|
زيارة زوجتي لأهلها
،’
آسعد الله أوقـآتكم بكـل مآهو لطيـف ,, آهنيكم بألعيـد وكل عآم وآنتم بخ ـير َ,, ماءساتي مع زوجتـي ,, انا شآب موضف , صاحب صفآت آخلآقيـه عآليـه محأفظ ,, وأبلغ من العمـر 24 سنـه , :25: متزوجَ من بنت خالتي , وتسكن بالكويت وآنـأ بالسع ـوديـه , وبالتحديد الريـآض , متزوج من سنــه تقريبآ وهي حآمل الان , قصتي أعزأئي ,, :( قبل لايتم الزوج كآنـت هنآك شروط من قبل ام زوجتي وليست مكتوبه بالععقد بآن البنت { لاتقطعهآ عني كل فتره وفتره تجيبهآ لي}:14: ليس هنآك موعدد محدد لزيآرت اهلهـآ وتم الاتفآق وتم قرن العقآد ,, وفي الاوآن الاخيـرهَ , زوجتي تطلب منيَ كل شهرين أزور أهلهآ بالكويتَ , مع ان دوآمي مآيسمح لي غير الاربعآء والخميس والجمعـه ,, واذا رفضضت الذهاب للهل زوجتي , { عصبت وجلست تبكي } وتقول ليش وعت اهلي بأنك تجيبني كل فتره , يعني كل شهريـن تقريبآ تجيبني مرهـ , والبنت ودهـأ اني كل شهرين أجيبهآ مرهـَ للهلهآ بالكـويت , آخوآني آخوأتيَ ,, آبي أعرف نصآيحكمَ لي َ وابي أعرف المتزوجينَ كم مره يودون زوجآتهمَ , لآهلهم خصوصآ اذا كآنو بمنطقه ثـآنيـه ,, :25: وشكرآ للججميـع ،’ |
وانت بخير يااارب
اقتباس:
بما انى غير متزوجه بس اختى اول مااتزوجت سكنت جده واحنا مكه زوجها قال كل يوم اجيبها بعد الزواج ومرور سنوات وهيا قريبه مننا الان مانشوفها احيانا الا كل 3 اسابيع او اسبوعين حسب ظروف زوجها بالتووووووفيق والله يقومها بالسلامه |
كل شهرين معقول كثير و الكويت قريبة
ترى فرقة الأهل صعبة و البنت معتادة على القرب من اهلها و امها اكثر من الرجل انت اعتراضك على ايش بالضبط , عشان نفهم وجهة نظرك اكثر هل على تعب المشوار او الفلوس او تضييع الإجازة المفروض سعادة زوجتك اهم ,,,ضحي ببعض الوقت و الحمد لله انها بس كل شهرين,,, لأني اشوف ان الأربعاء و الخميس و الجمعة كويس , فيه ناس اجازتهم فقط الجمعة , يعني بإمكانك تروح مساء الثلاثاء و ترجعوا يوم الجمعة , و فيه حاجة كمان ان زوجتك اكيد تتجدد سعادتها كل ما شافت اهلها و هذا ينعكس عليك.. |
المسـدآني
مشكور حبيبي على الرد آولآ بالنسبه للمآل كل شي متوفر والسيآرهـ متوفرهـَ لآكن تعبَ بالح ـيل كل شهرين وآنآ رآيح للكويتَ , وفوق هذا اذا رفضت اجس نبضهآ ,, تتنرفز وتقول ترى بدق على ابوي يجي يآخذني اذا مآوديتني ,, يعني مآتحس آنهآ تع ـب كل شهرين وآنآ رآإيـح وش رآيك حبيبي ,{ كم الازوآج يودون زوجآتهم اللي خآرج المملكـه . } بعرف انا نفس النآس ولآ متمرمط ،’ |
،’
بع ـدين ألقآء منهآ معآملـه موش كويسسـهَ يعني تتنرفز وتعصب وترفع صوتهآ علي , وفوق هذا تبي كل شي بكيفهـإآ ,, آللي آبيـه نصآيحكم وكلآم منكم يريحنيَ ويـ حل مشآكلي , ،’ |
انا امرأة
بصراحة لا اعرف احس ان شهرين مو كثير عليها و انت ابخص بس لو حطيت نفسك مكانها طيب بغض النظر عن رأي الرجال و كم يودون زوجاتهم لأهاليهم انت حاط في بالك...كل متى توديها كل سنة مرتين ..اقل او اكثر وقس على ذلك صبرك عن شوفة امك او اهلك ...كم المدة صحيح الزوجة تكون تابعة لمسكن زوجها و يفضل تصبر بس كان فيه شرط بينكم . بين كل فترة و فترة ...و فترة مدة قصيرة و كيف هي حالتك المادية إذا جيدة روح مرة طيران و مرة سيارة ,,, يعني 3مرات طيران بالسنة او اتفق معها كل ثلاث شهور,,,مرة تخفيضات يطلع مرتين بس .... |
،’
المسداني .... من برآئكـ آوديهآ مرهـ وكم مره تزور آهلهآَ بالسنــه وهالشي حق ووآجبَ لآكن كل شهرين آحسهآ مرهـ تعبَ علي , مآ أتحمل 600 كيلو رآيح جآيَ , وحآلتي المآديهـ توبَ لآكن , آتعب من الخطوطَ وبالنسبه للطيآرهـ مآ أخليهآ تسآفر بروحهـآإ لآزم يكون مهمآ محرمَ ,, وإنآ آتعب اذا سآفرتَ , والمشكلـه لو هي زوجـه تستآهل كآن من عيونيَ لآكن آلقى منهآ آشيآء تعصبني َ, ومنهآ : كثرة الشكوك , المرآقبه التآمه لجوآلي والنت ,{ يآويلي لو شآفتني آحكي مع بنت } ههههه ليه مآتطلعني دوم , تبيني آطلعهآ كل يوم , وتطلب بطأيق كثيرهـَ بمآ أن أهلهآ بالكويت والمكآلمات نـآر َ, ولسآنهآ يلوط آذأنهآ اذا عصبتَ ,, وآنآ عآيش بالبيت مع أبوي وآميَ وهي مآتسوي العود لهم يعني مآتسوي لهم لأ خدمآت ولآ تطبخ ولآ تنفخ يعني كلـه جآلس ه بشقتهآ فوقَ , ومتربـعه َ, ومآحد قآيل لهآ شيَ آفيدوني آلله يخليكمَ وش الح ـل ؟ وهل تستحق اني أوديهآ كل شهرينَ وهل شهرين طويله أم قصيرهَ لزيآرت أهلهآ وشكرآ لكم |
اقتباس:
اقتباس:
\.... |
لدي إقتراحين لك ولكن بعد إجراء هذه الحسبة إذا كنت موظف حكومي أوحسب إجازاتك ( الدولة تعطيك إجازة 36يوم في السنة + 5 أيام إضطراري ) مجموع إجازتك 41 يوم في السنة المسافة من الرياض إلى الكويت تقريبا 700 كيلو الحل الأول إجعل زيارتكم أربع مرات في السنة كل ثلاثة أشهر خذ إجازة و إذهب بزوجتك للكويت لمدة عشرة أيام ( إشرح ضروفك لرؤساءك في العمل و سيتجاوبون معك ) وحتى لو طبيعة العمل لديك فيها ضغط كبير فأكثر الجهات الحكومية تسمح بأخذ إجازة متقطعة قصيرة على إجازة طويلة دفعة واحدة الحل الثاني أن تجعل زيارتها لأهلها سنوية لمدة شهر أو شهرين متواصلة و تأخذ أنت إجازة لمدة شهر و تقضيها معها و مع أهلها فتكون قضت شهرين أو ثلاثة مع أهلها و أنت معها في شهرمنها وعندي حل جذري لتصرفاتها التي مزعجتك كثرة الشكوك , المرآقبه التآمه لجوآلي والنت ,{ يآويلي لو شآفتني آحكي مع بنت } ههههه ليه مآتطلعني دوم , تبيني آطلعهآ كل يوم , وتطلب بطأيق كثيرهـَ بمآ أن أهلهآ بالكويت والمكآلمات نـآر َ, ولسآنهآ يلوط آذأنهآ اذا عصبتَ ,, إتقي الله فيها و إترك عنك التميلح و لا تحكي مع بنت |
في الحقيقة هذه من مساوئ الزواج من خارج المنطقة , وله حسنات أخرى
لكن يا أخي العزيز : تحمل زوجتك في هذه الفترة خصوصاً وأنها حامل , لا تضغط عليها ولا تحملها ما لا طاقة لها به كل شهرين صعبة شوي , لكن معقولة الآن وهي حامل ..يا أخي حافظ على حبيبتك وعلى من في بطنها والسفر 700 كيلو كل شهرين ليس بالأمر السهل ... لكن عليك بتحديد موعد مسبق والاتفاق مع زوجتك عليه حتى لا يحدث نزاع أو اختلاف ..وهذه الطريقة من أفضل ما يضبط الموضوع.. أما فتح الباب هكذا كلما طرأ الموضوع على بالها قالت : ودني لأهلي دون مراعاة لأوقات دوامك فهذه صعبة عليك .. كما قلت : اضبط وحدد الأوقات بالاتفاق معها ولن يكون في ذلك إخلال بالشرط الذي وافقت عليه .... وفقك الله |
نصيحتي لك انك ما تقصر مع زوجتك في شوفة اهلها تري الغربة و الله تقطع القلب و راعيها بزيادة انها حامل و نصيحتي لك ما تحسسها انك تذمر او تحسسها بالتعب في روحتك لبيت اهلها جرب و صدقني ما بتخسر شي جرب ولو مرة بس اعملها مفاجاة لها و سفرها لعند اهلها من دون ما تطلب صدقني ما بتنساها لك و الله يوفق ما بينكم يارب و تبي الصدق مرتين في الشهر كثير كويس احمد ربك ما طلبت اكثر......
|
نقل الى مكانه الانسب.....الاشراف
|
هي من حقها تشوف اهلها و انت من حقك الا تنهك نفسك ف 700 كيلو ليست بالمسافة البسيطة !!
لدي حل وسط و هو ان تتفق معها على ان تأخذها لاهلها مرة كل ثلاثة اشهر ، و في كل مرة قدم يومين اجازة ، و خلها مرة بالسيارة و مرة بالطيارة ،،، كذا بتخففون على انفسكم من عناء الطريق |
اخوي انت صراحه دخلت عشان موضوع معين الي هو زيارتها لاهلها
بعدين صرت تتشعب بالمواضيع وتذكر عيوب زوجتك يعني ايش دخل انو ماتساعد اهلك بالموضوع اخوي بما انه وضعك المادي جيد لي ماتوديها طيران فعلا وترحيها وتريح نفسك انت جنب اهلك عشان كذا مو عارف ايش يعني بعد عن الاهل والله صعبه بس مايعرفها الا الي مجربها وانا احس انو شهرين مدة كويسة يعني ماقالت لك كل اسبوعين بس حابه اسئلك يعني انت تحس كم المدة الي يجب كل فتره ترسل زوجتك لاهلها؟ |
،’
لأ أبدآن آنآ مآحسبت الفترآت اللي آوديهآ لهآلهآ ,, لآكن اتفقنآ أنآ ويهآ كل ثلآث شهـور َ,, لآكنَ آذآ جت منآسبه مثل أعيآد ولآ شي آوديهآَ حتى لو مآ أنتهت الثلأث الشهورَ , انا ارهق نفسي بالتعبَ ,, لآني مآحب أجلس عن أهل زوجتي َ, وقترحت لي وقالت نزلني اسبوع وتعال لي الاسبوع الثآني َ يعني تعب أروح وأرجع وأروح وأرجعَ , بقوووهـ تع ـب ,, يعني طلبت مني كل بعد 3 شهور أوديه وآتركهآ أسبوع وأردهآ , وصعبه آسآفر بالاسبوع مرتيـن شنو الحل برآيكم ،’ |
ياخوي ..
أشرح لها وضعـك وضروفك وأكيــد أنها راح تقدر الي حاصل وبعدين ياخوي خرجها وخلها تستانس لا تحسسها بالكائبه وتخليها بس جالسه بشقتها ترى بهاللحظه بيزيد شوقها لااهلها حاول انك تلهيها ب اي شئ .. من خرجه وروحه وجيه ب اوقات فراغك وفقك الله وياها :) |
لو اتخليها اتسافر لوحدها لاهلها كل شهرين مره لمده عشرة ايام او اسبوعين من غيرك .... راح اتمل زوجتك وانت راح ترتاح من الحنه وعوار الراس .... وتاخذون فتره بعيدين عن بعض ....علشان تشتاقون لبعض .... واذا تبيك تروح معاها قولها انا عندي شغل ما اقدر ....تعذر ... وبكذا افتكيت من حنتها ....وزورتها لاهلها..... صدقني كذا راح توله عليك و راح تتردد بطلب الزياره لاهلها علشان ما تتركك .... وهذا المطلوب .... :d |
بصراحة متعب كل شهرين والمتعب اكثر كونه بيصير واجب عليك ذلك لو تتأخر طاروا في وجهك طيران نصيحة لا تمسكهم نفسك زورها اهلها بس مو في اوقات محدده خلها بظروفها افضل مثل تجي مناسبة هناك تروحون لها وإذا وديتها خله تجلس فترة اطول ترتاح انت من مقابلها وبما انها حامل إذا دخلت التاسع ودها لهم وخلها تولد عندهم وتنفس عندهم ثم جبها بيتها وخلها تجلس 6 أو 7 شهور ثم زورها شهر كامل وهكذا في البداية بكرة يكثرون عيالها وتجلس مقابلتك في بيته اعز لها |
والله الوضع كذا جداً مرهق ومتعب و أنا مع الراي إللي يقول ودها كل ثلاث شهور وخلها تقعد معهم اسبوع ومرة بالطيارة ومرة بالسيارة وحتى المرات إللى بالطيارة مب لازم تكون أنت معها الحمد لله الطيارة صارت أأمن من السيارة كلها ساعة تقريباً والعلما أجازوا السفر الآمن بالطيارة بدون محرم وصدقني أن اليوم إللي بتسافر فيه بروحها لتشوف اخوانها و أهلها يتذمرون من جيبتها من المطار لبيت أهلها ذيك الساعة قولهم حسو فيني :19::19: 700 كيلو ساير ياي :( . . وبعدين أنت كلّـم خالتك واقنعها .. وإذا اقتنعت :22: خلها تقنع زوجتك * * وبالأخير تحمل على زوجتك تراها زوجتك وأم عيالك :15::15: إذا ما تدللت عليك تدلل على من ؟؟ داريها ودلعها أنت ألحين زوجها وأمها وأبوها وكل أهلها خلها تحس بالأمان وياك والله أنك تقدر تنسيها الدنيا إذا عرفت كيف تكسبها راح تلصق فيك لصقه:26: وما عاد تقولك إلا ودني بالسنه مرة !! :eek::eek: ** الله يبارك لك في أهلك ويرزقك الذرية الصالحة |
جزآك الله الف خ ـير حبيبي ,
وكل من رآد علي بخصوص الموضع لآكن آنـآ آبي شي مقنع وحل جذري يسعد الطرفيـنَ لآهنتو آبي رد يكون مقنعَ ويريح الاثنين وشكرآ لكم , |
يا عيني علينا احنا المغتربين
بكره تثقل وهي ما بعد فيها حيل تنزل السلم حتى و اذا جا الطفل حتنشغل بالطفل الا صحيح هيه وين راح تولد؟؟؟ هذه حسبه ثانيه و الاربعين؟؟ الله يكون بعونك |
بالكويت الولآدهـ
وحبآيبيَ , بسآلكم آنآ سعودي وزوجتي سعوديـه ورح تكون الولآدهـ بالكويتَ هل يآثر تآريخ الميلآد , يعني بيكون مولدهـ بالكويت هل ياثر بعدين عليه يعني لمآ يتوضف آو شي زي كذا ،’ |
اقتباس:
عزيزي لن تؤثر فلي أصدقاء أعرفهم الجنسية ( سعودي ) مكان الميلاد ( واشنطن ) و حتى لو أخذ الجنسية الكويتيه فهو يعامل معاملة المواطن سواء في الوظائف الحكومية أو الخاصه أو التملك في البلد أنا معي في الوزارة موظفين كويتين رسميين و ليسو تعاقد لكن ما يندرا ماذا يحصل مستقبلاً فاليمنيين قديما قبل حرب الخليج كانوا يعاملون معاملة المواطنين لكن الأمر الذي أنا متأكد منه أن مكان الميلاد لا يحدد الجنسية بالنسبة لنظام الدولة فالولد تابع لوالده أي كان مكان ميلاده و أي كان جنسية والدته بالتوفيق و الله الله بزوجتك حافظ عليها |
كل شهرين معقول جدا
وللمعلوميه نفسية الحامل تعبانه وملخبطه وحتى لو هي مو حامل برضه ارى ان كل شهرين شهرين ونص معقوووووووول |
الحل الجذري
انك تتفاهم معها من بعد الولادة بيسير تروح لاهلها كل 3 شهور واجلس معاها جلسة مصارحة قول لها انا ما احب انك تعصبي وتر فعي صوتك لازم تحترمي نفسك وتعرفي كيف تكلمي زوجك وان كان ودك مني اي طلب مافي مانع انك تقولي كل اللي نفسك فيه بادب واحترام وممكن مرة يسير ومرة لا !!!!!! والله يوفق بينكم وراي الاخت ام سيف صحيح 100% |
انا اللي اعرفه بصراحه بالنسبه للي زوجاتهم بعيد عنهم انهم مايروحون الا في الاجازه الصيفيه ومن سنه لسنه ويجلسون عند اهلهم مده لاتقل عن شهر ومن ثم يعودوا لبيوتهم والان وسائل الاتصال تقدمت وتقرب البعيد بامكانها الاتصال عليهم متى ماارادت ومتى شاءت وكل رجل في الحياه لم يتزوج لكي يتعذب ويتعب نفسه وانما لكي يرتاح ويجد له زوجه موجوده في بيتها بصفه دائمه والزوجه تابعه لزوجها اينما ذهب وليس الزوج تابع لها 0
وفي نفس الوقت انا ضد من يمنع زوجته من الذهاب لاهلها مده طويله ولكن الشي اذا زاد عن حده انقلب ضده0 |
سفرها بالطيارة و لا تسوق كل هالمسافة كل مرة
حرام ارهاق إلك و إلها لأنها حامل كيف لو اجاها طلق عالطريق ؟؟ بالنسبةلمشاكلكم الاخرى مثل رفع صوتها و شغلها لازم تحلوها بالصراحة و التفاهم لكن عطيها مهلة تخلص من تعب الحمل و الولادة حتى تشتغل و تستقر نفسيتها لما يصير عندها طفل بصير وقتها مشغول اكتر و بالنسبة لموضوع هل تستاهل و لا لأ ، لا تدخل الأمور ببعضها ، زيارتها لأهلها واجب و واجباتها تجاهك ليس لها علاقة أما كلامك مع البنات طبعا خطأ و يعتبر " بداية" الخيانة << هذا ليس اتهام انما تنبيه اخي الفاضل الشيطان شااااطر لو كان زوجي بكلم بنات (خارج نطاق العمل) أكييييييييد سأفتش جواله و ايميله الله يهديكم و يصلح بينكم و يسهل ولادتها آمين |
انت من جدك هذي مشكله اقول احمد ربك غيرك كل اسبوع ..
مايحس بالنار الا واطيها .. الله يصبرها شهرين عن اهلها يارب بموت من الشوق وبعصب ونفسيتي بتنقلب .. شكلك ماتعودت عالمشاوير لساتك فبداية الزواج تحمل وكن رجل وخلها تشوفك بدون تذمر وبدون منه :22:توديها بتحبك اكثر .. وانتبه تخلي السفر هو مشاكلكم لأنه شيء طبيعي تزور اهلها ومن حقها كل اسبوعين:29: وانت شهرين تشوفها كثيرة غريب امرك!!! الله يسخركم لبعض وماوصيك عليها تراها حامل واي شيء يأثر على البيبي.. ياخوي نسها اهلها بتعاملك معها وانبسطوا قبل لايجي البيبي:15: والله بتتمنون هالايام ... والعلاج الجذري لمشكلتك انت تغير وخلك حليو معها وبتشوف مايسرك .. |
لأحول \\
ليه تغيرون اسم الموضوعَ من دون اذن مسبق فوضه الدعوهـ المهم , طيب حلولكم مو مقنعه أبي شي يريحنيَ مو كل شهرين وآنآ نآقز صعبـه بالح ـيل لحين مأوصلت لحل مقنع ،’ , |
اقتباس:
و اللي قال بالمناسبات و اللي قال 10 ايام بين كل فترة و اخرى مافي و لا حل عجبك !! صدقني هي بعد المولود الاول راح تتعب و ما بتقدر على المشاوير يبقى حلين مرة توديها عند اهلها و بعد كم شهر هو يجواا يزوروها... و حل ثاني لا توديها ابدا ابدا خلها تشوفهم على الكمبيوتر بالكاميرا و تتواصل معاهم و هم يدفعوا فاتورة النت و هذا اريح حل ممكن |
أختي متزوجة من واحد يبعد عن مدينة أهلي نفس المسافة
و كان كل شهرين أو 3 ينزلها و يجلس زوجها في بيت أهلي أسبوع ، و يرجعوا مع بعض ليه ما تعمل كذا ؟ و لا مثلا الجمعة تنزل الكويت مع زوجتك و تجلسوا في بيت أهلها يومين أو 3 ثم ترجعوا مع بعض و هي بعد ما تجيب لك نونو ، بتطلب منك تجلس في البيت |
| الساعة الآن 01:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©