|
يريد الرقص معي في الفرح ولا يجاملني في البيت
السلام عليكم ورحمة الله وبركاته صباح الخير أنا أعاني من مشكله مع زوجي ولاقدرت افهم أو اتعامل مع المشكله,مثل ماقلت زوجي على الصامت لايعبر عن مشاعره لي لا بالقول ولا بالفعل بس انسجمت وصرت أنا الي ابادر ولاعندي أي مشكله الصدمه كان عرس أخوه دخل عند الحريم يرقص (عاده شينه لكن مو موضوعنا) جاني وسحبني بالغصب للمنصه عشان ارقص وياه احرجني قدام جماعته حنا مو نفس القبيله ,لكن امه وخواته رقصوا معه وانسحبت بهدوء . أقسم بالله أنه في بيتنا بس أنا وياه وولدي ماقد سواها معي كأنه جدار ,ابي افهم ليش سوا كذا حزت في خاطري مع العلم زوجي مطلق من 8 سنين بنت عمه وكانت امها وخواتها وعماتها حاضرين أنا مصدومه مو قادره أصدق ويقولي في عرس ولد عمه بيسوي نفس الحركه وانا معارضه لكن أخاف يسحبني مثل ما سوى بعرس اخوه مع العلم ان ولد عمه ماخذ أختي ولا كان ماحضرت هالمره بعد اهلي موجودين شسوي بدون ما ازعله بارك الله فيكم |
(زوجي على الصامت لايعبر عن مشاعره لي لا بالقول ولا بالفعل )
انا اشوف جتك فرصه لعندك بحيث تسووون بروفات للرقص , محاوله في ذلك اذابة الثليج تدريجيا .وفك شفرة الحمايه ومعرفة ماتريدين معرفته من خلال مجريات الاحداث . مع تحفظي على مسألة الرقص ولكن عادات وتقاليد نتمنى ان تختفي . |
أنا محتجه على سالفة الرقص نهائيا ,وليش يكون يعاملني في البيت غير وقدام الناس غير أنا أنحرج وانقهر وهو ولا على باله والمشكله يبي يكرر السالفه لكن أبي زوجي يتغير ليته في كل الاحوال صامت ولايحرجني ,مشكور أخوي على النصيحه لكن والله وبالله وتالله لم أطرح مشكلتي الا للحصول على النصيحه بارك الله فيك
|
يمكن سوا هالحركه عشان يقهر اهل زوجته القديمه
صارحيه انتي قبل الزواج وقوليله ماابغى تحرجني بالزواج وتفشلني |
يااختي مالك الا الله ثم المصارحه مع زوجك اساليه ليه سويت
كذا اش الاسباب وراء هذا العمل؟؟؟؟؟ واوصيك بالهدوء والاسلوب الحلو |
اعذريني اختي
غريب امركم رجال يرقص عند الحريم !! الله يعينك 00 عجزت ابلعها اما من ناحية مشكلتك00 فبعض الرجال ما تتجي الوناسه والفرفشه إلا خارج البيت سبحان الله 00 كأنه شخص اخر 00 ويبخل على اهل بيته حتى بكلمه حلوه |
الله يهديه ويسخره جعله يرقص عندك دوووم
طيب عندي سؤالين اذا ممكن الاول/ بنت عمه طلقها3 ؟ الثاني/ متزوجه اللحين بنت عمه؟ |
أختي الغالية عاشقة الغالي :سألته الليله عن السبب نفس ماتوقعتي ,قال ابي أقهر لي ناس فاقعين كبدي ,شفتي لاهو حب ولا رومانسيه ولا أي شي ابتسمت وقلت في خاطري اللهم اجرني في مصيبتي واخلفني خيرا منها
مشكوره فديتك |
مشكوره أختي نسيم الوسم اسعدني كلامك كثير عرفت السبب وانجرحت الحمد الله على كل حال لاحرمنا الله طلتك الحلوه
|
اختي الغاليه شقردية 55 مشكوره على مرورك وكلامك صحيح مادري وش يستفيدون ,مع أن الرسول صلى الله عليهوسلم قال :رفقا بالقوارير بارك الله فيك وبمرورك العطر
|
ضحكتيني اختي ام عزام ,وامين الله يسخره لي وبعدين شدعوه نرقص سلو كلها مناقز هههههههاي
لا يالغاليه ماطلقها 3 ,بس توها متزوجه شهر 10 الله يوفقها , مشكوره يالغاليه على مرورك يسعدني تواجدك بارك الله فيك |
اميـــــــــرة الـــــورد
ماطلقها 3وتزوجت عليه فشهر (10)!!!!! حلوة منك ياليت نقدر... |
مشكوره أختي ام عزام لكن ماحب الاستعراض الي ماله سنع والله لايحرمك الاجر ويسخرلك ابو عزام
|
آميــــن يالغاليه الا بالعكس تدربــي ووسعي صدره وكلن بنيته..
بس ياحلوة وشلون ماطلقها وتزوجت فشهر عشرة!!! فهمتي سؤالي |
مطلقها يالغاليه من 8 سنوات أقصد ماطلقها 3 طلقات فديتك ومشكوره على حرصك ,يعني كل مشكله قال ترى برجع بنت عمي والله يسعدك دنيا واخره
|
صدق هي حركة زوجك حلوه جدا ...
لكن اللي قهرني مقصده !!!ولا الومك ! لكن لو اني بدالك كان قلت ...بعد مابين ليه سوا كذا !!كان قلت اه وان اقول ع بالي المسكينه لعيوني اثر السالفه غير ...... وازعل بعد .... شيء يقهر ولا بعد بلبيت جافي وثقيييييييييييييل والفرفشه امام الناس حبيبتي اذا قرب العرس ال2 وقال لك بنرقص فقولي لك وجهه تقولها بعد مره 2 انا كنت فرحانه يوم جيت وترقصني معك اثر السالفه تبي تغيض وتقهر اهل طليقتك ليه ...؟ ليه ؟؟ انا وش ؟؟ورقت تلعب فيني تحركني مثل ماتبي ؟؟! تدري مابسامحك فيها ابد ..الله لايسامحك هذا شيء جرحني يعني ترقصني مو لحبك لي ولا لعيوني ؟؟!بل حقد وبس ع الناس ...!!!!! لكن لو ان مقصدك لي والله لاارقص احلى رقص لعيونك ... واطلعي ولا تكلمينه خليه يعرف يتصرف ويتاعمل معك .. لاتكونين سلبيه ...جدا فيجرحك بوحده اقوى منها خليه يعرف حدوده !!!وش هالرجال وش هلقصص اعوذ بالله لانساء ولا رجال اشياء جديده جدا ...وبلاخص قصتك يرقص زوجته لاجل يجرق ناس حارقين قلبه !!!! وانتي هداك الله مررتيها وسكتي ليه ؟؟؟ليه يااميره ... بالله عليك لاتسكتين بالمره ال2 وبلاخص قرب الزواج ال2 افتحي الموضوع ولو وصلة لزعل خليه يزعل هو المخطىء ومو انتي ؟؟ خليه يتلسن بلطقاق اهم شيء اطلع مابقلبي واشيل باقي كرامتي اقسم بالله كنك لعبه لااغاضة طليقته واهلها !!! حبيبتي انتي اخطئتي بسكوتك وبتهدري كرامتك ان سكتي عن الموضوع ومشيتيه ولا بعد يطلب مره 2...!!! والله لو انا كان سويت ماكتبته لك !!لااسكت وش ذا ؟؟ ولا طلب مره 2 بعد . بالله لاتسكتين قولي رئيك عبري عن جرحه لك ...!بااسلوب حلو وزعل ..مو رفع صوت وو...الخ لا بااحترام وصلي الفكره . لاتنسين تعلمينا بلتطورات. ياحياتي عليك يااميره . |
حبيبتي
بشرينا هل من جديد او تطور بهذا الموضوع لان هلموضوع قلبي متعاطف معك الله يريح قلبك ويهدي زوجك |
خذيها فرصه
قولي له كل يوم :قم لنتدرب على الرقص انا واياك وارقصي واعملي له حركات بحجة انو تتدربو على الرقص ولكن وقت الفرح ما تعملي نفس الحركات واشرطي عليه انو نرقص مش لنقهر ناس حراام لا يجوز الزواج والطلاق قدر و مكتوب من الله سبحانه وتعالى |
اقتباس:
يا أختي انا التي مصدومة مما قرأت!!!!!! أريدكِ فقط أن تعرضي فعلكِ هذا على كتاب الله وسنة رسوله صلى الله عليه وسلم هل هذا الفعل يرضاها الله ورسوله؟!!!!!!!!!!!!!!! ولا تقولي هذا ليس موضوعنا , فهل هناك أعظم من دين المسلم؟!!!! هل أصبح الله أهون الناظرين إليكِ ؟!!!! يرقصكِ امام أخيه ، والمرة القادمة يقول سعيدها وفي زواج ابن عمه إذا امد الله في عمركما وانتِ ما موقفكِ من كل هذا ؟ تطيعي مخلوق في معصية الخالق!!!! راجعي نفسكِ وحاسبيها فكل امريء بما كسب رهين ، والتزمي بحجابكِ الشرعي فلن يغني عنكِ زوجكِ من عذاب الله شيئاً اسأل الله أن يهديكِ سواء السبيل |
اتوفع ياانتظار زوجها بس اللي موجود يعني عقب ماراحوا اخوانه
|
لو ماكان مايحبك ماكان خلاك على ذمته
اعقلي ولاتتركين للشيطان طريق |
أختي الغاليه همس مشكوره على كلامك ونصيحتك فهمته وقلتله إذا سحبتني ماني راجعه معك البيت برجع مع اهلي عشان تغير من اسلوبك وسكت وانشاء الله يكون اقتنع
|
اختي جرين مشكوره يالغاليه لاحرمنا الله طلتك والله يسعدك
|
اختي الغالية انتظار الفرج مافيه ولا رجال غريب بس زوجي والحريم متغطيات فديتك وادري انه مايجوز حتى ولو لكن الله يصلح الحال ومشكوره على ردك
|
اختي ناني مشكوره على التوضيح
|
اختي الغاليه مدلوله مشكوره على ردك والله لايحرمنا طلتك الحلوه
|
| الساعة الآن 09:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©