكن انا ما بعرف ليش قلقانه يمكن لانه كل اولادي حكوا بدري هلاء في امل انه باذن الله يتحسن بس يروح على المدرسه |
عزيزتي ماريا
مشكورة كتير كمان ابني ما في تشخيص محدد لانه كله عنده ولله الحمد طبيعي ضل بس السمع نتاكد منه مع انه الاطفال بعد الولاده ما بيطلعوا لحتى يعملوا فحص السمع وابني كان فحصه ممتاز كمان ابني ممكن احكيله مثلا روح شعل الضو بيروح على طول من غير ما ااشر بايدي على الضو ومرات لا لازم ااشر و مرات بطنش نهائي ما برد و قيسي عليها بقيه الشغلات عنجد محيرني بس الله كريم ان شاء الله يتحسنوا اولادنا لحتى احنا كمان نرتاح لانه زي ما حكيتي لما بنقيس على الاولاد اتانيين بنكتئب لكن انا بنظرلها من ناحيه انه قدرات الاطفال بتختلف في منهم بيتاخروا و منهم بكونوا متقدمين وباذن الله الامل رح يظل موجود بس بدها صبر |
اقتباس:
هيك تماما كان ابني لما كان بعمر ابنك بس كان ما بيحكي ولا كلمة ، إلا ماما وبابا و باي اهم شي ما تيأسي ان شاء الله بتشوفيه احسن و احسن مع الوقت |
تسلميلي حبيبتي انا والحمد لله مو يائسه بس مرات بزعل عليه
لانه مو عارفه هو شو ماله بالزبط و كمان مو عارفه اساعده او اعلمه بالرغم من انه في معلمات عم يجوا على البيت لكن مو شايفه هالتطور الكبير بس سالت وحده من المعلمات انه اللي متل هيك بيتحسنوا قالت عادي ما تخافي بس بدهم وقت و مع المدرسه بتحسنوا كتير ان شاء الله خير حاليا عم بعلمو على النونو(الحمام) ويارب انه يتعلم بسرعه بس انا شايفاها صعبهىنه ما بيحكي بس لازم امر عاى موضوعك واستفيد من اللي كتبتيه لانه بالفعل بحس ابنك متل ابني بالزبط الله يهديهم و يفتح على عقلهم |
هو اهم شي تنتبهي كتير وانشاء الله ما بطول وبتسمعي صوته الحلو عم يغرد
|
مشكورة اختي زينا الفرج
ولله الحمد في تحسن لكن بطيء |
| الساعة الآن 01:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©