|
عاداتنا وتقاليدنا تمنعني من زوجتي قبل الزفاف
السلام عليكم
انا بصراحة اعاني من عاداتنا وتقاليدنا اللي للاسف حكمت قبضتها علي :( لاني مملك قبل 10 شهور والى الان ماشفت زوجتي ولا حتى كلمتها بحكم العادات والتقاليد اللي نعيشها في وسط المملكة لكن انا ابي الحل بصراحة ابي كلم زوجتي لو بالجوال ابي اخذ عليها وتاخذ عي على الاقل لو قبل الزفاف بشهر لان زفافي باقي عليه 4 شهور من الان . وش رايكم اخلي الوضع على ماهو عليه مثلي مثل باقي العايلة لانهم تزوجو على نظام العادات والتقاليد ولا اطلب من اهل زوجتي اني كلمها ؟ وربي محتار وابي رايكم :) |
عندكم عادات قاتله
اطلب من اهلك تكلمها واكسر هالعادات الله يعين |
ايش هالعادات حتى ضد الأسلام ؟؟
نصيحتي لك كلم ابوها وواجه او كلم اهلك وخلهم يواجهونهم كلمه قوله حرام اني اتزوج بنت وانا ما اعرف طبايعها هذا مستقبل وليس لعبه انا ما ابي باجر اتزوج عليها والسبب اني ما اعرف طبايعها او خواصها واجهه !! |
لو كلمتها وكسرت ايش بصير بيذبحوك مثلا؟! مااتوقع
اخوي لازم تكلمها وتفهمو بعض من الان احس هالعادات من اهم اسباب الطلاق عشان مابكون في فرصة انو الرجل يتعرف على زوجته ويقهمها قبل الزواج الله يهديهم انت كلم ابوها او اخوها وان شاء الله يوافقو |
يداك اوكتا وفوك نفخ ..
طالما انك عارفه هذه العادات المقيتة لماذا تخطب من عندهم والله تراجعت عن خطبة فتاة حينما أخبروني برفض النظرة الشرعية الشغله ليست اكشط واربح .. |
لون الاخوه
اذا انت ميت بتكلم خطيبتك،، فهي ميته اكثر منك :( لو لك اخت ،، خليها تكلمها وتقول لها عن رغبتك (( من حقك )) تكلمها قبل الملكه فكيف وانت زوجها؟؟؟ واذا انت حالتك الماديه اوكيه،، اشتري لها جوال فيه شريحه باسمك والجهاز مافيه الا رقمك وحطه بكرتون هديه،، وغلفه وارسله مع اهلك لهم،،، بتشوف بعد يومين كيف يتقبلون،، هالطريقه جدا ناجحه:22: الله يوفقك ياررب ويسهل امرك |
الله يجزاكم خير جميعاً وصدقوني شفت كل رد بتمعن وما اقول الا الله يعين
لان احنا مجتمعنا كله كذا وهي اتوقع صعب تكلمني لانها تستحي بشكل موطبيعي لكن الله يكون بالعون :( |
اقتباس:
هلاا والله اخووووووي :d الله يعينك يا رب ويصبرك راح الكثير وبقي القليل اللي صبرك ما شاء الله ١٠ شهور :d قادر يصبر ٤ شهور :d وبعدين قوول للعادات والتقاااليد بااااي بااااااي :22: اذا في احد ضد العادات مثل امك او اختك خالها تكلم زوووجتك وتقنعهاااا انها تكلمك واذا في تجاووووب من زوجتك اشتري لها جووال صغيره :d واذا ما في امل الشكوى لله وان شاء الله ربي يهنيكم ويسعدكم وموووفقين والف مبروووك :14: |
أخي الكريم ..
حتى لو كانت تلك عادات فما المانع أن تحاول ..!! فالمحاولة لا تعني أنك فعلت شيئا سيئا !!! دع أمك تطلب هذا الأمر من والدة البنت ... وشف النتيجة .. إذا ما نفع .. زر أبوها في المنزال سلم عليه ... إسأل عنه .. بارك له في المناسبات ..>> طبعا إنت مفروض تكون كذا حتى لو ما تبي تطلب منه إنك تكلمها !! بعد فترة اطلب منه بطريقة حلوة ورايقة ... و أتوقع إن الموضوع يتسهل لك .. فالإنفتاح الي نعيش فيه اليوم مؤثر حتى على الشيبان بس يبي أحد يحركهم شوي .. الله يوفقك وأكثر من الدعاء بالتوفيق وعلق قلبك بالله وثق يا ما ناس كلموا قبل الزواج وما توفقوا ولا أعني بذلك التهوين من قضية المكالمة والتعرف قبل الدخول ولكن ثق أن التوفيق والبركة كلها بيد الله .. أسأل الله أن يبارك لك .. |
اطلب ليش ساكت 10 شهور وبعدين الروية الشرعيه من حقوقك من الاول ليش اتنازلت عنها حاول تكلمها تشوف شخصيتها تعرفها اكثر زي ماقالت شيهانة خلى امك او اختك يتكلمووا والله يسيرلك ويوفقك
|
:(فعلا عادات بالية..
الله يهدينا.... |
.
. واذا كانت عادات وتقاليد خلاص تسكت وتلتزم ..! عجبا.. والله اني استغيظ غضبا عندما ألرى ذلك .. وقد تكون الفتاه اشد خوفا منك دام انها لم تراك ولم تسمع حتى صوتك ولاتعرف تفكيرك ..! في النهايه هي الخسرانه أكثر منك .. دام ان الامور بالحلال الحمدلله لك الاحقيه الكامله بذلك .. وانت رجل ولك كلمتك .. تريد ان تراها .. تكلمها .. تزورها .. أخبر اباها بذلك .. وأصر على رأيك بحكمه .. يسر الله امورك .. . . |
الله المستعان الحمدالله هذي العادات مو عندنا ...
طيب اذا ابوها مثقف ان شاء الله يتفهم الموضوع اذا كلمته واذا وابوها كبير الله يعينك ... ياليت تكلمون مشائخ عندكم وينصحون هالاباء كل ماسمعت مثل هذي المواضيع اقول وين دور المشائخ يثقفون الاباء ؟؟؟!!!!!!الحمدالله والشكر اكثر الطلاق بسبب عدم رؤية الزوج خطيبته |
اخى هذا من رايى تشدد وشايفة انك تحاول بشجاعة تكلمها وهى ستفرح جدا حتى لو اظهرت عكس ذلك]
|
السلام عليكم
الله يعينك أخي منجد شي يقهر والموضوع موبهذه السهوله لكن حاول بكل طريقه انت اقنع والدها وذاكان مصر اجعلها هي تقنعه عن طريق امك اختك المهم انك لازم تتواصل معها والله شي ضروري ومفيد بالذات انه الحمدالله بقي 4شهور وخلي اختك او امك يقولوا لها اول ماتصدر الموافقه ترد عليك او تتجاوب معك لأنه من صالحها الامر قبل ان يكون من صالحك ومافي شي اسمه تستحي <<<طولتها وهي قصيره اصر على التواصل والله يوفقك وييسرلك الخير |
اخواني طريقتهم يهدون للعروس جوال+شريحة>>عن طريق احد اخوانها
ويبدون يتصلون لحد ماتفتح الجوال يرسلون الايميل مع رسائل خفيفة وعلى شوي شوي لحد مايتعودون على بعض الحين مااعتقد احد متمسك بهالعادات انت جرب لعلهم يمشون لك رغبتك |
اخوي ترى بعض العوائل عايتي يخلون بنتهم تكلم بس بشرط ماينتشر الخبر
جرب خل امك تكلم امها <<احس بين الحريم اسهل ومايكون فيه رسميه او حزازيات تقول لها انك تبي تكلم زوجتك الي هي حلاالك اصلا جرب انت ماراح تخسر :) |
الحمد لله
هالعادات ماهي عندنا سبحان الله بعضها ترفض امور محللها الدين الاسلامي الحنيف حاول انك تكلمها حتى لو بالخفاء هي حلالك زوجتك على سنة الله ورسوله رسيل اموره كلامك جميل وبالتوفيق |
الله يعينك ياخوي
احنا الشيخ يملك من هنا ويطلع تجي ام البنت وتعطي ام الولد رقم البنت علشان يكلمها |
اقتباس:
هههههههههههههه والله عجبتني :d فعلا هالعادات عندنا كمان :29: |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©