|
زوجتي تطلب الطلاق وهي حامل
اولا السلام عليكم ورحمة الله وبركاتة
معكم أخوكم ضاوي قمر وأريد منكم مساعدتي في قصتي التي سوف أذكرها لكم فارجو من الله أن تكون صدوركم متقبله للقصتي ومساعدتي . أنا شاب أبلغ من العمر 28 عاما فقد كنت افكر في الزواج ومرت ونحن في البر من العام الماضي فإذا اخي الكبير يقول لي ان صاحبه وهو يقول وراى ماتزوج فلان فقال أخي وش رايك وانها بنت رجال إلى أخر الكلام فقلت موافق وعندما ذهبنا لزيارة والدها في البيت أكتشفت أنها مطلقه من ولد خالها فقلت هذه هي المرءه التي سوف تعيش معي وتم الملكه وقد تم تحديد الزواج وقمت بأخذ الديون ليني شاب في بداية حياته وبعد الزواج ذهبننا لتركيا لقضاء شهر العسل وكان كل شيء على حسابي وعلمت في تركيا بانها أكبر من بسنه كامله وأن عمرها تسعه وعشرون عاما وكانت حياتنا يملاءها السعاده ورجعنا من تركيا وبعدها ذهبنا لبيتنا الذي أصر عليه والدها بأن أخذه قريب منه وفعلا قمت بإستئجار دورر كامل قريب منه وقاموا هم بختيار الاثاث وأنا أدفع ولا أقول شي وبعد رجوعنا من شهر العسل قامت المشاكل تزداد بشكل غير طبيعي وقاموا بتغير مفاهيم كلامي وأخذ الجانب السيء وترك الجانب الحسن منها وكانت المصيبه على زوجتي انها حملت في الشهر الثالث من زواجنا وعندها قالت أنها منوحمه من وتريد أن تذهب لبيت أهلها من نصف شهر شعبان ورمضان هنا وافقت وكان بعد العيد زواج اخيها ولم ترجع للبيت حتى خلص زواج أخيها وبعد مارجعت للبيت ونما أول لليله وإذا هي تبكي وتقول أنا متضايقه وبس وبعد يوم سألتها ليش أنت متضايقه قالت أعطني الامان فقلت لها وهو لك قالت أنا أريد أن أذهب إلى أهلي ومستحيه منك ومن أهلي وأحس حل هو أن نتطلق من بعضنا وتقول لاتزعل هذه فكره وبس . فقمت أنا بالاتصال على والدتها وقلت أريد أت تأتينا في البيت قالت اليوم أربعاء خل البنت تجينا وبكره أن شاء الله أجي أن وياه للبيت وفعلا أتت هي ووالدتها للبيت فلما رايت والدتها قالت لي كلمه الطلاق ماهوب عيب إذا كان فيه راحه للطرفين وبعدها جلست زوجتي في البيت ورفضت ان تقوم باي حقوق لي ورافضتها امام ولدتها ومره نسيت الجوال في البيت وأنا ذاهب للدوام فرجعت للبيت لاخذ الجوال فوجدته مع زوجتي وقمت واخذته منها وذهبت للدوام وبعد رجعتي منه للبيت ومعي الغداء وقالت لي أعطني جوالك سوف اكلم أختي لين رصيد خلص وتفاجات انها رائت صوره مره في جوالي وتريد أن تذهب للبيت أهلها وقد سببت عليها مشاكل كثيره عندها أخذت أخي الكبير وذهبنا إلى والدها وقال تجيب هذية وفلوس وتعال يوم الاحد فعلا قمت بشراء هدية واعطيتها مبلغ من المال ولكن عندما ذهبت للبيت أهلها وتصلت على والدها تفاجئن أنه قال سوف يقابلك ابني وانا مشغول الان واخذ مني ابنه الهدية والفلوس وبعدها تفاجئت من والدها أن يقول طلقها وقمت بأخبار أخي الكبير بالموضوع وقام أخي بأخذ الوالده وذهبوا لهم وقاموا بنقاش معهم ومع البنت فلم يلقوا جوابا مقنعا للطلاق والمشكله هي انني لاأحبها وأنها أخذت موقف مني وأنني لاأغار عليها فقط لاغير وبعد مرور أسبوعين قمت بالاتصال على والدها وقلت هل زوجتي تريد الرجوع وإلا لا ليني قائم أدفع ايجار وانا في بيت أهلي وهي في بيت أهلها فقال لي لابالله سلم البيت والبنت لاتريد الرجوع وفعلا قمت ببيع الاثاث وتسليم البيت لصاحبه . والان هي تطلب الطلاق وهي حامل وأنا شرطت أن أعيهم ورقة الطلاق بشرط أن تسلمني مولدي سواء كان والد أو بنت ؟ ماذا تشيرون على وفقكم الله ...أخوكم |
اتركها اخي دون طلاق لعدد من الاشهر يمكن من الحمل مأثر عليها وترجع لك..
سؤالي .. انت تحبها ؟ وايضآ ماهو الموقف اللي اخذته منك واثر عليها؟ وماهي الصورة اللي شافتها بجوالك؟ عشان نعرف كيف شعورها وقوة صدمتها تستحق طلب الطلاق ام تتدلع عليك وتشوف مقدار حبهــا؟ |
الصوره اللي راتها زوجتك صورة ايش بالضبط
يعني صوره لفتاه عاديه وهل ترى انها تستحق انها تزعل عشان هالصوره معليش انا حابه استفسر اكثر عشان اعطيك جواب واضح |
اتركها ببيت اهلها هذا وحام حمل بس وكم شهر صار الحمل الحين
|
الله يهديها يااارب بس شكل كل هذا من الحمل
انتظر وربي يفرجها عليك يااارب وحاااول بعد ولادتها ان شاء الله تقرا انت وهي عند شيخ يمكن حسد والله يكووون بعوووووونكم |
اتركها في بيت اهلها اجل الطلاق لعبه بيد اهلها امها تقول الطلاق راحه ومدري وش ...
تراني متحمس معك يالغالي .. طلاق لا تطلق اسمع نصحيتي ... تكفى لا تطلق ... |
بصراحه ..
لابد ان نسمع للطرف الآخر ماذا يقول .. لانه السماع من طرف وترك طرف ظلم بحد ذاته .. |
بدامك ماتحبهاا حرام تعيش معك
وش تستفيد بدامك ماتحبهاا وتخونهاا نفذ طلبها بدامها اطلبت الطلاق وهي اكيد حست فيك انك ماتحبهاا والله واعلم |
آسف أخي رغم ماذكرت من تفاصيل إلا إني أرى غموض في الموضوع,,
فأنت تقول بأن الفتاة مطلقة ولم تعلم إلا عند الملكة وقبلت+عمرها أكبر من عمرك ولم تعلم إلا بعد الزواج+ذكرت بأنها رأت صورة في جوالك+قبلت أن تدفع المال والهدية ولكن على ماذا؟؟ والأغرب في الموضوع أن زوجتك وأهلها جميعهم يطلبون الطلاق,فهل يعقل هذا؟؟ |
الان ننتظر الاخ(ضاوي قمر)
ليخبرنا عن سالفة الصوره التي من اجلها زوجته زعلت وهل هو يحبها ومتعلق فيها ولالا؟ ونصيحه لاتطلق الله العالم انها متوحمه وقرار الطلاق جاء نتيجة الوحم وتعب الحمل بس يمكن انت مقصر معها في جوانب ثانيه مو قصدي بالماده قصدي اشياء اخرى مثلا الكلام الحلو في علاقتكم الخاصه يمكن ويمكن الله اعلم انت اخبرنا اكثر عنها وعن نفسك وباذن الله تجدالكلام اللي يثلج الصدر |
مثل ما قال الأخ تعاندني ، فيه شئ ناقص ؟
كيف ما عرف الأخ إنها أكبر منه بسنة غير في شهر العسل ، و عند عقد القران لازم يعرف تاريخ ميلادها ؟ بعدين صورة الحرمة في الجوال ؟ صورة إيش ؟ و اخر شئ ، كيييييف تحرم أم من طفلها ؟ هذا مو تصرف رجولي أبدا |
وضح الصوره اكثر على شان الكل يساعدك 00وكيف مطلقه وانته ماعندك خبر الايوم جيت تملك 0وامها بناء على شو قالت الطلاق موعيب0وليش تبيع الاثاث يمكن زوجتك بعد ماتولد ترجع لصوابها تبي بيتها وولدها0000لاكن خلها حتى تعدي فترة الوحم الله يختارلكم الخير0
|
اقتباس:
والله أنا أبغاه بس البنت هداه الله تسمع لامها واجد والله لصوره صوره عادية صورت بنت بس كانت كاتبه تحت الصوره حبي إذا وصلت دق علي ولا كل شي طبيعي |
اقتباس:
والصوره والله عاديه وكما ذكرت سابقا |
اقتباس:
صحيح أنا لم أعلم عنها أنها مطلقه الايوم الملكه ليني وبساطه كنت على نيانتي واثق في أبوها وأخوي ثقه عميا والعمر الان ياخوي معاد يذكرونه في دفتر الملكه يكتفي بذكر رقم الحاسب الالي ونعم الصوره اللي شافتها في الجوال شفتها سابقا ولكن هذه المره كان مكتوب تحت الصوره حبي إذا وصلت أتصل بي لين عمتي الله يهديها متحكم في الجميع ولاحد له شخصيه غيرها والله يعين عليها |
حبي إذا وصلت أتصل بي
الصورة عاديه .. طيب هالكلام وش معناه؟؟ وضح اكثر من اللي ارسلها اتوقع هالكلام يصير بين الزوجين فقط" |
اقتباس:
والصوره مرسلتها بنت ويوم سألتني زوجتي عن هذا الرقم جاوبت بكل صراحه انها وحده أعرفها عن طريق الهاتف فقط لاغير وبعدين عقب الزعل هي رضت وطلبت شروط ونفذتها لها بس يم أرسلت لي رساله قلت لي ياخاين أنا زعلت وقلت إذا تشوفين أنني خاين فماذا تقولين في صور زوجك الاول التي وجدها عندك في غرفة النوم هنا أدركت أنها مخطئه وقامت تكابر وتطلب الطلاق وتقول لصبر حدود فماذا رايكم |
هداكـــــم الله ..
كلكم مخطئين فعلآ الكل منكم خائن ولكن هنا لك فرق.. صورة زوجها الاول على سنة الله ورسوله ويمكنها اخذتها للذكرى .. وانت اخي الكريم كيف تسمح لنفسك بأن تتعرف على بنت وانت متزوج محصن .. هذا دليل على عدم حبك لها ومافعلته لاتلام عليه فعلآ انت وقعت في شكها من مكالماتك التي لانعلم مانهايتها .. هنا اقف واقول/ الله يعوضها بخير منك وربي يهديك اخي الكريم .. راجع نفسك وتب الى الله وادعوه بأن يرد لك زوجتك وان يعفوا عنك.. |
اخي الفاضل هذا الشي بسبب الحمل حيث ان معظم واغلب البنات هكذا
فانت لا تتخذ معها اي خطوة حتى تولد |
اخوي بالنسبه لك انت غلطان من البدايه لان الزواج قبول وتراضي من الطرفين بمعنى انه عند عقد القران يجب ان تعرف كل شي عن البنت التي تريد الزواج بها من حالتها الاجتماعيه وعمرها وعملها واي شي فيها وهذا من حقك وبالنسبه للعمر وحالتها الاجتماعيه بامكانك سؤالهم قبل عقد القران ويخبرونك وبامكانك الموافقه او الرفض من لحظتها ولست مجبور على شي لاترغب فيه 0
واكيد انك ذهبت لاضافة زوجتك معك في سجل الاسره قبل الدخول عليها وقرات تاريخ ميلادها وعرفت كم عمرها بالضبط باليوم والتاريخ والسنه0 كل ماعليك الا ان تعطي زوجتك فرصه من الوقت ولاتستعجل في الطلاق خصوصا بينكم طفل ولاتسمع لكلامها ولكلام اهلها ومن المفترض منك ان تسال عن عائلتها واخلاق البنت قبل ان تتقدم لهم وشكلهم من النوع اللي يتساهل بامور الطلاق ويرونه شي بسيط وانت صاحب القرار وليس زوجتك واهلها0 |
مرحبا اخوي ضاوي قمر ما اعرف كيف تقول ان الصوره والكلام اللي تحتها شي عادي وتعرف وحده عن طريق الهاتف وبرضو عااااااااااااااااااادي ما شاء الله عليك بأي عرف عااااااااااااادي وكأن شيئا لم يكن. انت فيك استهتار وتهور ولا مبالاة هل انت لو شفت صورة لرجل ونفس هالكلام بجوال زوجتك بيكون الموضوع عااااااااااااااااااااااااااااااااااااااااااااادي الله يصبر زوجتك عليك واتوقع انها شايفه اشياء كثير من اللي تسميها عاااااااااااادي مع انها اشياء ابدا مو عادي واي انسانه طبيعية لما تشوف هذي الاشياء اللي مو عادية بتطلب الطلاق وخصوصا ان زوجها يشوفها اشياء عاديه يعني ما راح يغيرها. |
حصل مستجدات جديده في موضوعي مع زوجتي
وهي قامت بالاتصال على وطلبت مني الطلاق وتكلمت كلام تجريح مع ذلك قلت لها أنا أحبك ولا أستطيع أن أعيش مع غيرك ولا أريد الانفصال عنها وقالت أنها لاتريدني وبعدها بيومين قامت وتصلت على والدتي وقالت بكلام تجريح مره أخري ولكن والدتي لم تسكت فقالت لها أن ولدي لم يقصر معك في شي وأنا تحملت الكثير من كلامك عند والدي ولم أقل لك شي وقالت والدتي مابينا غير المحاكم وانتهت مكالمتها مع والدتي وقمت بالاتصال على والدها وقلت له أرجو منك بأخبر أبنتك بعدم الاتصال على والدتي لان والدتي كبيره في السن ومريضه ويوجد لديها حل في القضيه والقضيه بيني وبينكم وقال بكره نتواجه ومادري وش يصير مع العلم أني أريدها ولا أريد تطليقها . فارجو منك مساعدتي في الحل وأنا لاأريد أن يعيش أبننا في غير رحاب والديه ولكم تحياتي |
لاتطلق الان
نصيحه انتظر الى ان تهدء العاصفه ..! اقطعهم فتررررررررررره وسلم شقتك كلن مشحون منكم ! وبهلفتره كلن بيهدءويفكر |
طرى على فكره في موضوعي
بأن أقوم بي كتب وكاله شرعيه لابوه للصلح أو الطلاق وش رايكم في الفكره أرجو منكم مساعدتي بما ترونه مناسبا أخووكم |
اخى ضاوى الله يعينك انا امر بنفس المشكلة مع بعض الاختلافات حيث فى مشكلتى اهلها يرفضون منى تطليقها و يطلبون منى ان اصبر عليها حتى تضع حملها زوجتى نعم تصر على الطلاق لكنها لم تحاول تجريحى اطلاقا
الله يعينك اخى انا ادرى تماما بماى تعانيه |
لا تكتب وكالة شرعية لوالد زوجتك ..لأنه أكيد بيطلقها منك،
الحل : إنك تصبر شوي مثل ما قالوا الأخوات. |
اقتباس:
ثم تكون تحت رحمتهم |
اقتباس:
احسنت القول اذ لايمكن ان تتنازل عن حقك فى اتخاذ القرار ثم تكون تحت رحمتهم |
مااقدر اقول الاالله يهديك وانصحك تقرب من ربك اكثر لان كلمتك بان المكالمات المحرمه اصبحت حلال وعاديه بنضرك راح تجر اشياء اكبر والعياذ بالله وراح تقول عااااااااااااادي-
|
الرسول صلى الله عليه وسلم قال : هلا بكرا تلاعبها وتلاعبك حين اجابه احد الصحابة بانه تزوج ثيبا
مدامك اخذت مطلقة وانت شاب لم يسبق له الزواج فذنبك على جنبك واستغرب من المطلقة انها تتطلق مرة ثانية على مايبدو ان زوجتك واهلها تعودو على الطلاق . |
انا مستغربه من اللي تقول ماخذه صورته طليقه للذكرى حرام صار اجنبي عنها شنو هالوقاحه تنقل صورة طليقه لبيت زوجها الجديد اذا بتعيش ذكراه تعيشها في بيت ابوها
وانت غلطان شايل صورة وحده مرخصه نفسها بجوالك خاف الله ترى سوء عمل المرء يظهر بزوجته وحلاله -ومن يزني يزنى ولو بجدار داره- -ولوزدت لازاد السقا- انت تب الى الله من علاقتك المحرمه بصاحبة الصوره بجوالك واخاف زوجتك خذتك عشان تحلل نفسها لطليقها انا رأي طلقها لان كلن شايل صورة واحد ثاني غير حلاله ؟؟؟ وابدأ حياة جديده مع من ترضى دينها واخلاقها وتصونك الله يهديك |
حب مفقود وش دخل المطلقه بالموضوع يعني علشانها مطلقه تصير ممسحه ماعندها مشاعر وتمشي خزاياكم لا والف لا ياتعيش حياه كريمه مع رجال مظهر وروح ياتقعد اميره بيت ابوها
|
يا حبيبي الزواج مو لعبة , اذا كانوا فعلا جادين في الطلب .. فقل لهم ردو مهري , يعني الخلع
طالما أنه ما نقصت في حقوقك عليها الا سالفة البنت اللي تعرف ت عليها , انتبه تراها دين وبنات الناس ليسوا بلعبة .. ونصيحيتي لا تعلق نفسك بها , ابدأ حياتك مباشرة دون انتظار لا تهدر عمرك لأجل فتاة لا تحبك .. وهي ان كانت جادة ترد مهرك .. |
يعني تكلمك بالساعات وتقابلك اذا جيت تزورها لا وبعد وتخليك تداعب بطنها وبعدين تقول ابغى اتطلق !! هذا مع احترامي لها نسميه دلع ماسخ وسامج وماله طعم !! لا وبعد تقولها احبك وتقول لك لا طلقني هذا صار فيلم درامي ياحب الحريم للدراما اللي في غير محلها ! إن ردت البيت أنت لازم تعلمها إن كلمة طلقني هذه تخرب بيوت عامره وتدمر أسر وماهي علكه تعلكها في فمها طول اليوم على الطالعه والنازله حريم بدون عقل صدق |
لا تطلقها اصبر عليها
|
ياخوي من كلامك شكل أهل زوجتك وزوجتك مو شايفينكم شيء بيننا لا وأنت بتوكله يطلقها ولا يصلح ! أصح ياولد ولاتكون ضعيف كلمه وحده قلها لهم وخلك جاااد وقوي قل طلاق مافيه وإذا تبونه رجعوا فلوسي وحدد لهم المبلغ مبلغ المهر + حفل الزواج ولا انسوا طلاق ولا المحاكم |
حب مفقود شكلك مافهمت حديث الرسول عليه السلام واللي تزوج ثيب كانت كبيره بالسن وعندها عيال وهو كان شاب صغير ومع هذا قال اني اابغى اكسب اجرها وليست الدنيا اكبر همه ماراح يخونها بس عشانها مطلقه ياليت تقرى القصه زين والحديث ماينطبق على صاحب الموضوع ابدا لان مابينهم الاسنه البنت لسه شابه يعني يلاعبها وتلاعبه مالمانع -اتمنى تعلق على ردي اذا قريت القصه- وموفق
|
سبحان الله فيه نااس في الدنيا تبي تستر بناتها وناس تساعدها على الطلاق , بعدين أنت أستخرت قبل الزوااج, أنت الله يهديك حتى ماسألت عن البنت أكتفيت بكلام أخوك , يعني الطلاق موعيب وأنها أكبر منك مو حراام , بس وش سبب الطلاق ممكن تكون سيئة التعاامل مع الزوج , أكيد فيه سبب, ممكن أهلها من أسباب فشلهافي زواجها خاصة أنهم ماعندهم مانع أنها تتطلق للمرةالثانية ,وهذا غريب جدا ,مافيه أم عاقلة تحرض بنتها على الطلاق وللمرة الثانية بعد.
وإذا تبي نصيحتي خل شخصتك قوية وواثق من نفسك وأنك ماظلمتها ولاأهنتها,وأعمل الي مقتنع به مش الي يملى عليك من أهل زوجتك وأنت شخص طيب ومسالم عشان كذا أستغلوك في البداية ولاهابوك في النهاية , ولاتتنازل إذا هي أصرت تطلب الطلاق , الله يعينها تخسر لك مهرك , وهذا شرعا متعاارف عليه , ولا رااح يكون طفلك أول أو آخر طفل أبوه وأمه منفصلين ,ولاتضيع عمرك وراء وهم الإنتظاار والأمل أبحث عن زوجة صاالحة وتأنى في الأختياار وأستخر الله وأسأل عن البنت وأهلها والله يكتب لك الي فيه خير . أما أنها تحتفظ بصورةزوجها السابق أختلف مع الي يقول للذكرى , لأن مثل ماهو حرام يحتفظ بصورة بنت هي بالمثل مايجوز تحتفظ بصورة رجل يعتبرأجنبي عنها. أخوك المفروض يكون له دور لأنه هو السبب في هذا الزوااج . صرراحةماهضمت موضة كل ماتركت إمرأة زوجها قالوا من الحمل أنا ماأنكر أن هناك حالات فردية لكن مو الجميع,الي تبي الستر والأستقرار تستحمل وتضحي . ونصيحة أمسح الصور الي عندك لله وأي علاقةمحرمة أتركها لله وأن أغواك الشيطان وأنت تمر بها الظروف فقل أني أخااف الله , وتذكر دائما أصلح مابينك ومابين الله يصلح مابينك وبين النااس , ومن ترك شيئا لله عوضه الله خير منه . |
عند قراءتي لموضوعك جاني إحساس إنهم حاطينك ( كبري ) حتى ترجع لولد خالها ..
والسبب : أنكم توكم متزوجين وتطلب الطلاق ولا ذكرت سبب للطلاق لأن الطلاق غالبا يكون بأسباب وغير هذا أول مره أشوف أهل يساعدون بنتهم على الطلاق ولا عندهم أي مشكلة وأنت تقدر تتأكد بنفسك والله يصلح الحال |
طيب وهل ستقول عادي اذا شفت صورة رجل في جوال زوجتك وتحته كلمة احبك
واتصلي فيي وقت توصلك الصوره وتبرر لك انها كانت تعرفه عن طريق الجوال فقط اخبرنا هل ستقول عادي ما فيها شي مثل ما تبرر لنفسك وتقول عادي |
| الساعة الآن 09:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©