|
أنا وزوجي وبطاقة الصراااف ...... الى متى !!!
السلام عليكم ورحمة الله وبركاته اعضاء وعضوات المنتدى الأعزاء
احيانآ الوظيفة تكون نقمة وليست نعمة الحمدلله كما ينبغي لجلال وجهك وعظيم سلطانك انا موظفة وبطاقة الصراف الخاصة بي مع زوجي اعترف اني اخطأت اني عودته عليها وتركتها معاه بس خلااااص الى متى كم مره اكلمه يرجعها لي وكل مره يوعدني ويخلف او يعطيني البطاقة ويحتاج يقوم ياخذها مني ولايرجعها وهكذا هو مو مقصر معاي بشي بس انا من حقي تكون لي خصوصيتي كل ما افتح معاه هذا الموضوع يتحجج بأن كل شي غالي واننا نصرف فوق المعتاد وماعرف ايش قلت له نفقتك علي واجبه حتى لو كنت موظفه ومالي كله لي الا ان عطيتك برضاي فهذا شيء راجع لي ... ولاتعلييييق منه مره تمشكلت معاه وصرخت فيه هات البطاقة الى متى !! واخذتها منه وهو عطاني ما قال شي بس بعدها عاقبني نفسيا ومعنويا وضيق علي وصار مايكلمني والله كرهت بطاقتي وكرهت وظيفتي وتمنيته يطلبها عشان يرجع يكلمني بنفسيه حلوه زي اول ... بس هذا مو حل من حقي اتمتع بخصوصيتي وتكون بطاقتي معي مره كنا امام التي في وكان هناك اخد المشائخ يتكلم عن وجوب النفقة على الزوجة وان كانت موظفه مالها لها وعلى طول زوجي غير القناة طالعته وابتسمت قلت ليش غيرتها كلام الشيخ منطقي وهذا الصح ولا رد علي ... اعترف اني غلطانه واعرف انكم بتلوموني زي ما لاموني صديقاتي لكن انا ابغى الحل الآن بنظركم ايش التصرف السليم اللي يخليني آخذ بطاقتي منه بدون ماتحدث مشاكل وتشين النفوس حاجه مهمه لازم تعرفونها ... اني كنت ما اهتم ابدآ بالبطاقة انها تكون معاه او معي بس صديقاتي واهلي واخواتي لاموني كثيررر وقالوا ان الرجال ما لهم امان :confused: الى متى انتي ساذجه خذيها وخليها معك على طووول والرجال يدبر حاله ويتصرف وانا بصراحه ضد هالشي لان الحياة تعاون لكن اللي مخوفني كلامهم ان الرجال ما لهم امااان حتى لو وثقتي فيه اعتذر للاطاله .. انتظرركم |
يا اختي اذا زوجك بحاجة وبتصرفوها ع البيت و مو منقص عليكي شي لا تسوين مشاكل بالعكس الحياة تعاون ولا تعملين مشاكل عشان الفلوس ترى انا وزوجي مو بس الفلوس نفتح ايميلات بعض ما في خصوصية بين الزوج وزوجته
|
اقتباس:
|
لكن الناس واولهم اهلي وصديقاتي يلوموني ويقولون الرجال ما له اماااان
والله لو تطلقتي لاسمح الله اول من يتشمت فيه هؤلا الناس فكوني على حذر |
طيب عندي اقتراح مادام زوجك حاط عينه على راتبك ومافي امل يترفع عن النظر له
وأنت تريدين أن يكون لك خصوصية فاتفقا على مبلغ معين تعطينه إياه بداية كل شهر والصراف وباقي الراتب يكون تحت تصرفك تحياتي |
والله كلام العضو فارس الكلمات صحيح لا تشمتي احد فيكي واذا يحبك وتحبيه يكون له امان
|
افتحي لك حساب تاني ، و كل ما نزل راتبك .. حولي للحساب التاني مبلغ بسيط
مثلا لو وراتبك 3000 ريال ، فشيلي ألف ريال و حوليه للحساب الثاني مباشرةً من يوم ينزل راتبك و الحساب الثاني لا تقربي منه أبداااااااااااااااا إلا للضرورة القصوى و لا تطلعي للحساب الثاني بطاقة صراف و بكذا ترتاحي مو مشكلة ، يزعل يوم و يومين .. و راضيه بكلمتين حلوين ثم يتعود خلاص |
السلام عليكم ...
هناك قاعدة عامة لدينا أن الرجال مالهم امان ومفروض بطاقتك معك نعم ...صحيح .. لكن لكل بيت استثناءاته التي قد لا تتناسب مع القاعدة ... اللي عايش مع زوجك انتي مش اهلك وصديقاتك .. اللي يعرف زوجك انتي وليسوا هم .. أنتي فقط التي تستطيع تحديد ما إذا كان زوجك ( كفو ويستاهل توقفين معه وتخلين البطاقة معه ) أو إنه ( ماله امان ) لأن الذين حولك قد يكونون يقيسون على ازواجهم وعينات أمامهم أو قد تكون منهن التي تغار من وضعك مع زوجك فلم تكن نصيحة خير ... قاعدة عامة أمشي عليها ..مع زوجك او غيره .. لا تسمحي لأحد ان يملي عليك كيف تتصرفين مع شخص ما ... لأنك اعرف الناس بهذا الشخص وليس غيرك .. همسة أخيرة : هذا الموضوع في رأيي من الخصوصيات ولا حق لأي احد ان يعرف عنه لا أهلي ولا صديقاتي .. أغلقي باب الحديث مع أحد حول هذا الموضوع فلا تنضغطين نفسيا من لومهم دمتي في حفظ الرحمن ،،، |
اقتباس:
المشكله اول هؤلاء الناس هم اهـــــلي ... كثير يحذروني |
اقتباس:
اشكرك لابداء وجهة نظرك |
اقتباس:
|
اقتباس:
اما تكون معاه او معي انااا اشكرك كثيرا |
اختي اسفة انا نصحتك لاني اتعاطفتك معاك طيب اشتري بكل المرتب قطعة ذهب كل شهر او قوليلو انك اشتركتي بجمعية ويوم تاخذينها اشتري فيها ذهب وبكدة ما يقدر يبيع الذهب
|
اقتباس:
كلامك في الصميم اختي لكن حبيت اعلق الهمسة الاخيرة كلامك صحيح ان هذه خصوصيات ولايحق لاحد معرفتها لكن حصلت مواقف كشفت لهم ان بطاقتي مع زوجي |
اقتباس:
وهذا اكبر غلط هذا زوجك اولا بك من اهلك اذا جينا للدين والشرع فنعم لك كل الحق في عدم اعطائه هلله وحده ويصرف عليك غصب عنه ولا له شكر ولامنه عجبه ماعجبه يدق راسه في اقرب صبه لكن انتي اعرف الناس بشريك حياتك وفي نفس الوقت لا الومك لانك اكيد تسمعين قصص عن غدر الازواج بزوجاتهم الموضفات عموما نصيحة من اخوك في الله دائما وابدا تذكري هذا البيت من الشعر وردديه يقول الشاعر اذا كنت ذا رأي فكن ذا عزيمة & فإن فساد الرأي ان تترددا شايفه انك منتي مرتاحه انه ياخذ بطاقتك ومصممه على هذا الموضوع بكل بساطه ارفعي سماعة الهاتف ووقفي بطاقة الصراف وانتهى الموضوع وحطيه قدام الامر الواقع قوليله راتبي احتاجه ماقدر اعطيك منه هلله ادرسي الوضع بكل جوانبه وانتي اعرف الناس بنفسك وبزوجك وببيتك وعلى هذا الضؤ احكمي وقرري ونفذي يقول المثل وجع ساعه ولا وجع دايم وسلامتك |
اقتباس:
اشكرك اختي كيف اشتري فيه كله قطعة ذهب وبطاقتي اساسا معاه وليست معي |
والله كده الحق معاك والله يعينك يبغى يسيطر عليكي هددي بأنك بتتركي الوظيفة وشوفي شو رح يقول
|
اقتباس:
ومن ناحية اني اسمع غدر الازواج بزوجاتهم الموظفات سمعت منها مايشيب له الرأس وبالنسبه لكوني اوقف بطاقة الصراف انا اساسا اقدر آخذها منه لكن اتمنى ان آخذها بشكل ودي وهو راضي ومقتنع كيف ما ادري وشكلكم خليتوني اتراجع آخذها واعود كما انا بطاقتي معاه ولا اسمع لاحد |
اختي الفاضلة
الله يصلح حالكم وتكوني انتي وزوجك متحابين ومتفاهمييين وامووور مثل هذي لاتخرب بيت المحبه والموده المفروووض من زوجك يتفهم الوضع ويعرف انهاا من حقووقك ونفقه عليك واجبه اذا حبيتي تسااعديه دامك بوطيفه اهلا وسهلا اذا ماحبيتي من حقك لكن ماتوقع انه احد يتسااهل وله حق باللي معااك عير زوجك وبيتك ثانياا المفرووض انتي صرتي الاعقل وماتسببي مشااكل معااه بمثل هالشكل وكلمه صحبااتك واخواتك ((لاموني كثيررر وقالوا ان الرجال ما لهم امان )) نظريه خاطئه عند الكثير مو رجل غريب تراا هوو زووجك اخذتي بكلامهم والحين تتمنيين لو يقول اعطيني البطاقه عشاان ترجعوو مثل اول واتوقع واجزم خلاص ماراح يطلبها منك مره ثانيه حتى لو مايلقى مصرووفه ومارح يقبل منك شئ منهااا لكن لابد من التحااور وجلسه مصاارحه مو عيب انتي تبدين في هالمصارحه وكماان مو عيب منه انتو لبعض مدى الدهر ان شاء الله ورااح يرزقكم الله بعائله كريمه فالاموور هذي حرااام والله تخلي جلستك سواا سكووت Xنفسيه تعباانه لاسواالف لا ضحكه لا تعاامل زين حاولو ترتبوو امووركم تزرعو الثقه بينكم دام الله انعمك بوظيفه وزوجك متوظف حاولو توفروو مبلغ ( جمعيه كما يطلق عليها) تحفظكم لليووم الاسود اسال الله ان لايرينا ولا يريكم ولا الجميع ولا اهلينا هذا اليووم هالزمن يقولون ( احفظ ريالك لليوم الاسود) لكن مو تقصروو على بعض لكن بدون اسرااف وخساائر عتبي كل العتب على صحبااتك واخوااتك لما قالوو( لاموني كثيررر وقالوا ان الرجال ما لهم امان ) لاحووووووووول هالكلمه دمرت وخربت بيووووووووووت اتمنى من الله ان يجمعكم على كل خير ويسعدكم ويسعدناا |
الله يكون بعونك ويسرلك كل عسير --- عزيزتي بالكلمه الطيبه بتقدرين تاخذين الي تبينه من غير اي كلفه0- موفقه
|
اقتباس:
والله إذا تبين الصدق انتي واضح ان الناس يعيشون جزء من حياتك كبير , وواضح ان امورك ماشيه بالناس ، يعني حياتك تقريباً مفضوحه ، والا المفروض ما يكون لأحد نقاش معك في مثل هالمواضيع لا صديقاتك ولا أهلك حتى لو عرفوا أن البطاقه معه ، وخيييييييير إذا كانت البطاقه معه وش يدخلهم في أمور مثل كذا .. عموماً أنا اقترح عليك أنك تتفقين معه أن الراتب حلال زلال عليه ( مع ان المفروض أنه يعطيك بطاقتك ويتقي الله ويعز نفسه عن الكلام اللي ماله داعي ) المهم وبعد ما تقولين له أن الراتب حلال عليه تتفقين معه أن أي ريال ياخذه من راتبك تسجلونه ، علشان انتي تضمنين حقك في حال أنه طلقك الله لا يقدر .. وعموماً هذي حياتك وانتي اعلم بحياتك وزوجك وشوفي اللي يريحك لان ما تسوى هالبطاقه تسبب بينكم مشاكل وشوفي اللي يصلح لك وسويه خصوصاً انك تقولين انه مو مقصر في شي ابداً واللي تطلبينه تجدينه ، لكن المفروض انه ما يقول مصاريف البيت كثيره ولازم اخذ من راتبك لان هذي مشكلته وامر واجب عليه مو عليك .. موفقه |
الغيها وطلعي بدل فاقد ............ بس هاه ترا فيها مشاكل :)
|
إنتبهي أختي كثر الدق يفك اللحام وكثر الزن يخرب البيوت إذا كان زوجك يحبك وتحبيه وأنت عارفته زين فليش تستمعين لكلام الناس بلا أهلي بلا صحباتي حطي عقلك براسك ولاتخلين أحد يتدخل بحياتك
والرجال ماهم سوى وأنت أعرف بزوجك وتصرفاته وأنت أدري فين ينفق هلفلوس بعدين طلبتي شئ منه وما عطاك أختي الحياة تفاهم والفلوس وسخ دنيا وأهم شئ الراحه النفسيه والتفاهم والعيشه بسلام هاذا شريك حياتك والله فلوس الدنياكلها ماتسوى رجله وأنا أشوف إن لوإنت واثقه بزوجك وماليه يدك منه وشايفته كتاب مفتوح قدامك فليش الخوف منه بالعكس إعطيه الثقه خافي من زوجك لوكان إنسان غامض في تصرفاته وصاحب خرابيط وأمور ثانيه هذا خذي صرافتك منه للأبد أنت أعرف بزوجك وشخصيته يا أختي ماتصلحه مشاحنات ومشاكل ونرفزه علشان هذا الموضوع وأنت بتعاملك وطيبتك تقدري تقنعيه بلي تبغينه وأنتم جالسين تبنون مستقبلكم فليش تخلين غيرك يهدم ما بنيتيه والرجال ماهم سوى طالعي أصابعك ماهي سوى وبالنسبه لصديقاتك ذولا الله يعينك عليهم أهلك لوتدخلوا ذولا أهلك بس صديقاتك بصراحه هاذي لقافه ماهي نصيحه وأنتي شكيتي لهم علشان يتدخلون بحياتك أختي بعض الصديقات مثل الحرباء لها سبعه الوان وتصطاد بالماء العكر إنتبهي يمكن أنت مرتاحه بحياتك مع زوجك ومبسوطه وذولا حسد وغيره ذبحتهم منك أنا صراحه سمعت مره إن فيه معلمه كان دايما اصراها عند صديقه لها بلمدرسه معلمه وكانت بينها وبين زوجها مشاكل كان تقول لها عليهاوصديقتها تكيل لها النصايح واحده تلوى الأخري حتى وقع الفأس بالرأس وطلقها زوجها وما أكمل شهر حتى تقدم لصديقتها ووافقت عليه وتزوجها فإنتبهي أختي فاقد الشئ لايعطيه سكري أذانك وإللي يسأل عن صرافتك جاوبيهم معي وليش تسألون مدام إنه ماناقصك شئ ليش تنكدين عيشتك وبعدين لوشفتي زوجك من النوع إللي مايحفظ الريال طلعي لك قرض من البنك وإلا سوي جمعيه بمبلغ طيب وإشتري لك أرض بإسمك وخليها هيه لاتاكل ولاتشرب معاك خليها للمستقبل بعدين الأرض سعرها فيها ويزيد كل ما أرتفع العقار إللي بالمنطقه وبكذا ماخسرتي شئ وخذي مصاريفك والباقي من الراتب خليه ياخذه ولاتضايقين خاطرك بشئ مدام إنه زوجك بيدك ماعليك من أحد إنتبهي لبيتك وحياتك ولا تسمعين لكلام لايودي ولاكن يجيب التعاسه والشقاء لنفسك ولبيتك أختي أنا لست موظفه ولاكن الحق يقال أقسم لك بالله إن زوجي موظف وراتبه عشرة آلاف ريال وإنه فاتح لي رقم حساب لي وصرافتي معي ودايما أول ماينزل الراتب عنده هاتف مصرفي يقول لي حولي إللي تبغينه من الراتب لحسابك رغم إن عليه أقصاد للبنك والله إني أدخل جمعيات وأودعها بحسابي ووقت مايطلب صرافتي ياخذها أعطيه يسحب إللي يبغاه ويرجع الصرافه والوصل معها بلمبلغ إللي سحبه وأقسم لك باالله العظيم إن كل حساباته أعرفها وحتى الهاتف المصرفي زوجي مايعرف رقمه لوبغى يحول أو يسدد أو يستفسر عن شئ أنا أدق له الرقم وهو يكلم الموظف لأنه ممنوع يتصل غير صاحب الحساب بس تحويل وتسديد أنا أحول وأسدد لأنه آلي حتى لوجيت بعطيه رقم الهاتف المصرفي يقول لي خليه عندك أنا الصرافه تكفيني وبصراحه بالتفاهم والحب تقدرين تاخذين راتبك وراتبه بعد لا وهو يضحك ومبسوط بس متى أقولك متى ما حطمتي الحواجز إللي أنت حاطتها بينكم وكل شوي عطني صرافتي ولوزعل رجعتيهاله أختي الله يهديك هذا رجال كبيرموجاهل كل شوي هات وشوي خذ وأنتي كل ماقال لك أحد الرجال مالهم أمان جيتيه هات وكل مالاحظتي تغيره أعطيتيه ليش تخلين الماده والصرافه عائق لحياتكم وسعادتكم بإمكانكم المشاركه في بناء منزل مع بعض أو إفتتاح مشروع يكون لكم دخل مادي من ورائه وهذا زوجك وأبو أولادك بلمستقبل فشئ أكيدمابيصرف كل فلس إلا في طريق سعادتكم ولنا في السيده خديجه رضي الله عنها أسوة حسنه فقد جعلت تجارتهافي يد زوجها النبي محمد صلى الله عليه وسلم ولم أقرأ في يوم أنهاقد حاسبته علا شئ أو جرحته بشئ اوسمعت كلام صديقاتها أو أهلها رضي الله عنها وأرضاها أختي إذا كنت لست بواثقه في زوجك وتحسين بأنه فعلا يمكن يبيعك برخيص فهنا خذي صرافتك بدون ماعاد تعطيه إياها وإصرفي علا نفسك ووفري منها لأنه شئ أكيد ماراح عاد يلتفت فيك وعندك راتب حتى لوزعل وعصب إتركيه بعدين يرجع يهدى أما إذا كان إنسان قلبه طيب ويحبك ومعطيك كل شئ فنصيحتي لك إنسي أمر الصرافه وعيشي حياتك بلا منغصات ولاتسببين شرخ في حياتك الزوجيه ماعاد يتعالج مع الوقت بل يزيد ويكبر ولاكن يأختنا الكريمه إن شاء الله إن زوجك رجل طيب وفيه خير لك وعسا الله أن يهديكم ويصلحكم لبعض ويارب يبعد عنكم كل مفسد ومن أراد بكم شرا جعل الله شره في نحره وأستودعك الله الذي لاتضيع ودائعه. |
كانت اختي نفس وضعك وشد وجذب في الكلام وقلة رااحه مع زوجها
الين جا اليوم اللي قررت واخذتها وكل واحد عرف اللي له واللي عليه وطبعا ماجات برضاا الا بزعل وفترة خصاام وفترة وعدت هالشغله وطبعا هيه تصرف معاه في البيت وايجار البيت والاطفال بس حقها لها تعرف اذا تقدر تصرف والا ماتقدر واحيان ماتصرف شئ على حسب مايكون معها والشغاله عليها والسواق حقها ومصاريفها من الى هيه بتجي بزعل بس فتره ويروح لكن تعالي له بهدوء ورواق وناقشيه واقنعيه انو هالشئ المفروض يكون بيدك وانك مو مقصره بتصرفي على نفسك وبيتك وعيالك بس زي ماهوه ماسك بطاقته انتي تمسكي بطاقتك اقنعيه انو لو فرضنا انك اخذتي بطاقته وصرتي تصرفي منها ولا ترجعي له في شئ كيف شعوره وقتها وهوه ماياخذ شئ منك .. لازم يحس بالموقف ويعييشه عشان يعرف قسوته عليك على فكره انتي اعرف مننا بنفسية زوجك واذا بيكبر السالفه والا لا فكري في الموضوع تماام وربي يهدي سركم ويريح بالك موفقه بأذن الله |
مهما كان الاستقرار والأمان بين الزوجين بطاقتك يجب أن تكون معك
وانتي اصرفي على نفسك وساعدي بشئ بسيط في البيت حتى يرضى ويحس نحوك بالايجابية ولكن بطاقتك وفلوسك تحت تصرفك وحاولي انك تجعلين لنفسك وباسمك شئ للمستقبل حسب قدرتك المادية ارض أو عقار |
مهما كان الزوج طيب او لئيم
ووفي او خائن وخلوق اونكدي ومثالي ولا فيه مثله بالدنيا او او او(((بطاقتك خليها معك)))) صرافتك تحت يدك قولي اللي تامر عليه اعطيك اياه واذا انزنقت مايفزع لك الا انا وابشر اساعدك باغراض البيت .... وحتى لو زعل وتضايق ...قولي ياحبيبي انا اتعب واكرف ومن حقي مليون بالميه يكون راتبي تحت تصرفي ماعليك انتي اصملي واصمدي امام هذا الجفاف والزعل بيجي يوم ويتعود وترا معك حق لاتخافين بس هااااااااااااه انتي لاتقصرين عليه وارجع ازيد واقول بطاقتك تحت يدك وخذيها منه بالطيب والاسلوب الحلو مو بالخصيمه وبالتوفيق |
أنا أشهد أن الرجل اللي مثل زوجك ليس له من الرجولة الا اسمها , من يقتات على حساب زوجته ..
|
أختي
إنت قلتي زوجي ما يقصر معاك في أي شئ تكتبي لنا إذا ما عندك مانع ؟ كيف ما يقصر معك ؟ هل زوجك كريم معك ؟ هل زوجك يعطيك مصروف ؟ هل حياتكم مستقرة ؟ فخلينا نركز على جملة إنه ما يقصر معك حتى لا ينخرب بيتك لا سمح الله بسبب بطاقة صراف |
بطاقتك لازم تكون معك
وانتي لو حسيتي انو البيت ناقصه شي تجيبيه مو البطاقه تكون معاه عن نفسي اعرف الرقم السري لبطاقة خطيبي بس هو مايعرف ومستحيل يطلبه او يخليني اقوله هذي خصوصيات بس انتي الي وصلتيه الى هنا حاولي اكثر من مرة وخلي البطاقة معك وقوليله اي شي نحتاجه انا اجيبه مارح يتغير شي |
الحياة الزوجية ليست قائمة على المصالح المادية و إذا قامت على ذلك فإنها سريعة الانهيار وإذا كان الرجل طامع في مال زوجته مع الأسف ما يصلح زوج لذلك بادري بأخذ البطاقة بطريقة دبلوماسية و لو استمر على هذا الحال عشرين سنة لأنكر الجميل في يوم واحد
و لابد أن تعوديه على أن يعتمد على نفسه و أن تكون علاقتكما تقوم على شرع الله و إذا قضاء الله و رسوله أمرا فليس لهم الخيرة بعد ذلك و يجب عليك أختي العزيزة أن تحافظي على بيتك أشد المحافظة و لا تشركين زميلاتك أو أخواتك أو أمك في شؤون بيتك لأنهم يحكمون على الظاهر و لا يعرفون الباطن |
اعملي حساب البنك مشترك وطلعي بطاقتان واحده لك وواحده له
ولكن انا عن نفسي بعد عشرين سنه اخذت حسابي وحولته لحساب آخر زعل وضرب راسو بستين حيط وحاليا رضي وصار تحت الامر الواقع كفايه زل يصرفو من مالنا ويمنو علينا ويزلونا فوقها رح يزعل مده شهر اثنان ثلاثه ويرضى ثم حاولي تدخري انتي اليوم بصحتك وبعز شبابك فكري للمستقبل البعيد الشيخوخه اما عقار تستفيدي منه او دكان اولادك سيكبرون وستزيد طلباتهم فكري لبعيد البعيد لعمر الستين وما فوق يكونو الاولاد كبرو وتزوجو وانتي لوحدك وتقاعد من العمل وانتي لم تعملي حساب للزمن والشيخوخه انا آسفه انما اتكلم من واقع مرير وقعت انا به قسمي مالك لثلاث لك ولبيتك وللزمن |
سبحان الله طول عمرك البطاقه تحت يده ولما اخذتيها زعل وجافاكي وتعب نفسيتك
قمة الانانيه ونكران الجميل نسى انها في ايده كل هذي السنين نصيحه خذي البطاقه وخليه بيزعل فتره وبيتعود وفلوسك خليها لكي افضل وهو ملزوم يصرف عليكي وعلى بيته واساسا حيبان معدنه من ردة فعله لان الرجل الرجل لايقبل ان يعيش على مال زوجته الله يصلح الحال ويوفق بينكم |
كلام اخت قريين مضبوط الله يجزاها كل خير ..
وانتي اتصرفي بذكاء مثلآ قولي ودي اخذ راحتي ودي بالبطاقه تكون معي واسوي فيها اللي ابي انت عندك بطاقتك!! وش تبي فحقتي وانت كريم وراتبك قدنا وزياده ومن هالكلام حسسيه انه غني عنها .. او.. قولي اختي محتاجه سلف وبعطيها بطاقتي من زمان ودي اوسع عليها وانت ماشاء الله راتبك كثير وقدنا وهي ياعمري عليها ويكون فعلآ اي احد محتاج وودك تساعديه ابدئي بالتدريج انه يستغني عنها .. او.. ودي تستغني عن البطاقه عشان أأمن لولدي فلان سيارة بحيث انه يوديني ماينفع فلوسنا اثنينا تطير مانستفيد منها.. والله يا اختي اذا مانفعكمان معه وان شاء الله ينفع علىقولت الاخت شهر شهرين ويرضى اهو اللي محتاجك.. |
اقتباس:
|
اقتباس:
مع اختي الكريمه روح الطير ... وضحي لنا حبيبتي ماذا تقصدين بأنه ما يقصر معاك ...؟ |
اقتباس:
لإنه خطر في بالي ، إنه فرضا أخدت البطاقة منه .. هل راح تضمن مستقبلها ( الزوجي و العاطفي ) معه ؟؟؟؟ صح راح تضمن مستقبلها المادي بإذن الله و مافي شئ مضمون في الحياة هذه أصلا لكن في نفس الوقت ، ما راح تضمن السعادة معه .. إيش اللي راح يرجع السعادة لها ، إذا فكر وقتها إنه يتزوج وحدة موظفة و تقول له أعطيك البطاقة في يدك ؟ ما نقدر نحن الأعضاء إننا نحكم ، زوجها إيش طبعه و تفكيره ؟؟؟ هي قالت ما يقصر معاي ؟ يمكن البطاقة في يده و في نفس الوقت موفر لها أشياء فوق اللي في حسابها ؟؟؟ سؤال : هل كل وحدة متزوجة و بطاقة الصراف في يدها .. قدرت تضمن لنفسها سعادة زوجية ؟؟؟؟ - سمعت مرة بإنه هناك طبيبة كبيرة في العمر ، تقول خذوا شهاداتي و فلوسي بس أبغى زوج علشان أشيل طفل في حضني ،، فالفلوس مو كل شئ الفلوس علشان ( تسعدنا ) و لو بتجلب التعاسة لنا ،، فمانبغاها .. يعني عشان أكون منصفة ، لو أختي مكانها .. أكيد بأنصحها إنه خلي بطاقتك في يدك من خوفي عليها و حبي لها .. بس هي دورها إنها توازن الأمور بنفسها و ما تسمع أي شئ ينقال لها و مع العلم إنه لي حساب و كانت أمي نفس الشئ تنصحني و لحد اليوم إني أوفر للمستقبل كنت بأخرب بيتي بسبب النصايح هذه .. لإني كنت أقيس حياتي مع حياة الاخرين و أقول خلاص ، أي رجال يصرف على زوجته .. خلاص أنا كمان ، و هذه حقوقي ووو إلخ بعد كذا فكرت مع نفسي ؟ لو صار شئ لا سمح الله لزوجي ..؟؟؟ هل فلوس االدنيا راح ترجعه ؟؟؟ لو شريت أرض و أملاك ووو إلخ ، و خسرت زوجي و استقرار عايلتي هل الفلوس بترجعها ؟؟؟ شايفة زوجي يوم يكون معاه ، ما بيقصر معايا و لا على البيت بس بطاقتي الصراحة في يدي و مرتاحين كذا :) عن نفسي ، و كل وحدة حياتها مختلفة عن الثانية فبأشيل جزء و أصرف على نفسي و أساعد في البيت ( طول ما زوجي بيصرف عالبيت ) |
اقتباس:
|
يا اختي ..
طالما لم تشطرتي علي زوجك قبل الزواج ان مرتبك لك .. فله الحق ان تساعديه براتبك دون تذمر .. بل هو حق له عليك .. و الله اعلم |
اقتباس:
هي حرة بمالها سواء اشترطت أم لم تشترط وهو عليه عدم التذمر |
أن يكون راتبك تحت تصرفك هذا من كامل حقك .. وتأكدي إذا تنازلتي عن حقك بإرادتك فسيأتي يوم تتنازلي أكثر رغما عنك ..(إسألي مجربة )
|
| الساعة الآن 05:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©