|
هل الزوج يستنكر بقاء زوجته الدائم بجواره
اتمنى من الرجال مساعدتي وطبعا انا مااستغني عن اراء اخواتي العزيزات
هل الزوج عندما تكون زوجته دائما معه ولاتذهب للمكوث عند اهلها يتضايق من وجودها الدائم معه؟ هل عندما يسال الزوج زوجته لماذا هيا ليست كباقي النساء لاتريد ان تمكث عند اهلها فتره ثم تعود اليه يكون ملها؟ هل الزوج يحتاج لان تعطيه زوجته وقت للجلوس وحده؟خصوصا باعترافه بانه بحاجه لذلك؟ هل الزوج عندما يمر بضغوط بالعمل يحتاج لان تصمت زوجته وان لاتحدثه؟بالرغم ان كلامها ليس بالكثير؟ هل عدم نظر الزوج في زوجته عندما تحدثه يدل على عدم اهتمامه بكلامها ؟وانه تافه في نظره؟ وسامحوني على كثرة اسئلتي بس انا بحاجه لهذه الاجابات والله يجزاه خير كل من يجاوبني |
هلا بالغاليه .. انا مو رجال, لكن باعتقادي المتواضع :
هل الزوج عندما تكون زوجته دائما معه ولاتذهب للمكوث عند اهلها يتضايق من وجودها الدائم معه؟ ما اعتقد هالكلام صح .. مثلا انا من دوله خليجيه تعتبر اشوي صغيره في الحجم , كل الناس مسافة سكة تقريبا من بعض .. فما عندنا عادات ان المرا تروح عند اهلها كم يوم - الا في النفاس طبعا , او لو الريال سافر برع الديره , ممكن .. لكن لو اهو موجود , ناااادرا ما تروح الزوجه عند اهلها و تتم فيه فتره .. و الرجال حسب ما اشوف متعودين انه زوجته دايم معه , و لا يتضايق .. بالعكس .. لو طلبت تروح عند اهلها بدون سبب - اوووه , معناته سالفه كبييييييره صايره .. و لا الزوجه ما تطلع من البيت .. هل عندما يسال الزوج زوجته لماذا هيا ليست كباقي النساء لاتريد ان تمكث عند اهلها فتره ثم تعود اليه يكون ملها؟ مثل جوابي اللي فوق .. ما عندنا هالسوالف و رجالنا مو متعودين عليها اصلا .. مع اني حابه فكرة التغير .. لكن بصراحه انا لو رحت عند اهلي احس اني ضيفه , و ما ارتاح الا في بيت زوجي , في بيتي .. هل الزوج يحتاج لان تعطيه زوجته وقت للجلوس وحده؟خصوصا باعترافه بانه بحاجه لذلك؟ ضروري جدااا .. انا زوجي يوميا يطلع مع الربع ساعه او ساعتين بالليل .. يغير جو .. و انا هم احتاج هالوقت .. اصلا انا احب وقت لحالي .. ارتب البيت , اشوف حالي , ماسكات للوجه و مادري ارتب حالي , اشوف تلفزيون على راحتي .. اقرألي كتاب, اجهز نفسي لبكره , اسلي نفسي بروحي .. من رأي الزوج و الزوجه يحتاجون هالفترة .. هل الزوج عندما يمر بضغوط بالعمل يحتاج لان تصمت زوجته وان لاتحدثه؟بالرغم ان كلامها ليس بالكثير؟ زوجي يحب يشاركني هموم عمله .. لكن - لو عنده مشاكل في بيت اهله , او مادري اي مشاكل و متضايق من شي ما يبا يقوله , يحب اني ما اسأله كثير .. ليش متضايق , ايش فيك , ايش عندك ... ما يحب .. يقولي لو انا حاب اقولك راح اقولك .. فانا ما سأل خلاص .. على كيفه .. امتى ما يبا يكلمني اهلا و سهلا .. ما يبا - احسن .. همومي و مشاكلي معه تكفيني .. هههههه هل عدم نظر الزوج في زوجته عندما تحدثه يدل على عدم اهتمامه بكلامها ؟وانه تافه في نظره؟ مممم .. يمكن اييه عدم اهتمامه .. لكن تافه لا ما اعتقد .. عاد انا ما احب اسولف و اللي معي ما يطالعني !! اعتبره قلة احترام لي .. الا لو انا رايحتله اسولف في وقت مو مناسب .. اهو مشغول مثلا , او متضايق .. بعدين افهما بروحي و اعطيه المساحه اللي يباها .. تحياااتي =)))) |
اقتباس:
|
اقتباس:
|
اقتباس:
,,,,,,,,,,,,,,,,,,,,,,,,,,, |
الله يسعدك ياام وقاص ويهنيك بحياتك انا بالفعل مثلك ماارتاح عند اهلي احب اكون ببيتي
واحس بالفعل عدم نظر الزوج لزوجته عندما تحدثه يعتبر قلة احترام خصوصا انه ينظر لجميع من يحدثه الا انا ابوحكيم الله يجزاك خير وييسركل امورك يارب عاشقة الغالي الله يسعدك مع زوجك ويديم الحب بينكم يارب ابولسع الله يجزاك خير وينورطريقك بس زوجي انسان متعلم ومثقف ويجيد مهارة الاتصال مع الكل الاانا فانه لايبدي اي اهتمام بحديثي |
هلا بك اختي الكريمة
جمعت الحياة الزوجية باختصار شديد في هذه الاسئلة يعني اسئلتك هذه هي لب وخلاصة التفاهم بين الزوجين لو كل زوجة تفكر و تبحث عن حلول لهذه الاسئلة لكانت حياتها سعيدة هنا انا اقول ان الاجابة تختلف من زوج لزوج اخر وهذا على حسب طبيعة الزوج شكرا |
ابو الوئام الله يجزاك خير ويهنيك بحياتك يارب
ياليت يااخواني تقولولي وجهات نظركم عشان اقدر افهم زوجي اكثر لاني متاكده ان وجهات نظر الرجال متقاربه وتختلف عن وجهات نظر النساء |
حبيتي انا زوجي كثير كان يردد علي روحي لاهلك حتى اذا جو لنفس المدينه اللي انا ساكنه فيها وجلسو اسبوع يقول روحي معاهم يبي يفتك مني من جد مو ملل لاكن مايحب يتقيد انه يجي على الغدا واو ازعل اذا ماجا على العشا تحملت وانا اختك وكتمت بقلبي ثلاث سنوات كل مره يقول لي روحي لاهلك اجلسي اسبوع وارجعي كأنه يذبحني بسكين مسموم بس كل مره اصرفه مره اقول الشهر الجاي مره اقول مالي نفس انا ارتاح ببيتي اكثر ومرات اقول مو شغلك هذا الشي انا احدده اذا ابي اروح او لا لدرجه حرمت نفسي اروح لاهلي الا كل سنه عشر ايام والباقي زيارات كل شهرين او ثلاثه شهور او حتى اربعة شهور يومين وفي النهايه سكت ماعاد يطلب ماعاد يعل قلبي بهالموال وراتحت انا لانه موعلى كيفه متى مابغى يتحرر من المسؤليه رماني لاهلي اتسبوعين او ثلاثه نصيييييييييييييييييييييييحه لاتعطيه وجه اختي مثلي ومثلك وكانت تطاوعه وكانت كل شهر هي عند اهلي اسبوعين او اسبوع معقوله موقادر يلتزم شهر هذا اللي صار والحين كل سنه يرميها لاهلي من رمضان للحج ويرتاح من مصروف رمضان والعيدين تخيلي ؟1!
|
الله يسعدك اختي دمعة مفارق ويحقق لك كل امنياتك ويهنيك بحياتك يارب انا والله صابرة وساكته بس زوجي صار اذا جاء البيت يقول محتاج اجلس لوحدي وانا احس انه يجرحني بكلامه لان ظروف عمله تخليه يغيب عني يوم كامل اويومين وانا اجلس وحدي بالبيت مع اولادي ويشهد الله اني احيانا اجلس اسبوعين مااخرج من البيت واذا قلت بخرج قال تعبان حتى لوعنده اجازة
|
ا××نا بالنسبه لي اتكلم عن نفسي ايه ودي انها تروح لهلها حتا اني اشتاق لها وتشتاق لي كثرت جلوس الزوجه مع زوجها تملل بعض الاحيان بكثير من الرجال يعني كل اسبوعين تقعد عند اهلها 3 ايام 2 يومين تغيير احسن من الروتين
×× اما بالنسبة ان الرجل يحتاج هدوء ايه نعم بعد مثلنا مايجي من الدوام بكون زاهق حياته اكيد يبي وقت يرتاح فيه يقعد لوحده ×× اما بالنسبة الكلام ان يعتبره تافه لا يمكن يكون يفكر بشي ومشتت فكره فيظطر ان الكلام يمره ولا ياخذ من شي |
ابتعاد الزوجين عن بعضهما كل فترة يزيد الشوق و يجدد العلاقة بشرط الا تكون فترة البعد طويلة
|
mr_meshalالله يجزاك خير بس اهلي ساكنين في منطقة بعيدة عن منطقتي وانا مااحب اروح لاهلي لان اهلي اذا مرضوا اولادي مايودوهم المستشفى يقولولي اذا جاء ابوهم يوديهم غير كذا امي الله يهديها تخاصم اولادي وانا الصراحه ماارتاح الاببيتي يعني بالله اش اسوي؟
الله يجزاك خير صقر الشرقيه |
أختي شوكة بين ورد كثير منا يمرون بنفس حالك وأعتقد السبب الي مضايقه كثرت جلوسك معه
وسؤالك عنه وينك !! واهتمامك الزايد فيه . . تنظريه ع الغذا والعشا وووووو . . هذي الأشياء كلها تنفر الزوج من زوجته وتخليه يبتعد ويجلس لحاله وممكن يبغى الفكه والهدوء . . والحل معاهم لاتعطيه أهمية مره ولا كأنه موجود سوي شغلك بهدوء وانشغلي عنه بعيالك وحاولي تشغلي وقتك مره لدرجة هو يتمنى جلستك { يعني لا تلصقي فيه } وخليه يحس أنك مشغوله عنه وماتعطيه الفرصه أنه يقولك جددي أو روحي لبيت أهلك أختك : مرور كرام |
اسمحيلي اختي بكم سؤال ممكن يكشفوا جوانب من مشكلتك خافية علينا :)
كم صارلكم متزوجين ؟؟؟ وكم طفل عندكم ؟؟ كم مساحة بيتكم ؟؟؟ وسط ؟صغير ؟كبير ؟ ما تقدري تروحي انتي واولادك مشاوير بدونه ؟مع جارتك مثلا أو أقرباء لكم ؟؟؟ كيف علاقتك بزوجك بشكل عام ؟طول الوقت وهو حاس بملل ومتضايق من العمل أو في أوقات حلوة بينكم ؟؟؟ كيف علاقتكم الخاصة ؟؟؟ |
تصدقي يا اختي حتى الزوجة تستنكر بقاء و التصاق زوجها الدائم بها و اولادها برضوو
كل انسان يحتاج "فترة" راحة و نقاهة لوحده ليصفى ذهنه , غن شاء الله لو نصف ساعة ليجدد نفسيته,,, |
يا أختي الله يعطيك العافيه أنت أهتمي بأشياء ثانيه تسليك مثل ماقالوالك الأخوات وإذا جيت تبغي تسولفي معه خلي سوالفك بالمواضيع إللي يحبها زوجك حتى لو هي الكوره والإالسيارات وإلا الجوالات وإلا الأخبار شوفي زوجك وش هوايته وسايريه وتعلمي عنها وأفهميها وناقشيه فيها قوي معلوماتك بشئ إللي يحبه
بعد فتره تلاقينه مايقدر يستغني عنك أبد لوجيتي جلستي معه إعتبري نفسك صديقه وإنسي إنك زوجته وهيئ له مكان الجلسه والقهوه والحلا والشاي والمكسرات ولاتخلون جلستكم بالبيت في مكان واحد غيري مره بالصاله مره بالمجلس مره بالحوش مره بغرفة النوم بالنسبه إنه مايناظرك وأنتي تسولفي أنت جربي جيبي له سالفه وتكلمي إلين توصلين للجزء المهم وهنا وقفي السالفه إن لفت إنتباهه لك وقال أيوه واصلي وش صار بعد إعرفي إنه مهتم بكلامك وسوالفك بس عدم مناظرته لك وأنتي تحكين السالفه هذا طبع عنده تعود عليه ومومعناته إنه غير مهتم ولاشئ لاكن أنت جربي وشوفي النتيجه بالنسبه للرجل يحتاج وقت شئ أكيد لأنه حنا الحريم جالسين بالبيت ننام ونصحي لواجباتنا متى ماصحينالاكن هم يتعبوا في الحياة أكثر منا بالذات إن الواحد يطلع من الصباح مايجي إلا متأخر ويجي تعبان هلكان فيحتاج فتره من الوقت يفكر فيها ويصفى ذهنه من الأشياء إللي تشغل تفكيره بالنسبه لزيارة أهلك صراحه ما أدري بعض الرجال يختلفوا عن بعض أنا أهلي تبعد منطقتهم عنا ألفين كيلو بالسياره ما أروح لهم إلا وقت الإجازات السنويه وحتى لوسافرت لازم زوجي معي نروح نقضيها شهر ونرجع مع بعض مايخلينا عندهم لحالنا مايرضي أبد وأهله كمان موجودين بمنطقة أهلي لاكن سوا عند أهلي أوعند أهله لازق معنا مسمار وين مارحنا والرجال تختلف بطبايعها ماهي سوى أنت أتركي له مساحه وخليه علا راحته بس بيتك لاتتركيه أبد بيتك أحسن لك و لعيالك وبعض الأهالي هداهم الله كذا مايحبون إزعاج الأطفال بالذات إذاماكان عندهم أطفال تلقينهم متعودين على الهدوء في البيت وأنت تعرفي شغلة الأطفال أفضل شئ إنك تجلسي في بيتك ماتروحي لهم إلا لضروره أنت أبعدي عن زوجك شوي أشغلي نفسك بأي شئ مفيد وسلي نفسك مع جاراتك تواصلي معهم نضموا زيارات فيمابينكم وشوفي حينها كيف يتغير أبو الشباب ويرجع يدور عليك ويشتاق لك ولجلساتك وسوالفك أتمنى إني أفدتك ولو بشئ بسيط وتقبلي تحياتي . |
مرور كرام الله يجزاك خير اختي ويسعدك يارب
Beta2انا ليه سته سنين متزوجه وعندي طفلين مساحة بيتنا وسط ولااقدر اروح مشوار بدون زوجي لانه مايرضى ابدا علاقتي بزوجي الحمدلله تمام بس اغلب وقت زوجي متضايق وطفشان من العمل لان عمله جدا متعب فأغلب وقته نايم واذا صحي جلس عند التلفزيون المسداني جزاك الله خير بنت الحكمي الله يسعدك اختي ويهنيك يارب المشكله اني ماعندي جارات زوجي مايحب اني اتعرف على احد بس انشالله بسوي مثل ماقلتي انتي واخواتي بشغل نفسي باي شي والله يهدي زوجي ويصلحه يارب |
من وجهة نظري خلال السنه الاولى من الافضل ان الزوجه تبقى بالقرب من زوجها لكي يفهموا بعضهم وفي نفس الوقت يتعرفوا على بعضهم اكثر ويستانسوا فيما بينهم0
|
| الساعة الآن 04:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©