|
احتاج اراء نيره تقف لجانب تفكيري (مستجدات بــ 23 )
السلام عليكم ورحمة الله وبركاته
اتمنى لكم دوام الصحة والعافية عقل واحد وتفكير واحد ماينفع للتغير فكرت اشارككم همي لعلي اجد عند بعضكم ما ابحث عنه همي هو سلوك خاطئ في تصرفات زوجي العزيز . وسأذكر اخر ماحصل حتى تلهموني الصواب لا اريد ان اظلم زوجي ولا اريد ان اظلم نفسي واريد ان اتصرف بحمكة وعقل لا بالعواطف . زوجي مسافر الان وقبل سفره في يوم حبيت انو اخليه مرتاحه قد ما اقدر عشان هو اذا عنده سفر دائم يتوتر ويجهد نفسه وفعلا جهزت شنطته واغراضه ومانسيت ولا شي سويت العشاء بدري عشان ينام بدري وتم ذالك بنجاح وكنت حريصه على ان تكون علاقتنا اقرب لبعض بس كنت من غير شعور كل شوي احسسه اني راح افقده . يوم السفر برضو كان كل شي مرتب له في الصباح افطرنا وكل شي تمام بعد الفطور حب يأخذ شور قبل مايطلع من البيت وقالي ممكن تاخذين الدفاية (( اللي تستخدم في الشتاء لتدفئة المكان )) وديها في الغرفه الثانيه انا رديت عليه وكنت ابي مصلحته قلت الغرفه الثانيه كبيره وعشان تدفئ بشكل جيد يبيلها ساعتين اذا خلصت شور تعال هنا الغرفه دافيه من امس الدفايه فيها قال مشوار من الشور للغرفه اللي فيها الدفايه قلت انا افضل من انك تدخل غرفه بارده بعدين انشغلنا في شي ثاني وانا نسيت الموضوع راح هو يكلم واحد من اصحابو وانا انشغلت في البيت بعد نصف ساعه رجع للغرفه انا كلمته بشكل طبيعي مارد علي وانا استغربت ليش يتعامل معي كذا سئلته في شي مارد وراح للدفايه ةسحبها بقوة وجلس يعلي صوتو انا سكت ومارديت ولا كلمه ما احب احكي معه في وقت مايعصب عشان اتحشى يصير شي ممكن يخرب علاقتنا هو راح ياخذ شور و انا انشغلت في البيت وبعد ماجهز نفسه اخذ الشنطه وجابها عند باب الخروج انا اتذكرت اني نسيت شي هو قالي عليه سكت وطلع هو يسلم على اهله انا اخذت اللي قالي عليه وحطيته في الشنطة ورجعت للبيت عشان بتركه واروح عند اهلي رجع هو انا قلت في نفسي روحي راضيه عشان مايطلع زعلان مع انو انا ماسويت شي قلت وجهة نظري انا توقعت انو اقتنع بكلامي ماكنت عارفه انو ماعجبه انو ليش ماوضح انو لا مااقتنعت بكلامك سوي كذا وانا بسوي المهم رحت ناديت عليه مع ابتسامه قالي روحي ومدري ايش اذا عصب ما افهم ولا كلمة يقولها انا قلت اوكي اذا مو حاب يشوفني براحته وطلعت وعيوني دمووع ما اشوف شي ورحت لغرفه فاضيه وبكيت عشان بنتي ماتشوفني وكنت منزله راسي دخل هو ماادري ايش سوى في الغرفه وطلع يعني شافني انا مره ماعجبتني طريقته مسحت دموعي ورحت لبنتي البسها عشان تودع ابوها وانا البس البنت دخل يصارخ ويقول طبعا ماحطيتي الشي اللي قالي عليه انا طالعت ورديت ببرود قلت لا بتلاقيه جوا في الشنطة راح ودع بنته وطلع وانا اخنقتني العبره وقلت في نفسي طيب وانا ليش ايش سويت عشان يستاهل انك تطلع وانت بتسافر اكثر من 10 ايام و ماتكلف على نفسك تودعني حسيت بداخلي شي انكسر مهما صار بيننا ماتوصل لكذا شوي رجع وهو يصارخ يقول قهر قهر ويطالع فيني انا من القهر صديت شوي هو لمسني او لالا يمكن مالمسني حتى وراح وما قال ولا شي غير انو يصارخ مدري ايش يقصد في الحركه يعني بتفهمني انو هذا وداع ليتك ماجيت افضل تصارخ وتعبر عن شعورك انو ماودك بس مجبور انك تودعني وطلع انا بعد ساعه قلت ما اقدر كذا يطلع ويسافر واحنا زعلانيين من بعض دقيت مارد ارسلت مارد عبرت عن مشاعري مارد دقيت ورد قال ايش تبغين انا مواضي وكلام كثير وقفل السماعه انا هنا حسيت انو خلاص وصلنا الطريق مسدووود انا في عالم وزوجي في عالم انا حساسه هو بس يجرح انا اراضي وهو يزعل انا اتنازل هو يشوف نفسه الى متى بنفضل كذا ما عاد عندي صبر فاض فيني ماعاد عندي امل انو يتغير تنازلت كثير بس في شي غلط قلت لازم اغير من اسلوبي معاه عشان يحس هو عارف اني احبه ومتأكد انو ما اقدر انام وهو زعلان علي احس انو يعتبرني ورقه يشكلها مثل مايبغى رديت عليه برسالة بعد المكالمة قلت انت مو فاضي لمشاعري والمي وانا وحيده في البيت ابكي على الم فراقنا خلاص وعد مابدق عليك ولا ارسلك شي واذا دقيت مابرد واعتذر على هذا التصرف وانا راح اطبق الكلام اللي كتبته بس محتاجه احد يدعمني بفكرتي انا صح او غلط ابيه يحس انو جرحني واني اتألم ابيه يحس انو تصرفاته كل مالها تبعدنا عن بعض اكثر |
إللي زاد زعل زوجك توتره قبل السفر ..
إنت إتركيه يومين لما يهدى .. و بعدين إتصلي به و هدي الامر .. و خليه عادي و متى ما رجع من السفر جهزي البيت بشغلات حلوة .. و أكل طيب .. و تزين الحياة .. الله يرجع لك زوجك بالسلامة عما قريب ؛ |
أم داليا
اسعدتني مشاركتك جدا انا حتركو بس مو يومين لا كل ايام سفرو لانو هو اللي مايبيني و مو فاضيلي وانا قلتله اني ماحكلمك وماحرد دايم اقول كلام واتراجع عنه ودي في هل مره ما اتراجع عن كلامي انا فكرتي مو تأديب او ما شابه بس ابيه يحس مثل ما احس انا ابي اخذ موقف جدي عشان يعرف في المستقبل كيف يكون اكثر تحكم في عصبيته واذا رجع اكيد حيلاقي اللي راح يبسطو مهما صار ما احب اقصر في واجباتي بس كيف اتصرف اذا رجع يعني كيف حتكون علاقتنا وانا زعلانه كيف اتنازل اذا هو ما اعتذر ...الخ ما احب يمر يوم وننام واحنا متزاعلين بس والله اسلوبه اجبرني اكون قاسيه |
لاتكوني حساسه يا اختي مدام تمشي مشيها نصيحه لوجه الله ترا الرجال اذا عند عند عنااااااده نكبه
|
خلاص حبيبتي فكرتك حلوة خليه يحن ويشتاق لك ..
انسيه كلما حسيتي نفسك فاضيه افتحي اللاب توب بتلاقين اللي يعجبك .. ترى فيك كثير مني بس اللحين تغيرت ولله الحمد .. يعني تأنيب الضمير وما احبه زعلان وهو مايقدر هالشيء فصرت اسفهه والحمدلله النتايج مقبوله على الاقل انصفت نفسي مو بس انا اللي احاتي زعله ومع الايام بتتعودين .. انشغلي بكل مايفيدك انسيه وعيشي حياتك مع بنتك الله يحفظها لك .. وحتى زوجي مثل زوجك يضيق على اتفه الاسباب بس صرت اطنش اذا ينسى كل شيء زين ويذكر اللي نسيته يصطفل مع حاله .. يعني بصراحه تعب تعب بالنهايه شيء بسيط يخرب كل شيء .. خليه ان شاء الله يفكر ويصحى على حاله .. والبرود فعلاقته معك انت السبب لأنك ماتعطيه مساحه لحتى يشتاق ويعبر ياعمري كله تبادرين وتحاتينين .. انسيه واصبــري وربي معك يالغاليه .. الله يسخره لك ويحنن قلبه .. |
اقتباس:
يا اختي الي ينطبق على زوجك ماينطبق على غيره بلاش تشبين النار وتكونين سبب لخراب بيوت عمرانه لاحول ولا قوة الا بالله فعلا قل خيرا او اصمت |
السلام عليكم :)
اختي، لا تكدري نفسك، مشكلة زوجك في شي ثاني تماما، زوجك عنده مشكلة في التعبير عن مشاعره، يغضب بسرعة و لما يغضب يقول كلام غلط، و لما يقول كلام غلط يصير اسير مواقفه و ما يقدر يتراجع مع انه يبي يتراجع. الوصف الدقيق لحركته قبل السفر يوضح الكثير عن شخصيته. أنتي شكلك انسانه رقيقه جدا و ما عندك تحكم في عواطفك، يعني تحاولي بسرعة تحلي المشكلة، لانك ما تبي الزعل يطول..... و من سرعة تصرفك (وحسن نيتك) تخربي الامور اكثر. نصيحتي لك اختي انك تهدي من اعصابك و تتبعي اسلوب مختلف تماما عشان تفهمي زوجك الله يحفظه كيف يتعامل معك ........ لا تنسي ان ولدك على ما تربيه و زوجك على ما تعوديه .......... و حضرتك عودتي ابو العيال على اسلوب غلط في التعامل معك، و الحين لازم تعوديه على الاسلوب الصح......... بدون مواجهات. ما ابا اكثر عليك الكلام ......... الله يوفقك. |
اقتباس:
مافي برود بعلاقتنا نهائيا الحمدلله بس مشكلته العصبية صراحة احيانا اخاف من عصبيته انا هنا ما ابيه يشتاق انا عارفه ومتأكده انو مو مرتاح بس ليش يكابر ليش يحتري انا ابادر ابيه يحاول يسوي كنترول على عصبيته |
اقتباس:
مشيت كثير بس كلو كان على حساب نفسيتي ودراستي الى متى بنتظر انا ابيه يفهم انو في غلط والغلط بعصبيته انا ماراح اكون عنيده بالعكس راح اتعامل هالمره معه بطريقه مختلفه وبحاول يكون لي خط رجعه فيما لو ماا ضبط معي الموضوع |
اقتباس:
|
دقيت عليه رغم اني قلت ماحدق بعد صلاة العشاء اوجعني قلبي وقلت بصير افضل منه
بس مارد مقهوره وجالسه في بيتي لوحدي مو قادره اروح عند اهلي \ولا قادره اذاكر اللي يقهر هو غلطان ليش يسوي انو هو المظلوم |
اقتباس:
المواجهة يعني لما حضرتك تجلسي مع ابو العيال و تتناقشي معه في سياق شنو الغلط و شنو الصح و كيف تبيه يعاملك، و هذي الطريقة ما رح تجيب لك نتيجة. الانسان يستجيب لردود الفعل، ما يستجيب للتعليمات. أول شي، قومي بواجبك في البيت بدون اي اهمال، خليه يتعود ان كل شي يستوي من يدك يكون مريح له. ثاني شي، لما يسوي شي يريحك كافئيه عليه بالكلام الحلو و بأنك تخدميه اكثر و باي طريقه ثانيه تشوفيه تسعده. بس لو سوى شي يزعلك، هنا تجي طريقتك في توصيل رساله واضحه له بدون ضجه و بدون كثر كلام. 1. واصلي القيام بواجباتك، بس بمستوى اقل، يعني اكتفي بالاساسيات فقط. هذا يعلمه انك انسانع يعتمد عليها دائما و تستحق الزوج يتخذ خطوات علشانها. 2. لا يكون عندك رد فعل عصبي، لا ترادديه في الكلام و لا تحاولي تصلحي الوضع مباشر. الامور لازم تاخذ وقتها عشان تستقر في النفس و العواطف و العقل. 3. خلي مظهرك يبين انك زعلانه بس بدون مبالغه. 4. اصبري ثم اصبري ثم اصبري .... هذي عملية خلق عادات جديده و تاخذ وقت. 5. لا تنتظري ان الشي اللي زعلك ينحل و يجي زوجك يتأسف لك، فيه امور كثيره صغيره ما تحتاج للاسف، عديها له، و بعد كم يوم رجعي طبيعي تدريجيا ..... بس .... بعد ما ترجع الامور لمجاريها، اختاري وقت يكون مناسب (مثلا في وقت ضحك) و ذكريه بالموقف اللي سواه باسلوب حلو .... و لا تنتظري منه ردة فعل .... واصلي حديثكم السابق. الهدف انك تخلقي انطباع في نفسيته فقط لا غير. 6. في الامور الكبيره، لا تتنازلي ابدا، خلي رسالتك تكون واضحة جدا ان الشغلات اللي من هالنوع ما رح تقبليها. و لا ترجعي طبيعي الا لما يعتذر لك. 7. ابدا لا تحطي لنفسك سقوف عاليه .... يعني لا تقولي له مثلا مستحيل اكلمك الا لما تعتذر .... أو شي من هالنوع ..... خلي جسورك مفتوحه للرجوع حسب الظروف. نتائج الطريقه هذي مضمونه ميه ميه ..... و لكنها تحتاج وقت و صبر عشان تترسخ قواعد العلاقة الجديده. بالتوفيق. |
فارس الكلمات وانا قايله اطلبي الطلاق!!
جالسه اخفف عليها واقولها تغلي عليه وخليه يدورك الرجال مايحبون اللزقه .. وهو متوتر يبي له كم يوم يرتاح ويشتاق لها .. بأيش اخرب عليها ؟ ممكن اعرف هي وفكرتها وانا ايدتها لأنها تجيب نتايج بس هي ماتصبر والحين تقول مايرد .. يعني ما اخذت بكلامي وانا لما اكتب ما اجبر احد اللهم هي اراء واللي يشوفها تناسبه وتناسب الطرف الاخر ياخذ فيها .. |
رو لادا00 غاليتي00
انتي غلطانه 00اهو الغلطان00 انتي مقهوره00 هو المقهور000 هذا ماهو وقته 00 زوجك بيساااااااااااااااااافر00 كان عليك تحمل غلاضته 00 وانا اعرف انك الان نادمه أنك ما مشيتيها مثل قبل00 فالبعد يحسسك زياده بالندم00 والله امر تاااااااااااااااااااااافه جدا الذي اختلفتوا عليه 00 والشيطان شاطر00 واكيد انك تتفقي معي 00 تعوذي من الشيطان ولا يهمك إلا رضا زوجك00 عشان دفايه 00 المره الثانيه إنشاء الله يقول طلعيها في الشارع عشان اتدفى 00 طلعيهااا ارسل له رساله حب وشوق 00 وانسي العتااااب 00 فزوجك مسااافر وللمره الثانيه اقولها 00 يمكن لو لم يكن مسافر لكان لي كلام اخر00 الله ييجمعكم على خير وموده و رحمه |
لاتتصلين ولاترسلين حتى يراجع نفسه ويشتاق ويدق هو
صبري نفسك واشغليها بشغل البيت ودراستك اعانك الله واسعدك وارجع الله لك زوجك سالما غانما |
اقتباس:
انا فكرت اذا رجع ما احكي معو الا بشرط يحجز موعد عند مصلح اجتماعي ويجلس معو ابي يحس ان هالمره الموضوع جدي بالنسبه لي او انو اقول بروح اجلس عند اهلي على بال ماتخلص الاختبارات انا ولامرة جلست عند اهلي من اتزوجنا واخليه لوحدو في البيت ايش رايكم اخاف اندم |
للأسف الشديد جدا العصبيه سلوك كثير من الازواج علي زوجاتهم تفاجأي فجأه بانسان اخر وحال اخر قد يصيبك بالصدمه اكثر منه بالالم ولا اعرف حل له الا الدعاء له بظهر الغيب
الاسلوب الخاطئ الذي كنت اتبعه كنت اسارع الي ان اصالح زوجي عملا بحديث الرسول ولكنه لا يرضي ابدا حتي يأخذ وقته ويهدأ فأصبخت اتركه ولا اصالحه الا بعد ان يهدأ ولكنني اتألم كثيرا من سلوكه كما يتألم هو ولكنه لا يسيطر علي نفسه فأصبح عندي شبيها بالقصه الشهيره "دكتور جيكل ومستر هايد" والذي يتحول الي ذئب ويعيش بشخصيتين والنصيحه التي نصحه بها احد الشيوخ هي قيام الليل لكي ولزوجك |
اقتباس:
مرررررررره غلط اختي .......... انتي لحد الان ماشية صح، اللي واضح من ردك الاخير ان مشكلتك هي التسرع و انك ما ترسخي قواعد العلاقة اللي بينكم. خلي الامور بينك و بينه و بــــــــس .... لا مصلح و لا اهلك و لا اهله. كل ما هناك ضبطي التوقيت في تصرفاتك معه مثل ما كتبت لك ,..... و خلي عندك صبر ....... و تأكدي اختي، لو كان كتلة حديد رح يتغير :) |
اقتباس:
بالعكس انا كنت بمشيها بس هو اللي شاف نفسه ولاكلف على خاطره يودعني بجد مره مصدومه كيف قوى يطلع من الديره كذا اول مره يسويها وانا هذا اللي قاهرني دقيت عليه ارسلت ولاعبر ولا دق ويوم رد بداء يعلي صوته ويقول مو فاضي وهو جالس في المطار يطالع اللي رايح واللي جاي طيب اوكي انا غلطانه وبدق اعتذر اعطيني فرصه احكي يقفل الخط بعدين الجوال بجد احس انتي اهنت نفسي وماحترمتها وماقدر هذا الشي |
اقتباس:
كلامك يخوف بس مافي انسان كامل زوجي الحمدلله فيه اشياء كثييييييييييييييييييييييييييييير حلوه بس مشكلته العصبيه وانا نفسي استئصلها اكيد لها علاج نفسي مع الدعاء |
اختي انتي قلتي انه يتوتر لما يكون عنده سفر
فاكيد رح يكون منتظر اي شي مهما كان بسيط عشان يسوي مشكلة من لاشيئ بس صدقيني انه ان شاء الله بس يهدا بيندم انتي اتركيه شوي على راحته وان شاء الله بتنصلح الامور ربي يوفقك |
الغاليه رولادا
اتبعي كلام الاخوات ام عزام و shakah خليه يحس بغلطه ويعرف كيف يضبط اعصابه الله يصلح شانكم ويسخركم لبعض |
عاشقة الغالي
نسيم الوسم جزيتم خيرا احداث جديده دق علي وانا اكل انا كنت بغص ماتوقعت انو بيدق وترددت كثير ارد او مارد بس رديت سلم انا من غير ما احس بكيت وقلت كيف المدينة اللي انت فيها قال حلوه وسأل عن بنته حسيت انو راح يسكر وبديت الهجوم قلت مبسوط بالطريقة اللي انهيت فيها يومنا قال انتي تبين كذا وجلسنا نتكلم كثييييييييييير وفي النهاية وصلنا على انو نأجل الكلام في الموضوع عشان كل طرف يرمي الغلط على الثاني ونتطمن على بعض واذا رجع بالسلامة نتفاهم على مين كان الغلط وكيف قدر يطلع وهو ماسلم علي ولا ودعني الجدير بالذكر انو يقول مو حاس بندم لما طلع وهو ماودعني يقول قلت بنفسي انتي تبين كذا انا مررررررررررررره مقهووووره عشان انا حز بخاطري الطريقة الي افترقنا فيها وهو مو حاس انو غلط كيف اتصرف اذا كلمني بكرا اكون رسميه او عااادي مثل اول ادق عليه او استنى هو اللي يدق ارسل رسائل او اطنش |
اقتباس:
أسألك بالله.. لو رجل جا يشكي من زوجته الغلطانة شنو راح تقوله؟؟؟ هل تبي تفهمني انك بتقول : مايخالف.. وتعوذ من الشيطان .. وماتدري هي شنو ضروفها.. وعديها كل مرة!!:25: وخلك انت الأحسن!!!! وبعدين الأخت أم عزام ما قالت شي غلط!! عشان قالت لها انسيه واشغلي نفسك عنه صارت خرابت بيوووت!!!! يعني أنت شنو تبي بالظبط من الاخت صاحبة المشكلة؟!!! هو الغلطان.. وهو اللي غضب .. وهو اللي عصب على موضوع تااااااااافه.. والأخت حاولت تكتم غيضها.. وحاولت تستسمحه..وما ودعها.. وأرسلت له.. واتصلت عليه.. وطنشها.. وبعدين رد عليها من طرف خشمه.. وأرسلت له رساله عتب بريئة.. وبينت له انها ماراح تتصل عليه.. وكسرت كلمتها ودقت عليه وبرضو طنشها!!!!!!!!!! يعني شنو المطلوب منها أكثر؟!!! يعني تبي من الاخت ام عزام تنصحها تذبح نفسها كرماله مثلاً!!!!! عشان ماتصير خرابة بيوت!!!!!! ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ رجااااااااااء خاص للعضوات.. حبوا نفسكم مثل ما الرجال يحبون انفسهم.. الغلط غلط والصح صح.. سواء صدر من رجل أو صدر من مرأة.. الرجال دائما يدافعون عن نفسهم.. وهذا من حقهم.. والنساء دائما يذلون نفسهم ويكسرونها حتى لو كان الرجل هو الغلطان في حقها!!! |
اقتباس:
شوفي اختي.. عادي إذا دق بكرة ردي عليه.. وخليك طبيعية.. لكن انتي لاتدقين عليييييييييييه.. خلي هو اللي يدق.. وبالنسبة للرسايل إذا ارسل ردي .. وإذا ما ارسل لاتبدين.. وإذا جا بالسلامة.. عاتبيه عتاب لطييييييييييف.. وبيني له غلطه.. وقولي له: انت على اي اساس حكمت علي اني انا اللي كنت ابي كذا!!!؟ انا اللي ادق عليك وانت اللي مطنش وانا اللي ابي كذا؟!! انا اركض وراك وانت ماعطيتني وجه وانا اللي ابي كذا؟!! بس لاااااااازم يكون اسلوبك اسلوب عاتب ودلع مو اسلوب خناق وقهر.. وإذا حسيتي انه الجو مكهرب.. او ما أقتنع بكلامك.. قولي له خلاص.. خلينا ننهي الموظوع.. باين اني ماراح اقنعك .. ولا انت راح تقنعني.. وغيري السيرة.. فاهمتني.. |
اقتباس:
الله يخليه لكم ويرجعه بالسلامه 00 يمكن لم يعجبك تعليقي بالاول !! وها من حقك !! لكن تختلف إجاباتنا واراءنا على حسب الحاله00 اولا 00 المشكله تافهه من الاساس 00 ثانيا 00 زوجك مسافر00 بدال ما نودعه ونستودعه 00 نتمشكل 00 حتى ولو كان غلطااان واكيد ومؤكد إنه حاس بغلطه 00 وش تكوني رسميه معه00 إلا ارسلي ودقي وكثري وانسي الغتاب إلى لما يرجع إلا استعدي لإستقباله 00 وبأحسن ما عندك00 والله ان حقه عظيم عليك والاجر عند ربك00 احببت ان اوضح ردي الاول00 لأني حسيت ما وصلتك فكرتي 00 ولا تفقدي زوجك إحترامه او تقديره ولا تشعريه حتى بذلك والله يشهد أني ما اردت لك إلا الخير00 الله يجعلك قرة عين له 00 |
الرجل مايحب المرأه اللي تطرد وراه كلام حلو ومسجات واتصالات هذا الشي مو من صالحك ابد بالعكس طنشيه ولاتهتمي فيه واذا حبيتي تطمني عليه عن طريق اهله خذي اخباره بطريقه غير مباشره وهو راح يتصل عليك واذا مااتصل بسلامته معناها متعود عليك انك تركضي وراه وجالس ينتظرك فلا تركضي وراه
|
شوفي اختي
لاتدقين ولا ترسلين ومثل ماقالت الاخت ((الجنه يارب)) خذي اخباره من اهله بطريقه غير مباشره يكون احسن عشان تطمني عليه اذا دق ردي واذا ارسل ارسلي وخليك هادئه وعادي كلميه بكل هدوء قولي اخبارك ان شاء الله مبسوط كيف امور عملك من هالكلام الرسمي ولا ترتبكين ولاتبكين ولا شئ خليك قويه اذا بتظلين كذا بتكبرين 30 سنه من الهم واذا جاب طاري عن المشكله قولي حصل خير وماصار شئ والله يخزي ابليس خليك قويه ومتماسكه حبي زوجك بطريقه ماتحرق اعصابك الله يوفقك لما يحب ويرضى |
اقتباس:
|
اقتباس:
الحين انا مهديه الوضع تماما وحتى اذا رجع بكون عادي بس بحاول اوصل له رسالة بس من غير ما اكون مقصره بشي بس مو عارفه كيف |
اقتباس:
ومستحيل ادق على اهله لو دقيت راح يحسون في شي لانو هم عارفين اي شي يصير معه اول وحده تعرف انا بعدين يكلمهم وانا وزوجي مهما صار مانحب احد يعرف اي شي عن حياتنا الخاصه اهلي او اهله |
اقتباس:
الحين المشكلة انحلت تقريبا بس انا ابي التصرف اللي صار ماينعاد |
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©