|
عروس لي 23 يوم ومصدومه اكتشفت ان زوجي العزيز ......!
السلام عليكم ورحمة الله وبركاته
ماني عارفه من وين ابدا بطرح مشكلتي لاني ماتوقعت اني بطرح في المنتدى مشكله تخصني وانا لسااا عرووووس لي 23 يوووم انا مصدووووووووووومه من زوجي اللي كنت راسمه له صوره في مخيلتي انه الزوج المثالي انا وزوجي ماكان بيننا مكالمات كثيره ايام الخطوبة الا بالعدد يسالني عن لون دهان وكذا كنت اتمنى اني اعيش قصة حب حالي حال اي بنت اسمع منه كلام الحب والغزل بس ماكان يبغا مكالمات كثيره وصبرت نفسي يمكن طبعه بعد الزواج اول اسبوع كان تماااام بعد اسبوع وشوي جاب لاب توب وزوجي بما انه ماله خبره في النت بالصدفه دخلت على سجل المحادثات وانا وقتها لي اسبوع وشوي متزوجه لقيت له محادثه مع واحد وبينهم كلام جنسي استحي اقوله انصدمممممت وبكيت لحالي وظليت يوم كامل مبوزه يسالني اصرفه باي عذر وقلت بحاول اني انسيه اصحاب السوء بدون مايحس وسويت كل اللي اقدر عليه من دلع واهتمام وحب ورومانسيه وطنشت الموضوع وصار عندي فضول اني كل بعد فتره اشيك على محادثاته لاني صرت مااثق فيه واليوم لقيت المحادثه الثانية لنفس الشخص زوجي يساله اذا كان يحبه او لا وكلام كثير واخر كلمه زوجي يقولها له احلا شي لما تستحي احس سكينه مغروووزه في صدري ليش كذا يازوجي العزيز دام هذا جوك وهذا مزاجك ليش تتزوجني وتعذبني ؟!! انا مازلت في الصدمه وماني عارفه ايش اكتب كل الافكار تلخبطت وكل الكلام طار بس ابكي يسالني وش فيك اقول له مشتاقه لاهلي ماخبرته ولا فتحت له الموضوع ولا لمحت له ماني عارفه كيف اتصرف قلت له بروح لاهلي مشتاقه لهم ودحين انا في بيت اهلي وبس ابكي وخايفه يحسون اهلي وماقدر اشكي لاحد من اهلي مابغا صورته تهتز قدام اهلي يكفي انهزت قدامي ومابغاهم يكرهونه ويحقدووون عليه ويمسكونها عليه طول العمر انا طالبه منكم المساعده كيف اتصرف هذي اول مشكله وكاسره ظهري ماني عارفه اتصرف على فكره عمره وعمري 25 يعني ماهو مراهق ويصير ولد خالي وهو اللي اختارني بنفسه هل اواجهه ولا اسكت واموت انا بحرتي ولا اطلب الطلاق مع اني حبيته ولا وش اسووووي ؟؟؟؟؟؟! الله يسعدكم لو بتدعون لاتدعون عليه ادعو له بالهداية |
لا حول ولا قوة الابالله
كثرو قوم لوط في وقتنا هذا .... عزيزتي موضوع انك تبلغين اهلك في البدااايه اجليه اشوي واجهيه >> لابد من المواجهة لان الي يسويه زوجك من الكبااائر ولازم تتواجهين معه وتعرفين ايش اسبابه وتحاولين تحلينها معه لان اغلب من يفعل هالفعله يكون عنده مشاااكل نفسيه ,,,وتبينين له عقوبة هالفعل ونزلي له روابط فيها احكام شرعية عسى الله ان يهديه ومن كانو على فعلته ولاااااااااااابد من مراقبته ,,, حتى لو قال انه تاااااااااااااااااااااااااااب واذا ماتاااااااااااااااب وكان كلامه مجرد تهدئه لك لانك عرفتي عنه عن فعله تتركينه وتطلقين منه الي مثله ماعليه حساافه ,, الله يهدي لك زوجك ويرزقك عيش كريم ,, >> لاتنسين تاخذين نسخه من المحادثات الي حصليتها لزوجك كدليل ضده اذا ماتاب وحبيتي تخلعينه ^_* |
الله يهديه ويسخره لك..
شوفي بالنسبة للمواجهه..لاتواجهينه إلا إذا قدرتي تسيطرين على قلبه.. والمواجهه لازم تكونين قدها..يعني توقفينه عندحده وتكبرينها بعينه وماترضين بسهوله.. فاهمتني.. مو تواجهينه وبكلمتين تسامحينه..!!! أول شي - كوني له الكل بالكل.. ونسيه .. أسعديه..دلعيه.. اتدلعي..أهتمي بنفسك..أكشخي.. (( انا ما أقولك سوي هذا عشان يترك اللي قاعد يسويه..هو ماراح يترك اللي يسويه إلا بصدمة قوية يتلقاها منك)) راقبيه من بعيد لبعيد.. لا تعاتبينه ولاتنكدين عليه.. أظغطي على نفسك لميييين تسيطرين عليه.. إذا جت وقت المواجهه - أول شي لازم يكون معاك دليل.. ولا يدري انك من زمان عارفة.. لازم تكبرين الموضوع وكأنك مصدومة من اللي صدر منه.. تبينين له انه حرمك من هالشي ويعطيه لغيرك بالحرام.. بس لازم يكون يحبك عشان يموووووووووت لو تزعلين منه.. ويصير فعلا درس له ويخاف يخسرك مرة ثانية.. لكن الان المواجهه.. ماراح تفيدك..أولا هو توه ماعرف خيرك من شرك..فمافي شي يخليه يتمسك فيك.. الشي الثاني .. أنتي ماراح تكونين قوية وممكن يضحك عليك بكلمتين وتعدي.. ويرجع وتكشفينه ويعطيك كلمتين وتعدي.. ويرجع وهكذا .. يعني راح يتسااااااهل.. خاصة لو سامحتيه بسهولة.. |
أنا كمان رأي لا تواجهينه.. أبدا الحين..
وترى كل كلام أحلاهم وتحداهم صحيح.. بس يعتمد على حسن التطبيق.. صلي واستخيري.. في الانفصال.. اكتمي سرك في قلبك.. وصلي وادعيله في قيام الليل.. لأنه لو عرف أنك عارفه وقبلتي تعيشين معاه راح يستسهل هذا الذنب العظيم.. الله يهديه ويهدي شباب المسلمين.. وبناتهم ويتوب عليهم.. ويغنيهم بحلاله عن حرامه.. |
ياقوة تحملك وياقووة صبرك
ليييييييييييييه ساااااااااااااكته الين ذحيييييييييين واااااااااااجهيييييييييه انا لو مكانك كاااااان مو واجهته بس الا ترطعت فيه :19: والله والله شي يحرق الاعصاب:(:mad: واجهيه لا تسكتين يمكن حالته صعبه ووصل لحالت الادمان ومايقدر يترك صاحبه بذي الحاله تقدرين تنفصلين قبل ماتحملين وتبتلشين:( |
دامك عند اهلك
ارسلي له مسج الااااااااااااااااااان ....... وقولي ابي منك وقت ساعه ع الاقل ابي افضفض لك عن شيء مضااايقني وخلاني اروح لااهلي ..........! وهو بيدق ع طول بيرتبك طبعا !! قولي له كل كل كل شيء وقولي اعتذر اني دخلت ع محادثات لكن دخلتها كذا باب الفضول فصدمت حبي من الكلام اتمنى اجد تبرير لهلكلام لانه خوفني وخلاني ارتبك ومشاعري تلخبطت وانا احبك وماابي افرط فيك ووالله من حبي لك ماقلت لااحد من اهلي ولا بقول لاني ماأومن بنظريه اي مشكله اقول لااهلي هذه مشكلتنا وحنا نحلها واسمعي منه واحكمي تبريره في مكانه او لا ...... وانتي قولي كل كل شيء بقلبك بكل صراحه فيك بكى ابكي عادي سوي اللي تبينه المهم تفضفضين وتوصلين له مابقلبك من صدمه منه كزوج . لكن لاتتسرعين بلحكم عليه قبل ماتعرفين وتسمعين منه . وش ضمن لك انه رجل يمكن امراءه اسفه لكن صدق ..وماودي ازيدك هم اكثر حبيبتي ارسلي له الان وكلميه بعيدا عن الاهل لاجل تاخذين راحتك ولا احد يسمعك . والاهم انك ماتتمادين بهلمشكله وتقبلين بعذر ليس مقنع وتمشي السالفه لانك تحبينه ثم تحملين وهو يستمر فتصيييييييييير مصيبه اكبر لانك حامل .... عندي مطلقه كذا اهون من مطلقه مع عيال او طفل . |
اهم شي الآن أمرين
دليل ملموس بيدك انسخي المحادثات على سي دي او فلاش ميموري و الامر الآخر منعي عن الحمل حتى ما يكون في شي يربطك فيه و ارى ان لا تسلمي نفسك له مخافة نقل الأمراض و ان حصل فاليكن بعازل هل عندك شخص (رجل) حكيم بعائلتك أب أو أخ؟ |
اقتباس:
ربي يعينك ويقوي قلبك ... |
الله يعينك مشكلتك صعبه بس
لايعرف انك تدخلين محادثاته خليها تعرفين منها تطورات موضوعه وانتي استشيري استشارين ودكاتره نفسانين ادخلي لمواقع لناس معروفه واكتبي مشكلتك وان شاء الله بتلقين حل اما عندنا مااتوقع صراحه مشكلتك فيها تداخلات دينيه ونفسيه واخلاقيه وقلما نسمع بمثلها لان هذي الفئه يخفون تصرفاتهم لالخوف من الله بل حتى لايكون مجتمعهم ضدهم وتأكدي لايكون يتكلم مع بنت تدخك باسم رجل واذا كان فعلا له علاقه برجل استخيري وفكري بالطلاق لانه صعبه يكون زوج واب لابنائك بالمستقبل |
لا تزعلين من الكلمه بس زوجك اكيد لجأ لذا الطريق لانه شايف قصور
|
اتصلي على شيخ
ضروري يمكن مايجوز تقعدين معاه لاحول ولاقوة الا بالله |
ما فى احتمال يكون فتاة ؟؟
كتيرين يحفظون اسماء بنات يحبونهم باسماء شباب حتى يتفادون مشاكل زوجاتهم فى كل الاحوال لازم ما تترك له فرصة ليكون وحده اذا فتح اللاب توب اجلسى معاه قولى عايزة اشاركك فيه باسلوب لطيف ناقشى فى البرامج والمواضيع فى النت واملى الوقت اهتمام ودلال حتى يبعد بالتدريج ويتعلق فيك وممكن يتغير |
اختي الغاليه اوصيك بسهام الليل فلنا رب كريم رحيم
واغتنمي كل اوقات الدعاء بالصلوات المكتوبه بعد التحيات والصلاه على النب وقبل التسليم واثناء الاذان وبين الاذان والاقامه واخر ساعه من عصر يوم الجمعه والله ييسر امرك |
مشكورات ع المساعده ربي يسعدكم ويبعد عنكم المشاكل
واللي تقول يمكن بنت لا مو بنت لانه يساله انت بالدوام ومتى بتسافر والي تقول مني قصور اي قصور وانا توي عروس ماكملت شهر حتى شكله علاقته فيه من قبل الزواج :( |
لا حول ولا قوة الا بالله
الله يعينك اختي الله يهدي زوجك ...بس انتبهي يلعب عليك بكلمتين وتسامحينة عشان يرجع ترى هالشي إدمان الله معك |
عزيزتي الغاليه لاتتهاوني في هذا الموضوع فهذا شي ولكن كوني قريبه الى الله فهو القادر على كل شي وخذي بكلام الاخت توفي وفيصل وتوكلي على الله واحسني الظن بالله واسال الله لكي السعاده الزوجيه وتقبلي مروري وجزاك الله الفردوس ؟
|
مع كلام احلاهم واتحداهم اعتقد ها افضل حل
ربي يفرج همك |
الخيانه والفعل الفاضح شيءين لايمكن السكوت عنهم ... واجهيه وعلى قولة المثل كلمه تستحي منها بدها...
يعني هو لو مسك عليكي شي لاسمح الله يبي يسكت !!! لا طبعا |
مشكورين ربي يسعدكم وينولكم كل مافبالكم
للحين ماقدرت اواجهه :( |
اقتباس:
ما شاء الله ... الغاليه احلاكم واتحداكم كفت ووفت ... والله يفرج همك ويهدي زوجك ... ويسعدكم ويبعد عنه الحرام .. |
لن ازيد على الاخوات حاولي الفترة تملكين قلبه مع الدعاااء والاستغفار والمراقبة عن بعد
وطبعا لو تمادى السكوت صعب واستخدمي مانع للحمل اعانك الله وفرج الله كربتك |
انتى تقولى انك فى بيت اهلك ولايمكن تحلى المشكلة وانتى بعيدة وبعدك يعطيه فرصة اكبر يبعد عنك ويواصل انحرافه اذا سلمنا انه منحرف اول خطوة لازم لازم لازم ترجعى بيتك وما تخبرى احد من اسرتك ارجعى بيتك وقربى منه خلى يتعلق فيك واملى وقته راقبيه ما تتركى له فرصة لوحده على اللاب توب اذا فتحه تتركى الفى يدك وتقعدى معاه بحجة تشاركيه فى مواضيعه |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©