|
كلما غضب يقول خذي ملابسك وروحي بيت اهلك ؟؟
السلام عليكم ورحمة الله وبركاته..
مشكلتي مع زوجي انه على اقل نقاش ممكن يعصب ويقول لي مو عاجبك خذي ملابسك وروحي بيت اهلك ؟؟ وبعد ما يهدا يقول انا انقهرت وقلت هالكلام .. انا انجرح كثير من هالكلام وحتى لو اقول مابي اقهره حتى لا يقول لي هالكلام بس هو على اقل شي اذا عصب يقول لي خذي ملابسك وروحي بيت اهلك .. فكرت اسويها مرة بجد حتى يعرف نتيجة كلامه لانه هو صار يقول هالكلام ومتأكد اني ما راح اسويها .. مادري انا محتارة اسويها بجد واروح او لا .. |
شكل زوجك عصبي جدا و يحتاج الى تهذيب نفس , لذلك ارى ان تتفقي انتي و اياه على عقوبة اذا قال هذه الكلمة مرة اخرى كان يعطيك رضاوة او يسفرك على سبيل المثال , و اتفقوا انه اذا عادها تزيد العقوبة ,,,
لا انصحك بالذهاب الى بيت اهلك لانك تكوني حملتي نفسك خطأ لم ترتكبيه و فوق هذا نفذتي العقوبة التي فرضها عليك بلا ذنب , و هو ما سيخل بالتوازن في العلاقة مع الوقت ,, ايضا اختي الكريمة حاولي تتفادي استفزاز زوجك فكل امرأة تعرف مفاتيح زوجها و تعرف ما يسعده و يغضبه ,, وفقكي الله و ابعد عنكما المشاكل |
الله يهدي زوجك اختي انا مره تخاصمت مع زوجي وقالي هذي الكلمه وانا زعلت الصراحه بس بعد كم يوم من المشكله لما هدء قلتله ليه تقولي كذا قال كنت معصب قلت ترى اذا قلتها مره ثانيه بلم ملابسي من جد وروح لاهلي وماراح ارجع بسهوله وبعدها تاب ومعد قالها ابدا وانا الصراحه صرت اذا شفت زوجي معصب اتجنبه ومااجلس في نفس الغرفه اللي هوه فيها والله يهدي ازواجنا ويصلحهم ويسخرهم لنا يارب
|
اقتباس:
اشكرك اخي الكريم .. |
اقتباس:
انا كلمته كثير بخصوص هذا الموضوع وقلت له وهددته انا اقدر اخذ ملابسي واروح بيت اهلي وتكبر المشكلة بعدين بس لما يعصب يقول تخوفيني يعني طلاق طلاق مو مهم عندي بتروحين روحي ومن قلة البنات ياكثر اللي من غير زواج .. طبعا لما يهدا يقول انا كنت معصب وقهرتيني بس ماني عارفة وش الحل حتى اخليه ما يقول هالكلام .. اشكرك اختي الكريمة |
اذا قالها هالمرة لمي هدومك وروحي بيت اهلك وخليه يتحمل مسؤولية كلامه
ولا ترجعي له الا بشروط وشو روحي بيت اهلك طردة هي روحي بيت اهلك وطفي جوالك ولاتتهاوني معه في مسالة انه يقولها ولا تروحين |
اقتباس:
مو انا كل مرة اقول راح اعمل اللي تقولينه بس اتردد خايفه تكبر المشكلة وتوصل للطلاق وتتاثر العلاقة مابينا بعدين وحتى الاهل ما راح يعاملوه مثل اول .. احترامهم الى بعض راح يقل .. اشكرك اختي |
أختي الفاضلة أغلب الرجال طبعهم العصبية ( و كثيرا يرددون هذه الكلمة ) فلذلك أختي الفاضله حاولي تجربي هذه الطريقة ( إذا شعرتي أنه عصب و قبل أن يقول لك الكلمة إحضني زوجك ) مع تراجيديا ودراما رومنسيه و قولي أنت أهلي لن يفيدك خروجك من بيتك بأي شيء و لن يضيف أي شيء و لن يعالج أي شيء بل سيزداد عصبية و ستصبحين عصبية المرأة تستطيع أن تلين أقسى الرجال فحاولي أن تعالجي لا أن تهربي و فقك الله و أصلحك لزوجك و أصلحه لك |
اختي الغاليه الرجال يختلفون في كل شي في طبيعت تعاملهم وفي عصبيتهم وفي ردت فعلهم
وكل وحده اعرف بزوجها بس الاكيد ان زوجك لازم ياخذ درس رادع عشان مايعود على الكلمه هاذي بس ما انصحك تروحين لبيت اهلك لانك لما تروحين وبعدين يجي ويراضيك وترجعين خلااص الشي هاذا بيخليه يستهتر فيك اذا مشكله بسيطه تسوي كذا واحتمال مايجي وكلن يعرف بالمشكله وتكبر ماله داعي لانه هو يعتذر ويقول معصب ويبرر غلطته عشان كذا ماله داعي احد يدخل فيها وانتي لو رحتي لهلك بيكون فيه تدخل انا انصحك اذا عصب قومي من عنده لاتصيرين قدامه واذا شفتي ان الحركه هاذي بتسبب مشكله اجلسي لاتقومين بس لاتفوهين والا بكلمه اذا خلص مهاوش هو يمكن يروح ينام او يطلع صح انت لاتنسين الي سواه عشان ماعاد يعودها كيف اتسوين ؟ اذا تكلم معاك بعدها وهو هادي تكلمي بس بثقل طلب منك اي شي سويه له سواء في غرفته او اي شي بس بثقل وعدم الضحك عشان يحس بغلطته هو مبادره منه بيقول وش فيك قولي مافيني شي سوي واجباتك في بيتك على اكمل وجه من غداء وعشاء وفطور وتنظيف بيت حتى وهو يامرك جيبي ودي سوي كل شي بس بثقل بدون ضحك هو طوالي بيراجع احساباته انتي لاتراجعين له شي خليه هو يعرف غلطته بنفسه عادي لو تاخذين على الوضع هاذا يومين مافيه مشكله بس انتبهي ترفعين صوتك عليه او تغلطين لا او تقصرين بشي لالالا بس ثقلي وصدقيني بيحس بغلطته والله يوفقك ويسخره لك |
اقتباس:
اختي، اياك ثم اياك تتركي بيت زوجك من اجل كلمتين! اياك اقول لك...:( اسمعي الكلام فوق و خبرينا النتائج، على ما اتوقع انه سيفكر كثيرا قبل ما يحكيكي تلك الكلمة و بعدين سيتحول الجو من ممطر جزئيا الى مشمس كليا... انا رجل و اقول لك انك من قهره على ما فعلت يقول لك ذلك و يتوقع منك الدلال و الاعتذار.... انت قولي له: (اكيد من بعد الاحضان وووووووووو ) ثاني مرة ما في داعي لهذه الكلمة...استعمل كلمة : "مو عاجبك خذي ملابسك وروحي غرفة النوم ؟؟ و كذا و بس... |
مادخلت مزااجي تحضنه وهو معصب ..
لو تجيب شاي نعناع يمكن اهون بس احضنه ما ادري شو بيصير .. ومثل ماقالت بنت رجال كلامها ماشاء الله تبارك الله عين العقل انا كذا اسوي ربي يخليها ويسعدها ويسعد الكـــل .. |
أختي الفاضله تقريبا أغلب الرجال يقولون هذه الكلمه وقت عصبيتهم اتمنى تتجنبينه وقت عصبيته من دون ولا كلمه واعتبريه ماقال شي ,لأن الشيطان شاطر يحاول يفرقكم خلي صدرك وسيع ولا تردين عليه ولما يهدا حبي خشمه وراسه وتفاهمي معه صدقيني بتكبرين في عينه وبيستحي من نفسه , حلوه فكرة اخونا معدن الرجوله ولكن مانضمن ردة الفعل والنتايج الله يسخره لك
|
اقتباس:
حتى انا ما ادخلت مزاجي فكرة انه تحضنه و هو معصب :25: متى تحضنه وهو معصب اذا هي اغلطت عليه او وهو معصب وردت عليه بكلمه بدون قصد وبوقتها اعرفت ان الكلمه قويه وماتحضنه لانه يمكن لو تحضنه بيبعدها عنه بقووه وتزعل وتكبر المشكله يعني بتكحلها تجي تعميها :30: لكن تاخذ يده وتبوسها وتعتذر وتمسك يده حتى لو هو سحب يده بضحكه تقول اوك لو سحبت يدك ماتقدر تسحب قلبك مني ومن هالكلام الي يرخي اعصابه ويرضى عليها وانا عندي نصيحه لكل بنت اذا جازوجها من برا معصب او كانو يتناقشون في موضوع او اطلبة منه شي ورفض وعصب طوالي تقوم وتبوس راسه بضحكه ونظره خفيفه وتقوله خلاص انت تامر حبيبي وربي هاذي بس تسحب غضب الرجل بثواني لكن مو تبوسه وتقوله هاه بتودين لا تنسى السالفة الي هي تبغاها تنساها نهائي او فتره مؤقته :23: بعدهاوربي بيحس انه غلط حتى لوكان بس قالها لا مافيه روحه اوهي غلطت بكلمه بينساها طوالي من الحركه هاذي يعني المره بحكمتها تقدر تتمكن من قلب زوجهاوتحافظ على بيتها صح مرات يكون خارج عن يدها ويكون رجال لاطب فيه من كل النواحي يعني من الاساس هو مو متحمل المسؤاليه في حالات بس هي اتحاول والباقي على الله عشان بعدين ماتلوم نفسها الله يوفق الكل ويسعدهم واعذروني على الاطاله دعــــواتـــــــــكم لي جــمـــيــعا ولــعــيــالـي الحلوين الله يخليهم لي ويصلحهم ويكفيني شـر أبــوهــم |
بنات تنويه
بوسة الراس لرجل اتخليه يحس برجولته وتحسسه ان زوجته محترمه ومقدرته صدقوني لو ايش كان قوة الغلطه الي غلطتي عليه بوسة الراس بتنسيه كل اغلاطك انتم جربو وشوفو موفقين يارب |
اقتباس:
دائما تعجبني اراءك يا اخي.. لكن هذه المرة وخصوصا نقطة ان تحضنه، فلم اقتنع بها، انا جربتها مسبقا لكنه دفعني وشعر بانني استهزئ به وبمشاعره، ربما شعر انني استخف بالموضوع، لا ادري ما الذي شعر به ودفعه لدفعي وان يقول ( ابتعدي عني.. ).. انا برايي انها ان فعلت ماتقوله لها ولم تشعره بحزمها بانها قد تفعل مايقول يوما من الايام، فلن يرتدع، الان هو كررها أكثر من مرة، لدرجة انها اصبحت قريبة جدا من لسانه، فبمجرد ما انا يعصب يقول هذا الكلام.. هو الان ايقن بانها خائفة من الطلاق وانها متمسكة به مهما فعل بها ومهما قال لها.. ولو كان زوجها من النوع الذي يقدر ويحفظ الجميل بانها سامحته اكثر من مرة لما اعاد تصرفه وما تمادى.. لكن تماديه دليل على انه اخذ موقف زوجته منه على انه ضعف وقله حيلة وخوف.. انا لا اقول لها ان تترك بيتها وتذهب، لا.. انا اقول لها ان تغضب منه وتقاطعه بالبيت فترة اطول من المعتاد في كل مرة وان لاترضى بسرعه بمجرد ان يقول لها ( كنت معصب!!!) فنحن النساء نعصب احيانا، فهل ترضون منا ان نقول اي شئ؟؟!!!!! وان يكون عذرنا (عصبت؟!!!!!!!!!!!!!!).. بالطبع لا... لذلك اقول لها انه عليها اتباع كافة الاساليب لتشعره بحزمها وانها ليست خائفة من الطلاق، وان كانت تخافه وتخشاه بالفعل، لكن برايي ان اشعار الزوج بخوفها من الطلاق والاستماته بالتمسك بالحياه معه قد يدفع الزوج الى التمرد اكثر من التمسك بها اكثر.. طبعا هذا يختلف باختلاف الزوج وشخصيته وطريقة تفكيره وكل زوجه ادرى بزوجها... |
أختي الفاضلة زوجك لا يعصب عليك و إنما هناك أمور خارج المنزل مضايقته و أنت لا تعلمين عنها فهو يثور غضبه عند أتفه الأسباب و يرجع يتأسف لأنه يشعر بغلطه نحوك و أنه لا ذنب لك فالزوج يأختي لا بد أن تراعيه مراعاة خاصة و تحيني الفرص الطيبة في طرح موضوعك و طلباتك فأنت لك معزة ومحبة عند زوجك لأنه يـتألم من تصرفاته تجاهك
نصيحتي أت تعامليه أفضل معاملة و احتسبي أجرك على الله لأن هذه العشرة لابد لها من فراق فكوني راضية عنه حابة له و إن شاء الله لن يخيبك . نحن نركض و راء السراب الدنيوي و الخير كل الخير هو الآخرة (و ما عند الله خير و أبقى ) |
الله يهدي يارب
اختي ابدا لاتطلعي من بيتك ولو حسيتي انو معصب وطول ماانتي امامه رح يجلس يتكلم ويعصب زيادة ابعدي من امامه حتى يهدأ بس لاتروحي عند اهلك لان رح تكبر بزيادة المشكلة |
| الساعة الآن 03:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©