|
ساعدوا صديقتي في ملكتها الطويلة
السلام عليكم ورحمة الله وبركاته
الى جميع خواتي واخواني اللي بالمنتدى ابي منكم مساعده زميلتي ملكت قبل سنتين في البدايه تقول كانوا روماااانسيين وكان بينهم اتصال على طول ورسائل على طوول لكن بعد سنه من ملكت قلت الماكالمات كثييير والرسائل صارت ناااادرا والاتصال يعني كل اسبوعين او كل 10 ايام يعني بالشهر تقول 3 مكالمات وهي حاسه بملل مو طبيعي ومو عارفه كيف تتصرف وتغير من الوضع شوي ومع هذا هما موو متعودين يتغازلون تقول لما نتكلم بعد 10 ايام تقول كاني كلمته في الصباح وتحس انهم اخوان مو متزوجين تحس بملل ملل ملل وتحس انهم مضيعين هالفتره وهي من اجمل الفترات في حياتهم يااريت تساعدوها هي تتمنى يكون بينهم شيء حلو يتعودا عليه وتتمنى ان الحماس برجع مثل اول في الاتصال والرسائل و.. و .. انا عن نفسي والله مو عارفه كيف افيدها لان ماعندي اي خبره بهالاشياء ملاحظه.. الزواج لساته بعيييد |
شو هالخطبه الطويله
يعني متى الزواج وهل يشاهدون بعض ام فقط على التلفون طبعا ملل لان ما في شي يجذب الثاني طالما انها ملكت يعني المفروض زيارات و خروج وسهرات ولو بالشهر مره لمطعم والله كسرو خاطري حرااام طيب يتكلمو بالتجهيزات للزواج والتحضيرات ام لا |
اقتباس:
ايه فيه بينهم زيارات بس ملل مافيه شيء جديد وبالنسبه للكلام بالتجهيزات والتحضيرات لا مااافيه اي شيء ماقد تكلموا في هالمواضيع مع انها تقول اتمنى يفتح معي مواضيع زي كذا عشان افرح طيب انتوا شو تنصحوها تسوي عشان ترتاح والله انا حاسه فيها ميييته من القهر لدرجه انها احيانن تبكي |
والله أشوف السنتين طويله مرهـ
والملل شيء طبيعي فيهـآ , لكن هل زوآجهم مطوّل ؟ |
اقتباس:
وهي ماملت من طول الفتره فقط لا من الروتين الي هم عايشنن عليه تحس انهم مضيعين هالفتره بشكل كبييير يعني انا اعتقد انه حلو يكون بينهم حاجه يتعودا عليها لان مو معقوله يعيشوا هالفتره بهالشكل يعني مابينهم اي شيء مرررره غير اتصال في النادر وعالماشي ورساله ماتجيها الا تقريبا بالشهر وبعد رفع ظغط والله انها محزنتني نفسيتها تعباااانه مره ومو عارفه وش تسوي |
انا أشوف ان المكلة الطويلة ماتسبب ملل لكن ممكن كلام الحب بينهم مو كثير ..
الله يكون في عونها يارب |
انا ضد فكرة ان الملكة الطويلة تسبب الملل بس الحكمة كيف ما نخلي املل يتسلل ليها
يا اختي فكري فيفكرة تدخل البهجة بينكم اقترحي عليه وش رايك نطلع نتعشي بري او تروحون اي مكان مع بعض كنوع من التغيير طيب لما يرسلك ايش نوع الكلام الي يرسله هل هو كلام حب؟ |
لي مثلا لما يجي يزورها ماتكون محضرة له عشاء بسيط ومزينه المكان الي بيجلسو فيه كنوع من التغيير
انا ضد الملكه الطويلة |
والله شوفي ياستي هو الملل مايجي بسبب طوول مدة الملكه بس فيه اسباب ثانيه أكيد
وبالعكس تكونوا خلاص تعودتوا على بعض يطلع الهرج الحلو والجلسات تكون احلى واحلى انا اقلك انا ليا تقريبا 11 شهر مملكه لو مو خفة دمو وانو هريج ماشاء الله كان مليت من البدايه لاني انا خجووووله وفيني خفة دم بس لما اتعود ع الشخص...... بس لازم الاثنين يتفقوا ويغيروا الروتين اللي بينهم ويجددوا حياتهم لاحلى (( يد وحده ماتصفق )) والله يوفقني وياااهم وكل بنات واولاد المسلمين يااااااااااااااااااااااارب |
اقتباس:
صديقتي تقوول لكم جزاااكم الله خير الجزاء ع الردود ولكن هي تطلب منكم فكره اوي شيء تغيير فيه الروتين الي هم عايشين عليه وتقول ووالله انها تتمنى ان حماسهم الاول يرجع لهم من رسائل حب وشوق كانت تجيها رسائل ع طووول وهذا الحال لمدة سنه والسنه الثانيه تغير كل شيء صار الاتصال والرسائل ع النادر واحيانن ع الماشي ساعدوها الله يفرج همكم نفسيتها مرره تعبااانه من الوضع الي هي فيه |
لازم احد يدخل ويقرب موعد الزوااااج والله الملكه الطويله ممله
اتذكر ملكتي كانت سنه من جد طفشت تمنيتها انا وزوجي تكون 6 او 7 شهور بس ظروف الدراسه وغيرها اشياء كثيره ماتسمح والله اتمنى افيدها وحاسه باللي هي فيه بس مثل ماقلت موعد الزواج يقرب يتغير الروتين وتستجد اشياء مثل التجهيزات والاستعداد لحفلة الزواج وغيره.................والله الموفق |
اقتباس:
ظروف زوجها ماتسمح بالزواج في هالفتره الحاليه وبعدين هي عايشه بمدينه وهو بمدينه يعني بعيدين عن بعض كثييير وهذا الشيء مجننها يعني تقول المفروض مافي شيء يتغير بينهم وعالكس يزيد الحب والشوق بس تقول ماافيه شيء مبين ؟؟ :( اخواتي ارجوكم ساعدوها هي تبي حياتهم ترجع مثل اووول ماملكوا بس مو عااارفه كييف ؟؟ |
اقتباس:
ايه صح مثل ماقلتي كلام الحب ناادرا بس كيف تخليه ع طوول بينهم او اقل شيء رسائلهم واتصالهم يرجع مثل اوول |
وقت يحضر تحضر نفسها وترتب سفره ناعمه وجميله
تحضر هديه معنويه صغيره تسألو عن سبب تغيره وتقول انها حاسه ان به تغير لظرف ما يلم به وهي زوجته يفضفض لها ممكن يرتاح تطلب منو انو يكونو اصدقاء يرمي كل تعبه عندها ليرتاح توقف وتضع يدها على راسه تعمل له مساج خفيف يحس براحه بعدها ما تقول اخجل ما في خجل بعد ملكه سنتين تبتسم وتضحك وتعبر له عن شوقها لرؤيته ووقت يخرج تهمس بأذنه انها منتظره منه مسج او اتصال يطمنها عليه وبعد خرجه تتصل هي تطمن اذا وصل بخير وتقول انها كانت خايفه عليه تسألو وتهمس له وتدعي وتقول :يا رب يعجل لقانا ونكون تحت سقف واحد خليها تحسسو انه موجود معها قلبا وقالبا تطلب منه الكلام وتساعدو ربما يكون مهموم بتحصيل المال للزواج |
اقتباس:
وعلى فكره هي قالت له ودي رسائلنا ترجع مثل اول وانها شيء مهم بالنسبه لها ووعدها بانها ترجع احسن من اول ولكن ماشافت شيء متغير عشان كذا هي متحطططمه لانها احيانن هي تبادر وترسل له رسائل حلووه ولكن عااادي مايرد الا بعد يومين واحيانن يطننننش يعتذر يقول ماعندي رسائل ع عكس اول كان من اول دقيقه يرد لها برساله احلا من رسالتها وحتى لو ماعنده كان يكتب هو من خاطره !!!! طيب ياجماعه لو فاتحته مره ثانيه بالموضوع تتوقعون الوضع يتعدل ؟؟ بس كيف باي طريقه تفاتحه وباي طريقه تكلمه ؟؟؟ |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©