|
لازلت انتظر أن يتقدم لي
السلام عليكم .. ارجو وجود حل لمشكلتي .. انا احب واحد وقالي انه بيتزوجني وقالي قبل فترة بخليك تعرفيني اكثر واعرفك اكثر ووافقت وانا حبيته وهو حبني بس للحين انا ابيه يجي يخطبني وخايفة مايكون صادق مع العلم انه اكبر مني بكثير وارجوكم عطوني حل وش اسوي معاهـ؟؟؟!!! انتظر ردودكم تحياتي الإشراف : تم تعديل العنوان ليتناسب مع المضمون .. |
قوليله طيب؟
|
وش طيب ؟؟
انا ابي حل مو اي كلام لو سمحتم الي مايبي يقول شي لا يرد رجاءً |
اقتباس:
جزااتي رديت عليك؟؟ انا اقصد قوليله كلميه خليه يتقدم هذا اللي اقصده بغض النظر عن العلاقه المحرمه هداك الله واصلح شأنك |
نصيحه اختى ونصحت غيرك بها يعنى مجربه اتركيه وسكى السماعه وخليك جامدة معه وحازمه قولى تبينى حياك تدل البيت والطريق انا بنتظرك اما انى استمر بعلاقه مجهوله ومحرمه الى متى وانت واعدنى بكلام بس ابى فعل واسكرى واتحاملى على نفسك واصبرى والله اذ يحبك وشاريك ثقى تمام بيجى بيجى وان كان لاعب ومايحبك ماراح يجى وبكذا انتى كسبتى ماخسرتى كسبتى نفسك وشتبين بواحد يلعب عليك؟ جربى وشوفى النتيجه وبما انه كبير ممكن يتسلى فيك بكرة امه تخطبله ويجى يصدمك امى اخطبتلى بتزوج ولاتهمينه فانتبهى لحالك والله يكتبلك ولنا الخيرة
|
ممكن تعطيننا معلومات عنه ؟
كيف تعرفتِ عليه ؟ وما طريقة التواصل الآن بينكما؟ وهل تعرفين عنه كل شيء ؟ دينه , خلقه , عائلته , عمله , شكله , حالته ؟ |
اختي مافي اسهل من الكلام مو كل من قال احبك يعني صادق
واسهل شي عن الشباب انو يوعد البنات الشباب يتفاخرو بهالشي قدام بعض اختي ابتعدي عنه وقوليله لو انت فعلا تبغاني تعرف ايش الطريقة الي لازم تسويها الله يوفقك ويسعدك |
انا بس ودي أعرف انتي من وين ؟ عشان اقدر اجاوبك ...
لانها مو سهلة بنت تكلم رجل في مواضيع الحب !!! ويتواعدون على الزواج كمان !! ياليت تجاوبين على اسئلة الموحد عشان تتضح الصورة اكثر |
ما رح يجي
اتركيه وعيشي حياتك |
شوفو هو اكثر من مره طلب مني اشوفه بس انا رفضت قلتله اذا تبيني تعال البيت وكلم ابوي بس اشوفك برى لا ما اسمح لنفسي اني اقابلك برا انا صح احبك بس مو مجبورة اشوفك برا
|
اذا هو مقتنع فيك وش اللي مانعه مايتقدم لك بشكل رسمي؟؟؟؟؟
|
ممكن تعطيننا معلومات عنه ؟ كيف تعرفتِ عليه ؟ وما طريقة التواصل الآن بينكما؟ وهل تعرفين عنه كل شيء ؟ دينه , خلقه , عائلته , عمله , شكله , حالته ؟ طريقه التواصل الجوال + المسن اعرف انه من الرياض واعرف اسمه واسم عائلته اعرف انه متزوج بس مايحب زوجتة عشان كذا يبي يتزوج بـ آخرى مسلم ولله الحمد - عمله عنده مكتب خاص فيه - شكله ماشفته - حالته الماديه مرتاح |
أختي لاتفكرين فيه كثير ولاتجعلينه حلم حياتك,يفكر يقابلك برا؟؟؟؟,شكله والله أعلم يتسلى,,
أختي لا تعطينه مجال أكبر للكلام وياك,بالمختصر المفيد خليه يطرق البيوت من أبوابها,, والله يوفقك.. |
شكرا لك اخ تعاندني وجزاك الله خير
مازلت انتظر ردودكم |
من البدايه الطريقة بالتعارف غلط ايش متوقعة يااختي؟!
الله يجيبلك الي فيه الخير |
ماذا تتوقعين نهاية العلاقة .. ما دام بدايتها غلط ..
صحيحي يا بنت الأجاويد .. الرجل اذا أحب فتاة حب شريف حقيقي طار لبيتها وطلبها بالحلال مو يماطلها .. لا تكوني رخيصة ..ودعك منه |
سؤال لك اختي
انتي متاكده انك تحبينه ؟؟ تعرفي ايش هي علامات الحب !! لو انتي تحبينه فعلا ً تقدري تصارحي اهلك بهذا الشي لو هو يحبك فعلا ً هل يقدر يصارح اهله بهذا الشي لو تحبينه فعلا ً تقدري تخرجي معاه في اي مكان نصيحتي لك انتبهي وحافظي على نفسك ,, لا تجرك مشاعرك ولا تكوني اضحوكه له لو فعلا ً يحبك كان على الاقل كلم احد من اهلك اما اذا ما يقدر .... انتي بكيفك وتعرفي مصلحتك الله يوفقك اختي ^_^ |
بغظ النظر عن الغلط الكبير اللي تسوين
انتي ترضين ان تتزوجي واحد متزوج،،،واذا ما يحب زوجته شو ضمنك انه راح يطلقها اتعرفين شو؟؟؟واسمحيلي اختي على الكلام القاسي شكله يتسلى بيك تعرفين ليش لانه متزوج هو مستقر وعنده زوجه حتى اذا مايحبها ،،،يعني ضامن نفسه اما انتي فيتسلى بيك وخاصة انه طلب يشوفك من ورا اهلك يعني لو هو صادق ما راح اتقدم ويشوفك شوفه شرعيه شكلك واعيه لانك انتي رفضتي اتخلينه يشوفك بس بعد مسويه غلط كبير و محرم يعني شو ذنب زوجته المسكينه اللي في البيت حسيتي فيها ولا لأ نصيحتي اتصرين انه يتقدم رسمي واذا اتماطل فتركيه |
اقتباس:
الآن بعد التعارف,وانتهاء الأمر اقطعي علاقتك به فوراً مادام عرض عليك الزواج فلماذا لا يتقدم الآن ؟ إن كان صادقاً فليأتِ البيوت من أبوابها قولي له : أنت صادق تقدم إلى بيت أهلي واخطبني ثم سيسأل عنك وتسألين عن خلقه وعن تعامله وتعرفين ظروفه أكثر وهنا لك أن ترفضي أو توافقي أما أن يعدك بالزواج ومعلوماتك عنه بسيطة من وراء الجوال والنت ؟ نصيحتي لك يا أختاه لا تثقي مباشرة بشخص بينك ليس بينك وبينه إلا النت والجوال فإن كان صادقاً فسيأتِي لك وإن كان غير صادق فقد كفاك الله شره وريحك منه , أنتِ إنسانة ولديك مشاعر وأحاسيس فلا تسمحي له بأن يضيقها عليكِ وأنا أنصحك ألا تتعلقي بخيط كخيط العنكبوت بل أهون ... أنت الآن تعلقتِ به ولا تعلمين صدقه من كذبه وتخشين ألا يأتيك فيخطبك , فلا تفتحي على نفسك باب الهموم والغموم وفقك الله |
كم لكما متعارفان يا أختي؟
|
أختنا المحترمة
انت طلبتي المساعدة من أخوانك وانا متأكد أنك مقتنعة أن الابتعاد عنه هو الاصلح ولكن العاطفة قادتك للاستمرار معه أجيبك بكل أختصار أقطعي علاقتك معه ولا تفكري به ولا تتعبي نفسك وأعصابك وحافظي عن ثقة أهلك بك والسلام عليكم |
اختي الفاضله اقطعي علاقتك معه لانه هو بيتسلي وبيضحك عليكي ولو عايز يتجوزك كان اتقدم فورا ربنا يهديكي للصح وفعل الصواب |
اقتباس:
كما تدين تدان.. إبتعدي فورا واستغفري ربك... |
اقتباس:
اقتباس:
اقتباس:
اختي الفاضله انا اوافق هذه الاقوال تماما! اقرأيهم عدة مرات... الله يزوجك بابن الحلال و يبعد عنك ابن الحرام |
حبيبتي اولا استغفري ربك هذي علاقة محرمة وما بني على باطل فهو باطل.. و بعدين كانه من نصيبك راح يجي مع الباب
واذا كان مو من نصيبك فهو شر صرف عنك وصدقيني لوه رجال كلم ابوك |
ابن المكلا احلف؟؟ قال اطلع معاه قال ليه بايعه نفسي ايه احبه بس بحدود مو معناته احبه اطلع معاه اي مكان وين عايشين احنا ؟
|
طيب شكرا لنصايحكم وماقصرتم ويعطيكم العافيه وفعلا في ردود اعجبتني
بس انا بمشي معاه لاخر الطريق واشوف نهايته ياما يجي يخطبني ولا كل واحد بحال سبيله والله يوفق الجميع |
إلى متى الغفلة يابنااااااتنا المسلمات ؟؟؟؟
مشايخنا وعلمائنا تعبوا وهم يوضحون الحكم ومختصينا وعقلائنا تعبوا من كثر ما يبصرون البنااااات حبيبتي إستمري عاااادي بس لا تنسين الموت إذا ضمنتي إنك بتعيشين إلين تعرفين غرضه الحقيقي وااااصلي علاقتك معه الله يعين أهاليكم عليكم وعلى بلاويكم... |
اقتباس:
لكنها توهم نفسها وتوهمنـا بأنه قـد يتـقدم حتى تـتـمتـع بمشاعر الحب الفياضة ولو لفترة قصيره اكثر البنات اللاتي يقـمن علاقات يعلمن جيدا بندرة فرص الارتباط لكن يستمرون ارضاءا لانوثتهم المتعطشه للعواطف الرومانسية الملتهبة ولايجاد الدعم النفسي من كلمات الحب من الطرف الآخر هي وقعت في حفره ، وكل يوم تبقى فيها تكتشف انها ازادت حجما وغزارة فالتخرج منها باسرع وقت قبل ان تنهدم عليها وتـقبـر فيها |
اقتباس:
ماذا تنتظرين؟؟؟؟ هل ستضيعى سنين عمرك وحياتك على امل انه سيأتى فى يوم من الايام؟ وراح تمشى معاه الى اخر الطريق الى متى؟ بعد سنة ام سنتين ؟ هى كلمة راح تقوليها اذا تريد الزواج اطلبنى من اهلى لا ارى فائدة من المماطلة فى الموضوع وانتى تعلمين جيدا انه يضيع وقته ويتسلى بك واحتمال انه يتقدم لكى احتمال ضعيف ولذلك انتى تسألى هنا فى المنتدى اتمنى ان ينير الله بصيرتك الله يوفقك |
طالبة الكيمياء
رددي يالييييييييييييييييييييييييييييل مطوووووووووووووووووولك مع احترامتي لك مصدقه انه بيجيك وبيخطبك اول سؤال ب يسئلونه اهلك من وين عرفنا وكيف عرفو ان عندنا بنت اسمها كذا وثاني شي حرااااااااااااااام الي تسوينه ولاتنسين ان الله يمهل ولا يهمل ولاتنسين اختي نصيبك جاي جاي من الله بمشيئة المولا وبقولك شي اختي اي رجال تعرف على بنت في المسن ولا جوال مستحييييييل يتزوجها تدرين ليش لو تجين تسئلينه بيقول لو فيها خير كانت ماخانت ربها ثم اهلها <<<<<<<<<<< من كلامي هذا اتمنى تفهمين تفكير لحوووج الي زي كذا مع احترماتي للجميع اخوكم فهد |
صدقيني يضحك عليكي
لاتكلمينه ارسليله مسج وقوليله ازا بدك تتزوجني وصادق تعرف بيتنا وين . . وباي لا تأملين كثير لأنه بنسبة 90% مابيجي . . لأني أعرف كثير كذا للأسف نصيحة أخ محب اتركييييه ولاتكلمينه مررررة |
اقتباس:
كثير أحسنوا النية مثلك وآخرتها جاتهم حالة نفسية بترك أحباءهم لهم ويمكن بعد مايحطونهم بمصيبة المهم . . منتي صغيرة وتعرفين مصلحتك وتعرفين الحلال من الحرام لاتتعلقين فيه وربي تتعذبين ترى اولها دلع وآخرها ولع الله يهديك ويوفقك بعدين متزوج وش تبين فيه وانتي باين عليك صغيرة اصبري ويجيك رزقك واحد اكبر منك ومتزوج وبيجي يتزوجك ويخرب بيته لا وبيتزوج وحدة عرفها نت يعني لو بيجلس معاها ع طول مابيكون واثق فيها فـ ماباك لما يوزع نفسه بينها وين غيرها اسمحيلي . . بس تراه كذاب ويغشك انا شاب وأعيش وسط الشباب واعرف وضعهم وتفكيرهم لاتقولين هذا متغير وخري عنه واتلاكيه لو انه صادق بيجي لأبوك ويخطبك جربي صدقه . . طنشيه وجربي وشش خسرانه !! |
كما تدين تدان
والكأس اللي نشربه غيرنا مصيرنا يوم نشربه مثل ما خان زوجته..راح يخونك انتي ماشاء الله بيترك زوجته وقال لك انه مايحبها ويبي انتي وهو ماشاء الله بسم الله عليه حتى ما شافك ولا درى عن هوا دارك اجزم لك بالعشره انه ما راح يتقدم...هو بس يتسلى دامه متزوج اتركيه لله في الله عشان زوجته .. مسكينه والله هي اللي تنرحم..هالرجال ذيابه اعرف وحده كانت بالجامعه حبت واحد..بالجوال طبعا...قال لها بخطبك..ومن هالكلام الغبي وهي يااالله ... مع الخيل ياشقرا. قال لها بخطبك..وصرح لها انه متزوج لكن مو مرتاح مع زوجته ويبيها هي.. والبنات بالقاعه ينصحونها لكن ياااابسه بقرارها ويقولون لها حرام عليك الرجال متزوج وش ذنب زوجته تقول لا هو يحبني مره هو غير ( هو غير ) ( كل البنات يقولونها ) المهم بعد 6 شهور يسألونها البنات ها تقدم لك تقول لااا لسـا...وقاموا ينصحونها وكذا بعد تقريبا 5 شهور او 4 تقريبا.. غابت البنت شهر كامل..نتصل بجوالها مغلق والبيت مااحد يرد انتهى السمستر وبدت الدراسه وغابت اول يومين وجات عقبها انسانه ثانيه كأن عمرها 70 سنه مو ذيك الانسانه الضحوكه الصغيره الشامخه وش سوى اللي ماينتسمى لا تزوجها ولا شي اتصل على اهلها قال ربو بنتكم اللي تبي تخرب بيتي ليش لأنه زوجته اكتشفته وهو يكلم..وشافت المسجات والوعود وطلبت الطلاق...وارسلت للبنت دعاوي يهتز لها الجماد وهو انهبل طار عقله من مكانه.... عشان زوجته خذت عياله وعلى بيت اهلها طالبه الطلاق وفعلا طلقها تحت ضغط من اخوانها...عافوووه الخاين والحين مسكينه البنت معها ورم حميد الحمدلله وتم استأصاله .. عشان كذا يا حبيبتي ابعدي عن هالامور خاصة ان متزوج لا تهدمين حياته تحصلين زوجته مسكينه مو مقصره معه وقايمه به قوم ولكن بعض الرجال مايعجبهم العجب... حسبي الله ونعم الوكيل انا عني لو متزوجه واعرف بس ان وحده تبي تاخذ زوجي مني ادعي عليها الله يرد كيدها في نحرها بكره تتزوجين وتحسين بغيرة الزوجه يالغاليه ويمكن كلامي قاسي لكنا نبي مصلحتك |
نصيحة من الاخـــــــر ضلك ادعي خلال صلاتك (اللهم ان لم يكن فلان نصيبي اللهم فنزع محبته من قلبي) و انا بدعيلك الله يزرع بقلبك محبة الشخص يلي رح يكون نصيبك و رجاء مني انك تفكر بزوجته و تحطي حالك مكانها و الله حرام :( |
كيف تستطيعين اقناع نفسك بالحب وانكي تحبينه وهو يحبك بدون ما تشوفينه ولا يشوفك
هذي كلها اوهام باوهام وهل انتي مقتنعه ان صادق معك من ناحيه ظروفه الماديه وهو متزوج ام لا بعض الشباب هداهم الله يوهمون البنات بانهم متزوج لكي يماطل بالعلاقه والتاخير الى الى ياخذ مطلبه طريقتك واسلوبك غلط فكيف تبدين حياتك على غلط اذا كنتي مكان زوجته هل ترظين بالخيانه اذا كان متزوج طبعا |
اختي شوفي انا مثلك لدي علاقة مع فتاة انااحبها و هي تحبني و لكن لم نتقابل و لم اطلب ذلك و انا ان شاء الله راح اتزوجها
بالنسبة اليكي اختي انا اقولك من مخبرتي انه الرجال متزوج و ما يبي زوجته اولى و يبيكي انتي و هو يبغى يقابلك فانا اقولك و كلي ثقة بكلامي اقطعي علاقتك معاه لانه رجال حاب يلعب معاك ياخذ منكي مبتغاه ثم راح يرميكي فانا انصحك ان تقطعي علاقتك معاه |
اختي الكريمة ،،
موضوعك ليس بالجديد علينا في هذا المنتدى فكل كم يوم تأتينا اخت جديدة بنفس المشكلة ، و لا ابالغ ان قلت انه مرت علي منذ تسجيلي في هذا المنتدى مئات الحالات المشابهة ، و لم ارى اي حالة لشاب يقول اني تعرفت على فتاة في الشات او الفيس بوك و اريد ان اتزوجها ، و ان وجدت مثل هذه الحالات فهي نادرة جدا !! النصيحة الدائمة و المكررة لمن هي في مثل حالتك هي مطالبة الطرف الآخر بالتقدم رسميا و قطع جميع وسائل الاتصال به نهائيا فان تقدم فهو جاد ، و ان لم يتقدم ( و هذا ما يحصل في الغالب ) فهو لعوب مخادع !! هذا لمن ترير الحلال و الستر ، اما من تريد العلاقات المحرمة فالله حسيبها و لا حلول لها لدينا الا ان ندعوا لها بالهداية و نذكرها بعظم ما تعمل و نحذرها من الفضيحة في الدنيا قبل الآخرة !! لا ادري الى متى تستمر الفتيات في الوقوع في نفس الفخ ، الا يعتبرن ممن قبلهن |
اقتباس:
لا ازيد على كلام الأخوة والأخوات لاحول ولاقوة ألا بالله الله يهديك ياااارب ويصلحك ويبعدك عن هذا الطريق الى متى تنتظرين يالغاليه ؟؟؟؟؟ تهون الحياة وكل يهون ,,,,ولكن اسلامنا لايهون |
أختي الأخوة هنآ ماقصروا وهذولي اللي يبولك الخير والله وقاعدين يعطونك حبل النجآة بس انتي مستمرة بآلغلط !
الحين سبحآن الله كل الأزواج اللي يكلمون داااايم يآ حرااام زوجاتهم مايهتمون فيهم او مايحبه بس مخليهآ شفقة وتلقين المسكينة تدور رضاه بيدينها ورجولهآ ! أصحي حبيبتي قبل ماتطيح الفأس بالراس واعتبري بغيرك لاتصيرين عبره لغيرك !!! بسألك فكرتي بربك اللي يراقبك ويسمعك ويراك وساتر عليك ومكملك بعقلك والا كان طلعتي معاه لكن اذكرك الله يمهل ولآ يهمل ! فكرتي بزوجته الضعيفة وهي تشوف زوجهآ يخونها وهي مغلوبه على أمرها ومآلها سسلآح الآ سهآم الليل فأحذري أن يصيبك السسهم !!! فكرتي بأهلك الى واثقين فيك وانتي تخونين ثقتهم غيرك تلسعهآ نيرآن الشك وهي حافظه نفسها وانتي بنعمه ماحفظتيها فأحذرك يجيك يوم تشوفي الوجه الثاني لأهلك تخيلي هذا الحبيب المزعوم يرسل لأهلك مقاطع مسجله بصوتك ! تخيلي انك تحت ضعط التهديد اجبرك تطلعين معاه وحدثت الكآرثه سآعتها وش يفيدك الندم ! وفيه نقطه بما انه يحادثك عآلمسن انتبهي يكون لك صور عالجهآز ! اخيرا اختي : اخرجي من هالغلط بأقل الخساير الممكنة ! |
| الساعة الآن 05:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©