|
كيف يبدأ صباحكم
مراحب للجميع
حبيت اطرح سؤال واتمنى من اخواتي الأجابه بصراحه حتى انتو اخواني جاوبو بنيابه عن زوجاتكم:17: هل تصحي مع زوجك قبل خروجه للعمل؟؟ او يصحى ويطلع وانتي في سابع نومه:25:؟؟ وشنو يكون دورك من اول مايصحى لحد مايطلع؟؟ تحياتي اختكمJ |
اقتباس:
|
هلا اختي دمعة مفارق
شرفتي صفحتي انا مثلك وحتى لم اكون زعلانه اصحى واسوي نفسي نايمه ههههه لكن هو يدري اني صاحيه الله يخليكم لبعض يارب تحياتي |
اذا صرت مروقه يبشر بالفطور والسنع والبخور خاصة اذا كان عندي مشوار والا شغله <<:22:
واذا صرت زعلانه مرات أحن عليه واصلح له ساندوتش على الماشي يعني بدون نفس ومرات اصلح نفسي نايمه طبعا قبل لا يصحى اكون مشيكه على ملابسه والصاله مرتبه وهيك واذكره قبل لا يطلع بالأشياء الي بالجدول لأننا لازم نرتب اشغالنا ومواعيدنا بجدول بس حتى لا صرت زعلانه ارسل رساله اذكره لأنه من النوع الي ينسى وطبعاً انا الغلطانه اذا نسى قرقرت واجد بس مواصله وودي اهذر |
سواء داومت أو ما داومت
ما عمرها قامت قبلي أصحى وأطلع وهي بسابع نومة وفي العطل أصحى وأفطر وهي بسابع نومة :) وإذا كان عندها دوام بتكون مشغولة بنفسها الأمور تساهيل |
عن نفسي لسا ماصرت عند بيت زوجي بس متعودة اصحى قبل خطيبي يعني هو دوامو 9 انا اصحى 8:30 واجلس اتصل في سنه عشا يصحى لان نومه ثقيل وبس يصحى واجلس اتكلم واتاكد انو مارح يرجع ينام خلاص اقوله بس توصل طمني خلاص اول مايوصل ويكلمني ارجع انا انام
اتوقع هالموضوع عادة ولما تسويه المرأة لزوجها عشانها تحبو |
اقتباس:
لي ساعتين ادور بلمنتدى ابي اسولف ...ولقيت موضوعك . يعطيك العافيه . |
هل تصحي مع زوجك قبل خروجه للعمل؟؟
عن زوجتي هيا و العوامل المحيطه من (هرمونات , مزاج , حالة صحيه , زعلانه , الخ الخ من عوامل الحريم) اذا هيا صحيت قبلي خلاص تقوم و لكن لو انا صحيت قبل خلاص تستثقل انها تقوم عشان على بال ما تتزين اكون قد طلعت و انا افضل انها ما تصحى معايا لما اروح الدوام عشانها لو صحيت بدري يتأخر الغداء!!!! وشنو يكون دورك من اول مايصحى لحد مايطلع؟؟ هيا دايما تكون متحمسه انها تسوي فطور و كلام كثير و لكن انا دايما اقول لها اني انا ما افطر (فطوري كوب قهوه و كيكه) و اعتقد هذا اللي يخليها تكسل انها تصحى خصوصا اني استمتع اني انا اسوي قهوتي بنفسي |
.. من يوم تزوجنا لليوم , وأنا أصحى قبله .. وأجهز ملابسه .. واجهز البيت .. وأجهز له الفطور ..
.. وصرنا عائلة .. وشرفوا الاطفال .. ولازلت أصحى بدري ^_^ علشان أجهزهم للمدرسه .. ,وأوصلهم للمدرسه , وبعدها أرجع البيت , واجهز أغراض زوجي , وفطوره .. وأودعه .. وأنظف البيت .. .. وأخذ لفه سريعه على المنتدى .. وأرجع الى شغل بيتي .. وتجهيز الغذا .. والاستعداد لاستقبال زوجي والاطفال الساعه وحدة ونص .. |
شكرا لكل من تفاعل مع الموضوع
وربي يخلي كل زوجه لزوجها والعكس وربي يقدر الكل على اسعاد الطرف الأخر تحياتي ولا عدمناكم |
اقتباس:
ولى يهمك شكلها تحب النوم كثييير ولى خايفه تعودك على هلعاده وتدلعك بعدين تبتلش لان العاده تصير مثل الواجب ربي يسعدك اخوي وان شاءالله تكون مو مقصره في واجباتها تحياتي |
اقتباس:
وعافيك يارب ههههه صدق من قال عننا ياحبنا للسوالف تحياتي |
اقتباس:
والله زوجتك مروقه تتزين لك علصبح ولسه صاحيه من النوم خايف على بطنك :17: صحيح الطريق الى قلب الرجل معدته تحياتي |
ما عندك أحد ما رح أظلمها خليني أقول وابااااااااااااااااااااااااااااااااااااااااااااااا ااااااااااااااااالغ جداً وأقول هيا كلها سنة متفرقة من أصل 15 سنة زواج اللي شعرت فيها بهذا الشعور .
لا تصحى قبلى ولا تقوم لما أرجع وهي نايمة ولا ألقى فطور في الصباح ولا غداء في الظهر ولا عشاء في الليل وكله من المطاعم ولا تجهز ملابسي ولا تشيل مني الأغراض أذا جبت شيئ معاي للبيت ، حالتنا في البيت مثل العزبة لكن الحق يقال عزبة نظيفة ومرتبة هذا أقصى اهتماماتها . لكن في مواضيع الأكل نأكل بغير ترتيب يعني لو جبت شيئ من المطعم مثلا البيك مثلا ، رح نأكله من نفس صحونه اللي أخذناها من البيك وإذا جبت كبسة ممكن نحطها في صحن واحد أما السلطات التابعة من علبها مباشرة. أقول الله يخلف علينا بس . شكل القضية منتهية منتهية ..... الله يجيب الخير |
أنا اواصل سهر حتى الفجر لأن زوجي ضروري يصلي الفجر بدوامه أو بعد الصلاة مباشره يكون بالصفه حق عمله قبل الصلاة أصحيه وأجهز له حليب زنجبيل أوكافي ويتوضأ ويلبس ويجلس يشرب الحليب وأجلس أقرقر عليه بالسوالف حتى يأذن وقرب الإقامه أستودعه الله وأفتح له الباب ويروح يا إنه يصلي بالطريق أو يصلي في مسجد عمله ومقر عمله قريب من البيت بعد مايروح أصحي عيالي يروحوا يصلوا بالمسجد وأنا أصلي وأضبط لهم فطور وأجهزهم للمدرسة وبعد مايروحوا أحط راسي إلين الظهر
وأصحى أجهز الغداء وزوجي أحيانا يجيب فطور الصباح ويجي يزعجني وأنا نايمه يصحيني علشان نفطر سوى أضطر أصحى مجامله له علشان لوماصحيت يزعل وماعاد يفطر أقوم من نومي غصب عني ونفطر مع بعض ويرجع دوامه وأنا أواصل نومي وأحيانا يسون قطه هو وأصحابه ويشترون فطور ويفطرون مع بعض وكذا دواليك وأنا ماكنت أسهر من أول إلا يوم عرفت هالمنتدى الطيب أحب أتصفحه بوقت هدؤ فما ألقى غيرباليل زوجي وعيالي ينامو ا وأنا أستلمه وما أفكه إلا قرب صلاة الفجرحتى دائما لمايصحى زوجي يسألني مانمت باليل صح أقوله ماجاني نوم يقول بلاك والله من ذا المنتدى مطير عقلك ونومك لاتنسين نوم اليل أحسن وأفضل لجسمك من نوم النهار ويستلمني نصايح حتى أنا أجيب له سالفه وأغير عليه سالفته وأنسيه الموضوع بس ياويلي لوقلت آه اليوم راسي أحسه مصدع يقول أكيد من قل النوم أنت ماتنامين باليل بس بطلت أقوله راسي خلاص حبه فيفا دول وينتهي الألم حتى أرتاح من نصايحه عموما قرقرت عليك واجد مشكوره أختي على موضوعك الطيب. |
بالنسبة لي أنا باقي ماتزوجت يعني عزوبي ما عمري أفطرت في البيت من يوم توظفت بس بعجبني ردود الأخوان والأخوات ومنكم نستفيد بس أسأل الله العظيم أن يحفظكم ويخلي كل زوج وزوجته لبعض يارب ودعواتكم لي ,,,,,
|
افاااا اجل انا الوحيده هنا اللي أكون نايمه ويا قليبي زوجي ما اقوم معه هههههههه
بصرااحه ايه اصحي معه دااااااايم واجهز له الفطوور بس بس بس زوجي من النوع اذا صحى الصبح تكون النفسيه عنده دمااار ويحط حرة الدوام فيني يعني احيانا يتمشكل معاي الصبح ويدور علي اي شيء ليش الساندوتش كيذا؟ ليش الشاهي كيذا ؟ ليش سويتي لي بيض؟ ليش ما حطيتي لي طحينيه ؟ واخر شيء يقوول انتي اللحين ليش صاحيه؟؟؟ ليش ماتنامين طبعا مليــــــــــــت وصرت اناااااااااااااااااااااام خاصه لأنه جا يوم وقالي ترى ما احب افطر في البيت احب افطر مع ربعي لأنهم يسوون قطيه وكل يوم الفطور على واحد من المطعم اما في حالة صحى للدوام وصحيت غصب عني اكيد اقوم معاه واودعه عند الباب والحمد لله ما اقصر معاه لا في الغداء ولا العشاء ولا نظافة البيت ولا استقباله وفي النهاية ترا النووووووووم حلوووووو |
اقتباس:
وشكلك بتدخل الجنه من ورا صبرك عليها ربي يعوضك خير يارب بس اتمنى تكتب مشكلتك في موضوع لان من اول ماقريتلك مشاركه صار عندي فضول ليش هي كذا ؟؟ تحياتي |
اقتباس:
اه منك يابنت الحكمي بصراحه الله يعينه على قرقرتك من الصبح هههههههه امزح بس احسك تسولفي كثير من مشاركاتك بس رأيك سديد الله يخليكم لبعض والعفو خيتو انتي الآطيب:17: تحياتي |
اقتباس:
تحياتي |
اقتباس:
الله يسعدك خيتو ترا بعض الرجال هم يخربو على حالهم بردات فعلهم بعدين يحطوها فينا مانسوي ومانهتم وووو انتو قدرو بلآول وبشرو بلنتائج بس بصراحه ضحكت لم قلتي اخر شي يقولك ليش انتي الحين صاحيه يلا ريحك والله تحياتي |
:d طبعاً آنا ألحين رجعت إنسانه منطلقه للحياة مع العزوبية :d :25: بس سابقاً لما كنت متزوجة .. كنت خوش مره :d اقعد وياه اذا دوامه الصبح .. يروح يسبح واوديله الروب < شنو هالكسل خذ الروب معاك :d رجال آخر زمن < ألحين خل يدور له من يودي له الروب :d المهم .. قبل لا يطلع من الشاور .. أكون مجهزه ثيابه .. وحاطه له السير في الجينز :d بينما هو ينشف شعره اجهز له الكريم .. والعطر .. والبوك .. والنظاره .. والكارد اللي كان يحملها :15: وأحياناً كنت ألبسه دلاغاته < يعني " شراباته " نودعه ببوسه ... ونرجع للنوم :d < محد يحب النوم كثري ويوم اللي احس نفسي ما اقدر اقوم له .. من بالليل قبل لا أنام اجهز ثيابه وكل شيييييي اجهزه واحط له ورقة مكتوب فيها ... [ صباح الورد حبيبي سوري ماقدرت اقوم لك .. هذي اغراضك جاهزه .. :d وقبل لا تمشي لف يسار بتلقى غرفة نومنا تعال ودعني وروح الشغل بامان الله ] :d :d :d خسرني والله << :22: ماخذه أموري بروح رياضيه فديتني :d |
اقتباس:
ابصراحه انتي:22: من ناحية خسرك اكييييد خسرك وش يبغى اكثر من كذا دلع:( يلا ان شاءالله تلاقي من يقدرك ويعرف قيمتك تحياتي |
انا يبدئ صباحي بقهرر مايعلم فيه الا ربي..
ابغى ادررس والله ابغى اكمل حراام الواحد فاضي ليه مايتعلم .. ماتوقعت ان الزواج بيهدم امنيتي ابدآ ابدآ.. ياربي حققها قول لها كوني يارب يارب والله مالي غيرك .. كلما اذكر ودي اصيحح.. |
تصدقوا احنا نضحك شوي,,نقعد عشان ربع ساعة نسوي فطور و نرجع ننام عشان ورانا شغل الغذاء و المواعين و الثياب و الخ..
ليش الزوج ما يسوي لنفسه فطور بسيط و يكتفي بالأستقبال الملكي وقت الغذاء و العشاء,,, يعني شغلة اصحى و ارجع انام , مو داخلة مخي كثير مع كل احترامي للأزواج و على فكرة انا اصحي اسوي له فطور مثلكم و ارجع انام ,,,إلا في الشديد القوي بس احس احيانا ما تسوى علينا هالقعدة و الله أعلم |
| الساعة الآن 05:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©