|
خطيبتي خجولة كيف اتصرف معها
السلام عليكم ورحمه الله وبركاته
صبـــــاح /مســـاء الخيـــــــــر عندي موضوع وحتاج منكم تساعدوني خطيبتي اللي هي زوجتي يالبا قلبها فديتها اكلمها وعطيها من الكلام المعسول لين اغرقها وهي بس تسكت ولا وانا اتكلم تقول احبك يا عمري بس يعني ما تقول غير هالكلمه وبرسائل فيها جريئه مره كلامها وحركات خطيره مره بالمسجات وقولها ليش هالكلام ما تقولينه لي يوم اكلمك تسكت وانا اعصب وقول انا زوجك يعني عادي الوضع تقول عارفه بس يوم اكلمك يضيع الكلام مني وانا اللي اسولف طول المكالمه وهي تسمع وقولها سولفي تكلمي اي شي قوليه تذكرينه مر عليك ما تسولف ابد وش اسوي فيها قولولي ما تدق علي ابد رسائل لا غير وانا مقهور ودي تدق علي خلاص يمكن لنا شهرين يعني خلاص ما مداها تعودت علي ومكلماتنا كثيره والزواج بعد فتره قصيره كيف اخليها تتجراء وتسولف عن حياتها وتقول اللي بقلبها وتدق علي شفولي حل |
اخي البنت بطبعها خجوله ...... وطالما تجرئت معك بالرسايل راح تتجرئ معك بالمحادثه فعليك بالصبر ...... انا مثلها لا اتكلم بكل شي نوعا ما خجوله لقد تلقيت الكثير من النصائح بعدم الجرائه بالحديث ربما هي كذالك _ فلا تجعل هذا عائق بينكما ربي يتتم السعاده بينكم .......
|
نعم المرأة خطيبتك هذه من أجمل الاشياء في المرأة الانوثة والخجل فهذه امرأة مربينها أهلها على الطهر والعفاف والستر
ولم تتربى على قلة الحياء فتصرف خطيبتك هو الصح |
طبيعي يااخوي خجل خطيبتك يعني شهرين مدة قصيرة
لا تتطلب منها شي صعب تسويه هالفتره خلي الامورة والكلام يجي لوحده |
طبيعي جداً
و الشي المو طبيعي انها تكون جريئة بالكلام من أول علاقتها هذا يدل على حسن تربيتها كيف تريد فتاة اعتادت على الخجل و الأدب مدة 20 سنة على الاقل (حسب عمر خطيبتك ) و تأتي بشهر تصير تتكلم بأمور جريئة و تغازل شاب تعرفت عليه بفترة قصيرة (شهور) صحيح انك زوجها و حلال بس الأمر صعب كتير على البنات اصبر << الصبر حل مشكلتك |
الامر جدا عاادي وكنت زي خطيبتك في الرسايل اتجرأ معاه بس في المكالمه يطير كل الكلام
وعن نفسي انا ماتجرأت عليه الا بعد 8 شهور من الملكه وهو تعب معايا وصبر عليا((كان يقول صرت أكره كلمت استحي )) والله يضحكني لما يقولها واحزن عليه بس اش اسوي كدا طبيعتي يعني مو معقول من البدايه اتجرأ عليه في كل شئ كمان انتوا اصبروا شويا يعني مهما كان البنت مو زي الولد تتجرأ بسرعه |
قد يكون خجل بالفعل .. وقد يكون لأنها ما تحتاج لأن تبذل ما لديها لأنك متوفر فليش تكلف على نفسها
فلو أنك عاملتها بالمثل أكيد راح تتحرك وتبذل لكنك متوفر وسهل فليش تتعب نفسها |
والله لو سولفت وضحكت وووو جيت تقول جريئه وشكلها متعودة ومن هالكلام يعنى انتم مافيكم فايدة لاكذا عاجب ولاكذا عاجب
|
اقتباس:
اولأ يعطيك الف عافيه لتفاعلك مع الموضوع بس صارنا شهربن وكل ثلاثه ايام اكلمها حول اربع ساعات يعني ما عاد صار خجل ذا وتتكلم معي بس بعملي شي فيني انا ابي هي تقول للي لها فهمتي يعني تسولف عن نفسها تصب اللي بقلبها لقلبي |
اقتباس:
اناعارف اجمل ما فيها الانوثه والخجل لبا الانوثه والخجل كلامك صح ومتاكد منه بس ما تشوف انها خلاص ومسجات ومكالمات كثيره وزحف وزحفان ههههههه يعني انكسر حاجر الخجل شهرررررررررررررررررررررين ما تتجراء ودق علي وتعطيني ما في قلبها لي |
اقتباس:
شهرين مده كافيه اشوفها لاني اكلامها كثير فهمت انا احسها تحاول بس المشكله ما تطلع منها الكلامه وانا اجيها بالكلام ابغاها تتكلم بس تضحك تقول ما تطلع معي هههه وتجلس تضحك <<ترفع ضغطي قسم بالله بس ربك يعني وتتحسن الامور انشاء الله |
اقتباس:
صحيح بالبدايه ومالومها وهي طبعها حساسه وخجوله يعني اشياء حلوه فيها تعجبني بس ودي تكون تناقشني بالمواضيع االي اقولها يعني تسكت مره حتى في ذي وصدقت مالي الا الصبر والله يصبرنا |
اقتباس:
هههههههههه ليه يطير في البدايه صح بس خلاص الحين اتوقع انها ما يستاهل اكثر يعني وانتي بعد ثمانيه اشهر يؤؤؤؤؤؤؤه يؤؤؤؤه ليش كل ذي المده طووووووويله خجوله ولا ما عندك شي تقولينها خخخخخخخخ بعدين تستحين من زوجك ليش عادي حلالك وانتي حلاله وفاعمه زين ليش تستحين وتتجراين بعد هالفتره الطويله صراحه لو انا تتول معي يمكن معاد اكلمها الا اذا قرب الزواج اكيد بمل وطفش من اسلوبها هذا لاكن الله يصبرنا ونشوف تاليتها |
اقتباس:
انا متاكد انه خجل وبقوووه بعد ودها تقول بس ما تطلع الكلمه منها احسها كذا يعني اطنشها تشوف لفتره ويمكن تتحرك وتتجرا احسسها باني مليت من هالاسلوب اللي تسويه معي حلو كلامك خيووو الظاهر الي بيصير كذا يا انها تتجرا او تطنيش للزواج وحده منها والله يعطيك العافيه |
[QUOTE=اة ياروحى انا;2511379]والله لو سولفت وضحكت وووو جيت تقول جريئه وشكلها متعودة ومن هالكلام يعنى انتم مافيكم فايدة لاكذا عاجب ولاكذا
صح في البدايه يمكن انا معك في اللي تقولينه بس هالفتره اللي عدت وكثر المكالمات ما يخليها تتكلم بشي مره بس كلمتين وليت مليت خلاص انا ينشف ريقي من كثر ما اسولف ياليت لو بس شوي يعني على الاقل بلي يصير معها في الدراسه اي شي تحكيه لي بس ربك يعين ويصبرنا |
والله انك عجل وانا اخووووك ...... أنا لي حوالي 7شهور والحياء والخجل يزوووووووووووووود ....... بس وش نسوي هذي طبيعة غالب البنات وماااااااااااااااااااااااالنا الا الصبر...... الله يوفقك ويسعدك يااااااااااااااااااااارب ........ |
اقتباس:
والله ياخوي ان احس لا زاد الزود عن حده من هالخجل مله داعي والله العظيم شي يقهر اذا لك شهرين وتديرها مكالمات خمس اربع ساعات كل ثلاثه ايام وغير للي قبل النوووم ومكالمات ضحك ونكات وجد وكل شي ماخلي شي ماقوله ابغاها تتعود وتصير تسولف بس تعبت وطفشت مره بديت امل والله يعني ماتشوف انها خلاص مده كافيه شافيه تعطيك كل مافي قلبها وتبادلك المشاعر مادري بس بسحب سحبه عليها عشان تعرف ان الله حق هههه |
هههه والله نفس الوضع مع خطيبي بس انا لي اربع شهور..
استحي ادق عليه واستحي اقوله كلام حللوووو وهو يقول نفس ماتقول لخطيبتك وترا كل هذا خجل عادي مع الوقت يروح والله يوفقك |
الله يوفقكم ويسخركم لبعض , الحياة قدامكم والبنت الخجولة شي طيب في هالزمن , وعلى فكرة أنت الان تتكلم وهي ساكته خجل ,وبعديييييييييييييييييييييييييييييييييييييين هي المسكينة الي راح تتكلم وانت ساكت تعطيها من الكلام الزين بالقطارة وهذااااااا حالكم يالرجاجيل . ليت كل شيء يبقى مثل أيام الملكة , أيام الأحلام الوردية .
|
مساك الله بالخير
اقول احمد ربك هذي تقولك (احبك ياعمري) وتقول انها ترسلك رسائل هاذي تهون عند الي عندي شيبت براسي وزرعت نخله فيه من خجلها اصبر يارجال ولا عليك كل البنات خجولات وتبي شوري تبيها تحس فيك اسحب عليها سبوع بس لا مكالمات ولا رسائل وشف وش يجيك راح تترجاك ترد عليها بعد فترة العقوبه ارسلها رساله (( انك انحرمت منها شي واحد وهو الكلام الحلو ابي اسمعه من صوتك الساحر انا محتاجه )) ارسلها وشف ردت فعلها وبعدين دق وقعدو ساكت وشف وش تقول لك وبالتوفيق |
اقتباس:
وربي احسسسسسسسسن حلللللللللل :):d ترا كلللنا كذا انا زوجي خجول لاكن يسووولف عن شغله و كان يقللي فترة الخطوبه : متعطش مره لسوالييفك ولا فيه فاايده ههه ماراح الخجل الا بعد الزواج بفتره طويله كمان عانييييت وربي ههههه |
السلام عليكم
اخي الكريم هناك شىء لا ادرى لما نختلف فيه معكم البنت بطبيعتها خجولة خاصة ان لم تكن لها تجارب من قبل من الصعب جدا ان تحصد كلمات منل في هذا المجال حتى وان كان زواجا لها شرعا.....البنت تختلف من واحدة لاخرى ...وخطيبتك يوجد منها الكثيرات والله لا تستعجل اخي وامنحها فرصة والحياء هو الذي يمنعنا لاغير شهران ربما فترة قصيرة لخطيبتك ولاتقارنها باخريات لان كل وحالتها الخاصة كما قال الاخوة احمد الله انها تكتب لك في الرسائل ومع الوقت ستسمع اكثر ان شاء الله اطمئن طينتها طيبة اسال الله ان يوفقكما اذا فانا ظالمة لخطيبي مقارنة بكم |
| الساعة الآن 04:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©