|
اهل زوجي وحركاتهم!!!
السلام عليكم عندي مشكله ابي انهيها اهل زوجي غيييورين اذا جالبنتي هدايا من اقارب من طرفهم اخذوها وعطوهابنت بنتهم او اخذوها وعطوها بنت ولدهم بنفس عمر بنتي..المره الثانيه صاحبه الهديه عرفت ان الهديه ماوصلت بنتي وقالت رجعوها ورجعوها لبنتي...كيف اوقف حركاتهم السخيفه..ماادري تنفع الصراحه معهم ..انا من النوع اللي اسكت اسكت ويجي يوم وانفجر مااتحمل حركاتهم ...غير كذا مايبوني اروح اعزي او البي دعوات زواج لدرجه حاليا فيه زواج وماعطوني كرت الدعوه يقولون لزوجي اصلا ماعزموها مستحييييل انا قريبه لاهل المعرس اكيد لي كرت دعوه بس من الغيره مايبوني احضر .. بالله وش الحل معهم ابي اوقف هالمهزله.... لالالالا تبخلون علي عطوني من تجاربكم يامتزوجين ومتزوجات... |
احسن شيء تأدبيهم بالتي هي احسن بان تعطي بنتهم هديه أو ترفضي مرة الذهاب لزواج انت من الأساس ما بدك تروحيه او عزاء انت ما بدك تروحيه.
|
بصراحة شديدة ... واصدقي نفسك
كيف تعاملك معهم ؟؟ |
كيف اادبهم هم يبونها من الله...
|
اختي رسيل مافهمت وش قصدك...
|
اقصد ..
دققي في تصرفاتك ... هل تقومين باستفزازهم لا شعوريا مثلا ؟؟ حتى لو لم تكوني متعمدة ... |
السلام عليكم اختي هده المشاكل كتيرة و لا تقل مع مرور السنوات و تغير الاجيال لكن لا تهتمي ..
هل انتي مقيمة معهم.. حاولي ان تتوصلي بكرت دعوة اخر ما دمت من اقرباء العرائس حاولي ان توصلي لهم ما تريدين قوله دون انفجار لان الانفجار يصحبه خسائر اعانك الله |
ماادري كيف اعرف اني استفزهم بتصرفاتي...
انا مااقصر معهم مافيه يوم يجيهم ضيوف تحت ماانزل اصب القهوه واساعدهم.. بالعكس انا متاذيه منهم وساكته .. |
اقتباس:
لكن يريدون ذلك بمبادرة منهم تجاهك لتغتاضي ، لا بمبادرة طيبة منك تجاههم ليحسوا أنهم أخطاوا في حقك. لهذا قومي بعمل ما يريدون قبل أن يطلبوا هم وحتى اشبه لك الحال أكثر لو أن احدا اراد ان يغيضك بالضحك على شيء أنت قمتي به لكن كانت النتيجة بالعكس فقمتي أنتي بالضحك ولم تغتاضي، فماذا سيكون ردة فعلهم؟ وكلامي هذا على فرض أنهم هم المخطئون. |
(وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ
أَحْسَنُ فَإِذَا الَّذِي بَيْنَـــكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ . وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ ) كيف مهاداتك لهم ؟؟؟ |
مااهديهم وش المناسبه...
والهدايا اللي تجي لبنتي مو لي ... فليه يصرفونها على كيفهم... |
معليش أختي لازم تقوين نفسك ..
هادوا تحابوا .. حتى لو مأذينك وعن تجربة سبحان الله .. يصيرون يستحون من أنفسهم ومن تصرفاتهم معك .. تصيرين تخجلينهم ويتندمون على اسلوبهم .. وبالنسبة لهدايا بنتك ازهدي فيها واعتبريها عليهم صدقة ... هم بعدين بيستحون من نفسهم والله التعامل الراقي يخلي دائما اللي قدامك خجلان لكن اذا عاملناهم بالمثل فنحن لسنا أفضل منهم أبدا وبعدين لا تهادينهم مرة ولا مرتين وتقولين خلاص ما شفت نتيجة .. اصبري وبتجنين الثمار ... صدقيني عن تجربة .. لا ترفضين الفكرة قبل أن تجربي ... لأنها ان لم تنفعك لم تضرك |
اقتباس:
صعبه اطلب من اهل المعرس كرت ثاني .. مشكوره حبيبتي على مشاركتك.. |
اقتباس:
مشكور اخوي على مشاركتك.. |
اختي رسيل...الحركات هذي من اخته ...
اهديها مستحيل اهديها اول زواجي كنت اهديها لكن من بعد تصرفاتها مااقدر... وام زوجي ماتبي تزعل بنتها لانها وحيدتها...فزي اللي عاجبها الوضع ... وبعدين اخت زوجي كبيره بالسن اكبرمني بعشر سنين.. ومع ذلك ماتتركني بحالي ... غيوره من معامله الناس لي ولبنتي... |
ياستي .. العرس اللي ما توصلك دعوته لا تروحيه
و اذا لاموك قولي لهم الصراحة ... ماوصلني كرت و افتحي الموضوع مع حماتك قولي لها مثلا .. شفتي فلانة زعلت مني ليش ماحضرت و قلت لها ماوصلني الكرت ساعتها اذا ما استحوا منك يمكن يستحوا من الناس .. |
الله يعينك كأنك تتكلمين عن حالي .. على الرغم من اني والله العظيم من اول يوم اعتبرتهم مثل اهلي و ابوس راس ام زوجي وابوه و هم ماعندهم هذا الشي لكن اعمل باصلي .. الحل الي وصلت له اني خلااااص ماعاد اهاديهم و صرت رسمية معهم و خففت زياراتي . اذا لقيتي حل قولي لي ههههههه
|
اقتباس:
بس حركه فلانه زعلت صعبه لان اهل المعرس مالي احتكاك فيهم لذي الدرجه... |
اقتباس:
لكن انا معهم بنفس الفيلا ولي شقه خاصه..واعتقد الحل اطلع عنهم...الله يسرها يارب... |
اختي قلب القمر ...
انتٍ ذكرتي ان اخت زوجك غيورة جدا منك على الرغم من فرق السن بينكما.. فما هو سبب الغيرة من وجهة نظرك .. هل لانها غير متزوجة ام ماذا؟ |
حتي لو كان هناك تقصير منك فهذا لا يبيح لهم ان يستحلوا الامانه
فهذه الهدايا أمانه يجب ان يوصلوها لك ويجب ان تفهميهم ذلك بالمعروف فان عادوا فعليك المواجهة معهم |
الخوف من الله- الحياء- اداء الأمانات- التقدير والحترام
إذا كان اهل زوجك يفتقدونه00 فهم بعيدين عن دينهم- رغم صلواتهم وصيامهم مافيه حل ألا تكلميهم باللين والموعظة الحسنه 00وجادليهم بالتي هي احسن00ولا يكن همك حقك ولكن حق الله00 خوفيهم من خالقهم00 الدعاااء لا تغفليه اختي 00 فله مفعول السحر00 وتوكلي على ربك والله يرزقك الصبر والاجر |
اقتباس:
وفي الجمعات والاستراحات مرحه ولو مااحضر يسالون عني..واجمل منها بكثير وتغار اذا كشخت ولبست...ماتبي اكون افضل منها باي شي... |
اقتباس:
والله لواعيد السؤال كذا مره ماترد تصرف ..ياتروح من المكان اوتتكلم باي موضوع وانا انحرج واسكت.. |
اقتباس:
حسبي الله ونعم الوكيل فيهم... |
اقتباس:
حاولي انك ما تثيرين غيرتها .. ما اقول لك لا تلبسي وتتكشخي لا.. بس انت لا تحسسيها بأنك افضل منها او انك تتعالي عليها بجمالك مثلا.. حاولي انك تمدحيها وتمدحي لبسها وانها جيدة وتقولي لها انك انت كمان جميلة حتى لو ما كانت .. يعني داريها وسايريها,, وشوفي كيف اكيد بتتغير معاملتها لك.. |
لا باس اختي اصبري
|
| الساعة الآن 04:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©