|
وزن خطيبتي ..مارايكم
عندي مشكلة الحين انا بتزوج وفيه وحده من قريباتي معروضه علي من أهلها وأهلي هي مناسبه من ناحية الجمال بس شوي دبدوبه لكن اعتقد جسمها مشدود كمان البنت مو انثويه بالحيييل يمكن تكون رجه شوي بس ويمكن صوتها احيانا ترفعه شوي لماتتكلم اوتضحك وش رايكم ؟؟ انا ابي وحده انثويه جدا وهادئه تتوقعون بتتغير ؟ برتاح معها لانو انا وزني 68وطولي 160 وهي بنفس الطول يمكن بس الوزن يمكن 75-80او85 |
حراام عليك دبدوبه 75 انا قلت بيقول 150 توكل على الله وكل شي ان اشاء الله رراح يتغير بعد الزواج
البنت بيطيح وزنه بفتره الخطوووبه بيكون مثلك 65 وان شاء الله ترتحون لبعض وعسى الله يوفقك عاااد / اخر شي الامر يرجعلك انت |
اقتباس:
مدري عالوزن بس انا شفتها دبدوبه شوي |
انا مثلك
احسها دبه ابصراحه لان 68 هو كويس ولاتسمى نحيفه تسمى رويانه بس فوق الـ 70 او 80 تراها مليانه تقريبا اذا هي بنت هذا وزنها اجل اذا صارت ام بيصك الـ 100 والقرار لك انت حُر في قرارك الله يوفقك ويوفقها ويكتب لها نصيب ويكتبلك نصيب وان كان فيها خير لك ربي يكتبها وان كان فيها شر الله يرزقها ويرزقك بالافضل |
طيب اخي الكريم في شيء اخر لا يعجبك فيها غير صوتها الذي لربما يرتفع قليلا عندما تتكلم
وغير وزنها الذي لا يعجبك اذا لم يكن هنالك شيء غير ذالك فأنت ظفرت بلجمال وحسن الاخلاف وبصراحه ليس من السهل ان تجد مواصفاتك كامله في فتاه واحده وهذه انت تعرف اصلها وفرعها وليس هنالك شيء يخيفك منها في المستقبل توكل على الله وتزوجها فليس هنالك شيء مما ذكر سيء |
توكل على الله وتزوجها
وزنها تمام احسن من تكون نحيفة وكمان الدبدوبة غالبا تكون احسن اخلاقا بعكس النحيفة تكون حساسة |
اخوي هذا شي راجعلك يعني انت تحس انك لما شفتها تقبلت الموضوع ولا حسيت بنفور
ارحت يعني ولا كيف؟ |
الله يكتبلك كل خير استخير الله ولو مو مقتنع لاتورط بنات الناس بعدين تقول سمينة
|
وزنها ليس بعيد عن الطبيعي .. من السهل ان تنزل وزنها خمسة عشر كيلو جرام .. اعرف احد اصدقائي كانت خطيبته 158 سم و وزنها 115 كجم .. يعني المفروض تنزل 50 كجم .. طبعا صعب جدا ..
ثم انك لم تذكر ما هي المواصفات الانثوية التي تريدها .. |
توكل على الله والوزن ما يضر يعني تقدر بعد الملكة تقول لها تنزل 10 كيلو في شهرين
وتنتهي المشكلة ,, لكن انتبـــــه تعيرها أو تمزح معها وتقول أنها دبـــه لأن البنت تنجرح ولو كان عن طريق المزح بالعكس امدحها ودلعها.. ولا تنسى الإستخارة , الله يوفقكم ويسعدكم .. |
كلام نور الكون صحيح... انت ايش الي حازك تاخذ وحده وتقعد تعدل وترمم فيها وبعدين ايش عرفك الريجيم تسويه ولا لا وجسمها بعد الريجيم ينحف لكن يترهل ووراهاحمل وولاده..
شوف تبي رايي اذا الدبى ماتعجبك تراهاتعجب غيرك وانت منت مجبور تتزوجها وبعدين تعيب فيها ولا تطالع في النحاف وتتمنى تكون زوجتك نحيفه من الحين قرر انت ويش تبي باالضبط وباالنسبه لطبيعة الصوت والضحك هذي طبيعه والطبع يغلب التطبع المهم انت مقتنع فيهاقناعه تامه ولا لا اذا انك مقتنع توكل وتزوجها اذا منت مقتنع بتم طول عمرك منت مقتنع واتتركهالغيرك افضلك وافضل لها وبنات الناس مولعبه ترى في مليون غيرك يحبون الدبدوبه ونصيبها يجيها.. واطلب من اهلك يدورون لك نحيفه واخلاقها كويسه وحلوه لان واضح جدا انك منت مقتنع في هذي البنت ولا ماكان جيت وكتبت هنا |
هههههههههههه ضحكتني والله
الله يهديك توكل على الله شكلهاا راح تعجبك وراح تحبها انشا الله |
أنا بصراحه أبيكم تقنعوني وتثبتوني شوي....
|
أخوي أحس التفكير بالوزن بالذات شئ ...لأنه فيه حاجات اهم من الوزن واللي في زمننا هذا لازم شبابنا يفكروا فيه اللي هو الستر والعفاف والأخلاق الحسنة يعني (السمعة الطيبة)
أما الأمور الأخرى فأحسها ثانوية على فكرة أعرف كثيرات سمينات قبل الزواج وبعد الزواج يقل الوزن بشكل كبير والعكس ربما تكون هذه الفتاة من الفئة الأولى وبالنسبة للصوت أنت وشطارتك في توصيل كراهة هذه الصفة بالنسبة لك ويمكن عفوية لا تقصدها وقد خلقها الله هكذا . أسأل الله لك التوفيق. |
بالنسبة لطول خطيبتك 160يبالها وزن50_55 ...بس وزن 75 او 80 اكيد هي سمينة جدا لانها قصيرة كمان اذا كنت تحب البنت النحيفة فدور من الاول على وحدة نحيفة
|
اول شي انت تحب السمينة او النحيفة ؟
اعتقد كل شخص في خياله شي يتمناه ؟ موضوعك صراحة شخصي ماينفع تستشير فيه احد . عني انا اتمنى بنت تكون دبدوبة شوي وجسمها مخصر يعني تكون المؤخرة كبيرة شوي ومااحب النحيفة . وانت للك شي اكيد تفظله شنهو ؟ واختار . |
شوف اخوي سؤالك غلط ينحط هنا عارف ليش لأنه راجع لميولك انت وش حاب قبل تشوفها اصلا وش تفضل
؟؟؟؟ الناس اذواق ويمكن اخلاقها وجمالها والا ادبها وعفتها طاغيه لايغرك الجسم انت تبي بنت تحفظ بيتك ومحافظه |
انا مستغربة من الاعضاء صراحة
البنت مؤشر الكتلة عندها bmi = 33 الطبيعي من 18 - 24 ومن 24-30 وزن زايد وبعد هيك سمنة وبدانة وانتو بتقولو وزنها حلو و دبدوبة شوي وتوقعته بالميات وزنها !!!!! ثم انو وزنها المثالي مفروض مابين 60 و 50 وان مابدك اياها رشيقة عالاخر ف55 جدا ممتاز او 60 اكثر تقدير بعد ال60 حتدخل مرحلة الدبدبة و السمنة انا مابتفلسف ولكن الاخ معاه حق البنت سمينة فعلا !!! وتعجبت حقا من مقياس السمنة عند الاعضاء والعضوات الكرام :) عموما اخي ازا مش مقتنع فيها خلص مافي داعي تورطها بعدين تصير تقول سمينة وبشوف الرشيقات وبتحسر وبعدين تتجوز عليها عشان الرشاقة والجسم لسة انت عالبر مافي داعي تحشر حالك في دوامة مالهاش داعي |
انا ابي وحده انثويه جدا وهادئ
أخي لأ تأبه لشيء غير الأخلاق... حتى لو تزوجت كايت ونسلت أو كيلي مينوج فلن تكون سعيدا أكثر من زواجك بإمرأة متدينة تحبك و تحفظك في مالك و عرضك و ولدك.... لإسأل عن الأخلاق و مسألة دبدوبة أم لا فهذا نسبي... و أنا شحصيا أحب الدبدوبة و النحيفة على حد سواء |
من رأيي ان يأخذ الرجل الزوجة التي تكون على ذوقه
ان كنت لا تحب السمان فابعد عنهن لان فكرة "خاطري في ضعيفة" بتقتلك طول عمرك و حط في بالك ان وزنها في احتمال كبييير انه يتاثر بالحمل و الولادة الى الاكثر لا تاخذ بت الناس و توهقها اذا ما تحب الربربة |
حرام عليك وزنها حلو مب دبدوبه واجد
توكل ع الله وأهم شي ف البنت أخلاقها وشخصيتها وسمعتها والله يهنيكم ويسعدكم وتأكد إن البنت إذا تزوجت تتغير وتركد موفق |
اقتباس:
كلامك صح يااخي ولكن ليس الجميع يفكر بفكرة التدين والاخلاق والي بعده مش مهم يعني اكيد الاخلاق والتربية والدين اهممم المهم ولكن بعدها ياتي الشكل والجمال في رجال ازا احب الوحدة خلص ينسا كل شيء وفي لا يحب الوحدة متدينة و محترمة وخلوقة وبنفس الوقت يحب شكلها وله شروط بالشكل وهادا حقه ومش غلط شرط لافراط ولاتفريط بحيث لا تطغى فكرة الشكل وتكون الهاجس الرئيسي بعيدا عن الاخلاق وتصير هية الدرجة الاولى الاخ صاحب الموضوع لو مش مقتنع صدقني لا تغامر وتقعد متوهق على قولتكو بالتوفيق |
انت تحب البنت الناعمة ظاهرة الانوثة وهي ليست كذلك ..ما أنصحك تخطبها وما عندك رغبة فيها .
زيادة الوزن فوق ال 5 كيلو صعب ينزل واذا نزل يرجع بسهولة خاصة اذا كانت زيادة الوزن حصلت بعمر صغير ... من يقول انه تنزيل 15 كيلو سهل ؟؟؟؟ كم نسبة الناس اللي نزل بدون عمليات معدة وغيره ووزنهم وما رجع خلال سنة ؟؟ تمعن بحالها الحالي واللي يعجبك فيها وقارنه باللي ما يعجبك ... أكيد ما راح تعجبك مية بالمية ولن تجد فتاة الاحلام كاملة المواصفات لكن المفروض تكون الامور اللي عجبتك أكثر والمفروض تكون الامور اللي ما عجبتك سهله وغير أساسية من وجهة نظرك أنت .وربما ما تراه أساسيا لا يراه غيرك مهما . أذكر حديث عن الرسول عليه السلام ...سأل أحد الصحابة عن زواجه فأخبره بأنه تزوج من ثيب ..عاتبه وقال بما معناه ..ألا تزوجت بكرا تلاعبك وتلاعبها ؟؟ ثم تبين أن الصحابي اختارها ثيبا حتى تساعده بالعناية بأخواته ... وتكون قادرة على التحمل والصبر . صحيح ان الدين والخلق من دعائم وأساسيات الزواج الناجح لكن الاقتناع وملئ العين برضه مطلوب والا لم يطلب ديننا الرؤية الشرعية . |
انت سمين بالنسبة لطولك المفروض وزنك من 55-60
يعني اذا تبيها غزال لازم تكون انت غزال كمان !! انا استغرب من الردود اذا واحد جاء قال خطيبتي فيها وفيها قبل مايشوف نفسة في الاول يعني تتوقع انها فرحانه لان طولك 160 يعني بتنحرم من لبس الكعب العمر كله والسبب انت وبعدين الانوثه عند الشباب يعني البنت مالها حس ولا تضحك وكل كلامها على الفساتين واللون الوردي والحب والعشق !!! البنت هذي الايام عندها مشاكل اكثر من الشباب بس لانها بنت المفروض تكون كامله زي الممثلات اللي في التلفزيون!! بس باذكرك بنقطة : البنات اللي في التلفزيون كم رجال يشوفها حول العالم يعني جسمها راس مالها اما خطيبتك من سوء حظها انها بتشوفك انت طول حياتها !!!!!!!!!!!!!!! سلم لي على العقل ! |
الموضوع ومافيه ((سير)) كهربائي ورياضه..
طبعا بعد الزواج أعيد كلامي مافي بنت كامله والكامل الله وحده إذا لقيتها نحيفه وحلوه وجميع المواصفات تلاقي اخلاقها تعبانه أو مغروره فما دام الاخلاق تمام الباقي هين... |
حط ببالك انها لن تتغير !! و اسأل نفسك هذه الأسئلة :
هل ستقبلها و تعطيها حقوقها من المديح و غيره و هي على ما عليه الآن ؟ هل ستبخل بالكلام الجميل و الغزل اذا زاد وزنها من الانجاب؟ ما هو احتمال ان تغير من طبعها بالنسبة لرفع الصوت ؟ الاحتمال 1% ما هو احتمال ان تصبح رشيقة و ذات وزن مثالي ؟ افرض انه 1% و على هذا الاساس اتخذ قرارك لا تتزوج على أمل قد لا يتحقق و غالباً لن يتحقق أمور الانوثة أمور متعلقة بالطبع و الطبع يغلب التطبع أما الوزن فهو إن كان وراثي فاحتمال النقصان قليل جداً أما ان كان مكتسب بسبب نظام حياة خاطئ فهذا قد يتغير لكن مع جهد كبير و تشجيع و تغيير نظام الحياة الاجابةعلى سؤالك عندك فقط اذا البنت حبوبة و دمها خفيف و اخلاقها حلوة أكيد بتنسيك عيوبها لما تعيش معها الحياة اليومية أما ان كانت شخصيتها لا تعجبك فلا تقبل على الزواج منها و تظلمها |
لازلت على البر و لا تقدم على اي خطوة الا و انت مقتنع مئة بالمئة
|
الاستخااااااره
ثم اذا انت مو مقتنع لاتظلم نفسك وبنت الناس معك موووفقين يارب |
وكمان الدبدوبة غالبا تكون احسن اخلاقا بعكس النحيفة تكون حساسة
اشدخل الشحم والعظام بالاخلاق!!!!! |
صراحه البنات يختلفون فيه منهم تسمن سمنه مفرطه بعد اول ولاده
يمكن تزيد 15 كيلو وفيه منهم ينحفون طبيعي مايأثر عليهم الحمل ويبقى شكلهم دايم اصغر سن وهذا الفرق 00 لكن لازم انت اللي تحدد مو احد ثاني لان لكل واحد رغبات تختلف عن الثاني فكر في زوجتك مثلا من ناحيه اللبس (بناطيل او فساتين او لبس قصير ) هل راح تنجذب لها وهي بهذا الوزن وبهذا اللبس وبعدها قرر كيف تحلى زوجتك بنظرك لما تكون دبدوبه او رشيقه 00 وبالتوفيق لك يارب00 |
اقتباس:
|
أحسك مو مقتنع بها وعشان كذا تدور الاعذار
شكلك تعرفها وتعرف صفاتها وأطباعها يعني القرار لك بس لا توعد ولا تلمح لاحد بالزواج أو بعدمه حتى تتأكد من قرارك |
بالنسبه للوزن لاتشيل هم ابد ابد ابد
اعرف بنات كثيييير مو وحده ولا ثنتين كثي كانو سمينات اسمن ن خطيبتك بيوم العرس صارو ماليكاااان من جد واستمرو على كذا ترى البنت في بيت اهلها ماخذه راحتها بالعكس الي جسمها حلو تزوجها بتلاها انفجرت بعد شهرين ولا تحلم انها ترجع تنحم من واقع تجربه ومشاهده لايهمك الي يقول انها دبه توكل على الله |
فين صاحب الموضوع
يجي يعلق ! |
انت تبي نحيفه وهذي بالنسبه لك متينه
وتبي وحدة رقيقه وصوتها واطي وهذي العكس نصيحتي لاتاخذها والله بتجرحها بعدين وانت ماراح ترتاح لانك متردد وستخير احسن وبعدها قرر |
اقتباس:
طبعا ماتكلمت بشي قاطع جدا قلت غالبا او احيانا تكون النحيفة انسانة حساسه وذاللك حسب نظرية انماط الشخصية . |
والله اذا بتدخلها سباق جري لاتتزوجها لكن اذا بتاخذها زوجه انا اتوقع هذا الجسم المثالي للزوجه لكن خلها تحافظ عليه وتنزل شوي ................
|
اذا كنت ممن تحب النحاف فلا انصحك بتاتا ان تخطبها لانها متينه وما سمعت عن وحده متينه بس جسمها مشدود.
وما انصحك تتكل انها ممكن تنحف لانو يمكن ما تقدر تلتزم واذا التزمت ممكن ترجع تسمن بسرعه والطامه الكبرى انها حتى لو نحفت رح تعاني من ترهلات ليست جميلة المنظر ,, اتركها للذين يحبون المتينات وما اكثرهم .. وللعلم انت نفسك وزنك زائد :) بالنسبه للصوت فإنسى بس صير عندك بالبيت رح تسمعه عحقيقته اذا انت غير مقتنع بها 100 % لا تقدم عهكذا خطوة اتركها للي مقتنع بها 100 % |
انصحك لاتفوتها بس تأكد اولا ان جسمها مايكون كله ضخم يعني كرش ماهي حلوة اهم شي تكون السمنة اغلبها في المؤخرة والصدر راح تشعر بالمتعه الحقيقيه في الجماع وخاصة وضعية الفرنسي . وحياتك في البيت كلها متعه مجرد النظر لها وهي لابسه ضيق او بنطلون
يعني صراحة النحيفة مره ايش الي يغريك فيها !! وزنها تمام بس مايزيد عن 90 كيلو وهو حسب الطول اذا طولها 150 انا اشوف 70 كيلو تمام واذا طولها 170 وزن 90 تمام وانا اتكلم ليس في الطب والصحة المعروف انو في الطب لازم يتناسب الوزن مع الطول 150 لازم يكون الوزن 50 وهكذا . بس انا اتكلم عن الجمال الانثوي ومن يبحث عن المتعه الحقيقيه والدفاء وخاصة واحنا في فصل الشتاء |
اذا كنت مرتاحلها مبدئيا باقي الامور تنحل ..اذا كان ع الوزن في بنات ينقص وزنهم بعد الزواج وفي منهم يزيد هذا الشي لو علاقه بالهرمونات
واما اذا كان على صوتها تقدر تخليها تتغير وتقولها انت حلوة وكل شي عاجبني فيك بس ياريت ماترفعين صوتك وانت تتكلمي لانه مايكون لايق عليك وانا احب الصوت الهادي وانت تقول فيها رجه شوي يمكن بسبب البيئه اللي هي فيها او تاثير صديقات واكيد هذا الشي بيتغير لم تتزوج وتحس انها زوجه ومسؤوله لا تخاف كلها امور بسيطه وبتزول مع الوقت اهم شي تكونو مرتاحين لبعض واحمد ربك وتوكل عليه |
| الساعة الآن 01:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©