|
خلاص قررت أطلق
السلام عليكم ورحمة الله وبركاته
يسعد مساؤكم يا الطيبين :d هذي مشكلتي القديمه الحديثه http://www.66n.com/forums/showthread.php?t=188448 مشكلتنا ما زالت مستمرة و استفحلت و صارت أضعاف عن أول بل لم يمر أسبوع ما نتهاوش فيه على الأقل مرتين ، فقدت طعم الحياة معها بشكل كامل مع الأسف . من سنة تقريبا قررت الطلاق لكن طلبت مني أعطيها فرصه فأعطيتها ١٠٠ فرصة تقريبا ، لكن الأمر ما عاد يطاق و باعترافها هي إنها ما تستاهلني وتستحق الطلاق وتقول لي ما ألومك لو طلقتني . أنا أخطي أيضا لكن لا مقارنة بيننا أبدا وخلال الشهرين الماضيين فقدت صبري وما عدت أتحمل أي تصرف أرعن منها ولا عدت أمشي لها مثل أول . فقدت الاستقرار و الحب والراحة والهدوء و كأني داخل حرب عالمية :d لذلك قررت أريح نفسي من هالهم . أنا الآن أعيش في مرحلة ما بعد زوجتي و مستقر نفسيا ومرتاح لهذا القرار ولا أشعر بالتسرع أو الندم إطلاقا ولا أخفيكم إني مسافر من شهر ونص للعمل و أحس براحة كبيرة للبعد عنها مع إنها تلاحقني بالمشاكل بالتلفون :( لا أشعر بخسارتي لها بل أنا الآن أبحث عن بديله . زوجتي العزيزة أقسم بالله أني أحبك لكن أنت من أجبرني على الابتعاد . إنا لله و إنا إليه راجعون |
مثل هذه القرارت ماتناقش على الملأ ..
محد يقدر يقولك طلق إلا إذا كان يعرفك ويعرفها وأهم من كذا يكون صاحب حكمة وخبرة .. وأنت أخبر منا بحياتك ووش اللي يصلح لك .. الله يعوضكم خير .. |
اخي انسان ثاني انا قرأت موضوعك السابق .. وانت سبق و طلقت زوجتك وارجعتها ولكنها لم تتأدب ..
واذا انت شايف نفسك مرتاح بدونها فهذا دليل انك لا تحتاجها في حياتك وان بعدها عنك فيه راحه لك .. زوجتك نكديه و طبعها لم و لن يتغير .. و ما شرّع الطلاق الا اذا استحالت الحياه بين الزوجين .. و الانسان يعيش حياته مره واحده فلماذا يقضي حياته في هم و نكد ؟؟ هذه حياتك و من حقك ان تعيش في راحه و سعاده و تكون لديك اسره .. |
اقتباس:
أختي أنا ما اناقش بس قلت يمكن أستفيد من هالموضوع و إذا ما استفدت ما راح اخسر شي أشكرك على نصيحتك |
اقتباس:
كلامك هو الي أعمله الآن وأسأل الله الاعانه |
أخي موضوع كالطلاق لا أحد منا يستطيع أن يؤيدك أو يعارضك,
لأنه قرار مصيري ولكن نصيحتي لك كرجل بما انك تحبها كما تقول, فابذل كل مافي وسعك لتنجو سفينة حياتكم الزوجية. أخي جرب وخذها للرقية الشرعية عند أحد الشيوخ المعروفين.. |
اقتباس:
الله المستعان بس الله يجزاك الجنة على ردك يالطيب |
اقتباس:
صادق بكلامك أخوي الحياة الزوجية ماتستقر وتستمر إلا اذا اجتمعوا الاثنين الحب والاحترام الله يعوضك بالزوجة الصالحة |
هل لديكم ابناء ؟؟
|
مع كلام الاخوة مااحد يقدر يفيدك فعلا بهالموضوع لان انت اكثر واحد عارف الموضوع وتقدر تحكم
ربي يجيبلك الي فيه الخير |
عفرا
الله يجزاك الجنة ووالديك أميرات لا ولله الحمد عاشقة الله يجزاك خير |
ان شاء الله تقدر تنساها..وتقدر تنساك..(فالذكريات وان كانت سيئه فهي مؤلمه)
وربي يوفقكم اثنينكم جعلك تأخذ من هي افضل منها اخلاق وهي كمان تأخذ من هو افضل منك يارب.. |
معليش اخوي احب اقولك انت السبب في كل شي سويته لها خلك دايم جدي وتغير عليها يعني البس واكشخ وتعطر وسوي نفسك مبسوط وتااخر عليها في الرجعه ودايم هددها بالزواج الثاني واذا سوت مشكله اهجرها ولا تراضيها انت السبب في تدليعها كل مازعلت رحت راضيتها طنشها وشوف كيف تجيك واذا استمرت قول لابوها وهو يشوف شغله معها جرب هذي الوسائل قبل لاتطلق
|
زوجتك ما تقدرك ولا تحترمك00
ليش00 وين القصور00 في ضعف شخصيتك ؟! اعذرني 00انا اسأل لا تزعل مني00 زوجتك مو نكديه وبس00 إلا قويه بعد00 وش مقويها عليك ؟!! أسأل نفسك وجاوب براحتك00 بعض الحريم00 يحتاجون إلى رجل قوي الشخصيه وحازم بنفس الوقت ادرس شخصياتكم00 وحاول تفهمها وتدرسها00 إلى ما تلاقي الخلل الطلاق ليس حلا00 هو تسريح وإنهاء لحياتكما اصلح الله لك زوجك00وفقك الله لما فيه الخير لكما |
اخوي انسان الله يبين لك الصواب ويجنبك الخطا
عندي لك كم سؤال في موضوعك الاول قلت انه حصل بينك وبين زوجتك كلام على الجوال ونها ارسلت لك كم بيت شعر ونها توعدك انها راح تتغير وش صار بعد هالكلام حصل تغيير ؟ يعني ابي افهم التطورات اللي صارت الفتره السابقه اللي خلتك توصل للقرار هذا ؟ المشاكل اللي تسويها زوجتك من المشاكل الصغيره اللي يقدر الواحد يتحملها ام ان المسأله وصلت الى حد ماتقدر تتحمله ؟ الله يعينك |
..................
من رأيي المتواضع لا تطلقها وإنما تزوّج عليها .. لعل الله أن يهديها ويصبح لك بيتين عامرين وتصبح ملك فيهما .. لكن أحسن الإختيار في زواجك الثاني وافصلهما عن بعض .. |
ام داليــــا اقدر اعرف ليش محيتي ابغض الحلال عند الله الطلاق
اذا فيها غلط صححيني ..بارك الله فيكم |
الله يختار لك الخير
والله انصحك بالاستخارة تسير لك الاقدار نحو الخير ولا تشعر بعدها باي ندم لان الله هو اللي اختار ربي يسعدك |
اتخيل زوجي لاسمح الله بيوم يجي يكتب زوجتي كذا و كذا
و تجي وحدة غريبة و ترد و تقول له طلقها ؟؟؟؟؟؟؟؟؟ بأي حق ؟ ما أعرف ,,, لكن لو كنت مكان زوجة الشخص ، ما راح يرضيني غير اني يوم الحساب اتقابل مع كل وحدة قالت طلقها و فوق هذا ، تجي تقول أنا لو زوجي مكانك كان عمل و عمل ما أعرف ايش اسميها ؟ حسد و لا غيرة ,,؟؟؟؟ و نسينا انه زوجي مو زوجك مو زوج فلانة و لا انا هي و لا هذه و غيرها لا احد ينصح بالطلاق ، الا و هو قد كلمته و مستعد ليوم الحساب الطلاق يكون باتفاق بين الطرفين و نحن دورنا نصلح و نوجد الحلول زوجته ما تبغى تطلق علشان نعطي الحق لنفسنا باسهل كلمة طلق صايرين جنود ابليس في كل مكان ؟؟؟؟؟ يا بختك يا ابليس .. |
اقتباس:
لان هذا القول لم يثبت عن النبي صلى الله عليه وسلم .. وكذلك فإن الله لم يشرع شيئا وهو يكرهه .. بالعكس .. فالطلاق من أفضل الحلول التي تفردت بها شريعتنا .. ولو لم يشرع المولى الطلاق .. لعشنا في ضنك من العيش .. بارك الله في الطالبة المجتهدة .. تلجة فوشية=أم عزاام ؛ |
الصبر الصبر الصبر0ان كرهت منها خلقا رضيت منها اخر00مو معقول سيئه من كل النواحي00
|
أخي إنسان ثاني
تقريبا نفس مشكلتي ولي 12 سنة متزوج راح أقولك شي بس لا يجيك إحباط ماراح تتغيير فهذا طبعها وهذا ما أعطاها الله من العقل إذا كنت تصبر على أذاها فلك الأجر أنا ما أقولك طلق أو لا تطلق هذا قرارك أنت فقط هناك أسلوب أستخدمه مع زوجتي لين تبدأ بالنقاش والجدال السخيف أزمر عليها زمرة أخليها تسكت لأن هذه النوعية لا تتعب نفسك بأقناعها وتدري ليش تسكت لأنها أكيد يوم كانت تتفلسف على أبوها كان يزمر عليها وتسكت فأنا أستخدم معاها اسلوب الأب أو أعاملها كأنها بنتي لكن تبي الصراحة تعبت فهي عندها طاقة عجيبة ولسان سليط ونفس مشاكلي معاها صارت تسوي مشاكل مع عيالها على أتفه الأشياء ما غير أسمع صراخها الله يهديها أنا مستعد لأي استفسار وأسف على الأسلوب لأني مستعجل |
انصحك بعدم الاستعجال وصارحها بفكره الطلاق انها جديه وانك غير قابل النقاش في هذا الموضوع لامك حسمت الموقف وانه هي اللي جبرتك هي اكيد راح تفكر بلموضوع وانت وصلها فكره انه مستحيل تعدل عن قرارك وجرب يمكن هلمره تنفع وافضا انكم تروحوا عند استشار اجتماعي او هي بلاخص لازم تعرف انه اللي تسويه غلط زوجك واضح انها عصبيه وحساسه وهذا سبب اللي انتوا فيه لو بطلت الحساسيه راح تتغير حياتكم بس لاتفكر بطلاق ارجوك الطلاق ضياع لك ولاها دامك تحبها حاول تعرف تحل الموضوع صح بتفكير ودراسه وتمعن مش حلو بسيطه وابغض الحلال والله يسخرها لك
|
اقتباس:
|
اقتباس:
ألف شكر |
اقتباس:
راح يستمر الشقاء والوضع على حاله انا افضل اعيش عزوبي على اني اعيش كأني داخل حرب اهليه كل طموحي اني اعيش حياة هادية وبسيطة وهذا ما راح يتحقق مع زوجتي الحالية مع الاسف الف شكر لك اخي وتسلمين |
اقتباس:
بعد المشكلة رجعت وعاهدتني بس للاسف ما تطول وصلت الامور الى انها هي تقول اعاهدك واذا رجعت لطبعي طلقني بس المسكينة ما تصبر على طول ترجع . الوضوع بعد الموضوع القديم تضاعف والله المستعان |
اقتباس:
مشكور يا مشكلة والله |
اقتباس:
تسلمين على المرور |
اقتباس:
هذا الشي الي مخليني اطلق ما اتخيل بعد كم سنة كيف بيصير الوضع ، انا ابغى اعيش براحه ولا ابي الصراعات ولا ابي اجمع بين ثنتين طول عمري ان شاء الله اعانك الله يا أبو ناديه |
اقتباس:
الف شكر يا ام هتان |
| الساعة الآن 04:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©