|
اتسرعت بالموافقة . بس بعد آيش
السلام عليكم جميعآ صبآح / مسآء يلييق فيكم ..~
مو عارفه كيف ابدأ مشكلتي غريبه شوي اتمنى القى عندكم بعض الاراء اللي تحاول تقنعني انا انخطبت بعد عيد الاضحى شاب عمره 27 سنه مثقف وعمله ممتاز صديق للوالد وله عمل معآه كمان يعني مرتاح ماديا يعني انا اشوفه ابوي الصغير ماخذه انطباع يعني اشوفه جاد جدا وانا بنت عمري 18 سنه .. شايف السن شوي بيننا وانا وقفت لين الثآنوي وكل طموحي تكميل الجامعه وانا بطبيعتي مرحه يعني احس نفسي لسى مراهقه وادقق في اصغر التفاصيل احس المتقدم لي مايناسبني :s اول ماتقدم لي رفضت بس اهلي قالوا فكري لانه مايتعوض اخلاق والكل مدااح فيييه قلت مابخسر شئ وياليت تمسكت بقراري طلبت له صور يعني هو مقبول بس ماادري ايش فيني مو مرتاحه له واحيانا العكس يعني احس ان مافي شئ راح يشترك بيينا بعدين شخصيتي بعيده عن شخصيته صراحه الوالد زعل شوي اول ماعرف اني مااابيه وقال فكري مره ثانيه .. بعدين حصل ضغط وانا قاعده مع اخواني مدري ايش خلاني اوافق احس اني تسرعت بعدها مررررررررررررررررررررررررره والمشكله ابوي بلغهم في الموافقه مرت اسبوع هالموافقه وانا كل يوم الوم نفسي ايش خلاني اوافق فكره توديني وفكره تجيبني ماتروويت شوي مع اننا ردينا بعد اسبوع من التقدم الشاب عرف ان حصل ضغط من اخوي واتضاايق هذا قبل ماتجي الموافقه .. كمان لي صديقه مقربه لي وعايلتهم متزوجه من بعض مامدحتهم لي .. يعني العايله بينها مشاكل وقالت لي ابعدي احسن لك عنهم دامك بالبر .. ع فكره البنت صديقه قرييبه مني وانا اثق فيها انا الحين متررده جدا واحس اني اتسرعت مرررره مرررره يعني صعبه اقول لهم اني اتسرعت بعد ماردينا عليهم وخايفه مره من موقف ابوي وقتها لانهم عزيزين عليه والله يعلم اني امر بحاله نفسيه صععبه واكل في نفسي من التفكير انصحححوني تكفوووون :( ! |
يااعمري’’,,
انا مثلك يوم جيت بوافق حسيت بضيقه ومتردده حيييييييييل بس ابوي كان يمدح لي الرجال واهله يمدحونه بعد ماوفقت وملكت عليه صار معي اوكي في البدايه وفي نهايه طلع على حقيقته كذاب و راعي كلام ومشااكل وربي حدي ندمانه بقووه ياليت كنت مطااوعه احساسي ادعولي انه الله يفرج همي وضيقتي |
الله يفرررج لك همك يااااااااارب
وانا هذا اللي خايفه منه اشوف شخصيه ثانيه بعد ما ارتبط فييه الله يوفقك حبيبتي وييسر لك امرك |
أهم شي في مثل هامواضيع انك تكوني مرتاحة نفسيا و راضية عن قناعة من رضي لوالدك لان هدي حياتك في النهاية و ربنا يكتبلك الخير وين ماكان
|
حبيبتي
لاتلعبي باعصابك اكثر الوحده اذا انخطبت تكون فرحتها وراحتها من البدايه مو تردد!!!! وتوافق بضغط وااااااضح الامر ان قلبك مو مقتنع ولا احساسك وافقتي بضغط عايشه بقلق وتوتر يعني بلعربي منتي مرتاحه للخاطب(الرجال ) فارفضي افضل لاانك مو مقتنعه !! ارفضي دامك على البر ...قبل ما يطيح الفأس بلراس ولا يهمك زعل ابوك ولا اخوانك لاانك انتي اللي بتعيشين معه مو هم !!!! استخيري وان استمر احساسك فلرفض افضل . لاتكذبين على نفسك اكثر . لايهمك قد وافقنا وقد وقد !!!! حبيبتي كيف تعيشين مع واححححد ماارتحتي له من البدايه \ كيف بتتزوجين واحد وانتي وافقتي بضغط من الاهل ! الله لايقدر لو حصل مشكله بسيطه ولا ماعجبك طبع منه !!! بتندميييييييييين ندم اكثر من الندم اللي انتي الان عايشته !!! فبلغي والدك واخونك بقرارك وقولي هذا قراري الاخيييييييييييييير ! لا وانتم بكيفك لااحد يحاول ماابي العب ع اعصابي وقلبي خلاص لا لا والله يعوضه بلي احسن مني ! اقول لك انا كنت مخطوبه لزوجي وهو معلم وكانت خطبتي بلسر ! بسب اني صغيره وكنت بمتوسط ومرت السنين والايام وصرت 2 ثانوي اقسم بالله مرت ولم اكلم ولم اسمع صوت خطيبي اللي هو زوجي الان وخطبني واحد طبيب ماشاء الله مركزه ممتاز وشبعان وعمره مناسب كلمت اخته رفضت وكل من اهلي هزئني الا امي صاااامته !\ وش تبين بلمعلم اللي ماادري وش تبين فيه هذا طبيب قلت ماادري ماني مرتاحه حاسته شابف عمره !!!والسبب اللي حسسني لانه قال ابجيب شغاله لها اذا تبي تكمل تعليمها \ واجيب سواق لها بعد واللي تبيه ابجيب هذا من كلام اخته لاامي !!!!وهلكلام بعد رفضي الاول \ اصريت ع رفضي !!! قلبي محسسني اني مابرتاح معه والسبب!!! عمله مع نساء طبعا دكتور وتعرفين انتي كيف !!! وكان من اهلي سبوا خطيبي وش تبين بهلملتزم خذي دكتوووور يرفعك فوق تحطمت وهاوشت قلت انا ماابيه يروح هو وفلوسه ماابيه شايف نفسه يغريني بفلوسه ماابيه اصلن كذا سبحان الله قلبي مو مرتاح له رغم ان اخته ماشاء الله خلوقه فااتصلت اخته فقالت امي مافي نصيب فقالت كلمي بالله احد يقنعها من خالاتها تخيلي كلمتني وحده من خالاتي وتنصحني بلموافقه قلت لالالا هزئتني ياغبيه ليه وماادري ايش !!! عشت ارق وقلق وبكاء من لضغوط علي فقلت والله ماابيه ماابيه فقالت امي لااخواتي وابووووووي بلاخص خلاص مالكم دخل هذه حياتها وهي ماتبيه يوم قالت اميلااخته للمره 3 قالت امي رفضت والله يافلانه والله يعوضه بلي احسن منها فاانتي سوي مثلي رفضت وقاومت اهم شيء مااوفق ع شخص مو مقتنعه فيه ابدا ابدا ليش اوافق ع زوج المستقبل بشور الاهل واسمع لهم لييييييييييه انا من اعيش!! والحمد لله الان متزوجه ومرتاحه جدا مع زوجي اللي هو خطيبي اللي تمسكت به بلسابق ! فاارفضي دام قلبك لم يرتاح له . |
حبيبتي فرضا رجعتي في كلامك ايش اسوأ شي ممكين يصير؟؟!!
بيذبحوكي مثلا اكيد لا اختي اذا من الاول مو مرتاحه ارفضي انتي لسا عالبر احسن مايجي يوم وتندمي شيلي موضوع صديقتك على جنب انتي نفسك مو مرتاحه المفروض البنت بهالحاله غالبا تكون مبسوطة والفرحة مو سايعتها اهم شي راحتك ياغاليه استخيري وربي يجيبلك الي فيه الخير |
قلبك دليلك .. استخيري الله فما زلتي في ريعان شبابك
هذه حياتك انت التي تعيشينها .. لكن الأهل بعض الأحيان لهم بعد نظر لما له علاقة بالمصلحة دون وضع اعتبار لميول الشخص.. فلا تتسرعي ولي وقفة هنا.. لو كان الشاب علاقته جيده مع الله بغض النظر عن شكله.. يعني بصلي وبصوم وما بيتعاطى الموبقات المهلكات.. وسمعته جيده وسط الناس .. ليه لا.. يعني العاطفة ممكن تجي بعدين.. المهم الشخص نفسه يكون متدين ويخاف الله.. فهو لا يظلم بنات الناس، ولكون ضميره صاحي.. قد تكون هنالك هفوات يمكن علاجها وأخرى التقاضي عنها.. ويعتمد ذلك على قوة شخصيتك وتأثيرك.. يا أختي.. قلبك دليلك، ألجاي إلى الله وأصدقي النية له وتأكدي بأنك لن تضيعي.. ولو حصل واتي قرارك بعد تفكير بعدم الاستمرار فمن حقك هذه حياتك. |
الصرااحه لابد تستخيري واذا مو مرتاحه له ارفضي > نصيحه من قلبي الراحه اهم فالارواح جنود مجنده منها تقاابل تتناافر ومنها تتواافق.....
|
أختي الصغيره اجهلك
الزواج ليست عشره عابره او معرفه مؤقته الزواج عشرة عمر . ارفضي إذا كنت غير مرتاحه لهذا الخاطب ووالدك سيغضب فتره ثم ينسى ويعود لسابق عهده . كثيرات أمثالك , وافقن ثم رفضن وأوقعن أهاليهن بحرج مع الناس ولكن عادت الأمور إلى طبيعتها بعد فتره من الزمن . |
ممكن نعرف اسباب عدم راحتك تحديدا في نقاط علشان نتناقش معك فيها ؟؟؟
|
يعطيكم العافيه نك نك جميعا
ريحني كلامكم والله بس مشكلتي الي افكر فيها اكثر ان صار عندهم خبر بالموافقه وانا خايفه اذا واجهتهم اضعف مره ثانيه ومشكلتي ابكي بسررعه >< |
اقتباس:
ثاني شئ / شخصيتي بعيده عن شخصيته هو شاب ناضج وانا لسى اشوف نفسي بمراهقتي وطيشي |
أختي لا تستشيري فقط وإنما يلزمك أن تستخيري فربك فقط من يعرف الخير في ماذا وتبعا لذلك سوف يتيسر لك مافيه خير وسوف ترين ذلك بنفسك ...
|
شوفي رأي ابوك وأعمامك الرجال لهم نظر بالرجال
واستخيري كثير والله يكتب لكما الخيره من أمركما |
هذا الأمر يا ابيض يا أسود ..
فأنت بين امرين اما أن الرجل فعلا كفؤ ولا يتعوض بشهادة الثقات ..فاتركي للرجل لمن تعرف قدره وقيمته .. وستتحسرين عليه وأما انه عكس ما سمعت عنه .. فانجو بجلدك ..فالتراجع الان سهل .. وغدا له تبعاته وآثاره المدمرة .. |
اقتباس:
|
اختي هذا بيكون شريك حياتك طول عمرك فأتمنى انك تاخذين برايك وماعليك من كلام احد..
واهلك بيزعلوون يوم يومين ثلاثه وبعدها كل شي طبيعي |
تعليق بسيط جداً " طلبت له صور يعني هو مقبول بس ماادري ايش فيني
مو مرتاحه له واحيانا العكس " ليش هو مايقرب لك ؟ او حتى مو ساكن بنفس مديتنك ؟ وممكن اعرف ايش جنسيته ؟ <<< يمكن تقولو مالها دخل او ماله داعي سوالي بس غاية في نفسي وياريت تخبرني بالنسبة للزواج من عدمه فانصحك استخيري وماخاب من استخار دمتم بخير |
اختي فالله
هل تعتقدين ان والدك واخوانك راح يرموك على رجل ليس كفوا" لك ؟؟؟؟ فكري جيدا وشوفي الفرق : * ابوك واخوانك يعرفونك ويعرفون اخلاقك ويعرفون هذا الرجل واخلاقه ولم يوافقوا الا لأنهم واثقين بعد توفيق الله انكم لايقين لبعض. * انتي تعرفين نفسك ولاكن لاتعرفين خطيبك. تعوذي من الشيطان ومسألة ارتاح له وما ارتاح له وحبيته وماحبيته من وجهة نظري والله مالها اي داعي انتي تقولي ماارتحت له من صورته وشخصيته وخلاص ماابيه ؟ طيب هل الزواج كله شخصيه وشكل حلو فقط؟؟ يااختي مسألة صورته انا شخصيا اعرف لي شخص مشهور والله لو دخل مواقع او اسواق نسائيه 90% من النساء راح ينبهروا من وسامته وشخصيته لاكن عاشرته وجلست معه الله يستر عليه والله ماعنده اي تقدير لأحد لا اخ ولا صديق ولا زوجه ولا اولاد وحياته مع اهله واولاده والله ان موته اريح لهم. اذا الرجل بعد الزواج حبك ابشري بسعدك واحمدي ربك انه رزقك بزوج يحبك والحب الحقيقي والأرتياح بعد الزواج وليس قبله ويابشر يامسلمين افهموا انتوا يااهل المجتمعات المحافظه كيف تحبون قبل الزواج والله انها اوهام من الشيطان انا عندي صديق يحب خطيبته وخطيبته تحبه وقبل الخطبه كانوا يموتون في بعض ومرتاحين لبعض ..خطب هذا الصديق وتزوج وبعد ثلاثة اشهر طلق سبحان الله وين راح هذا الأرتياح وين راح هذا الحب الي تتكلمون عنه نصيحه اسمعي كلام ابوك واخوانك فهم ابخص منك الله يوفقك لما فيه خير |
انتي سوي حاجه وحده وهي الإستخااااااااااااااااااره بشكل يومي وخليها على الله بمعنى توكلي على الله وربك هو الذي يتولى امرك لاتشيلين هم الله يوفقك لكل خير |
الله يوفقنا وإياااك تراكي باقي على البر شفتي نفسك إنك مو مرتاااحة توكلي على الله وإرفضية وإنتي مشاء الله عليك باقي صغيرة والحياااة باقي قدامك كثير الله يعطيك العافية والصحة وأسأل الله إن يوفقنا وإياااك لما فيه الخير والصلاح
|
هل من الأفضل أن تعيشي مع رجل طائش مثلك لا يعرف قدرك ولا يبالي بك
أم مع رجل واعي ناضج يتمسك بزوجته ويحبها ويعرف لها قدرها استخيري مرة أخرى ولا تهدي خطيبك امراءة أخرى وتبقين مع اشباه الرجال موفقه بإذن الله |
بلا دلع بنات يمكن متردده لانك صغيره وبتدرسي بالعكس ترا تاخذي واحد اكبر منك افضل من انك تاخذي واحد قدك وبعدين
يفكر يتزوج عليك حطي عقلك براسك وفكري بمستقبلك الفرصه ماتجي الا مره وحده خلينا نفرح بيك ياعروستنا مبروك مقدما |
ياختي الكريمة انا قرة موضوعك وقرة جميع الردود وكلها الرفظ
اول شي انتي اهلك معك مو ضدك ثاني شي ماعشتي مع الشخص تاتحكمي عليه ثالث شي مانحكم على الشخص من خلال الصوة يعني مافي سبب موقنع للرفض لان الي بداخلك من فعل الشيطان وفعل الحسد يعني ياصديقتي انتي عم تقولي انك طاشة يعني موغلط بس انتي لاترفضي الشخص بسبب طيشك يعني اذا مفكى حالك تسرعتي وافقتي فلا تتسرعي وترفضي موافقتك يعني الحياة فيها قسمة ونصيب والله انتي بصراحة رفيقتك خربطتلك تفكيرك بس اذا كان بيناتهم مشاكل انتي بيهمك خطيبك وبس مافي عيلة ومافيها مشاكل والشب الي خاطبك واعي ومثقف ومحترم اهلك يعرفو يعني انتي بدك واحد تفصيل وهل شي مافي يعني انا مع موافقتك لان مافي سبب موقنع للرفض وعمرو مناسب يعني مكون نفسو |
| الساعة الآن 04:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©