عيال حريمهم!!!
 

مساكم الله بالخير

في احد المساءات الجميله .. والجلسه نسائيه ..
وفي خضم الحديث ’’’خضم :23:.. خضم! اتوقع انا اول وحده قلتها بالمنتدى:d

نرجع للحديث النسائي الممتع والذي زاد متعته .. امراه كبيره في السن شكت ابنها قائله....

ولدي فلان ولد مرته:11: ...!! ’’ تعالت الضحكات من النسوه!!

اقوله ودني بيت ام فلان ... يقولي يمه مشغوووول بكره اوديك !!! وعقب ساعه يطلع اهو ومرته يتمشون ويتعشون عساه زقوم !!!! ’’’’ هههههه ومازالت ضحكات النسوه تتعالى !! واولهم انا :)


نستخلص من هذه القصه القصيره
وجهة نظر لهذه السيده الكبيره بأن ....بعض رجال هالوقت ,,عيال حريمهم,,

فهل هذا صحيح !!!


بانتظار رايكم

هههههههههه الله يسعدكم
بنظري ممكن يكون كلامها صح لو فعلا ولدها تغير عليها بعد الزواج وقصر معها
بس للصراحة في امهات انا اعتبرهم يغارو يعني ولدها مو مقصر بشي وماتغير لو مرة فعلا كان مشغول وطلع مع زوحته قالت شووووووفو من تزوج نسى اهله وهالكلام الفاضي
فأنا مااقدر اعمم او اقول لا مافي اولاد فعلا كذا

مايكون ((ولد مرته ))ألا أذا كان ضعيف شخصيه

أذا اطاع زوجته طاعتة عمياء ومن باب الغيرة اكيد الأم تقول ولد حرمته

أو قد تتقطع قلب الأم لفقدها ابنها بعد تزويجه وغيرتها الزائدة عليه وخوفا من زوجته أن تخطفه بعيد عنها فتقول ذالك

عموما أن لا نغفل قلب الأم حين تأتي الزوجة وتأخذ ابنها بعد أن كافحت في تربيته وتعليمه طواال السنين وأذا كانت الزوجة صالحة فأبنها في أمان وحين تكون غير ذالك فقلب الام سوف يغلي

وكل وحدة منكم تضع نفسها مكان تلك الأم:25:

ممكن يصير هاذاالكلام وحنا بكره بنصير أمهات أشوف إن أمه هيه أولى مني بخدمتها ومشاويرها حتى لوعندها عشره عيال غيره ليش القسوه هاذي تذكروا يا أخواتي إن هاذي الأم لها فضل كبير في وجود زوجك هاذا إللي شايفتيه اليوم رجال وأتوقع لو زوجت الإبن أحسنت معاملت أم زوجها وتنبه زوجها بإستمرار علا تقصيره مع أمه وتنصحه ببرها وطاعتها فهاذا خير لها بإذن الله وبذلك تكسب الأم والزوج مع بعض لأن احيانا الشخص يتزوزج ويخلف وتكثر أشغاله فإذا كنتي فعلا تحبين زوجك فأعينيه علابر وطاعت والديه وذكريه بحقهم عليه حتى الله يرضى علازوجك وتجنين ثمر ذلك الشئ في الكبر عند سن التقاعد حتى أولادك لازم تعلمهم البر بأجدادهم وحبهم منذ الصغرأناما أنكر إن فيه بعض الأمهات تنتابها غيره من زوجت ولدها أحيانا ولاكن بحنكت الزوجه وذكائها تحول تلك الغيره منها إلى حب لها وتصير مثل بنتها ولاكن عجبي من بعض الزوجات تقارن الأم كالضره
وكل همها تبعد زوجها عن أهله وتبغى تظهر لهم إن ولدهم زي الخاتم بيدها وإنها هيه الآمره الناهيه عليه وإنه صار علا كيفها يودي ويجيب أمه هل يعقل إن الأم تاخذ الإذن من زوجة ولدها علشان
المحترم يوديها مشوار أو يجيب لهاغرض هاذي قويه لاكن الشرهه ماهي عليها الشرهه علا الرخمه إللي معاها إللي ينسى فضل أمه وتربيتها وتعبهاعليه بس بصراحه أناأشوف إن بعض الزوجات توكل تربية عيالها لشغاله بالبيت يعني هيه تكون بعيده عن عيالها وتربيتهم وعلاقتها بهم بالذات لوكانت مرتبطه بعمل في بكذا يموت عندها إحساس الأمومه تبقى وظيفتها الحمل والولاده بس الباقي على المربيه والشغاله فكيف تبغى تحس بأم زوجها وحاجتها لإبنها إذا هيه ماجربت إحساس الأمومه يعني شئ عادي عندهاطاع أمه وإلا ماطاعها كله واحد بالله هاذي تصلح تكون أم لوكبروا عيالهاوهم بعيدين عنها وقتها بس ستتذكر أم زوجها وتحس بنفسها وإلا خلاص مدام الله هاديه ويسمع كلامي وأي شئ أقوله له ينفذه هاذي نعمه من الله فأفضل شئ إني أشغل نفوذي في رفع قدره وقيمته عند أهله وأوصيه ببرهم وطاعتهم حتى أنال ثواب الدنيا والآخره وأكسب أهله هاذي أم أم يناس فيه أحد يفهم معنى كلمة أم خلها تقول وتنتقد بين الناس وش ماتقول تقول أهم شئ إن الزوجه تأدي واجبها تجاه ام زوجها بما يرضي الله ويرضي ضميرها وتنصح زوجها لوكان مقصر والكلام ماعمره موت أحد الدنيا دين وسلف اليوم لك و بكره عليك وحق الأم
أعظم من حق الزوجه في الدين والشرع ومعليش لاتقولون متحيزه ترون أكبر واحد في عيالي أول متوسط ماقدحصل لنا الشرف وعندنا زوجة إبن أناماقلت كذا إلا من مواقف وقصص ونماذج شفناها علا الواقع من حولنا فا أقول لكل زوجه قلبهاقاسي علا ام زوجها أوفيه شئ في قلبهامنها أقول لها الرحمة الرحمه والشفقه علاتلك المرأة الكبيرة المسنه وأقول لذلك الإبن هاذه أمك كم سهرت وكم تعبت وكم قاست وكم عانت في حياتهامن أجلك فوالله لن تحصد خيرا في حياتك إن عصيتها ووالله إنك لأشقى الناس في حياتك وعمرك كله سيظل هما وغما وستتعب في حياتك كثيرا وإعلم بأن زوجتك تلك التي أغنتك عن أمك وجعلتك تنساها وتنسى حاجتها لك عندالكبر إعلم أخي إنها لن تحاسب عنك وتحمل ذنبك معك يوم الحساب فإنتبه لنفسك وأطع والديك في ما يرضي الله عز وجل ودمتم سالمين .

احلى شي الوسطيه في كل شي


وفعلا يانانى زي ماقال عزوبي كلها تقطيع لحوم بشر احذروووووووا
يقول الله تعالى: {ما يلفظ من قول إلا لديه رقيب عتيد} [ق: 18].


((وهل يكب الناس علي وجوههم في النار الا حصائد السنتهم))

انا مااعصم نفسي من الخطا لكن الحمدلله من يوم ماينفتح موضوع عن احد الحمدلله ماما او اي احد منى او من اخواتى نعمل كنترول ونذكر بعض اننا مانتكلم عن احد ونستغفر الله على طووول

والله اني حزنت على ها الام المسكينة