|
زوجتي لاتحترمني ولاتحترم اهلي
السلام عليكم انا عضو جديد دوبني انتسبت بمنتداكم الرائع جداجدا عندي مشكله اسريه ودورت لها حلول بالمنتديات ماحصلت الا منتداكم الرائع وارائكم واقترحاتكم الاروع وبصراحه حبيت احط مشكلتي هنا من ردودكم الرائعه انا مواطن سعودي عايش في السعودية متزوج وعمري 34 سنه متزوج صار لي 3 سنوات عندي ولد عمره سنه ونص والحرمه حامل لها 4 شهور عندي مشكله اعاني منها مع زوجتي وابي استشارتكم ومقترحاتكم زوجتي لاتحترمني ودايم تسبني وتسب اهلي ودايم تقول اني خائن ومنافق واني اعرف حريم هنا وهنا واعرف حريم جيرانا واني كذا وكذا مع اني عكس هذا حاولت افهمها بعد كل هواش ماتقتنع وبعد فتره تندم وانا صابر عليها كثير وتسب اهلي وتسب اصلي وقت الهواش وبعد الهواش تعتذر وفي بعض الاحيان وقت الهواش تقول ليتني اخذت فلان احسن منك بكذلوكذا طيب ايش اسوي دلووني على الحل |
نقل الموضوع الى مكانه الانسب ......الاشراف
|
فيه حد.. لكل شيء تسبني وتسب اهلي ..هذا خط احمر عريض... ليتني اخذت فلان احسن منك.... عزيزي ابقولك شيء هل جربت انك تتركها فيها بيت اهلها... اتركها فتره طويله وخلها تحس انها مالها الا زوجها وبيتها ... بيقولون لك تحمل ... انااقووولك تحمل ولا تفقد رجولتك ... هي غلطت عليك كثيرررررر وانت حط حد وربي لتتسنع اجل تقولك (ليتني اخذت فلان احسن منك) ..خذ موقفك الرجولي واثبت لها انها على غلط ولا تدق عليها اذا تركتها عند اهلها ... محبك سمو المشاعر |
اخي العزيز لو حصل من زوجتي مثل مايحصل من زوجتك لاسمح الله لن اقول الا بعمل واحد ان اطلب منها ان تحمل امتعتها وتذهب لبيت اهلها والله يرزقها ويرزقني هذا الحل الوحيد من رايي لانه اذا فقد الاحترام بين الزوجين فالحياه لاتطاق والطلاق هو حل عندما لايكون هناك اي حل |
الحــــل
عندك يازوجها رعاك الله , وش بقى ماسوته معك وانت صابر ومحتسب . وكما قيل الفرس من خيالها ياخيالها حماك الله واي خيال انت يافتـــى ! انا لااستهزي هنا والعياذ بالله ولكن لابد ان تعلم بانك انت الرجل وليس هي . وانك سي السيــــــد ياسيدي المحترم . لاتهضمها من حقوقها شي وخذ حقوقك منها كامله اشعر زوجتك بذلك بالقول والفعل . عندها ثق بانها سوف تجعلك واهلها فوق راسها . |
وجدت هذه الزوجة ثغرة فيك فأنتهزتها فرصة .. ولماذا تتهمك بالخيانة أكيد بدر منك بطريق مباشر أو غير مباشر أو سمعت من هنا أو هناك ما يدل على ذلك .. هنالك سبب .. أخي الكريم
ولكن .. حتى لو كنت ما كنت .. لا يعني هذا أن تسبك وأهلك وتتلفظ عليك ضعف شخصيتك هو الذي دعاها لأن تنتهج مثل هذا النهج.. أعذرني لو كل شيء يؤخذ بهذه الطريقة فعلى الدنيا السلام.. أنظر لنفسك أولاً .. إذا كانت معوجة أعدلها .. ثم أحسم أمرك لا تكن لينا فتكسر ولا قويأ ...... خير الأمور الوسط وفقك الله .. |
بصراحه الزوجات مايعجبهم العجب ولا الصيام برجب 0
ان كان زوجها طيب وخلوق معها حاولت انها تسيطر عليه وتهينه وتستغله واذا كان قاسي معها اشتكت منه وراحت تفضح به عند الناس وسوا لي كذا وفعل كذا بصراحه النساء يكفرن العشير 0 |
اعلم اهلها بالموضوع وخليها تروح فتره لحد ماتعرف قيمتك
لانو عيب هالتصرفات |
طيب ممكن تقول لنا هل التصرفات هذه قبل الحمل ولا بعد الحمل ؟
|
أخي زوجتك لا تحترمك + تسبّك وتسبّ أهلك + تتهمك بالنفاق والخيانة..
بالنسبة (لعدم الإحترام+ السب) هل هذا طبعها من بداية زواجكم أم بعد حادثة معينة؟؟ بالنسبة (لإتهامك بالخيانة) هل لك سوابق خيانة واكتشفتها زوجتك؟؟(بكل صراحة) |
يارجال لعن الله من خبب رجل على امرأته اتقو الله اتقو الله لو هي حرمه قالت زوجي يشك فيني ويسب الاهلي كان قلتو اصبري والحين قاعدين تخربو بيت الر جل زوجتك منجد غلطانه ولكن علاجها ليس ان تخرجها من بيتها( لا تخرجوهن من بيوتهن الا ان يأتين بفاحشة مبينه ) يااخ ممكن انك انت تسمع كلام الاخوان وتتركها عند اهلها وزوجتك تطلب الطلاق وتنحرم انت من اطفالك وتخسر حياتك الزوجيه صح البنات ماصارو يخافو الطلاق مثل قبل الحين عادي في كل بيت مطلقه فكر في الموضوع ولاتسمع كلام الاخوان اتبع هدي الرسول اول شي الموعظه وهو انك تحسسها بعظم وخطورت اسلوبها معاك وان ممكن تخسرك او تتزوج عليها بس تهديد مانفع اهجرها ولاتكلمها ولاتنام معاها كم اسبوع وانت موجود معاها بالبيت مو تخرج وتهملها وتنام برا الحل الثالث اذا ماتعدلت اضربها ضرب غير مبرح عشان تحس بقوة شخصيتك يااخي انت معقوله جربت كل هالحلول ومانفعت ؟!!!!!!!! جاوب
انه هو الاوحي يوحى هذا هدي الرسول عليه افضل الصلاة والتسليم |
وجدت هذه الزوجة ثغرة فيك فأنتهزتها فرصة .. ولماذا تتهمك بالخيانة أكيد بدر منك بطريق مباشر أو غير مباشر أو سمعت من هنا أو هناك ما يدل على ذلك .. هنالك سبب .. أخي الكريم
وجدت ذاكرة جوال فيها الماضي بس صدقوني تركت الماضي وتبت الى الله وتزوجت بس غلطتي الذاكره نسيتها ونسيت حتى مكانها وحصلت الذاكره وصارت تهددني فيها بكل هواش توديها لابوي واهلي وكنت اقلها انا تبت وهذا ماضي الله يغفر عن الماضي ... اعلم اهلها بالموضوع وخليها تروح فتره لحد ماتعرف قيمتك لانو عيب هالتصرفات شكيت اهلها انها تسبني وتتكلم وكانت تحلف عندها اهلها انها ماتقول و لاتسب وكان اهلها يصدقونها وكنت اضطر بعض الاحيان بضربها بس للأسف مافي فايده طيب ممكن تقول لنا هل التصرفات هذه قبل الحمل ولا بعد الحمل ؟ التصرفات هذي قبل الحمل وبعد الحمل لاجديد كل الطرق سويتها معاها حتى الضرب تصدقون فرش بيتي غيرته بالسنتين هذي مرتين بس عشان ابيها تتغير وتحس على نفسها ونعيش بسعاده اخاف اطلقها واندم لاني ماراح شوف عيالي يكبرون قدام عيني تدرون راحت تزور جيرانا ورجعت زعلانه قلتلها ليه قالت بيتهم من الفرش الفلاني وحلو ومدري شنو رحت غيرت فرش بيتي واثثت البيت من جديد بقيمة 45 الف ريال بس عشان تقول بيتها احسن وشريت لها طقم ذهب واخر نوع من البلاك بيري وكل اللي تبيه وكنت افرش البيت وبنفس اليوم اللي افرش فيه البيت كانت تتهاوش معاي وتسبني يعني ايش اسوي ماابي احرم نفسي شوفت عيالي |
بالنسبة (لعدم الإحترام+ السب) هل هذا طبعها من بداية زواجكم أم بعد حادثة معينة؟؟
بعد حادثة الذاكره انت معقوله جربت كل هالحلول ومانفعت ؟!!!!!!!! جاوب جربت كل الحلول الطيب الضرب المبرح الكلام الحلو حتى بعض الاحيان اخذها واسفرها كل اسبوع وحنا بديره |
هي صورتك ؟!!!!!!!!!!!صحيح صورتي ... اسف اذا نزلتها مدري ممنوع هو .؟ اذا ممنوع اغير الصوره الان
---------- إذا تعتبر تنزيل صور لك على الملأ000 شئ طبيعي !!!!! فالله يكون بعون زوجتك00 معها كل الحق00 التزم واحفظ مسؤلياتك كزوج00 بعدها ستلتزم زوجنك بتقديرك واحترامك00 وضع صوره لك 00ليس من فراغ00 لذلك سألت 00 ويحدد اشياء كثيره عندي عند غياب طرف اخر للمشكله00 واتوقع منتدى محترم مثل هالمنتدى000 سيحذفها من غير شك |
انا يااختي واثق من نفسي ومايحتاج تتكلمي عن صورتي دام انك واثق من نفسك ليه مااحط صورتي وين العيب في غلط .؟ ماشوف اني مسوي جريمه يخالف عليها القانون مجرد صوره وبعدين لاتظلميني بتفكيرك وذا عشان الصوره الحين اغيرها مع اني ماشوورف ان الصوره تسبب المشكله هذي كلها بعدين لازم الثقه ونا واثق من اللي اسويه واهم شي النيه الصادقه واريح راسك الحين اغيرها تحياتي لك كنت بمشكله ودخلتي بمشكله ثانيه غير مشكلتي شكراا لك
|
أخوي
أنا كمان لفت نظري الصورة ، يعني نحن نحسن الظن صحيح .. بس أتوقع زوجتك ما صار لها كذا ، إلا لأسباب غايبة عننا ممكن أي شخص يحطط صورته ، لكن صورة مع نظارة شمسية و قذلة ؟؟؟ تثير الإستغراب .. و نحن بنات و نعرف نفرق صورة عن صورة ثانية راعي مشاعر زوجتك و حكاية الضرب ، فهذه مو رجولة اسمح لي |
لها حق تعمل اكثر من كذا طالما هذا طبعك وهذه شخصيتك
لاتنسى تغسل النحاس وتكنس البيت وتغير حفاظات البيبي |
الزوجة ماتوصل للسب والشتم واللعن الا اذا مسكت شى قوي على زوجها
وليش تتهمك مع الجيران؟؟ ايش معنى الجيران ؟؟ هل تطلق بصرك هل تصرفاتك غير مضبوطة اوما تسبك كذا من الباب للطاقة مااضن رغم ان هذا غلط بس اكيد في شى قوي خلاها توصل لعدم الاحترام لك راجع حساباتك وتاكد لو زوجتك تحس انك انسان منضبط راح تحترمك غصب عنها مع احترامي لشخصيتك |
صورتك يا احي 00ما تسبب عندي انا أي مشكله 00 خاااااالص
انا حبيت انبهك أن بعض تصرفاتنا تكون عاديه لدينا وشئ طبيعي00 لكن الطرف الاخر يفسرها تفسير ثاني وانت إنسان متزوج00 فلازم تراعي مشاعر زوجتك00 لأن بعض التصرفات يمكن تثير غيرتها00 فوضع صورتك في منتدى عااااام000 لا يثير إلا غيرة زوجتك فقط00 وهات يا سين وجيم فهمت يا اخي00 إن شاء الله اكون وصلت المعلومه00 |
لا تعليق!!!
الله يصلح أمركما. ......................... وليتك تغير اسمك من (الساجد إلى الله) (إلى الساجد لله) وذلك لاختلاف معاني حروف الجر ... |
دائما وابدا ضع الله امام عينيك وترتاح بحياتك
|
اخي الكريم
ان كان بك عيب او خطا فاصلحه ثم اصلح زوجتك كيف؟ اخبرها ان الحب مهما كان حجمه ومهما بلغ من المراتب بس لايوجد احترام ماينفع ماينفع ماينفع اخبرها تحبيني تودين الاستمرار معي احترميني واحترمي اهلي يعني بالنقاش الهادئ وحاول كذا مره مانفع هالاسلوب مثل ماذكر احد الاعضاء وديها بيت اهلها واتركها حتى تعرف مدى فداحة خطئها فان نفع هذا الحل تكون هنا عرفت قيمة زوجها واستقرارها معه وان لم ينفع فهنا ارفع يديك الى الله واسال الله ان يعطيك الخيره في امرك حبيت اوضح نقطه ((زوجتك شكلها متوحمه وتقط الكلام بدون ادارك منها )الله اعلم والله الموفق |
اقتباس:
اخوي فارس الكلمات انت رجال واتوقع ماترضى احد يغلط عليك بشكل هذا بعدين يا اخوان ويا اخوات الي شارو على الرجال بطلاق ياناااس الحين احس كل ماصارت مشكله الناس تلجأ لطلاق ياناس الطلاق له اسباب اسباب كثيرررررره انا الي اتكلم معاكم مطلقه لكن ايام طلاقي ماطلبته مع انه مايستاهل اجلس معه بس صبرت معاه مو عشانه عشان رضا ربي والله اوصلت فيه مره قال شيلي اغراضك مالك جلسه في بيتي وكان سبب المشكله تافه بس الشيطان كبرها وقمت وشلت اغراضي وبعدها جا يعتذر بعد ماشلت تقريا ثلاث ارباع اغراضي بعد ما اعتذر رجعتهم والله ارضاوه ماطلبت مع انه هاني يوم يقول شيلي اغراضك جواتي عارفه ماراح نستمر من تعامله وتفكيره بس صبرت وحكمت عقلي وعندي منه طفلين وصابره مع المشاكل لدرجة امه مرات تتنرفز من تصرفات ولدها تجاهي وتقصيره في بيته وانا صابره بشوف اخرتها وما ابغى العيبه تطلع مني حتى ما اشتكيت لاحد والله اني ماني كبيره عمري الحين با العشرينات لاتتوقعون يابنات اني كبيره على صبري لا والله بس حكمت عقلي وقلت بشوف اخرتها معاه والله حتى اني مدلعه عند اهلي بس ماتدلعت عليه او شفت نفسي حتى الحين عند اهلي مدلعيني ومدلعين اعيالي بشكل غير طبيعي الله يخليهم لي وصبرت على كل المشاكل اخرها طلقني والحين قسم بالله متحسف ويحاول يرجعني باي طريقه بس انا رفضت وارسل عمانه يراضوني بس رفضت لاني انا ماغلطت وتجملت معاه بس مافاد وكلم امي يقول انا ما راح احصل مثلها بس انا حالفه يمين ماأرجع له لاني صبرت بس هو مابين فيه انا ما ازكي نفسي بس والله ربي الهمني صبر معاه مو طبيعي الحمدلله عشان كذا انا بحيتي ماتندمت عليه او ضاق صدري من الطلاق بالعكس لاني صبرت انا قلت لكم قصتي لأني استغرب الي متساهلين في شي اسمه طلاااق ياناس فكرو في مستقبل الاطفال من بيربيهم اكيد بيعيش مع واحد من الطرفين يا امه يا ابوه تتوقعون اذا عاش مع ابوه كيف بتكون زوجة الاب واذا عاش مع امه كيف بيكون زوج الام ياناااس انتم الحين ماتشوفون اكثرة عياداة الاستشارة النفسيه والله علاج كل شي في يدينا بس حنا مو راضين نقتنع ان الحل بيدنا مو كل شي حله الطلااق صح مرات الحل يكون الطلاق بس في حالات يانااااس خافو الله اذا كانت المشاكل توافه تغاضوها اخ الساجد الى الله انا ما اقول مشكلتك تافهه بس صدقني حلها في يدينكم انت ضع ال زوجتتك اساسيت وحدود ماتتجاوزها ابد وبين لها ان كل انسان خطأ بس الخطا الي يستمر على خطاه وعفا الله عما سلف لا تهاوش زوجتك او تمد يدك بكل مشكله لا خل عصبيتك معاها في غلطه قويه لانك اذا في كل مشكله تمد يدك وتعصب بيموت الاحساس عندها بس اذا كنت ما تعصب او تهجرها الي في مشكله صح زوجتك راح تحسب حساب للكلمه الي تقولها واحذر مدة اليد تراها ماهي مرجله ياخوي بالعكس ترا كل جرح يمكن يبرا الى جرح الاحساس وانت بمدت يدك تجرح كل احاسيسها الله يوفقكم ويهدي سركم يارب ويوفقكم ويخليكم لبعض يارب |
اقتباس:
لا تنزعج من صراحتي لكن يبدو أنك تحب أن تتميلح هذه مشكلة كبيرة بالنسبة للزوجة يكون ردة فعلها ( عدم مهابة و إحترام الزوج ) وحقيقة و بكل أمانة من يوم قرأت في أحد الردود نظارة شمسيه و قذله ( غسلت يدي ) و أستغرب كلامك تحتفظ بذاكرة جوال لماضيك و تقول أنه ماضي و تبت منه !! و تقول نسيتها لأنها قبل زواجك فمالذي أحضرها لبيتك و عش الزوجيه إحتفاظك بذاكرة لماضيك + تميلحك +الضرب + ؟.. = السبب الرئيسي لتصرفاتها تجاهك هناك أجزاء مفقودة لبقية المعادلة يجب أن تتضح لتصل للسبب و عندها يكون العلاج و إسم معرفك أفضل يكون ( الساجد لله ) أسأل الله أن يصلح أمرك و يختار لك الخير |
الواضح ان زوجتك اذا غضبت تنسى نفسها ونعلم ان اللسان حصان
وفي المقابل يجب ان ترى فيك الجديه والحزم >> يعني اثقل شوي حتى تعاملك بجديه اكثر وتثمن كل حرف تخرجه المرأه اذا رأت من زوجها الجديه تعاود ترتيب افكارها لانها تخاف ان يخترب بيتها مهما كان هدى الله حالكم |
اخوي كثر من الاستغفار دايم
الله يلم شملكم يارب قريب ويسخركم لبعض |
| الساعة الآن 06:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©