|
بصراحه أفكر بالأنفصال
السلام عليكم
خطيبي كل ماله يقسى علي مايكلمني ولايرسلي بعد مشورة بعض الأخوات صارحته برساله رد علي ان حبه لي مش بالرسايل لأني كنت ارسله ولايرد بس مافي فايده بعد فتره تقريبا خمسه أيام ارسل رساله ومارديت عليه انا كانت نفسيتي تعبانه منه ماحاول يراضيني ولايجبر بخاطري مش لازم يعتذر بس يحسن معاملته والحين اسبوعين ماكلمني فيها اقسم لكم بالله اني اكتب رسالتي وقلبي يتقطع ودموعي من يوم ملكتي ماجفت من جفاه الزايد علي قمت افكر كيف حياتي بتكون معاه بتكون بجفاء وقساوه انا بنت ابغى الحنان وابغى الطمئنينه مع زوجي مثل اي بنت ماابغى واعيش بجفاء وبالأخير اللحين قاعده افكر بالإنفصال واستخير ماأدري هل قراري هذا سليم ام لا... لاتبخلون علي بردودكم فأنا على شفى حفره |
لكل مرحلة طريقة تعامل
طبعا حسب عادات وتقاليد المجتمع بعض المملكين او العاقدين تأتيهم نصائح بأن يكون ثقيلين بالحيل قبل الملكة او العقد بعد الملكة او العقد يظل ع نفس النصيحة القديمة وانتي ما ذكرتي ع اي اساس وافقتي عليه ان كان ذا دين وصلاح وخلوق تريثي واصبري عليه قللي انتي بعد من الرسايل والإتصالات صدقيني حيبدأ هو يراسلك ويتصل عليكي لو انك فاتحتيه واكثرتي الشكوى حيرد ويقول حلاة الحب بعد الزواج وبعضهم اصلا يكون غشيم في التعامل مع البنات او من النوع الخجول فعليكي بالصبر ثم الثقل الحياة الزوجية مليئة بالأمور التي صدقيني تكون اكبر بكثير من اللي تعانينه فإن كان الصغائر تطلبين عليها الطلاق ما اقول الا اسأل الله ان يجمع بينكم بألف خير دوم وابد |
انا من رايي لاتفكري بالانفصال
طنشيه لاتدقي ولا ترسلي وحاولي تنسيه شوي والله مجرد انك ماتفكري فيه تشوفيه اما يدق ولا يرسل امممم وفي كثير من الرجال مايعرفوو كيف يتصرفو مع البنت ويمشو على قاعده الحب بعد الزواج..... الله يوفقك ويسخرره لك ويتمم لك على خييير |
لاتتسرعين بقرار الانفصال لاني من جد اكتشفت ان هذا طبعهم طيب ايش رايك باللي كان يكلمها 24 ساعه على 24 ساعه ههههههههه والحين تغير جذري بالاسابيع ماعرف عنه شي ترى هذا طبعهم لاتستعجلين واستخيري انا حاسه فيــــــــك واعرف وش كثر يالم ويجرح لدرجه تكرهين نفسك , لان احنا نبي اهتمام ونبي حنان واشياء كثير بس للاسف بعض الرجال كذا طبعهم ومايفهمون هذي الاحتياجات. يمكن البعض يحسه شي عادي بس اللي يجربه راح يحس ويعرف قد ايش التصرف يعور ويضايق انتي الحين اهم شي ركزي على ايجابياته. لانك لو ركزتي بس على هالمشكله راح تزيد وراح يزيد البعد. وحاولي بين فتره وفتره تكلمينه و وضحيله انك مره مشتاقتله وادلعي عليه وقوليله كم كلمه حلوه , عشان يمكن هالاشياء تخليه يرجع يدق عشان يسمعها منك مره ثانيه. ولاتنسين الدعاء وباذن الله كل امورك بتكون تمام بس يحتاج منك صبر وذكاء ياحلووه |
اختي اصبري شوي وعطيه فرصه
بس مو على طول اي مشكلة تفكري بالانفصال الله يوفقك ويسعدك |
تحمليني بسؤالين :)
صفي لي شخصية خطيبك وأهله .. متى المفروض يكون زواجكم ؟ |
لما شفت سؤالك مدري أضحك على نفسي وإلا ابكي على حظي ياأختي ماأعرف عنه شئ غامض معاي في كل شئ وكيف أعرف انسان غريب لايكلمني ولايزورني
زواجي إن شاء الله بعدسبعةشهور ومملكه من ثلاثة شهور |
اقتباس:
لا تيأسي عزيزتي :) كل شيء وله حل :) قصدت لما خطبك شنو قال لك أهلك عنه ؟؟؟ الناس شنو تقول عنه وعن عائلته ؟؟؟ محافظ ؟متشدد ؟ هادي ؟ خجول ؟ يتيم ؟ جامعي ؟ مثقف ؟ مو معقول ما بتعرفي عنه أو عن أهله أي شيء ..لا تكوني سلبية وترثي لنفسك وبس.... كوني قوية وواجهي المشكلة . عندك 7 شهور تفكري فيهم وتختبريه فيهم وتقرري اما انه ما يصلح لك وتنفصلي عنه واما مناسب ويحتاج شوية تعب وجهد حتى تتأقلمي معاه ...7 شهور كويسين :) ولعلمك مافي شريك حياة مناسب تماما لشريكه ...المسألة فيها تأقلم وتنازل وأخذ وعطا . واحمدي ربك انه عندك مجل للاختيار بأقل الاضرار الممكنة ..تخيلي لو انه زوجك أو انك تزوجتي واكتشفتي فيه عيوب ما تنصلح ...خيانة ..لواط .. شرب .. لا زلت على البر ولا زلت أمامك فرصة تصلحي الامور لصالحك ..بس نحتاج شوية معلومات ...ما يكفي اللي قلتيه ..ماني قادره أنصحك بشيء لاني ما أعرف شيء عن طبيعتكم أو شخصياتكم ربي يهدي بالك ...لا تنسي الدعاء :) |
حبيبتي الناس يمدحون فيه وفي أخلاقه ومحافظته على الصلاه وكل أقاربه حاسديني عليه وميتين من القهر ليش ماخطب عندهم لأنه مو قريب لي ،،
بس انا اكتشفت بعد فتره أنه يدخن وانصدمت لانا عايشين في بيئه محافظه وزعلت انه ماقالي ولما سألته قال ماتعودنا على بعض وش أقولك أقول انا ادخن بعدها خفت انه قاعد مايكلمني انه يخبي اشياء عني ومايبغى اكتشفها وفي الثلاثه الشهور اللي مضت مازارني إلا مره وصراحه كان جرئ حتى طلب يبوسني ورفضت حسيت برعب ماأعرفه ولايكلم ولايرسل ويطلب ها الطلب بس صراحه انا ضحيت عشانه اشياء كبيره وهو ماضحى بدقيقه من وقته يسأل عني ماأقول إلا ربي يقويني ويكتب اللي فيه الخير والله يجزاك أختي خير تعبتك معاي |
اقتباس:
كلمي أمك واخوانك بخصوص مخاوفك ولا تخبي عنهم شيء ...ممكن يساعدوكي . حاولي تتقربي من خواته حتى لو أكبر منك بالعمر ..ومنهم ممكن تعرفي عنه أكثر .. لا تقطعي عنه المسجات .... ممكن انه شعر بالحرج منك من الموقفين اللي صاروا ...1- عرفتي عنه انه مدخن ..2- طلب البوسه .. ممكن خجل من نفسه ..وطبعا برضه ممكن انه ما عجبه تصرفك وشايف انك غير مناسبه له ومن رأيي غلطان أكيد اذا ما عجبه تصرفك لانك تصرفتي صح :) اذا كنتي مملكه أرسلي له رسائل رومانسية وعبري له عن شوقك له عشان يروح خجله واحراجه اذا كان محرج ... واذا ما تجاوب معاكي كلميه واسأليه اذا كان تضايق من رفضك لبوسته واذا لا زال شايف انكم مناسبين لبعض وللا لأ وشوفي رأيه .. كيف عرفتي انه يدخن ؟؟ |
صباح الخيراااات
خلاص طفح الكيل والله حالتي ماتريح لاعدو ولاصديق احترت وش اسوي حاسه إني في تجربه في حياتي صعبه وإذا فشلت الضحيه<أنا> تعبت من صد زوجي وجفاه كل ماقلت بيتعدل يزيد يقاطعني ماادري وش قصده معيشني بين نارين نار أني اطلب الانفصال واتحمل كلام الناس ونار أتحمله بالي فيه خلاص قطع الرسايل والمكالمات ولمادقيت عليه ماقدرت اقول ليش ماتدق بس عرف نفسه قال انا ماأدق عليك ويقول اعذار ماتنقال يابنات وربي احس هالأيام مدري كيف افكر كثير بالإنفصال أخاف يكون بخيل أو مش راغب فيني مع اني الحمد لله مافي شئ يعيبني ما أدري وش اسوي تكفون اعطوني حل لمشكلتي والله تعبت صرت اتمنى الموت ولا انصدم بقية حياتي في انسان بخيل اوماعنده مشاعر.. |
معليش أقلقتكم معاي بس مالي إلا انتوا بعد الله واللي قاهرني زياده اعرف انه يفكر يجهز البيت اللحين ولا كلمني عشان ياخذ رأيي ولو في اتفه الأشيار والزواج قاعد يجهز اللي يبغى ولامفكر في رأيي انا عمري اثنين وعشرين وعمره ثمانيه وعشرين خايفه انظلم معاه وانا الحمد لله مو مستعجله على الزواج
|
والله مدري وش اقول
بس انتي صارحيه باللي تحسينه وطلعي كل شيء ترى فيه ناس ترتبك في هالفترة وماتدري وش تقول . . يمكن خطيبك كذا كل مشكلة لها حل شيلي الانفصال من راسك لأنك وافقتي عليه لأخلاقه المشهود لها حسب كلامك فكري في الشيء الايجابي وهو كيف تخلينه يكلمك ع طول وان شاء الله تنحل مشكلتك وتعيشين معه احلى حياة يارب |
اتصلي به وصارحيه
قول انت تبيني زوجه ولا مجبور ؟؟!! كااني اختك ومو زوجتك حرام عليك عطيتك وفعلت ومانفع معك شيء ولا حتى تنازلت تسئلني عن اثا الشقه ولا تخبرني وش اخترت وش سويت وفعلت !!! جفاك خلاني اشك بانك ماتبيني طبعا خلي اسلوبك حلو وهادئ لوميه ولكن بااادب وسكري وخليه يتكلم وان اعتذر اعذار مثل كل مره فطنشييييييييييييييه وسكري وبعد قولي ان تحملت جفاك اليوم فما اظن اتحمله غدا وانتظري الى ان يتصل صدقيني اشك بعد ماطلب يبوسك !!! انه ع وجهه وماعنده اي تعامل مع الحريم !!!!خخخخخخخ لكن يااختي غريب ولا كلمه حلوه ولو لمره |!!! هو وش اطباعه اللي فهمتيها هل خجول شوي ولا جرئيء ووش تقولون لاتكلمتوا سوالف عامه هل بديتي برومانسيه ووش قال بادلك ولا لا؟؟! ماادري احس انه بحاجه الى انك تصحينه من نوم عاطفته اللي هو فيها ! |
أولا:جزاكم الله خير على ردودكم
اما عن شخصيته أحس انه جرئ بس بعض الأوقات ينحرج ويرتبك في الكلام بدون سبب مدري هو فيه خجل ومايحب يظهر عليه وإلا وش سالفته صراحه لما قلتي وش تسولفون فيه بكيت والله كأنا شيبان ولا كلمه رومنسيه ولاسالفه تفتح النفس كلها خرابيط حتى لما قلت لأختي يقولي تأخرت المصوره ماطلعت الألبوم بدري وكل مره يسألني حتى استلمت الألبوم قالت أختي وش هالسالفه مفروض تسولفون عدل - اما الكلام الحلو بعد موت يقول حبيبتي واحسها طالعه منه بالغلط بعض الاحيان يقولها عادي وبعض الاحيان احسها يادوب تطلع منه وانا خجووله جدا مااقدر اقول كلمه وحده بس ياأختي انا ارسلتله قلت ليش ماتهتم فيني ولا تحسسني بوجودك انا زوجتك ليش تعاملني بجفاء إذا متضايق اوموعاجبك شئ صارحني انا صرت خايفه منك ومن حياتي معاك ورد علي ان حبك في قلبي مو بالرسايل وقال زعلتيني بكلامك ... ومانفع معاه احس اني أكلمه صعبه آستحي والرسايل ماعاد تنفع معاه معليش طولت عليكم بس ابغى اطلع اللي بقلبي.. |
اقتباس:
وهذا مايدل ان له مشاعر بقلبه لكنه خجول او منحرج ومافي امر غير هلامرين عندي هلشك بسب يقارب لحالك وهو زوجي العزيز :d الله يسعده ملكت وقعدت 4 او 5 شهور كلام عادي اخبارك واخبارك اهلك..الان بنام والان صحيت الان ابروح اداوم سوالف عااامه كنت مقهوره لاني كنت حاطه ببالي ع طول بيعبر لي عن مشاعره لي .. المهم مر يوم ورى وم قلت تونا مر اسبوع قلت تونا مرت اسابيع قلت وش فيه غريب ؟! سكت بكيت حزنت اهملت دراستي شكيت انه مايبيني شكيت ان الزواج كذا كرهت الزواج وسيرته ّ!! دليل خجل زوجي الذي لم افهمه الا قبل زواجي بااسبوع وهو انه بليلة الملكه وبعز الشياكه والدلع والحلاوه جهزت كاميرا للتصوير بليلة الملكه !!! وصرت اخته بتناديه !!!! تخيلي ذهب من حفل الملكه !!!! بعد ذهاب الحضور ولم يتصور بسرعه ذهب ّ:(ّّ!!!! لااخفيك اتاني شعوووووووور احباط وقلت هذا مايبيني اكيد فرجعت امه للبيت وغسلت ابو شراعه تهزي وسب هي واخواته ! المهم مرت الايام وتجاهلت الامر ومكالمات عاديه فصارحته قلت ابي اتصور بدل ليالي الملكه فقال ..همس اجليها !!!صدمت !!!سكت وسكرت وبكيت مرت الشهور ولم اسمع كلمة حب واحده الا عن طريق المسجات والنهايه احبك حاستها مو من قلبه لااني لم اسمعها منه ! لم يتلفظ بكلمه واحده الا كمرور الكرااام بسرعه واذا لت عيد الكلمه لم اسمع \!!!(وهذا استغباء مني اني لم اسمع او خجل ماادري )! المهم الا ولاحظت عليه خجول من ان يقول كلام حلو .... عرفت انه مايملك وش يقول او بلعربي كيف يبدء ! فااتبعت لعبة الاسئله ! وش تحب ؟ من ترتاح له من الاشخاص ؟ من كذا وكذا !والميلاد وهلاشياء ! فقال دوري اسئلك وش تحبين ؟! فقلت تلقائيا وبلخطأ ! احب من يسمعني وسكت ......من الناس ولم يسمع كلمة من الناس !!القصد عفوي وهو من يسمع لي من الاصدقاء فقلت لالا ماادري ايش فقال عيدي الكلمه فقلت احب اللي يسمعني !!قلت بخاطري خليني ابدء !! فقال وانا كذلك وياهمس ابقولك شيء اعجبتيني بجرائتك وانا وماادري ايش من الكلام لحلو ..؟! وبعد مابديت بدء هو يبدع لي وتجرء هو بلكلام واصبح يدور ع الجديد :) الهم مرت الايام وبقرب الزواج قال لي انا ببداية الملكه او بلشهور الاولى كنت يوم اكلمك ابي ابدء بكلام حلو ماعرفت كيف ابدء وخجلت ابدء شوي مع انسانه تزوجتها ولم اراها من قبل ولكن ان شاء لله عند حسن ظنك لاني سبقته واعترفت بااني انحرجت منه وخجلت منه في احد الاتصالات والمقابلات ....... قلت يعجبني اعترافك لكن شوفي هلرابط لرجل ملك وماعنده اسلوب يتحدث فيه لزوجته اتوقع ان خجول ... http://www.66n.com/forums/showthread.php?t=217227 حيبتي زوجك خجول او انه يملك اسلوب يبدء فيه ؟ سوال اقد قلتي له كلكه حلوه مااقول مشاعرفياااضه لا كلمه مرت ع لانك وقلتيها ووش قال اعجبته ماقال لك ..؟ كم لكم مملكين ؟؟ دامك ارسلتي له ورد ان رسالتك زعلته ! فطنشي ولا تتصلي ولا تتدقين السبب لتوصلي له رساله بانك متضايقه من اسلوب الثقيل ز صدقيني هو يحبك بما انه قال انك زعلتيني برسالتك .... اصبري عليه شؤي . شوفيني متزوجه ولي 3 ونصف ومرتاحه جدا جدا ولله الحمد لكن صدق كم لكم مملكين .؟ |
ليش انتي خجوله
اذا اتصل صارحيه اكيد بيقول رسالتك ضايقتني فقولي حبيبي انا بديت اخاف من مستقبل زواجي منك لاتزعل لان السبب هو غموضك معي ماادري انت تحبني انت تكرهي مافي اي اهتمام ولا اسلوب يحسسني حبك وحنانك قوي قلبك وفضفضي له صح اول مره وصعبه لكن انتيقلتي ارسائل معد نفعت فقولي له صوتيا قولي كنت متوقعتك بتغمرني حب وحنان لقيت العكس تجاهل عدم اهتمام منك صرت متعبه وابكي بليل من حالنا ! قولي بعد انا خجوله بطبعي وزدت اكثر من قبل معك لانك رسمي وجاف بتعاملك احس كاننا اخوان اكثر م زوجين انا مااهتم بلمسج بكثر مااهتم بتعاملك ابي رومنسيتك وشكلك يالحبيب زعلت يوم رفضت بوستك .! لكن صدق من خجلي مو شيء اخر وبعدين ماتعودت عليك لانك عادي بتعاملك معي واسكتي تكلمي معه وانتي مغمضه ولا ماسكه شيء لتستمدي القوه لنفسك للكلام وهو صدقيني بيخفف عنك ويتغير لانه يحبك وبيحس فيك بيسمع صوتك ونبرة الحزينه بيتعذب او انتي جربي اسلوب رومانسي كلمه حلو ه ولو مره وشوفي ردة فعله !هذا زوجك عادي جربتي مسج ومانفع قوليه له ااسلوب حلو وحنون عن فقدك لمشاعره او ابدئي انتي شؤي وهو بيندفع بماشعره |
جعل ربي مايحرمك الأجر رجعتيلي بصيص أمل في حبه لي لأن من جفاه حاسه نفسي بكرهه
وانا مملكه لي اربعة شهور وحالتي للأسوء بس لما بديتي بأسلوب الاسئله يدل انه مكالمته مو سريعه بس انا حد المكالمة عشر دقايق بس كيفكم وش أخباركم وكلام ماله داعي حتى من سرعته ماأقدر افاتحه بأي موضوع خايفه يكون بخيل بالمشاعر والمال وعلى سالفةالبوسه تخيلي عاد يقول قربي وابوسك يعني انا أقرب عشان يبوسي وش هالسلوب طبعا برفض المشكله زارني بعدها ولاطلب مني هالطلب أكيد زعل بس مو ذنبي هو مايعرف كيف يتعامل بس إن شاء الله احاول افاتحه بالموضوع هذا إن فكر يكلمني ودعواتك |
حبيبتي الله يكون معك بس انا شايفة تحكي لاهللك انو ما بحكي معك ومو متل الخاطبين ملهوف ومشتاء انا خاطبة وخطيبي مره اول خطبتنا عصب علي عالتليفون وسب علي "قلي انتي غبية" وانا سكتت وسكر وضل اربع ايام ما يحكي رحت لوالدي الله يخليلي اياه قلتله انا بدي اطلق وشرحتله عن طريقة تعاملة وانو مطنشني 4 ايام وقلتله بدي الطلاق ما بدي اياه وكنت بحاله انهيار المهم اتصل والدي فيه وقله تعال انت واهلك وبس ساله خطيبي ليش عمي بابا رد تعال وبتعرف
وفعلا اجو الكل وبابا قله بكره بنروح نطلق قال لا عمي انا بدي بنتك ونادوني وحكيت ادام اهلة عنه واعتذر ادام الكل وقال انا شاريكي وبوعدك ما اغلط عليك والله لليوم من اكتر من 3شهور وهوه منيح ما بقولك ما بعصب بس بتذكر انو في وراي اهل واخوان بكسرو راسه اذا غلط وهو مو شهريار العصر وعفكره انا بموت عليه بس في امور لازم تصير عشان الاحترام يستمر واكبر الي صار معي والله حبيبتي ما تخافي واحكي وشو اكتر شي حيصيير الطلاق لاقدر الله اذا لصالحك هلا احسن من بعدين والله يبعتلك الخير ويبعد عنك كل شر والجميع انشاله |
اقتباس:
لالا مو معقول مايدق اكيد بيدق ويمكن يخجل يذكر السالفه وهي رسالته لك ويخجل يلومك صدقيني \ والله زوجي كان كذا خجول نوعا ما !!! كنت اقول بخاطري (هذا ماعنده سالفه لابلمشاعروكنت انقهر كنت احس اني انا الرجال لاني اخفي خجلي واجبر نفسي ع الاتصال به رغم خجلي !!!وهو كان نادر يدق ولا دق سوالف عامه قعدت فتره اعاني حبيبتي لاتشيلين هم انا والله كنت مثلك واسوء وبلاخص تصوير ليلة الملكه يوم راح !!!! كلن من اهلي واقاربي يقولون يوووووووووو ماتصور مع عروسته حسيت ببكيه وقهر واحباط لكن رديت عليهم قلت انا خبله المفروض اقول من امس!!! بس لااسكت اقاربي اللي ماصدقوا يلقون علي شيء !!! ومن سالفة الاسئله انا ماقلتها من طول المكالمه لا والله كانت اول 4 ماادري 3 شهورمكالمه اخباركم كيف صحتك وسوالف عامه !! فاارسلت له رساله بان يتصل بي الليله لااتعرف ع بعض اكثر فااتصل وتعرفت عليه اكثر وهو بعد ! فلا تتوقعين اي زوجين مملكين ع طول المشاعر من اول مكالمه لا بعد شهور يبدء الحب المهم يالغاليه هو بيدق انتظريه بس وشوفي اش بيقول لك !! او انتي قوليله لاتزعل من رسالتي لكن حبيت اوصللك شعوري لكن انتي ابدئي بكلمه حلوه سوء بلمكالمه القادمه او الايام القادمه انا بمجرد كلمه اصبح يوميا اتصال لكن :( بعد ارسال مسج انتي فاضيه !!! ارسل اتصل عادي بئي وقت! فقلت له دق بئي وقت تحبه وتخيلي جاء الاتصال ال2 بعد كلمتي الحلوه والله يااختي اقسم بالله حسيت من اسلوب كلامه ومتردد ومرتبك يبي يقول شيء ومو عارف يبدء !!!! وانتي تلقيني انا :24: ارتجف بمجرد انه سكر ارسلت له ع طول انت بخاطرك شء وودك تقوله هذا اللي حسيته من اسلوبك رد لي !!!!! لالا حبيت اشوف اخباركك وبس!! وكله يبي يخفي عني انه ينحرج من قول الكلمه الحلوه !!!!وهذا ماعترفه لي قبل زواجي باسبوع !اظن ضميره انبه شؤي ماادري عنه فقلت ليش ماقلت قال تخيلي اقول انا الرجال انحرج اقول كلمه حلوه !بالله هذا اسلوب قلت اصلن انا لاحظت لاجل كذا قلت الكلمه وانتهت المشكله بعدين يالحزينه عادي لو طلب يعطيك بوسه سوى قال قربي او غيرها !! اتوقع ماقال قربي الا لاجل انه عند اهلك وهو طلبك تخيلي لو انه قام واعطاك !!!ودخل احد من اهلك او انه انحرج من انه يقوم لو انك قربتي بدلع وخليتيه يعطيك هذا الشيء يقربكم لبعض لكن اتوقع انك انحرجتي من انك تقربين وماالومك صعبه وتوكم مملكين المهم عطيه خبر ان سبب رفضك هو خجلك منه فقط \. المهم لاتنسين تعلمينا بلتطورات بااتصاله ان شاء الله والله اني دخلت الان رغم ان علي مذاكره وش كثرها لكن من الصبح قلبي معك والله والله يارب يجعله يدق وصدقيني بيدق وهو منحرج شوي ولا يدري وش بيقول لك فلا تحزنين وهو ماقال برسالته انك زعلتيني من رسالتك الا وهو يحبك وله مشاعر اتجاهك بقلبه . |
مشكوووره حبيبتي الله يعطيك العافيه ويوفقك ...
هذي السالفه من قبل العيد ويوم جاء يعيد احس أنه منحرج وزعلان بنفس الوقت وماطلب هالطلب تخيلي من بعد العيد إلى اللحين مااتصل وانا دقيت عليه كنت بصارحه بس ماقدرت لدرجه إنه قال صوتك موعاجبني قلت لامافيني شئ ومن مكالمتي هذي لاحس له ولاخبر الله يقوي قلبي بس.. |
شو رأيك تكتبي الكلام اللي ودك تقوليه ولما يتصل تقرئي من الورقة ...يمكن هالطريقة تسهل عليكي الكلام :)
|
اقتباس:
سبب عدم اتصاله هو زعلان من نفسه شوي وكلمك فوجد صوتك متضاييقه منه او من مكالمته الجافه معك !! فقرر يبتعد المهم انتي اتصلتي به وهو مارد ....وكله منحرج وزعلان من نفسه ومنك ومن صوتك لكن لكم مده طويله وهو مااتصل ..؟ لكن ارسلي له مسج عن يعبر عن شوقك له ولصوته وبتلقين مايصلح كلن ينتظر ال2 !! اذا شد زوجك الحبل انتي ارخي واذا شديتي انتي هو يرخي !!هذه هي الحياه كذا نتعامل مع المشاكل. ولا يحصل انفصال بين اي زوجين . |
حيبتي
لاتكابرين وتثقلين صح انتي تعبتي لكن انتي تحبينه اكيد فلاجل الحب ضحي شوي بالله مافقديه اتصلي به واذا مارد ارسلي مسج يخليه يسيح ندم وشوق له او اكتبي اتصلت لااني مشتاقه لسماع صوتك ..! فلم ترد ! فقدك .. انا متلهفه لسماع صوتك او شوفتك ! انتظر اتصالك.؟ ياالحزينه شوفي هلرابط لاجل تعرفين مو انتي بس في كثير منك لاتتحطمين ... وشوفي هلرجال مافهمنا لهم ..! http://www.66n.com/forums/showthread...=216833&page=4 |
ياحبيبتي كنت انتظر مكالماته بفارغ الصبر مع انه مايدق إلا نادر وارجع ادق عليه بس اللحين صدق انا متعذبه ببعده بس قام يعودني على اسلوب الجفاء اللي يعاملني فيه حاسه اني أنا بس اشتاقله هو لو اشتاقلي كان على الأقل ارسل رساله وإذا اشتقت لمكالماته أقول لنفسي من حلاة السوالف ومدة المكالمه
وانا دائما اللي احس وادور حلول واتعذب وهو ولاعلى باله الله يصبرني |
اللحين وش أسوي
أدق واصارحه بكل شئ وربي يعيني وإلا آنتظره يتصل وآصارحه ابغى اطلع من هالنفسيه إللي عايشه فيها ماابغاها تأثر على دراستي |
ترى كلامك عنه يوم تقولي انه قال حيبتي بطلوع الروح والا بصعوبة هذا شيء انا اعاني منه
عارفه ليه لأننا نعاني من غشامه كبيرة حبتين ترى انا اشوف مايطلعها بسهولة الا واحد له علاقة مع بنت قبل يخطب والله صعب اقولها وانا صارحتها وقلت لها والله اني امووووووووووووت فيها واحبها حب غريب من يومي بزر وانا احبها واقول والله ما اتزوج غيرها بس بجد صعبة الكلمة تطلع مرة دقيت بأقول لها كلمة زي كذا وربي قعدت ارجف واسناني تتصاقع في بعض وماطلعت الكلمة قمت قلبت الدعوة سواليف وضحك ترى السبب في الجفاء اللي تشوفينه إنه مو متعود يكلم بنات وهذا شيء حلو لو له علاقات من اول مكالمة خلاك تدوخين معه < أشوف كذا عموما .. توكم بادين اصبري حبتين وبيطلع كل شيء اهم شيء لاتوترينه بكلامك خليها تطلع لحالها اهم شيء انك تعرفين انه يحبك ولو ماعبر بعدين الحب مو من كلام بس اكيد فيه افعال وحاجات سواها عرفتي منها انه يحبك لاتستعجلين عليه ولاتضغطين عليه . . خليه براحته وبخصوص المكالمات صراحة هو مقصر بس حاولي تتصلين انتي وتسولفين معه حتى لو السوالف بايخة وحقة شياب ع قولتك الجفاء يزيد الرسميات والكلام الشايب يجر بعضه ومع الوقت يشب وتصير المكالمة ممتعة اهم شيء لاتقطعون عن بعض لأن هذي تزيد الرسمية بينكم ولكل الستات . . مو لازم الرجال يبادر زواج يعيشون فيه اثنين الرجال قصر في شيء البنت تبادر ترى حياة وحدة بتعيشونها انبسطوا فيها وسووا اللي تبونه ولاتخلون كل شيء في راس الرجال اذا سكت سكتوا واذا تكلم تكلمتوا !!!! صراحة مبدأ غريب شويتين ومقنع احيان قليلة وغير مقنع في أحيان كثيرة |
الحال من بعضو حبيبتي, فكري في دراستك وراح تنسي همك.. الأخت همس أشارت إلى موضوعي في الرابط :d مشكورة ما قصرتي....
أنا من زمان مكملة دراسة وهلا أدور على وظيفة... الله يكون معانا... |
^ ^
ساحة معركة داخلين ! زواج تراه يقوم ع تعاون مو ع ثقل وتحدي !! اوكي الراجل قصر وأخطأ ليه ماتعلمينه انه أخطأ وتبادرين انتي وتكلمينه وتحسسينه بأهمية مكالمته لو كانت بايخة مشكلة بعض البنات يكتمون الرجال او يحسسونه بثقل مكالمته يوم يتصل فيضطر يقلل منها لأنه يخاف يطفشها |
اقتباس:
مشكور أخي على تدخلك... الأخت تقول عايزة تنفصل وأنا أشرت عليها تتحدى نفسها وتدرس وتهتم بأمورها علشان تصرف نظر على أنه إتصل أو لا; وما قلت ساحة معركة لا سمح الله.. هي وضحت أنها إتصلت واتصلت بدون فايدة; يمكن هذا طبع زوجها, أرى من الأحسن أنها تركز على دراستها أحسن من التركيز عليه... |
اقتباس:
اهتمي بدراستك هذا الاهم اتصلي به او ارسلي مسج يابنت الناس انك اشتقتي له ولصوته والافضل باسلوبك وان دق فبيني شوقك له واضحكي واستانسي وقولي شكلك شايل بخاطرك اني (رفضت اقرب منك وتب.....) لكن تحملني لاني كنت خجلانه منك مع المكالمات وشوفتي لك اوعدك بحاول اخفف خجل !! انتبهي لاتقولين انت ماعودتني عليك !لا انسي ثقله ولا خجله المهم وسولفي وقولي لاتزعل من مسجي ادري انك تحبني وانا احبك لكن صدق حبيت اوصل لك االي مضايقني فقط وهو اني مااعرف مشارك اتجاهي لاني مااجد لارساله ولا اتصال كئي زوجين توهم عرسااااان مو اني اكرهك لا انا احبك انت ماقصرت ومابخلت معي بشيء لكن رومانسيتك ودي اسمعها وبسس كأي زوجه تبي تسمع من حبيبها كلام حلو وبصراحه اعترف لك اني فقدك وفقد صوتك . ابي انبهك خلاص لاتتصلي به لتلومينه !! لا السبب لانك وصلتي عتبك منه بمسج خليك مثل ماقلت لك توصلي عتبك بطريقه حلوه وتبيني شوقك وهو بيتغير انتي بس اصبري ....وعادي لو ترسلين له رساله بعد صلاة الفجر او تتصلي عادي ترى هذا زوجك واكيد هو صاحي .. او ارسلي مسج وصبحي عليه وقولي اشتقت لسماع صوتك وان اتصل فقولي بنفس الاسلوب اللي قلت لك يكون عتب محبين وهو بيسمعك وما بيتهاوش معك لان اسلوب حلو ومرتب مو تنفجرين صراخ وهواش هذا بيبعده عنك .!. ترى مابتخسري شيء ... ولا تسمعي للي يقولون لا اثقلي مثله !! لا كابري خليه يركض وراك !!!! كلام بنات مرهقات خليك عاديه وبوضعك الطبيعي . |
الله يسعدك ويسعد كل من رد
وأعذريني ياأختي تعبتك واشغلتك معاي ان اللحين بأرسله رساله اصبح عليه والله يكتب اللي فيه الخير... |
لاعادي
باقي علي 3 صفحات وش طولها من ماده معينه لكن ابكملها العصر تعبت مرهقه من المذاكره ولعيونك حبيت بس اوصل لك ان زوجك يحبك والله يحبك لكن خجول ولا يعرف يعبر عما بقلبه الا بلعطاء وانه يزورك ويشوفك واول مره يرتبط ويكلم امراءه فكيف تبينه المهم اخبرينا بلتطورات وشيلي انتي حاجز الخجل بينكم بلدلع شوي وبكلمه حلوه ... انتظر تطورات الخير بموضوعك ان شاءالله |
اقتباس:
|
اقتباس:
|
اقتباس:
عموما .. للكل اقولها . . الثقل يفسد علاقة الزوجين انا أشوف هيك ولو خطيبتي صارت تثقل علي أتوقع حصول مشاكل مالها أول ولا تالي لحياة أفضل ابتعدوا عنه واستمتعوا بحياتكم :17: ودي افتح موضوع تصويت أو أشوف ناس تطرح تجاربها منشان الكل يستفيد ربي يوفق الجميع . . وكل اللي أتمناه التوفيق بين كل زوجين ويطلع جيل جديد عاش وسط بيت يملؤه الحب والحنان بدل الجيل الحالي المشتت الداشر |
أختي الغالية..ليه تفكري كذا..
ممكن يكون من النوع الخجول..أو ممكن يخاف يزعجك..او وووووغيرها وغيرها..حاولي توصلي له المعلومة بالتلميح..وربي يكتب لك الخير |
مساء الورد
أعتقد ان خطيبي بيجنني >>>الحقيني ياهمس>>>لي يومين مرسلتله صبحت عليه ولارد علي )وتلوموني فيه( لاحول ولاقوه إلا بالله |
اقتباس:
حبيبتي سوال هذه عادته ينقطع ولا بعد مسجك له الل وصلتي عتبك له ؟؟!\\ ان كان نعم ...... فهو شكله زعلان...من رسالتك او ماتوقعها منك ....لانه بنظره انه مو مقصر بشء معك اي من ناحية يعطيك وانتي صدمتيه بلمسج ! وهو فكره ان الحب بعد الزواج .....!وهذا فكر الاغلب مو هو بس حتى في بنات كذا !! لكن انتي ارسلتي له ولم يرد حطي براسك يازعلان من مسجك وزعل اكثر من نبرة صوتك وفهم انك ماتبين تكلمينه !فقطعك كعقاب ! او عنده شغل من تجهيز للزواج ..... اقترح عليك اذا هو حبيب لقلبك وعزيز اتصلي به لكن بوقت مناسب بنظرك ان رد كان بها وعبري عن شوقك له وكلام حلو ...وسولفي معه (حتى لو لاحظتي انه مايسولف معك كثير عادي عناد يمكن يبي يردها لك المكالمه )! شوفي اخبار بيت الزوجيه وشو جهز بيني حماسك لشوفته بيني انك فقديه ... وعاتبيه ليه ياعسل قطعت اتصالك بي لاترد لا بمسج ولا تدق ! يهون عليك تقطعني ...... اقترحت عليك تتصلي به مع انك ارسلتي ...(بسب انه من العيد للان لم يتصل وانتي كذلك!!!!! فأن لم تتحركي وتسارعي فبيسبب بينكم فتور لعلاقتكم وبعد(بضم الباء) بينكم بدل ما تتصلوا وتعرفوا اخبار بعض وتسولفوا مع بعض متقاطعين !!!طولي نفسك ياعسل وان لم يرد عليك ... ياانك ترسلي مسج بااني انتظر اتصالك علي الليله الساعه كذا ..... !!!! وان لم تتصل ,,, تاكد انك حطمت قلبي بتجاهلك لي و حطمت كل طرق التواصل بيننا .. واخرها اكتبي اشتقت لك فقدك . او تتصلي ع اخته وتطلبينها تعطيك زوجك بدون ماتقول من انتي ؟؟؟(قولي ابي اسوي مقلب !!! وتعطيك بيقول الوووووووو قولي هلا بالغالي هلا افااااااااااااا يهون ع قلبك تتجاهلني !! اسفه شكلي مسببه عكر لمزاج قلبك باتصالاتي وامسجاتي ااااسفه ...... هذا وانا احبك وارسل لك شعورري اتمنى تتصل بي لاجل اسولف معك لاتتجاهل اكثر ..... مااشتقت لي بالله وش سبب بعدك وجهلك لي ؟! بالله قول وشوفي وش بيقول !؟! وتفاهمي بلادب والذوق !مو بكاء ورفع صوت وبلمكالمه سوى رد او عن طريق المقلب من عند اخته ! قولي فضفض لي مابقلبك من لوم وغيره !!!فانا اسمع لك اذا قال مافي شيء فقولي لا في وانت عطني سبب لتجاهلك لي في الرد او الاتصال او السوال عني ! والله ان تقول لي ...مستحيل كذا بدون سبب قو ل وانا ابكون سااامعه لك وان فضفض لك بعد ماتضغطي عليه يقول فقولي تسمح لي اتكلم اكيد بيقول نعم تكلمي ففضي اللي بقلبك ووش قصدك من المسج وسبب رفضك بلقرب منه يوم طلبك يعني اكسري الحواجز بينكم . لاتسمعي للي يقول اتركيه طنشيه لاتتصلي ((هذا مو اسلوب تعامل بين الزوجين ) هذا اسلوبك مع اي احد اخر الا شريك حياتك . واخبريني بلتطورات ع طول . |
توني صليت الفجر وانتيت
ودعيت لك من اعماق اعماق قلبي ان يسخر لك زوجك ويحنن قلبه علي يارب ياسمع الدعاء .... المهم اكثري بلاستغفار ...استغفري يوميا حول 100 مره خذي مسبحه واستغفري او بلجوال اذا عندك برناج الاذكار فيه الاستغفار تضغطين مع كل مره تستغفري ويعد لك يعني تعرفين كم مره استغفرتي وباذن الله يجعل لك الخير ويفرج همك ويسهل امرك وانا مجربه الاستغفار والله له فوائد عظيمه ادعي الله بعد قول الله لاله الا انت سبحانك اني كنت من الظالمين 3 مرات وانتي بلسجود وادعي بلي تبين وباذن الله دعوتك مجاااابه ... اذكري الله وادعي ان الله يسخر زوجك لك يارب وصدقيني بيحصل اللي تتمنينه . |
| الساعة الآن 07:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©