|
انظروا ما استجد في حياتي
السلام عليكم ورحمة الله وبركاته
اخواني اخواتي ادعولي بتفريج كربتي وان الله يكتب لي الخير وين ماكان انا سبق نزلت موضوعي ومشكلتي مع زوجي وهذا الرابط http://www.66n.com/forums/showthread...E1%D8%E1%C7%DE انا نزلت موضوعي من شهر تقريبا وطول الفتره الي راحت مادخلت بسبة النفسية الزفت المهم خلال هالشهر صارت احداث كثيرة اولها ان زوجي طنش نهائي وماصار يسال ولا يدق وارسل مصروف بناته وعلى وجهه وبعدها بفتره حاول يرجعني لكني شرطت عليه شروط وقال لاهلي لا ماتشرطون علي وقام يقول اذا بترجع ترجع بشروطي انا وهي ماغلطت عليها عشان تشرط وقلت خلاص مادام هذااالي عنده انا ماعندي استعداد ارجع لحياتي معه مثل قبل كانت شروطي انه مايغلط في حقي ومايتلفظ ويحترمني ولايمد يده مهما صار واهله بعد الي صار منهم شرطت اني مالي علاقه فيهم اذا بيجون بيت ولدهم حياهم بس انا ماروح لهم ولا اعزمهم ولا اسال عنهم واشترطت انه يعطيني رضاوه يعني فلوس عشان يعرف قيمتي ويفكر مليون مره قبل انه يهينني لان الي سواه مو شوي دق على اخوي وقال راضي بشروطكم بس ابي اقابلكم اول وجاء وقابلوه وهالخسيس وش سوى قال اسمعو بنتكم كذبت عليكم بكل شي انا ماغلطت عليها بحرف واحد وامي قاعده تبكي وتحلف انها ماسوت شي ولا قالت لبنتكم ولا كلمه ولاغلطت في حقها حسبي الله عليها عايله ظالمه ماتخاف الله حسبي الله عليهم كلهم وفوق هذا قال لاهلي ان بنتكم بيتها وصخ اااااااااه بس وهي لسانها طويل وماتستقبل ضيوفي وماتطبخ لي وانا مهضومه حقوقي وهي فيها وفيها كل هذا فيني حطوه وهم ملائكة ماسوو شي وربي منهااااااااااااره منهااااااااااااااااااااااااااااااااااااره وكرامتي تمرمطت حتى شككو ابوي واخواني فيني يقولون رجال ويحلف مانقدر نقول تكذب وحنا ماشفنا شي ااااااااااااااه ياربي تاخذلي حقي منهم عاجلا غير اجل ولما قلت ماارجع الا برضاوه وبكرامتي قال لابوها لابو...؟؟ يعني يغلط على اهلي بعد قام يتهاوش هو واخوي بالجوال وقال اخوي بالعربي زوجتك اخذه منك موقف وتقول مارجع كذا وهي ماطلبت هالاشياء الا شايفه منك الين قالت بس واشبعتها غثا رجع يحلف ايمان كاذبه بانه بريء اعوذ بالله مافيهم مخافه من الله قال خلاص بالطقاق الي يطقها لاترجع وبالعربي ماتصلح لي وماراح اطلق لين تتنازل عن البنات قال اخوي اذا مارضيت ترجعها بشروطها وماتبيها طلقها وبناتها مالك حق تطالب انها تتنازل عنهن مو سيارة تتنازلل بكل سهولهوبعدها بيوم اخذ بناتي لاهله من الصباح الى بعد العشا بيحرق قلبي عليهن الله يحرق قلوبهم وقال اذا اختك بترجع ترجع بدون رضاوه وانا ابيها تشتغل طول اليوم البيت نظيف على طول وفطوري وغداي وعشاي وقهوتي كله بوقته وماراح اسمحلها تخلي ولا وجبه مهما كانت الظروف ومطاعم ماعاد فيه رغم الله شاهد علي اني انضغط كثير من شغل البيت والطبخ والاطفال واحاول مااقصر كله عشانه وطلعت انا ولاااااااااااااااااااااااااااااااااااااااااااااااا ااااااااااااااااااااااااا شي شفتو شلون والبارح لما جاب بناتي بعد العشا قال لاهلي خلوها تجي الجمعه تاخذ اغراضها وورقتها تجيها السبت ياحرقة قلبي على بناتي وعمري وشبابي وحياتي معه حسبنا الله ونعم الوكيل حسبنا الله ونعم الوكيل للعلم انا استخرت ربي وهذا الي صار ارجوكم خففو عني وقولولي وش رايكم باللي صار وارجع واقول حسبي الله على كل ظالم ماخاف ربه ببنت الناس جزاكم الله خير |
يا الله
والله يا اختي اهنيك على انفصالك من ذا الرجل حسبي الله عليه ربك فوقه اللي يطمن بالهرجة دي كلها انه عنده استعداد يجيب لك البنات والله لايحرمك منهم ويا اختي لا تتحسفي بالعكس ياما ناس قضوا شبابهم مع ازواجهم بنكد وماقدروا يتطلقوا وربي يعوضك بكل خير لان هذا شين ويبي خدمة 5 نجوم شــــــــــــــــيــــــــــن وقوة عين الله يفرج همك |
ياقلبي ولا تزعلين خاطرك ولا تتضايقين ...
قولي الحمدلله انه اهلك وقفوا معاك وساندوك غيرك مو لاقي وقفة الاهل الله يخليهم لك ,, والله انفصالك عنه خيره لك باذن الله وربي كاتب لك الافضل ,,, حبيبتي انتي سويتي اللي عليك واكثر والمفروض انك ترتاحين من هذي الناحيه ,,,, واذا على زوجك باقي يعض اصابعه ندم ويفتكرك بالخير اكثري من حسبي الله ونعم الوكيل في كل وقت وباذن الله راح تشوفين نتايجها ,,, الله يوفقك عزيزتي ويريح بالك ويرزقك من حيث لا تحتسبين ,,, |
مبروك الطلاق من هالزوج
الي فهمته من كلامك انه يمد يده عليك ويغلط عليك وفوق كل هذا كذاب ومشاكلك مع اهله واجد يعني انتي مظلومه خلاص يطلق وتاخذين البنات .. |
اختي الله يعينك عندي كم سؤال
كم عمرك ؟ كم عمر زوجك ؟ كم عمر زواجكما ؟ كم عدد الاطفال ؟ هل المشاكل بدأت من زواجكما مبكرا وهل هنك اسباب ؟ |
اللـــــــــــــــــــــــــه يكون بعونك ... بكره يندم قد شعر راسه ... هذا مصدق نفسه هو هارون الرشيد والمرأة لازم تكون الخادمة المهانة دون أن تفتح فمها ولا تقول آخ .. للأسف في هيك نوع من الرجال بيعتقدو انهم كل ما أذلو الزوجة كل ما علت صورتهم هم ... والحنان والحب والإحترام والمراعاة اللي تقدمها الزوجة لهم بيعتبروها ضعف وبيطغوا بعدها أكثر !! كم اكره الرجل اللي يمد أيده على زوجته وأعتبره أضعف الرجال وآخرهم بأحقية الأحترام والله . الله يفرج كربك حبيبتي ويزيل هالغمه من على سمائك ... خلاص لو عملها وطلقك فأنتي مو اول ولا آخر وحدة تنفصل والحياة ما بتنتهي ... والا شو بيريد بعد هالمذلة كلها ترجعي وبشروطه ؟! عجبي |
أختي
من الكلمات اللي كتبتيها في الموضوع ، أحس إنك وقت الزعل تتكلمي أي شئ و ما تتمالكي نفسك بغض النظر عن الموقف الأخير زوجك شروطه الحالية ماني شايفة فيها أي شئ صعب ؟ أبغاها تنظف بيتها على طووووول ، و تجهز 3 وجبات في اليوم و مافيش مطاعم ما قال لك مثلا دقي على امي وو اعزميها و لا أي شرط تعجيزي رفض شروط ، لإنك اشترطتي أمام أهلك و مافي رجال بيقبل حتى لو هو غلطان ليه ما تكسبي زوجك ؟ إذا تبغي تعيشي و تكملي حياتك معاه ..؟؟؟ يعني حتى لو قبل شرووطك ، فهو هو نفسسسسه ما راح يتغير .. ؟؟؟ خلينا نكون واقعيين |
والله ما انصحك بالطلاق وانتي عندك اطفال
ارجعي لأجل بناتك وعيشي علشانهم أما هو مصير الأيام تهديه انتي استغفري ربك وافتحي دايم مجال للصلح لأنك أم استخيري كثير وشكل زوجك من النوع العصبي لكن اسلوبه اسلوب واحد شاري مو بايع رغم صراخه وعصبيته مهما كان الأهل مساندين لك بناتك الأفضل لهم العيش مع والدهم مهما كانت الظروف الله يكتب لك الخيره ويسخر زوجك لك |
جزاكم الله خير جميع على ردودكم
بس روح الطير ماعتقد فكلامي شي يخليك تقول اني اذا عصبت اقط اي كلام انا مو بزر اعرف وش ينقال وش الي عيب ينقال اوكي وانا مو معارضه انه يطالب بحقوقه لا انا الي قهرني اني اتحمل اقوم بكل شي حتى لو كان على حساب طاقتي وصحتي كله عشانه وفالاخير انا ولا شي بالعكس الا يكذب علي ويقول ماتخدمني وانا هالكلام ينرفزني لاني ماتزوجت بس اخدمه انا بعد ابي حقوقي واولها لاحترام وهو بصراحه مايحب اناقشه بشي ولا ابدي رايي بشي ولا اعارضه برغباته حتى لو على حساب كرامتي\\ وهالشي اتعبني وكرهني فيه اكثر بعدين وشو يعني اقوم بالبيت وبالطبخ والتنظيف والاطفال بدون اي تقصير ترى والله انا انسان مو آله يمر علي ايام امرض فيها اتعب ماانام تكون نفسيتي تعبانه يكون فيه مشاكل مو معقول بقوم بكل شي وهو حتى احترام ورحمة ماعنده؟؟ رايك غريب وواضح انك مع الرجال وش ماسوى ذكريات لاتغيب مشكوره على الرد لكن انا انهنت معاه وانداس علي كثير والله تدمرت نفسيتي من افعاله وتفكيره الي مدري وش يبي ومااقدر ارجع لحياتي السابقه وربي اموت من الضيم النصيحه سهله بس اني اسويها صعب وربي صعععععععععب والي سأل عن اعمارنا انا 26 وهو 32 ومتزوجين من 3 سنين ونص وعندي بنتين وحده سنتين ونص والثانيه 6 شهور ولعلمكم هو ناوي يطلق خلاص عقب كل الي سوى طلع منها مثل الشعره من العجينه ويبي يطلق وانا والله عزت علي نفسي ومااقدر اقبل ارجع بدون مايراضيني صعبه بقوه اقول له تعال انا برجع وربي ليذلني اكثر من قبل ويذوقني الويل صدق هذا زوجي وماحد يعرفه كثري بس الله يكون بعوني |
ناس يقولولي في المنتدى إنت من أنصاف النساء ، و ناس يقولوا من أنصاف الرجال ؟
حيرتونا ..؟؟؟ :11: أنا قلت الألفاظ .. يعني ممكن الإنسان يكون معصب و ما ينتبه لكلامه .. 1 - بسبة النفسية الزفت 2 - وجاء وقابلوه وهالخسيس وش سوى 3 - بيحرق قلبي عليهن الله يحرق قلوبهم مع إنه جاب البنتين بعد العشاء ؟؟؟ ليه ظنيتي فيه ظن سوء إنه بيحرق قلبك ؟؟؟ هم مع أبوهم ، ما راح يهرب فيهم خارج البلد ..؟؟؟ أنا قلت لك ، شروط زوجك مو شروط أنا شايفتها ؟؟؟ أشياء عادية ، أي زوجة بتعملها ؟؟؟ إنه البيت يكون نظيف ، و الأكل جاهز ؟؟؟ إذا إنت تببغي تتشرطي عليه ، الأسلوب هذا ما راح يمشي مع ( شخصية و نوعية ) زوجك زوجك عنيد و عصبي ، و العناد ما يمشي معاه .. إيش تبغينا نقول لك ؟ نجلس ندعي عليه و نصفق لك ؟ و بعديييين ..؟؟؟ |
لا لاتدعين عليه ولا تصفقين لي وبعدين الي فيني كافيني ماني محتاجه ردود تزيدني هم بعد
ومشكوره |
الله يريح بالك اختي ولا يجيب الهم على قلبك
المفروض انه يترجاك ترجعي مو كمان يتشرط>>لان على كلامك انك مو مقصرة اجل الحمد لله يحمد ربه المفروض بس الاخت روح الطير مافهمت ان زوجك يبيك خااادمة>>هذا الواضح من كلامه الله يكافيه الله المستعان خلي الاستغفار على لسانك وحسبي الله ونعم الوكيل |
اقتباس:
أقترح عزيزتي ان ترجعي لموضوعها الاول وتقرئيه واقرئي تفاصيل علاقتهم وبعدها تحكمي ... حرام تحكمي بموضوع من كلمتين كتبتهم بنت رايحة اليوم تجيب ملابسها وبتجيها ورقة طلاقها بكره ... قدري وضعها ونفسيتها ...كلامها اليوم هو أقسى كلام ممكن تقوله لانها بأقسى حال ممكن تكون فيه اي زوجة .... ومو شرط كانت تقوله لزوجها بوقت خلافاتهم ..... قصتها من القصص اللي ظلت بذاكرتي من كثرة تجبر زوجها ولما تنازلت اول مرة ورجعت له وبدون ما تحط شروطها ذلها وكأنها عاملة عمله وما قدر تضحيتها ورجوعها لبيتها |
زوجها عنيد و عصبي ، العناد معه ما راح يجيب نتيجة
أنا ما بأحط مبررات لزوجها ،. في كل الحالات كلامي واضح جدا .. |
لا عفوا اختي روح الطير انا بعد اخالفك بشدة.. يعني يهنيها ويضربها ويشد شعرها وبعدين يقول ارجعك بشرط تسوين ثلاث وجبات وتنظفين البيت بصراحه قمة في قلة الادب.. واذا بترجع له على شروطه وهي مارح تشترط شي بيذلها ويهينها اكثر من قبل.. والله غريبه منك عادتك احكم من كذا بس يمكن لانك ماقريتي الموضوع السابق ماقدرتي الوضع..
|
السلام عليكم ...
أختي كافي عذاب ...قلوبنا معك .. ولا تشيلي بخاطرك من اختك روح الطير فهي يظهر فعلا لم تقرأ كل القصة ... لأنها حقانية ... ولكن أختي روح الطير بس عشان توضح الصورة ...صحيح ان العنيد ما نجيه بالعناد ...لكن أختك عذاب فعلا كانت قليلة العناد وخضوع معه ولم ينفع معه ... وما وصلت الى المرحلة التي هي فيها الا لتماديه واستضعافه لها واستغلال طيبتها وتسامحها ... والذي فعلته لا حبا فيه ولكن حبا لبناتها ودحرا للشر ... لكن لا هذا نفع ولا ذاك ... اللهم أفرج همها وابدله سعادة وسرورا وخل لها بناتها واكفها شر من أراد بهم شرا |
اللي إيده في الماء مو مثل اللي إيده في النار,,
وأتوقع أنه آن الأوآن لناركِ أن تنطفىء,, وماأنتي مضطرة تتحملي عناده,, يكفي إنك طالعة من عندة متمتعة بكامل قواكٍ العقلية,, الله يعوض عليكِ,, ويرزقكِ باللي تستحقية,, الدنيا ماوقفت لهذا الحد,, الله يطلق لكِ كل الخير,, يااااااارب,, وأنا لو مكانك كان ألفت مجلدات في شتمه,, لا عليكِ,, ولكن يا أميرة الصبر,, عليكِ بالوقوف على أعتاب من يقدر وقفتكِ وجثووكِ.. عليكِ بحبيب الكل وهو عادلٌ في حبه,, يحبكِ ويحبني,, ويعدل بيننا دائماً,, بل له أحبة غيرنا,, هو الله الذي لا محبوبٌ مطلق سواه. |
جزاكم الله خير جميعا والله ماقصرتو
امين الله يفرج همي ويشرح صدري جزاكم الله الف خير ياغاليين وانا ماشلت على احد وماني متضايقه من كلام احد جزاكم الله الجنه |
والله مدري وش اقولك اخاف اقول تطلقي وينحرمون البنات من ابوهم واخاف اقول استمري ويتمادى زيااااااااااااده لانه لايقدر ولايحشم لازوجته ولااهل زوجته 0مريض الله المستعان ووازعه الديني ضعيف0لاكن خليك مصره على موقفك ولاتهينين اخوانك لانه انتي الان تحت شورهم 0واللي كاتبه ربي بيصير سواء طلاق اورجوع 000والله يختارلك اللي فيه صلاح وسعادة الدنيا والاخره0
|
انا بعد مدري وش اقول ولا وش اتصرف بالضبط
الحين اخوي الكبير يقول هو موافق على الشروط بس رفض يعطيك رضاوه ويقول ماغلطت عليها عشان اراضيها ولامديت يدي ولا اهنتها واخوي قال تحملي وفكري يمكن ترجعين بس وربي ماقدرت ارجع كذا بدون مايحس بقيمتي وبكبر خطاه علي خاصه انه للحين مستمر بمسلسل الكذب ومو راضي يتعدل ولا يفهم انا وش ابي واعرف لو رجعت نفس كل مره على شروطه وبدون ماشترط عليه راح يزود فقلة الادب ويتمادى فالغلط وانا ماعاد فيني طاقه للتحمل الله يعظم اجري ويفرج همي وكل مهموم بكره يبين كل شي انا الحين رايحه اجيب اغراضي من بيته وبكره اعتقد فعلا بينتهي كل شي بدون ذرة ندم من ناحيته الله يصبرني ويخلي لي بناتي امين |
مشكورين ياغالين
بس تدرون شصار زوجي دق على اخوي قبل شوي وقال مو جايب مفاتيح البيت لاني ماراح اطلقها وانا ابيها وخلاص بعطيها رضاوه بس ابيها ترجع معاي الحين وخلال 3 ايام اذا ماجتها رضاوتها تعلمكم وانا رفضت قلت انا مو لعبه لهالدرجه مستهتر فيني وربي حسيت قصتنا مسلسل سامج وماله نهايه المهم قلت اذا تعدل وجاب الرضوة ذاك الحين ارجع اما يلعب بعقلي ويرجعني بدون شي لا والف لا والحين يقول انا خايف ماابي انها تلزم عالرضاوة عشان ماتفكر اني غلطان؟؟ دنيا عجيبه بجد للحين مافكر ولا حس انه غلطان المهم اني مستخيرة والي كاتبه ربي بيصير والله يعين عليه شكله حاب يماطل ويطول السالفه الله يكتبلي الي فيه الخير |
اختي الله يكتب لك الخيره .... وان كان كلامك صحيح حسبي الله عليه وعلى أمه .... والله ما تهم الرضاوه بس يااااااااااااااااااااااااااااااارب انه يتعدل ..... وش هالرجال لهالدرجة وصلت به الوقااااااااااحه حسبي الله ونعم الوكيل .... استخيري وكااااااااافي مذله والحياة مهيب واقفه عليه ..... واذا رجعتي له وما تعدل لا تجلسين عنده ولا يوووووووووووم ........ مره ثانيه الله يوفقك ويكتب لك الخيره ياااااااااااااااااااااااااااارب ........ |
اخوي ابو سمر شكرا لك
وانا ماطلبت الرضاوه الا ابيه يحس بقيمتي ويعرف كيف يحترمني ويعطيني حقوقي كامله قبل مايطالب بحقوقه اوف بس وربي انغثيييييييييييييت منه |
سؤال أختي ....
على فرض رحتي معاه برضاوة او بدون .... تامنين على نفسك معه ؟؟؟ حقيقة كلامه خوفني لما قال تجي معي ورضاوتها تجيها ... يعني انتي تعرفينه ..هل ممكن يسوي فيك شي ؟؟ الله يحفظك ،،، |
واضح انه يعرف انه غلطان بس ماخذته العزة بالأثم وما يريد يعترف بغلطه عشان لا تمسكيها ذلة عليه وما يقدر بعد يفتح فمه معك بشيء حسب تفكيره !! يحتاج من يفهمه ان الحياة الزوجية ليست بالحرب بين الزوج والزوجة والمنتصر فيها هو من يقدر يهين الثاني أكثر ويستضعفه ويخليه يخسر ثقته بنفسه !! .. الحياة الزوجية أسمى من ذلك بكثير ... يحتاج فعلا الى من ينصحه لإنه يدمر بيته بيده . وعموماً يا أختي فأنا أعتقد إن سبب سلوكه هذا معك هو أحد التالي : 1- اما ان امه مفسدته بالدلال وزارعة فيه فكرة ان المرأة هي تابع لك فقط ولازم ما تمشي بصفك وانما لازم خلفك دائما .. وهنا الله يعينك لإن تغيير ما اكتسبه طول ما يعادل 30 سنة في بيت امه ليس بالسهل ويحتاج انك تكونين واسعة الصبر جدا معه وتتصرفي معه بحنكة . 2- او ان لديه اصدقاء مالين راسه ببطولات فارغة مع زوجاتهم تتضمن الضرب والإهانة .. وهذه اسهل ... تستطعين ان تذكري له دوما كيف ان فلانة تموت في دباديب زوجها مثل ما يقولون عشان هو مدللها ومريحها .. وفلانة تعشق زوجها لحسن اخلاقه وهدوئه ووو ... يعني لازم تمحين السيء اللي يرسخ بذهنه من كلام اصدقاءه وكل هذا بذكاء وبدون ان يشعر تطرحي هالكلام بين فترة والثانية . 3- او ان ثقته بنفسه مزعزعة ويجد الطمئنينة لو أشعركِ دوماً إنك أقل منه شأناً حتى لا تتكبري عليه .. وهنا معناها يحتاج انك تحسسيه بأهتمامك على طول .. تمدحيه تدلعيه .. تجيبيله هدية وتكتبي معها بطاقة ( الى اجمل واحن زوج ) .. هيك امور يعني . 4- او انك ما عرفتي تتعاملي معاه من البداية ... واعطيتيه كل شيء دون مقابل .. ودون حتى ان يطلب فبات لا يقدر اي شيء تقدميه له .. وهنا لازم تخلي قيمة لنفسك وتثقلي .. فالبشر طبعهم انه يسعون دوماً لنيل صعب المنال ولا يحبون الشيء الذي يأتي بسهولة .. عموماً .. مادام طخ وقال ما اطلقها يعني هو لسه شاري وما بايع .. وهنا لازم تستفيدين من الموقف .. اتركي العصبية على جهة الان فهذا هو الوقت اللي تحددين فيه الخطوط العريضة للمسار اللي لازم تمشي حياتك معه .. فلازم تكونين هادئة وتعرفي كيف تتصرفي معه ... هو يقول ترجع وبعدين اعطيها الرضاوة خلال 3 ايام ... طيب شو السبب لهذه ال 3 ايام ؟؟ يقصد انه غير متمكن مادياً الآن عليها ؟؟ او ماذا بالضبط ؟ |
اكثري من الاستغفار ياغالية
ولا تستعجلي ابدا الله يجيبلك الي فيه الخير ويوفقك |
االسلام عليكم ورحمة الله وبركاته أختي أنا أحس أن العبرة خانقتني وأنا أقرأ مشكلتك وأكثر شيء يؤلم أعتذارك بدون خطأ لشخص لايقدر ولايستحق , زوجك لايخاف الله دائما وتأحذه العزه بالأثم فلا يعترف بخطأه , والأعظم من هذا أن لأحد يذكره بالله بلعكس يجد من يشجعه على فرد عضلاته على إمرأة ضعيفة .(فيه ذكور كثير من عينة زوجك|). الأحترام في نظري أهم من الحب وزوجك من أسلوبه معك خلى أهله مايحترمونك ,والله ياختي إذا أنت تعلمين أنك أديتي كل مايجب عليك تأديته لإصلاح الحال ولم تصلي إلهى نتيجة فلا تأسفي على زوج مثله ,وصدقيني بالنسبة لأهل زوجك ترا الدنيا دوارة , وإذا أنت أستخرتي وتم الطلاق فأعلمي أن الخيرة فيما أختاره الله . الله يعوضك خير في بناتك وفي حياتك القادمة . |
شكله يحبك بس زوجك عجيب
يبي يثبت رجولته من جد تصرفاته واسلوبه غبي بس انتي خليك قوويه هيبه مايهزك الريح مثل ماقلوا لك اخواتي في الله عليك بالاستغفار واذا الله كتب ورجعتي له اذا زعلك لاتكلمينه خليه علشان يعرف قيمتك وغيري شكلك وشخصيتك خليك انسانه قويه وخليك على طوول حقنيه ماعليييييييييك منه |
اقتباس:
تبين الحقيقه حتى لو عطاني رضاوه ورجعت مااضمن انه يلتزم بوعوده وكلامه ممكن يرجع اقشر من قبل الله يستر |
اقتباس:
وهو قال خلال 3 ايام عشان اذا رجعت يلعب علي بكلمتين وانا مسكينه اصدق او ممكن يسبب مشكله عشان ازعل وينتهي الموضوع بدون مايتخسر شي ومن ناحيه المادة زوجي مرتااااااااااااااح جدا فلوسه ماتحرقها النيران ماشالله |
عاشقه الغالي
في رجا الله اقهرتني الدنيا الف شكر ياغالين على اهتمامكم بالموضوع الله لايحرمكم الاجر |
اقتباس:
متمكن ومرتاح مادياً جداً ومن ضمن شروطه بعد ما في أكل في مطاعم ؟!! هذا اكيد امه ماكلة بعقله حلاوة وتقوله لازم انك مرتك تستغل طاقتها في خدمتك وخدمة بيتك إستغلال تام .. لذلك تجديه يمكن لو اخذك تتعشو بمطعم في يوم يحسب حساب في باله ( هالمرة ما خليتها تتعب وتسوي عشا) !! مو قلتلك هذا لازم واحد يقعد وياه وينصحه ويفهمه انه مو بالعنف والقوة والقمع تحصل طاعة زوجتك وانما بالحب والتدليل والحنية !! خلاص اختي مادام ما في شي يمنع انه يعطيك الرضاوة فإنتي لا تتنازلي عنها ... بس لو قال لأخوانك ترجع اليوم وخلال 3 أيام تعطيها الرضاوة خليهم يقولوله ( لا نفضل هي تبقى عندنا خلال هال 3 ايام عشان ترتاح نفسيتها ونفسيتك وتهدو وتقدرو ترجعو لبعض ) .. يعني لا تخلوه يلاقي حجة عليكم ويقول هما بس يردون ينزلون من كرامتي قدام مرتي . ولو انا لو منك الاقي واحد كبير في عائلته بحيث هو يسمع لكلامه واخليه يقعد معاه وينصحه ويقوله اذا تريد مرتك ترجعلك فلازم تحترمها وتقدرها وما فيها شي اذا دللتها شوية عشان هي تخليك بعيونها .. عندي هذي افضل من الرضاوة بكثير الله يقدملك اللي فيه الخير |
هه ياليت الدعوه روحة مطاعم كان مانبي من الاساس هو قصده
اني مهما كانت ظروفي اطبخ فهمتي يعني مايجيب شي من المطعم ياقوة عينه بجد مادرري وش يبي غربلني الله يغربله والرضاوة مو متنازله عنها ابدا مهما صار لاني شفت الي يكفيني وزيادة تدرون وش الي خلاني استحقره زيادة واحسه منتهي بجد انه طاح ينغمه شكوى جديده يقول ماتسوي لي حلى؟؟ حسيت الحلى صار وجبه رئيسية حتى لو وجبه رئيسيه ماتسوى يتشكى منها وربي احس نفسي مره مستحقرته بقوه غثيث واحس حاطري طاب منه خاصه انه يماطل لاهو الي راضاني ورجعني ولا الي طلقني وفكني من طوالة الهرج ادعولي ياخوان بالخير |
أختي ممكن يصلح زوجك ، كثير من الأزواج يخطئون في مرحلة ما من حياتهم ، لكن أرجو أن تساعديه أنت في لملمة الأمور والعودة تحت سقف واحد .. ربي يوفقك دائما .. |
اتمنى ينصلح حاله بس مااتوقع
واحس الرجعه صارت صعبه علي مررررررررررره خاصه اني انا الي اشتكي منه وهو الغلطان علي قام يتشرط بعد عشان يرجعني اه بس والله احس اني كارهه الدنيا ومافيها مادري ليه حظي كذا |
اقتباس:
اللي صاير الحين هو البداية بس ..وانتي بيدك تغيريه بقوة شخصيتك ومحافظتك على حقوقك حتى بعد رجوعك لبيتك ... لكن غاليتي أهمس بأذنك وأقولك ..الرجل يحب يحس بأهميته بحياة شريكته مثل المرأة بالضبط ... اجلسي معاه بعد ما يوصل اخوانك لاتفاق معاه ويبلغوك انك بترجعي له ..اطلبي منهم تجلسي معاه قبل رجوعك ... كلميه بلطف وقولي له انك ما تستغني عن أبو بناتك وانه هو سندك وظهرك ورجل حياتك وانه أكيد هو اللي بيحميك من كل سوء وما راح يرضى لك بالظلم . اقتربي منه وامسكي زر من ملابسه قربك منه بيساعده على تقبل كلامك وبيخفف صده لك ....قولي له ...شوف هذا الزر ...لو ضغطت عليه كفاية بينخلع من مكانه ..بينخلع غصب عنه ...صح ؟؟؟ انا مثله ..ما أحب أكون بمكان غير بيتي لكن اذا ضغطت علي فوق طاقتي بنخلع وغصب عني بطلع من حياتك ... ساعدني حتى يعيشوا بناتنا بجو عائلي صحيح .. احنا نكمل بعض وشركاء واذا كنا عايشين مع بعض لاننا نحب بعض بتكون الحياة كثير أسهل من لو عشنا حياتنا بطريقة رئيس ومرؤوس ... لك الكلمة الاخيرة ولك القوامة لكن بالرحمة واللطف والمودة مو بالغصب . حاولي تقنعيه بكلام أختنا متفائلة بس بخوف ... ما أدري اذا رأيي بمكانه ...انتي أعلم بشخصية زوجك ومدى تقبله لهذا الكلام ... وأتمنى اخوانا يفيدونا اذا اقتراحي بمحله . |
beta2
حبيبتي وربي كل الي قلتيه مسويته معاه من ززمان لما كنت عنده وكلمته بكل هدوء وموده انه بس يفهم انا وش ابي لكن اذا قلت حاجه اهو مو مقتنع فيها قلب الدنيا وماقعدها حتى تعبت من المحاولات الي مايجيني منها الا السب والشتم والتلفظ بالفاظ ماتخيليها بس لاني افهمه وش حقوقي وانا كيف ابي يكون تعامله معاي او انا وش ابي بالضبط والله بدون عصبيه ولا عناد لكن هو الله يهديه احسه معتبر الزواج تحدي من الي كلمته تمشي ومن اللي لازم يتبع الثاني بدون اي نقاش والله ماني حاسه بحلاوة رغبته برجوعي لاني اعرف وش ورا هالاصرار بس الله يكتبلي الي فيه الخير |
اقتباس:
طمنينا عليكي :) |
الله يعوضك بخير منه
|
beta2
صمت الحنان مشكورين ياعمري عالاهتمام الله يكتب اللي فيه الخير للحين الموضوع مو راضي ينتهي اعتقد انه طنش وينتظرني ارجع من حالي الله يهديه ويكتب اللي فيه الخير |
| الساعة الآن 07:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©