|
زوجي ضربني بسبب بطاقة الصراف
للأسف بالرغم اني مربية اجيال ولي قدري فالمجتمع الا أني انهان من قبل زوجي
يريد بطاقة السحب ولا بيوصلني أنا وأهلي المحاكم هاذي اسلوبه بتقولو مافهمتي زوجك أو شي من هالكلام بس برد واقول اني أمنته ع بطاقتي فصار يسحب فلوسي ومايجيبهن كاملات تخيلو حتى دفع فاتورة تلفون أخوه من فلوسي أنا مارضيت وخليت بطاقتي بيت أهلي اليوم ضربني مثل العادة عشان عليت صوتي عليه ويقول أريد أعيد تربيتك بصراحة تعبت والحين أتألم من ضربه |
كان الله في عونك
لكن إيش سبب رفع الصوت على زوجك ؟؟ إنه بده بطاقة الصراف ؟؟ |
انتي غلطاانه
لانك عودتيه على هالشي بس اصبري وخليكي على موقفك ولو بده يوصلها لاهلك يوصلها لانه هو الغلطان اصلا هو بس يهدد عالفاضي |
فلوسك خاصة فيك وماله حق فيهااا الا برضااااااك
آآآآآه من اشباه الرجال في هذا الزمن |
مو وقت انها غلطانه الاخت صلحت غلطها انصحك اعطيه مبلغ معين مثلا الف ريال قولي هذي مساعده في مصروف البيت رح تريحي راسك وتنهي المشاكل ومافيها شي لو اشتريتي راحتك وساهمتي بمصروف البيت واما اذا كان مصر على البطاقه فخليه مصيره يرضى بالامر الواقع فشي بسيط احسن من ولا شي
|
اذا عندك أبوكي او اخوكي يضع له حد وكليه بالأمر زوجك ظالم و متجبر الله يعينك
|
أختي اشرحي لنا مشكلتك باسهاب أكثر ...
موضوع الضرب نتيجة وليس مشكلة قائمة بذاتها ....هي جزء من كل .. اذا ممكن نفيدك بحل فيجب أن نعلم ظروف زوجك وظروفك وأطباعكما .وما الذي أدى لوصول الامر للضرب ؟ |
إذا ضربك روحي الطبيب واطلبي تقرير لأن زوجك ضربك
واحفظي التقرير عند أهلك وقوليله لو ضربك مرة ثانية حتشتكيه وإنه لو قطعك ماراح تعطيه البطاقة علشان تصرف تعبي على أخوانك بتتعبي فترة وبيسيئ معاملتك المهم ماتتنازلي في النهايه احتقر احتقر احتقر الرجل الذي يضرب امرأة |
اشكركم أخواني وأخواتي ع الردود هو الحين سافر ليومين لأنه مضايق
اخوي دمعة مفارق أنا شايله احتياجاتي واحتياجات طفلنا هو عنده راتبه اللي ما أشوفه ولا اعرف رقمه السري لبطاقة الصراف اختي بيتا المسأله انه بالأول أنا تسلفت لأهلي وهو تضايق ع بالي حبا فيني بس اتضح انه يريدني أتسلف له وضغط عليه وتمسكن وصار يوديني أي مكان اريده وبالفعل تسلفتله ع الرغم أخذت وعد انه يتحمل مصروف مواصلاتي للعمل بس للأسف صار كأنه ماوعدني بشي قبل لا أتسلف الله المستعان |
زوجك قوي عين
مايستحي على وجهاا الفلووس فلووسك ماله حق يتحكم فيهم حطي حد له لازم توقفينه عند حده خلي شخصيتك قوويه دخلي اهلك بلموضووع او تفهمي معه بكل صراحه ماله حق يضربك تكلمي معه قوليله لاتضربني وجيه بكل صرااحه |
انتي اخطئتي لاانك تسلفتي له !!!!!!!!!!
انتي تهورتي فتحملي النتيجه وتلومينه ليش يبي الصرافه !!!!! تعودد يالغاليه هداك الله |
اقهرتني الدنيا/هاذي ما أول مرة تستوي هالسوالف من ضرب وغيره وصرت ع كل مرة أقول لأهلي مايزداد الأمر غير سوء لأن زوجي عنيد وبصراحه صرت أخاف اخبر أبوي لأنه انسان عنده ضغط فقلت بتحمل عشان الغالي كافي اللي فيه/ع كل مرة يتغير لونه ويجلس يحاتي ويتلوم انه زوجني اياه/ويا ناس ابوي ما تبع شكاوي ومنازعات
أما زوجي فكان يبدأ شوي شوي بالضرب ويرجع يتأسف وأنا احسب انه مابيعيدها حتى لو تنازعنا واسامحه ما ع بالي ان اسلوب الضرب بيقوى حتى صارلي رضوض وأتألم لما أحرك جسمي حضرته مخلي روحه مثالي ويهددني بالزواج من ثانية لدرجة اني قلت تزوج بيرتاح راسي من لويتك انسان اناني ماعمري اشتكيت ألم وقال من نفسه تعالي بوديك العياده دايما وبعد محاولات يوديني قلتله طلقني بس ماعجبه كلامي اش اسوي |
اختي همس أنا تسلفت له حسبت اني بكبر ف عينه وبيحترمني أكثر وبنبني حياتنا خطوة خطوة
بس ماصار/اللي صار اشترى سيارتين بفلوسي يستخدموهن هو وأخوانه شفتي كيف صار؟لا وبعد لما صارحته بالموضوع وانه وين حقي من هالسالفة تضايق وخلاني انا الغلطانة |
روحي بيت اهلك وروحي الطبيب واعملي تقرير للضرب لانو رح يفضل يضربك وما رح يتوقف ولن يسكت عن المطالبه بالبطاقة ما تخافي على ابوكي
|
اختي جريين المشكله انه التقرير جربته من قبل والحكم مايقبل الرضوض الحكم يريد كسور ولا اعاقه للأسف
بعدين ماجات عليه غير الفضيحه وصار الناس يتكلمو عليه وف الأخير رجعت له حياتي مضطربه وماعارفه نفسي اذا زوجه ولا صاحبه |
الله يعينك ياختي
انا الحين اطبق بأحد المدارس الحكومية واتمني من ربي انه مايعيني الا اذا كان لي حاجه بالوظيفة لانو المعلمات إلي صادفتهم بالمدرسة اشكالهم مررره هلكانه وملابسهم مبين انها من ارخص الملابس إلا ماندر والي كشخه تلاقيها تعيد في بلايزها لين حفضوها البنات وحنا بنات التطبيق الي ماعندنا مكافات ولارواتب كاشخات وكل يوم لبس والفطور من افخم المطاعم نطلب مو مثل فول وتميس علشان الميزانية وكله ليه لانو راتبها بيد ولي أمرها علشان كذا وضعها موش ولابد الله يعينكم والله الوظيفة احيان تكون هم على صحابها وعمري ماصادفت معلمة مرتاحه وراتبها بيدها يايكون بيد زوجها او يستغل بأنه يبني هو وياها فيلا وبالنهاية لما تستقر الاوضاع يجيب لها حرمه ثانية وتكون عاطلة بعد ويقوم هو يصرف عليها |
مازال جربتي وتركتيه ليه ترجعي له
انتبهي من الضرب ولا سمح الله يعمل لك اعاقه رجال عاله على المجتمع وعلى نسائهم الله يعين |
بسألك سؤال
انتي تروحين يوميا للدوام ليش؟؟ تشقين وتتعبين وتتعبين عيالك ليش؟؟ وانت وين حقك من التعب اذا الوظيفة ماراح استفيد منها لنفسي ليش اتعب نفسي واشقى والظاهر انك بتجلسين ع الاقل 5 سنوات تسددين بسلفية اهلك واهل زوجك عشرات الآلاف من تعبك تروح للفاضي تعلمي تكونين نفسك وحياتك الخاصة فيك المفروض بدال هالسلفيات أخذتي لك عقار يعمي عيون الطامعين بفلوسك ترا الدنيا بسرعة تمر وبتلاقين نفسك بيوم لحالك وتتحسرين على تعبك اللي راح ع الفاضي وإذا انتي مافكرتي بنفسك الناس عمرها ماتفكر فيك حتى ابسط حقوقك مااحترمتيه شلون الناس بتحترمه أمي دائما تقول الله يرحم امي-جدتي-مااحتاجت لأحد لأنها كانت تملك شقق ولحد وفاتها عايشة ع الايجارات اما التقرير فروحي مستشفى ثاني انا مرة صبت على يدي موية حارة>>كانت ع الكف بس وسألوني مين المتسبب مع انها اقل من الرضوض بكثير وبالموت صدقوا انه انا المتسببة والا كانوا بيفتحون تحقيق مع زوجي وعلى فكرة كان مستشفى حكومي برضو ومع ذلك اهتموا هالاهتمام اما هو فمتى ماعرفتي حق نفسك واحترمتيه هو بيوقف عند حده وإذا حاول يضربك ارفعي التلفون واتصلي ع الشرطة ماراح يتجرأ بعدها يرفع يده الله يعينك يارب |
أشكركم ع مروركم أحبتي
نبض الدان ياحبيبتي أنا انسانه كثير أحاتي وشعر الأبيض ظهر وأنا بعدني فالعشرينات أهلي ضغطو عليه وزعلو وأنا ما لي استغناء عنهم فرضخت واللي ساعدني ع الرضوخ اني أعرف زوجي بيخوني ف لحظه وتخيلي الوحده بلا ظهر شو يكون مصيرها وجاني زوجي وضغط عليه لدرجة ماتتحيلونها حتى كرهت الحياة ورضخت لأمره تصدجو اني مراعيه حقه حتى قبل شوي رسلت له اني بطلع بيت أهلي كله عشان أرضي ربي ومايمسك عليه زله واتصل بي وأذن لي وسولف وكأن شي لم يكن تعبت تعبت حتى ما اعتذر |
هل انتي انسانة ام من غير البشر
ما احب اشيش الحريم على الرجال ولا العكس لكن الزوج مايضرب زوجته الا انه وصل لمرحلة انه يستحقرها وانها ماتسوى شيء عنده معليش لازم تتصرفي تصرف حاااازم ولازم ابوووك يتدخل في الموضوع في اسرع وقت |
إذا زوجك على الي انت قلتيه بحق وانت تقابلين ذلك بالاحترام والصمت
عليك بفرض شخصيتك عليه فلن تخسري أكثر مما خسرتيه تعب وكرامة مهدورة ومال مسحوب غاليتي لابد من حكم من اهلك وحكم من أهله حتى تضعين حدا للموضوع فأنا أشعر كانك لعبة بين يديه يحرركك بمزاجه هو يعرف أن اهلك صامتين ولن يفعلوا شئ وانت صامته حسنا ثم ماذا هل ستنتهي الحياة بدونه يجب أن تستخيري بالاصلح وتتنبهين لنفسك فلاتكوني بسبااااااات الى ان يأتي الانهيار أسأل الله ان يفرج همك ويكتب لك الخير |
الله يعينك يا أختي على وضعك مالك غير رب العالمين يفرج عنك ما أنتي فيه وبقول لك شئ أنت يوم أعطيته السلفيه ليه ما أخذتي عليه ورقه منه بحقك حتى تظمني حقك وتضمني أنه مايتغيرعليك لأنه عارف إنك بتطالبيه بفلوسك إذا سوا لك شئ بعدها ماراح يتجرأ ويرفع إيده لأنك لوطلعتي الورقه إللي معاك ماقدامه غير حلين أحلاهما مر يايدفع أو السجن في إنتظاره حتى يسدد إللي عليه أنت مشكلتك إن قلبك طيب وودك ترضينه بس مثل زوجك وأسلوبه ماينفع معه الطيب مثل ماقالوا لك الأخوات طلعي تقرير ولوكررها معك إشتكيه الدنيا مي بسايبه فيه حكومه وفيه حقوق إنسان
وفيه محاكم وطالبي بحقك الأوللي والتالي خليه يصحصح ومرة ثانيه لاتعطينه فلس إلا بضمان وصل وعليه إشهود ويبصم بعد وخلي الورقه عند أهلك لوشفتيه يلف ولايغلط لوحي بورقتك هاذي وقولي له إذا أحترمتني أحترمك وإذا شفتي مانفع معك إشتكيه وبعدها خلي إللي جالس يصرف عليهم راتبك ينفعوه ويسددو عنه وش منتظره يسويلك كسر وإلا إعاقه إلحقي نفسك اليوم عيالك صغار مايفهموا شئ بكره عيالك يكبروا ويشوفوا أمهم قدوتهم تنطق قدامهم ويش بيصير في نفسيتهم وكيف تكون صورتك في عيونهم أنت معلمه وأكيد إنك مريتي في طالبات يعانو من العنف الأسري وأكيد إنك شايفه مستواياتهم وطريقة تعاملهم مع من هم حواليهم إنتبهي عيالك يطلعوا نسخه من هاؤلاء الأطفال كافحي لأجل أولادك وأسرتك من الآن لأنه إذا أستمر على هاذي الطريقه وأنتي ساكته فإنه سيستعلي وتأخذه العزة بالإثم وماعمره راح يصلح نفسه ويعدل أسلوب تعامله معاك الله يعينك ويصلح لك شأنك ويهدي زوجك ويرده إلى رشده . |
انا انقهرت كثييييييييييييييييير
لما قريت كلامك ونصيحه لك بطاقتك في ايدك او الافضل عند اهلك لاترجعين له حتى يعتذر ولايرجع لاستغلالك وقفيه عند حده واذا شفتيه لا اعتذر وظل على حاله فالانفصال حل((اذا لم يكن لديك اطفال طبعا) لانه باين انه طمعان في فلوسك واللي يضرب مره نقول على الدنيا السلام |
آآآآآآه لاتشكي لي ابكي لك
|
لا حول ولا قوة الا بالله العلي العظيم..
اسئل الله العظيم رب العرش العظيم أن يفرج كربتك ويقضي حاجتك وأن ينصرك على من ظلمك نصر عزيز مقتدر.. الله يعوضك عوض الصابرين.. بس لاتنسي أن المؤمن القوي عند الله احب من المؤمن الضعيف.. استودعتك الله رب العالمين.. أختك.. |
انا لو اني موظفه وربي ماافكر برجال شين ولا زين دام معي راتبي وايش ابي فيه...مالت عليهم رجال اخرزمن دام انه موظف وعنده راتبه وايش يبون بفلوس الحريم
ونصيحه مني لاتعودينه ابد ياخذ بطاقتك اويسحب فلوس على كيفه وخليك على موقفك عشان تصيرين في عينه شخصيه قويه ويحترمك انك لو ضعفتي قدامه راح يهينك اكثرواكثر لانه حاط في راسه انك ضعيفه..هذا طبع الرجال يحترمون القويه ويهينون الضعيفه..خصوصا اذا سكتت على الضرب والاهانه ولاتنسين تخلينه يعتذر...ترى لومااعتذر ورضيتي عليه راح يعتبرك امرأه بلا كرامه وخليه يتعهد ان ماراح يمد ايده عليك مره ثانيه |
حبيبتي .. خلاص صار اللي صار ..
الحين ما عليك الا انك تروحي بنك ثاني , افتحي حساب اهو ما يدري عنه , بعدين روحي للبنك اللي ينزل فيه راتبك, و خلي اوتوماتيكيا كل شهر يتم توديع مبلغ معين لحسابك الثاني .. على الأقل مهما شو صار تضمنين ان يكون عندك مبلغ و لو بسيط .. مع اني اشجع انك تحطين مبلغ مو بسيط .. و اهو ما راح يعرف بالموضوع, و لو يبي يلعب بفلوسك بالغصب خالي ياخذ اللي باقي .. و لو سألك وين راحت الفلوس, قوليله مصروفات البيت و العيال .. |
مع شينه قوات عينه!!
لاتعطينه البطاقه هاذي تعبك وحقك !! يجي ياخذها بارده مبرده...!! لازم تحطين له حد !! بالطريقه اللي تناسبج |
مشكوريين احبتي ع المرور
ما اعتذر وخلا الأمور تمشي وأنا ماشيتها بس قلبي مو راضي عليه |
طنشيه الحقير ولاتعطينه البطاقه حتى لو هددك استقيلي من وضيفتك وخليه يشتكي هو الخسران في النهايه مايقدرررررررررررررراتحداه
|
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©