|
ليتني مانولدت ولاوافقت
اخووواني انني حزينه جدا
فقد خطبني شخص وكان اخواني معارضين بشده لحكم ان هاشخص مايعرفونه ولاوظيفته كويسه لكن عارضتهم وافقت عليه وتمت الملكه والخطوبه وفي اثناء الخطوبه تمنيت ان يكون شخص يشبه اطباعي لكن اختلفت ارائنا وختلف كل شي وهو يريد الطلاق !!! ماذا افعل هل اطلق ماذا سيقلون الناس عني وبذات اخواني المعارضين والله اني ابكي ليل نهار وللي كاسر خاطري اكثر هي امي تحسبني سعيده معاه لم اخبر احد انه يريد الانفصال لكني لااريد وعندما بكيت واصريت اني لااريد الطلاق منه قال خلاص مافيه طلاق وكانه يسكتنى من البكاء انني احبه كثيررررررررررر واحاول قدر المستطاع ان فهمه اكثر ولكن هو يقول اننا غير متفاهمين ولانصلح لبعض وبعد هالسالفه كلمته وقلت له خلاص انسى السالفه قال ان شاء الله ولاتجيب طاريها مره ثانيه ماذا افعل هل اطاوعه في طلاق او ماذا؟؟ |
سلا م
غاليتي إذا مو متفاهمين احسن لكم تنفصلوا م الحين لأن تخافين بعدين لما تتزوجوا وتجيبوا عيال ما تنفصلون إيش ذمبهم هالعيال شوفي يالغاليه م رأيي لازم تنفصلين وخلي اخوانك يدرون ويكلمونه عشان يعرف ان وراكـ رجال هذا مو لعب هم سندكـ ومعتقد بيقولوا شي بالعكس مدام ماهم راضيين عنه بيرتاحوا وهذا درس عشان تطيعين أهلكـ لأن صدقيني هم يبون مصلحتكـ وعارفين وش إللي يناسبكـ والعكس ولأنهم يحبونكـ مرضوا لكـ تتزوجيه لأنهم أدرى به منكـ وتقبلي مروري ربي يسعد قلبج |
آآآآه يااختي همسات لو طلبت الطلاق وخواني المعارضين لن يفرحو بل سينتصرون على فهم آخواني من والدي
وغير كلام الناس وغير امي اللي مادري وش بيصير في حالها لو تدري اني موسعيده معاه هالفتره احوال افهمه اكثر واللي يآمر فيه اسويه وضاغطه على حالى |
الأخت الفاضله هذا قدري
هذا الخاطب صريح معك , وبين لكِ عدم رغبته بالزواج قدري له ذلك واقبلي رغبته . إذا كان الآن يجاملك ولبى رغبتك بعدم ذكر الطلاق مجدداً لن يستمر بالمجامله للأبد وقد يأتيه يوم ويطلق فعلاً إذا لم يقتنع بهذا الزواج . لا تجعلي حرجك من أهلك حبلاً ملتفاً على عنقك يخنقك ويمنعك من العيش بسلام وقد يستغل زوجك ذلك ويذلك ويتهمك بإلقاء نفسك عليه وهو لا يريدك . إذا صرح برغبته بالطلاق مجدداً فكري جيداً بقبول فكرته |
مدام صعب تطلبين الطلاق قربي م ربك وأدعي
إن الله يسخره لك ويحنن قلبه عليكـ وحاولي تبتعدوا فتره عشان تشتاقوا لبعض وترجعون احسن أكثري من الإستغفار والصلاة على النبي وإن شاء الله بتتحسن الأوضاع وحاولي تفهميه إنك مش مرتاحه معه وفهميه إيش إللي مو مريحك ف تصرفاته واسلوبه خلي مساحه الحوار بينكم واسعه والله يهنيكم ويسعدكم ويبعد عنكم المشاكل ويتمم لكم ع خيييرا |
اقتباس:
طيب اخي الكريم لو الان تفاهمت معه وتقربت منه كثير هل تزول منه فكرت الطلاق!!!! ام ان نفسه طابت ويعيش على مجاملتى كما تقول !!!!! |
اقتباس:
اشكرك اختي همسات على اضفائك لي دعوات صادقه الله يحنن قلبه يارب ويجعل بيننا صفاء ومحبه |
اقتباس:
وانتظري ردة فعله إذا قطع طاري الطلاق فبها ونعم أما إذا ذكره مجدداً ورغب به تكوني على الأقل مرتاحة الضمير وفعلتي ما بوسعك ولكن الله لم يرد . ولكن من المهم حسم الأمور قبل الزواج لكي لا يحسب زواج عليكِ وقبل الأطفال لكي لا يثقل حملك وهمك . |
اقتباس:
الله يسعدك ياخوووي |
اولا احمدي الله تعالى انه الاختلافات بانت الان
مش بعد الززواج و عندك طفلين و لا 3 .. ساعتها قولي لي ايش بيكون موقفك ؟؟؟ غاليتي .. الخطوبة و ضعت .. ليفهم كل طرف شريك حياته ... مش بس لكلام الحب و سهر الليالي اذا تم التفاهم فهذا نعمة و اذا لم يتم فالانفصال من البداية احسن و اسلم على الاقل تضلين مطلقة بكر و فرصك بالزواج تضل كبيرة ابدا لا تقدمي على الزواج فقط عشان ترضي حد او عشان تتجنبي شماته حد لانه انتي الخسرانة بالنهاية انفصلي و عيشي حياتك و طنشي اخوانك و تعليقاتهم ... وزي مايقولوا وجع ساعة و لا كل ساعة الم الانفصال الان و لا بعدين مع وجود اطفال |
مشكوره آختي على النصيحه
|
الله يعينك ويفرج كربتك ويدلك لما فيه خيييييييييير لك
|
الله ييسر امرك اختي الغاليه
مااوصيك لاتنسي سهام الليل |
مرحبا أختي "هذا قدري"
عليك بالدعاء أن الله يسخره لك ويحنن قلبه عليك ويوفقك في حياتك معاه صلي في الثلث الأخير من الليل وأكثري من الاستغفار .. وفي النفس الوقت صلي الخيره كل يوم ووكلي أمرك لرب العالمين لو حصل وأصرّ خطيبك على الطلاق فهي الخيره لك وأنت سويتي اللي عليك.. وعسى أن تكرهوا شيئا وهو خير لكم عزيزتي أسأل الله تعالى أن يصلح حالكم ويسخره لك ويوفقك إن شاءالله،،، |
الله يكتب لك الخير ، إستخيري وإذا أنتي ما تبغين الطلاق بعد إستخارتك الله يسخره لك ، وإذا بان لك بعد الإستخاره انه ما يناسبك فالأولى أنك تتركيه ولا تتحسفين ولا تندمين هذا رزق من الله والدعوى مافيها شماته أبداً وحتى لو شمتوا فيك أخوانك أهم شي كسبتي إنتي نفسك ـ وما عليك من الباقين .. إشتري راحتك ونفسك أحسن والطلاق الآن أفضل بكثير من الطلاق لو صار بعدين بوجود أطفال ..
|
احمدي ربك كشفتيه قبل الزواج ولاتصيرين متسرعه وتقولين بيتعدل وتندمين فكري قبل ماترتبطين فيه وتبتلين بطفل ماله ذنب مثل حالتي ولو كان خطيبك شاريك وقد مسؤوليه ماهددك بالطلاق من اولها
|
اختي طيب ممكن تفهمينا مثلا بايش ماكان في تفاهم واختلاف دائم؟
|
وزجك لعاب شكلو مسطول نظامو الي يخطب ويطلق شكلو موشايف بنات الله يكفيك شروو
|
اقتباس:
وبتستمرين طول حياتك ضاغطة على نفسك حبيبتي هذي شراكة حياة مو مسألة يوم يومين وإذا التوافق من البداية ماصار خلاص ليش تعيشين تجربة فاشلة ولايهمك احد اهم شيء حياتك الناس فترة وتسكت وانتي لو ضحيتي بنفسك علشان الناس بتاكلين بنفسك طول حياتك خلي تفكيرك ابعد من حدود قلبك فكري بعقلك بعد 10سنوات كيف بيكون حالك؟ سواء انفصلوا الآن والا استمريتوا الله يختار لك الخير يارب |
اذا هو هذا قراره فارضي بالنصيب و انفصلي
ان تنفصلي الآن و الضحية فقط مشاعرك و مشاعر أهلك ! أفضل من الانفصال بعد الزواج و الضحية : 1- عذريتك 2- ربما أطفال مالهم ذنب !!!!!!!! 3- مشاعرك و مشاعر أهلك وازني الأمور بعقلانية بعيدا عن العاطفة |
من الصعب أن أعيش من امرأة وليس في قلبها حب ووافقت على الزواج مني خوفا من اخوانها
فهو يشعر بهذا الشي , فالحب الحقيقي يختلف عن المجاملة .. ولا يوجد رجل يخاطر بعمره مع امرأة لا تكن له اية مشاعر .. |
اختي العزيزه
الخيره فيما اختاره الله لاتخلين المكابره تخسرج نفسج اذا الرجال مايبيج احسن من اولهاا تطلعين من الموضوع ولايدخل عليج وبعدين يطلقج او يطلقج ومعاج اطفال انتي كلميه بهدوء اذا كان كلامه عن الطلاق ضحك او جد واذا جد بلغي امج وخلي الموضوع اهلج يحلونه معاه والله يجيبلج الي فيه الخير ويسعدج ويسهل دربج |
[SIZE="5"]مشكورين اخواني
امس اتصلت عليه وقلت له حدد مصيري قال لاتستعجلين خليني افكر اكثر يمكن ارجع لك وبعدها سكر من عندي وانا مخنوقه حدي واتصل ثانيه وقال كلتي شي قلت له ماكلت حاجه ولاباكل وسكرنا من بعض وجاء المغرب وطلعت وياه قلت له حدد مصيري اخبر امي من الحين ولاكيف قال لاتستعجلييييييين يمكن ارجع لك قلت له لو رجعت ورجعت سالفه مره ثانيه خلاص بخبر امي بعدها قال ماكلتي شي اشتري لك شي قلت له لامابي قال زين ونزلني البيت وانا ابكي بحسره ورحت نمت واتصل على وانا كنت وقتها توني صاحيه من نوم قال لي خلاص انا فكرت وكان كل هذا دعابه منى عشان ابيك تتكدرين ولاتاكلين طبعا انا ماصدقته لانه مو اول مره يقول كذا قلت له تبيني اضعف بهالطريقه انت كذاب هذه مودعابه ولاشي قال انا كذاب يلا يلا باي قلت له احلف ان هذه مودعابه!!!!!!! مارد على بالله عليكم شنو تستنتجون منه !!!! وهو يدري اني احبه ولاابغي الانفصال ويعرف الاسباب |
اتصلي عليه وقليله أنا الي ما ابي اكمل معاك ..>>>> اتركيه فعلا ولا تأسفين على واحد زيه <<<<<<<<<
وقليله زي ماسويت فيني إن شاء الله ربي يرزقك بوحده مثلك بعد ماتتعلق فيها كل يوم تقلك طلقني ما ابيك.. ليش مرخصه بنفسك ..يابنات والله الانثى كرامتها بالدنيا كلها ورجالها.. الله كشفه لك من البدايه لععععععععععاب.. وبعدين ليش تطلعين مع واحد زي هذا .. البنات ماطلعوا مع السنعين مو عاد مع واحد مثل هذا.. يمكن قسيت معك في الكلام .. بس يمكن القسوة تكون قمة الرحمة.. |
أنا شايفة إنه الرجال صادق و صريح من البداية
فلازم تحترمي صراحته ، لييييه نقوول لها تدعي عليه ؟ هو ما حب يظلم نفسه و لا يظلمها معاه هم الإثنين طبايعهم ما تتفق ،. فالإنفصال من الان أفضل |
| الساعة الآن 07:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©