|
كيف أجعل الخاطب يخطبني مرة أخرى
بسم الله الرحمن الرحيم
الله يخليكم ابيكم تعطوني حل .. انا بنت عمر 22 واحب شخص عمره 32وهو مطلق حرمته طلقه وحده بسسسس وعنده 3 اولاد وقال لي ابي اخطبكي وانا عطيته رقم اخوي الكبير وكلمه وخطبنيقال له اخوي طيب يصير خييير اخوي كلم ابوي وامي وكلهم قالوا اسال عنه اذا طيب بنزوجه .. بعدين اخوي كلمه وقال له وين تشتغل والهم حبيبي قال له وين يشتغل وقال له مكان شغله وقال له كمان انه متزوج بس ماقال له انه مطلق)) قال له اخوي يصير خير.. واليوووم اخوي ردعليه وقال له مالك نصيب عندنا ..واختي تبي تكمل درستهاا..وهي صغيره ع الزواج..ومع العلم ان اخوي ماكلم ابوي امي ع انه متزوج ولا فتح السالفه لهم..هو رده من نفسه ماقال لاحد.. وانا والله احبه وهو يحبني وانا استخرت ورتحت له كثيييييييييييييير الله يخليك ساعدوني .. ابي طريق عشان يجي يخطبني مرررره ثانيه هويقول عاتي اخطبكي مره ثانيه بس وش اقول ..؟ واخاف اخوك يشك فيك لو جيت خطبتك مره ثانيه وتصير عندكم مشكله.. وانا والله محتااااااااااااااارهـ مدري وش اسووووووي .. انا اقدر اسوي شيء ..؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله يسعدكم سااااعدوني... |
طيب مادام الرجال قال لأخوكي إنه متزوج ومو مطلق فمعناه إن له نيه يرد زوجته لعصمته و يبغاكي زوجه ثانيه إذن الأفضل تنهي الموضوع وتنسي أمره لأنك لساتك صغيره والفرص الجايه اكيد افضل |
هل هو مطلق أم لا ؟
وإذا كان مطلق لماذا قال لأخيك أنه متزوج ؟ |
فكري بالعقل قبل العاطفة
فالرجل متقلب الأفكار وانتي صغيرة اكملي تعليمك واهتمي بنفسك واقطعي اتصالك به |
قولي اللهم اجعلها خيره،،، الله سبحانه بيعوضك
الرجال متزوج ويكلمك،،، يعني مليون بالميه بيكلم غيرك بكرا، اذا جبتي عيال وبرررد الحب اللي بينكم مستحيل تقتنعين بكلامي لانك (( في حالة حب)) لكن ادعي ربي ان الله يبعده عنك او يكرهك فيه انتي صغيره،، تبين حياتك تصير ادوار وشفتات ،، يوم عندك ويوم عندها،،، هذااااا طموحك؟؟؟؟؟؟؟ الله يعينك ويهديك للطريق الصواب* |
طيب لي ماقال لاخوكي انو مطلق؟!
|
اقتباس:
وما من توفيق إلا من عند الله اختي الكريمه الي واضح من كلامك انه لم يجمع اهله ويأتي اليكم عن طريق بيت ابيك بل عن طريق اخوكي ولربما عن طريق الجوال لربما كان يأخذ ربط كلام لكي يجمع اهله ولاكن كان من الاصح ان يكلم امه أن ، تأتي لزيارتكم وتشوفي اهله بلاول واهله يشوفوا اهلك مثل امك او اخواتك ويتم التعرف بينكم عن طريق زياره الحريم في البدايه ثم يتم طرح الموضوع عن طريق امه او عمته او خالته وبعدها يتم السؤوال عن الشاب وعن احواله ولاكن الظاهر ان الشاب أتا عن طريق نفسه مباشره لاهلك وكان متوقع الرفض المبادىء للموضوع وانسحب مباشره مع اول رفض له كان يستطيع هو بعد الرفض ان يجمع بعض الرجال المتكلمين ويأتوا الى بيتكم ويضمن بشهاده من الشهود من وجهاء عائلته ان يكمل تعليمك اثناء الزواج ويفض نقطه الخلاف بينه وبين اخوكي ان كان السبب التعليم وبلنسبه للزوجه الثانيه كوني على ثقه انه سوف يعيدها بنسبه 75% في اسواء الاحوال هذا ان كان مطلقها من الاساس والله اعلم لاني اعرف قصه من الحياه ان شاب كلم فتاه على اساس انه مطلق وعندما تزوجته وجدت انه غير مطلق من الاساس ولديه عائله على ذمته وشاركتم الجياه رغما عنها لانها اصبحت زوجته ولا مفر امامها سوى ان تصبح مطلقه المهم اختي الفاضله خليني ارتب لك الامر على النحو التالي -------------------------------------------- اولا الشاب على حسب كلامك يحبك كحبيبه وليس كزوجه والله اعلم ثانيا ان كان لديه النيه بلزواج كان عاد المحاوله مره ثانيه لطلب يدك من ابوك عن طريق وجهاء عائلته ثالثا ضعي في حسابتك انك الثانيه وسوف تكون هنالك الاولى في حياتك وان لم تكن في حياتك وفعلا طلقها بلا رجعه سوف تربي اولادها لانه سوف يشملهم له عندما تتزوج زوجته الاولى ويسحب اولاده لعندك تربيهم فهم اولاد زوجك وعليك تربيتهم معه رابعا ثقي بإخيك الكبير فهو لم يرتاج له ولذالك لم يخبرك اهلك ورفض من تلقاء نفسه لان هنالك امر اقلقه بلنسبه لهذا الشاب ومن خلال هذه النقاط نسبه سعادتك في هذه الحياه وانت في بدايه شبابك نسبه لا تتعدى 30% فمن رايي حاولي ان تنسى امره وامسحي رقمه ان كان لديك وانتبهي لدراستك والله يبعتلك نصيبك في اقرب وقت إن شاء الله |
السلام عليكم ,, اختي ريم ولله ان الي حاصل معك حاصل معي ,, عمري 21 .. وعمره 31 ومتزوج وعنده عيال .. لي معاه اربع سنوات ,, احبه وهو يحبني ,, وهو ناوي يتقدم لي ما صرح لي لكن يقول لما تتخرجين واساسا مابقى شي ليه و بعد يصير خير وانا متاكده انه جاد ورح يجي وما عنده مانع ,, مسجله بهذا المنتدى كنت ابي اطرح موضوعي حسيت ان الكل رح هاجمني لاني احب رجاااااال مو اي رجال رجال متزوج مع العلم انه خبى علي بالبدايه وما صرح الا العام الماضي ,, لكن حبي له مو بيدي خرج عن ارادتي مو بكيفي وبعد لاني قريت بعض الحالات المشابهه ليه وحسيت ان البعض مو متقبلها والاعضاء هنا اكيد يقولون وجهات نظرهم وارائهم الي تساعد بس ما تجرئت اكتب خوفا من ان احد منهم يفهمني بشكل خاطي ,, ويوم الي اشوف مو ضوعك قريب من حالتي رديت .. اسمحيلي تكلمت بموضوعك عن نفسي .. و بعد اسمحيلي انا ما اقدر افيدك لاني نفس حالتك بس تعرفين انا كل يوم استخير بالليل وادعي من قلب خايفه كثير .. رح اتفق مع الاخت>>ضحكت الدنيا << الي كتبت انه ممكن يكلم غيري زي ما هو يكلمني من قبل ,, ورح اتفق ايضا اني رح اخذ((( نص زوج))) .. لانه مو لي لوحدي .. الحياة مو سهله مع رجال متزوج لو كان مطلق ارحم .. بس مع زوجته لا من ناحيتي عايش بمنطقه غير عن منطقتي يعني فيه غربه وبعد عن اهلي ,,
بس انتي تقولين استخرتي الاستخاره يعني انتي اعملي بالاسباب واذا عارض احد من الاهل تاكدي ان هذا هو الخير لك ,, وهذ نتيجة الاستخاره بس بعد لا تيياسين ولابد تكونين مستوعبه ومتخيله حياتك معه وهو يروح عند زوجته الاولى ’’ شعور صعب " من جد يتعب ..,. ربي يوفقك على كل حال ويعينك ويسر امرك .. انا حاسه فيك>ما يحس بالنار الا واطيها < اعذريني على اطالتي ولاكن وجدت موضوعك تفريج لما بداخلي وقرب مشكلتي مع مشكلتك,, |
ما راح اخوض في تفاصيل المشكلة لكن فكري بتروي اكثر بعيدا عن العاطفة انتي لسى صغيرة و هو رب اسرة و مطلق و عنده مسؤوليات غير كذا يمكن اللي صار خيرهـ من الله و صدقيني كلام اخوكي في محله ان شاء الله بيجيك اللي افضل منه دين و خلق و عازب بإذن الله اكثري من الدعاء .. اللهم ارني الحق حقاً و ارزقني اتباعه اللهم قدر لي الخير حيث كان ثم ارضني به |
اقتباس:
اعتذر عن المداخله بس لابد نحسن الظن يمكن ما قال انه متزوج لانها الطلقة الاولى و له كامل الحق في ارجاعها يعني تعتبر في عصمته الا انه لا يجامعها من هذا المنطلق يعتبر هذا الشخص متزوج .. هذا اللي اعرفه و الله اعلم |
اقتباس:
لان انا كلمته وقلت له اذا اخوي كلمني اب اقول له انك تتطلقهاا وبعدها تملك علياا وانا اعرفه بعد ماطلقهاا يعني مو اناالسبب هو قال لي انه مايبيهاا ويبي يتزوج.. مشكوره اختي.. |
اقتباس:
يااخوي انا كلمته حبيبي قلت له يكلم اخوي الكبير لان ابوي متزوج ع امي مو معناا هو كلم اخوي الكبير وقال له ابي اخطب وابي رقم الثابت عشان اهلي يجون يشفونهاا .................................................. ....................... كان يستطيع هو بعد الرفض ان يجمع بعض الرجال المتكلمين ويأتوا الى بيتكم ويضمن بشهاده من الشهود <<<اخااف اذا جاء تصير بينه وبين اخوي مشكله اخااف اخوي يقول لهانا قلت لك مالك عندنا نصيب,,,, .................................................. ....... والله هو مطلقهاا انا قلت له ماتملك علياا لين تطلق حرمت الاول ........................................... الله يخليك هو مستعد يجي مره ثانيه بس وش يقول انت فاهمني..؟؟ انا والله مرتاح له كثير كل مااستخير ارتاح اكثر.. مشكور اخوي الله يعطيك العااافيه.. |
مشكورين كل من رد علياا
الله يسعدكم يارب... |
اقتباس:
ياقلبي عليك الله يعينك ويقدم لك الخير يارب.. انت الشخص الي تحبينه مااعترف لك من اول ماكان معاك صريح انا والله هو صارحني من البدايه وقال لي اسباب الطلق وكان واضح معي .. ((..المكتوووب بيصير..)) الله يسعدك ياقلبي .. منوره موضوعي.. |
اذا كان الرجل صاحب اخلاق ودين فما المانع من الموافقه عليه بغض النظر عن طلاقه او لديه اطفال فالشرع حلل للرجل الزواج باربع زوجات والرجل مايعيبه شي0
كل ماعليكي اختي السؤال عنه والاستخاره ووكلي امرك لله سبحانه وتعالى ونسال الله ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه انه سميع مجيب0 |
مشكور اخوي ..
وربي استخرت وانا مرتاااحه له كثييير.. |
واضح إنك تحبيه كثير وبينكم وسيلة تواصل
لأنك من الآن وأنتِ بتقولي عنه حبيبي على العموم إذا كان الرجال فعلاً متمسك فيك أخبري أمك أولاً أنك راغبة فيه وأنك أستخرتي الله ومرتاحة له كثير ودعي أمك تسهل الأمور لوالدك ولأخوك ثم بعد ذلك أخبري الرجل بالتقدم مرة أخرى أعانك الله |
بصاحة اشك في تصرفاته
واشوف ان اخوك سوى الصح |
انت كتبت
تتطلق الحرمة وبعدين تتملك يعني انت السبب في طلاقها.....أفهم بس |
اقتباس:
أكره ان أراك تنصدمين بالممكن بعد الزواج |
يسلمووو..
انا قلت له يرجع يتصل ع اخوي مره ثانيه ويقول له انه مستعد يطلقهاا ومستعد اخلي اختك تكمل الدراسه.. هو قال لي طيب.. صح الي اسويه ولالا,,,,,,؟ متى يتصل ..؟ |
الله يخليكم سااااعدوني
والله مالي غيركم..!! انتظر ردكم.. |
ياريم اتركيه....لا تصدقي كلامه
هو رجل ويستطيع التصرف لو أحبك انت تصري عليه وهو يقدم الأعذار الرجل إذا أراد شيئاً لن يقف أخوك في طريقه إذا أحس بصدقه هو يتسلى بك ..يعني أنت تصبيره له ...حتى تعود له زوجته حتى لو أقسم أنه لا يريدها ويمكن اللي بينكم سبب طلاق امرأته ليس لأنه لا يريدها بل لانها اكتشفت خيانته لا تصدقيه فمن يحادث بنات الناس يكون أجرأهم كذباً وأكثرهم مكراً وخبثاً وكذلك البنات هداك الله ورزقك زوجاً صالحاً يعينك على أمور دينك ودنياك |
والله السالفه صعبه شوي لأنه مطلق مرته يعني فيه احتمال انه يرجعها
انتبهي بكره لو تدور الدنيا اكيد بيرجع مرته اذا فيه امكانيه الله يسخره لك |
| الساعة الآن 06:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©