|
افيدوني علاقتي بخطيبتي <المستجدات بالرد 33>
السلام عليكم كيفكم يالغاليين انا حزين وخاطري ضايق وابي شوركم يالغالين انا مملك لي 3 اشهر وفي شي محزني وهو ان خطيبتي مدري هي رومنسيه ولا لا جننتني ما تقول لي كلام حلو مع انها تموت فيني وانا متاكد بس ترسل الرسائل ومتى تجي بعد ما ارسل انا اول لها وكذلك وضعي النفسي تحطم هي تدرس وانا اقدر هذا الوضع وخليت الاتصال فقط يوم الخميس في الاسبوع وباقي الايام رسائل ..تخيلوا مدلعها وماني مقصر فيها هداياودلع حتى البيت شريته اخرها قبل اسبوع مرسلها لها هديه بالفدكس وكذلك كلام حلو انا الي اتكلم وانشق حلقي من كثر الكلام الرمنسي الي اقوله لها مدري هو خجل منها ولا دلع ولا احد لاعب عليها تقولها اثقلي عليه وش السووات الان لي اسبوع ساحب لا رسائل ولا اتصال اب اشوف تشتاق ولا لا هل هذا صحيح ياحبايبي ابييييييي شوووووركم اصبح وضعي معها شبه فتوور انا داري فيه واحد بيسال صارحها انا صارحتها بس ما تتكلم !!! |
وصل لها معلومتك بطريقه ثانيه
يعني مثلا قل لها صديقي خطيبته هيك وهيك تتوقعين ليش :) بتقولك وجهه نظرها هي يمكن سامعه انو الي تقول كلام لخطيبها يشك فيها او احد قايل لها اثقلي او انها لحد الان تستحي واذا سالتك ليه منقطع قل توقعت الوضع مو عاجبك لاني احسك ماتتجوابين معي او شكلك تحبين العلاقه الرسمه وانا ادور الي يريحك :) وشف ايش وجهه نظرها |
سبحان الله نفس مشكلة واحده من صديقاتي كانت تتعامل مع خطيبها بنفس أسلوب زوجتك معاك
واللي كان يمنعها الخجل وكمان عندها مبدأ مهم تمشي عليه وتنصح كل واحده فيه ألا وهو الثقل أثقلي ولاتبينيله أنك تحبينه حتى مايشوف نفسه عليك ؟؟!!!!!!!!!! لكن بعد فتره حست أن زوجها بدى يمل منها ويتهرب منها وقطع أتصالاته وحتى الرسايل وكلمتني تشتكي وتقول ماأدري أيش السبب؟؟؟!!!!!!!!!!!!!!!!!!! |
اقتباس:
|
كلام انفاس العطور صحيح وطريقة جيده
جربها معها لا تيأس اهم شي انها تحبك وانت متأكد انا عارفه انو تتمنى انها تبينلك هالشي بس يمكن تستحي طيب الحين لما صارلك اسبوع لاتتصل ولارسائل مارسلت لك شي؟ |
اقتباس:
اقتباس:
|
اخي الكريم هل خطيبتك ياانها................
(1)خجوله او (2)او من النوع اللي مايعرف يقول كلام حلو او (3)او ثقل ...........اذا خجوله لاتخاف مع الايام يزول الخجل وتسمع ان شاء الله الكلام الزين .............اذا حسيت انه ثقل وتغلي طنش بتجي هي تسئل عنك بس لازم تصبر شوي عنها واذ ماكو نتيجه صارحها باللي بخاطرك ووضح ان الثقل مايقربني منك الا يباعدني عنك وعلمها انك رومانسي وتحب الرومانسيه وتحب تسمع الكلام الحلو والله الموفق |
اقتباس:
|
هههههههههه :d
خطيبتك مسويه روحهاا ثقيله وفي نفس الوقت تتغلى وخجوله خلك صريح معهاا قول لهاا اناابيك تكونين جريئه خليك طبيعيه انا ابيك رومانسيه وجريئه :25: انا خطيبي ادلعه واتغلى عليه وكل شي اسويله وللاسف ولا مبين في عينه مالت عليه:d |
الله يكووووووووووون في عوووونك .... عندنا وعندك خير ... لا تخاف والله خطيبتي مطلعه فيني الصمرقع مره وحده ضغطت عليها ويااااالله قالت احبك بعد طلوع الرووووح... وأبشرك ماعندها رسايل بعد احمد ربك ..... وش انسوي هذا النصيب ومالنا الا الصبر ........ الله يوفقك ويسعدك ويسخر لك خطيبتك وتسمعك اللي أحلى من العسل يااااااااااااااارب ..... |
الثقل صنعه
لاتطلع كل ما عندك وتعودها على شيء وقتي بعد الزواج بيزول أنا معك أقول اهدها هديه كلمها ارسل لها رسايل دلعها لكن بدون افراط ولا مرسل لها هديه بالفيدكس !!!! مدري وش المانع لو انتظرت حتى أول زياه لها وجبت معك الهديه ممطرها بالرسايل !!!! يا خوي اثقل شوي أخشى ما أخشاه أن تصاب بنتيجه عكسيه بسبب افراطك بتدليع خطيبتك وبوادر هذا الشيء بدت تلوح في الأفق إن لم تبادر نفسك وتصحح أخطاءك اثقل اثقل اثقل لا افراط ولا تفريط كن وسط بكل أمور حياتك أتمنى لك حياة زوجيه سعيده ملؤها الحب والاستقرار وراحة البال |
اقتباس:
شكرا لك والله يسعدك ياختي طيب استفسار دقت على مرتين وما رديت وبعد ساعه دقيت عليها وسلمت عليها واخذت اخبارها على السريع وقفلت ولا كثرت كلام معاها وقامت ترسلي رسايل وطنش احسن كذا ولا لا اقتباس:
اقتباس:
شكرا لك يا اختي ونصيحتك سويتها وساحب لي اسبوع والمسكينه تدق وانا طنش وترسل ومطنشها هل هذا ينفع ولا خلاص كفايه عقاب والله يسعدك دنيا واخره وشرفني مرورك |
بيكون المحيط الاجتماعي عندها ممنوع الكلام وانو العريس هو اللي يرسل ويتكلم والزوجه لا او العروسه
مثلا كان بمجتمعنا سائد انو عيب الزوجه تطلب من زوجها يجامعها لازم هو اللي يطلب عيوب كثيره كانت تقال لنا وهي بالحقيقه خطا مثلا ما لازم زوجك يعرف انو الدوره جات طيب واذا طلب للجماع والواحده بالدوره هناك معتقدات واعتقد عروستك من هذا المجتمع اللي يقول عيب تقولي لعريسك احبك او تتغزلي فيه احسن ترخصي بقلبو ويفكر انو كنتي تكلمي شباب او متعوده على الكلام رح ياخذ وقت معك اخي الفاضل لتتأقلم العروس معك وبجوك وما تطلب انت ويمكن تخاف لو كانت بغرفتها تكلمك يمكن يكون احد اخوتها قربها او تخاف احد يمر ويسمعها تكلمك وتتغزل فيك ولكن من رأي مسج واحد كل يوم ومثل ما قلت تكلمها مره في الاسبوع وحاول تكسر خجلها واظهر لها انك زعلان شجعها تنهي دراستها لان هجرانك لها يزيد الضغط عليها يمكن احد اخوتها ياخذ تلفونها ويراقبو ويشوف الرسايل وهي عندها حرض وخجل يمكن يقرا المسج التمس لعروسك مليون عذر اخي الفاضل متى الزواج ؟؟؟؟؟ هي بعيده عنك وانت لا تعلم ظروفها |
افيدوني
خطيبتي ارسلت لي رساله ((لو قدر ان هذا اليوم هو (اليوم العالمي للسرقه )فما الذي ستسرقه مني ..انتظر ردك انا ارد عليها برساله خايف اقطع قلبها بذا الرساله وتنقهر من سوى الهجرة اسبوع ورسالتي: ((اتمنى اخذ منك الكلام الحلو والرقه والرومنسيه مو ااسرقه قسم بالله محتاجها انا تعبان حرام عليك قلبي منكسر ابي اسمعها منك -هاجر العالم لي اسبوع - معليش قسيت شوي عليك لاني ابيك تحسين فيني.)) بعدين احبك يا .... وش رايكم خاصه للبنات |
^^
^^ جرب ارسل ... وانتظر الرد لتحكم علي الاسباب بعد ذلك ... بصراحة الكلام معبر وبيوصل المطلوب .. جرب فانت لم تخسر شي ولم تتعدى عليها او تجرحها بشي .. ارسل وعسى الرد يسعدك بالي ببالك وتتمناه من عروسك يارب احساس |
ارسلها
واخبرنا التيجه ارسلها اخي واطلب منها تحدد لك عن يوم السرقه لتسرق قلبها وعقلها وكلامها زد عليه اسرق قلبك وعقلك واضمهم لصدري وانام |
هذا م زيتون # 2 :d
تمحص ما اذا كان الامر مثلما قالته لك الخالة (جرين) ام الامر مثلما قالت (اقهرتني الدنيا) و ان عرفت السبب فافعل ما قالته لك (انفاس العطور) او ما قالته (نسيم الوسم) كثر اللي يشتكون ما تشتكيه انت هذا العصر صف بالصف اخي |
اقتباس:
سأسرقك كلك! ... خوفي ان اسرق جزء منك و احتاج للأجزاء الثانية لاحقا فساسرقك كلك و اريح راسي.... بالأخص قلبك حتى افتحه بروحي و اسمع الكلام جواه اللي انا محتاجه و اللي تخبيه عني :18: |
اللي بعد ابي اسمعها منك امسحها ..
أخاف تزيد الطين بلة .. واذا كانت صغيرة بالسن جارها وقول ابي اسرق الكلام الحلو .. من صوتك الساحر ؛ |
((اتمنى اخذ منك الكلام الحلو والرقه والرومنسيه مو ااسرقه قسم بالله محتاجها انا تعبان حرام عليك قلبي منكسر ابي اسمعها منك -هاجر العالم لي اسبوع - معليش قسيت شوي عليك لاني ابيك تحسين فيني.)) ( ممكن تعطيك إياه بس بتقول خفيف و واضح و قاسي و متردد ):d سأسرقك كلك! ... خوفي ان اسرق جزء منك و احتاج للأجزاء الثانية لاحقا فساسرقك كلك و اريح راسي.... بالأخص قلبك حتى افتحه بروحي و اسمع الكلام جواه اللي انا محتاجه و اللي تخبيه عني ( ممكن تعطيك إياه بس على مضض و بتقول إنفعالي و متطلب و طوووط ( مشفر :15: ) يا ثقل دمكم يا الرجال و كثر كلامك من غير سنع الأخت أم داليا أعطتكم المختصر المفيد ابي اسرق الكلام الحلو .. من صوتك الساحر ( بتعطيك إياه و بتقول ساحر وجذاب و رقيق و مرهف الحس و غامض و واثق ) :d |
الله يوفقكم ياخوي ويسخر لبعض
واحب اقولك اخوي ترا المكالمه والرسايل مو كل شي اهم شي بعد الزواج ورسالتك الي رديت فيها عليها حلووه وان شاء الله يكون ردها يبرد قلبك يارب |
طيب وشرايكم بصيغت ذا الرساله الاولى ولا الثانيه :
1/ ((اتمنى اخذ منك الكلام الحلو من صوتك الساحر.. والرقه من قلبك الرهيف .. والرومنسيه من انوثتك الجميله مو ااسرقه قسم بالله محتاجها .. انا تعبان حرام عليك قلبي منكسر -هاجر العالم لي اسبوع - معليش قسيت شوي عليك لاني ابيك تحسين فيني احبك يا ...)) ____________________ 2/ (( اتمنى اخذ منك الكلام الحلو من صوتك الساحر.. والرقه من قلبك الرهيف .. والرومنسيه من انوثتك الجميله مو ااسرقه قسم بالله محتاجها .. انا تعبان حرام عليك قلبي منكسر __حسي فيني __ احبك يا ...)) وش رايكم والله يهمني رايكم |
اقتباس:
للصراحة اذا علمته الغموض اليوم و الوثوق بالنفس غدا و الرقة و السحر اللي يليه.. فمن يعلمه حينما يكون لوحده؟ و هي فترة و ترجع حليمة لعادتها القديمة ... ستعلم خطيبته ان هذا خارج عن قموسه... و غريبة في شخصيته... <<<< خذ بالك النساء اذكياء:24: اخي احكيها اللي بقلبك... اقتباس:
قالت لك الاخت ام دالية ان تمحي: "-هاجر العالم لي اسبوع - معليش قسيت شوي عليك لاني ابيك تحسين فيني" |
اقتباس:
خير الكلام ماقل ودل مالون باالاحمر أرى أن تحذفه تماما لأنه حتما سيشعرها بالتقصير في حقك وهو شعور مؤلم لفتاة مقبله ع الزواج .. فرفقا بخطيتك .. أسأل الله لك التوفيق والسعادة.. |
اقتباس:
إبدأ بلطف و إنتهي بشغف و ليس إبدأ بلطف و إنتهي بقسوة ( طلع الكلام من عندك عشان يكون صادق و تتعلم الرو منسية ) دائما أي كتابه إبدأ بقوة و إنتهي بقوة و مابينهم إحساسك وما تريد إيصاله و لا أقصد بقوة في نوعية الكلمات و لكن تأثير الكلمات في النفس بشكل إيجابي |
اقتباس:
خلاص كفايه عقاب احست بالموقف وبدت هي تتصل عش اجمل لحظات عمرك ما تشد كتير بالعقاب طالما انها احسست وفقدتك وعقبال ما تنفك عقدة لسان عروسة اخونا زيتون ابن بلدي وتنهال عليه بوابل من الكلاام المعسول الله يهنيكم يا رب وعقبال اللي ببالي يا رب ابني ملزق عند العروس ووقت يرجع البيت تتصل فيه مره كان تعبان ارسلت لها مسج وطلبت منها ان لا تتصل به نايم وفعلا المسكينه راحت نامت والله ما عم شوفو ولكن على قلبي احلى من العسل مع انو بعدو صغير ولكن اختار طريقه |
لا انا مجربه اكيييييد هي خجووووله
اصبر عليها ولا تسحب عالمسكينه والله هي تتمنى انك تسال عنها وتتطمن عليها كل شوي :22: كلمها وارسل لها ولاتفكر باللي هي تسويه والله حرررراااام كذا تذبح المسكينه والله البنات حساسات بقوووه ولاتضيع هالفتره بالعقاب والتطنيش نصيييحه |
و أبي أعرف لماذا لازم تسرق ( يمكن بتسوي لك كمين :30: ) لماذا لا تقول مثلا لن أسرق منك شيء و قد سلمتك قلبي المتعب بين يديك فرفقا به ليس لأنه لي و لكن لأنك أنت فيه فأحييه لتبقي فيه ( وصلت لها كل المشاعر المتخبطه التي بداخلك و أيضا الحكومة لن تجد دليل يدينك ):d ( بس أنت تبي تحشر طلبك و هو الكلام في الرد فشوف لك طريقة لكن فكر قد تصل لأكثر من الكلام بدون تحديد طلب ) سوي محاولتك و راح نتعاون معك حتى لو تأخر ردك أن تصل متأخر خير من أن لا تصل :d |
الرساله الاولى افضل
لكن نصيحه تاكد انها تحبك وتموت فيك لكن مهما كان البنت تستحي جدا مو مثل الولد بذات الكلام الرومانسي لذلك لاتضغط عليها بتصير تستهم من مكالمتك وبعدين يمكن ماهي لحالها دايم00 فما تقدر تاخذ راحتها 00او احد يفتح جوالها من اخواتها وكمان هي ماتدق لانها تخاف تحرجك 00يعني تكون مع زملائك او مشغول وكمان معروووف عند الرجال الشك لذلك هي تاخذ حذرها لكن بعد الزواج تعرف قدرك عندها لكن الان ظروفها تمنعها واسفه ع الاطاله0 |
بنصحك تكمل سحبتك الين ماتنجن عليك وتفقدك
|
خلالالاص كفاايه عقااب
خلاص إن شاء الله حست فيك انتوا بس ماعندكم الا تطنيش والله انكم تقهرون والله يوفقكم ويسعدكم |
شكرا لك يا اختي ونصيحتك سويتها وساحب لي اسبوع والمسكينه تدق وانا طنش وترسل ومطنشها هل هذا ينفع ولا خلاص كفايه عقاب والله يسعدك دنيا واخره وشرفني مرورك [/QUOTE]أول شي أنا أخوك منب أختك ياخوي أنا ما قلت لك طنش واسحب أسبوع لو تلاحظ كلامي قلت لك كلم وارسل ودلع لكن بدون افراط الاعتدال مطلوب بكل شي الثقل لايعني التطنيش ما كنت أخشاه وقع بالفعل انقلبت 180 درجه بسبب تسرعك وافراطك بعد ماكنت ترسل وتكلم وتدلع وتهتم طنشنت ! أخي الكريم الموازنه في حياتنا مطلوبه فلا افراط ولا تفريط |
السلام عليكم
ابشركم يا حبايب تصالحنا والرجعت الامور لمجاريها لا ارسلت شيء وانما ارسلت لي عدة رسائل وحست فيني الحمدلله والشكر موصول لكل من تفاعل معي وساندني باقتراحه وكذلك بدعائه شكرا لكم من اعماق قلبي والله يسعدكم وييسر امركم |
:)
الحمدلله مابغت بس كانت تبي تحس بقيمتها شويتن وتبيك تتغلا عليها خخخخ الله يوفقك خيوو |
اقتباس:
عليكم السلام الحمد لله والله يتمم المودة والرحمة والحب بينكم عزوبي بس رجل |
الحمدلله ع رجوع المياه لمجاريها
بس تسحب اسبوع !!!! أشوفه خطأ وخطأ كبير بعد حمد لله زان وضعك والا لو غيرها الله يخلف عليكم بصرااحة حركتك مالها داعي < وجهة نظر ولاحق ع الحب والكلام المعسول العمر طويل يبو الشباب صدقني بتشبع < إن شاء الله وانا بعد بس والله اني طماع قد ماتقول فيني ماراح اشبع هع |
مبرووووك والله يوفقكم00
|
مبروووك والله يوفقكم
|
مبرووووووووووووووووووك الحمد لله ..... |
الحمدلله على كل حآل ..
عليك بالتأني والصبر يآخوي .. الله يتمم عليكم :) |
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©