|
خلاف بيني وبين زوجتي = ضربة جزاء
السلام عليكم ورحمة الله وبركاته
اخوتي الاحبة كيف حالكم عساكم بخير موضوعي بختصار انا متزوج منذ فترة بسيطة .. وزوجتي مو كبيرة بالعمر تقريبا 18.. حدث بينا خلاف .. على اثر الخلاف اخذتها على بيت اهلها .. لأن ابوها في بداية الزواج تعهد اذا صارت مشكلة انه يدخل فيها ويحلها .. وانا من هذا المنطلق وديتها على بيت اهلها .. انتظرته ما اجة وقلت اجي وقت ثاني علشان اقوله الموضوع ونتساعد في حله .. اكتشفت انه بعد ماراح على بيتهم وشاف بنته هناك وكانت تعرفون النسوان ( بكاء وبابا وضربني وموتني وذبحني وكان رح يدفني في الارض لولا مالقى شي يحفر فيه ..وعشان الجيران الي تحت مسوين جبصين في السقف جديد ) ومن هالسواليف .. انا عرفت انه زعلان .. وكنت في الشغل طبعا .. ما اتصلت فيه لأن اعرفه لمة يزعل يمكن مايرد .. كتبت له ايميل وشرح له القصة من طق طق للسلام عليكم .. رد عليّ برسالة طبعا .. الله المستعان .. حنه بنحاول نعلمّها حقوق زوجها ونفهمها كيف تحترم زوجها (( لكن )) مارح تاخذها إلأاااااااااااااااااااااا بعد ماتصير أم + ربة منزل مضبوطة + طباخة ماهرة + شخصية قوية تحترم زوجها وتقدره طبعا الكلام واضح .. وهي رسالة معناها بنتي عندي وماتحلم تاخذها مرة ثانية .. لأن مافي بنت تاخذ دورة في الحياة بيومين ... مستحيييييييل ورحت اشوفها في بيتهم وهو كان موجود و قال ماتشوفها .. اذا طلعت لك اكسر راسها !! بعد كم يوم .. اتصلت في زوجتي راضيتها ورحت جبت لها هدية غالية ورحت عليها من الباب عطيتها الهدية ورحت .. وكنت اكلمها على الجوال واكسب قلبها من جديد .. لاجظت في آخر أيام ان البنت بدأ تتكبر شوووي بدأت وانا اكلمها تحاول تسكر التليفون .. وترمزلي ببعض الكلمات الغير مناسبة .. اخر مرة اتصلت فيها سكرت التليفون بوجهي .. !! وانا مو مقصر معاها الحمدلله ... آخر مرة 0بعد ماسكرت بوجهي ارسلت لها رسالة قلت لها خلاص انتي خليكي بيت اهلك اذا مرتاحة وماتبين ترجعين بيتك .. انا مسافر .. ردت ّ عليّ .. قالت بس تروح الشغل جيب لي مفتاح البيت بروح اجيب اغراضي ... انا بصراحة في حيرة من امري مع زوجتي .. انا احبها مالي غيرها في الدنيا .. وماعندي مثلا علاقات اجتماعية او اصدقاء واروح معاهم واقضي معاهم يومي .. ماعندي غير شغلي وزوجتي .. لكن قاعد افكر اتركها .. مو هروب من المسؤولية بس انا اشوف انها هي الي تبغى هذا الشي . . هي الي عندها اهلها في المرتبة الاولى .. هي الي ماعندها اي احترام لزوجها .. هي الي اذا زوجها قال لها كلمة .. ولسة ماخلّص تزعل علية وتصيح وتبكي مشكلتي الآن في التدخل من اهل زوجتي في حياتنا الزوجية .. مشكلتي في احتفاظ الاب بأبنته .. مشلكتي بتأثير البيئة العايشة فيها عليها بشكل سلبي . . مشكلتي بعقلها الصغير .. مشكلتي في نفسي انا .. الي مااعرف اتصرف بشكل جيد |
أخي عبدالله .. أعانك الله وأتنمى أن يوفقني الله في تقديم المشورة المناسبة لك.. لقد ذكرت في البداية أنكم حديثي عهد بالزواج وأن عمر الزوجة صغير وأنها الآن لا تريد الرجوع إلى المنزل فبما أن مدة الزواج قصيرة فهذا يعني أنكما لم تفهما بعضكم بعد وتحتاجان إلى المزيد من الوقت للتعرف على بعضكم أنت من وضع نفسك في هذا الموقف وهو الذهاب بالزوجة إلى منزل أهلها وكان من الأولى أن تتفاهمان في المنزل والا تسمحان لأحد بالتدخل في مشاكلكم حتى وإن عرض عليكم ذلك وتأكد بأن المشاكل الزوجية إذا حدث فيها تدخلات فإنها تزيد.. لذلك أحرص في المرات القادمة أن تحلها مع زوجتك دون ان يعلم أحد ودون تدخل من أحد .. أتوقع أن الأب يريد أن يوصل لك رسالة وهي حل مشاكلك مع زوجتك ولا تحضرها إلينا .. واللبيب بالإشارة يفهموا أخي بما أنه حدث الذي حدث فأقول لك الآتي: - أكثر من الذكر والاستفغار وبالاستعانة بالله. - أحرص على زوجتك وأعمل ما تستطيع لكي تعيدها إلى المنزل فهي على ما أظن تتغنج وتدلع لكي تعرف مدى حرصك عليها ورغبتك فيها.. - أعدها إلى منزلك وحاول إصلاحها بالتفاهم والتغاضي عن أخطاءها فهي مع الأيام سوف تتعلم وأنت كذلك سوف تتعلم. - أحرص على الدورات والمواضيع التي تكشف لك شخيصة المرأة وكذلك الزوجة وحبذا لو اشتريت كتاب ( الرجل من المريخ .. والمرأة من الزهرة ) أو حملته من الانترنت وقرأته مع زوجتك وتناقشتم حول ما هو مكتوب فيه. - لا تسمح لأحد كان من كان أن يتدخل في أموركم ولا تسمح لزوجتك بإخراج ما بينكم خارج المنزل. - تذكر بأن تفكير المرأة يختلف عن تفكير الرجل بـ 180 درجة فلا تتعامل معها حسب تفكيرك. - تذكر بأنه من المستحيل أن تجد زوجة حسب المواصفات التي تتمناها. لكن أنظر إلى ايجابياتها وسلبياتها ومن خلال هذا الأمر تستطيع الحكم على زوجتك. - أصبرا فلا زلتما في بداية الحياة. وبإذن الله أن الأمور سوف تعود إلى مجاريها عن قريب وتقبل تحياتي،،، |
الله يكون في عونك ويكتب لك الخير
بس أخوي أنت غلطان إنك دخلت أبوها في الموضوع اصلا مااااااااافي أب بالدنيا كلها راح يوقف بصف زوج بنته ضد بنته اللي من صلبه وبالأخص لما تكون مشاكل الزوج في مجملها مالها غير معنى ضمني واحد عندهم وهو إنه ماعرفوا يربوا بنتهم زين كان مفروض تحل مشاكلك معها هي وبس وماتطلعوا أسرار بيتكم لا لقريب ولا لبعيد |
أخوي أنت الغلطان
المفروض أنك تسيطر على الموضوع والمشكله ماتطلع برى البيت اقتباس:
أنت وديت بنتهم عندهم ولو ماسويت كذا ماصار ألي صار !!!! اقتباس:
مو كلما زعلتوا رميتها عند أهلها !!! اقتباس:
يعني لازم تصبر على أخطاءها وتعلمهاعشان تكون زوجتك مثل ماتبي. |
بارك الله فيك ..
|
بارك الله فيكم جميعا
|
اقتباس:
حقيقة قد لا أكون أضفت شيء لكن أحببت أن أثني على موقف هذا الأب الحكيم |
اهم ما في الموضوع لم تذكره يا اخي
ماذا كانت المشكلة لما ويدتها بيت أهلها ؟؟؟ |
اسمعني تبي تصيحتي ........ شف زوجتك واهلها ....اتركهم لمدة شهر .... او شهرين او 6 شهور كأقصى حد .... عطهم مفتاح لشقتك خلهم لين يطيح الي براسها وبعدين مدامك انت وراهم وراهم ترا ماراح يعطونك وجه .... اتركهم شوي .... شف الحل والنتائج وخل دايما لمثل هذي الظروف ان تضع اسوأ الاحتمالات وشكرا لك
|
سبحان ربي تقول مشكلتك الحين تدخل الاهل
يعني لما وديتها وانت قاصد تدخل ابوها كان عادي بس لما رد عليك رد ماعجبك صارت مشكلتك انو تدخل ما تفكر بيوم من الايام انو في اب او ام رح يحبو زوج بنتهم او زوجة ابنهم اكثر من ولادهم انا احس انو الاب ماغلط هو بدو يربي بنتو عشان تنصلح يمكن هو عارفها اكثر منك وبما انو زوجتك صارت تشوف حالها عليك اتركها فتره ابعد شوي وبعدين ارجع ونصيحة لوجه الله ماتدخل حدا بحياتكم مين ماكان لان انتو الخسرانين ورح تكبرو المشكلة اكتر |
انته ضربتها؟؟؟؟؟؟
|
ذكرتني بسالفة رجل زميل زوجي بلعمل كان دايما مشاكل مع زوجته ولقى حل غير إنه إتصل علا أبوها وعلمه بسالفه فقال له أبوها جيبها عندي الديره طبعا ديرتهم الباديه أبوها عنده حلال واجد غنم وإبل فأخذها زوجها وداها لأهلهازياره فقال له أبوها خلها أنا أتصل عليك بالجوال ولا تجي أبدوكان عندها منه ولد تركها زوجها وراح بنائن علاكلام ابوزوجته
أول شئ أبوها صرف الراعي حق الغنم وقال لها يفلانه الراعي عنده ظروف وأبغاك تسرحي بالغنم عنه حتي يرجع من عند أهله طبعاأبوها ويش تقوله وياالله من الصبح وهيه صاحيه وتسرح بالحلال حتى الظهر وبعدها تجي البيت تظبط الغداءلأمها وأبوها ويالله صبرت صبرت وماعاد تحملت الكرف والشغل وهي كانت مرتاحه معززه مكرمه في بيتها بالمدينه مع زوجها فقامت تسأل أبوها هاه يابوي أبو فلان ما إتصل عليك أبوها ماشاءالله عليه ذكي محنك قال لها إلا إتصل ويقول بيمر يشوف ولده قالت له متى قال جاي قال لها بكره وقام أبوها أتصل علا زوجها قال له تعال بكره لزوجتك فجاء زوجها لما وصل الخيمه جلس مع عمه وأخذ ولده يلاعبه إلا وهي جايبه ملابسها وقالت له يا الله يبوفلان نمشي قبل ماتليل علينا قال لها أبوها علا وين يفلانه قالت بروح بيت زوجي خلاص تعبت من الجلسه هنا وزوجي عنده أشغال وتعرف أنت يابوي ظروف الحياة وماصدقت تركب سيارة زوجها وتروح لبيتها في السياره قال لهازوجها هاه إرتاحت نفسك الحين عند أهلك فردت عليه الحمدالله إن أبوي مادرى إن جيت زعلانه وإلا كان خلاني للحين عنده بالذات إنه بحاجه لخدماتي الحين عقب الراعي وقالت له بالسالفه وبعدها تعهدت علانفسها بطاعت زوجها وترك المشاكل والحمد الله يقول اليوم أنا مبسوط معها حتى لوراحت زياره لأهلها نروح ونرجع سوى فبصراحه أبو زوجتك معاه حق خلها عنده حتى ينطحن الحب إللي براسها ويطيح الحطب أنت ليش تتصل عليها وتعطيها هديه وتقابلها كذا حست فيك إنك من غيرها ماتسوى وحده من الثنتين ياإنك تصبر وتخليها تتعدل عند أبوها أو تراضيها وترجعها وتحمل مايجيك أصبرو أنت تحبهاومن الأفضل تحطون قاعده لحياتكم الزوجيه وخطوط حمرا ء ما أحد يتعدى عليها وليش توديها عند أهلها حتى لو أبوها قال لك جيبها أصلن غلط تطلعون مشاكلكم برى بيتكم وتدخلون الأهل فيها بالذات لوكانت مشاكل تافهه بعدين زوجتك وأنت باقي ما جاكم عيال ولالكم مده طويله تاخذون على بعض فيها حتى تثقل عقولكم وكل واحد يتمسك بالثاني وأنت توك متزوج وتزعلها ليش يا أخي المفروض الحين تتصل عليها وتقول لها جهزي حالك بمر عليك نطلع برى نتفاهم مع بعض وروح أنت وياها أي كوفي شوب وخذ لهاهديه حتى لوكانت ورده غلفها وحط عليها كرت وأكتب عليهابيت شعر فيه شئ من الحب وقدمها لها وتفاهموامع بعض ولوأنت عارف نفسك غلطت عليها إعتذر منها بأسلوب حب وطيبه وبعدها خذها وإطلع علا أي مطعم عائلي وتعشوا مع بعض ولوشفت خاطرها طاب إرجع فيها بيت أهلها وكلم أبوها وهيه معك قول له خلاص ياعمي المشكله إللي بيناأبشرك إنحلت وأوعدك أنا وزوجتي ماتتكررأبد إن شاء الله والحين باخذها ونروح بيتنا وأكيد إن أبوها ماراح يقول شئ بيوافقكم الرأي وفقك الله أنت وزوجتك ويجعلكم ربي ما أحد يقدريستغني عن الثاني إن شاء الله . |
اتركهم أسبوع أخي بدون اتصال وبعدها كلم أبوها ولا تكلمها واقعد معاه وافهم منه قصده بالضبط وحل الموضوع ..
الصراحة أنا أفضل أقصر الطرق وأوضحها .. الطريق المباشرة أفضل . |
جزاكم الله خير والله كلامكم اثلج صدري .. وخصوصا ً الاخت بنت الحكمي وفقك الله لما يحب ويرضى ..
وبقية الاخوة ماعليهم زود بارك الله فيهم .. بالنسبة لموضوع اني وديتها لبيت اهلها انا ماحبيت اقول كلشي .. لكن صارت مشكلة بينا وخلاف بسيط وهذي مو اول مرة .. البنت تتصل على طول في ابوها وابوها يتصل فيني وليش وهاه ولماذا هكذا كذلك .. يعني لمة صارت المشكلة هي كانت متصلة في ابوها قبلها بشوي .. وانا كلمته وقلت له مافي شي الشغلة بسيطة .. وبعدين تكلمت معاها وسائت ادبها لأن ابوها بيجي حسب ظنها .. لذلك انا اخذتها لأبوها حتى افهمةالموضوع لأنه غالي عليّ واحترمه كثير واعزه .. فأنا اعذر الاخوة الي قالوا انك انت وديتها وهذا منك .. اقول اي صحيح انا وديتها لكن شرحت لكم ليش .. الحين الموضوع صارله قريب العشرين يوم .. وانا عارف زوجتي صغيرة وماتتحمل كثير .. وبالعكس اذا تركتها بتتنافر القلوب .. والبيئة الي هي فيها ماحد يحثها على محبة زوجها وهي ماعندها صاحبات مثلا تشكي لهم ويعطونها النصيحة .. يعني بروح .. انا وياك ياعقلي وقولي منهو يقدرلي بارك الله فيكم جميعا اخواني الاحبة وانا متابع معكم ان شاءالله لحل جذري للموضوع بإذن الله . |
اخي الفاضل اتركهم حتى تحصل منهم مبادرة لان الكورة الان بملعبهم
انت عملت اللي عليك وابديت اعتذار وقبول بالهدية والمكالمات والمفتاح لاتعطيها ياه واثقل شوي وشوف ايش بيصيرمنهم الله يكتب لك الخير |
| الساعة الآن 01:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©