|
جالسه لوحدي وقتلني التفكير وقلبي بينجلط من الهم
السلام عليكم
اخواني أخواتي انا مرررررررره مهمومه نفسي أحد يواسيني انا من النوع اللي ماأقول لاحد اي شي عن حياتي الخاصه خصوصا أهلي ارفض انهم يعرفون عني اي شي ,, عشان كذا قلت مالي إلا إنتم الله يخليكم لي يارب ويكثر من امثالكم السالفه ومافيها ان زوجي راح للدمام شغل لمدة 6 أيام وطبعا إذا راح للدمام لااااااازم يروح هذيك الديره ........... المهم زوجي الحمد لله طيب وكريم وحنون ومافيه عيب بس مشكلته عمله ,انا ماني معترضه على سفره بالعكس دايم أشجعه واهون عليه وهو سفره طبعا داخل المملكه مايروح برا نهائي الحمدلله بس المصيبه الشرقيه لازم يروح لها 3 مرات بالسنه وكل مره 5 او 6 ايام وخلال هذي الايام لازم يروح مره وحده لل................ يروح لها من الساعه8 بالليل ويرجع الساعه 2الفجر وانا بمووووووووووت من القهر ماأقدر امنعه لانه من النوع اللي يعصب ويزعل وبيقلب السالفه علي أنا والله مااغار عليه انا اخااااااااااااااااف عليه من الفساد اخاف يجيب لنا مصيبه ولا شر بس كيف اتفاهم معاه ماادري !! وربي حتى تليفون مادق علي من أمس هو كذا إذا خلص شغله العصر ينام شوي وبعدين يقوم ويروح لها وماعاد يدق علي الا ثاني يوم طيب وش يمنع إذا دق وسأل عنا انا وعياله وقالنا إنه رايح حتى ثاني يوم إذا كلمنا أسأله أقوله كيفك حبيبي وينك امس مالك حس ولاخبر والله وحشتنا يقول وربي وإنتو اكثر وبسسسسسسس مايقول إنه راح وإذا رجع شفت جوازه ألقاه رايح ! استغرب احيانا تجيني وساويس انه رايح لشي غلط وحرام عشان كذا مايبغى يقول انه راح ! لانه لو مافيه شي كان قالي إنه بيروح ! آسفه طولت عليكم بس وش اسوي جالسه لوحدي ومهمووووووووومه قلت افضفض عندكم ,وأرجوكم لاحد يقولي سوي له جو ويمكنك مقصره ,لاني والله العظيم اني مو مقصره معه بشي اعامله باخلاق ورومانسيه بزيااااده طول مااحنا قاعدين وهو بحضني اعامله مثل الطفل وغير نظافة بيتي واهتمامي باولادي وروايح العطور والملابس المغريه والليالي الحمراء ووووووو وربي شاهد ونسيت أقولكم انا زوجي مره وحده قبل 7 سنين راح دوله عربيه واكتشفته يدخل مراقص ومكان ثاني قذر الله يهديه يارب واعتذر وبكى والنوم ماعاد نام اسبوع كامل لانه مستحي من نفسه قدامي والحمدلله ربي هداه وماعاد راح مكان. ارجوكم اللي عنده كلام فيه خير يهون علي يقوله أما اللي بيدخل يجرح او يزيدني رجاءً يضغط بالماوس على الخلف الله معاه |
ما فمت شو يعني النقط وهالمنطقة منطقة شو
انتي ادعي له واستودعيه عند الله سبحانه وتعالى اكثري من الاستغفار انا معك انو الحرص واجب ولكن ما تشدي كتير ولا ترخي ثم ما هذا المكان مش فاهممه انا |
اقتباس:
عموما مشكوره ياعسل أسعدتني مشاركتك |
مدام ايمان اعتقد ياعزيزتي ان زوجك يشرب للاسف . والمشكله ان الي يشرب يتوقع منه الاسواء خصوصا خارج المملكه . والغريب انك ماتعرفين انه يشرب بمعنى انك لم تلاحظي عليه اي ملاحظه او رائحه للمشروب . اتمنى ان اكون مخطي . عليك اخذ الحيطه والحذر فكم زوجه اصيبت بالامراض بسبب سكوتها على اخطاء زوجها خصوصا الاخطاء القاتله . وعندما اقول سكوتها فلا اقصد ان تتهاوش مع زوجها وتخرب بيتها ولكن هناك اساليب جعلت مدمني المشروبات والمخدرات يعودون الى صوابهم والى احضان زوجاتهم واولادهم .اوصيك بالحزم في الحق . سيدتي الرجل ملك لزوجته جنسيا بشرع الله ولا يجب ان يتعدى على حقوقك الا بشرع الله وكتابه . اما من يسرح ويمرح ولا يبالى اين يقذف شهوته فذلك والله على خطر عظيم على نفسه وعلى اهله . هنا لااقصد زوجك انتي اختي ايمان بالذات ولكن لكل الاخوات , اسال الله ان يحفظ لك زوجك ويرده اليك سالما ويصلح حاله للافضل . دمتي بسلام |
[QUOTE=عناز بيك;2509201]
مدام ايمان اعتقد ياعزيزتي ان زوجك يشرب للاسف . والمشكله ان الي يشرب يتوقع منه الاسواء خصوصا خارج المملكه . والغريب انك ماتعرفين انه يشرب بمعنى انك لم تلاحظي عليه اي ملاحظه او رائحه للمشروب . اتمنى ان اكون مخطي . عليك اخذ الحيطه والحذر فكم زوجه اصيبت بالامراض بسبب سكوتها على اخطاء زوجها خصوصا الاخطاء القاتله . وعندما اقول سكوتها فلا اقصد ان تتهاوش مع زوجها وتخرب بيتها ولكن هناك اساليب جعلت مدمني المشروبات والمخدرات يعودون الى صوابهم والى احضان زوجاتهم واولادهم .اوصيك بالحزم في الحق . سيدتي الرجل ملك لزوجته جنسيا بشرع الله ولا يجب ان يتعدى على حقوقك الا بشرع الله وكتابه . اما من يسرح ويمرح ولا يبالى اين يقذف شهوته فذلك والله على خطر عظيم على نفسه وعلى اهله . هنا لااقصد زوجك انتي اختي ايمان بالذات ولكن لكل الاخوات , اسال الله ان يحفظ لك زوجك ويرده اليك سالما ويصلح حاله للافضل . دمتي بسلام طيب كيف يشرب وهو يجلس أحيانا سته شهور مايسافر اي مكان حتى الطلعات مافيه دوامه من الساعه8 الصباح إلين 5 العصر وبسسسسسسسس وماعاد يروح أي مكان اترجاه انه يروح لاصحابه يغير جو مايرضى كله قاعد بالبيت ان شاءالله يكون كلامك في غير محله شكرا لك اخوي |
انتي رحتي معه تايلند ودبي .....الخ
اذا هو يشرب اكيد لاحظتي عليه , اتمنى من كل قلبي اني مخطي |
ايه رحت معاه مو تايلاند ودبي بس
حتى البحرين وفي عيد شوال رحنا سويسرا والنمسا عمري عمري بحياتي ماشفت شي ينام معانا ويصحى معانا الحمدلله مع إننا نسافر لمدة 20 يوم بس الحمدلله ماشفت اي شي وربي شاهد حرام اظلم الرجال مشكور اخوي لاهتماك |
الي يشرب مايقدر يوقف فتره طويلة ومايشرب وانتي تقولي انك رحتي معاه كذا بلد ومالاحظتي شي
اختي بس يجي اجلسي معاه بهدوء وكلميه عادي انو لي ماتسئل علينا وهالاشياء بس انتي لي ماتروحي معاه لما يسافر؟ |
السلام عليكم والرحمه
اختي الغاليه مدام ايمان انا فهمت كلامج وعارفه ان حتى تلميحاتج انتي خايفه على زوجك كثير بس حبيت اوضح لك شي تعوذي من الشيطان وتراها من البدايه وسااويس الشيطان خلي حق زوجك الف عذر وعذر لان هذي الثقه لاتشترطين ان لما يروح الديره الي في بالك شرط انه يشرب او حق سوالف مايله لاسمح الله مافيها شي لو قعدتي معاه سولفتي وبطريقه حلوه وخاصه فيج عرفتي هو ليش يروح لهذي الديره بس مثل ماخبرتج ان مو شرط ابدااااااااااااااا حق شرب او لعب يعني شوفي التوقيت الي هو يروح من 8 لي 2 بالاحرى الي في بالج يتوافر عكس هذه الوقت اختي الله يعينج والله يهديه وان شاءالله ربي يخيب ظنج وباذن الله مايكون الا الخير ان شاءالله وانتي وقت مايكون عنك بعيد كثري من لاتصالات والمسجات له والله يصد ببال من فيه الشر على زوجكك ان شاءالله والله يوفقكم ياربي |
اقتباس:
لأن ولدي عنده مدرسه ثاني شي زوجي مايحب أني اقوله بروح معاك يكره هالكلمه يقول انا اعرف نفسي واعرف ظروفي إذا بغيت شلتكم وإذا لا خلاص لاعاد تعيدين الكلام وبالنسبه للمصارحه صح كلامك إذا جاء لازم اكلمه مشكلتي أتغاضى وأسكت وآكل في نفسي مشكوره على ردك الله يوفقك دنيا وآخره |
اقتباس:
بس انا عرفت من جارتي أنه يروح مراقص والدليل زوج جارتي صديقه بالعمل ويصادف انه يروح معاه وزوج جارتي مايخبي عنها شي يقولها كلللللللل شي حتى داخل المراقص وش يصير بس اللي قالته لي انهم يروحون للمراقص والديسكوات وماني عارفه كيف اواجهه لانه اول شي بيقطعني من جارتي وانا ماابي ثاني شي عارفه انه بينكر عشان كذا انا ساكته وماني عارفه وش اسوي عموما شكرا لك الف شكر بصرراحه كلامك يريح ويبرد عالقلب الله يجزاك الف خير |
لا استطيع ان اقول لك غير قول الله تعالي
يأيها الذين ءامنوا اجتنبوا كثيرا من الظن ان بعض الظن اثم" اتقي الله وادعي ان الله يحفظه ويجنبه صحبه السوء فأنا اعرف زوجات يعمل زوجها مرشد سياحي للاجانب وانت تعرفين اخلاقهم ولكنه لا يفعل السوء ولم تشك به زوجته مثلما تفعلين الله يهديك |
الله يهديه ويسخره
أختي لازم تخافين على نفسك من الامراض قوليله اذا كنت تروح بس اكشف قبل لا تلمسني بعيد الشر وشوفي اذا خاف معناه عادت حليمه لعادتها القديمه واذا مبرد وقال شنو تقولين انا تبت ومن هالكلام اعرفي انه بريء وان شالله كل هذي اوهاااام بس عشان ترتاحين وش رأيك؟ |
اقتباس:
تقدرين تقولينها لزوجك؟ انا مستحيل اسويها خصوصا اني ماشفت منه اي شي يثبت أنه له علاقات جنسيه عموما مشكوره اختي على دعواتك الله يوفقك |
والله اذا كنت >> شاكه بقطع الشك باليقين واشتري راااحة نفسي "
واواجهه واعلمه اني ماني غبيه ومافي حركه تفوتني والناس اجنااس " وجهة نظر لا اصرار " دمتي وزوجك بحفظ الرحمن" |
آآآه والله اني حاسه فيك ... الله يعينك ويصبرك ويختار لك الطريقه الصحيحه في معالجة هذه المشكله ... ماعندي غير الدعاء لك ولزوجك بأن تكون ظنونك بإذن الله في غير محلها .. وان يهديه ويسخره لك ياااااااااااااارب
اكثري من الدعاء قبل الفجر .. |
يا عناز بيك الله يصلحك لا تحكم على الرجال وانت ما تعرفه ..
يا أخي فيه ألف شغله وشغله في هالدوله غير الشراب والدعاره .. أنا سبق ورحت لهالدوله لكن ما رحت للغرض اللي في بالك .. مدام إيمان ، الديره اللي فيها جسر يودي لها << اكيد فهمتي :d فيها سينما وفيها مجمعات وفيها قريه مائيه وأشياء كثيره يعني مو شرط انه رايح يعربد ويسكر وينكر ، وبعدين انتي تعرفين زوجك انه مو راعي خراب ، ومن كلامك واضح أن زوجك عاقل ، فلذلك لا توسوسين واتركي كلام هالبيك عنك وادعي ربك انه يحفظ لك زوجك .. |
اتمنى من اللي يردون ما يوسوسون بالمسكينه ..
مدام ايمان ، على افتراض انه يروح للمراقص مثل ما قلتي ، مو معناته انه يشرب في المرقص ، لانه ممكن بروح يسمع اغاني ويتفرج بس .. صحيح انه حرام ولا اختلف معك في هالنقطه ، لكن الله يهديه وهو طبيعي انه ما راح يقول لك رحت لمرقص ، لانه مراعي مشاعرك ، عموماً انتي هدي نفسك وادعي الله يحفظ لك زوجك .. |
الوسيلة المثلى لمعالجة زوجك هي دعوته إلى الله بالتي هي أحسن لعله يتذكر أو يخشى و حاولي أختي العزيزة أنتتواصلي مع إخوتك الملتزمين يلازموه و يخلطوه مع الصحبة الطيبة
و حاولي دائما و أبدا تذكيره بالله العظيم و حثيه على الصلاة و الصيام و حاولي أن تخرجي معه للبذل في سبيل الله كا إعانة الأسر المحتاجة و المعوزة لعل ذلك يؤثر فيه و اجعلي أولادك ينشأون نشأة صالحة و ارسليهم للتحفيظ و اصلحي حالك بإذن الله يصلح زوجك مهما كانت أخطاؤه و أخر كلامي أدعو لي وله و لسائر المسلمين بالتوبة و الإنابة و الرجوع إلى الله |
اقتباس:
|
اقتباس:
|
اقتباس:
كلامك كله صحيح واحسه هوًن علي كثييييييير |
اقتباس:
كلامك روووعه وكلام إنسان عاقل جدا ماشاءالله فعلا هذ ىالاشياء اللي ذكرتها ماخطرت على بالي بااستثناء نشاة أولادي لاني دايما أعينهم على البر والصلاح والمحبه والصلاه مشكور اخوي الله يوفقك ويستر عليك دنيا وأخره |
اختنا الكريمه عن ذهاب زوجك لل.................. الامر لايستهان فيه اصلا كل من تتسفر من صاحبات السمعه ؟؟؟؟؟؟ اجلكي الله من شتى بقاع الارض لا سوق رائجه لهم الا بال.............فاخذري وحذري بس من يرجع قوليله تعال يابو فلان المهم بطريقه او باخرى يفحص ومن يفحص قوليله لاعاد تروح ال.............
والله يصلح الحال حفظ الله ارض الحرمين وباقي بلاد المسلمين من الفواحش ماظهر منها ومابطن |
اقتباس:
انا تذكرت شي انا قلت ان زوجي يطلع للشرقيه بالسنه مرتين صح وطبعا سنيييييييييين على هالحال من بداية زواجنا فأنا اتذكرت انه قبل العام الماضي جاتني التهابات في المهبل والدكتوره قالت لااااااازم زوجك يفحص يمكن يكون عنده التهاب وينقله لك! وقلت له وعلى طول وافق! وسوى تحليل شامل وطلع كل شي سلييييييييييييييييم ! هل هذا التحليل اللي عملته قبل العام ممكن يكشف لو كان لاقدر الله الرجال فيه مرض! |
هل هذا التحليل اللي عملته قبل العام ممكن يكشف لو كان لاقدر الله الرجال فيه مرض!
اكيد كان بيظهر او يطلع شيء وبيعدون التحليل بعد له !!!! حبيبتي لاالومك حنا كذا يالحريم غيييييييييييييييييره وبس ذابحتنا ولو بيدنا كان ربطناهم بلبيوت وحنا نطلع ونروح والسبب غيره ! حبيبتي اقولك زوجي انا ملتزم ولله الحمد وحافظ للقران وقد راح لل..........ع قولة احد الاخوان اللي بيننا وبينهم جسر هههههه! المهم راح مع اصدقاء له !!!الله لايوريك بغيت موووووووووووووووت وماسكه نفسي لاابكي وكان اول مره يطلع للخارج !!! تخيلي وساكنه بيني وبين هلبلد ساعه ونص فقط !!!!احمدي رك ع بعدك! المهم راح ولا ودعته ....كذا سويت نفسي مشغوله المهم سافر مع زملائه وكان تونا لنا يمكن 9 شهور من الزواج !!!!!!!وتركني من 4 العصر الى 12 الليل ورجع ولكن اتصل وسئل عني ... وكان اول مره يطلع بحياته للخارج فكان متحمس جدا !!!ويقول ابتمشى مع زملائي وبااخذك المر 2 !!!! الله لايوريك بمجرد خرووووووجه ثار غيرتي وحبي له !!والهواجيس والشك والتعب فيني !!!! المهم دق ورديت ولا اتكلم معه الا من راس خشمي ودي انفك تهزيء فيه تاركني لوحدي بعماره ولا احد فيها ولااعرف احد بلمنطقه اللي انا فيها اعرفه اصلن !!! مستوعبه .... جاء وشرف حبيب القلب الساعه 12 !!!!!وانا دخلت غرفة النوم من 10 الليل وسادحه واقرء قران واكتب وافضفض بدفتري الخاص المهم طفييييييييييييييييييييييييييت انوار البيت كلها ؟؟(ظلالالام داااامس )...! وانا عندي ابجوره !!المهم يوم سمعت الباب انفتح طفيت النور عندي الابجوره !!!من كثر مابكيت تعبت وقلق ونفسيه واصل حدها !! المهم دخل وولع اللبات وما غير اسمع الركض بااتجاه الغرفه اللي انا فيها!!!!!!جاي الاخ !!!! الا وانا اسوي نفسي نايمه ؟؟!ولا همني جاء ماجاء .... ع طول انسدح وصحاني وهو اكيد عرف اني مو نايمه لكن زعلالانه من قلب هو وعذره مااعرف شيء قلت نتعرف مع بعض ع البلده قال لا !!! فقلت والله لااخليه يندم والله !تركني لحالي خوف ولا احد معي ابد قاعده طول اليوم بغرفه وتلفزيون وهو ضحك ووناسه !! قمت ولا سلمت عليه عادي وكنه اخوي قال اخبارك ؟؟ قلت متعبه شؤي !!بلعربي ابي اوصل رساله رح واتركني مابي اكلمك؟؟ولكن خجلت .. وقومني غصب لاجل يحكي السفره رحت معه وانا محطمه وقلبي والبكاء بخاطري ود انفجر عليه رغم اني واااااااااااثقه فيه لان دينه قوي ولله الحمد ...وهذا ماالاحظه عليه من الاتزام وقراءة قران وتدريس قران وو........الخ .. ولم اعيره اهتمام وهو عرف اني زعلانه !!قال وش فيك زعلانه ؟؟قلت لالا بلعكس فرحانه انك رحت واستانست وتركتني مره مره فرحانه ؟! الفرح بيقطعك .... سككككت وقال خلاص المره 2 اباخذك قلت المهم والله ثم والله ان عدها ياحبي وتعيشني بلقلق والتوتر والله مااسامحك وانا ابوقف هلسفريات ..! قال كيف ويضحك بعد قلت لاتخليني اقطع الجواز ورقه ورقه ...!.ولاتخليني اشيل بطاقه اللي تطلع بها للجسر ..! قال اتحداك !!قلت ورب البيت لاتتحدى واللي بيدك سوه انا تعبت وانا ابكي ومليت من حالي اللي يرحم انا اغار عليك ... قال يابنت الناس انا مارحت لااماكن لا منا ولا منا ورب البيت مطعم وبس وتمشينا بلاسواق قلت ماشاء الله واسواق بعد !!!سكت قلت تبي تحس بشعوري انا ابحسسك لكن توافق قال وش ؟؟؟ قلت نزلني السوق ويكون بمجمع من الساعه 4 العصر ل 12 لليل لالا بخليها ل 10 !!!!! واقعد بلبيت والله انت تعرفني وواثق فيني مثل وثوقي فيك وحينها شوف قلبك كيف يأكلك علي ووش الوساوس اللي بتجيك رغم انك واثق فيني ولبسي شرعي وساتر ومحافظه ولله الحمد مثلك ؟؟!! وابرجع وابشوف مزاجك حينها حلو ورايق ولا مت من القهر والعذاااااااااااااب ...! قال لا انا واثق فيك ؟؟ قلت بكره نزلني المجمع وبس ذوق ماذقته ومن بعدها للان معد عاد روحته الا معي انا .... لان بصراحه رغم وثوقي لكن لااظمن ان عيونه تقز هنا وهنا ويرى الافضل والاحسن والاشين ... انا احبه واغير عليه مو بيدي ..كذا ....... فاانتي لاالوم قلبك وعذابه اعانك الله ...ولكن تحاوري معه انتي بحوار حلو وحاولي اقناعه وانك تغارين عليه وو..............الخ , |
اقتباس:
ممكن زوجك يختلف عن زوجي انا مره وحده بحياتي اول ماتزوجنا قلت له نفس اللي انتي قلتيه لزوجك وكنت ابكي بعد قالي شوفي يابنت الناس انا من يوم اني عزوبي وانا حررررررررررررررررررررررر والين تزوجت مازلت حرررررررررررررررررررررررررررررررررر لاتتوقعين انك بتتحكمين فيني أو ببطل اسافر عشانك , أنا مو مقصر معك بشي لذلك انا رجال اعرف الصح من الغلط ولو ابي أغلط كان غلطت هنا في بلدنا اصحابي عندهم استراحات فيها بلااااااااااااااااااااوي ولاأفكر أني اطبها ,قلت له انا ماقول انك بتروح للحرام بس انا خهايفه عليك , قال وبنبره حاده أنا ماني بزر وخوفك عليه احتفظي به لنفسك وبسسسسسسسس من يومها حلفت ماعاد اقوله شي لانه عنيييييييييييييييييييد وصعب التفاهم معه الله يهديه بس هالمره انا قلبي يغلي وبعيد عليه الكلام مره ثانيه واللي يصير يصير ادعيلي اختي الله يسخر لك زوجك ولا يشوف غيرك |
أسال الله ان يسخره لك يااااااااارب
تدرين اكثري الاستغفار وباذن الله ان ينفرج همك الاستغفار اقريء عن فوائده الان ابحثي عنه بلنت وتعرفينها ادري يمكن تعرفين عن فوائده رووس اقلام لا بل اقررررري لها فوائد عظيمه . ولن انساك من الدعاء . |
نكون واقعيين هالبلد مايروحلها من بلدنا الا للشئ اللي انتي خايفه منه
انتبهي لنفسك وصارحيه بكل جرأه ليه تدارينه وهو ماداراك لما سافر وخبى عنك واجهيه بجواز السفر وعن سبب تخبيته له .. وان طلع شكك مو بمحله وان شالله يكون كذا ولامك قوليله اللوم عليك لانك خبيت ودخلت الشك بقلبي .. اقنتي باخر الليل واطلبي ربك ورددي ( يامجيب المضطر اذا دعاه ) والله ماارتحت انا الا بقيام الليل والدعاء والاستغفار ادعيلك من قلبي والله |
| الساعة الآن 11:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©