|
علاقة ابي بزوجي ....زوجي لايعلم !فماذا افعل انصحوني !
اعيش فترة قلق وتعب
ابكي كل صباح من حياتي رغم جمال وراحة حياتي الزوجيه والله يخلي لي زوجي ولا يحرمني منه ولو زعل مني ع طول لااصبر اراضيه وابكي واتعذب لكن المهم يرضى مااحبه يزعل ابيه دوم ملاك وهو ايضا المهم الموضوع الاساسي علاقة ابوي بزوجي !!! للاسف زفت وزوجي ليس له علم !!!ابي هداه الله يجرح بزوجي ويسبه ويشتمه ويلعنه !! بسب ان ابو زوجي مثلا مزح معه مزحه ثقيله !!! وابو زوجي عمره 80 سنه وابو زوجي بسب مرضه السرطان المنتشر اصبحت نفسيته زفت يمزح مزح يجرح فزعل ابي !!!واتى ألي نا بنته المتزوجه الوحيد ويهزئء في زوجي الحبيب !!وهو لاذنب له ! فانا هنا لم اتحمل فدافعت وامي واخواتي معي ...فقام يسب زوجي ويشتمه امامي واما م طفلي وعمره 2 سنتين لم يرحم فلي ع الاقل او يحترمني قلت له انت ليه ماترد ع ابوه !! مو تجيء وتهزئء بزوجي اللي ماله أي ذنب ولم يفتح فمه بشيء اذهب وسب الشايب !!!!زوجي ماله دخل وزوجي لايعلم عن شيء .... فقال ابوي للاسف !!!! اطلعي من البيت لعد تجين هلبيت انقلعي الله يلعنك ويلعن زوجك الزفت لعنكم الله ووو.......الخ كلالالالالام بذيء اخجل اكتبه !!! تعبت لي 4 سنوات لم اكمل حتى الاربع لم ارى يوم ان ابي يقدر زوجي و يسئل عنه او يهدي له بهديه كما يفعل زوجي ! بعد طرده امي ترجتني اقعد لاني لو طلعت وزوجي علم معد ابروح لبيت اهلي وابوي بيقوي نفسه اكثر ويمكن توصل لمد اليد ع زوجي !!! ومعد ابدخل واخواتي يترجواني ويشجعوني اجلسي وماعليك فيه !!ترى انتي للان ماتعرفين ابوي والله ان امي تتحمله لدرجه الطرد وتقعد وحنا يالبنات متحملين بقوه هذا ابوي فلا توترين المشكله اكثر وين صبرك ياهمس ومن هلكلام ! تخيلوا رغم طرده لي جلست ولا همني كلامه اللي قاله ! وكان تعامله مع ولدي اللي عمره 2 سنتين سيء ومستفز لي انا بلذات فاتصل زوجي ياعمري وماهو عارف بلي صااااير ؟! فقلت لا اجل جيتك لي وخذ لاهلك وعطيته عذر فقال متى ابجيك قلت بيوم الاحد مثلا قال اف ليه قلت كذا ...خالتي بتجيء من الخرج وبكره ابزور عمي مع ابوي كملي منه واستغفر الله كذبت لاجل ابوي مايواجهه زوجي ويتكلم عليه ويطردنا لأن ابوي ناوي يسوي هالشيء اذا واجهه ويصبر متى يجيء ويفشلني انا امام زوجي ؟ وتعرفون انتوا زوجي اكيد بيعلم اهله وعمتي هداه الله بتتكلم علي وبياخذون موقف واتى دوام ابي ....واستلم والحمد لله فرتبت شنطتي وذهبت مع زوجي الغالي وزوجي لايعلم امي دائما تدعي له وتقول زوجك ماقصر والله انه كريم معنا ويواصل ويسئل ابوك الله يصلحه ترى عادته يخرب علاقته مع أي احد خارج عائلته زواج خالاتك قد فضحنا منهم وناس كثير بسب او بسب سخييييف ! فعادي انتي حاولي ان فلان (زوجك ) مايعرف ! انا تعبت يااخوان والله العظيم تعبت وان ببيت اهلي كأني مخرجه فلم هروب من بيت اهلي في ظل غياب ابي قبل رجوعه ... والسبب لاجل زوجي مايقابل ابوي ويخرب كل شيء وابوي هداه الله مايمسك لا يده ولا لسانه امي وهي امي ناويه تتركه بعد مايكبر اخوي وتقول خلاص انا تعبت منه !!!! رغم ان ابوي طيب باوقات العاديه لكن مايبي مسوليه خلوني اعيش حياتي مالكم دخل فيني عمره قرب الخمسين والله لو تشوفونه تقولوا هذا ماشاء الله عاااقل وهو تفكيره وحركاته ولد العشريييين !للاسف اني اتكلم عن ابي كذا ولا ودي لكن ابي للاسف هدم تقديري له هدم حبي له هدم الحنان اللي بيننا اصبحت حاقده عليه جدا جدا تخيلوا والله العظيم حتى ولدي الصغير مايحبه مثل ابو ابوه .هذا وهو صغير فما بالكم لو كبر ودرس واصبح يفهم هو من يذهب وبيقول لاابوه كل كل شيء ...! وش اسوي خايفه ماابي زوجي ينجرخ من اهلي لا بل من ابوي ماابيه يعرف وجهه ابوي ال 2!!! السيء بنظري ابوي للاسف مره ابي استقبل زوجي استقبال سخيفلم يخرج لااستقباله لانه اتى بوقت مباراه للهلال !!! فطلع بعدها بشوي وهو معصب وملحوظ !! وزوجي يسولف وابوي مو متفاعل فااصبحت امي ماسكه زمام الامور !! فولدي الصغير ولوحيد كان توه يمشي فكل شؤي يمسك تحفه كبيره زجاج..ابوي (يبي يقوم زوجي او يطرده بشكل غير مباشر ) فقل ابوي لااخي الكبير اللي عمره 12 سنه قال جيب سلك الملابس !قال اخوي وهو خجلان من زوجي ومصدوم من ابوي وحركته ! لا قال ابوي جيب لااجيب واحطه ع ظهرك قام اخوي وهو خائف ومنحرج وخجلان !!!وانا كلنمله اما م زوجي تخيلوا سكت زوجي وسكت وبغيت اتكلم لكن سكت ّ!!وقلت بخاطري حسبي الله ونعم الوكيل فتشوفوا ابوي يهدد ولدي وعمره سنه بذاك الوققت !!! يهدد وكانه يهدد ولد مراهق عادي عندي يهاوشه عادي كااي اب لكن يسب ويلعن لا !! المهم فااصبح ابي يناظر بلساعه كل دقيقه قصده روح يافلان مانبيك (قصده زوجي )! واصبح يحرك سلك الملابس بلقرب من زوجي كاتهديد استفزاز وكان زوجي طفل !!! زوجي يناظر فيني نظرات صدمه من ابوي ! وانا بغيت ابكي بغيت انجلط من ابوي اللي حركاته حركات اطفال !! وغير كذا كان ولدي بااحد المرات يلعب بلمجلس واخوي معه وكلهم صغار فكبوا العصير ع الطاوله ! فشالها ابوي وكان زوجي يقول عادي عادي بنمسحها يعني يهدي الاطفال من خوفهمم شوي ويطمن ابو ي فشالها ابوي ودخل المطبخ عندن وقال الله يلعن ابو هلولد !!!!!!!!!! وبصوت عالي قالها دون أي احترام لا لي ولا لزوجي ! وزوجي اكيد سمعه لكنه طنش ومشى السالفه لااجلي انا خايف ع زعلي من تصرفه وخايف من ردة فعلي فزوجي شخصيته عصبي جدا جدا ورغم ذلك عند كم هائل ماشاء الله من الصبر نظرته للامور بعيده قبل أي تصرف يتصرفه الله لايحرمني منه يارب المهم وهذا غير غيرة ابي اللي احسها من زوجي والسبب لااعلم اما حقده فانا اعلم لماذ! بسب موافقتي ع الزواج من هلزوج ورفضي للانتظار لولد عمي لخطبتي ! يريد ان اسمع كلمته بان يزوجني ولد عمي للي مافكر يدق الباب ولا يتصل وابوي له حول 20 سنه ماشافه من الاساس والسبب ازوج بنتي من العائله ولا ازوجها بوحد من خارجها وزوجي ملتزم وابوي العكس ! فهذا ماكان عاجب ابوي من البدايه وافق ابي بضغط وبكى من امي ليس لا \ وعتاب امي له كيف تمسك بنتك لشخص مافكر فيها ولا اتصلوا علينا وهو من الاساس اخلالالالاق ولد عمها زفت وانت عارف ! فزوجني وماقصر ابوي عطاني لعنه بيوم ملكتي بدل مايسلم ويقول مبروك وكل مايدق زوجي يهزئ ابوي زوجي امامي طبععا وزوجي لايعلم للان فااخذت مفتاح قسم الرجال ببيتنا وصرت اتكلم مع زوجي براحه لابعيدا عن مضايقااااته يايدق الباب ولا ينفخ علي ويهزيء يبي يطفشه مادري ! لم يجهزني بيوم زواجي وفشلني من زوجي معي بس لبسة اول يوم واشياء كماليه وماعطاني ع الاقل 1000 ريال لااتجهز كذا زوجك يجهزك !وماقصر زوجي اليوم ال2 شافني بكيت وسئلني وقلت له السالفه ونزلني وخلاني اتقضى من الى ! الله يفرج همه يارب ويسعده والان طردني 2 مرتين دن علم زوجي ! متحمله اخلاقه السيئه اصبحت ابعد زوجي عن اهلي بقدر المستطاع لااريد ان يجلسون مع بعض لاجل مايجعل تقرب زوجي لااهلي يقلل من قيمته او احترامه ولاجل ابوي لايتجرا عليه ! وزوجي لايعلم عن ذلك لايعلم عن لسان ابي الذي يسب فيه لاجل ان ابوه يمزح معه ! لايعلم ان ابي من الاساس كلن رافضه ويلقبه القاب لانه ملتزم ولا يعلم ! لم اتوقع من ابي انه رافض يوصلني للمدرسه اللي ابختبر فيها رغم انه فاضي رغم اني جايه من الشرقيه للرياض لاجل ولدي لاني لم اجد احد بمنطقتي يهتم به فاامي واخواتي قالوا حطيه عندنا وحنا بنهتم به 7 ايام رفض بطريقه غير مباشره انه يوصلني وانا بنته البكريه المتزوجه ومعها احلى حفيد يسليه ويضحكه بلاغلب ويسليهم بلبيت للاسف انا تحطمت وبكيت جدا جدا من يوم ما وهو عندما طلع بموقع الجامعه ان يجب تحديد موقع الاختبار !!!! وقلت لزوجي الحبيب فقال حدديه عند اهلك ! بسب الولد يجد خالاته وجدته تهتم بها واخوك الصغير يلعب معه .فحددته بلرياض علما باني بلشرقيه فرحت اخبر اهلي باني حددته وامي واخواتي فرحوا وقالوا حلو لاجل نهتم بولدك ولا يهمك حنا بنهتم فيه ! وبوووي للاسف قال بصوت عالي !!! ليه تحطينه هنا بلرياض ! ليه ماحطيتيه هناك (قصده بلشرقيه عندنا لاجل زوجك يوصلك ماني فاضي لك )هذه الرساله التي اراد ان يوصلها ! تحطمت وتفاجئت وقالت امي هذا ابوك وما عليك منه خذ ي لك سواااااااااااااااااق ليتكم تدرون كم خسرت زوجي ع الجامعه وخسرت زوجي وخسرت ع هلسواااااق هذا ممن غير ان النفسيه تعبانه من قبل لكثرة السفر للرايض بسب تعب ابوه بلسران المنتشر الله يشفيه .... فاتحني زوجي بان الميزانيه خلالالالاص ! قلت ابشر ابوقف درااااسه لكن هلسنه بس تعدي والسنوات الباقي ابكملها بعد سنوات وبعد السكن ! لان عمله بيطلع لنا بيت ملك باذن الله قريب وبعد السكن ابصبر كم سنه زيااااده لين يصلح الحال ويسمح لي ! للاسف ابي جرحني بلسابق وجرحني الان ودائما يسب زوجي بسب لاذنب له وانا ادافع عنه واواجهه بلحقيقه وامي معي واخواتي لنقول الحق وهو ينحرج فيرفع صوته وغى يمد يده ع وحده من اخواتي لانها قالت كلمه معها حق بها !!!!دفعا عن زوجي !!!! وانا طردني من البيييييييييييييييييييت !!! حسيت خلالالالالالالالالاص !!! ابوي زوجني قصده ماني فايده منك انتي لزوجك !!!! معدك لي !!! وهذا نظرته بناتي الاربع او البنات مامنهم فايده لانهم بيروحون وبيتزوجون ولا بينفعوني بشيء ! وقد قالها اكثر من مره ! تحطمت يااهل المنتدى مافي اجازه تمر وانا عند اهلي الا وانا ابكي باخر الليل من لسان ابي وتجريحه لزوجي وبغضه لولدي وتعامله الجاف مع ولدي اللي عمره سنتين !!!واللي يشوفه يقول عمره 20 سنه !!! يستفزني انا بتعامله مع ولدي يريدني اهاوشه لاجل يطردني مره 3 ! ولكن اصبحت مااعطيه وجهه ولا اعطيه اهتمام وابعد ولدي عن وجوده امامه واصلن اخواتي يشيلونه ويطلعون هم واخواني برا عنه وولدي عادي مادرى اصبحت ثقيييييييييييييييييييله معه جدا جدا وكانه واحد بعيييييد عني لااعتبره اب الا بلاسم فقط اصبحت اتغاضى عنه مااجلس معه وبنفس الوقت مااعاديه لاجل يزيد عادي اخذ وعطى والسلالالام ! رغم ان زوجي والله العظيم ثم والله ماهو مقصر يتصل باابوي وامي كل جمعه ويسلم عليهم وانا بعد بااهله فهذا اليوم نتصل وهذا واجنا اتجاه اهلنا وعادي ولا كأن شيء صاير وزوجي ليومي هذا مو عارف واخواتي الله يسعدهم وامي لو ماهم هم كان مادخلت البيت بعد طرده للي 2 المهم زوجي مايدخل الا ومحمل اكياس بلحلويات لااخواتي واخواني ويعيد امي بهديه غاليه ويعطيني عيديه لااعيد ابوي اللي ابوي ولا مره اهدى لزوجي ولا اهدى لي ... امي بس تكلمه وتضغط عليه لاجل يشرون لولدي لبسه للعيد لااني اكسي اخوي الصغير لبسه مع ولدي لااني اعتبرهم كلاخوان والله العظيم لاانتظر من ابي الا التعامل الحسن مع زوجي ولو علم زوجي لكنت انا بااحد المستشفيات منجلطه ! والله لاابالغ لن زوجي عصبييييييييي وابوي طباااعه .......! فاابي نصيحت كل اب وكل زوج وكل ام وكل اخت هنا بلمنتدى ماذا افعل وش الحل لااوقف ابوي عن استفزاز ابي له قللت زيارات زوجي لبيت اهلي ولكن مع ذلك امي تنحرج وتقول ماعليك ناديه انا ابيه وابوك الفضيه براسه ! قلت ياامي ابي علاقة زوجي بكم كما هي احترااام وتقدير ! زوجي بياخذ موقف وهالشيء بيجعل اولادي بلمستقبل يتحسسون ولا الومهم ! فماذا تنصحوني افعل هل استمر بهلوضع اقلل زيارات زوجي واناديه اذ ابوي متوعد !بيوم استلامات ابي للعمل \ طيب ابوي هذه اخر سنه له وبيتقاعد بلعمل وليس له مكان يذهب لا البيت وزوجي متى اناديه لبيت اهلي وابوي موجود ابي نصيحه منكم لي او لو انتم مكاني بلمواقف التي ذكرتها وش بتسوون تعبت نفسيا واخرها سالفة انه مايوصلني للاختبار ! وزوجي صدم بعد من ناظرته فهمت وين عمي اللي هو ابوي! |
50 مشاهده ولا رد
تكفون وربي متعبه من تعامل ابوي وللاسف ابقعد شهر وحاسه ان ابوي بيسوي اكشن جديد عنوانه زوجك !! شكل مافي حل غير التغاضي وتقلقيل زيارات زوجي .... |
حبيبتي هذا ابوك..
واذا انت شايفة انه بيغار من زوجك فلاتظهري تعلقك الشديد بزوجك قدام ابوك، حسسيه انو هو اهم عندك من زوجك.. بنفس الوقت حاولي تطنشي وماتردي على كل كلمة بيقولها على زوجك، حاولي تحببي ابوك بزوجك اكذبي على زوجك وقوليله انه ابوك بيسلم عليه، اشتري شي بسيط وقولي لزوجك انو من ابوك او العكس.. واذا شايفة انو قلة الزيارات احسن، قللي الزيارات لاهلك وقللي احتكاك زوجك بابوك.. صراحة مو عارفة شو احكيلك، اللي يعيش الوضع غير يلي يسمع، انا مو قادرة اتخيل الوضع ابدا... |
همس حبيبتي ... لا تزعلي من بابا ... تراه يحبك بالرغم من كل اللي يقوله ...
بقولك على نقطتين على السريع لاني مضطرة أطلع من النت الحين لكن ما حبيت أطلع قبل ما أكتب لك جواب . أول شيء ... تحملي أبوك ... المفروض الصغير اللي يتحمل مو الكبير ...ويتحمل بدون ما يحمل بقلبه عليه ... ثاني شي ... من قراءتي لموضوعك هذا ولموضوع سابق عن مشروع زواج لوالدك على ما أذكر أقدر أقول انه والدك يتصرف بطريقة الاب الفاقد لشعور محبة أولاده وزوجته له .... الحين هذا لا يعني انكم ما تحبوه لكن هذا هو الشعور بداخله ,,,يحس بقرار والدتك بداخلها ورغبتها انها تترك والدك اذا كبر اخوك الصغير ...والدك يشعر بداخله برفض والدتك له .. قلتي مرة انك كنتي تدللي والدك وتمزحي معاه أكثر وحده من البنات ...هو يفتقد هذا منك ويغار من ولدك ومن زوجك .... ما تتخيلي كيف كانت نفسية زوجي بوقت خطوبة بنتي وحتى بعد زواجها والان هي حامل ويقول لها اذا ولدتي لا تدخلي البيت ..ما أحب الصغار ..وكررها أكثر من 5 مرات بمناسبات مختلفة ... بينها وبين نفسها أخذت على خاطرها وقررت ما تجي عندي بعد ولادتها ..بتظل ببيتها وحدها ..كلمت زوجي بيني وبينه وفهمته ...تصدقي انه ما كان متوقع يكون لكلمته كل هذا التأثير ...واستغرب من قرارها ... طلبت منه يصلح الوضع ويعزمها ويصر عليها تجي عندنا .. الرجل ما يعرف يعبر صح عن شعوره ...بالذات لأبناؤه ... اذا شاف منهم شوية جفا أ, نظرة زعل يظن انهم يكرهوه .... ما تشعري مرات انه يعاملكم وكأنكم أعداء له وكأنه هو بصوب وانتو بصوب ثاني بمواجهته ؟؟؟ الخلاصة أنه مع شوي حب وتدليل بتكسبي والدك ...وضروري تنعدل العلاقة بينه وبين والدتك ...اقعدي معاها وفهميها تاثير مشاكلهم عليكم ... لازم تدلله وتهتم بنفسها عشانه ..هم الاثنين لسه صغار ووالدك يحتاج حد يهتم فيه . كل الاباء والكبار بالعمر يكون لهم تصرفات مخجلة لابناءهم أحيانا لكن أنا أفترض انه الابناء يحتووا هذي التصرفات وما يخلوها تأثر على نظرتهم لاهلهم ... بأغلب اذا ما كان بكل طلعات أولادي أو أنا مع زوجي يخجلنا بتصرف مع البائع مثلا أو مع ضيف أو مع صديق ..يقول كلمة تجرح او يعلق تعليق يأذي هذا الصديق مثلا ... ولما أسأله يقول أنا كذي ... كبرت وما أقدر أجامل ,,اللي ببالي بقوله ....... بالمقابل أقول الاولادي انه هذا تصرف كثير من الأياء وبمقابل هذا العيب في حسنات كثير لأبوكم ..تذكروها وانسوا هذا العيب ...اذا انت تقبلت تصرف أبوك رح صديقك يتقبله لكن اذا تضايقت بتكبر الشغلة بعين صديقك ويحسها اساءه له ... ابتسم وقوله بابا كذي مع كل الناس ...صدقيني الحين تعودوا أصحابهم وصاروا ما يتضايقوا . لي رجعة ان شاء الله بخصوص الوالدة وأخواتك |
اقتباس:
الله يجزاك خير قللت الزيارات ولكن اجد مشاكل من ابي صبرت وسكت وسكت وسكت ...بلحظه انفجرت ! بلحقيقه وبااد وبدون رفع صوت فوجدت الطرد!!!!!! ولو افعل ماقلتي ان اعطي زوجي هديه واقول من ابوي فزوجي بيرد بهديه اكبر او ع الاقل بيتصل ويشكر !!!! وابوي بيرد بيقول من قال اني عطيتك ؟! بلعكس بعد طرده عطيت ابوي هدية عطر بذاك السعر وقلت هذا مني ومن فلان (زوجي) ! فااثناء لكن باقي ابوي يجعل العدواه بينه وبين زوجي وزوجي مو عاااااااااااارف لكن اتوقع ملاحظ!\ لان زوجي بعد سالفة سلك الملابس اللي طلبه ابوي لاجل ولدي ويحركه امام زوجي !!! طلعت وقال زوجي والله ثم والله لو اجد اي احد مهما كان يمد يده ع ولدي الطفل الصغير ! لااافرشه واوريه لااني مااحب اهانه لا لي ولا لائيء طفل كان او لااي انسان ..... سكت وقلت بتتعب ان كنت متخيل ان ولدك مابينضرب اقلها بلمدرسه بينضرب من اي طفل اخر ..... قال بذاك الوقت هو يمتنع !!! يعني انا حولت السالفه واستغبييييييييييييييييييت !! |
ياعمري ياهمس دائما تحاولين تساعدين في إيجاد حلول لغيرك , وأنت عندك مشكلة صعبة اسأل الله أن يعينك عليها , وأنت الصراحة في موقف لاتحسدين عليه .
أنا حسيت من بدااية الموضوع أن أبوك يغاار من زوجك, لأنه مايبي رجل آخر ممكن يلقي أوامره عليك ويتحكم يك , وغير كذا شرعا هو الأولى بالطاعةمن أبوك . وفي نفس الوقت مش متقبل فكرةزواجك منه عشاانه ضد رغبته , ممكن مافيه أعترااض على أخلاق زوجك ,لكن عشاانه ضد رغبته , وميول زوجك وأهتماماته تختلف أختلاف تاام عن ابوك . أبوك يكره عمك عشاان ولده والي قاهر أبوك أكثر أنه كبير سن فمو قادر يرد عليه وهذا زااد كرهه لزوجك أكثر. . شوفي بري أبوك واحسني إليه هذا باب من أبواب الجنة صحيح تصرفااته تقهر , لكن أنت دوري ماعند الله , دائما بيني له أنه أغلى من زوجك وولدك وهو السند الأول والأخير وحسسيه أنه مكانته مثل مااهي ماتغير ومن هالكلام , لاتحسسينه أن زوجك أغلى منه أبدا ,ولاتحسسينه أنك أستغنيتي عنه بوجودرجل آخر ا, وإذا بدا يسب فيه قولي يابوي خلك أحسن منه ولاتضيع حسناتك عشان أحد , كبري راس أبوك بالمدح لاتجلسين تجاادلينه , وإذا حصل وطردك قولي له , إذا ماتبي تشوفني أنا يابوي مااقدر أصبر ماا شوفك , ومن هالحكي , لاتدافعين عن زوجك وتدخلين مع أبوك في صداام هذا يخليه يكرهه أكثر , ودائما قولي أن زوجك يتفاخر فيه قداام أصدقاءه وأهله وأنه يحسه أخوه الكبير مش عمه ...الخ من الكلام الطيب . أمك أيضا لاتمدح زوجك كثير عند أبوك.:d .المسألة الأولى والأخيرة غيرة أبوك من الرجل الآخر الي هو زوجك فتعاملي معها بحكمــــــــــة أكثر. وأككثري الدعاء وحااولي تفهمين زوجك أن ابوك طيب لكن أغلب الأباء يغارون من أزواج بناتهم خااصة الكبيرة ,والله يعينك ويوفقك في أختبارك . |
اقتباس:
صدقتي بكل كلمه لكن هو اكيد فقد وجودي بعد زواجي وهذا من كلام امي واخواتي لكن ابوي بتناقش امي معه بتصرف خاطىء لايرد الا مالكم دخل والله لااوريه لا لا لا!! يتوعد في شخص ما وكانه مراهق واذا وجد ني او من وحده من اخواتي او اي احد منا مجرد تناقش بموضوع نريد نوصل وجهة نظره للصح ! يقول لا انا الصح فنتركه ونحذره وهذ من خوفنا عليه ومن خوفنا لصؤرة للناس فقط وكل عيد اعايده واناقشه واسئل عنه وهو بعد يتصل بي لكن عندما يغضب يخرب كل كل كل شيء ويشوه صورته بعيني وبعين ولدي وعين الكل ! يعني يخلي جرح غاااائر اما عن ترك امي له فاابي لايعلم والسبب امي تعبت من كل شؤي يطلع بسالفة معاكسه ! رغم اهتمام امي به لكنه من زمااااااااااااان كذا لن يتغير ّ! يرجع عليها ويقول انتي تحرشين العيال علي ! لاننا ننقاشه ونعاته اذا اخطى واذا توتر الامر نخرج وبس لايحاسب ع كلامه يجرح ليثبت اني انا الصح ! لكن هو كان ناوي يتزوج فقالت امي انتظر الى ان يكبروا العيال ولك ماتريد فاامي ملت منه ومن اخلاقه وتعامله الجاف والاناني احتويته وهلي بعد يجارونه لكن هو هداه الله يفعل اي شيء ليضايق ويجرح من يقترب اليه او يتردد للزياره يبي يقعد لحاله ولا احد يزعجه بس اتركوني وبس الوحده والوناسه افضل من العيش مع ازعاج البيت او زيارات زوجك او اي احد حتى لو زارا قريب من قرايب امي سوى اختها او بيت اعم امي وزوجها ابوي يتهرب من البيت !لايستقبل الضيف والسبب مانبيهم !وش جابهم ّ! رغم ان ابوي كريم ويطلع مع الجماعه لكنه يحرج امي مع اهلها والزوار ليس دائما لكن غالبا ! واخواتي يسمعون له ويحبونه ويلبونه واذارفض شيء يحاولون بااادب ويرفض وبلنهايه يوافق لكن قهرني بس من ناحية تعامله مع زووووووووووووجي!!!!! |
في رجا الله
ياعمري ياهمس دائما تحاولين تساعدين في إيجاد حلول لغيرك , وأنت عندك مشكلة صعبة اسأل الله أن يعينك عليها , وأنت الصراحة في موقف لاتحسدين عليه . الله يعين أنا حسيت من بدااية الموضوع أن أبوك يغاار من زوجك, لأنه مايبي رجل آخر ممكن يلقي أوامره عليك ويتحكم يك , وغير كذا شرعا هو الأولى بالطاعةمن أبوك . يمكن هلسبب هو له تاثير ع الوالد ..وفي نفس الوقت مش متقبل فكرةزواجك منه عشاانه ضد رغبته , ممكن مافيه أعترااض على أخلاق زوجك ,لكن عشاانه ضد رغبته , وميول زوجك وأهتماماته تختلف أختلاف تاام عن ابوك . ضد رغيته اكيد كان وده لشخص ليس بنظري كفئء ابدا أبوك يكره عمك عشاان ولده والي قاهر أبوك أكثر أنه كبير سن فمو قادر يرد عليه وهذا زااد كرهه لزوجك أكثر. .اكيد لان ابو زوجي مريض وبين الحياة والموت فمستحيل يرد !شوفي بري أبوك واحسني إليه هذا باب من أبواب الجنة صحيح تصرفااته تقهر , لكن أنت دوري ماعند الله , دائما بيني له أنه أغلى من زوجك وولدك وهو السند الأول والأخير وحسسيه أنه مكانته مثل مااهي ماتغير ومن هالكلام , لاتحسسينه أن زوجك أغلى منه أبدا ,ولاتحسسينه أنك أستغنيتي عنه بوجودرجل آخر ا, وإذا بدا يسب فيه قولي يابوي خلك أحسن منه ولاتضيع حسناتك عشان أحد , كبري راس أبوك بالمدح لاتجلسين تجاادلينه , وإذا حصل وطردك قولي له , إذا ماتبي تشوفني أنا يابوي مااقدر أصبر ماا شوفك , ومن هالحكي , لاتدافعين عن زوجك وتدخلين مع أبوك في صداام هذا يخليه يكرهه أكثر , ودائما قولي أن زوجك يتفاخر فيه قداام أصدقاءه وأهله وأنه يحسه أخوه الكبير مش عمه ...الخ من الكلام الطيب . مستمره بحبي واحترامي وهدياي اللي باذن الله تفتح كل فتره صفحه باذن الله اخرها جبت له هديه من البحرين بذاك السعر وحبها كثير لكن الله يهديه لسانه بس .أمك أيضا لاتمدح زوجك كثير عند أبوك. والله ماادري هل هي تفعل ذلك امام ابي لان اخواتي هم يقولون لي كسالفه مثلا من ضمن سوالف عن امي ووضع البيت ان امي مثلا دعت لفلان (زوجي ) لانها استفادت من الفلوس اللي عطاها ...لان ابي لايعطي امي فلوس لتعطي اهلها بسب علاقته المتوتره والمكهربه معهم وكلن منهم ومن ابي مخطىء وامي الضحيه ياعمري ! فتستفيد امي من عطايا زوجي لها ... طبعا زوجي مايدري عن هلامر ولن يدري ابدا ابدا لان لااريد ان اضع امي بموقف شفقه من احد ولو طلبتني عيوني لااعطيها وكم مره ساعد امي لانها غاليه وعطيتها لكي انقذها من مواقفوضعها ابي فيها ..الله يهديه ويخليه لنا ..المسألة الأولى والأخيرة غيرة أبوك من الرجل الآخر الي هو زوجك فتعاملي معها بحكمــــــــــة أكثر. لايوجد حل غير التغاضي عن قوله كما افعل انا حاليا لااناقشه ابدا اذا غلط افعل مايرضي الله وابتحمل الاهانات والطرد لكن بلمستقبل اولادي كيف بتكون نظرتهم لهلجد كيف تكون نظرة زوجي لاابي اذا اخطى عليه وانكشف كل شيء هذا الشيء اللي خايفه منه !وأككثري الدعاء وحااولي تفهمين زوجك أن ابوك طيب لكن أغلب الأباء يغارون من أزواج بناتهم خااصة الكبيرة ,والله يعينك ويوفقك في أختبارك . الله يسعدك وينور قلبك بذكره . |
تقليل الزيارات مو غلط بهذي الفترة ...
أي نصيحة أو توجيه منكم للوالد راح تزيد غيرته وتزيد عناده حاولي تحتوي الموقف أول ما يصير وقبل ما يكبر .. كل موقف بموقفه .... مثلا عند زيارتكم ووالدك يحضر المباراة ما كان ضروري تطلبو منه يجلس معكم ..خلوه مرتاح أو اجلسوا معاه واحضروا معاه بدون ازعاج...الولد كل شوييمسك بشيء ثمين ماله داعي ...الصراحة هذا متعب للاعصاب ... كان المفروض وقتها شلتي ولدك واخذتي السلك من والدك بمزح وانتي تقولي باب حبيبي يخوفنا بهذا السلك وما ضربنا ولا مره لانه قلبه طيب حيل وانا أموت فيه وتبوسيه على راسه ..وتاخذي الولد تعطيه لأخوكي يلاعبه أو ياخذه غرفة ثانية . حاولي تغطي على الزعل الموجود بالموقف وما تظهريه وما راح تقدري تعملي هذا وانتي نفسك زعلانه ..لازن قلبك يصفى على والدك بالأول |
عزيزتي همس
مشكلتك ماراح تلقين لها حلول جذريه ابوك هذا طبعه وماراح يتغير لا عن طريق حوار او غيره مافي غير انك تتحملينه بعيوبه عشانك بنته مجبوره تتحملينه .. بس عتبانه عليك همس مهما كان هذا ابوك لو يحرقك هذا ابوك حسيتك تحبين زوجك وخايفه على مشاعر زوجك اكثر من ابوك .. و وصل فيك الحال تحقدين عليه همس غلط تصرفك الشيطان يلعب فيك طلعي لابوك 70 عذر ولاتكرهينه لو مقدار ذره زوجك صارحيه قولي ابوي يغار منك عشانك اخذتني ابوي طبعه جاف وهذا ابوي واحبه مثل ماهو وانت مو ملزوم تحب ابوي ولو حسيت انك ماتقدر تستحمله مو مجبور تستحمله بس انا هذا ابوي ومجبوره فيه صارحي زوجك في الحقيقة ولازم يعرف انك تحبين ابوك بعيوبه همس اللي مافيه خير لاهله مافي خير للناس الله يهون عليك ولاتنسين تدعين لابوك ربي يهديه ويحنن قلبه عليك |
اقتباس:
حبيبتي بيتي انا معد خليت زوجي يجيء ابدا بوقت مو مناسب لاابوي لان امي تقول فشله يقعد الرجال بلمجلس وانت قاعد هنا هذا حلينها ! مع اني اقول لاامي عادي خليه ع راحته فتشوفين امي دموعها بعيونها من القهر لكن حليت هلموضوع ! لكن عن سلك الملابس انتي ماشفتي كيف اسلوبه طلبته السلك رفض !!وقال وخري فخفت يسب وشتم اكثر ويخرب كل شيء ! فما حبيت ازيد الطين بله واخذت ولدي وطلعت وقلت لاامي معد تجلسين زوجي بمجلس الرجاااااااااال لان التحف ولدي مايخليها ولا اخوي الصغير وابوي يقعد يناظر فيهم ويلعن ويضايق زوجي ابوي للاسف اذا وجد طفل مثلا بنت عمي صغيره تنطط ع الكنبه !ماقال لها شيء الا اجلسي ولا عبرة ابوي مع ذلك سكت \\\ اما ولدي اللي هو ولد زوجي الغير مرغوب فيه ! لا نوقفه عند حده ابوه مو من العائله ! لكن هالشيء زعل زوجي وتحسس ومن ذاك اليوم للان احس زوجي شوي له نظره اخرى لاابي . لكن هدء الامر الان من قبل زوجي ونسى وممشي الامر والامور اللي يفعلها ابي بلتغاضي والسبب لااجلي انا.. |
اقتباس:
رولادا احزنتني كلماتك شوي لانك فهمتيني غلط ... هذا ابوي واحبه لكن تصرفاته جعلتني اعتب واحقد عليها ليه يسوي فيني انا كذا ليه يطردني ليه مايجهزني كأي عروس ليه يتعامل بجفا مع طفلي ليه ليه لااني مااخذت ولد عمي !!!!! طيب هو مادق ولا خطب ... واصلن من الاساس عطيت ردي لاابوي مااااأبيه ! انا وش ذنبي اكلها الى يوم الدين !!!! لكن مع ذلك احبه اقدره احترمه رغم مايفعل لكن لااخفيك جرحه لي لن انساه ابدا رغم حبي وضعني بموقف محرج بيوم 2 زواج .... جرحني بتعامله معي لاني قلت الحقيقه ! انا ماادافع عن زوجي لانه زوجي اقول الحق ورب البت لو زوجي يخطىء ع ابي رغم خطئه لن اوقف معه !ولن اقف مع ابي! لان كلن منهم مخطىء ابفهم زوجي وجهة نظري من نحية غيرة ابي واهدي ابي ليس علي الان وبهلوقت ان افهم زوجي ابي يغار منك وهو من الاساس مو حاااسس مر موقف وانتهى ...ومررت الموضوع ان ابوي بمشكله ما !وانتهى لكن ان مر موقف اخر مالي الا ان اوضح لزوجي غيرة ابي باسلوب حلو.... لست خجلانه من ابي ....هذا ابي وافخر به لكن مقهوره اني ابنته حبيبته ويفعل معي كذا ومع طفلي وزوجي لو اخطأ زوجي لن اسامحه ابدا رغم طيبته ... هذا ابي والله يخليه لي انا كتبت لكم مشاعري اتجاه زعلي من افعال ابي معي ضد زوجي لن اقول زوجي ملالالاك يمكن يمر يوم واندم ع كلمة ملاككك ومالي الا ابي ينقذني ........ لكن هدفي ودي اتمنى لماذا ابي يفعل ويحطم نفسيتي ولا يخدمني لو بشيء بسيط قصده زوجك طيب زوجي مو عندي مسافر انت الاول انت المنقذ لي حاليا فمن يساعد ابنتك! وفهمت الان انها غيره ! لاتجعلوني اندم اني فضفضت لكم . بكيتيني يااختي بفهمك الخاطى لي . بكلامك حسيت كأني عاااااقه ومقصره مع ابي !! انا وصلت لكم عتبي ع افعاله يعني مامر يوم بحياتك لمتي ابيك او امك ع تصرف خاطىء ! واكيد اخاف ع مشاعر زوجي اخاف ع مشاعر من احب من ابي وامي لكن سبب خوفي ع مشاعر زوجي هي بسب ان زوجي لم يقصر لم يخطى ! فبينجرح انا ماذا فعلت لااجد كل هلعداء ؟! يعني مثلا انتي تعطين وتهدين وتسئلين وتفعلين الخير وتجدي السب والشتم والعداء والدق بلكلام !! هلشيء مابيجرحك ويجلب المشاكل بينك وبين هلشخص ! انا بسب هالشيء خفت لان اي مشكله بينهم بتاثر علي كزوجه وابنه !!!!! الله يعطيك العافيه ع المرور . |
مثال بسيط جدا جدا لتعامل ابي معي رغم سوالفه معي وضحككه !
مره نزلت وقعدت عند اهلي اسبوع لاني تعبت من كل ربوع اسافر فقال زوجي اقعدي اسبوع عند اهلك لان بعد اربع ايام ابرجع انزل !!! قعدت وكان علي لازم اطبع محاضرات الجامعه من النت وماكان في طاااابعه لدى اهلي خربانه !!! فقالت اختي اللي بلجامعه خلاص قولي لاابوي لاني حتى انا ابطبع قلت طيب قلت ابوي !!!!! ررررررررررفض رغم انه اختي تطلبه ويواااافق صح احيانا يرفض لكن واااافق بلنهايه لها ... فقلت لاامي خلاص ابوي رفض لاتقولين له من جديد ... امي انقهرت وقالت ياابو فلالان اطبع اورقها يااخي منت رايح رايح طالع من البيت قال ماني فاااضي لها زوووووووووجها اللي رمااااااها هنا هو يوديها !!! سكت وقلت بخاطري و ش رماني مارماني انا قعدت لاني تعبت وابي ارتاح وقعدت ترحيب من امي ولهفة اخواتي لولدي الوحيد اللي يضحكهم ويحبونه وانا احبهم !!!! سكتتتتتتتتتتتتتتتتتتتتتتت وبلعتها وبعد ساعه تخيلوا نزل اختي الي بمتوسط المكتبه لاجل تتقضى منها للخياطه ...وهلمكتبه هذه هي اللي طلبته يروح يطبعلي منها وانا معي الفلوس كلها كم ورقه ......... ذكرت السالفه لاجل تعرفون كيف ابوي يضايقني ؟! وتقولون ليش تحقدين وربي هذا شيء يحز بلنفس ! انا مااذكر ولا اطري زوجي ولا امدح ولا اقول اتغاضى لكن هو يتعمد تجريح زوجي وتجريحي ... صرت اكتئب لااي اجازه اقعدها عند اخواتي من كلام ابوي . ومرره تعب ولدي الصغير سخن علي وزوجي بلشرقيه وقعدت بطلب من اخواتي يترجوني اقعد لااونسهم قعدت وولدي تعب فلمحت لاابوي ابي اروح مستوصف الحاره قال عطيه اي علاج عادي تخيلوا عطيته علاج فيفادول واهتميت فيه ! واليوم ال2 ع طول تعب اخواني وامي راح ابوي شغل الصالون ليوديهم بلمشفى !!!!!!!!! وقامت امي واخذت ولدي لانه تعبان لانه مااخذ العلاج المناسب !!! وانا كنت نايمه طبعا بعد مااستئذنت مني وقلت خذيه ورجعت الله يحفظها امي واخواتي هم من يخففون عني ويهدوني وهم من اخذوا ولدي وعالجوا رغم اتوقع عدم رغبة ابي هداه الله قصده زوجها اذا نزل يوديها !!!!! والله اذكر مره وانا تعبانه من تصرفات ابوي اقول الله لايجعلني انهان ولا اطلق وين بيكون اولادي لان مااظن ابوي بيتقبلهم الله لايجعلني احتاجه بيوم لانه حطمني لانه حسسني باني خلاص هذه تزوجت هذه ماعدهي بنتي !! فقده خلاص يعني مالي رب خلاص يعني هذا زوجي طيب انا احتاجك كأب حنون علي ...ابيك اذا تزوجت وربي وفقني ليه تحسسني انيي خلاص هذه مابتنفعني هذه لزوجها !!! |
كل مااجده من من ابي بكل اجازه
ابعطيه حبي وتقديري واحترامي وعطفي وسوالي عنه وهدياي وكل ماملك لن ينقطع ابدا ابدا لأن الله اوصى بلوالدين هو طيب حنون صح عنيد وعصبي لكن الذي جعلني اكتب هو اسلوبه ليه فصلني بتفكيره عن بيت اهلي لاني تزوجت مثلا اللي حسسني افعاله اتعب من هالشيء والله اتعب ... وزوجي اعطيه مااملك واكسبه لكن ان اخطىء بحق ابي رغم مايفعل اوقفه ومهما كان فهذا اكبر منه وعليه احتراااامه وتقديره فهذا هو من وافق وزوجك بي واعطاك احلى زوجه اللي هي انا ههههههههه.! الله يعطيكم العافيه توني اكتشف ان ابوي يغير ........لاني كنت اشك لكن قلت مو معقوله ... كيف .؟! لكن اثر هالشيء طبيعي ... لكن رغم ذلك ابفعل بلاتي ابستمر ببري وحبي له لو يكسر عضامي مابقصر انا مهما كان انا همس رغم اني حساسه وانجرح لكن ابمشيء الامر والله مااطلع من اي اجازه صيفيه ولا اسافر بلسياره الا واقول الله يسامحك ياابوي ... اخاف اموت وانا زعلانه عليه وع تجريحه لي ابستمر بلتغاضي عن قوله بعدأ عن المشاكل ابستمر بتقليل الاحتكاك بين ابي وزوجي ابستمر بلهديا اللي من زوجي احيانا واقول له هذا من زوجي ...رغم مايقول ويسب واكسب الاجر ابستمر وابستمر ..بحبي ورب البيت اني احبه واحبه واحبه واحب اهلي هم الاولى ثم زوجي لكن ماجعلني اكتب هو ليه ابوي كذا ليه يجرحني ويجافي ابني الصغير اللي اصبح يخاف منه !.. لاني رغم ذلك حاسه انه بياتي يوووووووووووم ويعرف ابي طيبة زوجي معه . والله لايغير زوجي ان شاء الله . والله من كثر مااقرء عن الازواج صرت اخاف بكره اقوم وزوجي منقلب ومسوي شيء زمن يخوف والله . |
اقتباس:
يتحمله عشان فرق العمر ولانه رجل اكبر منه اذا تجاهلنا انه عمه ... عموما هذا كله ممكن ينتهي لو قدرتي خلال فترة جلوسك عند أهلك انك تغيري من الحال ولو شي بسيط ..الامور كذا قاعدة تنزل وتتدهور وانتو مو حاسين ... ربي يعينك ويقدرك :) |
اختي حبيبتي بتي
عموما هذا كله ممكن ينتهي لو قدرتي خلال فترة جلوسك عند أهلك انك تغيري من الحال ولو شي بسيط ..الامور كذا قاعدة تنزل وتتدهور وانتو مو حاسين ...لالا مو لتدهور لا للحظة هدوووووووووووء فقط وخايفه من القادم احس اني بتصرفي وهو تقليل حتكاكي بلوالد من ناحية مجارته بلكلام وقول الحق هد الامر احس يوم بعد زوجي وزيارته لااهلي بغرض التسليه والسلام احس ارتحت شوي احس بعدم ذكر زوجي امام والدي بشيء كموقف مضحك او مصيبه او سالفه ارتحت مع اني مااذكره كثير لان ولدي الله يسعده ع قعدة القهوه مضحكنا هو واخوي وقصص ومواقف من اخواتي بلمدرسه والجامعه احس ان الايام الجااايه بتكشف عن مصيبه من ابي لي بهوشه وبجرح غائر شديد ... احس بروحتي الربوع هذا للرياض وجلوسي عند اهلي شهر للاختبارات ابوي بيجرحني بشيء قوي ضد زوجي ! لكن السكوت افضل وابلغ ! اما عن بنت عمي فاانتي لو عايشه ورايتي ابي !لما قلتي انه ينحرج ينحرج من البعيد اما بنت اخوه !! حبيبتي والله مايهمه ... لكن الله يهديه بس .ربي يعينك ويقدرك اميييييييييين . الله يسعدك وينور دربك يارب . |
اقتباس:
|
بيتي
اشكر عودتك لكن الصراحه اقولها لك اخجل ان اصارح ابي بمشاعري او اوجهه لتغيره علي لانه بيزعل ويعصب هو رجل تربيته كانت بسيطه بقريه وهو مو معودنا من الصغر ع ضم ولا عواطف يعبر عن عطفه اجيب واكسي وااكل اما المشاعر بلقول او حنان لا اجد الا يمكن حنانه اذا تعبت زمااااااااااااان يوديني المشفى لكن اصارحه وش اقول هو بيفهم اني اهزئه ع تعامله معي لكن \ هلحل والمواجهه لاتنفع مع ابي السبب لن يتقبل ويتهرب ويرفع صوته ويجرح هذا ابي اعرفه اكثر من الجميع لكن اعبر له انا لحبي له وانا بلك الفتره كنت اذاكر الصبح ووجده طفشان فقلت له تعال ابفتح لك الاب توب وتصفح ع كيفك دام حقك الكتبي خرب ! فجاء وتصفح ومروووق رحت اذاكر ثم شوي قلت ابسويله شاي سويت له وجبت سندويتش جبن وعطيته قلت تصفح وافطر وكملت مذاكره تعب فتره ولم يعرف سبب بلمشفى فعطيته كتاب وقلت اقرء وارقي نفسك لعل وعسى تشفى من انتفاخ نصف وجهك بدون سبب معروف !والحمد لله خف وراح اتصل به اغلب الوقت اسئلعنه اعطيه الهديا بسب عيد او لا كذا بئي قت نزلت السوق اشتري له واعطيه فاقول هذه احلى هديه مني لك او من فلان (زوجي ) لك واخرها شراء زوجي له من البحرين ! عجبته وفرح كثير فيها لانه يحتاجها من زمان ... اعبر له احيانا مثلا زوجي فلان عجبه ردك ع فلان كان ردك حلو ! او فلان (زوجي عجبه لبسك او سياراتك او اي شيء يملكه ) ولا اقولها كذب بل صدق زوجي قالها وانقلها لك ....والحمد لله امزح معه ونضحك ونعلق ع امي او اختي او اي احد ...... لكن لااجد منه المقاااابل ...ابدا من يوم تزوجت خلاص .... ماادري كيف تصرفاته وسبه وشتمه ضايقني كثير رغم للان مستمره لكن ابتعدت عنه شوي لاني وجدت كل مااقترب ينرفزني وانا مااتحمل ياابكي او ارد برد مناسب فيطردني!!! فماذا افعل الا ان استمر ع ماقلته بردي الساااابق. |
اقتباس:
مافي شيء ممكن يمنع الرجل من الزواج بثانية غير خوفه على بيته وأولاده ...مع كل علاقاته ومع كل شي كان يسويه ما خرب بيتكم ولا شردكم ....ليش؟؟؟؟؟؟؟؟ لانه يحبكم ... يحبكم كثير وما بيعرف كيف يعبر عن شعوره وكيف يطلب منكم الحب .. مقهور لانه مو مرتاح ببيته ومو حاس بالتقدير وقاعد يتخبط مو عارف كيف يطلب التقدير هذا هذا تحليلي وممكن أكون غلطانه فيه لاني ما أعرف كثير عنكم ...لكن فكري بكلامي وانتي ببيت أبوكي ولاحظي ...انتي الان متزوجة وبتعرفي شنو علاقة الزوجين أكثر من خواتك .. راقبي أهلك وكأنك قاعدة تشوفي بيت ثاني ...شوفي وين الغلط وحاولي يكون لك تأثير ايجابي ربي يعينك ويوفقك بدراستك وبحياتك :) |
بيتي
جزاك لله خير انا ماهمني الا علاقت ابي بزوجي كم كنت اتمنى ان ابوي يكون صافي القلب مع زوجي لااقول يشيله ويغمره احترام لا يكون تعامله مثل اي احد يحترمه فقط لاغير |
شخصية والدك الظاهر أنها من النوع اللي يحب يسيطر ويفرض رأيه "دكتاتوري" .. ولا حل عندك سوى الصبر وإظهار الطاعة والخضوع له ولو بالنفاق فهذا والدك وأنت مجبره تحترميه وتقدريه وتشيليه فوق رأسك .. وأي رد عكسي منك أخشى أن يغضب الله منك .. وكونك رضيتي بزوجك الحالي ولم ترضي بأبن عمك فهذا ليس سبباً يدعوه لكل هذا السلوك منه، فما حصل حصل، وأنت الآن في حضن زوج وبينكم ابن. أيضاً لا تهتمي أو تردي على حديثه عن زوجك .. فالرد على الوالدين منافيء للأدب وتجنبي مناقشته وأسالي عنه إرضاء لله ولكونه أباك .. لكن قللي من زيارتك لو رأيتي أن فيها إحراج لك أو لزوجك .. ولا تعتقدي بأن زوجك لا يعلم عن كره أبيك له .. أعتقد بل أجزم بأنه يعلم ذلك جيداً .. لكنه يتجاهل خوفاً على مشاعرك وحتى يغلى أكثر في عينك فهو الآن الواحة التي تلجائي إليها وهو كرت رابح عندك .. ولو كنت مكانه لتجنبت قدر المستطاع الاحتكاك بوالدك حتى لا تنحرجي أمامه أو أمامي .. عيشي حياتك .. من أجل نفسك وزوجك .. فأنت الآن في حياة أنت ملكها لا أباك وبري أباك قدر المستطاع في ما يرضى الله ورسوله. |
اقتباس:
أشوف بردك الاخير ود كبير منك لوالدك وتدليل وهو يقابلك بالنكد .... تسمحيلي باخر سؤالين :) لما توديه يقابلك بالنكد دايما وللا يكون كويس ويتنكد بعدها ؟؟؟ لو جرحك وبكيتي امامه كيف يكون موقفه ؟؟؟ مو قادره أتجاوز موضوع علاقتك مع والدك وافصلها عن علاقته بزوجك لانه علاقته بزوجك مبنيه على علاقته فيكي . |
اقتباس:
ولو رضاه يجعلني ابوس رجوله والله لاافعل . |
اقتباس:
|
همس حبيبتي لاتفكرين في بكرة وأولادك لمايكبرون وكيف رااح ينقلون تصرفاات أبوك معهم لزوجك , بكرة حبيبتي في علم الغيب , ودوام الحال من المحاال ومابين طرفة عين وإنتباهتها يبدل الله من حال إلى حال ,أحسني الظن بالله ويمكن تنقلب عداوة أبوك لزوجك لمحبة , الاياام كفيلة أنها تثبت لأبوك أنه زوج بنته إنساان طيب وشهم , ويااما حب أنقلب مع الأياام لعدااوة .
ويمكن لماتتزوج أخوااتك يتغير ابوك أو تخف عداوة أبوك , ووالدتك المفروض ماتقول أنها تصبر لما يكبر اخوك وتتركه , لما يكبر أخوك كم بقى من العمر؟ تتوقع أنها راح تتحمل تعيش في غير بيتها , وصدقيني لو أن له رغبة في الزواج كان تزوج وش المانع , لكن هو يحبكم لكن مايعرف يعبرعن حبه ممكن طفولته لها تأثير عليه علاقة أمه بأبوه , ممكن أحداث مرت عليه وتأثر بها أغلب الاباء علاقتهم بأصهارهم رسمية , وأحيانا مافيه حواار والبعض مثل أبوك . أتذكر أبوي رحمه الله لما أكون مسافرة لأهلي (فترةماقبل الجوالات ) لما يتصل زوجي عشان يكلمني يصرفه أبوي ,أغلب شي لما يكون أبوي وزوجي في المجلس الحوارات قليلة أو أبوي سااكت , مع أن قبل الزواج كان أبوي سوالفه مع زوجي وتعليقاته ماتنتهي وهو ولد أخته . بالنسبة للمباراة أبوي الله يرحمه يعصب ويطرد الي عنده لو خرب عليه مزااجه واستمتااعه بالمباراة وياما طردنا مع عيالنا عشاان المتعة .بس الفرق أن أبوي نصراوي وأبوك هلالي:d. أبوك فيه الي أسوء منه صدقيني, وأنت مقبلة على فترة إمتحانات يبي لك مزااج هادي ,لاتخلين شي يشغلك هالاياام وتفائلي والله كريم. |
اقتباس:
هوسبب تخوفي ومضايقتي من الجلوس بعيد عن زوجي لاني لو احتجت شيء بيكون بعيد وابوي مابيخدم لكن هلمره بسؤي مثل لسابق كل شيء معي طبعا زوجي مو عارف عن عدم خدمة ابوي ببعض الاشياء بغيابه اما عن الطرد مايهمني لكن الكلام والاسلوب واللعن يجعلني اتضايق من وجودي عند الاهل ! ابصبر والله يكتب الاجر |
شفتي كيف ؟؟لااحد يلومني ان تضايقت من تجريحه لزوجي او عدم احترامه لمشاعري !
لاامدح بما افعل له فهذا ابي هو من زوجني وتعب علي لين كبرت لكن عتبي على تعامله ليه يقابل تعاملي بلنكد ما حد يلومك حبيبتي :) احنا بس قاعدين نحاول نعرف السبب لانه اذا عرفنا السبب أكيد بنلاقي حل معاكي تسمحيلي باخر سؤالين لما توديه يقابلك بالنكد دايما وللا يكون كويس ويتنكد بعدها ؟؟؟ لا احسه عاجبه هالشيء احيانا يفرح وهذا مااقراه بعيونه وهذا اللي يجعلني اهدي له وامدحه واثني عليه ولكن مستمر بين فتره وفتره بتجريح زوجي امامي ونبذ طفلي! وقت الخلاف وبعد باايام لايدرده ولا يريد سماعه وبلايام العاديه شخص عادي وحبوب معناها اظهار محبتك له لها نتيجة طيبة ..... وكل ما زدتي كل ما خف نكده ... لا تتوقعي انه بيظهر لك مشاعره مقابل تدليلك له .... لما يكون الشخص العادي الحبوب هذا هو ترجمة حبه لك وكأنه حضنك وباسك على راسك :d لو جرحك وبكيتي امامه كيف يكون موقفه ؟؟؟ للاسف اطلعي من بيتي ؟! اطلعي برا !! ما يحب يشوف دمعتك :)...ما تهوني عليه ويخاف يظهر ضعفه أمامك لكن بعدها كيف يصير ؟؟؟ رجال العرب أغلبهم تربوا بهذي الطريقة يمكن تستثني 3 بلدان بس ... وخاصة رجال الريف أو البادية ...تربوا على كتم المشاعر وعلى الكلمة الوحدة اللي عيب تصير ثنتين ... |
اقتباس:
اعتذر لو كلامي ضايقك يمكن فهمت مشاعرك بطريقة خطاء .. سامحيني |
رولادا
ورب البيت لازعلت ولا شيء:) لكن انا طبعي مااحب احد يفهمني خطا حتى لو زوجي ابكي:( اذا بررت الموقف :) عادتي :dيعني عادي وربي عادي ياعسل ومسامحتك واصلن من الاساس مافي زعل |
اقتباس:
|
حبيبتي كنت اجد من امي الكثير من التجريح
والشكوى مني لكني اعلم يقينا انها تحبني وابنائي كنت ارد عليها واسفه احيانا عفا الله عني الان اتخذت طريقه ثانيه ادعي الله ان يشرح صدرها و اقبل يديها وراسها بمناسبه او بدون و احاول ان اكسبها بالهدايا والاخبار الحلوه والي تقول عليه يصير وابين قدام الضيوف اني افتخر بها بثقافتها باطلاعها رغم ان الي بعمرها جميعهم اميييين ماعدا ماندر لما تزعل من زوجي اراضيها واخلي الحق معها واقول لها اني اهم شي تكونين مرتاحه ولاتنسين الهدايا رضت ولا مارضت بكل المناسبات لها مفعول السحر وابشرك هالاسبوعين كنها احسن حسسناها انك ملكة هالبيت والي تبينه يصير والي بيزعلك ايا كان خالات عمات نقول لها انتي الملكه ببيتك سوي نفسك ماتسمعين ماعدتي تحتاحينهم بشي الله يخليها لنا ويطول عمرها بس نصيحتي اذا ابوك رفع صوته عليك لاتردين عليه ابدا ولو غلطتي عليه روحي وحبي راسه واستسمحي منه لو يتفل بوجهك هذا مهما كان ابوك ويذكرني بابو زوجي نفس الصراع الله يهديه بس يبقى ابوك ولازم تتحملينه وادعي الله له بالغيب وبوجوده وهو يسمعك الله يطول عمرك على طاعته الله يديم عليك الصحه جعل والدينا بالجنه والله ينبسطون لما يسمعون هالادعيه تذذللي لابوك واكرر تذللي لابوك بالطاااعه هذا ماامرنا به القران لايحس ابوك انك قويتي عليه ابدا |
توفي وفيصل
يسعدك ربي صادقه المجاره تنفع الهديا والدعاء وهذا افعله وتحسن العلاقه بينه وبيني. |
أختي همس
أبوك يغار عليك من زوجك ، فإنت لا تجيبي سيرة زوجك أبدا أبدا أبداااااااااااااااااااااااااااااااااا و لا حتى أمك و لا أخواتك لا بخييييييييييييييييييييييييييييييييييييييييييير و لا بشر لا سمح الله لا تقولي زوجي قال ، زوجي جاب لك ، زوجي يحبك ، زوجي إلخ أبدا ، تخيلي نفسك مو متزوجة إذا رحتي لأهلك و قولي لأمك ، أبدا لا تمدح في زوجك أنا كنت أعاني نفس المشكلة تقريبا من أمي :) تغار علي من زوجي :D و ما ارتحت ، غير يوم عملت اللي قلت لك عليه و من يومها ، أمي تموت في زوجي و تمدحه و تحبه أكثر من أزواج أخواتي اعملي اللي قلت لك عليه و صدقيني ، بترتاحي إن شاء الله :) |
الله يكون بعونك حبيبتي والله شي يتعب نفسياً لكن أحتسبي الأجر وأن شاء الله مافيه شي يضيع عند الله سبحانه وتعالى
وحاولي قد ماتقدرين تخففين اللقاءات بين زوجك وابوك والصبر والتطنيش هذا اللي تقدرين عليه وبالنهايه الله يعين أمك عليه ويعوضها خير ويجزاها الجنه على صبرها وكمان مثل ماقالت الأخت روح الطير لااااااا تجيبون سيرة زوجك قدام ابوك لاأنتي ولاأخواتك ولاأمك لابخير ولابشر وأن شاء الله يتغير الوضع للافضل |
اختي همس حاولي تقللي زيات زوجك لبيت اهلك ولو حاولتي تقطعينها يكون افضل
بس بالتدريج عشان مايحس زوجك بشي يكفي المكالمات وامك تكلم زوجك في حالتك اريح لك عشان زوجك مايسمع كلمه من ابوك او تصرف خليه يحطك عند اهلك ويروح مو لازم يسلم واذا تبي زوجك يكون مرتبط بعائلتك خليه يجي في المناسبات الي عند خوالك بس جمعه عشاء منها يزور اهلك ويشوف امك ومنها مايحس انك قاطعه باهلك والله يصبر امك على ابوك |
والله يا غاليتي همس00 عرفتك برجاحة عقلك وهدوءك من خلال ردودك00
ومشكله كهذي مع اعز ناسك واغلى احبابك00 والدك00 تعتبر من الامور التي لايصفى شئ بهذه الدنيا إلا برضاه00 طلبتي منا حل لتغيير والدك وطباعه00 واقول لك دائما الحلول الاكثر مصداقيه وواقعيه00هي في تغيير انفسنا !! وهاأ نتي ما قصرتي 00وتحاولين 00الله لا يحرمك بره واجره00 ولكن نحتاج لوقت وجهد00 هناك عدة نقاط00 الاولى منها00 احرصي على الدعاء والشكوى لله فقط00 فهو مقلب القلوب سبحانه00 ولو تتصدقي بنية وفاقك معه الثانيه00 ابيك من خلال ما وصفتيه في بعض الخلل والبعد عن خالقه00 اما يكون جهل او عدم خوف من الله00 فدورك هنا يكون بالتوعيه وبكل الوسائل00 لو بحديث او منشورات 00 قربيه من خالقه ومن دينه00 و حاولي اصلاح خلل طباعه عن طريق غير مباشر00 مثلا وأنتي تتحدثين مع والدتك حضرت محاضره تتكلم عن ذلك 00او سمعت او قرأت 00 وهو يسمع00 الثالثه00 وهي انك تكوني قويه وكريمه عنده00 فغالبا بعض الاباء 00 يحب ان تكون ابنته المتزوجه غنيه بنفسها وكريمه له ولا تنتظري منه خدمتك 00 أنتي اغني نفسك00 حتى مشاويرك ومتطلباتك عندهم لك او لولدك00 انتي قومي فيها00 الرابعه00 حاولي التقرب له بالكلام الذي يبين غلاه عندك ومكانته00 حتى لو طلب كأس مويه 00 احرصي قبل الكل و اعطيه 00ومعاها كلمة ابشر وبالعافيه00 الخامسه00كان بودي لو تكلمتي اكثرعن طبيعة علاقته بوالدتك 00 وهل هي مقصره في ناحيه من النواحي كالتزين له او التبعل00 احترامه00 الكلام الرومانسي00 وغيرها 00 فأبوك يعتبر إلى الان في عمر يتوق لمثل ذلك فإن كانت مقصره 00 فما عليك إلا تنبييها 00 فالبنت سر امها00 واخيرا 00 كل شئ في بدايته صعب 00 لكن إذا عودنا انفسنا عليه سهلت بإذن الله00 الله يجعلكم قرة عين لبعضكم00 |
الله ياهمس الدنيا هاذي مافيها أحد مرتاح وماعنده مشاكل الوحده إن توفقت مع زوجها ماتوفقت مع أهله أو ماتوفقت مع أهلها بعد زواجها والسبب نظرة أهلها سوى كان أب أو أم أو إخوانها وأخواتها لزوجها بأنه بعيد عن العائله وأتوقع إن أنتي تحملي رواسب عالقه في ذهنك على والدك من يوم زفافك وتراكمت تلك الراسب مع الوقت
خصوصا مع إنتقاد أبوك لزوجك وأنتي تقفي في جانب زوجك وتردين على أبوك إذا تكلم في زوجك فصار أبوك عنده حساسيه من الموضوع ويحس في داخله لماتدافعين عن زوجك بأنك تحبين زوجك أكثر منه وتشوفي إن زوجك صح وهو غلط طبعا هاذا تفكيرأبوك علشان كذا يقول في نفسه خل زوجها إللي فضلته وحبته عليه ينفعها بدالي أنت الحين يلزمك الهدوء وأبوك لو تكلم على زوجك وسبه خليه لاتراجعينه لا أنتي ولا أمك ولا أخواتك لأن دفاعكم عن زوجك يزيد الطين بله هو يحس بأن كل العائله تحب زوجك أكثر منه أفضل شئ خلوه يقول إللي يبي أنتم خذوا السالفه ضحك ومزح ولاتردون عليه أبد أعتبروه يتكلم عن شخص أنتم ماتعرفونه بعدين زين أبوك يهذري بلسانه غيره فيه أباء يضربوا ويشتموا عاد أبوك أشوى تحملوه هاذا أبوك وكل شئ يتعوض بالدنيا إلا الوالدين وزوجك أنت بطريقتك تقدري تفهمينه قولي له هاذا أبوي طبعه كذا من زمان وحتى لوغلط عليك هو عادك وأحد من عياله ولاتحط في خاطرك منه ترى هو إذا عصب مايخلي أحد فينا وأبغاك تتفهم الوضع زين علشان مايصير خلاف بين أبوك وزوجك وتجلس الخواطر مشحونه أنت هيئ الجو لزوجك علشان مايتضايق وتكون له ردات فعل معاكسه بالنسبه لروحاتك وجياتك إذا أبوك مايودي أمك وأخواتك مشاويرهم إلا بعد محاولات كيف عاد يوديك أنتي وهو خلاص معتبرك خارج مسؤلياته بعدين خلي وحده من أخواتك تعرس وراح تشوفي إنه راح يعاملهانفس معاملتك حبيبتي بعض الأباء إذا بنته تزوجت خلاص معناته طلعت من كرت العائله يعني طلعت من ذمته مو كره ولا حقد بس خلاص تخلا عن المسؤليه خلاص زوجتها هي بذمة زوجهامالي علاقه فيها أنا ربيتها وعلمتها وأحسنت إليها وزوجتها خلاص أديت واجبي تجاهها بعض الأباء هاذا أسلوبهم بعدين لاتزعلي حبيبتي ولاشئ إن شاء الله أخوك يكبر ماباقي عليه شئ وبيلف فيك أنت وأمه وأخواته كل الرياض وراح تنبسطي لاعاد ودني يابوي ولاروح بي يابوي أخوك الله يعطيه العافيه يقوم بالواجب لوكبر وتعلم السواقه بعدين إذا كان أبوك كذا وهولسى ماتقاعد عاد لوتقاعد وش بيصير الحين مشغول بوظيفته لاكن بعدين ماعنده شئ غيركم عاد فيه شئ إسمه فوبيا التقاعد كل الحريم يشتكن منه الله يعين أمك عليه إللي مقابلته أربع وعشرين ساعه ويمكن إنه متأثره نفسيته الحين بزياده علشان تقاعده قرب ويحس إنه خلاص بتقاعده عن العمل أصبح عضو غير فعال بالمجتمع وأنعكست ردات فعله عليكم وصار عصبي ومايطيق أحد بالنسبه لزياراته وتواصله بأهل أمك هاذا شئ طبيعي بعض الأزواج كذا إنطوائين مايحبوا الزيارات الكثيره عموما ياهموسه لي رجعه إن شاء الله لموضوعك . |
اختي همس
تعرفي يمكن تختلف الاراء معي لو انك توصلي لزوجك عن طبع ابوك من الان و تحطيه بلصوره وهو حيعرف لان في رجال هذا طبعهم حتى ما تخجلي منه ولا يتفاجا من يتعرض لموقف مثل موقف السلك في نقطه ثانيه انا الي فهمته انه ابوكي طبعه شرس مع الضعاف و الحريم و الاطفال هذه التربيه الخشنه من يكبرو اولاده الله يستر من رده افعالهم و كيف حيردون له قسوته مو ضروري بلكلام لكن بالابتعاد عنه و تركه وحيد ............................... اخيرا رجاء من اخواتي الفضليات اذا ما فيها كلفه عليكم انفاس العطور ياريت يا وخيتي تكتبين بللون اغمق و اختي شقرديه يا ريت يا وخيتي تقللين الدواير و اختي بنت الحكمي يا ريت يا وخيتي تتكتبين بخط اعرض و كل جمله بسطر وجزاكم الله خير |
لا حول ولا قوة الا بالله ارجوا الا يكون ردى فى الموضوع الآخر سبب لفتحك هذا الموضوع والله لم اكن اقصد سبحان الله اختى عليك بالدعاء والتضرع الى الله عز وجل ان يألف ما بين قلب والدك وزوجك ويحبب زوجك الى والدك ويراه من احسن الناس مع الآسف انا اعرف ناس كثير غير ملتزمين يكرهوا جدا اى شخص ملتزم واعتقد لانه يذكرهم بتقصرهم فى جنب الله اسأل الله ان يغفر لى ولكم وللجميع ولا نزكى على الله احد ولكن الله المستعان عليك بالتضرع الى الله عز وجل ان يهدى والدك وطبعا ابعدى زوجك بقدر المستطاع ولا مانع من التلميح لزوجك بان والدك يغار عليكى وكان يتمنى لك زوج من الاسرة ... وكذلك انه دائم الاعتراض على اى ملتزم ... وذلك لكى يأخذ زوجك الحذر منه ... وايضا لكى يتقبل اى موقف مفاجىء منه اعانك الله ووفقك لما يحب ويرضى ولكن يا اختى ليس هذا وقت مناسب الان ركزى فى فيما عندك من اختبارات اسأل الله لك النجاح والتوفيق |
هموسة .. زي ماقالو اللي الاعضاء ابوك يغيييير فحاولي تتجنبي اي شي يثي غيرته
و الشي الثاني زي ماقلتي ابوك متعود انه دايما يكون هو الصح هو ماكان موافق على زوجك .. و بمجرد زواجك و بيان معدن زوجك انه طيب و يحبك بين ابوك انه على خطا بحكمه على زوجك .. هذا الشي ضاايقه .. انه طلع قدامكم مخطئ بحكمه طبعا المفروض يفرح انه بنته سعيدة مع زوجها ... بس ابوك شخصيته كدا ما يحب يطلع غلطان ولو على قطع رقبته .. النقطتين مربوطتين ببعض .. لذا .. استمري على ما انتي عليه من كسب رضاه و حاولي تتقربي منه بالاحضان و الدعاء له قدامه و مدح بيت اهلك و كم انتي مرتاحة فيه و لا تذكري زوجك خير .. شر ... حتى موضوع الهدايا و انها من زوجك وقفيها لاني اعتقد انها تثير غضبه بزيادة .. و كانك تقولي له شوف زوجي كيف طيب و كريم و حبوب و انت تعامله بجفا... اي هدية قدميها على اساس انها منك انتي ... و ربي يهديه |
| الساعة الآن 02:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©