|
برود المتقدم للزواج بماذا يفسر؟
السلام عليكم ورحمه الله وبركاته
اتمنى الجميع يشارك رجال ونساء لان الموضوع شخصى ومازمنى من زماااان واتمنى اسمع اراء او وجهات نظر خصوصا من الرجال لانهم اعرف ببعضهم تتقدم اسرته ويبدون اعجابهم ثم بعد ذلك يتبقا دور الشاب وتبدا مرحله البرود والتمطيط يعنى التحرك ببطء لغير السعودين:27: حصلت معى كم مرة ونفسى واتمنى اعرف وش السبب ماحصل شوفه شرعيه ولا شى لكن يتحرك ببرود هل هالشى طبيعى او مؤشر على شى مو كويس حصلى قبل ورفضت كذا شخص بسبب هالموضوع باعتقادى الشخصى ان الحماس للزواج ولى راح يسعدنى مابى واحد يجرجر نفسه ويتحرك ببطء يوتر ماعرف توافقونى الراى تعارضونى واتمنى لو احد صارت معه تجارب مشابهه يحكى هنا لان هالقضيه مازمتنى وتكررت معى ومو فاهمه ليه ابد!!!!!!!!!!! شكرا لكم |
اسأل الله لكِ السعادة في الدارين ..
نقل إلى مكانه المناسب . |
السلام عليكم ..
أنا معك أنه شيء يضايق جدا ... وفي الحقيقة كان أحد أسباب الرفض عندي ... وما زلت أرى أنه كذلك إذا لم يبرر هذا التأخير .. في حفظ الرحمن ،، |
ههههههههههههههههههه الباين كلنا نعاني من نفس المشكلهـ ،،، بصراحهـ انا ع دايم يتقدمون الاهل الاول ومايصير نصيب مع انهـ يصير قبول من ناحيهـ العيلتين ،،، بس لما أتقدم خطيبي في الأول جاء هو واختهـ وقابلته بحضور آخي كان أريح وأفضل وبعدها بأسبوع تقدموا العيلة ،،، وسبحان الله الشخص منا مايعرف وين خيرتهـ واسأل الله إن يكتبن لنا الخير ،،، |
هالشي يصير احيانا بسبب اهل الولد
يعني بعد ماشافو البنت مثلا تكون ماعجبتهم و يوصفونها بطريقه تخلي الولد مايتحمس, عشان كذا يبرد مع انه ممكن لو شافها تعجبه. هالشي مره يقهرني لان ذوق الاهل غير عن الولد . |
انا عشان هالشي صراحة ارفض انو تجي والدته واخته مثلا اولا
دايما كنت اطلب يجي الشب من اول مرة انا خطيبي لما تقدملي هو كان من اول زيارة وبعد يومين اتصل على بابا وكلمو بعدين طول الموضوع اسبوعين حسيت انو بارد بس لما انخطبنا قلي عن الي صار وكان في اسباب وظروف بس فعلا يمكن لما الام والاخت تشوف البنت ماتعجبها فتوصفها بطريقة خاطئة للولد وسبحان ربي يمكن ماتعجب الام والاخت بس تعجب الرجل عشان كذا افضل يكون موجود من البداية ماحدا يعرف وين نصيبه |
هو لا يعرفك بعد يا اختي الفاضلة ..
و ربما عندما يعرفك يكون حماسه كبيرا .. بعض الصبر و لا تتعجلي .. |
انا اشوف فيه فرق بين البرود والثقل او بالعامي ( الركاده ) .. يعني تخيل السيناريو ان اهلي يشوفون البنت ويجون يقولون لي وبعد بكره اتصل على ابو البنت ابي اجي مادري احسها عجله غير مبرره
|
عليكم السلام
طبعا تصير كثير و يمكن يرجع لك بعد اشهر او اسابيع بعد ما يكون استنفد البنات و البحث انا ارفض بعد الرؤية باسبوع .. لانني افسره بانه متردد و غير واثق |
رسيل اؤيدك بقوة وانا مثلك اعمل ولكن ماعرف اذ كان تصرفى غلط او صح!!!!!شكرا لك
|
ذات الهمه ,,,,والله معاناة ماعرف متى تنتهى الحمدالله بس وششكرا لمرورك والف مبروك الله يوفقك
|
تمانى صح ممكن كلامك لكن اذ كان العكس شافوك وعجبتيهم والولد مايقدم اى خطوة وشكرا لك
|
عاشقه الغالى حلوة طريقتك ومتفقين عليها بس مثلا لوهم ماعجبتهم او يبون الاول يشووفوك صعبه ترفضين هذا شى والثانى لو كان الشاب شافك اول وبعدين جت امه واخته ممكن ماتعجبيهم لاى سبب ولوصار نصيب يسببون مشاكل اذ كانو ناس سطحين وانتى تعرفين عقليه بعض الحريم وشكرا لك
|
رجل حليم ,,,احنا بمجتمع ضيق نوعا ومافى مجال لاى تعارف مسبق او انه يكتشفنى او اكتشفه عشان يكون حماس اولا وشكرا لك
|
شبيهادة مو حلوة السيل حسب كل شخص وتفكيرة بالنسبه لى حماسه بيحمسنى وفتروة بيفترنى وبكنسل السالفه وصحيح الرجه الزايدة موحلوة الوسط زين
|
شبيه السيل عفوا للخبصه الاملائيه ماعرف وجهه نظر لكن تختلف من شخص لاخر الوسط كويس
|
راح اجاوبك من واقع تجربتي الشخصيه
انا بصراحه بعد ماشفت صورتها وعمرها ( 27 سنه) كبير شوي مقارنة بعمري وبعد ما امي وخواتي ايضا شافوا صورتها ( لان اهلي في بلد واهلها في بلد ثاني) وامي وخواتي مامدحوا شكلها كثير. عندها مو صابني برود الا تجمد وعدم القدره على الحركه لازلت معجب في البنت لاخلاقها ودينها لكني لازلت متردد في التقدم لها ولازلت ابحث عن مخرج لهذه الازمه احيانا افكر بالانسحاب واحيانا !!!مدري...؟؟؟ |
المتهالك ,,,,اوكى انت فيه سبب وواضح انو شكليا ممكن ماقتنعت لكن فيه غيرك لا يكون مقتنع او معجبته بس تحس شى مبهم ممكن فكرة الزواج مو حماس لها طب ليه يدبس بنت الناس معه وانت نصيحه لك استخر ربى ولاتقدم على شى الا وانت مقتنع تمام حتى لو طولت لانو حرام هى مسكينه والله يكتب لنا ولك الخير وعموما الاخلاق والدين اهم من الجمال
|
الجمال جمال الروح
وربي اتزوج مدري مين بس يكون دمها حلو واسلوبها حلو انا بصراحة اذوب وبخصوص الثقل يقولون الثقل صنعه ويمكن يكون يبى يكنسل ويمكن خايف ومربوش |
أوووووووووووووووووووه
كلنا في الهوا سوا و انا أفكر ان هذا وضعي بروحي ههههههههههههه و الله وضعنا يضحك |
لا تستعجلوا ودقوا عليهم و قولولهم جاء لبنتنا خاطب تاني
اذا يبغوك بيجوا على طول |
انا متل عاشقة الغالي
انا خطيبي من اول زيارم كان موجود وبالسانه طلب يقعد معي وبس رجع اقد مع الكل قال عمي متى بتردولنا جواب وبصراحة حبيته من وقتها لانو ارتاح الي وحب القعده وصار نصيب مع اني عمري ما شفته بس لو النسوان لحالهم كان بدهم تفصيل وراحو حكوله عندها حبه مكان الفلان وتحت عيونها في منخار ولو شفت شعرها ناعم بس مو حلو ...........عشان هيك اكثر اهل النار نساء من الفتنه عادي حبيبتي النصيب لما يجي بيجي ركض بس طولي بالك وكل تاخيره فيها خيره |
الشعور المتخبط,,الله يرزقك ماتتمنى لكن الثقل شى والبرود شى ثانى وانا اتعقد ان البدايه حلو الانسان يكون حماسى وشارى وطبعا مولدرجه النشابه والازعاج لا بحدود والله يوفق
|
لبوة جموح,,,,,,,الله يعين عزيزتى وش نصلح بس الحمدالله على كل حال
|
روح الطير ,,,سى حتى وان كان نبيهم او موافقين عليهم احنا عندنا عزة نفس وكبرياء وانا بالذات مجرد ماحس شخص ما ابتعد او اى شى ماعندى تفهم اكنسل كل شى وحتى لو نفسى داخليا فيه وابين انو مايعنى لى بالرغم من انى ممكن اتعب لكن احس انى كرامتى ونفسى تعز على وشكرا لك
|
تمارا خليل,,الله يوفقك ويرزقنا مانتمنى ويحلها من عندة يارب وشكرا لك
|
آمين يارب .............شكرا
|
| الساعة الآن 04:01 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©